Gagnslaus vettvangur!

,,Katrín lagði áherslu á mik­il­vægi þess að leysa deil­una á vett­vangi Sam­einuðu þjóðanna og að vopna­hléi þyrfti að koma á taf­ar­laust".

Stoppum vitleysuna á Gaza?

Allir vilja bjarga börnum og stöðva dráp á ,,saklausum borgurum"! Má bara drepa seka borgara, hermenn og/eða gyðinga?

Sameinuðu þjóðirnar hafa haft yfirumsjón með málefnum Palestínu all lengi. Hver er árangurinn? Ekkert lýðfrjálst land eða demokratískt ríki hefur fengið jafn margar yfirlýsingar samþykktar gegn sér og Ísrael.

1. Ísrael var gert að yfirgefa Gaza árið 2005, að undirlagi SÞ.

3000 elflaugum var skotið frá Gaza á Ísrael undir vökulu auga SÞ. Engar yfirlýsingar birtust gyðingum í vil.

2. Kosningar voru haldnar hjá Palestínumönnum fyrir 15 árum. Undir vökulu augum SÞ hafa ekki verið kosningar hjá Palestínumönnum síðan. Hafa SÞ sagt eitthvað?

3. Milljarðar hafa streymt frá Evrópu og Ameríku til uppbyggingar á Palestínskum svæðum og líka á Gaza. Mest af því fé hefur farið í gerð jarðganga og undirbúnings stríðsátaka við Ísrael. Hafa SÞ komið með einhverjar ályktanir um stríðsuppbygginguna og illa meðferð á fé frá alþjóðastofnunum til uppbyggingar á Gaza?

4. Stjórnendur á Gaza, Hamas eru hryðjuverkasamtök. Þau hafa lagt allan sitt metnað í að hervæðast og efna til ófriðar við Ísrael. Skotið hundruðum eldflauga og sent ótal eld loftbelgi til að brenna gróður og akra í Ísrael. Hafa SÞ ályktað eitthvað um þessar aðgerðir. Ætlar Katrín Jakobsdóttir talað um þessar ,,eldsendingar" frá Gaza?

5. Hvað þurfa gyðingar að fá yfir sig til að við á Íslandi sjáum og viðurkennum að hart er sótt að tilverurétti gyðinga og Ísraelsríkis. Af hverju gladdist þjóðin þegar Hatari flaggaði fána hryðjuverkamanna við þátttöku sína í Sönglagakeppni Evrópu sem haldin var í Tel-Aviv? Sagði Katrín eitthvað þá? Síðan hefur Ísland barist fyrir tilverurétti sínum í sönglagakeppninni?

Við höfum frekar lagst á sveif með hryðjuverkasamtökum og gegn Ísrael undanfarna áratugi. Allan þann tíma hafa átök staðið milli Hamas og gyðinga. Allan þann tíma hafa SÞ ekki borið klæði á vopnin eða náð neinum árangri í að beina samskiptum Palestínumanna og gyðnga inná braut friðar og uppbyggingar. Við virðumst heillum horfin og viljum ekki skilja að þegar Trump dró fjárhagslegan stuðning til baka ásamt Evrópu vegna illrar meðferðar Palestínumanna á fjárveitingunum þá höfum við ekki lagt til að SÞ taki málin í sínar hendur. Nú sjá menn að þegar Biden hóf greiðslur á  fjárhagsstuðningi til Hamas fengu þeir á Gaza pening til að hefja stríðsrekstur og það gerðu þeir með stæl. Af hverju stoppa Ísrael núna? Mega þeir ekki koma skikk á málin til að lifa í friði?

Nú vill Katrín Jakobsdóttir ræða málin við utanríkisráðherra Bandaríkjanna og Rússa. Mun hún fá þá með sér í lið til að SÞ komi inní málin með vitrænum hætti?
Mikið er ég hræddur um að dómgreind forsætisráðherra gagnist lítið í þessum viðræðum. Til að leysa svona mál eins og átök milli Ísraels og Palestínumanna þarf valdameiri aðila en íslenskan ráðherra.

Snorri í Betel

Athugasemdir

[Tómas Ibsen Halldórsson, 18.5.2021 kl. 16:22]

Hjartanlega sammála þér Snorri. Svo kölluð Friðargæslulið Sameinuðu þjóðanna hafa verið send víðsvegar um heim þar sem ófriður hefur átt sér stað eins og til Rúanda. Hverju áorkuðu þessar sveitir SÞ??? Þeir stóðu hjá og horfðu á fólk myrt á hrottalegan hátt án þess að lyfta fingri. SÞ eru bara samtök sem snúast um að halda uppi óþurftar embættum og nefndum sem hafa lítið að segja fyrir borgara jarðarinnar.

Ég held að KJ, GÞG og aðrir stjórnmálamenn ættu að huga betur að því sem gerist hér innanlands. Þau ættu að taka á þeim glæpum sem framin eru daglega gegn ófæddum börnum, en mun fleiri börn falla árlega hér á landi fyrir hendi íslenskrar löggjafar en þau sem falla á Gaza fyrir hendi Ísraels. Á milli Gaza og Ísraels er stríð og við slíkar aðstæður falla óbreyttir borgarar og börn þar á meðal, börn hafa einnig fallið í Ísrael fyrir hendi Hamas, en lítið er fjallað um það í íslenskum fjölmiðlum.

[Snorri Óskarsson, 18.5.2021 kl. 16:47]

...og að við minnumst nú ekki á háttarlag Hamas liða að nota börn sem skildi fyrir illvirkjana sem búast við andsvari Ísraels og kenna gyðingum síðan um að drepa konur og börn. SÞ hafa margar múslima þjóðir innan sinna vébanda og þær ráða mjög miklu um framvindu og útkomu mála á þeim vetvangi. Fjölmiðlar hafa líka verið teknir í landhelgi á Gaza eins og Aljasíra og AP sem unnu undir handarjaðri Hamas. Hlutlaus og sannur fréttaflutningur hjá þeim? Nei, ekki aldeilis! Áróður sem RÚV flytur.