Good morning, America! How are you?

Ég gat ekki varist þessari hugsun þegar ég sá þessa frétt. NATO er komið í augljós innbyrðis átök. Er ekki öllum ljóst að við tilheyrum NATO. Í þeim sáttmála er sagt að "árás á eitt ríki er árás á þau öll" og það stóð víst alltaf til að Bandaríkjamenn verðu Þjóðverja gegn Rússum og Bandaríkjamenn verðu Frakka gegn einhverjum og Bandaríkjamenn verðu Ísland gegn öllum. En svo var ráðist á Bandaríkjamenn. Þá var glæpur að lýsa yfir stuðningi við stríði gegn hryðjuverkum. Þegar Davíð og Halldór gerðu Ísland marktækt NATO-ríki þá hafa fjölmiðlar og vinsti flokkar hamast á þessum tveim mönnum vegna illra verka þeirra að hafa tengt okkur við "viljugu" þjóðirnar. Sama hvað varnarsamningurinn hljóðaði uppá.

En af hverju reiðast Þjóðverjar? Mér kæmi ekki á óvart að þessum samskiptum lyktaði með því að Evrópa losaði sig við Bandarískar hersveitir. Þetta gæti hljómað ótrúlegt en mér finnst oft hið ótrúlega hið eina rétta. Við mennirnir erum svo skammsýnir og öpum allt eftir hvorum öðrum.

1.

Evrópa vill láta taka mark á sér. Þeir hafa áhuga á að stilla til friðar og semja en ekki berjast. Evrópuherina vantar "bardagareynslu". Það er eiginlega aðeins breski herinn sem hefur látið til sín taka.

2.

Evrópa er kölluð til sögunnar í spádómum Biblíunnar um hið mikla stríð gegn Ísrael. Þar er sagt að "Gómer og allir hans herflokkar". Orðið Gómer er fornt orð og á við German. Þjóðverjar hafa verið hallir undir Rússavináttuna enda gekk "Ostpolitik" Willy Brants vel þegar hann fór í sjálfstæðan friðarleiðangur meðal kommúnistaríkja Evrópu á sínum tíma. 

3.

Það sem Guð hefur sagt um Evrópu mun rætast á réttum tíma. Er sá tími ekki bara að renna upp. Ég tel þessa frétt stórmerkilega og bendi mönnum á að fylgjast með hvernig Evrópa klofnar frá Bandaríkjunum og siglir þannig blindandi inní hrikaleg styrjaldarátök fyrir botni Miðjarðarhafs. Báðar heimstyrjaldirnar brutust út þegar Ameríski herinn var víðsfjarri. Allt er þá þrennt er má segja.

Biblían rætis!

kveðja

Snorri í Betel 


mbl.is Bandaríkin gera kröfur til Þjóðverja
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Magnús Aðalsteins

Ha  réðist eihver þjóð á Bandaríkin?  Hvaða þjóð gerði það?

Magnús Aðalsteins, 2.2.2008 kl. 02:20

2 Smámynd: Jón Valur Jensson

Al-Qaída (sem er engin þjóð) réðst á Bandaríkin, og stjórn talibana í Afganistan skaut yfir þau samtök skjólshúsi, leyfði þeim að vera þar með æfingabúðir og vildi fremur horfa upp á innrás í land sitt heldur en að selja Bandaríkjamönnum í hendur fyrirliða þeirrar hreyfingar. Sameinuðu þjóðirnar samþykktu þá innrás, og Atlantshafsbandalagið hefur skuldbundið sig til að styðja við núverandi stjórnvöld gegn skæruhernaði talibana og sjálfsmorðssprengjumönnum.

Heill og sæll, Snorri; djarfmáll ertu og athyglisvert að fylgjast með skrifum þínum. 

Jón Valur Jensson, 2.2.2008 kl. 03:22

3 Smámynd: Jón Steinar Ragnarsson

Það hefur ekkert, akkúrat ekki neitt, verið sannað um, hverjir stóðu að árásum á tvíburaturnana.  ) af 19 meintum flugræningjum reyndust raunar á lífi og ekki hafa komið nálægt málinu.  Hvort þessi Atta var einn af flugræningjunum er ekki staðfest heldur en ljóst er að sá maður fékk peningasendingar frá leyniþjónustu Pakistan.  Ég held að menn ættu að lesa sig betur til um þetta áður en þeir fara að réttlæta þessa glæpahunda.  Það er annars týpýskt fyrir öfgakristna að styðja tilefnislaus stríð og ofbeldi.  Gúrúinn þinn er væntanlega geðsjúklingurinn Pat Robertson, Snorri?  Þið eruð svo sannarlega ekki með fullum fimm.

Jón Steinar Ragnarsson, 2.2.2008 kl. 07:14

4 Smámynd: Jón Steinar Ragnarsson

9 af 19 átti að standa.

Jón Steinar Ragnarsson, 2.2.2008 kl. 07:14

5 Smámynd: Jón Steinar Ragnarsson

Það hefur ekkert fundist, sem tengir Írak við svokallað Al qaeda (data base) né heldur Afganistan. Bin Laden neitaði að vera viðriðin, en hann er Saudi Arabi, sem eru bandamenn.  Alqaeda er tengslanet á milli Mujahedin skæruliðia, sem US kom á í baráttu sinni gegn rússum í Afgan. Þessi meintu samtök, hafa engan leiðtoga og eru afurð afskipta US, sem og stjórn Talibana. 

HÉr er svo smá umhugsunarefni.

Jón Steinar Ragnarsson, 2.2.2008 kl. 07:24

6 Smámynd: Jón Steinar Ragnarsson

Meira.  Svo er hægt að sleppa því að horfa á þetta og viðhalda fáviskunni.  Ignorance is blizz, eins og svo þekkt er af ofurtrúuðum.

Jón Steinar Ragnarsson, 2.2.2008 kl. 07:57

7 Smámynd: Jón Valur Jensson

Aumingja Jón Steinar að vera nánast eini maður í heiminum sem veit allt um al-Qaída og ekkitilveru þess sem alþjóðlegs hryðjuverkabandalags! Svo hefur aldrei verið neinn Osama bin-Laden, nafni, gleymdu því ekki!

Jón Valur Jensson, 2.2.2008 kl. 10:10

8 Smámynd: Jón Steinar Ragnarsson

Nafni minn: Ef þú nærð þér út úr leikskólaþroskanum, þá skal ég ræða þetta við þig.  Það er lítið á svona barnaskap að græða. Ekki hef ég sagt að Bin Laden sé ekki til.  Hann er efstur á lista FBI sem most wanted Terrorist, en af einhverjum undarlegum orsökum, þá er það ekki í neinum tengslum við 911.  Ástæðan: Ekkert hefur fundist, sem tengir hann þessum glæpum.

Innrás USA í Afganistan og Írak eru ólöglegar aðgerðir og ekki studdar neinum rökum öðrum en upplognum forsendum, sem löngu er búið að afsanna. Hvorugt landið réðist á Bandaríkin.

Ef þú hefur upplýsingar þínar einvörðungu af FOX NEWS, þá legg ér til í að þú leggist í að skoða staðreyndir málsins á öðrum stöðum.

Wikipedia er í miklu uppáhaldi hjá þér.  Annars kemur mér ekki á óvart að þið sem trúið Biblíunni frá A til Ö, trúið hvaða kjaftæði, sem er frá mekku evangelistana.

Jón Steinar Ragnarsson, 2.2.2008 kl. 11:21

9 Smámynd: Sigurður M Grétarsson

Þarna ert þú að rugla svolítið saman Snorri minn.  Þessi frétt, sem þú ert að vitna til fjallar um deilur um hver eigi að bera hvaða byrgðar af veru fjölþjóðaherliðs í Afganistan. Hvað varðar lista hinna viljugu þjóða, sem Halldór Ásgrímsson og Davíð Oddson voru gagnrýndir fyrir að setja okkur á, þá var það listi yfir stuðningsþóðir innrásarinnar í Írak.

