ógnanir í okkar nafni!

Öllum sem hafa fylgst með málefni Israels og samskiptin við nágranna þess hafa séð ógnanir við gyðingana í öllum hornum. Nægir að nefna Gaza sem Ísraelar yfirgáfu fyrir tíu árum en það skapaði engan frið. Suður Líbanon var hersetin um tíma til að mynda fjarlægð eða stuðpúða vegna fyrirhugaðra árása. Svo yfirgáfu Ísraelar S.-Líbanon og eldflaugum rigndi yfir Ísrael um leið. Krafa var gerð á Ísraela að gefa Gólanhæðir eftir og semja við Assad. Hans þjóð hefur ekki einu sinni þolað Assad en Ísrael átti að friðmælast við hann s.kv. stuðningsaðilum Palestínu.

Nú hefur Ísland sent G.Braga til Mið Austurlanda þar sem ítrekaður var stuðningut við tveggjaríkja lausnina og það á meðan assad hefur hvatt unga fólkið sitt til að stinga og drepa gyðinga hvar sem í þá næst. Þessi frétt er einmitt framhald af þeirri heimsókn og ætti að hafa þau áhrif að Ísland breyti afstöðu sinni til tveggja ríkja lausnarinnar. Öll Jórdanía var gefin af Bretum til Araba og gyðinga svo allir gætu lifað í friði og það var eftir WW1 eða fyrri heimstyrjöldina. Af hverju dugði ekki sú tveggja ríkja lausn?

Það verður aldrei hægt að byggja frið í Palestínu með því að ala á hatri og manndrápum á gyðingum. Utanríkisstefna Íslands er því lóð á vogarskálar haturs og öryggisleysis í Ísrael.

Við, Evrópubúar erum að komast í samskonar togstreitu innan okkar svæða og við sjáum Ísraela hafa búið við áratugum saman. Er ekki kominn tími til, að við, fáum utanríkisstefnu sem stuðlar að alvöru friði með klárri stefnu okkar að við styðjum lífvænlegt land og umhverfi gyðinga í Mið Austurlöndum?

Snorri í Betel

Hermenn taki vopn sín heim