En hvað sagði Jesús?

"Hann svaraði: "Hafið þér eigi lesið, að skaparinn gjörði þau frá upphafi karl og konu og sagði: ,Fyrir því skal maður yfirgefa föður og móður og bindast konu sinni, og þau tvö skulu verða einn maður.´Þannig eru þau ekki framar tvö heldur einn maður. Það sem Guð hefur tengt saman ,má maðurinn eigi sundur skilja." Matt. 19: 4 - 6

Guð tengdi saman karl og konu, ekki karl og karl né konu og konu því síður 2 karla og 1konu eða 2 kounur og 1 karl og ekki varð honum á í messunni með því að setja konu sál í karlmann né karlmannssál í konulíkama.
Er ekki gott á föstunni að rifja það upp hvað sé samkvæmt ritningunum?
Kristur leið og dó, samkvæmt ritningunum, hann reis upp samkvæmt ritningunum. Hann skapaði karl og konu, samkvæmt ritningunum til að þau tvö verði einn maður (hjón) samkvæmt ritningunum.
En ert þú með skoðun eða trú samkvæmt ritningunum?
kær kveðja
Snorri í Betel


mbl.is Varar við hjónabandi samkynhneigðra
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Óskar Arnórsson

Nei Snorri, ég trúi á Guð og ekki ritninguna. Ritninginn sjálf er ágæt að lesa og til að læra af henni. Enn túlkun fólks, Páfans, presta og allskonar sjálfútvaldra sérfræðinga um Guð er bæði óguðlegt, rangt og boðar illgirni og rangtúlkun á öllu lífinnu. Þú sem ert reyndar virtur fyrir allkonar góða hluti getur bara ekki leyft þér að boða svona ofbeldisfulla skoðun á hlutum sem þú hefur ekkert vit á, og þú átt ekki að vera ljúga upp á Guð fram og til baka. Langar þig ekki að fara vitkast í þessum málum eitthvað Snorri minn?

Óskar Arnórsson, 11.3.2012 kl. 17:03

2 Smámynd: Snorri Óskarsson

Sæll Óskar

Enginn gefur sér vitið, það er frá forfeðrunum( í genabanka kynslóðanna) og frá Guði. Ég þarf alltaf að vitkast og auka við mig. Ég er feginn að þú fylgist líka með, þá er einnig von um vitræna niðurstöðu einhverntíma.

Finnst þér þú hafa efni á að kalla orð Jesú: "rangtúlkun á öllu lífinu"?

Snorri Óskarsson, 11.3.2012 kl. 18:27

3 Smámynd: Óskar Arnórsson

Ég geri ekki lítið úr orðum Jesú á neinn hátt. Enda er mest lítið eftir honum haft í Biblíunni, líklegast ekkert. Ég myndi frekar lesa nokkar setningar úr Tómasarguðspjalli til að fá eitthvað orðrétt haft eftir Jesú ef þig langar til þess. Annars er ég bara að stúdera hversu illa menn geta farið út úr því að binda sannfæringarkrift sinn Biblíunni í stað Guðs ... það kemur niðurstaða í þetta alltsaman einhverntíma.

Óskar Arnórsson, 11.3.2012 kl. 19:10

4 Smámynd: Snorri Óskarsson

Óskar

Ég vil bara tína til eftirfarandi:

Ég hef þetta eftir Jesú: Hann svaraði: "Hafið þér eigi lesið, að skaparinn gjörði þau frá upphafi karl og konu og sagði: ,Fyrir því skal maður yfirgefa föður og móður og bindast konu sinni, og þau tvö skulu verða einn maður.´Þannig eru þau ekki framar tvö heldur einn maður. Það sem Guð hefur tengt saman ,má maðurinn eigi sundur skilja." Matt. 19: 4 - 6

En þú segir að ég:

getur bara ekki leyft þér að boða svona ofbeldisfulla skoðun á hlutum sem þú hefur ekkert vit á, og þú átt ekki að vera ljúga upp á Guð fram og til baka. " Enda er mest lítið eftir honum haft í Biblíunni, líklegast ekkert"

Með þesum orðum ertu bara að gera orð Jesú að engu!

Tómasarguðspjallið var ekki rita' af Tómasi. Kyrillý trúboði Slavneskra þjóða (uppi um 359 e.kr.) varaði alla við lestri þessa guðspjalls og srgir að maníear hafi samið (sjá, Átökin um textann, Dlarens Glad,2004, bls.133) Svo ef þú ert svona sannleikselskandi trúmaður þá færir þú þig frá ævintýrum og inní sannleikselskandi boðskap, Biblíuna. Þannig helgast nafn Guðs og Guð skapari þinn.