Það getur vel verið að innrásin í Afganistan hafi eitthvað haft með stríðið gegn hryðjuverkum að gera en innrásin í Írak hafði ekkert með það að gera. Það var mikill ágreiningur með Al quaeda og stjórnvöldum í Írak og engin tengsl þar á milli. Innrásin í Írak var gerð til að tryggja olíuhagsmuni og til að tryggja Bandaríkjamönnum samherja á þessu svæði ef upp úr myndi sjóða milli Bandaríkjanna og Saudi Arabíu. Þeirri innrás var alfað aflað fylgis með upplognum forsendum enda tilgangurinn sá einn að tryggja hagsmuni Bandaríkjanna og vissra bandarískra fyrirtækja.

Það var ekki einhugur innan Nato varðandi innrásina í Írak og hún var ekki á verksvið Nato. Það er því út í hött að tala þannig að með því að vera á lista hinna viljugu þjóða hafi Íslendingar verið að gera sig gildandi, sem Nato þjóð.

Með því að vera á þessum lista voru Íslendingar að festa sig í sessi sem aftaníossar Bandaríkjanna en ekki, sem gildandi þjóð á neinu sviði.

Halldór og Davíð fengu verðskuldaða gagnrýni og fordæmingu fyrir að setja Ísland á þennan lista enda var um að ræða siðlausa innrás í Írak, sem hefur ekki gert neitt annað en að auka á þjáningar Íröslu þjóðarinnar og auka slagkraft Al quaeda og annarra islamskra hryðjuverkasamtaka.

Sigurður M Grétarsson, 2.2.2008 kl. 12:02

10 Smámynd: Jón Steinar Ragnarsson

Einar: Kynntu þér málin.  Það eru einfaldlega opinber gögn frá USA, sem segja aðra sögu en fréttamaskínan þeirra. 

Ekkert afdráttalust hefur fundist um tengsl við al qaeda annað en peningasendingar Pakistönsku leyniþjónustunnar til Muhamed nokkurs Atta.  Annað er hreinlega ekki rakið né staðfest. 

Lestu tenglana.  Þú ert að álykta út í loftið. Ekkert hefur bendlað Bin Laden við þetta annað en orðrómur.  Skoðaðu tengilinn á FBI, sem ég setti þarna inn.  Ég er ekki að fara með neitt fleipur.

Hvorki Írak né Afganistan réðust á USA eða gerðu sig líkleg til þess. Þú mátt annars kalla mig ónefnum ef þú villt.  Þú trúir bara því sem þú kýst að trúa.  Ekki banna ég þér það.

Jón Steinar Ragnarsson, 2.2.2008 kl. 13:36

11 Smámynd: Jón Steinar Ragnarsson

Snorri minn: Hvar þú hefur fundið út að Gomer sonur Jafets, vísi í Germana, er mér algerlega hulið. Það er annars ýmislegt hægt með góðum vilja. Nóg áttu af viljanum til slíkra túlkunarloftfimleika en hvort sá vilji er góður, er mér til efs.

Jón Steinar Ragnarsson, 2.2.2008 kl. 13:43

12 Smámynd: Jón Valur Jensson

Jón Steinar hefur hvergi tekið eftir því, að Osama hafi talað hreykinn af sínum mönnum um 11. sept. né að al-Qaída hafi lýst yfir 'fatwa' gegn Bandaríkjunum. Svona geta menn verið selektívir.

Svo heldur hann því hér kjánalega fram, að innrás USA og fjölþjóðahersins í Afganistan hafi verið "ólögleg aðgerð," þegar hún var þvert á móti gerð með góðu samsinni Sameinuðu þjóðanna. Ég segi eins og einhver nýlega, að það er furðulegt að sjá hve oft vinstri menn þurfa að taka afstöðu með afturhaldsöflum, hvort sem það var í Kína, Norður-Kóreu, Albaníu, Austur-Þýzkalandi og Sovétríkjunum eða (eins og nú) með islamistum og jafnvel talibönum, sem kúguðu konur, brutu niður árþúsunda gömul listaverk og breyttu íþróttaleikvang í aftökustað vegna brota á sjaríalögum og óhlýðni við vald þeirra.

Jón Valur Jensson, 2.2.2008 kl. 15:15

13 Smámynd: Alfreð Símonarson

Ég vill tjá mína skoðun á þvjí sem Jón Valur segir í færslu 13. Sú fullyrðing um að Bin Laden hafi viðurkennt verknaðinn er bygg á mjög veikum "sönnunum". Það þarf ekki mikla leikni að sjá að maðurinn sem leikur Bin Laden í því videói er mjög ólíkur Bin Laden sjálfum. Nefið er stutt og breitt, eins og á blökkumanni en aðrar myndir af Bin Laden sýna hann með langt og mjólegt nef.  Leikarinn í videóinu sem innrásin í Afganistan var byggð á borðar með hægri hendinni og er með gullúr og hringi, Bin Laden hefur opinberlega verið örfhentur og ekki mikið fyrir blíngblíng. Meira um þetta hérna :

http://www.welfarestate.com/binladen/surprise/ 

ATH, myndin sem er strokað yfir er myndbandið sem var notað sem aðalsönnunargagn við innrás inn í Afganistan. 

Alfreð Símonarson, 2.2.2008 kl. 19:05

15 Smámynd: Georg P Sveinbjörnsson

því miður er þetta hárrétt hjá Jóni Steinari Alferði Símonarsyni, þeir eru greinilega búnir að kafa dýpra en flestir sem tjáð sig hafa hér.

Georg P Sveinbjörnsson, 2.2.2008 kl. 21:05

16 Smámynd: Theódór Norðkvist

Bandaríkjaforseti, George Bush trúir á einn guð:

Ofbeldi. 

Theódór Norðkvist, 2.2.2008 kl. 21:38

17 Smámynd: Theódór Norðkvist

Menn geta notað ýmislegt annað en hinn eina sanna Guð, sem birtist í persónu Jesú Krists, sem guð. Það geta verið peningar, áhugamál, ofbeldi og margt fleira.  Það kallast falsguðadýrkun eða hjáguðadýrkun, ég veit að Snorri er sammála mér hvað það varðar og gæti haldið prédikun um þetta efni.

Einn maður, sem ég man ekki nafnið á sagði um Bandaríkin (hann var sjálfur bandaríkjamaður:)

Bandaríkin hafa sáð ofbeldi og hafa uppskorið ofbeldi. 

Theódór Norðkvist, 2.2.2008 kl. 22:00

18 Smámynd: Guðbjörg Elín Heiðarsdóttir

Ég ætla bara rétt að vona að Þjóðverjar fari ekki að senda liðsauka til Afganistans,það er nóg komið af öllu hernaðarbrölti. Ömurlegt hvernig þessi heimur okkar er orðinn og á bara eftir að versna ef eitthvað er, Bush hefur meðal annara séð til þess.

Guðbjörg Elín Heiðarsdóttir, 2.2.2008 kl. 23:27

19 Smámynd: Snorri Óskarsson

Margt virðist fara framhjá mörgum þeim sem hér rita. Er ekki alveg klárt að fréttir hafa greint frá því að Al-Qaida samtökin hafa bæði ráðist á Tvíburaturnana, sendiráð Bandaríkjanna í Nairobi og freigátuna Cole? Ef þið sem hafið ekki trú á þessum fréttum vitið betur þá hafið þið verk að vinna að leiðrétta fjölmiðla landsins og fréttaþjónustu allra landa! Gangi ykkur vel!

