Hver er hann?

Einn af sögumeiri stöðum jarðarinnar er kallaður "Bania". Nafnið er úr grísku, Pan, en er með arabískum framburði og þess vegna er framburðurinn: "Banía". 

Þar er að finna leifar bygginga sem notaðar fyrir átrúnaðinn á Pan. Staðurinn var byggður eftir rómverskri nákvæmni og gefinn Rómarkeisara og nefndur því Cesarea Filippí. Þar á áin Jórdan upptök sín og kemur undan Hermon fjalli en fellur ekki til sjávar heldur í Dauðahafið. Fegurð staðarins er heillandi en sagan blendin.

Þangað stefndi Jesús Kristur lærisveinum sínum og þeir hafa eflaust baðað sig í fersku vatninu og notið afslöppunar í frábæru umhverfi. Enn þá einmitt fór hann að spyrja lærisveinana um almenningsálitið. Hvern segja menn mig vera? Ekki stóð á svörum því hann var flokkaður spámaður, Jóhannes skírari eða Jeremía, jafnvel Elía, einn af þeim fornu og sjálfsagt hafa fleirri nöfn verið nefnd. Það hefur fylgt mannkynssögunni að menn flokka persónur og skilgreina. Annað hvort er flokkunin rétt eða röng.

Þegar Jesús var búinn að hlýða á "sögusagnirnar" í samtíma sínum og fréttaflutning lærisveinana þá lagði hann spurninguna fyrir þá sjálfa: "En þér, hvern segið þér mig vera?" 

"Símon Pétur svara: "Þú ert Kristur, sonur hins lifanda Guðs!"

Þessu svari var vel tekið og Pétri greint frá því að hann hafi ekki komið upp með þessa hugmynd heldur hafi Heilagur Andi opinberað honum þessa speki. Meistarinn hélt áfram og sagði: "Á þessum KLETTI mun ég byggja söfnuð (kirkju) minn!" 

Kletturinn er sú játning að Jesús Kristur er sonur Guðs.

Það hefur verið játning kristinna manna og skilyrði til að geta flokkað sig sem kristinn að Jesús sé einmitt viðurkenndur sem Sonur Guðs. Því hefur ávallt verið tekið undir orð Hallgríms: "Son Guðs ertu með sanni, Sonur Guðs, Jesús minn. Son Guðs syndugum manni, sonar arf skenktir þinn! Son Guðs, einn eingetinn. Syni Guðs syngi glaður, sérhver lifandi maður HEIÐUR í hvert eitt sinn."

Ég geri ekki þá kröfu til múslima að þeir heiðri Jesú og taki undir þessa játningu því þeir eru ekki kristnir. En hvað á að gera við prest og kirkju? Ef prestur játar Jesú sem homma? Er það skv.Klettinum sem er grundvöllur safnaðarins (kirkjunnar)?

Nú stendur styrr á Akureyri um játningu prests og kröfu fyrrum yfirlögregluþjóns að prestur skyldi "afklæðast hempunni"! Sóknarpresturinn steig fram í dag í Akureyrarblaðinu og varði "játningu" kollega síns og sagðist "ekki sáttur vegna ummæla" fyrrum lögregluþjóns. En hvað með hina 2000 ára gömlu játningu í Cesareu Fillippí stendur sóknarpresturinn með þeirri játningu? Var ekki prestaeiðurinn gefinn til að varðveita "Son Guðs" játninguna?

Svo má einnig spyrja. Eigum við sem trúum því að Jesús sé Sonur hins lifanda Guðs, Frelsari manna frá synd og siðleysi, samleið með kirkju sem rekin er af ríkinu og lætur svona villu viðgangast og ver hana? Hefur biskup Agnes stigið fram til að varðveita Kenningu Kristinnar kirkju? 

Mér finnst vera kominn tími á það að þeir sem vilja vera heiðarlegir kristnir einstaklingar safnist saman í þann hóp sem vill standa vörð um það að Jesús frá Nazaret ER sonur hins lifanda Guðs!

Banía, þar sem guðinn Pan var dýrkaður í valdatíð Grikkja og Rómverja var ekki siðlegur í kynlífsathöfnum þeim sem fóru fram á staðnum. Þar var kynvilla, dýraníð o.fl sem ekki skal orða hér og leiddu glötun yfir alla þá sem tóku þátt. Einn var sá sem mætti á staðinn, syndlaus, fátækur og án himins dýrðar. Hann tók á sig syndir þessara svo að þeir mættu losna, ganga útúr valdi myrkursins og tortímingar því Jesús Dó fyrir alla synduga menn og sagði okkur að "Snúa okkur, frá synd, gera iðrun og játa Jesú sem Guð". Þannig frelsaði Jesús fólk frá "Pan", en nú sýnist mér "Pan" vera fluttur inn í þjóðkirkju átrúnaðinn, alla vega á Akureyri!

"Vér heyrum Guði til. Hver sem þekkir Guð hlýðir á oss." 1.Jóh.4:6

Á föstu 2014

Snorri í Betel 

Athugasemdir

[Tryggvi Helgason, 22.2.2014 kl. 23:05]

Í fréttakorni sem ég las fyrir stuttu, um prest í Akureyrarkirkju, þá sá ég ekki betur en viðkomandi prestur hafi haft uppi guðlast.

Mér finnst því að sóknarnefnd Akureyrarkirkju eigi að kanna þetta mál vel, og, ef grunur minn reynist á rökum byggður, þá verði viðkomandi presti vísað frá Akureyrarkirkju.

[Snorri Óskarsson, 24.2.2014 kl. 15:25]

Tryggvi

Mér finnst þitt sjónarmið rökrétt og í samræmi við það að ef lögrelguþjónn í embætti færi nú að gera það sem honum sýndist en héldi ekki uppi löggæslu þá auðvita yrði sá "afklæddur" og bet á að finna sér eitthvað hentugra honum. Prestur hlýtur að vera á launum til að halda fram kristnu viðhorfi, kenningum og boðskap!

En er hlutverk sóknarnefndar að gæta að hegðun prestsins? Meðan sóknarpresturinn bakkar upp viðkomandi og sóknarbörn kæra ekki til biskups þá verður áframhald á helgispjöllum!

k.kv

Snorri