Er að undrast?

Hverjir ráku gyðinga úr löndum sínum? Það voru múslimir, Yemen, Túnis, Líbía, Egyptaland o.f.l.
Hverjir hafa háð nokkur útrýmingarstríð gegn Ísrael? Egyptaland, Palestínu Arabar, Sýrlendingar, Jórdanir o.fl
Hvaðan hafa þeir komið sem fluttu sprengjur innanklæða og sprengdu upp strætisvagna og verslanir í Ísrael? Frá Palestínumönnum.
Hverjir komu Hamas til valda? Palestínumenn.
Er að undra að gyðingum finnsit Alþingi Íslendinga vega að ríki þeirra og öryggi með samþykkt um stofnun Palestínuríkis? Hún kemur svona skilyrðislaus frá vinstrimönnum landsins? Vitandi það að undanfarin 60 ár og lengur ef út í það er farið, hafa Arabar kynt undir með fjandskap, átökum og hatursáróðri.
Mér þótti merkilegt að heyra hana Amal minnast á löngun Arabakonunnar að börnin hennar fái að njóta menntunar og skólagöngu. Ég deili þeirri draumsýn með henni. Sjálfur styrki ég skóla Vonarinnar í Beit Jala til að palestínsk ungmenni geti fengið menntun til framfara og friðar. En palestínufjölskyldurnar hafa kosið Hamas til valda. Hamas hefur ekki hvatt unga æsku til mennta heldur stríðs. Þeir launa unglingana til að grafa göng og æfa hernað gegn Ísrael. Þeir hindra skólagöngu barna í Sderot.
Arabarnir verða fyrst að vilja friðsama framtíð til að menntunin gagnist þeim. Þeir verða að vilja friðsamlegt samneyti við gyðinga til að ríki þeirra fái staðist. En það er þeirra vandamál auðvitað og Íslendingar ættu að stuðla að friði í Mið-Austurlöndum og ekki á kostnað gyðinganna í Ísrael.
En hvað mun þessi ályktun kosta Ísland? Nú hefur alþingi kallað yfir okkur ill viðbrögð. Í hinni helgu bók, Biblíunni er sagt að þær þjóðir sem verða leiddar á Ísraelsfjöll til dóms hafa gert sig seka um að "þeir hafa skipt sundur landi mínu" (Jóel 3:7) Við erum komin öfugu megin, stigið frá vernd í bölvun.
Er það ekki merkilegt hve margar stórar ákvarðanirAlþingis undanfarinna ára hafa verið í algerri andstöðu við Biblíuna og kristin sjónarmið? Hver er útkoman? Unga fólkið flýr land, fjárhagur þjóðarinnar rýr, byggingar ekki reistar, sementsframleiðsla að stöðvast..... ég hætti núna, en allt vegna þess að við höfum hafnað Biblíunni og erum að gerast harðir andstæðingar Kristinna gilda.
Svo vill Ögmundur ekki skipta Íslandi milli Kína og okkar og þó var Núbó ekki með neinar sprengjur eða Qassam skeyti í fórum sínum. Hann vildi aðeins fá 0,3% af landi okkar! En land gyðinga má tæta sundur og afhenda byssumönnum og eldflaugaskyttum án skilyrða. Þarna opinberaðist tvöfeldni Ögmundar til landaskiptinga.
Þessi ákvörðun var mikið óheillaspor fyrir Ísland. Ég held að við höfum farið alvarlega úr liði.
Guð þarf að senda vinstrimennina í eyðimerkurgöngu svo hægt verði að laga þessa alvarlegu vinstrivillu!
Snorri í Betel

Heit umræða um ályktun

Athugasemdir

[Óskar, 30.11.2011 kl. 01:59]