Ef Bush hefði ekki brugðist við árásunum á Tvíburaturnana hvað ætli hann hefði verið kallaður þá, Theodór Norðkvist?

Vildum við hafa ríkisstjórn sem léti í léttu rúmi liggja að t.d. Hús  verslunarinnar hefði verið eyðilagt af Spánverjum? 

Samskipti þjóða snúast um mannleg samskipti og réttinn til lífsins.

Bara að við gætum skylið alvöruna í þessum fréttum hve alvarlegt það er þegar eitt ríki dregur hælana í varnarsamstarfi!

kær kveðja

Snorri 

Snorri Óskarsson, 3.2.2008 kl. 00:42

20 Smámynd: Jón Valur Jensson

Guðbjörg Elín, eins og víðar standast ríki í Austurlöndum ekki, nema þau hafi hervarnir. Það þýðir lítið að agnúast hér út í "hernaðarbrölt", ef meining þín er sú, að það eigi bara að gefa Afgani upp á bátinn og láta talibana um að hrifsa þar öll völd á ný. Gætir þú óskað þér þess hlutskiptis að vera kona undir talibanastjórn? Og hyggurðu, að þeir yrðu lengi að loka öllum þeim stúlknaskólum, sem þar voru stofnaðir eftir að landið var frelsað undan harðstjórn þeirra?

Ég tek fullkomlega undir það með Snorra, að Þjóðverjum sem öðrum NATO-þjóðum (Íslendingar meðtaldir) ber siðferðisleg skylda til að styðja við ríkisstjórnina í Khabúl.

Ég undrast ekki skrif Georgs og Sigurðar Grétarssonar, hafandi séð nóg til þeirra áður, en ég er hissa á þér, ágæti Theódór Norðkvist!

Jón Valur Jensson, 3.2.2008 kl. 01:10

21 Smámynd: Jón Steinar Ragnarsson

Snorri: Voru árásirnar á Írak og Afganistan þá vegna árásana á Cole og sendiráðið í Nairobi??

Það er EKKERT sannað um aðild Laden né Alqaeda á Tvíburaturnana.  Því miður. Ladern er grunaður um árásina á sendiráðið, ekkert annað.  Cole árásin virðist tengjast CIA og innviðum USA og ekkert sannað þar. (þetta er þó óralöngu fyrir innrásir og aldrei notað sem tilefni einu sinni)

Jón Valur: Ég kyngi ekki öllum þeim fréttaflutningi, sem kemur frá áróðursmaskínu Bush.  Styddu svör þín með öðru en fréttaskotum frá Fox og CNN.

Hann beytti blekkingum um sannanir fyrir gjereyðingarvopnum til að fá samþykki SÞ. Í ljós kom að allar hans sannanir voru lygi.  Þú fylgist greinilega ekki með.

Hann samdi sitt eigið Bush Doctrine sem gaf honum geðþóttaheimild til að ráðast á lönd, sem grunuð væru um að hjálpa terroristum og lönds sem hugsanlega væru hugsanlega að plana árás á USA (preemtive war)  Þetta brýtur gegn öllum alþjóðasamþykktum um stríðsrekstur.

Allt alþjóðasamfélagið veit þetta nema þið þrír hérna, virðist vera.  Bandamenn eru nú að koma fyrir kjarnaflaugum í Póllandi og eru búnir að biðja þjóðir að búast gegn kjarnorkustríði. Ætlun þessara geðsjúklinga er að taka Íran á þann máta.

Það er svo merkilegt hvað þið spyrðið USA og 'Israel saman í eina þjóð.

Jón Steinar Ragnarsson, 3.2.2008 kl. 01:23

22 Smámynd: Jón Steinar Ragnarsson

Ég vil svo minna á að Bin Laden er Dauður fyrir löngu, samkvæmt viðtali við Bhutto, skömmu fyrir morðið á henni. Hún nefnir meira að segja þann, sem varð honum að bana, svo eitthvað vita þeir betur í Pakistan.  Tengsl alqaeda, Pakistan og Ladens eru þó himinhrópandi, en það er ekki á dagskrá að ráðast á þá. Bara það að Atta hafi verið kostaður af leyniþjónustu pakistana ætti að hafa gert út um málið, en það hentaði ekki. (raunar var yfirmaður leyniþjónustu pakistan á fundi með ráðamönnum í washington 11.sep.  Bandamenn hafa Imperialisma á stefnuskrá sinni og það hefur væntanlega ekki farið fram hjá ykkur.  Manifesto neocon klíkunnar um New world Order ætti að kveikja á viðvörunarljósum hjá venjulegu hugsandi fólki. Þið málsvarar  fáfræði og ofbeldis í nafni Guðs megið svo hafa ykkar sýn á þetta, en ég skora á ykkur að fletta þessum málum upp og sleppa því að hafa í frammi rakalaust háð og hroka.

Jón Steinar Ragnarsson, 3.2.2008 kl. 01:35

23 Smámynd: Jón Valur Jensson

Ég nenni ekki að svara þessum stóryrðaflaumi nafna míns Steinars, sem talar eins og Elías Davíðsson væri í afneitun sinni á sekt al-Qaídamanna, þótt nánast allur heimurinn sé á móti honum. Það er ekki orðum að þessu eyðandi.

Jón Valur Jensson, 3.2.2008 kl. 01:44

24 Smámynd: Jón Steinar Ragnarsson

Það er kannski rétt líka að upplýsa ykkur fjölfróða um að Það voru Súdanir, sem voru sakaðir um tilræðið í Nairobi 1998 og er Saudi Arabinn Laden einn af fjölmörgum, sem nefndir eru í tengslum við það. Lesið hér.

Sama gildir um USS Cole en Ymenar voru einnig taldir með í ráðum þar.  Þetta eru þó ásakanir USA og málið enn óupplýst. Lesið hér.

Hvorki Írakar né Afganar komu þarna nærri og voru ekki á blaði, sem grunaðir.  Ef JV telur það nóg að sprengja saklaust fólk í tætlur yfir meðferð kvenna og lélegra stúlknaskóla, þá verður vandlifað í heimi hér. Ég vil bara minna á að Saudi Arabía, hinir dyggu bandamenn USA eru hvað fremstir í mannréttindabrotum og viðurstyggilegri kvenbælingu og refsingum.

Það hefur enginn beðið USA um að vera lögregla heimsins. Þeir hafa þó aktað sem slíkir, þegar það hentar olíuhagsmunum þeirra.  Ef þið teljið að þær hörmungar sem USA hefur leitt yfir saklausar þjóðir séu réttlætanlegar á þeim forsendum, sem fyrir hendi eru, eða þá nokkrum yfirleitt, þá eruð þið sannarlega illmenni af verstu sort.

Jón Steinar Ragnarsson, 3.2.2008 kl. 01:58

25 Smámynd: Jón Valur Jensson

Hver heldur ofurmælasmiðurinn J.St.R. að hafi staðið á bak við árásirnar á Tvíburaturnana? Út með sprokið!

Jón Valur Jensson, 3.2.2008 kl. 02:15

26 Smámynd: Sigurður M Grétarsson

Jón Valur. Með vísan til ummæla þinna um mig í innleggi 22 þá spyr ég þig. Getur þú fært rök fyrir því að árásin á Írak (ég er ekki og var ekki að tala um innrásina í Afganistan) hafi verið lögleg samkvæmt alþjóðalögum eða hafi eitthvað með baráttu gegn hryðjuverkum að gera?

Þessi árás var ekki samþykkt í öryggisráði Sameinuðu þjóðanna og sjálfur aðalritari Sameinuðu þjóðanna lýsti því yfir að hún hafi verið ólögleg.

