Dó út fyrir 4000 árum

Merkilegt hve mörg atriði náttúrunnar benda á miklar breytingar á jörðu fyrir u.þ.b 4000 til 6000 árum. Það er ekki langur tími alla vega miðað við milljónir hvað þá  milljarða ára. En Þessi umræddi tími er ískyggilega nálægt þeim atburði sem við köllum "Nóaflóð".

Fornleifafræðin finnur menjar elstu borgarmenningar eða skipulagðra þjóðfélaga frá svipuðum tíma tíma(6000 - 10000 f.kr). Meira að segja fannst nýlega í Dakota (held ég) risaeðla sem var í samfélagi við stóran krókodíl. Eðlan var auðvita steingerð og í skráp sínum.  Þessi dýr voru greinilega að flýja undan einhverjum hamförum eftir legu þeirra og flóttastefnu. Allt bendir til Nóaflóðsins og að Biblían segir okkur sannari sögur en sumir vilja viðurkenna.

kveðja

Snorri

Frosinn loðfíll gæti varpað ljósi á loftslagsbreytingar

Athugasemdir

[Jakob (IP-tala skráð) 8.1.2008 kl. 12:41]

Elstu tré, elstu plöntur, elstu kóralrif stoppa öll ca. 2500 f.kr. Ísaldarkenningar ganga út á að landslagið að miklu hafi flest hvað myndast undir miklum þrýstingi. Þetta er allt saman efni í góða samsæriskenningu en hefur líklegast ekki mikið á bakvið sig. Lotfhjúpur okkar getur ekki staðið undir nema örfárra CM hnattrænu flóði hvað þá 800.000 cm sem þyrfti til að hylja mt. Everest. En vissulega hefur orðið eftirminnilegt flóð í Efrat eða Tígris hér í fornöld því ekki vantar flóðsögurnar í þann hluta heimsins. Ég get tali 4 sögur af hnattrænu flóði með einn aðila sem að kemst af. En oftast er það á vegum Babýlónska Guðsins Enlil.

En þetta er allt mjög áhugavert engu að síður. Fínt að sjá nýja færlsu hjá þér eftir allan þennan tíma

[Brynjólfur Þorvarðsson, 8.1.2008 kl. 20:46]

Útdauði loðfíla (=mammút döh) var auðvitað vegna okkar. Krókódílar eru skriðdýr, voru komnir fram í þróunarsögunni á undan risaeðlunum en hurfu ekki. það er ekkert nýtt eða óvenjulegt við það að krókódílar og risaeðlur hafi verið til samtímis. Hákarlar og köngulær eru líka gríðarlega fornar tegundir, hafa lítið breyst frá því á tímum risaeðlanna. Algengustu steingervingar í kalklögum eru víst hákarlatennur!

Á síðasta ísskeiði núverandi ísaldar þróaðist homo sapiens sapiens (=við) og stundaði grimmt veiðar á stórum landdýrum hvar sem hann fór. Fyrir um 50.000 árum til Ástralíu og útrýmdi þar mörgum tegundum. Fyrir um 20.000 árum til Ameríku og útrýmdi þar mörgum tegundum. Í Evrasíu þróuðumst við samhliða loðfílunum og þeir hafa aðlagast okkur, lært að forðast okkur. En þegar ísöld lauk fyrir um 10-12.000 árum minnkaði verulega athafnasvæði þeirra, þeir hörfuðu norðar og mennirnir á eftir þar til þeir innikróuðust í Síberíu.

Elstu borgir (eiginlega frekar þorp) sem hafa fundist eru í Katal Huyuk á Anatólíuskaga (núv. Tyrkland) og Jerikó í Jórdandalnum. Þær eru um 10.000 ára gamlar. Þegar landbúnaður hefst rísa aðrar borgir, fyrir um 8.000 árum. Frá því hefur þróun menningar verið samfelld.

Þurrkasvæði stækkuðu hratt eftir að ísöld lauk, fyrir um 15.000 árum bjuggu forfeður semíta þar sem nú er Sahara eyðimörkin. Eftir því sem eyðimerkursvæðin stækkuðu hörfuðu þeir undan, sumir vestur inn í Nílardal og áfram inn í Mið-Austurlönd og Arabíuskagann. Aðrir semítar fóru suður og eru núna suð-vestan við Sahara.

Það er ekkert í skráðri sögu né í fornleifafræði, náttúrufræði eða jarðfræði sem bendir til þess að neitt hafi gerst fyrir um 6000 árum sem líkja megi við einhverjar sérstakar hörmungar. Þó er vitað að Miðjarðarhafið hefur opnast út í Atlantshaf einhvern tímann, talsvert fyrr, og þá hafa komið gríðarleg flóð um allt áhrifasvæði þess. Svartahafið var sömu leiðis lokað innhaf með yfirborð mun lægri en Miðjarðarhafið talsvert lengi og þar opnaðist leið inn einhvern tímann eftir að Ísöld lauk. Stór landsvæði fóru undir vatn og m.a. svæði þar sem fólk hafði fasta búsetu. Þar gæti verið hluti af skýringu á þeirri flóðasögu sem algeng er á öllu þessu svæði.

Biblían endurtekur súmerskar flóðasögur en staðfærir þær auðvitað eins og allar góðar sögur. En hún verður ekki sönn fyrir því.

[Predikarinn - Cacoethes scribendi , 9.1.2008 kl. 00:42]

Brynjólfur Þorvarðsson : Frábært hvað þú eyst úr brunni visku þinnar yfir okkur óvitana ! Þú ert náttúrulega með ótal samtímaheimildir fyrir því sem þú ert að kynna fyrir okkur ? Gaman væri að þú vísaðir okkur á þær. Þú ert ekki vonandi einn af þeim sem leggja á borð fyrir menn ágiskanir fengnar með því að fara á flug í getgátunum ? Allt eins og þegar Surtsey var aldursgreind, kom í ljós með nákvæmustu mælitækjum að hún var margmilljón ára gömul. Óvitinn ég helt að það hefði gosið um 1963 og Surtsey myndast. Nei hún er miiiiiiiiiiklu eldri, það sanna hinar nákvæmu aldursgreiningar.

[Ingvar Leví Gunnarsson, 9.1.2008 kl. 19:10]

Predikari, það er eitthvað sem við eigum sameiginlegt, ég hugsaði það sama þegar ég las athugasemdina hjá Brynólfi, hvar eru heimildirnar? Getur þessi svokallaði viskubrunnur Brynjólfur ekki bent okkur á hvar hann nær í þessari heimildir og ef hann finnur þær á hverju þær eru byggðar.

Það er svo margt sem skakkast á hjá ykkur sem aðhyllist þróun, ég held að menn t.d. því miður geti lítið tekið mark á aldursgreiningum sem þessir menn koma og færa fram. Eitt mjög gott dæmi er Surtseyjargosið.

Kv.Ingvar Leví

[G.Helga Ingadóttir, 10.1.2008 kl. 09:52]

Merkilegt allt saman, en hvernig sem allt snýr, þá er Skapari bak við allt. Kom við til að segja gleðilegt ár Snorri minn og takk fyrir gamla árið. Guð blessi þig og þína.

[Guðjón Sigþór Jensson, 10.1.2008 kl. 10:27]

Í Gamla testamenti Biflíunnar er sagt frá plágunum tíu. Náttúrufræðingar hafa útskýrt þær meira og minna t.d. þegar vart sá til sólar og myrkur grúfði yfir Egyptalandi. Lýsingin í Exodus, 2. Mósesbók hefur verið útskýrt sem miklu hamfaraeldgosi sem hefur væntanlega verið sprengigos sunnanrlega í gríska eyjaklasanum skammt frá Krít og Kýpur. Mikil norðanátt hefur valdið miklu gjósku í andrúmsloftinu með þeim afleiðingum sem segir í þessari gömlu heimild. Um flestar hinar plágurnar geta náttúrufræðingar einnig útskýrt en við vissar aðstæður getur komið fram ójafnvægi í náttúrunni og við hagstæð skilyrði verða til faraldrar sem þekkjast einnig í dag t.d. engisprettufaraldrarnir sem valda árlega gríðarlegu tjóni í Afríku.

Biflían er sem aðrar gamlar heimildir mikil fróðleiksnáma en sjálfsagt er að gjalda varhug við oftúlkun þessara fræða. Samfélagið hefur gjörbreysts og ný viðhorf hafa átt þátt í því að þoka því eldra til hliðar. Sem dæmi er að víða er vikið að hefndinni og hefndarskyldunni. „Auga fyrir auga og tönn fyrir tönn“ er mjög forn heimild sem ekki dugar í nútíma samfélagi. Hefndarþorsti grípur oft um sig og þeir sem eiga sárt um að binda krefjast þungra refsinga. Refsingar nútímans er arfur frá eldra menningarstigi. Á miðöldum var ekkert framkvæmdavald á Íslandi og engar refsingar aðrar en þær sem einstaklingurinn, fjölskyldan og ættin átti sjálf frumkvæði að. Þetta sjáum við koma vel fram í frásögnum Íslendingasagnanna. Þar kemur einnig vel fram hve hefndarverk reynast oft illa og koma oft þeim illa í koll sem þeim beita.

Mosi

[Snorri Óskarsson, 10.1.2008 kl. 23:03]

Guðjón

Við á Íslandi þekkjum talsvert til öskulaga. Það sem er merkilegt við þau er að þar sem askan fellur myndar hún jarðlag sem hægt er að finna. Hver eldstöð hefur sín einkennisefni (ösku) sem menn þekkja orðið og skv. þínum upplýsingum væri hægt að fá öskulag og sjá hvaðan það er. En hafa menn fundið öskulag frá Santoríni (Þýru) í Egyptalandi? Mikið er búið að grafa upp á undanförnum 200 árum.

Mér er kunnugt um þessa kenningu en hún gerir ráð fyrir því að Ísraelsmenn hafa gengið yfir Sefhafið sem tilheyrir þá Miðjarðarhafinu. Ég las grein í "Ísrael to day" desember 2007 sem segir frá þessari hugmynd og tilraun manna til að sannreyna tilgátuna. Hún er spennandi og athyglisverð. Hinn trúaði hefur ekkert á móti því að Guð grípi inní tilveruna með náttúrulegum hætti.

Veistu að útkoma fyrri heimstyrjaldar var m.a. sú að landið Ísrael féll Bretum í skaut? Þess vegna misstu Tyrkir (múslimar) tangarhald á landinu. Arabíu-Lórens var lykilmaðurinn í þeirri atburðarrás.

Veistu að útkoma seinni heimstyrjaldar var m.a. sú að landið Ísrael fylltist af heimilislausum gyðingum. Grafir þeirra opnuðust (útrýmingabúðirnar) og lausnin var að senda þetta heimilislausa fólk til "Landsins helga" ? Hvorttveggja var af "náttúrulegum toga" en fyrirfram boðað af Biblíunni; bókinni umdeildu.

Orðin rættust samt hverju svo sem menn trúa!

Og svo þetta með "auga fyrir auga" , af hverju dugir það ekki í okkar samfélagi? Þetta er einmitt til að stöðva hefndarþorstann. Ef einhver stelur fá þér bíl þá áttu aðeins að fá samskonar bíl fyrir það sem stolið var frá þér. Steli einhver frá þér milljón þá áttu aðeins að sætta þig við að fá milljón til baka en ekki miklu meira. Hefndarþorstinn heimtar nefnilega meira en auga fyrir auga og tönn fyrir tönn. Hann segir "mann drep ég fyrir hvert mitt sár"!

Refsingar miðaldasamfélags víkinga snérist meira um að varðveita heiðurinn en hefndina. Menn í þá daga vissu mæta vel um hætturnar sem fylgja hefndinni og vildu því sameinast um lög sem gætu varðveitt heiður mannsins en líka stöðvað óstöðvandi hefndarþorsta. Það var erfitt þá og er svo enn í dag. Við höfum sama eðli og fornmennirnir.

kveðja

Snorri 

[Þormar Helgi Ingimarsson, 11.1.2008 kl. 00:27]

Þetta er mjög góð grein og áhugaverð. Þakka þer Snorri fyrir þetta. Guð blessi þig og þína í Jesú nafni. Amen.

[Sigurður Rósant, 11.1.2008 kl. 15:55]

"Allt bendir til Nóaflóðsins og að Biblían segir okkur sannari sögur en sumir vilja viðurkenna."

Já, satt segirðu Snorri síkenndur við Betel. Það er undarlegt að trúleysingjar skuli draga þessar frásagnir af örkinni hans Nóa í efa.

Skv. 1. Mós 6:15-16 var örkin 300 álnir á lengd, 50 álnir á breidd og 30 álnir á hæð. Nýja biblíuþýðingin hefur ekki gert ráð fyrir að við notum metrakerfið í dag og eigum í erfiðleikum með að umreikna álnir í metra.

En svona til fróðleiks má geta þess að 1 alin getur verið um 45 cm og upp í 52 cm eftir því hvar í veröldinni er mælt. Örkin hefur því verið 135 metra löng, 22,5 metra breið og 13,5 metra á hæð.

Svona skip eru til í dag í svipaðri stærð hjá Eimskipafélagi Íslands, en að vísu smíðuð úr stáli eða járni.

Ekkert mál hefur verið að halda svona skipi, tjörguðu að innan og utan, á floti í mígandi rigningu í 40 daga og svo aðra 320 daga til viðbótar í steikjandi sól og brakandi þurrki á meðan flóðið sjatnaði.

Ekki hefur það heldur verið mikið mál fyrir áhöfnina, Nóa og frú með Sem, Kam og Jafet og frúm, að brynna öllum þeim dýrum sem gistu í örkinni, gefa þeim hey og alls kyns æti eftir þörfum, því Guð (eftir því sem höfundur 1. Mósebókar staðhæfir) hefur eflaust beitt kraftaverkum ógurlegum í þessari dvöl nálægt 4.200 metra háu fjallinu Ararat.

Guð getur líka útvegað ótakmarkað vatn til að kaffæra öll fjöll jarðarinnar þó þau séu yfir 8.850 metra á hæð. Vatnsmagnið hlýtur að hafa náð vel yfir Mount Everest, því það tók 320 daga í sól og þurrki að sjatna niður í 4.200 metra.

Já, trúleysingjar. Dragið bara fram reiknitölvurnar og þið munið sannfærast um að 1. Mósebók er útblásin af heilögum anda eins og öll hin 65 rit Biblíunnar.

[Rósa Aðalsteinsdóttir, 12.1.2008 kl. 20:20]

Sæl öll. Prédikarinn kom með frábært dæmi um Surtsey sem varð til 1963 og var ég stödd í Vestmannaeyjum þegar Surtsey gaf frá sér eitt af síðustu pústrunum. Steinarnir voru fljótir að slípast í fjörunum. Furðulegt örugglega að mati þeirra sem trúa á þróunarkenninguna.

Við lesum um það í Biblíunni sem er leiðsögubók sem Guð gaf okkur að Hann hafi skapað öll dýr jarðarinnar á sjötta degi sköpunarinnar. Ég trúi því að risaeðlurnar hafi verið skapaðar á sama degi og Adam og Eva. (1. Mós. 1. 24-31) Adam gaf öllum dýrunum nafn og sennilega hefur hann gefið Risaeðlunni nafnið Dreki? Nafnið Risaeðla kom ekki fram fyrr en á 17 öld. segja heimildir mér????

Við lesum í Biblíunni í 1. Mós. 1. 29-30. Og Guð sagði: "Sjá ég gef ykkur alls konar sáðverandi jurtir á allri jörðinni og alls konar tré, sem bera ávöxtu með sæði í. Það sé ykkur til fæðu. Og öllum villidýrum og öllum fuglum loftsins og öllum skriðkvikindum á jörðinni, öllu því, sem hefir lifandi sál, gef ég öll grös og jurtir til fæðu."  S.s. engar kjötætur í upphafi. Þarna bjuggu Adam og Eva í sátt og samlyndi við öll dýr í sátt og samlyndi. En svo varð syndafall. Eva lét glepjast af Satan sem fór í gervi höggorms og hún tók epli af eina trénu sem Guð bað þau að éta ekki af. Satan sagði henni að þau myndu ekki deyja heldur myndu augu þeirra ljúkast upp og þau myndu verða eins og Guð og vita skyn góðs og ills. Eftir að þau höfðu tekið ávöxt af þessu tré þá lukust upp augu þeirra og þau  urðu þess vör að þau voru nakin og þau festu saman fíkjuviðarblöð til að skýla sér. (Sjá nánar í 1. Mós. 3. 4-7). Syndin var komin í heiminn og ekki aftur snúið.

Drottinn iðraðist að hann hafði skapað mennina á jörðinni. Guð sárnaði að sjá illsku mannanna og allar þær syndir sem voru drýgðar og ákvað að afmá allt líf á jörðinni nema Nóa og fjölskyldu sem fundu náð í augum Drottins. Þau smíðuðu Örk og aðeins tvennt af hverri dýrategund skyldu fara í Örkina, það var eitt karldýr og eitt kvendýr. Sjá nánar í 1. Mós. 6. 5.-22. Öll önnur dýr dóu. Mörg grófust undir mörgum tonnum af leðju þegar vatnselgurinn huldi landið. Vegna þess hversu snökt þetta gerðist þá hafa mörg dýranna varðveist sem steingervingar. Sjá nánar í 1. Mós. 7. 11.-12. 19.

Ég trúi því að risaeðlan eða drekinn hafi farið í Örkina en eftir að flóðinu linnti var umhverfið öðruvísi en í aldingarðinum Eden.  Fólk og dýr voru kjötætur. Menn drápu dýr sér til matar. Villidýr drápu dýr sér til matar. Á meðan á flóðinu stóð hafa sennilega einhver sjávardýr dáið og talið er að sumar dýrategundir hafi dáið út á þessum tíma.   Margar getgátu hafa komið fram um af hverju þær hafa dáið út. Kannski gátu þær ekki fjölgað sér eftir flóð, kannski átu spendýr egg þeirra. Kannski gerði maðurinn í því að útrýma þeim því þær voru kjötætur og því mönnum og skepnum hættulegar??? Kannski hafa risaeðlur komist af eftir flóð í afskekktum frumskógum og eiga eftir að heilsa uppá okkur. Shalom

[Sigurður Rósant, 13.1.2008 kl. 00:33]

Já, hvílík blessun sem Biblían - gjöf Guðs hefur verið mannkyni síðan hún var færð í letur um það leyti sem risaeðlurnar dóu út.

Þær hafa eflaust notið sín í göngutúrum á þilfari arkarinnar hans Nóa og fjölskyldu, hjálpað til við að moka flórinn og brynna þeim þyrstu dýrum sem lágu í móki í kjallaranum undir áhrifum metangass sem liðaðist blíðlega og hljóðlaust úr afturraufum dýranna.

Fílarnir hafa eflaust lagt sitt af mörkum líka, zebrahestarnir, asnarnir, kameldýrin og ég tala nú ekki um nashyrningarnir og flóðhestarnir. Öll þessi dýr og fleiri hafa hjálpast að við hin daglegu störf í þá rúmlega 360 daga sem örkin flaut á kyrru hafinu umhverfis jörðina okkar.

Ég skil ekki hvernig trúleysingjar geta efast og efast um sannleiksgildi frásagna Biblíunnar. Satan hlýtur bara að fylla hjörtu þeirra af efasemdum á sama hátt og hann sendi flugurnar til að tefja Lúther við Biblíulestur.

Blessun fylgi ykkur öllum, lesendur góðir.

[Rósa Aðalsteinsdóttir, 13.1.2008 kl. 01:22]

Sæl aftur. Er ekki c.a. ein öld síðan Geirfuglinn dó út. Af hverju gat þetta ekki alveg eins gerst á dögum Nóa að dýrategundir dóu út? Þar sem ég skrifa í lokin í athugasemd hér fyrir ofan var ég að skrifa um Risaeðlurnar, getgátur um af hverju þær dóu. Skrifa bara þær. Og ég sem er að skrifa inn á blogg hjá kennara og annar kennari að lesa líka hann Sigurður Rósant.  Shalom.

[Snorri Óskarsson, 14.1.2008 kl. 23:59]

Sagan um Örkina hans Nóa er ekki sögð með þeim hætti að allir þurfi að skilja heldur vita. Skilningur okkar er mjög takmarkaður en við getum álitið að þegar Nói tók fílana og gíraffana í örkina hafi hann frekar fengið kálfana en fullornu dýrin. Það hefði ég gert. Þau eru minni, þekkja ekki til frelsisins og hænast manninum betur. Einhver ástæða er fyrir því að náttúrufræðingur eins og Örnólfur Thorlacius greindi okkur frá því í útvarpserindi 16. apríl 2005 að náttúrufræðingar væru að viðurkenna að um allan heim sjást menjar um mikið flóð sem kaffærði lönd og álfur í árdaga. Þeir nefndu ekki Everest enda fáir sem fara þangað á toppinn. Þó er vitað að í árdaga var Everest lægra þar sem jarðskorpuþrýstingurinn hafði ekki haft jafn langan tíma þá og nú til að þrýsta Himanlaja fjöllunum ofar. En sínum augum lítur hver á silfrið.

Nóaflóðið átti sér stað þó svo vantrúin skilji það ekki.

kær kveðja

Snorri 

[Sigurður Rósant, 15.1.2008 kl. 12:28]

Thú reynir Snorri ad hylja yfir augljósar ýkjurnar og skáldskapinn í sögunni um Nóaflódid.

Thess má geta ad til eru eldri sögur af flódi sem talid er ad hafi átt sér stad vid árnar Efrat og Tígris í Mesópótamíu fyrir um 5000 árum og ort er um í ljódi sem skrád var um 2750 - 2500 fyrir okkar tímatal, eda fyrir um 4750 - 4500 árum. Thessi ljód er hægt ad lesa á netinu og hafa einnig komid út í íslenskri thýdingu og kallast Gilgameshkvidur.

Í 11. kafla thessara ljóda má lesa um adraganda flódsins, byggingu skips eda húss sem sídar flaut í 7 daga og komust nokkrir af vid illan leik.

Sagan af Nóaflódinu er skrád um 1000 árum eftir af Gilgameshkvidur voru ortar, svo thad er greinilegt ef menn vilja kippa höfdinu smá stund upp úr sandinum og bera thessar frásagnir saman, ad hér er höfundur 1. Mósebókar ad taka efni úr Gilgameshkvidum, breyta thví og herma upp á adrar persónur, adra stadhætti og annan Gud.

En thess má geta til gamans ad Hollendingur nokkur hefur smídad eftirlíkingu af Örkinni hans Nóa, nema hvad hún er í hálfri lengd.

Ég og fleiri halda samt ad svona skip geti aldrei flotid nema í nokkrar mínútur ef smá öldur myndast.

Góda skemmtun.

[Jón Steinar Ragnarsson, 16.1.2008 kl. 07:20]

Krókódíll að flýja undan flóði???

[Snorri Óskarsson, 17.1.2008 kl. 00:10]

Krókódílar forðast salt vatn og ægilegar öldur. Eðlur risastórar flúðu líka. Það var auðvitað mikill hamagangur -svo mikill að gríðarlega stórir bingir af lífrænum efnum söfnuðust saman og voru kaffærð af þykku jarðlagi. Í dag köllum við þessa "bingi" kolalög, olíulindir eða steingerðar leifar fornra dýra.

kveðja

Snorri