Snorri Óskarsson, 12.3.2012 kl. 13:49

5 Smámynd: Óskar Arnórsson

Munurinn á okkur Snorri er að ég vitna ekki í orð Jesú. Ég hef ekki leyfi til þess frekar enn þú. Enn þú tekur þér réttinn í krafti hópsefjunar trúarbragðana. Þú hefur engan áhuga á staðreyndum um Jesú. Þú kóperar sömy lýgina um hann sem hefur verið gert í kirkjunni öll ár.

Og þessi aðferð þín að segja að ég geri orð jesú að engu með því að ÞÚ vitnir í Matt. 19: 4 - 4 er mest sorglegt mest fyrir þig. Þó Jesú sjálfur myndi birtast þér og segja hvað sem er annað enn það sem stendur í Biblíunni, myndi bara verða til þess að þú myndir aldrei trúa því að það væri hann. Þú myndir hafa orð hans að engu.

Þegar hugsanir fólks eru orðnar bara einfaldar kópiur af uppskrift valdasýki kirkjunar, þá er ekki eftir miklu að slæðast. Þú ættir kanski að kenna eitthvað annað enn um Guð Snorri. Ég veit t.d. að þú hefur ekki vit á Guði, ert ekki talsmaður hans frekar enn neinn annar hér á jörð og ætlar að þrengja skoðunum þínum, sem eru ofbeldisfullar, upp á fólk með hroka og einstrengnishætti.

Með einmitt þessu háttalagi þínu svíkur þú allt sem er heilag. Gefðu lestrinum á Biblíunni frí í smá tíma, helst allaf, og tengstu Guði í staðin og þá færðu allar upplýsingar og allt annað sem þú þarft á að halda...

Trúarbrögð í framtíðinni munu hafa sama status í hugum og minningu fólks sem öll villimannslegustu stríð heimsins.

Óskar Arnórsson, 13.3.2012 kl. 16:19

6 Smámynd: Snorri Óskarsson

Oskar

Á hverju byggir þú trú þína? Sagt er að Jesús hafi fengið svipað tilboð og þú gerir mér hvernig ég eigi "að tengjast Guði í staðinn og þá færðu allar upplýsingar og allt annað sem ég þarf" þá vil ég segja þér að þetta er í sama anda og Satan lagði fyrir Jesú á fjalli freistingarinnar. Þá Svaraði Jesú ævinlega: "Ritað er" og gaf Djöflinum ekkrt færi.

Ég svara þér eins: "ritað er"! Eftir því ætla ég að fara því ég treysti frekar þeirri speki sem hefur gefið mönnum æðstu hugsjónir, bestu lög, mestu varnir og kærleiksríkustu samfélög sem menn þekkja. Ritningarnar eru allt annað en mannskemmandi. Kannast þú ekki við Orðið: "vitnisburður Drottins er áreiðanlegur, gjörir hinn fávísa vitran. Fyrirmæli Drottins eru rétt, gleðja hjartað. Boðorð Drottins eru skír hýrga augun"? Sálm. 19: 8 - 9

Bara svo þú megir vita að þá hafa villimannlegurstu stríð verið haldin vegna "stjórnmálaskoðana" Nazismi og kommúnismi (socíalismi) eru stjórnmálaskoðanir. 

Jesús Kristur segir: "slíðra þú sverðið"! enda mætti friðarhöfðinginn örlögum sínum óvopnaður eggvopnum eða bareflum. Þannig var hann fyrirmynd fyrir þig og mig.

Lestu Biblíuna og hún mun halda þér frá synd!

Snorri Óskarsson, 13.3.2012 kl. 16:58

7 Smámynd: Óskar Arnórsson

Innbyggð afneitun er kennd í Biblíuuni og notuð um allan heim. Ég er búin að lesa Biblínna og það væri alveg hægt að mæla með bókinni sem lesefni ef það væri ekki fyrir ábyrgðarlausa sem misnota hana með dýrkunaráráttu sinni. Ég er ekkert í stríði við þig Snorri, né neinn annan og hef ekkert sverð að slíðra.

Þú veist að sterk dýrkunarárátta er oft tengd slæmri samvisku...