Meira að segja leiniþjónustuupplýsingar Bandríkjanna sýndu fram á að engin tengsl voru milli stjórnvalda í Írak og Al qaeda.

Hvað varðar orð þín um að þú hafis séð nóg til mín áður þá vil ég nú spyrja þig hvað ég hef skrifað ómálefnanlegt áður. Ég hef aðeins verið í gegnum tíðina að koma með málefnanlega og verðskuldlaða gagnrýni á framferði Ísraela gagnvart Palestínumönnum. Það er hins vegar segin saga með ykkur stuðningmenn Ísraela að í stað þess að svara málefnanlega þá farið þið út í það að kalla þá alls konar innistæðulausum uppnefnum, sem voga sér að gagnýna þessa hrotta. Ég hef verið kallaður "gyðingahatari", "terroristi", stuðningmaður hryðjuverkamanna" og fleiri nöfnum án þess að hafa nokkurn tíman skrifað neitt, sem gefur tilefni til slíks.

Getur þú komið með einhver dæmi um fyrri skrif mín, sem gefa tilefni til þess að tala niður til mín eða um skrif mín?

Sigurður M Grétarsson, 3.2.2008 kl. 03:41

27 Smámynd: Jón Steinar Ragnarsson

Nafni: Ég veit ekki hverjir stóðu að þessum hryðjuverkum, frekar en nokkur annar. Allt sem fram hefur komið af opinberum og almennum kenningum eru getgátur.

Hér er eitt atriði, sem þú getur velt fyrir þér og googlað um. Er ekki viss um að þú hafir vitneskju um þetta, því það hefur algerlega verið þagað í hel af fjölmiðlum eins og margt annað.

Allt sem ég veit er að opinber samsæriskenning er ófullnægjandi og ótrúlegt að ekki sé orðið við kröfum aðstandenda látinna og vísindasamfélagsins um að láta óháða rannsókn fara fram.  Þetta atriði, sem ég linka á er t.d. ekki nefnt einu orði í skýrslu hinnar opinberu rannsóknarnefndar.

Jón Steinar Ragnarsson, 3.2.2008 kl. 03:53

28 Smámynd: Jón Steinar Ragnarsson

Vert er einnig að skoða vitnisburð Norman Mineta, samgönguráðherra, sem að lokum bannaði alla flugumferð á þessum degi. Hann vitnar um að Cheney hafð fulla vitneskju um að flugvél stefndi á Pentagon og ítrekaði þrívegis að ekki yrði gripið inn í.

Cheney laug að 911 nefndinni að hann hafi ekki komið í bunkerinn í hvíta húsinu fyrr en kl. 9:58, en Hann var þó þar samkvæmt vitnisburði Mineta kl. 9:10

Það að enginn hafi vitað neitt, er því staðfest lygi. Ekki bara hjá Cheney, heldur ítrekað hjá Condlesa Rice. Þetta er eitthvað, sem ekki er flaggað í fréttum.

Hér er sá vitnisburður.

Jón Steinar Ragnarsson, 3.2.2008 kl. 04:15

29 Smámynd: Jón Steinar Ragnarsson

Cafferty skýrslan um 935 lygar í aðdraganda þessara stríða er meira að segja umfjöllunarefni CNN, því ekki  hægt að þræta fyrir þetta lengur.

Hér er smá sýnishorn af flækjunum.  Ef þið hafið verið á fjöllum síðan 2001, þá gæti ég afsakað fáfræðina. Ef þið viðurkennið að þið hafið ekki kynnt ykkur málin nógu vel, þá tel ég ykkur vera menn meiri.  Svona umræða er ykkur ekki sæmandi. 

Jón Steinar Ragnarsson, 3.2.2008 kl. 04:50

30 Smámynd: Jón Valur Jensson

Jón Steinar tiplar eins og köttur í kringum heitan graut í svari sínu til mín kl. 3:53, nr. 29, en getur svo ekki leynt sínum hug, þar sem hann greinilega gerir ráð fyrir samsæri bandarískra valdamanna, með a.m.k. varaforsetann sjálfan sem þátttakanda í landráða- og höfuðglæps-atferli !!! Þetta (m.a. atriðin sem JSt. heldur fram hér) er þvílík fantasía, sem margir hafa hrakið í grunninn – m.a. Ólafur Teitur Guðnason hér á landi – að enginn getur á það trúnað lagt nema menn, sem eru eitthvað undarlega innréttaðir fyrir, haldnir ótrúlegum fordómum, hatri og formyrkvun gagnvart ráðandi repúblikönum í Bandaríkjunum. Að ímynda sér, að þeir myndu með þessum hætti ráðast gegn eigin þjóð, tortíma lífi þúsunda manna og eyðileggja gífurleg verðmæti með skotmörkunum í leiðinni, er aðeins fyrir þá trúgjörnustu að trúa. Þrátt fyrir alla andstöðuna gegn kristinni trú er Jóni Steinari einmitt trúandi til slíkrar ofur-trúgirni á samsæri, sem hefði aldrei heppnast nema með þátttöku margra Bandaríkjamanna, sem tilbúnir væru til svo yfirgengilegra landráða. Hvernig hann getur síðan ímyndað sér, að einhverjir útsendarar Cheneys & Co., t.d. CIA-menn eða aðrir, hafi tekið að sér að stefna flugvélunum á skotmörkin fjögur og drepa sjálfa sig í leiðinni, það er eitthvað fyrir lesendur þessara lína til að hugsa um og hlæja að hrossahlátri yfir ímyndunarafli og staðfastri trú þessa yfirlýsta efahyggjumanns!

Sigurður M. Grétarsson, öfgafull skrif um mál Ísraels og Araba eru einmitt ástæðan fyrir orðum mínum til þín hér ofar, og ég hef enga þörf fyrir að rökræða við þig.

Jón Valur Jensson, 3.2.2008 kl. 09:56

31 Smámynd: Jón Steinar Ragnarsson

Hættu að leggja mér orð í munn Jón Valur og gera mér upp meiningar og slepptu þessu þóttafulla skítkasti og komdu með beinar tilvitnanir eða tengla, máli þínu til stuðnings.  Hvað er það sem hefur verið hrakið hérna?

Og svona í framhjáhlaupi: Hvers vegna var enginn meintra flugræningja (19) á farþegalistum umræddra véla? Allt voru það góðir og gegnir Amerískir borgarar. Hvað með þá 8-9, sem komu fram á lífi? Er lygaskýrslan, sem ég vitna í, tilbúningur líka?

Ég get komið með mikið lengri spurningalista fyrir þig til að hrekja.

Þú getur væntanlega gert út um þetta fyrir ameríkana með þessari djúpu vitneskju þinni.

Ég skora á þig.

Jón Steinar Ragnarsson, 3.2.2008 kl. 12:17

32 identicon

Var að lesa síðuna Jesus-Christ-Is-Savior.com og fann sterk rök fyrir því að Kaþólska kirkjan sé ekkert annað en ómynd, kirkja hins illa. 

Það kann að vera skýringin á því hversu erfitt er að rökræða við Jón Val, því ef mér skjátlast ekki, þá er hann af þeim skóla.

Nánar hér

Gullvagninn (IP-tala skráð) 3.2.2008 kl. 13:51

33 identicon

Sæll Snorri.

Hvaðan hefur þú túlkun þína á orðinu Gómer?

Gyðingar GT. höfðu ekki hugmynd um landið Germaníu eða tilvist þess. 

