Fordæmir hvað?

Vatíkanið byggir álit sitt og niðurstöðu þessa máls á oðrum Jesú Krists. Hans orð um hjónabandið endurspeglar ekki niðurstöðu Alþingis Íslendinga né ,,mannréttinda álit" samtímans. 

Um hjónabandið segir Jesús: ,,Hafið þér eigi lesið að skaparinn gjörði þau frá upphafi karl og konu og sagði: Fyrir því skal maður yfirgefa föður sinn og móður og bindast konu sinni og þau tvö skulu verða einn maður."

Þannig eru þau ekki lengur tvö, heldur einn maður. Það sem Guð hefur tengt saman má eigi maðurinn sundur skilja." (Matt.19:4-6)

 

Jesús tengir saman bindingu karlmanns og konu í einn mann. Það er blessað af Guði, fyrirætlun Guðs og boðskapur hans. Vatíkanið getur ekki verið með aðra skoðun á þessu vilji þeir fylgja Kristi. Sama gildir um íslenska þjóðkirkju og hvern Alþingismann. Vilji menn fylgja Kristi þá tölum við hans máli og móðgum Elton John, væntanlega.

Það er svo sem engin ætlun að móðga eða gera menn reiða í þessu efni. Guð flokkar málin sem synd ef menn velja sér frillu, samkynja einstakling eða barn sem rekkjunauta til samlífis.

Það má vel vera að slíkt henti samtímanum illa en þá verða menn líka að taka afleiðingunum með æðruleysi. Öll þurfum við að gera upp málin við Guð, Vatíkanið, Elton John, þú og ég!

Ekki móðgast út í þann sem kynnir þér skoðun og álit Guðs á siðferðismálum. Ef þú ert ekki sammála Guði þá hefur þú aðeins tvo möguleika að skipta um skoðun og verða Guði sammála eða sitja uppi með þitt álit og taka afleiðingunum. Þitt er valið!

Sönn og ærleg kristin Kirkja getur því ekki blessað synd eða sundrungu á Guðs tilskipun. Þeir sem blessa andstöðuna við Guð eru hvorki kristnir né þjónar Guðs heldur andstæðingar hans og munu taka afleiðingum samkvæmt því sbr. Sálm. 18:27!

Verum sammála Jesú, það er leiðin til blessunar!

Snorri í Betel

Fordæmir ákvörðun Vatíkansins

Athugasemdir

[Jón Þórhallsson, 17.3.2021 kl. 15:28]

 "Ef þú ert ekki sammála Guði þá hefur þú aðeins tvo möguleika 

að skipta um skoðun og verða Guði sammála

eða sitja uppi með þitt álit og taka afleiðingunum. Þitt er valið!

Sönn og ærleg kristin Kirkja getur því ekki blessað synd eða sundrungu á Guðs tilskipun".

-------------------------------------------------------------------------------------

Það er einmitt það!

Mætti ekki segja að  allt fólkið á alþingi sé í rauninni öfugu megin 

á skákborði raunveruleikans? 

Það er greinilega komin þörf fyrir KRISTILEGAN  flokk á Alþingi Íslendinga.

[Snorri Óskarsson, 17.3.2021 kl. 23:02]

Jón, þetta er mjög álitin spurning, en það eru þingmenn sem hafa lagt fram mál um það að endurvekja kristinfræðikennslu í grunnskólanum. Það bendir til að innan þings eru menn sem vinna kristninni heill!