Óskar Arnórsson, 13.3.2012 kl. 18:52

8 Smámynd: Brynjólfur Þorvarðsson

Snorri, ég má til með að hrósa þér fyrir að vera óhræddur við að sýna út á hvað kristnin í raun gengur. Enda er ég feginn að þetta er allt uppspuni.

Annars vildi ég bæta við að ég er ósáttur við að þú skyldir missa kennarastarfið fyrir skoðanir þínar. Að því gefnu að þú hafir ekki látið þær koma fram í kennslu, en ég hef ekkert séð sem bendir til þess.

Brynjólfur Þorvarðsson, 13.3.2012 kl. 19:08

9 Smámynd: Snorri Óskarsson

Óskar

Ég þekki ekki þetta með dýrkunina og slæmu samviskuna. Var það þessi knýjandi árátta hjá Búdda eða Múhammeð? Má vera, en varla hjá Jesú Kristi. Við getum þá átt von á því að fangar og glæpamenn verði þeir sem prédika næst? 

K.kv

Snorri

Snorri Óskarsson, 13.3.2012 kl. 23:27

10 Smámynd: Óskar Arnórsson

Ofsatrú og dýrkun haldast í hendur. Samviskubit og og fyrirbærið sem þú skilur sem "synd" er sami hluturinn. Budda og Muhammed eru ekkert minni manneskjur en Jesú, þó ofsafengin dýrkun þín á Jesú kemur í veg fyrir að þú getir séð aðrar manneskjur í réttu ljósi og þar með tengst Jesú neitt.

Kristin trúarbrögð er vel gerður pólitískur lygavefur búin til með það fyrir augum að taka til fanga einfaldar sálir og stjórna þeim. Þeim er kennt um Satan til að geta sjálfir verið sínir eigin fangaverðir og gengur bara vel og þú sannar það svart á hvítu.

Að þú segir að þú ekki þekkir dýrkuninna Snorri hljómar eins og hjá manneskju sem neitar því að vera fullur enn getur samt ekki staðið í lappirnar vegna ölvunar...

Óskar Arnórsson, 14.3.2012 kl. 02:00

11 Smámynd: Snorri Óskarsson

Óskar

Nú ertu farin að tala eins og kófdrukkinn maður. Samhengið vantar algerlega. Kristin trú hefur nefnilega ekki verið pólitískur lygavefur heldur ógn og skelfing gegn pólitískum lygavef. Kristin trú hefur allsstaðar verið metin sem hættuleg í ríkjum stórpólitískra valdhafa. Hún telst einnig hættuleg hér á Akureyri.

En ég þakka þér samt fyrir að beina sjónum mínum að fangaverði mínum sem er greinilega Satan sjálfur. En ég trúi nefnilega á lausnarann Jesú - hans fyrirgefandi kraftur leysir menn frá synd, ávöxtum syndarinnar og dauðans. Enda er hún trú sannleikans.

Óskar, hvað bendir þér á hvort þú gangir á vegi sannleikans og hafir réttar skoðanir?

k.kv

Snorri

Snorri Óskarsson, 14.3.2012 kl. 09:26

12 Smámynd: Óskar Arnórsson

Er það einhver venja hjá þér Snorri að tala við alla eins og þeir séu fábjánar sem ekki eru sammála þinni aðferð í trúnni? Og eru menn annaðhvort í höndum Satans eða þeir verða að vera sammála þér? Veistu nokkuð í alvörunni hvað þú ert að tala um?

Það er til fullt af samhengi í lífinnu sem fer fyrir ofan garð og neðan hjá þér þar sem þú ert undir þessum trúarisma. Ógn og skelfing kristihalds um allan heim eru staðreyndir sem varla er hægt að þverfóta fyrir í heimildum á fjölda tungumála. Af hverju heldur þú að það séu félagssamtök um allan heim sem bjóðast til að hjálpa fólki eins og þér Snorri?

Ég skal segja þér af hverju. Þeir hafa verið í nákvæmlega sömu afneitun og þú, þeir þekkja þetta, trixin og mixin ásamt orðaleikjum Biblíunnar eða margra annara trúarrita, og hafa náð sér úr því og eru í dag eins og heilbrigt fólk. Það er bara ein afneitun sem er sambærileg hjá fólki haldin trúarfíkn, og það er afneitun anorexiu sem allir vita að er skelfileg. Hún er að svelta í hel og trúir því að hún sé of feit. Trúarfíkn veldur tilfinningalegri anorexíu og það er þekkt fyrirbæri um alla veröldina. Það er það vandamál sem þú ert með Snorri, ég veit það, enn þú ekki. Alla vega ekki enn.

