Sjálfs er höndin hollust!

Er þetta ekki dæmi um hningnun kynstofnsins?
Konur hafa "jafnrétti" en samt lægri laun en karlar. Það eru yfirleitt karlar sem ráða launakjörum nema þegar forsætisráðherra ætlaði að "afrugla" launakerfið þá sat hún eftir og karlarnir bættu sín kjör. Kvennastéttirnar hafa farið vaxandi en flestar á rýrum kjörum. Kennarar þurfa að lifa við hungurmörk af því að ....konur þurfa ekki há laun?
Ég hef sagt við unga karlmenn sem eru að ganga í það heilaga að kristna sjónarmiðið er að "elska konu sína og leggja líf sitt í sölurnar fyrir hana"! Þá verða ævinlega sömu viðbrögðin. Konurnar lyfta höfði en karlarnir brosa líkt og þeir vilja segja :"Láttu þig dreyma."
Þessi frétt um sjóslysin og sjálfselskuna er mjög glöggt dæmi um hnignun og fráhvarf frá kristnum og Biblíulegum gildum.
En svo má líka benda á að "réttur kvenna yfir sínum eigin líkama" er alvarleg aðför að lífi barna því þetta eru helstu rökin fyrir fóstureyðingum. Má vera að hér birtist siðrof samtímans hvað best og það skilar sér í afstöðu karlmanna til sjálfra sín og barnanna. Þættirnir "Sex in the City" ala á þessu eigingjarna og ábyrgðarlausa lífsmáta sem unga fólkið vill hafa en kostnaðurinn verður þessi að hver hugsi um sig til að lifa af. Þá verður ekki mikið pláss fyrir börnin!
Postulinn sagði: "Sjálfur lifi ÉG ekki framar, heldur KRISTUR í mér". Þessa reglu þarf kirkjan að koma inní hugarfar hins sanna karlmanns. Við eigum að fórna okkur fyrir eiginkonuna og börnin okkar.
Amen?

Snorri í Betel

Karlmenn líklegri til að lifa af skipskaða

Athugasemdir

[Sigurður Rósant, 2.8.2012 kl. 20:22]

Hnignun kynstofnsins?  Hvað áttu við, Snorri? Ertu að tala um hnignun einhvers kynstofns umfram einhvers annars?

Það tíðkaðist hér áður fyrr að niðjar einhvers "stórmennis" mökuðust einungis innan niðja hans. Þannig  er því enn varið meðal ýmissa kynstofna hjá múslimum, Gyðingum og fleiri frumstæðum ættflokkum.

Í dag tíðkast hins vegar, eins og þú veist vel, að fólk hikar ekki við að leita sér maka utan ættarinnar eða kynstofnsins sem var og hét.

Þú ert þannig afkomandi tuga og hundruða forfeðra og formæðra ef þú leitar aðeins í 6 - 10 ættliði aftur í tímann í aðeins 100 - 200 ár.

Eruð þið í Hvítasunnusöfnuði þínum eitthvað að snúa til fyrri siða?

[Aron Arnórsson, 6.8.2012 kl. 23:52]

Amen Snorri minn í Jesú nafni.

[Áki Pétur Gíslason, 8.8.2012 kl. 08:40]

Amen Snorri

[Aron Arnórsson, 9.8.2012 kl. 16:27]

Hvað á ég að orðlengja framar um þetta? Mig mundi skorta tíma, ef ég færi að segja frá Gídeon, Barak, Samson og Jefta, og af Davíð, Samúel og spámönnunum. ³³Fyrir trú unnu þeir sigur á konungsríkjum, iðkuðu réttlæti, öðluðust fyrirheit. Þeir byrgðu gin ljóna, ³⁴slökktu eldsbál, komust undan sverðseggjum. Þeir urðu styrkir, þótt áður væru þeir veikir, gjörðust öflugir í stríði og stökktu fylkingum óvina á flótta. ³⁵Konur heimtu aftur sína framliðnu upprisna. Aðrir voru pyndaðir og þágu ekki lausn til þess að þeir öðluðust betri upprisu. ³⁶Aðrir urðu að sæta háðsyrðum og húðstrokum og þar á ofan fjötrum og fangelsi. ³⁷Þeir voru grýttir, sagaðir í sundur, höggnir með sverði. Þeir ráfuðu í gærum og geitskinnum, alls vana, aðþrengdir og illa haldnir. ³⁸Og ekki átti heimurinn slíka menn skilið. Þeir reikuðu um óbyggðir og fjöll og héldust við í hellum og gjótum.

³⁹En þó að allir þessir menn fengju góðan vitnisburð fyrir trú sína, hlutu þeir þó eigi fyrirheitið. ⁴⁰Guð hafði séð oss fyrir því sem betra var: Án vor skyldu þeir ekki fullkomnir verða.

Þvílíkt og annað eins! En hvað segir þú Snorri, verða postularnir og hinir heilögu fullkomnir án OSS?