Jakob (IP-tala skráð) 3.2.2008 kl. 13:51

34 identicon

Gullvagn:

Þetta er nú meira ruglið. Öfugsnúin kross er ekki tákn um Satanisma, heldur glysgjarnan og forheimskandi anton Lavey´isma. Öfugsnúin kross er tákn um undirgefni við krist, sbr. Pétur sem lét krossfesta sig á hvolfi því honum fannst hann ekki verðugur að þjást á sama hátt og Jesú Kristur.

Kaþólska kirkjan er hin upprunalega kirkja. Söfnuðirnir sem að postularnir settu á fót. "Kaþólsk" þýðir "almenn". Þar af, hin almenna kirkja. Henni skrikaði vissulega fótur á miðöldum með almennri siðspillingu mannsins, enda voru það spilltir menn sem að tengdu sig við kirkjuna, en ekki spillt kirkja sem að tengdi sig við menn.

Arfleið kaþólsku kirkjunar er glæsileg og hræðileg í senn, rétt eins og mannkynssagan. 

Jakob (IP-tala skráð) 3.2.2008 kl. 13:57

35 identicon

Ein miljón manna hefur látið lífið í Írak frá byrjun stríðsins. EIN MILJÓN og fyrir hvað? Er allt réttlætanlegt? Snorri segir að þetta snúist um samskipti þjóða og ég spyr hvort svona vafasamur gjörningur og ólöglegur í þokkabót, sé réttlætanlegur. Ef þetta er réttlætanlegt að ráðsist sé á ríki með engar sannanir í ferteskinu, hversu langt á þá að ganga í drápum á saklausu fólki?

Já það er furðulegt hvernig kristnir geta alltaf réttlætt stríð og hörmungar, ein miljón manna hafa látið lífið og svo koma einstaklingar hér uppi á Íslandi og þykast hafa vit á málum og að þetta sé réttlætanlegur fórnarkostnaður fyrir stríð gegn hryðjuverkum. Það er svo sem annar aðili sem hefur í gegn um söguna alla vega samkvæmt biblíunni drepið fólk hægri vinstri eingöngu af því honum hugnaðist ekki þeirra pólitík. Guð dæmir ekki skilorðsbundna dóma og það gerir Bush greinilega ekki heldur. Hvar er allur nángakærleikurinn og kristilega siðgæðið?

Valsól (IP-tala skráð) 3.2.2008 kl. 14:08

36 identicon

ég var sérstaklega hrifinn af "Og á enni hennar var ritað nafn, sem er leyndardómur: Babýlon hin mikla, móðir hórkvenna og viðurstyggða jarðarinnar." op 17.5,  athugið að kaþólska trúin kallar sig konu.  Biblían nefnir kaþólisma sem hóru, og rosalega hóru, hún er að fremja andlegt hór með konungum og valdsmönnum jarðar.  Lesið um samvinnu kaþólsku kirkjunnar við nasista hér.

ég mæli með að kasta klafa krossins, þetta er óverjandi trúarbrögð, sjáið bara sjálfan Snorra hér í þessari grein, að verja afskipti íslendinga  af stríðsrekstri.... segi ekki meir.

Gullvagninn (IP-tala skráð) 3.2.2008 kl. 14:08

37 identicon

ps til þín Jakob - hvað fær þig til að halda að spilltum mönnum finnist kaþólska kirkjan ekki sexí lengur? 

Gullvagninn (IP-tala skráð) 3.2.2008 kl. 14:13

38 identicon

Kaþólska kirjkan, sérstaklega fyrir sundrung, kvenngerði sig því að kirkjan er brúður krists, ekki því hún er hóra Babylóns.

Jakob (IP-tala skráð) 3.2.2008 kl. 15:10

39 Smámynd: Jón Steinar Ragnarsson

Takk fyrir að skerpa á Gómer spurningunni Jakob.  Ótrúleg tenging, þar sem t.d. Germanicus, sá er Germanía er skírð eftir fæddist um 16 fyrir krist.

Þetta eru ótrúlegir loftfimleikar hjá þér Snorri.

Jón Steinar Ragnarsson, 3.2.2008 kl. 16:41

40 Smámynd: Jón Valur Jensson

Þetta var nú týpískt fyrir það, hvernig Jón Steinar snýr við hlutunum, að gefa sér, að Germanía sé kennd við Germanicus þann, sem hann vísar í. Sá Germanicus fekk það nafn eins og faðir hans, Nero Claudius Drusus, rómverskur hershöfðingi, sem vann sigur í Germaníu og hlaut af því viðurnefnið 'Germanicus' [sem þýðir einfaldlega hinn germanski], eins og stendur skýrum stöfum í Wikipediu-heimildinni, sem nafni minn vísar í. En honum tókst sem sé enn einu sinni að snúa hlutunum við. Vönduð heimildavinna?!?!

Jón Valur Jensson, 3.2.2008 kl. 19:38

41 Smámynd: Jón Valur Jensson

Það er ljóta ástandið á þessari síðu þinni, Snorri. Þú verður að vera meira við, þegar þú hefur opið lengi á umræður, og svara mönnum og halda þeim við efnið, fari þeir út um alla móa og koppagrundir og breyti síðu þinni í vantrúarinnar vettvang.

Jón Steinar, heimildamaðurinn (-smiðurinn?) mikli, hefur engar farþegaskýrslur flugvélanna undir höndum, en gleypir við því, sem að honum er rétt, þ.e.a.s. af samsæristheoretíkerum, en umfram allt alls ekki frá sjónarvottum og vitnisberum um ævi og verk, orð og gjörðir og upprisu Jesú frá Nazaret. Hann guggnar samt á því að kannast við að bera árásina á Tvíburaturnana upp á sjálfa valdamennina í Washington, en var þó búinn að tengja Chey við þetta í innleggi nr. 30. En ætlar JSt. kannski að hreinsa þá valdamenn af þessari a.m.k. óbeinu aðdróttun og fráskilja sig þannig frá samsærisfullyrðingum manna eins og Elíasar Davíðssonar?

Aftur út með sprokið, nafni !! 

Jón Valur Jensson, 3.2.2008 kl. 19:53

42 Smámynd: Jón Valur Jensson

Cheney (varaforseti) styttist þarna óvart í Chey!

Jón Valur Jensson, 3.2.2008 kl. 19:55

43 Smámynd: Vigfús Davíðsson

veriði róleg Snorri er á samkomu.

Vigfús Davíðsson, 3.2.2008 kl. 21:53

44 identicon

Jakob - held að Jesú gæti skorað betur en hjá þessari babílon kellingu, það er að segja, ef kirkjan myndi bara ekki krossfesta hann áður en hann kæmist á séns.

Op 17,4: "Og konan var skrýdd purpura og skarlati, og var búin gulli og gimsteinum og perlum. Hún hafði í hendi sér gullbikar, fullan viðurstyggðar, og var það óhreinleikur saurlifnaðar hennar."

purpull og skalartur - litir vatikansins, búin gulli og gimsteinum (ekki vantar þá í fjárhirslum kaþólikkanna), gullbikarinn er fullur af helför gyðinga, rannsóknarrétti, aflátsbréfum. 

Af ávöxtunum skulið þið þekkja þá, og ekki vantar ávöxtunina hjá kaþólska bankaveldinu.  Ef þið eruð tilbúin að elta og espa ríkisstjórnir í hernað á móti saklausum konum og börnum, milljón fallin segir einhver, þá eruð þið og ykkar kirkja ekki að haga ykkur kristilega.

Eins og gandí sagði, kristni er góð hugmynd, ég myndi vilja hiita einhvern kristinn. 