Það sem stýrir mér er Guð og samviska mín Snorri. Öll þín rökfræði trúarbragða eru sömu tegundar og prestar palestínumanna nota þegar þeir þjálfa smábörn til að bera sprengjur yfir til Ísrael. Oh trúðu mér, ekkert af því sem ég segi er illa meint til þín á nokkurn hátt. Þvert á móti.

Óskar Arnórsson, 14.3.2012 kl. 22:37

13 Smámynd: Snorri Óskarsson

Óskar

Hvað áttu við með þessum orðum: " að tala við alla eins og þeir séu fábjánar sem ekki eru sammála þinni aðferð í trúnni?"

Snorri Óskarsson, 15.3.2012 kl. 09:03

14 Smámynd: Óskar Arnórsson

þegar þú notar þessa "taktík" með Satan sem er líka hugmyndafræði úr Biblíu þá geriru bæði lítið úr þér og þeim sem þú talar við. Rökfræði Biblíunnar gengur út á að hóta með Satan eða reyna telja viðmælaenda sínum í trú um að hann sé í hans höndum séu menn ekki sammála Biblíutrúarmönnum. þetta er vandamál um allan heim Snorri og kallas fyrir afneitun. það er hugarfarsleg "blokkering" sem er vel þekkt í allskonar málum, mest þekkt

Fjölskyldur flosna upp vegna biblíutrúar follorðina í kringum sig og börn sem vaxa upp með foreldra í sértrúarsöfnum eða fanatískum biblíuforeldrum eiga oftar á hættu að lenda í félagslegum vandamálum, lenda í eiturlyfjaneyslu og allskonar glæpum. Ég hef hitt óteljandi svona foreldra. Gjörsamlega aftengdir, lifa í eigin veröld sem þeir kalla "Guðstrú" enn sem virkar á alla sem "tilfinningalegt fyllerí" og slæm manía. Þeir eru upp til hópa eigingjarnir og hætta að hlusta á nokkra manneskju nema sjálfan og þá sem eru þeim innilega sammála. sem styðja þá í þessu hugarfarslegu bóndabeygju sem þeir sjálfir komu sér í.

Þú vitnar síknt og heilagt í Jesú Krist. Hefurðu hitt hann persónulega? Ég er ansi hræddur um ekki. Ef þú hefðir gert það í alvöru myndir þú gjörsamlega snúa við blaðinu og hætta tilvitnanna ruglinu. Ég er ekkert að tala um þessa hluti í fyrsta skipti Snorri. Ég er bara ekki vanur að að ræða þetta á íslensku og alls ekki í skrift. Ef þú sætir fyrir framan mig og við ættum þessar umræður í stórum hóp af fólki, hver með sína "skynsemi" þá myndirði fyrst skilja hvar þú værir staddur í trúmálum.

.... Ég trúi því að þú viljir trúa á Guð. Líka að þíg langi til að tengjast Jesú vitundinni sem er það sama fyrir marga. Ég trúi að þú sért góðmenni. Enn þú ert með vankanta eins og allir aðrir. Ekki yrði ég hissa að fólk þyrfti að tipla svolítið á tánum í kringum þig. Þér þykir sjálfsagt að ráða yfir öðrum og þú tekur ráðin af fólki í kringum þig með elsta trixi í mannkynssögunni, biblíutilvitnunum. Og þú ert ekkert hamingjusamari á eftir. Og engu nær um leit þína að Guði....

Heldur þú að ég viti hvað ég sé að tala um Snorri, eða er ég bara fjandin sjálfur að freista þín? Það er auðvelt að kalla fólk fábjána í kringum sig Snorri, og sé maður á þinni línu kallar maður þá bara "verkfæri djöfulssins" og málið er afgreitt.... og ég hef heyrt það allt fyrr á nokkrum tungumálum.

Óskar Arnórsson, 15.3.2012 kl. 10:22

15 Smámynd: Aron Arnórsson

Páll vildi leiða fram fyrir Krist hreina mey. Kristur barnaði þessa mey og afhvæmið er í þann mund að fara fæðast... enda sjáum við að Páll líkir endatímonum við fæðingarhríðir.

Aron Arnórsson, 16.3.2012 kl. 03:01

16 Smámynd: Aron Arnórsson

Málið er bara að Messías þorir ekki framm á sjónarsviðið útaf mönnum einsog þér Snorri.