Sorglegt að sjá trúaða, sem þykjast bera umburðuarlindi og kærleika í brjósti verja áratuga kúgun og ofbeldi ísraels gagnvart palestínumönnum.  Ég held að menn sem verja svona viðbjóð, óteljandi fjöldamorð á saklausu fólki, stöðugt rán á landi, eyðileggingu sjúkrahúsa, leikskóla og guð má vita hvað- ég held að svona fólk hafi hjarta úr grjóti.  --svo réttlætið þið þetta með því að Hamas hafi verið kosið til valda.  Er það skrítið?  Kúgun í áratugi leiðir einfaldlega af sér að fólk gefst upp og velur síðasta hálmstráið.  Nú nota ísraelar það sem afsökun fyrir að neita að semja um frið að Hamas er enn við völd að hluta til. Ísraelar finna alltaf einhverja afsökun fyrir að semja EKKI frið.  Þeir vilja ekki frið og hafa aldrei viljað.  Nú halda þeir eftir skattfé Palestínumanna sem þeir innheimta, stela því líka eins og öllu öðru. 

[Þorsteinn Sch Thorsteinsson (IP-tala skráð) 30.11.2011 kl. 02:18]

Það var greinilega í góðu lagi að stofna Ísraelsríki á kostnað Palestínumanna,  og síðan finnst þeim það í góðu lagi að Ísraelsmenn hafi þessi yfirráð yfir Palestínumönnum á öllum herteknu svæðunum, en það að veita Palestínumönnum sjálfstæði finnst þér hérna of mikið.

[Jón Valur Jensson, 30.11.2011 kl. 03:50]

Góður Snorri ! (Nubo–Ögmundar-innskotið hefði þó mátt missa sig).

Og þakka þér fyrir síðast, bróðir í Kristi.

[Geir Magnússon, 30.11.2011 kl. 08:35]

Þetta er nú ekki eins einfalt og höfundur vill láta. Ekki má gleyma því að Palestínumenn áttu allt það land sem gyðingar tóku bótalaust. Ekki nóg með það, heldur hefur Ísrael stolið löndum Palestínumanna alla tíð síðan og hagað sér eins og Gestapó við fátæka bændur á Vesturbakkanum.

[Hjálmtýr V Heiðdal, 30.11.2011 kl. 15:05]

Forystumenn Síonistahreyfingarinnar voru ekki trúræknir gyðingar, þvert á móti þá voru þeir veraldlega þenkjandi og margir þeirra aðhylltust sósíaliskar hugmyndir. Þrátt fyrir trúleysið notuðu síonistarnir sér trúarritin sem grundvöll hugmyndanna um landlausa og útlæga gyðingaþjóðina. David Ben-Gurion, leiðtogi síonista í áratugi, lýsti því yfir 1936 í viðræðum við bresku nýlenduherrana, að réttur gyðinga til Palestínu „er skráður í Biblíunni“ („the Bible is our Mandate“)

Í goðsögnum Biblíunnar er sagt frá gjöf guðsins til gyðinganna. Gjöfin var land annarra þjóða (Kananíta ofl.) sem voru reknar burt með morðum og báli.

Þannig töldu Evrópumenn, sem trúðu ekki á guðinn gjöfula, sig eiga landið sem sami guð gaf ímynduðum forfeðrum þeirra og hófu, líkt og í lýsingu Gamla testamentisins, að reka burt þjóðina (Palestínumenn) sem fyrir var með morðum og báli.

[Vilhjálmur Árnason, 30.11.2011 kl. 17:28]

Sæll Snorri.

Ég heilsa þér með kærleika og frið í hjarta. Þar sem ég er mikill áhugamaður um biblíuna og það sem Jesú sagði og jafnvel suma spádóma þá fæ ég ekki orða bundist af áhuga og ég vona að þú takir þessu ekki sem árás heldur aðhaldi. Nokkrar túlkanir á texta biblíunnar hafa komið upp í huga mér undanfarin ár.