Gullvagninn (IP-tala skráð) 3.2.2008 kl. 22:15

45 Smámynd: Rósa Aðalsteinsdóttir

Elsku Vigfús minn. Gaman að sjá þig hér. Það er búið að vera mikið um að vera í kirkjunni á Akureyri þessa helgi. Þau fengu gesti frá Kirkjulækjarkoti og Selfossi. Mákona mín kom heim frá Akureyri í dag og hún var virkilega glöð að hafa verið með á samkomum um helgina. Andlegt veisluborð. Jón Valur, Vigfús er frá Vopnafirði og við erum jafnaldrar og vorum saman í bekk. Hann var stilltur en ekki ég.  Guð blessi ykkur og varðveiti.

Rósa Aðalsteinsdóttir, 3.2.2008 kl. 22:17

46 Smámynd: Vigfús Davíðsson

Ég er bara að reina hjálpa Snorra. Rósa mín , ég kannast við hann.Þeir eru svo beittir yllir við hann.

Vigfús Davíðsson, 3.2.2008 kl. 22:36

47 Smámynd: Þormar Helgi Ingimarsson

Sæll Snorri. Þetta var mjög góður pistill hjá þér.  Og þú err flottur Guðsmaður. En ég treysti mér ekki til að blanda mér í umræðuna. Guð blessi þig og söfnuðinn í Jesú nafi.

Kveðja. Þormar.

Þormar Helgi Ingimarsson, 3.2.2008 kl. 23:17

48 Smámynd: Jón Steinar Ragnarsson

Jæja nafni, máske er þarna eitthvað mislesið með hænuna og eggið. Ekkert er séð að Germanicus hafi dregið nafn sitt af germönum, því nafnið þýðir sáð eða fræ á latínu.  Það er allavega að nafnið er komið úr latínu og nafngiftin frá Rómverjum: "

Various etymologies for Latin Germani are possible. As an adjective, germani is simply the plural of the adjective germanus (from germen, "seed" or "offshoot"), which has the sense of "related" or "kindred" or "authentic". According to Strabo, the Romans introduced the name Germani, because the Germanic tribes were the authentic Celts (????ί??? ???ά???). Alternatively, it may refer from this use based on Roman experience of the Germanic tribes as allies of the Celts.

The name is first used in its sense of "peoples of Germania, as distinguished from Gauls" by Julius Caesar. In this sense, it may be a loan from a Celtic exonym applied to the Germanic tribes, based on a word for "neighbour". A third suggestion derives it directly from the name of the Hermunduri. Tacitus suggests that it might be from a tribe which changed its name after the Romans adapted it, but there is no evidence for this.

etta er semsagt augljóslega eitthvað á reiki, eins og gerist með sagnfræðina. Enn hafa þó hvorugur ykkar alvitrunganna gefið skýringu á tengingu Snorra við Gómer á forsögulegum tíma biblíunnar.  Um það stóð spurningin.

Jón Steinar Ragnarsson, 4.2.2008 kl. 00:26

49 Smámynd: Jón Valur Jensson

Sjálfur viltu nú vera alvitringur, Jón Steinar, en ert bara allt of fljótur á þér að ryðja öllu út úr þér, áður en þú hefur gefið þér tíma til að liggja yfir hlutunum.

Og hláleg er hún þessi eftiráskýring þín á nöfnunum Germaía/Germanicus. Það var algerlega óháð því, hver frummerking orðsins Germania var, þegar hershöfðinginn Nero Claudius Drusus og sonur hans, sem kunnur varð sem Germanicus, fengu báðir þetta viðurnefni, sem dregið var af nafni landsins Germaníu, þar sem Nero Claudius Drusus hafði unnið hernaðarsigur árið 9 f.Kr. Þá hafði landið lengi verið kallað Germanía ...

Jón Valur Jensson, 4.2.2008 kl. 01:13

50 Smámynd: Sigurður M Grétarsson

Jón Valur. Enn kemur þú með algerlega órökstuddar uppyhrópanir að því er virðist einungis til þess ætlaðar að gera lítið úr manni, sem er ósammála þér. Þarna á ég við sneiðina til mín í innleggi 32 hjá þér.

Getur þú bent á eitt dæmi um öfgagull skrif mín um málefni Ísraels og Araba?

Ég hef aðeins verið að skrifa málefnanlega og verðskuldaða gagnýni á framkomu Ísraela gagnvart Pelstínumönnum. Ég hef verið að leiðrétta fullyrðingar öfgamanna á borð við Vilhjálm Örn Vilhjálmsson, sem rekur áróðurssíðu undir yfirskyni umræðusíðu og stundar það að loka á þá, sem koma með beittustu skrifin til leiðréttungar á bullinu í honum. Svo ég falli ekki í þín spor og komi með órökstudda gagnýni þá talar hann um RÚV, sem "útibú Hamas" í einum pistli sínum fyrir það eitt að byrta frétt frá virtri erlendri fréttastofu, sem sýnir raunverulegt ástand á Gasa undir herkví Ísraela. Hann virðist líta svo á að allir, sem ekki lepji gagnrýnislaust upp lygaáróður Ísraela til dæmis frá áróðursritinu Honest Reporting, séu gyðingahatarar og stuðninsmenn hryðjuverka. Hann kallar Svein Rúnar Hauksson "helsta talsmann Hamas á Íslandi" að því er virðist fyrir það eitt að færa þjóðinni sannleikan um hernám Ísraela. Hann hefur líka kallað hann "gyðingahatara" og er með svæði á síðu sinni um gyðingahatur á Íslandi þar, sem hann birtir meðal annars grein eftir Svein þar, sem orðið "gyðingur" kemur hvergi fyrir. Þessi grein Sveins inniheldur nákvæmelga ekkert gyðingahatur heldur er aðens um vel skrifaða og verðskuldaða gagnýni á Ísrael að ræða.

Það hefur vissulega komið fyrir þegar ég hef verið að svara öfgamönnum eins og Vilhjálmi að ég hafi farið örlítið lengra í hina áttina en málefnanlegt geti talist, svona til að halda jafnvægi í heildina, en í heildina lítið geta skrif mín fráleitt talist öfgafull.

Sigurður M Grétarsson, 4.2.2008 kl. 03:57

51 identicon

Gunnar Hrafn Jónsson (IP-tala skráð) 4.2.2008 kl. 06:08

52 Smámynd: Jón Steinar Ragnarsson

 Wail al Shehri Waleed al Shehri (bræður, báðir lifandi) Abdul Aziz al Omari, Mohand al Shehri, Saeed al Ghamdi, Ahmed al Nami, Salem al Hazmi.  Þessir eru þeir sem staðfest er að eru á lífi, enda höfðu þeir og fjölskyldur þeirra samband við fjölmiðla.  Það er mikið gullfiskaminni að muna ekki eftir þessu.  

Áf hverju voru þeir ekki á farþegalistum?  Þú getur lesið um það víða. Seinni tíma afsökun er að aðeins hafi verið gefin upp nöfn fórnarlamba, en það er ljóst að listarnir voru fengnir hjá flugfélögunum og einkennilegt ef starfsmenn þar hafi tekið þessi nöfn út áður en vitað var með vissu, hverjir flugræningjarnir meintu væru.  Enn hefur ekki tekist að fá þessa lista formlega fá félugögunum og bera menn fyrir sig þjóðaröryggi???  Nöfnin eru öll komin fram.

Annars bið ég menn að leita þessar upplýsingar uppi sjálfa,því þær eru jafn nærtækar ykkur og mér.

Jón Steinar Ragnarsson, 4.2.2008 kl. 08:58

53 Smámynd: Jonni

Snorri; hvaðan hefur þú þetta að Gómer er Germania? Samkvæmt þeim heimildum sem ég hef lesið er Gómer tengt við ýmislegt annað en Germaníu og hvergi minnst á Germaníu í þessu sambandi. Ekki það að mér finnist það skipta neinu máli, fyrir mér gæti allt eins staðið í bíbíunni að gyðingar myndu erfa heiminn. Það er kominn tími til þess að leggja þessa gömlu skruddu á hilluna og fara að einbeita sér að því sem virkilega er að gerast í þessum heimi.