Aron Arnórsson, 16.3.2012 kl. 03:03

17 Smámynd: Aron Arnórsson

Ef einhver fer með annarlegar kenningar og fylgir ekki hinum heilnæmu orðum Drottins vors Jesú Krists og því, sem guðrækni vor kennir, þá hefur hann ofmetnast og veit ekki neitt. Hann er sótttekinn af þrætum og orðastælum. Af þessu fæðist öfund, deilur, lastmæli, vondar hugsanir, þjark og þras hugspilltra manna, sem eru sneyddir sannleikanum, en skoða guðhræðsluna sem gróðaveg.

Aron Arnórsson, 16.3.2012 kl. 03:14

18 Smámynd: Sigurður Rósant

Ég má nú til með að hrósa Óskari fyrir innlegg 12 og 14 hér að ofan.

Það er engin spurning í mínum huga, kæri Snorri, að það er kominn tími til þess í þínu brogaða lífi, að þú athugir þinn gang í framkomu þinni gagnvart gagnkynhneigðum, trúleysingjum eða bara öðrum hópum sem þú ert ekki sammála, miðað við sýn þína á boðskap Biblíunnar eða meintum orðum Jesú Krists.

Það má, eins og Óskar ýjar að, heimfæra ýmsar yfirlýsingar yfir á Jesúm Krist sem eru umdeilanlegar. Það má t.d. túlka sum orð hans á þann veg að hann sé trúleysingi og jafnvel tvíkynhneigður. En ég veit að það myndi vekja upp hneykslun í þínum þönkum ef einhver færi nánar út í þá sálma.

Betra væri að þú færir að líta á Biblíuna og Nýja Testamentið sem eins konar þjóðsögur Hebrea, sem upphaflega voru ætlaðar til að segja eða lesa upp rétt fyrir svefninn og innprenta börnum ákveðna hlýðni við fullorðna, sem hefur alla tíð verið og er enn vandi þeirra eldri og foreldra.

Þannig getum við alla vega litið á þjóðsögur Íslendinga og annarra þjóða. Hví skyldi það hafa verið öðru vísi hjá Hebreum?

Sigurður Rósant, 16.3.2012 kl. 13:31

19 Smámynd: Snorri Óskarsson

Sigurður

Þú vilt semsagt nota Biblíusögurnar á börnin en ekki á þig og ekki á Óskar!

Finnst þér þú vera samkvæmur sjálfum þér?

Það er ekki ílíkt með þér og Óskari, þið viljið ræða trúmál og fjarlægja Biblíuna úr þeim málaflokki. En hún er "til menntunar og sáluhjálpar". Ég tel hana öruggari en draumsýnir ykkar á þessum málum.

Ég get bara engan veginn tekið ykkur sem eitthvað stjórnvald í þessum málum.

kær kveðja

Snorri

Snorri Óskarsson, 17.3.2012 kl. 09:16

20 Smámynd: Óskar Arnórsson

það er ótrúlega hrokafull afstaða sem þú kemur með Snorri að kalla skoðanir sem ekki eru þér að skapai fyrir "draumsýnir". Og í næstu setningu talar þú um "sjórnvald" í þessum efnum...

Það er engin að reyna að stjórna þér Snorri. Á meðan "sannfæringarkraftur" þinn brennur fyrir þessari "skoðun" þinni sem þú kallar "sannleika" og vitnar í Biblíunna máli þínu til stuðnings, þá er ég einfaldlega að benda á staðreyndir eins og að sjálfur "sannfæringarkrafturinn" er sterkur og það má ekki fórna ábyrgðinni sinni á altari þeirrar andlegu leti sem felst í því að sleppa öllu sínu lífi í armana á á þessari "fílósófíu" sem þú greinilega upplifir sem "sanna trú".

Það er ekkert mikilvægt hvað Jesú sagði í gamla daga við hvern eða hvað hann meinti. Og svona til gamans þá er ALLS ekki neitt við í umræðum um trú á Guð ef Biblían er með. Biblían hefur ekkert með Guð að gera frekar en Kóran og svipaðar bækur.

Óskar Arnórsson, 17.3.2012 kl. 20:59

21 Smámynd: Snorri Óskarsson

Óskar

Hvernig mælir þú trú? Hvernig aðgreinir þú skakka trú frá réttri trú? Er enginn munur. rómverjar sögðu: "Errarum humanum est" eða það er mannlegt að skjátlast. Má ekki taka þá afstöðu að menn bregðast en hinn sanni Guð ekki? 

