Hvað sagði Jesús ...?

 Mikið hefur þessi spurning þvælst í munni presta, biskupa og leikmanna! Enda stígur biskup ríkiskirkjunnar fram á vef Ruv.is með þessa fullyrðingu:

,,Jesús sagði ekkert um samkynhneigð eða hinsegin fólk,“ segir Guðrún Karls Helgudóttir biskup. Hún segir ekki rétt að nota Biblíuna til að rökstyðja hatur enda hafi Jesús ekki talað fyrir fordómum."(ruv.is)

Það er svo sem eðlilegt að benda á að orðið ,,samkynhneigð" er ekki að finna í Biblíunni,enda nýyrði og er ætlað að koma í stað orðsins kynvilla. 

Svo er einnig sá þáttur í umræða manna um orðnotkun í Biblíunni að ef ,,orðið" finnst ekki í orðræðu Jesú þá sé það ígildi þess að Jesú lagði litla eða enga áherslu á ákveðnum málaflokkum.

En hvað talaði Jesús oft um ,,kærleikann" og notaði það orð? Jú, miðað við Guðspjöllin þá er aðeins eitt skipti þar sem þetta orð er að finna í orðræðu Jesú og það er hjá Lúkasi 11: 42

Hvað ætli Jesús hafi oft talað um ,,umburðarlyndi"?      Aldrei!

Aldrei er hugtakið ,,hinsegin fólk" nefnt í allri Biblíunni! Ekki heldur ,,trans fólk." Og aldrei talaði Jesús um ,,biskup" Hvað erum við þá að gera við biskupsnafnbótina?

Hvað talaði Jesús oft um presta? í þrjú skipti. Hann sagði:,,..að prestar vanhelga hvíldardaginn í musterinu og eru þó án saka?" Mt.12:5 og ,,far þú og sýn þig prestunum Mt 8:4 og ,,hann verður framseldur æðstuprestum"!Mt.20: 18

Oft skrifuðu Guðspjallamennirnir um presta og æðstupresta en Jesús nefndi þá ekki oftar á nafn.

Er þá umræðan helst sú að menn kasta á milli sín hugtökum og orðræðu sem Jesús hefur engan áhuga á og nefndi sjaldan, jafnvel aldrei?

Jesús talar um stöðu mannsins út frá sköpunarverkinu Hann segir: ,,því að frá hjartanu koma illar hugsanir, manndráp(ponoi), hórdómur (moikeia), saurlifnaður (pornai), þjófnaður(kalopai), ljúgvitni(psendomarturias), lastmælgi(blasphemias). Grísku orðin í frumtextandum eru sett í svigana. Enn merkilegra er að bera saman þýðingarnar og merkingu grísku hugtakanna. Ekki er hægt annað en að hrósa þeim sem þýddu grísku orðin yfir á íslenskuna.

Saurlifnaðurinn (porneia) er og var notað yfir kynlíf, samkynja manna, þeirra sem stunda kynlíf með börnum, dýrum og frillum). Ljúgvitni nær yfir að svíkja, falsa og koma öðrum í vanda. Dæmi um hvernig Mattheus notar orðið ,,ljúgvitni" má sjá í Guðspjalli Mattheussar kafla 26: 59 ,,Æðstu prestarnir og allt ráðið leituðu ,,ljúgvitnis" gegn Jesú til að geta líflátið hann...!

Það er því enginn gæðastimpill að verða ljúgvottur og illt að vígðir prestar sem biskup stíga fram fyrir þjóðina sem ljúgvottar að orðræðu og kennslu Jesú, Postulanna og spámannanna. Kristin kirkja hefur haft kenningargrunninn þennan: Spámenn, Postula og Jesú sem hyrningarstein (Efes.2:20). Að halda því fram að postularnir tali gegn kenningu Jesú er því að bera ljúgvitni um bæði postulana og Jesú! Það er mjög alvarlegt og ennþá alvarlega hjá fólki sem hefur gegnist undir eiðstaf að boða Orð Guðs skírt og ómengað! Er enginn vígður maður Þjóðkirkjunnar í stakk búinn og fær um að leiðrétta afvegaleiðendurna á ríkislaunum? Þeir fá hálfa aðra milljón á mánuði,fyrir að segja okkur satt!