Jonni, 4.2.2008 kl. 10:17

54 identicon

Mæli með því að þið kíkið á þetta video hjá félaga mínum Jóni Þór, þetta lið er að feta afar ó-ameríksa og ó-íslenska leið til alræðis.

Gullvagninn (IP-tala skráð) 4.2.2008 kl. 14:55

55 Smámynd: Snorri Óskarsson

Hvaðan kemur Gómer?
Gott að spurt er. Þetta er ævafornt heiti og kemur fram í 1.Mós.10: 2 að synir Jafets Nóasonar hafi verið: Gómer, Magog, Madal, Javan, Túbal, Mesek og Toras.

Og synri Gómers: Askenas, Rífat og Tógarma.

Samkvæmt skýringarbók "Matthews Henry" þá eru þessi nöfn varðveitt í þjóðaheitum landa Evópu. T.d þá er "Tógarma" varðveitt í Aremníu.

Svo er líka vitað að fyrir þjóðflutningana miklu þá voru kynþættir Gómers í Galatíu í Tyrklandi. Hann flytur sig um norðanvert Svartahaf til Krím og heldur för til Frakklands (Gallíu) og norður að Eystrasalti (Þýskaland/Pólland/ Skandinavía).

Menn vita það að "Askenas-gyðingar" koma frá landsvæðum Evrópu, frá Þýskalandi til Rússlands.

Þess vegna útskýrir Mattew Henry þjóðirnar og nöfn þeirra ágætlega með því að draga fram að þessi nöfn spádómanna hafa varðveist (einhverra hluta vegna) í landssvæðum og þjóðum sem byggja á þeim.

Í Orðabókinni "The New Englishman´s Hebrew Concordance" eftir Wigram þá kemur fram að hebreski rithátturinn á Gómer er sá sami og í German, sömu hebresku stafirnir notaðir. Þvíer mjög auðvelt að sjá skv. orðsifjafræði hebreskunnar og nafnið Gómer og German eru náskyld orð.

Við eigum sjálfsagt eftir að deila svolítið um það hvort German sé af latneskum stofni eða hebreskum en þess má geta að í Íslensku eru mörg orð eins og t.d. Aron, Miriam og Jón af hebreskum uppruna. Fyrst það fyrirfinnst í Íslensku þá er ekkert sem segir að sá skyldleiki geti ekki einnig verið í latínu.

Veistu að orðið Adam og Adama eru náskyld orð. Annað, Adam þýðir "tekinn af jörðu"  og hitt Adama "jörð". í latínu eru sami háttur hafður á "humus"= jörð, og "homo" = maður. Þeir villtust ekki á sameiginlegum forföður heldur viðurkenndu að maðurinn er kominn af jörðu, hann verður að jörðu (eftir dauðann) og mun af jörðu upprísa fyrir trúnna á Jesúm Krist. Dýrð sé Guði, Amen!

kveðja

Snorri í Betel 

Snorri Óskarsson, 4.2.2008 kl. 15:11

56 Smámynd: Theódór Norðkvist

Skýring á Gómer, tekið af biblicalstudies.com: 

Gomer

        
Gomer (GMR) has often been mistaken to refer to Germany because of a supposed similarity of linguistic construction. This position has two serious errors. One is that the "R" and "M" are reversed. Ezekiel wrote of GMR not GRM. The reversal is unwarranted linguistically. Furthermore, this similarity and inversion is based upon a comparison of Ezekiel's GMR with a modern English (from Latin) designation for Deutschland. Clearly, the similarity is only superficial. These two errors rule out, absolutely, any possible identification of Gomer with Germany.

        However, GMR is well known to the ancient world as Gimarrai (GMR) of north central Asia Minor (Cappadocia). These people are also known as the Cimmerians (KMR, note the change in gutturals from "G" to "C"). This seems to be the simplest, most obvious interpretation.

Hér kemur skýrt fram að engin stoð er fyrir því að tengja Gómer við Germani. Á Wikipediu-grein um Gómer er ekki einu sinni minnst á Germani, sem mögulega skýringu.

Theódór Norðkvist, 4.2.2008 kl. 15:37

57 Smámynd: Jón Valur Jensson

Kristinn H., George W. Bush hefur ekkert þjóðarmorð framið, enda eru fullyrðingar hér á síðunni um mannfall í Írak yfirgengilegar, og hef ég t.d. svarað slíkum ásökunum í 1. aths. minni á þessari vefslóð. Hins vegar eiga trúlausir kommúnistar eins og Pol Pot, Jósef Stalín, Maó og Brezjnev (í Afganistan 1979–89) allir sök á þjóðamorðum – og vitaskuld nazistar, eins og óþarft er að minna á. Milljónasvelti alþýðu í Norður-Kóreu, á meðan haldið var (og er) uppi afar kostnaðarsömum her (og jafnvel þróuð kjarnorkuvopn í mörg ár), hefur einnig leitt til gífurlegra mannfórna þar í landi.

Jón Valur Jensson, 5.2.2008 kl. 02:42

58 Smámynd: Sigurður Rósant

Thetta er nú meira ruglid í thér, Snorri.

Thú ert nú svo sem ekki einn um ad reyna svona kúnstir. Menn í Krossinum, Sjöunda Dags Adventistar, Vottar Jehóva o.fl. eru med alls kyns útgáfur af thessum svokölludu "sídustu dögum" eda orrustunni vid "Harmageddon".

Lengst og dýpst hefur thó komist einstaklingur nokkur innan SDA, en hann rekur spádóma Biblíunnar langt aftur til daga Nebúkadnesar og til "endurkomu Jesú Krists".

Thví meir sem madur skodar og spekúlerar í svona kenningum, thví óraunhæfari virdast thær. Thær verda í huga manns eins og spádómar Nostradamusar eda abstrakt málverk eftir Svavar Gudnason eda Erró. Sem sagt hægt ad lesa hvad sem er út úr theim.

Ekkert hægt ad mida út nánustu framtíd út frá theim. Sem betur fer.

Sigurður Rósant, 5.2.2008 kl. 16:23

59 Smámynd: G.Helga Ingadóttir

 Matteus 2. kafli

1Jesús gekk út úr helgidóminum og hélt brott. Þá komu lærisveinar hans og vildu sýna honum byggingar helgidómsins. 2Hann sagði við þá: "Þér sjáið allt þetta? Sannlega segi ég yður, hér mun ekki eftir látinn steinn yfir steini, er eigi sé niður brotinn."

3Þá er hann sat á Olíufjallinu, gengu lærisveinarnir til hans og spurðu hann einslega: "Seg þú oss, hvenær verður þetta? Og hvert mun tákn komu þinnar og endaloka veraldar?"

4Jesús svaraði þeim: "Varist að láta nokkurn leiða yður í villu. 5Margir munu koma í mínu nafni og segja: ,Ég er Kristur!' og marga munu þeir leiða í villu. 6Þér munuð spyrja hernað og ófriðartíðindi. Gætið þess, að skelfast ekki. Þetta á að verða, en endirinn er ekki þar með kominn. 7Þjóð mun rísa gegn þjóð og ríki gegn ríki, þá verður hungur og landskjálftar á ýmsum stöðum. 8Allt þetta er upphaf fæðingarhríðanna.

9Þá munu menn framselja yður til pyndinga og taka af lífi, og allar þjóðir munu hata yður vegna nafns míns. 10Margir munu þá falla frá og framselja hver annan og hata. 11Fram munu koma margir falsspámenn og leiða marga í villu. 12Og vegna þess að lögleysi magnast, mun kærleikur flestra kólna. 13En sá sem staðfastur er allt til enda, mun hólpinn verða. 14Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma.


Trúið því ekki

15Þegar þér sjáið viðurstyggð eyðingarinnar, sem Daníel spámaður talar um, standa á helgum stað," - lesandinn athugi það - 16"þá flýi þeir, sem í Júdeu eru, til fjalla. 17Sá sem er uppi á þaki, fari ekki ofan að sækja neitt í hús sitt. 18Og sá sem er á akri, skal ekki hverfa aftur að taka yfirhöfn sína. 19Vei þeim sem þungaðar eru eða börn hafa á brjósti á þeim dögum. 20Biðjið, að flótti yðar verði ekki um vetur eða á hvíldardegi. 21Þá verður sú mikla þrenging, sem engin hefur þvílík verið frá upphafi heims allt til þessa og mun aldrei verða. 22Ef dagar þessir hefðu ekki verið styttir, kæmist enginn maður af. En vegna hinna útvöldu munu þeir dagar styttir verða.

23Ef einhver segir þá við yður: ,Hér er Kristur' eða ,þar', þá trúið því ekki. 24Því að fram munu koma falskristar og falsspámenn, og þeir munu gjöra stór tákn og undur til að leiða afvega jafnvel hina útvöldu, ef orðið gæti. 25Sjá, ég hef sagt yður það fyrir.

26Ef þeir segja við yður: ,Sjá, hann er í óbyggðum,' þá farið ekki þangað. Ef þeir segja: ,Sjá, hann er í leynum,' þá trúið því ekki. 27Eins og elding sem leiftrar frá austri til vesturs, svo mun verða koma Mannssonarins.

28Þar munu ernirnir safnast, sem hræið er.


Mannssonurinn kemur

29En þegar eftir þrenging þessara daga mun sólin sortna og tunglið hætta að skína. Stjörnurnar munu hrapa af himni og kraftar himnanna bifast. 30Þá mun tákn Mannssonarins birtast á himni, og allar kynkvíslir jarðarinnar hefja kveinstafi. Og menn munu sjá Mannssoninn koma á skýjum himins með mætti og mikilli dýrð. 31Hann mun senda út engla sína með hvellum lúðri, og þeir munu safna hans útvöldu úr áttunum fjórum, himinskauta milli.


Sumar í nánd

32Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér, að sumar er í nánd. 33Eins skuluð þér vita, þegar þér sjáið allt þetta, að hann er í nánd, fyrir dyrum. 34Sannlega segi ég yður: Þessi kynslóð mun ekki líða undir lok, uns allt þetta er komið fram. 35Himinn og jörð munu líða undir lok, en orð mín munu aldrei undir lok líða.


Vakið því

36En þann dag og stund veit enginn, hvorki englar á himnum né sonurinn, enginn nema faðirinn einn. 37Eins og var á dögum Nóa, svo mun verða við komu Mannssonarins. 38Dagana fyrir flóðið átu menn og drukku, kvæntust og giftust allt til þess dags, er Nói gekk í örkina. 39Og þeir vissu ekki, fyrr en flóðið kom og hreif þá alla burt. Eins verður við komu Mannssonarins. 40Þá verða tveir á akri, annar mun tekinn, hinn eftir skilinn. 41Tvær munu mala á kvörn, önnur verður tekin, hin eftir skilin.

42Vakið því, þér vitið eigi, hvaða dag Drottinn yðar kemur. 43Það skiljið þér, að húsráðandi vekti og léti ekki brjótast inn í hús sitt, ef hann vissi á hvaða stundu nætur þjófurinn kæmi. 44Verið þér og viðbúnir, því að Mannssonurinn kemur á þeirri stundu, sem þér ætlið eigi.

45Hver er sá trúi og hyggni þjónn, sem húsbóndinn hefur sett yfir hjú sín að gefa þeim mat á réttum tíma? 46Sæll er sá þjónn, er húsbóndinn finnur breyta svo, er hann kemur. 47Sannlega segi ég yður: Hann mun setja hann yfir allar eigur sínar. 48En ef illur þjónn segir í hjarta sínu: ,Húsbónda mínum dvelst,' 49og hann tekur að berja samþjóna sína og eta og drekka með svöllurum, 50þá mun húsbóndi þess þjóns koma á þeim degi, sem hann væntir ekki, á þeirri stundu, sem hann veit ekki, 51höggva hann og láta hann fá hlut með hræsnurum. Þar verður grátur og gnístran tanna.

G.Helga Ingadóttir, 8.2.2008 kl. 16:07

60 Smámynd: Snorri Óskarsson

Að framanrituðum tilvísunum þá eru margir sem hafa reynt að varpa ljósi á rithátt og tengingar spádómanna við þjóðarheitin í dag. Allt eru þetta hin athyglisverðustu mál og margt skemmtilegt þar að skoða. En eru ekki öll kurl að koma til grafar þegar Evrópa er að tengjast enn betur átökunum við Botn-Miðjarðarhafs? Hafa menn ekki séð að spádómarnir (rúmlega 2500 ára gamlir) hafa bent á lokaátök mannkynsins þar og stefna menn ekki herjum sínum þangað? Eru menn ekki alvegt skírir í kollinum til að viðurkenna að friðargæslusveitir við Miðjarðarhafsbotna eru: Ítalir, Þjóðverjar, Frakkar o.fl. Skoðum þetta nánar í næstu færslu.

kveðja Snorri 

Snorri Óskarsson, 8.2.2008 kl. 18:40

61 Smámynd: Sigurður Rósant

Ég er búinn að fara yfir þessa spádóma um "tíma endalokanna" mörgum sinnum í læri hjá S.D.Aðventistum, Vottum Jehóva og öðrum einstaklingum, en aldrei getað fengið neitt upp úr Hvítasunnumönnum, Þjóðkirkjunni, Fríkirkjunni né Kaþólskum.

Svo ég er í hæsta máta ánægður að sjá útleggingu þína, Óskar og vil gjarnan kafa betur í hana undir þinni leiðsögn.

En ég spyr svona af forvitni. Er þetta ekki bara þín túlkun? Þ.e. ekki túlkun safnaðarins?

Sigurður Rósant, 12.2.2008 kl. 23:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Snorri í Betel

Höfundur

Snorri Óskarsson
Snorri Óskarsson

Er lífeyrisþegi og notar tímann til að fylgjast með Ritningunum rætast! Var safnaðarhirðir Hvítasunnukirkjunnar á Akureyri 2004 - 2018 og kennari í Brekkusóla frá 2001 til 2013.

Hef stundað kennslu frá 1973 á Vopnafirði. Gagnfræðaskóla Vestmannaeyja frá 1975, Barnaskóla Vestmannaeyja, Iðnskóla- Vélskóla og Stýrimannaskóla Vestmannaeyja. Gerðist kennari við Framhaldsskóla Vestmannaeyja við stofnun hans og fram til 1986. Hóf aftur kennslu við Hamarsskóla Vestmannaeyja uns ég flutti til Akureyrar sumarið 2001.

Hef veitt Hvítasunnukirkjunni Betel í Vestmannaeyjum forstöðu fram til miðs árs 2001 og verið forstöðumaður Hvítasunnukirkjunnar á Akureyri frá 2004 - 2018. 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • IMG_1548
  • friðrik
  • sveitadúkurinn
  • papakrossinn
  • Betesta

Heimsóknir

Flettingar

  • Í dag (29.3.): 2
  • Sl. sólarhring: 6
  • Sl. viku: 86
  • Frá upphafi: 240818

Annað

  • Innlit í dag: 2
  • Innlit sl. viku: 78
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband