Friður á ófrið ofan.

Það skýtur skökku við að sjá einbeittan vilja Condolísu og Bush til að koma á friði í botni Miðjarðarhafs. Í höndum NATO er friðargæsla í Líbanon. Þaðan bárust fréttir í gær að undir vökulum augum friðargæslusveita eru Hisbollah búnir að sanka að sér jafnmiklu magni vopna og var fyrir átökin árið 2006.

Í morgun heyrðust fréttir af miklum vopnaflutningum frá Egyptalandi til Gaza þrátt fyrir að Egyptar hafa fyrir löngu (á dögum Sadats) undirritað friðarsáttmála við Ísrael. Einn liður þeirra var að tryggja öryggi við landamærin. Þar hafa Egyptar algerlega brugðist.

Táknrænt var þetta með útifundinn á dánardægri Arafats að andi "ófriðarhöfðingjans" sveif yfir vötnunum og eðli Arafats  kom berlega í ljós. Palestínumenn á móti eigin bræðrum.

Ef gyðingarnir verða þvingaðir að samkomulagi sem verður andvana fætt þá fær veröldin að sjá hræðilegar afleiðingar eftir þrjú og hálft ár. Út úr þessu rugli verður enginn friður heldur aðeins biðtími eftir skelfilegum atburðum. Það segir Biblían.

Ófriður mun haldast við allt til enda. En að öllum líkindum erum við komin að birtingartíma Anti-krists.Hvaða friður verður án Friðarhöfðingjans?

Snorri í Betel 

 

Athugasemdir

[Linda, 13.11.2007 kl. 11:10]

Sæll Snorri, einhver hér að miskilja vinskap þinn við Bush, ja hérna segi ég nú bara, ég setti inn færslu sem hefur  margmiðlunarefni um þetta mál og fundinn í Annapolis, ég vona að þú kíkir á það.  Takk fyrir þessa færslu hef svo mikið vera að pæla í bullinu hjá henni Condí Rice og hennar félögum.

[Snorri Óskarsson, 13.11.2007 kl. 11:42]

Þorvaldur, Þorvaldur

Þú þarft að æfa þig í lestri miðað við þá niðurstöðu sem þú kemst að á síðu minni.

Guð Blessi þig og Guð blessi Bush. Það er nefnilega ekki auðvelt hlutverk að stjórna öllu frá Hvítahúsinu mönnum þar hættir til að leika guð. Stalin, lærifaðir þinn, fór flatt á því líka! 

[Ása (IP-tala skráð) 13.11.2007 kl. 20:54]

Sæll Snorri!

Má ég biðja þig um að senda mér tölvupóst á [e-mail] ??
Mig langar svð ef ég má að leggja fram tvö bænarefni sem víðast í kirkjurnar.
Annað vegna sjálfsvígs ungs drengs - hitt vegna krabbameins.

Þín systir í trú, Ása Gréta.

[Þórarinn Þ Gíslason (IP-tala skráð) 14.11.2007 kl. 01:39]

Viðverukvitt.

[Ingvar Leví Gunnarsson, 14.11.2007 kl. 21:14]

Sæll Snorri, skemmtilegar pælingar hérna hjá þér. Er tími anti-krists að renna upp, við svosem vitum ekki hvenær það verður, samt sem áður höfum við ákveðnar staðfestingar á því að tíminn nálgast, þar sem að spádómar Biblíunnar eru að rætast. Gyðingarnir komnir heim, náttúran stynur, ófriðurinn og svo væri lengi hægt að telja.

En ég vill bara segja,

Opinberun Jóhannesar 1

 1Opinberun Jesú Krists, sem Guð gaf honum til að sýna þjónum sínum það sem verða á innan skamms. Hann sendi engil sinn og lét hann kynna það Jóhannesi, þjóni sínum,

    2sem bar vitni um orð Guðs og vitnisburð Jesú Krists, um allt það er hann sá.

    3Sæll er sá, er les þessi spádómsorð, og þeir, sem heyra þau og varðveita það, sem í þeim er ritað, því að tíminn er í nánd.

Amen!

[Snorri Óskarsson, 14.11.2007 kl. 23:48]

Þorvaldur

Ég nota sömu aðleiðingu að þér og Stalín og þú notaðir á mig og Bush. Þú auðvitað áttar þig á því að röksemdafærsla á að virka í báðar áttir. Ef hægt er að nýta þína á mig þá gengur þín einnig á þig.