Nú er það svo að Jesús talar til Jóhannesar í Opinberunarbókinni. Þar er þetta haft eftir honum, sem er kærleikurinn: ,,Úti gista hundarnir og töframennirnir og frillulífismennirnir og manndrápararnir og skurðgoðadýrkendurnir og hver sem elsar og iðkar lygi."! Op 22: 15. Er ekki ástæða að minna presta og biskupa á hvaða áfangastað þeir stefna með prédikun sinni? Það er enn verra að leiða sauði kirkjunnar. Að telja þeim trú um að lífsmáti syndarinnar hafi engar afleiðingar! Það eru svik lík svikum Júdasar!

Forðum okkur hættu frá og snúum við frá synd, inní iðrun til fyrirgefningar syndarinnar.

Snorri í Betel

Athugasemdir

[Guðmundur Örn Ragnarsson, 28.3.2025 kl. 19:56]

Snorri hér spyr þig einn af prestunum:

Gætu eftirfarandi Orð Jesú verið dæmi um hatur Hans og fordóma í garð hinna sódómísku, samkvæmt skilgreiningu Guðrúnar Karls Helgudóttur biskups, eða eitthvað annað?

En Jesús sagði:

Og þú Kapernaum (Reykjavík). Verður þú hafin til himins? Nei, til heljar mun þér steypt verða. Ef gjörst hefðu í Sódómu kraftaverkin, sem gjörðust í þér, þá stæði hún enn í dag. En ég segi yður: Landi Sódómu mun bærilegra á dómsdegi en þér. (Matt. 11:23-24).

[Tómas Ibsen Halldórsson, 28.3.2025 kl. 22:24]

Heill og sæll Snorri.

Hjá Matteusi 19.kafla frá versi 4-6 segir: 

⁴ Hann (Jesús) svaraði: "Hafið þér eigi lesið, að skaparinn gjörði þau frá upphafi karl og konu

⁵ og sagði: ,Fyrir því skal maður yfirgefa föður og móður og bindast konu sinni, og þau tvö skulu verða einn maður.`

⁶ Þannig eru þau ekki framar tvö, heldur einn maður. Það sem Guð hefur tengt saman, má maður eigi sundur skilja."

og í Jóhannes 12.kafla frá versi 47-50 segir:

⁴⁷ Ef nokkur heyrir orð mín og gætir þeirra ekki, þá dæmi ég hann ekki. Ég er ekki kominn til að dæma heiminn, heldur til að frelsa heiminn.

⁴⁸ Sá sem hafnar mér og tekur ekki við orðum mínum, hefur sinn dómara: Orðið, sem ég hef talað, verður dómari hans á efsta degi.

⁴⁹ Því ég hef ekki talað af sjálfum mér, heldur hefur faðirinn, sem sendi mig, boðið mér, hvað ég skuli segja og hvað ég skuli tala.

⁵⁰ Og ég veit, að boðorð hans er eilíft líf. Það sem ég tala, það tala ég því eins og faðirinn hefur sagt mér."

Takið vel eftir orðum Jesú í versi 48, en þar segir Hann okkur allan sannleikann. Með því að hafna orðum Jesú erum við að hafna Honum, en með því að taka við orðum Hans, fáum fyrirgefningu synda okkar og fylgjum Honum, þá öðlumst við eilíft líf.

Það er sorglegt að heyra að prestar og ég tala nú ekki um biskup skuli ekki þekkja Orðið sem þeir eiga að boða og flytja okkur svo við snúum okkur til Jesú Krists og fylgjum Honum sem lífið gefur.

Guð blessi þig kæri vinur.

[Snorri Óskarsson, 29.3.2025 kl. 13:03]

Blekkingin í umræðunni er einmitt sú að líta à orð spámann og postula sem annarsflokks ,,Guðsorð"! Kristnin hefur ávallt haldið því fram að ,,kenningin" sè hjá: ,,postulum og spámönnum með Jesú sem hyrningarstein"! Þannig sjá menn 1.Kor. 6:9 sem óbriðult Guðs Orð.

[Guðmundur Örn Ragnarsson, 29.3.2025 kl. 18:41]

Nú er sá tími árs er Passíusálmar séra Hallgríms Péturssonar eru fluttir. Þannig er eitt erindið í 19. sálmi: Um Kristí játning fyrir Pílató.

18

Ef þú, mín sál, í guði glödd

girnist að heyra kóngsins rödd,

gættu þá gjörla hér,

hvað boða drottins þjónar þér;

þeirra kenning raustin hans er.