Að mínu mati er (þú) Snorri hér að nota spádóma um endadagana til þess að styðja mál sitt. Ég er ekki sammála þessari túlkun og hvernig hann notar hana. Jóel er að tala um Jósafatsdal sem er

HóseaKidrondalurinn er aðgengilegur eftir göngustíg 200 m sunnan Maríugrafarinnar. Dalurinn heitir Wadi Sitti Marjam á arabísku. Hann er ranglega nefndur Jósafatsdalur á einum stað í gamla testamentinu (Jóel 3, 7) á 4. öld e.Kr. Hann var álitinn staður hins æðsta dóms á forkristilegum tímum og þess vegna grófu bæði gyðingar og múslimar sína látnu þar, hinir fyrrnefndu í austurhlíðum Musterisfjallsins og hinir síðarnefndu í vesturhlíðum Olíufjallsins. Þarna vex mikið af kristþyrni (paliurus spina Christi), sem þyrnikóróna Krists hefur vafalítið verið fléttuð úr.

Ef ég væri leiðtogi í hvítasunnukirkjunni þá mundi ég gæta mín á að túlka spádóma á þennan hátt og taka þá úr samhengi. Það er eitt að vera ekki sammála hlutum sem gerast í stjórnmálum en annað að reyna að nota biblíuna á þennan hátt. Mig langar að benda þér Snorri á það sem á undan fer í þessum textum. Þá er ákæran á hendur Ísraelsmönnum. í Hósea.

Þú gætir verið að kalla yfir þig bölvun sjálfur ef þú ferð ekki varlega. Reyndar segir þú varlega að þú HALDIR að við höfum farið vitlausu megin við línuna.

Hósea

Ákærur og afturhvarf

Ákæra á hendur Ísrael

1

Hlýðið á orð Drottins, Ísraelsmenn,

því að Drottinn ákærir íbúa landsins

þar sem í landinu er engin trúfesti, kærleikur né þekking á Guði.

2

Meinsæri, svik, morð, þjófnaður og hórdómur breiðist út

og blóðbað fylgir blóðbaði.

3

Þess vegna skrælnar landið

og allir íbúar þess visna

ásamt dýrum merkurinnar og fuglum himinsins,

meira að segja fiskum hafsins verður svipt burt.

Ákæra gegn prestum

4

Nei, enginn skal ákæra

og enginn áminna,

heldur mun ég sjálfur ákæra þig, prestur,

5

og þú munt hrasa um hábjartan dag.

og svo

Fyrirheit um náð Guðs

1Fjöldi Ísraelsmanna verður sem sandkorn á sjávarströnd

sem hvorki verða mæld né talin.

Í stað þess að sagt er við þá: „Þér eruð ekki þjóð mín,“

verða þeir nefndir „Synir hins lifandi Guðs“.

2Júdamenn og Ísraelsmenn munu sameinast

og taka sér einn leiðtoga

og snúa heim frá landinu

því að mikill er dagur Jesreel.

3Segið við bræður yðar: „Þér eruð lýður minn“

og við systur yðar: „Yður er miskunnað“.

Spádómin um Zion er að finna í texta Hljómsveitarinnar Hjálmar. Lagið heitir Borgin. Textinn er um uppfyllingu spádómsinns um Zion. Með áherslu á kærleikann en ekki fortíðar baráttu milli veraldlegra kónga og smákónga. Zion er andlegt ríki ekki veraldlegt.

Eigum við ekki bara að sameina vinstri menn og hægri men í kærleika í stað þess að hlusta á úlfúð Davíðs og fleiri. Það þýðir allavegana ekki að hræða mig með svona endadagsmáli. Þekking mín á biblíunni er meiri en svo að ég leyfi öðrum segja mér hvað standi þarna og gleypi ekki allt þurt sem sagt er á þennan hátt.

Með von um kærleiksrík og fræðandi svör og umræðu.

[Snorri Óskarsson, 1.12.2011 kl. 11:16]

Óskar

Þú talar eins og áttavilltur vinstri maður. Viðbjóðurinn liggur í illverkum Arafats og hans kumpána.

