Fyrirfram augljóst ???

Eigum við að standa með Ísrael? Er rétt að hneykslast á afstöðu þeirra gagnvart ,,Palestínu"?

Mestan hluta þess tíma sem átök hafa staðið yfir milli Ísraels og Gaza hafa fréttastofur á Íslandi lagt málin fram með upplýsingum frá yfirvöldum á Gaza, Sameinuðuþjóðunum, Aljasíra og Ap fréttastofunni. Allar þessar fréttir hafa verið sérsniðnar af Hamas samtökunum eftir því sem fréttastjóri AP fréttastofunnar viðurkenndi. 

Í þessu fjölmiðla flæði hefur árangurinn verið sá að Gyðigahatur hefur stórlega vaxið á Vesturlöndum. Vöxturinn er svo ör að nefngreindir starfsmenn HÍ hafa reynst andstæðingar tjáningarfrelsis gyðinga, til að varðveita falskar fréttir og upplýsingar sem eru Hamas samtökunum heppilegar.

Nú segja Ísraelsmenn að þeir geti ekki treyst PA eða Hamas fyrir stjórn á Gaza að átökum loknum. Tyrkir hafa lagt orð í belg um þessa ,,ósvinnu" þó að þeir geti ekki sleppt tökunum á Kúrdistan og Kínverjar vara við innlimun Gaza þó svo að þeir vilji enganveginn sleppa tökunum á Tíbet! Við segjum gjarnan að sá sem býr í glerhúsi skuli ekki kasta steini og þessir hneykslast á Ísrael.

En Ísrael leitar ekki fulltingis Íslands vegna yfirvofandi aðgerða til innlimunar Gaza. Af hverju ætli það sé? Við, þjóðin sem stendur upp á þingi SÞ og segjum frá mannréttindabaráttunni sem Ísland styður heilshugar! Nema ef mönnum er haldið sem gíslum á Gaza! Þá heyrist ekkert í utanríkismálaráðherra né öðrum ráðherrum Íslands! Er niðurstaðan sú að það sé í lagi að halda gíslum ef þeir eru gyðingar? Fyrri Utanríkisráðherra Bjarni Ben var sá eini sem hafði bein í nefinu til að hafna tillögu Jórdana um að víta Ísrael vegna átakanna á Gaza af því að þeir sögðu ekki orð um gíslana í göngunum á Gaza.

Gyðingarnir finna fyrir þessari grófu mismunun á stöðu þeirra og við á íslandi höfum ekki reynst traustir vinir og góðir bandamenn gyðinga. Hjá okkur heyrist krafan um viðskiptaþvinganir á Ísrael af því að þeir eru landaþjófar og fara illa með Palestínumenn. Sannleikurinn er sá að lífsviðurværi Palestínumanna hefur verið tryggt af hálfu gyðinganna í 77 ár. Flestir Arabar fara yfir til Ísraels til að fá vinnu og heilbrigðisþjónustu. Fólkið frá Gaza gat fengið læknisaðstoð og sjúkrahúsvist í Ísrael og vinnu án mikillar fyrihafnar. Þeir sem réðust á Ísrael og framkvæmdu hryðjuverkin 7.okt ´23 höfðu flestir unnið á samyrkjubúunum sem þeir þekktu svo gjörla og mættu svo vopnaðir sprengjum og vélbyssum til að aflífa vinnuveitendur sína á Yom-Kippur heglidegi gyðinganna. 

En gyðingarnir eru ekki alveg af baki dottnir því að framtíðarsýn þeirra er Biblíuorðið eða spádómarnir sem styðja trúarskoðanir þeirra og okkar kristinna manna. 

Einn af fornum spámönnum gyðinga, Jóel sagði og ritaði viðvörunarorð til íbúa í Týrus og Filistea (Palestínubúa). Hann segir: ,,Og hvað viljið þér mér, Týrus og Sidon (s.Líbanon)og öll héruð Filisteu (palestínu)! Ætlið þér að gjalda mér, það sem yður hefur gjört verið, eða ætilið þér að gjöra mér eitthvað? Afar skyndilega mun ég láta gjörðir yðar koma sjálfum yður í koll!" (Jóel 3:9) Svo heldur hann áfram og klykkir út eftirfarandfi í versi 13.: ,,Og ég mun selja sonu yðar og dætur Júdamönnum (gyðingum) og þeir munu selja þá Sabamönnum, fjarlægri þjóð, því að Drottinn hefur sagt það!" Af þessu má sjá að örlög Gaza eru ráðin og niðurstaða Ísraels í dag greinilega í samræmi við spádóminn í Biblíunni.

Íslandi er máttlaust gagnvart Guði, afflutningur fréttastofanna hrikalegt tjón fyrir land og þjóð og SÞ eiga ekket svar við því þegar fingur Guðs lætur Orð spámanna gyðinga rætast. Svona var þetta á öldum áður, konungar og valdsmenn gátu ekki ráðið við Guð og við, þjóðin sem elskar mannréttindin, getum bara hneykslast og setið uppi með vandræðin sem fylgir gyðingahatrinu.

Það er nefnilega svo að Guð sagði við Abraham: ,,Ég mun blessa þá sem þig blessa, en bölva þeim sem þér formælir, og af þér skulu allar ættkvíslir jarðarinnar blessun hljóta."! (1.Mós.12:3)

Hvorn flokkinn sýnist þér við fylla? 

 

Snorri í Betel