Nakinn sannleikur!

Er það tilviljun að Vilhjálmur hélt sína síðustu ræðu á friðarfloppinu í Viðey? Var ekki fyrsta móttaka hans í embætti borgarstjóra að faðma "Drottninguna af Viðey" og síðasta að tendra Friðarsúluna í Viðey? 

Viðey hefur ekki verið Sjálfstæðisflokknum  til landvinninga í stjórnmálum þessa dagana. Davíð fór þangað til að makka við Jón Baldvin og mönnum sýndist það hafa verið gæfuspor en þau urðu ekki fleirri. Hvers vegna?

Það eru til lögmál tilverunnar sem eru meira en við sjáum. Viðey hefur verið eins og helgur reitur í gegnum Íslandssöguna. Þar var klaustur lengi vel. Hún var kirkjueign um aldir og helguð þannig Kristi konungi. Konungur gerði Viðey að heimilisreit Skúla Magnússonar og fáum áratugum síðar (1841)var Biblían prentuð þar sem er gjarnan kölluð "Viðeyjarbiblía". Þess vegna er Viðey helgur reitur.

Mér þykir því heldur undarlegt að borgarstjórn skuli velja hana sem stað fyrir friðarljósið sem stendur fyrir allt annað en friðarhöfðingjann. Friðarhöfðinginn er Jesús Kristur og hann boðaði að til væru tveir staðir himinn og helvíti. Frá Viðey barst þessi boðskapur um Ísland og varð landi og þjóð til blessunar. 

Þegar friðarboðskapur Lennons og Yoko ómar frá eyjunni er sungið um friðinn sem hvorki hefur himinn eða helvíti, ekkert land heldur bara þig og mig. Guð er gerður útlægur í þeim friði. Þannig hefur einnig síðasti áratugur verið undirlagður af Guðlausum reglum og lögum sem ekki hafa tekið mið af því er Kristin trú geymir.

Viðhjálmur verður því fyrir slíkri reynslu að syngja með Birni Inga friðarboðskapinn en eignast samt ófriðinn og sundurlyndið. Björn Ingi fær heldur engan frið í sín bein hann sá framtíð sína í "bláu ljósi" og tók ákvörðun að efna til ófriðar við "bláu höndina"!

En á bak við þetta allt er sú staðreynd að menn öðlast engan frið nema hafa Friðarhöfðingjann Jesú frá Nasaret í sínu lífi. 

Það er því opinber ofanígjöf frá Guði almáttugum að svona fara mál Reykjavíkur þegar menn halda að hægt sé að vanvirða hin helgu vé sem hafa sögu að geyma um Guðs vors lands. Hann veit að ekkert hár verður skert á höfði okkar án hans vitneskju og ekkert smáblóm fellur á fold nema hann sjái. Land okkar er frátekið Kristi konungi. Að láta hann til hliðar fyrir John Lennon er að skýðast ösku en ekki skartklæðum. Sjá menn það ekki?

Megi Vilhjálmi hlotnast sú náð að leiða Sjálfstæðisflokkinn úr herkví hinnar Guðlausu mannhyggju og inní að endurreisa hin föllnu vígi Guðs kristni þar sem Biblían verður aftur höfð sem málsvari og bók sannleikans.

"Ó, Guð vors lands og lands vors Guðs".. "vor hertogi á þjóðlífsins braut" leiði dugandi stjórnmálamenn fram fyrir skjöldu.

Það er nefnilega ekki góðs viti að flokksgæðingar fái að hagnast um milljarða á sama tíma og lögregla, kennarar og uppeldisstéttir flýja af vettvangi vegna rýrra kjara af hendi hins opinbera. Stjórnmálamenn ráða hvorutveggja.

Amen

Snorri í Betel 

 

Athugasemdir

[Þórbergur Torfason, 15.10.2007 kl. 00:25]

Komdu sæll minn gamli lærifaðir. Við skulum nú vona að Vilhjálmur haldi fleiri ræður í framtíðinni.