Ég tel Ritningarnar myndugar og máttugt Guðs Orð. Hvort það falli undir hroka, fáfræði eða eitthvað annað neikvætt læt ég þér alveg um að dæma. En aðeins einn trúarbragðahöfundur mannkynsins á sína tómu gröf, segir það ekkert?

kær kv.

Snorri

Snorri Óskarsson, 18.3.2012 kl. 10:16

22 Smámynd: Snorri Óskarsson

Aron

Kristur kemur á þeim degi þegar Jerúsalem verður skipt upp, húsin rænd og konurnar smánaðar eins og sagt er. Það verður sama dag og Anti-Kristur ætlar að setjast í hásæti Guðs í Musterinu sem á eftir að rísa uppi á Musterishæðinni. Þá kemur Kristur í mætti, veldi og mikilli dýrð.

Ég mun ekki stöðva hann heldur fagna honum! Þá verður brúður Krists, hinn sanni söfnuður endurfæddra einstaklinga opinberaður. Hinn huldi maður hjartans opinber sem heilagur og flekklaus persónuleiki.

k.kv.

Snorri

Snorri Óskarsson, 18.3.2012 kl. 10:22

23 Smámynd: Óskar Arnórsson

Við vitum jafnvel Snorri að trú er ekki mælanleg... mig langar til að spyrja þig einfaldrar spurningar. Telur þú að einhver geti farið illa af því að stúdera trúarbrögð yfirleitt, sama hver, og sérðu nokkuð vit í því sem ég er að færa fram? Telur þú að "dýrkun" geti orðið svo sterk að fólk tapi tengingunna við raunverulekan eingöngu af þeirri ástæðu? Er það mögulegt í þínum huga að hægt sé að misnota trúarbrögð einhvernvegin? Og þá á ég ekki við hreina geggjun fólks sem drepur hvert annað og segir að ástæðan sé hvegna þess að það standi í einhverri trúarbók..

Óskar Arnórsson, 18.3.2012 kl. 11:05

24 Smámynd: Sigurður Rósant

Elsku Snorri kallinn minn. Þú ættir, sem fyrrum kollegi minn að beita meir "virkri hlustun" þegar þú lest eða hlustar á þá sem eru annarrar skoðunar eða trúar en þú.
Ég gef hvergi í skyn að Biblíusögurnar skuli notaðar á börnin. Hins vegar gef ég í skyn að þær eins og aðrar þjóðsögur hafi verið notaðar í uppeldislegum tilgangi hér áður fyrr, en trúaðir menn eins og þú og fleiri, vilja enn nota þessar sögur til að móta ómótaða hugi barna og unglinga.
Svo er það nú oftúlkun hjá þér líka að líta á innlegg mín eða Óskars sem eitthvert stjórnvald. En ef svo er þá mættir þú minnast meintra orða Páls postula í Róm 13:1.

Sérhver maður hlýði þeim yfirvöldum, sem hann er undirgefinn. Því ekki er neitt yfirvald til nema frá Guði, og þau sem til eru, þau eru skipuð af Guði. Sá sem veitir yfirvöldunum mótstöðu, hann veitir Guðs tilskipun mótstöðu, og þeir sem veita mótstöðu munu fá dóm sinn.
Þú hefur sjálfur engan áhuga fyrir því að fara eftir þessum orðum Páls, þó að þú lítir á orð hans sem jafn óskeikul og öll önnur orð sem fengið hafa að tilheyra þeirri Biblíu sem þú þykist trúa á.
Ég treysti mér vel til að beita tilvitnunum í Biblíuna og benda þér þannig á þverstæður og mótsagnakenndar fyrirskipanir um hegðun ungra sem fullorðinna Hebrea og Gyðinga. Ég lít hins vegar á þessar fyrirskipanir sem mannanna verk en ekki ritverk sem ritstýrt hefur verið af einhverjum óskilgreindum og þokukenndum guði sem löngu er hættur að fá sér kvöldgöngu í aldingarðinum Eden, eftir að hann rakst á þau Adam og Evu berrössuð.

Sigurður Rósant, 18.3.2012 kl. 17:04

25 Smámynd: Snorri Óskarsson

Sigurður Rósant

Svona ávarp er lítillækkandi og fullt af hroka. Þetta notar enginn sem vill láta taka sig alvarlega. Þú ert með rakalausar fullyrðingar um mig og mínar skoðanir á því sem ég hef ekkert tjáð mig um. Það þýðir að fordómarnir stýra rökræðu þinni og áliti gagnvart mér.