Stalín átti nefnilega þá sýn að "trúaður" og sannkristinn einstaklingur ætti ekki tilverurétt. Hann væri réttdræpur eða allavega góður "Gúlags" þegn!

kær kveðja 

[Snorri Óskarsson, 15.11.2007 kl. 00:03]

Yngvar Leví

Það eru nokkur atriði sem benda ótvítætt til þess að endurkoma Jesú Krists verði í mjög náinni framtíð (á morgun! mætti segja)

1. Gyðingarnir komnir heim, Ísrael allt eins og Edensgarður.

2.Tungumál þeirra orðið lifandi tunga.

3. Ófriður og vaxandi straumur herja Evrópu sendur til Líbanon, Írak og Afganistan - falsspámaðurinn kallar á konunga jarðarinnar.

4. Meiri áhugi á umhverfisvernd en nokkru sinni fyrr á meðan englarnir eru að merkja börn Guðs á enni og hjarta uns náðartímanum lýkur og vitjunartími Krists (síðasta sjöundin) rennur upp. 

5. Siðleysi og fráhvarf frá kristnum gildum orðin sjálfsögð. Menn þola ekki hina "heilnæmu kenningu". Ekki má andmæla fóstureyðingum, frjálsu kynlífi, kynvillu eða klámi þá eru menn kallaðir illum nöfnum eins og kærleikslausir, þröngsýnir, fordómafullir eða hættulegir.

6. Nafnkristnir einstaklingar taldir sannir og heiðarlegir þó þeir breyti Biblíunni tíðarandanum í vil og kristninni í óhag.

Þetta eru bara nokkur atriði sem benda til þess er spáð var að verða ætti áður en Kristur birtist á ný.

kær kveðja

Snorri 

[Linda, 15.11.2007 kl. 09:45]

innlitskvitt og lestur

[Ingvar Leví Gunnarsson, 15.11.2007 kl. 14:06]

Er það ekki þannig sem maður ætti að lifa, búast við endurkomu Jesú Krists hvern dag. Biðja í hverri tíð í anda eins og segir í Orðinu, helga sig Orðinu og Guði og hugleiða það dag og nótt.

Mér finnst og mun alltaf finnast það ótrúlegt hvað margir "menntaðir guðfræðingar" og menntamenn, sem að telja sig vera svo vel lesna í Biblíunni að þeir fyrir einhverjar sakir yfirsjá alla þá spádóma sem er að finna í Biblíunni. Sem eru að rætast á okkar tímum. Það er eins og þeir sjái ekki hlutina sem eru að gerast í kringum sig á þá sérstaklega siðferðishrun. Passar þetta vers ekki ágætlega við:

Lúkas 10:21, Á sömu stundu varð hann glaður í heilögum anda og sagði: "Ég vegsama þig, faðir, herra himins og jarðar, að þú hefur hulið þetta spekingum og hyggindamönnum, en opinberað það smælingjum. Já, faðir, svo var þér þóknanlegt.

Það er hinsvegar fróðlegt að lesa Lúkas 21. kafla. Þar standa ýmsir hlutir um endatímana. Hvet eindregið alla til þess að lesa þann kafla.

[Sigvarður Hans Ísleifsson, 16.11.2007 kl. 15:29]

Er þetta ekki líka það sem Biblían segir fyrir um að menn munu reyna stilla til friðar en ekki ná því? Ég vona allavegana að við náum að leiða allt landið frelsis áður en endurkoman á sér stað enda mikil vakning í gangi:)

[Snorri Óskarsson, 16.11.2007 kl. 17:00]

Þorvaldur

Er Bush fjöldamorðingi? Siðan hvenær?

[Sigurður Þórðarson, 17.11.2007 kl. 14:25]

Oft erum við sammála Snorri en ekki núna. Mér dettur auðvitað  ekki í hug að réttlæta verk hryðjuverkamanna t.d. Hamas, sem sprengja saklaust fólk. En okkur ber öllum skylda til að hlýða samviskunni og berjast gegn mannréttindabrotum og pyntingum. Ég er ekki Biblíufróður en trúi því ekki að hún gefi afslátt á því, fyrir Bush eða aðra. Heimurinn okkar þarf meira umburðalyndi, skilning og kærleika.  Var það ekki inntakið í lífi Jesú?

[Snorri Óskarsson, 17.11.2007 kl. 17:09]

Ef þetta eru rökin fyrir Bush sem fjöldamorðingja þá eru fjaðrirnar fallnar af sigurvegurum seinni heimstyrjaldar þeim Churchill, Rosevelt, Trumann og DeGaulle. Stríðsrekstur er ekki kallaður hryðjuverk né fjöldamorð því bardaginn stendur milli tveggja (eða fleirri) vopnaðra herja og það heitir stríð. Þar gerist það sem við allir erum á móti að saklast fólk og ungir menn (hermenn) láta lífið og deyja sem "hetjur" en að lokum hefur enginn grætt neitt. Og enn hefur mannkynið ekkert lært af öllu þessu.

En við þurfum að taka afstöðu til þess hvort rétt hafi verið að berjast gegn Hitler?

Er rétt að láta hryðjuverk óátalin án þess að veita andsvar?

Og svo er eitt alveg ljóst með gyðingana að ef þú ógnar þeim ekki með byssu þá ógna þeir þér ekki með byssu. En því er ekki eins farið með Hamas eða Fatah og þar komum við að hinum siðferðilega grunni þessara trúarhópa. Sá aðilinn sem flokkar þig með svínum mun sýna þér sömu virðingu og hann sýnir  svínunum.

Mig skortir ekki umburðarlyndi þess vegna tala ég og skrifa ég eins og ég geri. Umburðarlyndið er nefnilega fólgið í því að þegar þú samþykkir ekki og ert ósammála þá lætur þú í þér heyra og andmælir. Ég umber vitleysisganginn en er honum algerlega ósammála. Ég er ósammála Ásatrú og þarf því að umbera hana án þess að samþykkja.

kær kveðja

Snorri 

[Sigurður Þórðarson, 17.11.2007 kl. 20:22]

Snorri, þú umberð skoðanir og trú annarra, ert trúr sannfæringu þinni og  hreinskiptinn.  Hvoru tveggja finnst mér virðingarvert. 

Kristur bar meiri virðingu fyrir heiðingum (Samverjum) en handhöfum lögmálsins (fariseum)  og þetta var alveg gagnkvæt. Ég er heiðingi en ber virðingu fyrir Kristi og boðskap hans t.d.um að rétta hinn vangann eða launa illt með góðu. Ekki er ég að halda því fram að mér frekar en öðrum takist að fara eftir þessu.

En þó við séum ósammála í trúmálum erum við örugglega sammála um að það á ekki að pynta fólk. 

Allir vona fólkið í Ísrael og Palestínu nái að lifa í friði. Ég hef enga töfralausn en hef samt enga trú á dómhörku, hatri og endalausri hefnd tilgangslausrar launguvitleysu.   Er þá ekki tími til að reyna eitthvað nýtt.  Hvað með fyrirgefningar- og kærleiksboðskap Krists?

[Guðsteinn Haukur Barkarson, 17.11.2007 kl. 21:51]

Snorri minn,

Eins og allir vita var Bush var ríkisstjóri í Texas áður en hann gerðist forseti. Þar gaf hann vilyrði fyrir fjöldann öllum af aftökum. Morð er morð, sama hvernig þú lítur á það, ekki nema boðorðið: "þú skalt ekki morð fremja" sé fallið úr gildi. Eða hvað?

Getur þú gefið mér þau rök sem til þarf að styðja slíkan mann? 

[Predikarinn - Cacoethes scribendi , 17.11.2007 kl. 22:33]

Guðsteinn Haukur / Zeriaph  : Þetta er nú dálítið skemmtilegt innlegg hjá þér ! Í umræðum okkar á millum um 4. Boðorðið :

"Minnstu þess að halda hvíldardaginn heilagan. Þú skalt vinna sex daga og sinna öllum verkum þínum. En sjöundi dagurinn er hvíldardagur Drottins, Guðs þíns"

 Þar var eitt Boðorða Drottins fallið úr gildi að hentugleika þínum, eða eins og þú sagðir : "erum ekki háð lögmáli gyðinga" og þar með 4. Boðorðið ekki lengur í gildi að þínu áliti.

[Guðsteinn Haukur Barkarson, 17.11.2007 kl. 23:04]

Það er nú bara vegna þess að þú telur það öllu máli skipta á hvaða degi það er "predikari", og sagði ég aldrei að boðorðin væru ekki gildi, en ég sé ekki hvaða máli dagurinn skiptir, svo lengi sem boðorðinu er framfylgt.

[Predikarinn - Cacoethes scribendi , 17.11.2007 kl. 23:19]

Ekki gleyma því Guðsteinn að Drottinn segir alveg skírt : "........En sjöundi dagurinn er hvíldardagur Drottins, Guðs þíns..........." . Það er alveg ljóst að ekki skal nota þriðja eða hinn fimmta, nú eða hinn fyrsta dag vikunnar. Drottinn nefnir sérstaklega að notast skal við hinn sjöunda.

Er þá kannski bara eitt og eitt orð í Boðorðum Drottins sem má hliðra til eftir hentugleika ?

[Sigurður Þórðarson, 17.11.2007 kl. 23:32]

Kæri prédikari, auðvitað þarf fólk að hvílast einn dag í viku en mig langar að spyrja þig að dálitlu:

Voru það ekki einmitt svona sniðugar spurningar sem farisearnir lögðu fyrir Krist?

Og læknaði hann ekki á laugardegi?

Eða heldur þú að guð sé í fríi yfir helgar?

[Guðsteinn Haukur Barkarson, 17.11.2007 kl. 23:44]

Ég ætla að virða það við Snorra að skapa ekki umræðu um hvíldardaginn kæri "predikari", grein hans fjallar ekkert um hann og vona ég að þú gerir slíkt hið sama.

[Snorri Óskarsson, 18.11.2007 kl. 01:09]

Þorvaldur

Ég nefndi ekki Stalín Djúkasvíli vegna þess að þú hafðir hafnað honum sen læriföður (sem betur fer) en hann var hræðlegri í pyntingum og drápum en Hitler.

En varðandi pyntingar, manndráp og ófrið er ég ykkur algerlega sammála að þetta er óhugnaður og ætti ekki að nefnast einu sinni á nafn.

En því miður virðist maðurinn ekki betur þenkjandi en svona að það er svo auðvelt að  láta leiða okkur í gönur. Og það hefur ekki lagað málin að verða banralega einfaldur í afstöðu til þessara ofbeldismála.

Bandaríkjamenn samþykktu að taka aldrei þátt í stríði oftar eftir styrjöldina 1914 - 1918. 1936 var her þeirra ekki nema rétt um 200 þúsund manns. En í því andvaraleysi reis japanska sólin í hæstu hæðir og réðist á Bandaríkin til að knésetja varnarlaust ríki.

Hvernig yrði farið með gyðingana ef þeir væru vopnlaus þjóð og treystu "friðarhjali" Araba? Þeir geta ekki einu sinni stundað frið sín á milli.

Guðsteinn 

Varðandi Bush. Hann hefur gegnt stöðu ríkisstjóra og nú sem forseti. Hann er eiðsvarinn til að varðveita stjórnarskrá ríkisins. Þegar dómstólar landsins dæma menn til dauða vegna verka sinna þá eru lög og refsiákvæði þeim tengd stýrandi bæði dómurum og ríkisstjórum. Biblían segir: "En ef þú gjörir það sem illt er, þá skaltu óttast. Yfirvöld (t.d. Bush) bera ekki sverðið ófyrirsynju, þau eru Guðs þjónn, hegnari til refsingar þeim er aðhefst hið illa". (Róm. 13:4)

Þannig hafa "yfirvöldin" rétt til að koma refsingu að svo við hin löghlýðnu megum lifa friðsamlegu og góðu lífi. Dauðarefsingar eru heimilaðar yfirvöldum en ekki einstaklingum. Sá sem sviftir þig lífsrétti hefur fyrirgert sínum eigin rétti til lífsins. Sá sem gaf lífið bannaði sérhverjum manni að lífláta annan mann. En vegna óhlýðni mannanna gaf Guð yfirvöldunum því leyfi til að framfylgja þeim boðum sem veita þjóðfélögum líf, frið og samheldni. Þess vegna er Bush ekki morðingi eða manndrápari heldur í embætti sem er ætlað að vernda borgarana og samheldni þjóðfélagsins. 

Við segjum gjarnan að alþingismenn eru kosnir af þjóðinni til að við einstaklingarnir getum lifa við réttlát lög og verndandi ákvæði. En undanfarna áratugi hafa þeir aðeins sett yfir okkur íþyngjandi reglur sem varðveita peningakerfið ( t.d. verðbótaþátt og vísitölubindingar) en svifta einstaklinga og heimilin hagsæld og öryggi í launum eða skattakröfum.

kær kveðja

Snorri 

[Sigurður Þórðarson, 18.11.2007 kl. 01:19]

Af tvennu illu vil ég heldur hafa vísitölubindingu en dauðarefsingar.

[Tryggvi Hjaltason, 18.11.2007 kl. 01:21]

Bush á nú ekki mikið heima með sannkristni og ég held að það beri að varast að setja nafn hans í sömu setningu. Það sem er hættulegast Kristni er þegar fólk gerir ýmis furðuverk í nafni Kristninnar.

RSPCT

[Predikarinn - Cacoethes scribendi , 18.11.2007 kl. 01:28]

Guðsteinn Haukur / Zeriaph :  Nei þessi ábending mín var nú bara til að skoða rök þau sem þú notaðir á Snorra. Það vildi svo bara þannig til að rök þín varðandi Boðorð Drottins voru á skjön við fyrri skrif þín sem voru gerð að umfjöllunarefni :  

"20 Snorri minn,

Eins og allir vita var Bush var ríkisstjóri í Texas áður en hann gerðist forseti. Þar gaf hann vilyrði fyrir fjöldann öllum af aftökum. Morð er morð, sama hvernig þú lítur á það, ekki nema boðorðið: "þú skalt ekki morð fremja" sé fallið úr gildi. Eða hvað?

Getur þú gefið mér þau rök sem til þarf að styðja slíkan mann?

Guðsteinn Haukur / Zeriaph, 17.11.2007 kl. 21:51"

Er mótsögnin ekki alveg augljós ? ?

Annars er ég hrifinn af svari sr. Snorra til þín varðandi spurningu þína.

[Kristinn Ásgrímsson, 18.11.2007 kl. 14:31]

Athyglisverð umræða, heldur þú kæri Sigurður að vísitölubinding hefði fengið þessa menn sem nauðguðu konu á hrottafenginn hátt á Laugavegi fyrir skömmu til að óttast löggjafann. Ég veit ekki hvort ég myndi vilja sjá dauðarefsingar, en hugsunin á bak við slíkan dóm var og er að skapa ótta, þannig að menn gjöri ekki slíka hluti. Fyrir mitt leyti tel ég áðurnefndan verknað verri en morð, þar sem konan er lítilsvirt og svívirt. Mun hún einhvern tíma ganga heil  ?  Ef það sem við köllum dauðadómur er morð, þá eru líka allir aðrir dómar glæpir. Snorri bendir réttilega á að yfirvöldin eru þjónn Guðs.

[Sigurður Þórðarson, 18.11.2007 kl. 16:16]

Takk fyrir síðast Kristinn og velkominn frá Afríku.  Ég er sammála þér að þetta er athyglisverð umræða en hún er líka nauðsynleg.  Ég hef nákvæmlega sömu skoðun og þú á glæpum eins og nauðgun svo ég tali nú ekki um barnaníð.  Við erum alveg sammála um að það þarf að  reyna að koma í veg fyrir svona illvirki. Spurningin er hvernig gerum við það? Fólk í þínum söfnuði hefur gert mikið til að endurhæfa fanga, með kærleika. Yfirvaldið  er ekki guðlegt fyrirbrigði vegna þess að því er stjórnað af breysku fólki.  Mér skilst að haraðr refsingar skili sér ekki í færri glæpum. Í USA eru t.d. 20 sinnum fleiri fangar en hér miðað við höfðatölu auk þess sem þeir leyfa dauðarefsingu, samt hafa þeir mun fleiri glæpi. Allir foreldrar vilja sjá fara vel fyrir börnum sínum og kunnna að þurfa að beita agavaldi en það verður að fara vel með það, því fortölur og kærleikur skilar meiru en ofbeldi. Þetta á ég kannski ekki  að segja því þetta er eitthvað sem þið Snorri eruð að vinna í á hverjum degi.  Glæpamenn eru stundum réttilega kallaðir ógæfumenn.  Ég mæli með myndinni Syndir feðranna hún er mjög lærdómsrík.                    Gangi þér annars allt í haginnn.

[Guðsteinn Haukur Barkarson, 18.11.2007 kl. 18:39]

Takk fyrir gott og málefnanlegt svar Snorri.

En það eru nokkur atriði sem ég vil benda á þessu.

Þú segir:
Hann er eiðsvarinn til að varðveita stjórnarskrá ríkisins.

Einmitt, það er hann. En honum ber enginn skylda til þess að beita öllu sínu valdi, hann getur t.d. dæmt menn frekar í ævilangt fangelsi fremur en dauðarefsingu. Hann er líka ábyrgur sem einstaklingur á gjöðrum sínum, hann sem ríkisstjóri gat vel farið aðrar leiðir og hafði fullt umboð til þess, því ákvarðanar valdið lá hjá honum á endanum.

Þú vitnar í Róm. 13:4, þetta ritngarvers gefur engan veginn rök fyrir slíkum hlut sem dauðarefsingin er, yfirvöldum ber að óttast, hárrrétt er það. En við eigum að blessa yfirvöld, og biðja fyrir þeim. Ekki dýrka þau. Það heitir því einfalda nafni "hjáguðadýrkun" og ber auðvitað að varast, en ekki skilja mig að ég sé að ásaka þig um slíkt, það er langt í frá.

Ritað er: "Framar ber að hlýða Guði en mönnum" (Post. 5:29) Og hananú! 

Áfram segir þú:

Þannig hafa "yfirvöldin" rétt til að koma refsingu að svo við hin löghlýðnu megum lifa friðsamlegu og góðu lífi. Dauðarefsingar eru heimilaðar yfirvöldum en ekki einstaklingum. Sá sem sviftir þig lífsrétti hefur fyrirgert sínum eigin rétti til lífsins. Sá sem gaf lífið bannaði sérhverjum manni að lífláta annan mann. En vegna óhlýðni mannanna gaf Guð yfirvöldunum því leyfi til að framfylgja þeim boðum sem veita þjóðfélögum líf, frið og samheldni. Þess vegna er Bush ekki morðingi eða manndrápari heldur í embætti sem er ætlað að vernda borgarana og samheldni þjóðfélagsins.

Þetta er hárrétt að vissu leyti, en yfirvöld eru umboðsmenn manna, ekki Guðs! Menn sem þú og aðrir kristnir eru umboðsmenn Guðs. Þótt Bush segist vera kristinn, þá leyfi ég mér að efast um hann sem "kristinn" einstakling.

Ritað er:

Matteusarguðspjall 7:16
Af ávöxtum þeirra skuluð þér þekkja þá. Hvort lesa menn vínber af þyrnum eða fíkjur af þistlum?

Segir mér ... hvar eru ávextir þessa manns? Önnur en morð, stríð og volæði? Hann hefur ekki einu sinni stjórn á efnahagsmálum í BNA, og hefur leitt þjóð sína í mestu kreppu sem hefur verið í áratugi! Auk þess hefur hann slegið öll met í að beita neitunarvaldi sínu gegn bandaríska þinginu, því ekki fær hann stuðning þingmanna sinna við neinum frumvarpa sinna. Er það góður og lýðræðislegur forseti? Nei!   

Þú segir svo áfram:
Við segjum gjarnan að alþingismenn eru kosnir af þjóðinni til að við einstaklingarnir getum lifa við réttlát lög og verndandi ákvæði. En undanfarna áratugi hafa þeir aðeins sett yfir okkur íþyngjandi reglur sem varðveita peningakerfið ( t.d. verðbótaþátt og vísitölubindingar) en svifta einstaklinga og heimilin hagsæld og öryggi í launum eða skattakröfum.

Einmitt!! Þessu er ég fullkomlega sammála! Enda er ég nýgenginn til liðs við Frálslyndaflokkinn, og mun berjast fyrir þessu óréttlæti! Sérstaklega kvótakerfinu! En mann eins og Bush mun ég aldrei styðja, því blóð hefur hann á höndum sér og kærleika hefur hann ekki! Ef Guð hefur sett Bush í embætti fyrir einhvern tilgang, þá vona ég að sá tilgangur sé búinn og hafi náð fram að ganga. Bandaríkjamenn þurfa að fá réttlátan forseta, hver sem það verður, en stór og voldug þjóð eins þeir hafa ekkert við stríðsherra að gera!

Guð blessi þig Snorri minn, fyrirgefðu að ég mótmæli þessu, en þetta gengur gegn öllu því sem ég trúi og að bendla Bush við kristni finnst mér bara hreint og beint rangt, en það er mín skoðun og vissulega virði ég þína.

Eða eins og Tryggvi sagði svo réttilega hér ofar:
Bush á nú ekki mikið heima með sannkristni og ég held að það beri að varast að setja nafn hans í sömu setningu. Það sem er hættulegast Kristni er þegar fólk gerir ýmis furðuverk í nafni Kristninnar.

Amen Tryggvi! Og er Tryggvi greinilega sömu skoðunar og ég.

Guð blessi þig Snorri minn, ég vona að þú umberir mig í þessu. 

[Snorri Óskarsson, 21.11.2007 kl. 23:53]

Þetta með Bush er flókið. Þegar ég ræði um málefnið "dauðarefsingu" þá tengi ég hana ekki við Bush. Dauðarefsing er hræðileg og ég er alls ekki meðmæltur því að menn séu líflátnir. En hvað á að gera við mann sem líflætur náungann með köldu blóði? Nú er verið að grafa upp lóð í Bretlandi þar sem beinagrindur stúlkna finnast en þeirra hefur verið saknað í allt að 15 ár. Þeir halda að slóð þessa manns nái yfir 40 ár og nú er verið að fara yfir heimilisföng hans til að taka af öll tvímæli.

Á svona maður að fá dauðarefsingu eða vera lokaður inni uns hann fær náðun? Þetta er t.d. siðferðilegt vandamál löggjafans, forseta (drottningar) og kristinna manna.

Ég tel þennan morðingja hafa fyrirgjert rétti sínum til lífsins. Það gerði hann reyndar við fyrsta morðið.

kær kveðja

Snorri 

En hafið þið velt einu fyrir ykkur og það er hvort Ísland hafi getað nokkuð annað en verið á lista "hinna staðföstu þjóða" og stutt USA til að ráðast á Irak?  Við erum samningsbundnir Nato  en þar segir :"árás á eitt ríki er árás á þau öll" og nú hafa Kúrdar verið að ráðast á Tyrki, Ættum við að standa með Tyrkjum eða segja okkur úr NATO ? 

[Sigurður Þórðarson, 22.11.2007 kl. 06:33]

"Dauðarefsing er hræðileg og ég er alls ekki meðmæltur því að menn séu líflátnir."   Mikið er ég innilega sammála þessum orðum.  Ég hugsa að það láti nærri að einn af hverjum 25-30 milljónum manna gangi með þá sjúklegu áráttu að stunda fjöldamorð. 

Ég var að lesa um tvo menn, annar lögreglumaður og hinn geðlæknir, sem hafa eytt starfsævi sinni í að rannsaka fjöldamorðingja í USA.   Í ljós hefur komið að þessir einstaklingar eiga oft mjög margt sameiginlegt fyrir utan að ganga ekki heilir til skógar þá hafa þeir undantakningalaust upplifað mikla höfnun í æsku. Þessi sjúklega árátta þeirra virðist endutaka sig í ákveðnu munstri. Sumir hinna seku hafa fundið til iðrunar og viljað allt gera til að upplýsa hvað liggur að baki. Þessar rannsóknir hafa nú leitt af sér að þessa menn er hægt að finna miklu fyrr og þannig hefur verið hægt að forða óhugnaði og hörmungum.   Manst þú Snorri, eftir sögunni um "Son of Sam", sem á sínum tíma var einn afkastamesti fjöldamorðingi í USA?    

[Guðsteinn Haukur Barkarson, 22.11.2007 kl. 17:04]

Takk fyrir gott svar Snorri, þetta svarar spurningu minni.

[Snorri Óskarsson, 26.11.2007 kl. 22:43]

Sigurður

Ég man vel eftir þeirri sögu. Mig undrar einnig þá grimmd og drápshvatir eru algengar í okkar vestræna heimi. Svo heyrum við "hernaðinn" í Afríku sem snýst ekki um að mæta vopnuðum andstæðingi heldur að ráðast á ovopnað fólk, nauðga konum og börnum. Fara síðan af vígvelli sem "hetja". Samt vantar allt til að lifa við en vopnin fást útá krít.

Ég dáist að þessum konum sem hafa fært frið í lönd eins og Líberíu og fleirri. Það þarf greinilega að nýta afl kvenna betur heiminum til bóta.

kveðja

Snorri