Rétt mun vera hjá þér að Viðey sé akkilesarhæll íhaldsins. Þeir hefðu trúlega aflað betur á útgerð úr Engey.

Ekki get ég verið þér sammála að mál Reykjavíkur séu orðin bitbein almættisins. Þarna bítat um málin þei sem fram að þessu hafa safnað jarðneskum auði í formi pappírssnepla sem við, þessir guðs voluðu, berum fullan þunga af á okkar herðum í formi okurvaxta.

En þetta veistu auðvitað allt saman.

[Snorri Óskarsson, 15.10.2007 kl. 01:25]

Margt er satt í orðum þínum Þórbergur en vandinn við okkur Íslendinga í dag er að Guð er horfinn úr okkar þankagangi og því skiljum við trauðlega óvæntar uppákomur. En Biblían er full af slíkum sögum að þegar Egyptar "fóru yfir strikið" þá breyttust þeir í fiskafóður. Vandinn fyrir þá var að lesa rétt í "sjávar-málið".

ég trúi því að þú sért fær í því tungumáli enda hefur það legið í genunum frá Hala !

kær kveðja 

Snorri 

[Jón Valur Jensson, 15.10.2007 kl. 12:08]

Heill og sæll, Snorri. Athyglisverður pistill hjá þér. Um þetta -- og undarlega vont gengi stjórnmálamanna, sem virða ekki lögmál Guðs og vilja -- mætti segja margt fleira, en ég tek undir þín orð um þá náð sem þú biður að Vilhjálmi hlotnist. Varðandi John Lennon má hins vegar minna á, að hann sagði í þessum sama friðarsöng: "and no religion too," sem mér sýnist ekki jákvætt gagnvart trúnni -- hversu langt sem Jókó kann að vera komin frá þeirri hugsun hans og út á nýjar brautir vinglhugsunar, því að þegar hún var spurð að því hvers vegna friðarsúlan væri reist hér á Íslandi, gaf hún m.a. þá ástæðu, að í mörgum trúarbrögðum kæmi galdrakrafturinn úr norðri! (sbr. umræðu á þessari vefsíðu). Höldum sönsum og gleypum ekki við hverju því, sem kemur frá 'celebrities' (fræga fólkinu). Við erum betur stödd með okkar kristnu trú á skapara himins og jarðar og endurlausnarann Jesúm Krist.

[Flower, 15.10.2007 kl. 16:23]

Mér finnst þessi súla ekki merkilegt fyrirbæri eftir að hafa séð hana með eigin augum. Og þessi samkoma þegar kveikt var á henni, minnti mjög á dansinn í kringum Babýlonsturn

[Aðalbjörn Leifsson, 15.10.2007 kl. 17:59]

Sæll Snorri takk fyrir þennann pistil. Þetta ljós í Viðey er það ekki Heimsljós allavega ekki Hið sanna ljós sem kom í heiminn. Vinátta manna er ekki mikils virði í pólitíkinni né virðing. En við væntum þeirrar borgar sem hefur traustan grunn þeirrar sem Guð er smiður að og byggingasmeistari.

[Linda, 15.10.2007 kl. 18:09]

Sæll Skúli, ég veit nú ekkert hvort þessi friðarsúla er eitthvað "omen" hinsvegar, veit ég það að ég sé hana í hvert skipti sem ég fer út á kvöldin og þarna er ljósið yfir manni og maður er svona frekar spooked.  Aftur á móti gefur það augaleið að fólk þarf að gefa sig  Drottni og muna að pólitík er ekki leiðinn til hamingju, eins og við sjáum svo oft þá er þetta ekkert nema slitandi fyrir fólk til lengdar að stunda þessa iðju og verður gamalt fyrir aldur fram.  Trúin er betri kostur vona að þessir menn/konur hafi trú þeim til stuðnings.