Gleðileg jól frá Teheran!

Mér kom í hug nokkuð sem Nurmi Maliiki forseti Iraqs sagði um hryðjuverkin í heimi múslima að þau væru fjármögnuð af Írönum til að stuðla að upplausn í heimi Muslima. Hann rakti þræði hryðjuverkanna í heimalandi sínu til Teheran. Sama segja gyðingarnir um starfsemi Hamas og Hisbolla, að fjármagnið til þeirra komi frá Teheran.
Hinir kristnu í Egyptalandi vilja ekki láta bjóða sér sprengitilræði í jólagjöf og setja kröfuna á að ríkisstjórn Egyptalands sé þeim til varnar- auðvitað, sanngjörn krafa!
En í ljósi þessara atburða þá er rétt að skilja ástandið í þessum löndum. Þarna steðja ógnir að öllum. Þó að gyðingar skjóti ungling með Coke-flösku við bæinn Nablús verðum við að átta okkur á hvað ein óhlýðni getur þýtt. Allir sjálfsmorðs miðaðir í heimi múslima er alveg sama hverjir deyja með þeim. Hvort það er Svíi eða Dani, egipskur kopti, gyðingur eða þú. Þeir drepa, fjármagnaðir frá Teheran. Upplausnin og hatrið táknar víst "sigur"!
Veistu að frá því að gyðingarnir hættu árásum á Gaza hafa Hamasliðar viðurkennt að mesti fjöldinn sem féll í janúar 2010 voru bardagamenn Hamash. Veistu að enn eru Hamash menn að skjóta eldflaugum yfir á Ísrael? Það er gert til að stuðla að friðarumleitunum, er það ekki?
Er það skynsamlegt að leyfa trúarsamtökum sem mótmæla aldrei þessum hryðjuverkaárásum að hreiðra um sig í mosku í Reykjavík? Þeir geta sagt við okkur gleðileg jól, eins og í Kaíró og svo getur því fylgt útför fjölda kristinna einstaklinga!
Fram, fram fylking, forðum okkur hættu frá! Því hryðjuverkamenn vilja´oss ráðast á!
Farsælt nýtt ár.
Snorri í Betel

Fordæma sjálfsmorðsárásina

Athugasemdir

[Bjarne Örn Hansen (IP-tala skráð) 2.1.2011 kl. 20:57]

Ég á nú bara ekki orð ... í það fyrsta spyr ég.  Hvern andskotann erum við að gera þarna í miðausturlöndum.  Síðan spyr ég, ef þessir menn eru svona, hvernig stendur á því að það er verið að bjóða þessu fólki til Evrópu í tug þúsunda tali?  Ætlarðu að segja mér það, að yfirmenn og valdhafar í löndum okkar séu að bjóða okkur þegnunum upp á að flytja hingað menn í stórum hópum sem mögulega geta allir orðið sjálfsmorðs  sprengjur á hendur barna okkar?  Ef Ísrael á í svona miklum vandræðum, á ég að taka við vandræðum þeirra og fá þeirra vandamál inn á heimilið mitt?

Þetta kemur ekkert heim og saman við neitt raunsæi, og þá á ég ekki við fólk í miðausturlöndum.  Heldur okkar eigin valdhafa ...

[Kolbrún Stefánsdóttir, 2.1.2011 kl. 21:12]

Banna öll trúarbrögð það er eina lausnin sem ég sé til að menn geti fengið frið. Auðvitað er þetta allt barátta um völd en einfeldningar leiddir á gapastokkinn með trúarrugli ýmis konar. Það sama á við hér á Íslandi. Kveðja Kolla.

[Hörður Þórðarson, 3.1.2011 kl. 08:01]

Friður sé með yður. Vonandi nær vondi kallinn ekki í þig.

[Sigurður Rósant, 8.1.2011 kl. 16:54]

Megi meintir afkomendur Abhrahams í Hagars- og Sörulegg, þ.e. muslimir og Gyðingar, halda áfram að berjast um hylli Jahve (Allah) síns, nú sem fyrr.

Okkar er ánægjan að fylgjast með þeim kappleik.

Kappleikur sá lengi lifi.

[Aron Arnórsson, 11.1.2011 kl. 03:07]

Langar bara að koma með spurningu til þín Snorri útfrá mínum vangaveltum.

 Með himnaríki. Þar segir einhversstaðar að þar sé ekki nótt og Guð mun lýsa á þá eða eitthvað í þá áttina. Það er aldrei nótt á netinu eða í stafræna heiminum og Jesús sagði að í húsi föður hans væru margar vistaverur. Ég spila tölvuleik sem er online-leikur og þar eru mjög margar "vistaverur" og aldrei nótt. Getur alltaf fundið félaga til að spila með. Svo er MIKIÐ auðveldara að elska náunga sinn þegar maður hefur ekki hitt hann í holdinu eða þegar þú talar við hann face to face.

 Þú kanski hlærð að þessu en mig langaði samt að leggja þetta fyrir þig þar sem ég ólst upp við þínar predikanir.

 Þegar við erum farin að sofa, þá er kvöldið að byrja hjá kananum og ef þú ert næturugla einsog ég þá er það mjög gott. Ég er samt ekki alltaf næturugla, en stundum.

 Framtíðin er mjög björt í tölvuleikjageiranum og möguleikarnir virðast ótakmarkaðir. Þetta er einsog lítils metin þjóð eða ríki sem verður aldrei selt í hendur einhverrar ákveðinnar þjóðar.

Þú sagðir sjálfur að himnaríki myndi vera á jörðinni.. eða að svo væri okkur kennt. Og er tíminn ekki orðinn stuttur?

Páll skrifar líka um "hús" sem eigi er með höndum gjört og að hold og blóð geti ekki erft Guðsríki.

Nóg í bili.

Kv.

Aron

[Snorri Óskarsson, 11.1.2011 kl. 12:08]

Sæll Aron

Jesús segir: "himnaríki er nálægt" þannig að ljósár eða milljónir km eru ekki milli okkar og himnaríkis. Rétt er það að á himnum, í hinni nýju Jerúsalem verður ekki nótt skv. Opinberunarbókinni því þar er Guð ljósgjafinn.

Satt er það að nándin við annan mann heppnast ekki nema kærleikur sé milli þessara aðila. Það reynir líka fyrst á kærleikann þegar menn tala "face to face" og mismunandi skoðanir verða augljósar.

Samkvæmt fyrirheitum Biblíunnar ætlar Jesús að koma hingað á jörðina með sínum heilögu og stofna Guðsríkið hér á jörðinni. Þá verður Djöfullinn bundinn og dauðinn missa vald sitt, þannig mun aldur manna verða eins og aldur trjánna. Tré eru nefnilega elstu lifandi þættir náttúrunnar. Þannig má glöggt sjá að menn verða ekki "dauðlegir".

Þessi framtíð er þín og mín þegar við eigum Jesú sem frelsara okkar. Þess vegna er sagt:"Trú þú á Drottin Jesú og þú munt hólpinn verða"! Post.16:31

Þegar sagt er hvað ekki muni erfa Guðs ríkið þá er Páll að nefna hið "fallna eðli mannsins", sem er spillt af tælandi girndum sbr. Gal.5:19. Þess vegna gaf Guð okkur heilagan anda til að endurbæta skap og persónuleika mannanna.

kær kveðja

Snorri