Hafa skal það sem sannara reynist, mundu!

[Snorri Óskarsson, 1.12.2011 kl. 11:21]

Þorsteinn

Bretar gáfu gyðingum og Bedúinum TransJordaníu til að stofna sameiginlegt ríki. Þannig eiga gyðingar einnig lögmæta kröfu í Jórdaníu. Núna er enn eina ferðina verið að sneiða af gjafalandi Breta til gyðinga. Palestínumenn eiga þegar sitt ríki.Var Jasser Arafat Palestínumaður? Hann var ráðherra í Jórdaníu, hjá Hússein konungi. Þess vegna er Palestínuríkið Jórdanía.

[Snorri Óskarsson, 1.12.2011 kl. 11:32]

Geir

1860 fór Mark Twain um Ísrael og hafði orð á stóru mannlausu auðnunum. Þá réðu Tyrkir yfir landinu. 1918 sagði Hussein  faðir konunga Sauda að landið hefði ekkii meiri tök á íbúum Palestínu en þau að þeir yfirgefa fósturjörðina og setjast annarsstaðar að. Palestínumenn yfirgáfu !!  Þeir sem ekki yfirgáfu og urðu eftir  eru ríkisborgarar í Ísrael og hafa það nokkuð gott. Flóttamennirnir hlýddu á áróður Araba og ætluði ekki að vera fyrir útrýmingarherjum þeirra. 

[Snorri Óskarsson, 1.12.2011 kl. 11:44]

Hjálmtýr

Það sem þú leggur hér fram er sögufölsun. Gyðingar keyptu landið.Fengu annað gefins frá Bretum og það hét þá Trans-Jórdanía. Palestínumenn hfa aldrei átt ríki heldur voru hluti Tyrkjaveldis svo eitthvað sé nefnt.

[Jón Valur Jensson, 1.12.2011 kl. 11:57]

"Ekki má gleyma því að Palestínumenn áttu allt það land sem gyðingar tóku bótalaust," skrifar Geir Magnússon. Greinilega er honum ókunnugt um, að landeigendurnir voru flestir Tyrkir búsettir í Tyrklandi. Ísraelsmenn keyptu mikið af því landi. Sumir Palestínumenn héldu áfram í Ísrael eftir 1948, m.a. við búskap, en aðrir flúðu (mest að hvatningu eigin leiðtoga, sem sjálfir tóku þátt í 5 þjóða stríði gegn hinu nýfædda Ísrael), en nú vill Össur að afkomendur þeirra (63 árum seinna!) fái að "hverfa aftur til fyrri heimkynna"! Samt eru þeir meðal Jórdana o.fl. þjóða, sem tala allir sömu tunguna og þeir.

Það var Jórdanía sem neitaði þessu fólki um ríkisfang – samt var Landinu helga skipt upp af Bretum í Transjórdaníu (Jórdaníu) og Ísrael. Seinna (1947) fengu svo Palestínumenn boð SÞ um að fá að stofna ríki vestan árinnar Jórdan, um leið og stofnað var til ríkis Ísraelsmanna, en þessu boði HÖFNUÐU Palestínumenn, enda voru þeir varla búnir að venjast því, að þeir væru einhver sérstök þjóð; leiðtogar þeirra litu frekar á þetta svæði sem eðlilegan hluta af Sýrlandi, enda sömu trúar og fólk þar og mælandi sömu tungu.

Komin er niðurstaða úr skoðanakönnun á vef Útvarps Sögu, sem staðið hefur yfir frá hádegi í gær. Spurt var: "Ert þú sammála ákvörðun Alþingis um að viðurkenna fullveldi og sjálfstæði Palestínu?" – 656 tóku þátt. 4,44% voru hlutlausir, já sögðu 28,94%, en NEI sögðu 66,62%, sem sagt: tveir þriðju voru andvígir þessu frumhlaupi Össurar og Alþingis!

[Hjálmtýr V Heiðdal, 1.12.2011 kl. 13:14]

Sæll Snorri

Bretar áttu ekki landið frekar en aðrar nýlenduþjóðir hvarvetna. Það er ótrúlegt að sjá Íslending halda þessu fram. Gyðingar æattu ekki nema 6% landsins 1947 - allt hitt er stolið síðan. Síonistar eru ekki trúarhópur og ekki afkomendur neinna sérstakra hópa eða þjóða. Allt tal um það er blekking. Það voru síonistar sem náðu að ljúga sig áfram gegnum Balfour-yfirlýsinguna og svo samþykkt SÞ 1947. Og nú situr heimsbyggðin með afleiðingar þessara misgjörða.

Það sem þú hefur skrifað á þínu bloggi sýnir að þú ert haldinn kynþáttahyggju og styður nýlendukúgun. Og sækir alla sannfæringu í gamlar bækur.

[Snorri Óskarsson, 1.12.2011 kl. 22:44]

Hjálmtýr

Tyrkir "áttu" landið frá 1518 til 1917. Þeir misstu landið á dögum Arabíu-Lórenz. Þannig eignuðust Bretar land og lýð. Þannig er háttað með sigurvegara í stríði bæði skv. gömlum og nýjum bókum. um Evrópu alla eru gömul og ný landamæri sem sanna mitt mál.

Skv. Tyrkjalögum (og lögum Araba) er eiðimörkin einskis manns land. Sá sem hefur ræktun hennar á það landsvæði. Í útrýmingarstíðum Araba flúðu Palestínumenn (sjá tilv. frá Jóni Val hér að ofan). Þarf að segja meira?

Í dag eru Palestínumenn leiksoppar yfirvaldanna til að vinna gegn Ísrael. Þeir sem hafa tjáð sig um málin og virt gyðingana eru ekki vel séðir í Palestínuhópnum. Hér er ekki um kynþáttahuggju né nýlendukúgun að ræða frá gyðingum né mér. Það er önnur hlið á málinu sem kallast heimsvaldahyggja Islamista. Hana ertu að sjá í Austur-London, Danmörku, París eða um alla Evrópu og hún er kjarnaatriðið í hatri Araba gegn Ísrael.

[Hjálmtýr V Heiðdal, 2.12.2011 kl. 15:15]

Það er ágætt Snorri að þú kortleggur þíg svona vel. Fyndið að þú skulir vera uppi á vorum dögum - með svona úreltar hugmyndir. En hver hefur sinn djöful að draga - þinn er stór og þungur.

[Snorri Óskarsson, 3.12.2011 kl. 13:12]

Vilhjálmur.

Skýring mín á því að herma orðin í Jóel 3 uppá nútímann er vegna þess að sagt er: "Á þeim dögum og í þann tíð er ég sný við högum Júda og Jerúsalem..." v.6b

Högum Júda og Jerúsalem var snúið við um miðja síðustu öld (1948) og þess vegna á orðið og spádómurinn við nútímann.

Hluti af þessum spádómi er ókyrrð meðal þjóðanna "í kring" og eins og menn sjá er mikil ókyrrð komin yfir Sýrland, Líbanon, Jórdaníu, Egyptaland, Líbíu og Túnis. Lengra þarf ég ekki að fara - en þessi ófriðaralda mun leiða þjóðirnar í Jósafatsdal (sem þýðir: Drottinn dæmir). Staðsetning dalsins er ekki kjarnaatriðið heldur merking orðsins. við erum að ganga inní tímabil uppkvaðningar dóms yfir ranglæti þjóðanna gagnvart afkomendum Abrahams, fólki bókarinnar.

Það að Ísland skuli hafa gert þá ályktun að stofna Palestínuríki innan Ísraels er auðvitað samþykki fyrir því að Islam fái haldið greipum sínum á landinu. Kristnir Palestínumenn fá ekki meiri rétt innan þess ríkis en þeir hafa nú undir yfirráðum Ísraela.