Hafa ekki íslensk yfirvöld valið að tilheyra kristinni arfleyfð? Hví er ég þá að sporna gegn valdastétt sem sett er af Guði? Hefur íslensk valdastétt ekki sett inní stjórnarskrá að ég hafi tjáningar-, skoðunar- og trúfrelsi? Hvers vegna er ég þá að veita Guði mótstöðu?

Sigurður, afskaplega skortir á röksemdir þínar - það finnst mér afar hryggilegt! Sérðu ekki að það eru íslensk valdastétt að fara á svig við stjórnarskrárvarinn rétt minn til að tjá skoðanir og trú mína. Þú hefur því miður sett þig í sama flokkinn og hin íslenska valdastétt kom sér í.

skoðaðu betur, miklu betur samhengið í umræðunni. þá gætir þú forðað þér frá því að verða flengdur opinberlega á beran .....!

Snorri Óskarsson, 18.3.2012 kl. 21:25

26 Smámynd: Sigurður Rósant

Ja hérna, elsku Snorri kallinn minn.

Nú ertu að spauga. Þannig hef ég þekkt þig í gegnum árin 42 sem liðin eru. Ég dæmi þig eftir á en ekki fyrirfram. Þær 24 IP tölur sem litið hafa inn hér síðasta sólarhring geta sjálfar haft einhverjar skoðanir á því hvort ég fari með staðlausa stafi um þig og þína þykistu trú. Sjálfsagt geta einhverjar IP tölurnar risið upp þér til varnar, aðrar haft gaman af og þær síðustu kannski verið meira mér sammála eða bara látið okkar orðasamskipti lönd og leið.

En hafa ekki íslensk stjórnvöld valið að veita samkynhneigðum vernd gegn ágangi bókstafstrúaðra eins og þér og þínum líkum, Snorri minn? Íslensk stjórnvöld hafa rifið tennur úr ægivaldi kristinna undanfarna áratugi, enda eru kristnir orðnir sem saklaus lömb við hliðina á glefsandi úlfum annarra ónefndra trúarhópa sem nýta sér stjórnarskrárvarinn rétt sinn til að iðka sína trú að eigin geðþótta.

Mér segir svo hugur, Snorri minn, að þú farir brátt að hljóta sams konar örlög og Nebúkadnesar sem sagt er frá í Daníelsbók 3. kafla 22. eða 33. versi, þar sem ritað er af Hebrea höndum:

"Þú munt út rekinn verða úr mannafélagi og eiga byggð með dýrum merkurinnar. Þér mun gefið verða gras að eta eins og uxum, og sjö tíðir munu yfir þig líða, uns þú viðurkennir, að Hinn hæsti ræður yfir konungdómi mannanna og getur gefið hann hverjum sem hann vill."

Ég sé, Snorri, að þú hefur sitt hvað þér til málsbóta, þar sem þú ert rekinn út á guð og gaddinn fyrir það eitt að tjá skoðanir þínar hér innan um fámennan hóp lesenda, þar sem börn hafa engan áhuga fyrir að kynna sér þínar skoðanir eða mínar. En hitt er líka skylda þín sem opinbers starfsmanns, að þú skalt gæta þess að álasa engum sem nýtur verndar íslenskra laga, hvorki innan stofnunar né utan. Að því leyti hefur þú brotið þá heilögu grein ríkisvaldsins sem hljóðar svona:

"Starfsmanni er skylt að rækja starf sitt með alúð og samviskusemi í hvívetna. Hann skal gæta kurteisi, lipurðar og réttsýni í starfi sínu. Hann skal forðast að hafast nokkuð það að í starfi sínu eða utan þess, sem er honum til vanvirðu eða álitshnekkis eða varpað getur rýrð á það starf eða starfsgrein, er hann vinnur við."

Svo, þú hefur lent svona á nokkuð "gráu" svæði að mínu mati, en ég býst fastlega við að þér verði ekki veitt full uppreisn æru þó þú lifir í voninni og þinni einlægu en broguðu trú á Jesúm þinn Krist.

Ég sé þessa hluti sjálfsagt í annars konar samhengi og þú og þínir stuðningsmenn, en ég sá það líka fyrir mér að sálfræðingurinn Pétur Mack skaut út í bláinn þegar hann kærði þig fyrir gjörning sem hann átti sjálfur engra hagsmuna að gæta.

Sigurður Rósant, 18.3.2012 kl. 22:36

27 Smámynd: Snorri Óskarsson

Sigurður

Hvað áttu við?

"hafa ekki íslensk stjórnvöld valið að veita samkynhneigðum vernd gegn ágangi bókstafstrúaðra"

Svo varðandi uppreisn æru þá sé ég á þinum orðum að hún mun seint koma því hún byggist á öðrum og áliti annarra. Ég hef ekki slæma samvisku.

Snorri Óskarsson, 18.3.2012 kl. 22:59

28 Smámynd: Óskar Arnórsson

Snorri. það er ekkert að því að hafa slæma samvisku stundum. Það er einmitt það sem gerir okkur að manneskjum. Enn það er til fullt af fólki á flótta undan "slæmri samvisku" sem er þekkt í Bibliunni sem "syndin" sjálf. Ég tek nú undir með Sigurði Rósant og hans rökum. Það er óneitamnlega "frískara" að lesa hans vangaveltur um Guð enn þínar. Og ég er er ekki, og vil ekki gera lítið úr þinni trú á Guð.

Enn í mínum heimi Snorri þá er Guðstrú ekki það sama og trúarbragðatrú. Þetta eru tveit óskyldir hlutir sem trúarbragða trúarfólk blandar saman svo úr verður samskiptavandamál á óteljandi sviðum. Ég á góðan vin í sænsku kirkjunni. Hann vinnur sem prestur 5 daga vikunnar. Hann segir mér frá "skemmtilegum" atvikum úr sinni vinnu og ég honum frá minni. Við hlægjum mikið saman og tölum þess á milli um andleg mál.

þú valdir kirkjuna og Biblíunna sem yfirvald þitt Snorri. Sumir giftast konum sem stjórna þeim með harðri hendi og það er þeirra "yfirvald". Fólk sem vill ekki, nennir ekki og kann ekki að hugsa sjálft, sem þiggur ekki fallegstu gjafir Guðs, fría og frjálsa viljan, og undirkastar sig alla vega sýstemum í nafni fólósófíu (trúarbragða) eða annars stjórnvalds og líður best að vera kúgað undir þessi "yfirvöld" sem það bjó til sjálft.

"Þegar viljalausa fólkið eða þrælahópurinn er orðin nógu stór, hjálpar það hvort öðru til að viðhalda ríkjandi ástandi". Alla vega þá ætla ég ekki að segja mikið um viðhorf þitt til samkynhneigðra. ég veit alveg um þína afstöðu og ég veit líka að sú afstaða fær Guð, Jesú krist og allt sem er heilagt til að vorkenna þér fyrir misskilning þinn á lífinnu sjálfu...og að sjálfsögðu með væntingum um að þú vaknir til skilnings. Ég held að þú þurfir ekkert að bíta í neitt epli til að öðlast þann skilning. Enn einhverja ákvörðun þarftu að taka. Það er greinilegt.

Óskar Arnórsson, 18.3.2012 kl. 23:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Snorri í Betel

Höfundur

Snorri Óskarsson
Snorri Óskarsson

Er lífeyrisþegi og notar tímann til að fylgjast með Ritningunum rætast! Var safnaðarhirðir Hvítasunnukirkjunnar á Akureyri 2004 - 2018 og kennari í Brekkusóla frá 2001 til 2013.

Hef stundað kennslu frá 1973 á Vopnafirði. Gagnfræðaskóla Vestmannaeyja frá 1975, Barnaskóla Vestmannaeyja, Iðnskóla- Vélskóla og Stýrimannaskóla Vestmannaeyja. Gerðist kennari við Framhaldsskóla Vestmannaeyja við stofnun hans og fram til 1986. Hóf aftur kennslu við Hamarsskóla Vestmannaeyja uns ég flutti til Akureyrar sumarið 2001.

Hef veitt Hvítasunnukirkjunni Betel í Vestmannaeyjum forstöðu fram til miðs árs 2001 og verið forstöðumaður Hvítasunnukirkjunnar á Akureyri frá 2004 - 2018. 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • IMG_1548
  • friðrik
  • sveitadúkurinn
  • papakrossinn
  • Betesta

Heimsóknir

Flettingar

  • Í dag (28.3.): 9
  • Sl. sólarhring: 13
  • Sl. viku: 94
  • Frá upphafi: 240816

Annað

  • Innlit í dag: 8
  • Innlit sl. viku: 85
  • Gestir í dag: 7
  • IP-tölur í dag: 7

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband