Illkynjuð kaun komu ..

Frá því er greint í Biblíunni að fylgifiskur vantrúar og þverrandi Guðsótta verði "illkynjuð kaun" sem komi á mennina er hafa merki dýrsins (666- hvað sem það nú þýðir) og tilbáðu líkneski þess. Við trúarlegt kæruleysi opnast dyr tortímingarinnar æ betur.

Við, í vestrænum ríkjum, teljum kristnina öfgatrú og illa ef hún setur okkur hömlur. Samtíminn vill geta ráðið hvað við teljum rétt eða rangt og þá er gjarnan beitt sjónarmiði mannréttinda eða hvað okkur hentar. Hún á aðeins að boða kærleikann, umburðarlyndið og fyrirgefninguna; og það gerir kristnin vissulega. En það er meira í pakkanum!

Við í þessum vestrænu ríkjum höfum talið okkur búa við svo mikið heilsufarslegt öryggi að Guð hefur ekki sess né sæti í vestrænni "menningu". En Biblían segir okkur einnig merkilegan sannleika - auðvitað bitran um leið- að þegar mennirnir fara að tilbiðja dýrið og líkneski þess þá opnast dyr pesta og illkynjaðra kauna. Við sjáum að þetta er ekki bara miðalda vandamál heldur raunveruleg ógn okkar tíma ef menn gæta ekki að sér.

Að gera Jesú Krist að Drottni, frelsara og herra okkar daglega lífs þá frelsast menn frá valdi þessara pesta og kýla sem nefnd eru í Opinberunarbókinni 16.kafla og versi 2. Greinin segir okkur að nefndur spádómur Biblíunnar getur hæglega orðið fréttamatur og veruleiki náinnar framtíðar. Guð hjálpi okkur!

kær kveðja

Snorri í Betel 

Svarti dauði vaxandi ógn

Athugasemdir

[Rósa Aðalsteinsdóttir, 15.1.2008 kl. 22:17]

Sæll Magnús. Þetta er hörku góð tillaga. Guð miskunni vestrænum ríkjum sem halda að þau þurfi ekki á kristilegu siðgæði að halda því þeim finnst ganga ágætlega í eigin krafti en augu þeirra sem stjórna og allra eiga eftir að opnast en verður það of seint?

[Baldur Fjölnisson, 15.1.2008 kl. 22:21]

Það rignir áreiðanlega sem fyrr jafnt yfir réttláta sem rangláta og fólk deyr í hrönnum heiðið sem strangtrúað hvað sem hver segir.

[Haffi, 15.1.2008 kl. 22:54]

Snorri frænd

þannig ég þarf ekkert að óttast, þar sem ég trúi á Guð en aumingja allir  hinir..verður þeim þá refsað með pest?

[The Jackal, 15.1.2008 kl. 22:57]

Ó.... ókei. Eigum við þá ekki bara að sleppa því að reyna að laga og stoppa þetta með vísindum og gerast bara stangtrúuð og synlaus í staðinn?

[Theódór Norðkvist, 15.1.2008 kl. 23:01]

Þetta er sorgleg platguðfræði, dómsdagshyggja og svartagallsraus sem höfundur þessarar síðu kemur fram með.

Þetta er angi af svokallaðri velgengniguðfræði, sem hvítasunnu- og náðargjafahreyfingin svokallaða hefur dreift út og er viðurkennd sem villukenning af færustu guðfræðingum heimsins: Ef þú truir á Jesú Krist þá kemur ekkert fyrir þig!

Þessari villu halda þeir áfram að dreifa með hjálp loddara á borð við Benny Hinn, Omegarugludallanna, nígeríska lækningaprédikarans Charles Ndifons og margra fleiri.

Þótt menn séu trúaðir og heiðvirðir í sínu lífi þá hafa þeir ekkert þinglýst biblíulegt skírteini fyrir því að engir sjúkdómar eða böl sæki þá heim, samanber raunir Jobs.

Að sjálfsögðu stuðlar kristilegt bænalíf og reglusamt líferni að góðri heilsu og langlífi, um það hafa margar rannsóknir verið gerðar. Samt sem áður mæta raunir jafnt réttlátum sem ranglátum. 

[Þormar Helgi Ingimarsson, 15.1.2008 kl. 23:44]

Já sumt fólk er veikt fyrir sannleikanum. Snorri Þetta er frábær grein hjá þér. Takk fyirii þetta. Þetta er rétt hjá þér Snotti dyr tortímingarinnar er í uppsiglingu. Samkvæmit Orði Guðs. Snorri Guð blessi þig og fjölskyldu þína í Jesú nani. 

[Snorri Óskarsson, 15.1.2008 kl. 23:46]

Strákar, Magnús og Theódór!

Það er búið að setja lögbann á vantrú. Boðorðin og lögmálið sanna það - en maðurinn óhlýðnast samt.

Þessi umræddi kafli sem tengist fréttinni nefnir "vond og illkynjuð kaun"  sem komu á þá sem tilbáðu dýrið og líkneski þess. Hér er ekki verið að tala um þrautir og alla sjúkdóma. Það er alveg vitað hvenær menn losna við þrautir, sjúkdóma, berkla og annan óþverra það verður í því ríki sem Jesús Kristur stofnar og hefur hér á jörðinni í 1000 ár. Það hefst við endurkomu hans. Ég bíð spenntur eftir því. En óneitanlega þá eru margir sjúkdómar fylgifiskar syndar og ólifnaðar- ekki eru það nýjar fréttir fyrir ykkur?

Theódór þú ættir að leggja betur hlustir við það sem "Omegarugludallarnir" eru að segja. Mér sýnist þú eiga mjög auðvelt með að misskilja mig og líklega einnig þá! 

Enginn sjúkdómur var í veröldinni fyrir syndafallið!

kær kveðja

snorri 

[Þorsteinn Siglaugsson, 15.1.2008 kl. 23:52]

Ég vissi ekki að svona málflutningur væri stundaður í dag. En ok, ef trúin læknar fólk af svarta dauða, hlýtur það þá ekki að vera forgangsmál hjá þér, Snorri, að drífa þig til Afríku og kristna sjúklingana?

[Theódór Norðkvist, 16.1.2008 kl. 00:14]

En óneitanlega þá eru margir sjúkdómar fylgifiskar syndar og ólifnaðar- ekki eru það nýjar fréttir fyrir ykkur?

Nei, alls ekki, enda tek ég það fram að bænalíf og kristilegt líferni stuðli að heilbrigði og í því felst að einhverju leyti að óreglulíf stuðli að óheilbrigði.

Allir hafa syndgað og skortir Guðs dýrð segir Páll postuli í Rómverjabréfinu og sjúkdómar eru afleiðing tilveru syndarinnar, ég deili ekki við þig um það.

Ég vil samt gera greinarmun á afrískri konu, svo dæmi sé tekið, sem er trú sínum eiginmanni, en hann er ekki trúr henni og heldur framhjá, fær alnæmi og smitar hana síðan.

Í því tilfelli er það ekki vegna syndar konunnar sem hún fékk eyðni og deyr fyrir aldur fram frá ungum börnum.

[Jón Steinar Ragnarsson, 16.1.2008 kl. 01:11]

Snorri, hefurðu velt því fyrir þér hvort þið þessir viti firrtu fundamentalistar, séuð ekki helsta plágan hér á Jörð?

Teddi, þú sérð að ég þerf í raun ekkert að vera að sporna við þessu ofsatrúarpakki. Það sér um að afselja sig sjálft.  En þú kannski skilur umburðarleysi mitt kannski betur.

[Rósa Aðalsteinsdóttir, 16.1.2008 kl. 01:51]

Sælir strákar. Ég er í Hvítasunnukirkjunni og ég hef aldrei heyrt þessa boðun Teddi minn að ekkert geti komið fyrir mig þó að ég trúi á Jesú Krist. Aftur á móti hef ég heyrt um rugl  kenningar frá Ulf Ekman að þeir sem eru veikir eru syndarar.  Það var mjög fyndið að sjá þegar hann svo þurfti að nota gleraugu. Það hefur margt hent mig bara eins og svo marga aðra. Ég var veik sem barn, var með flogaveik. Jesús læknaði mig. Móðir mín dó þegar ég var níu ára. Hún trúði á Jesú Krist og hún var hörku trúboði en hún dó samt frá þremur börnum aðeins 43 ára gömul eftir mikil veikindi. Þegar ég fór út á vinnumarkaðinn varð ég fyrir einelti og grófri kynferðislegri áreitni. Ég hef lent á skurðaborðinu. Ég er öryrki. Pabbi var á gangi hér niður við höfn fyrir rúmum tíu árum og þá ók bíll á hann. Hann var frískur áður en hann slasaðist en eftir það alls ekki. Pabbi er búinn að vera duglegur í þjónustu fyrir Jesú Krist. Job þurfti heldur betur að ganga í gegnum raunir eins og þú Teddi bendir réttilega á. Hann missti allar eigur sínar, öll börnin sín en hann treysti Guði og Guð snéri við högum hans. Við vitum öll að með syndugu líferni köllum við yfir okkur ýmsa sjúkdóma. Þarf nokkuð að taka dæmi: áfengi, eiturlyf - margir sjúkdómar s.s. skorpulifur; tóbak - lungnakrabbamein. Jesús Kristur dó á krossi fyrir syndir okkar og hann bar sjúkdóma okkar upp á krossins tré, líka fyrir þá sem hafa vísvitandi unnið tjón á líkama sínum með syndugu eðli.  Ég hlakka til þegar við á Vopnafirði getum séð Omega. Við getum valið hvaða þætti við viljum horfa á. Við höfum Lindina og það er magnað. Fólk hefur frelsast eftir að hafa hlustað á Lindina eða horft á Omega. Vinur minn var staddur í Reykjavík og var að hlusta á Lindina og hann frelsaðist. En þetta fólk sem er í þessari þjónustu er ekki fullkomið frekar en við. Getum við krafist þess af þeim? Mátti til að nota karlinn sem er reiður - dulin skilaboð. Shalom.

[Theódór Norðkvist, 16.1.2008 kl. 02:11]

Þakka þér fyrir þennan fína pistil Rósa, athyglivert að lesa þetta. Ekki var ætlunin að móðga þig, sennilega var (og er) þessi boðun meira áberandi hjá Veginum og Orði Lífsins, þó margir hafi kallað þá söfnuði hvítasunnukirkjur.

Málið er að menn hafa alltaf litið til Opinberunarbókarinnar og reynt að túlka farsóttir, aðrar plágur og jafnvel margar uppfinningar, sem uppfyllingu á spádómum hennar. Það er mjög gott að lesa í atburði sögunnar og skoða þá í ljósi Biblíunnar, ekki misskilja mig með það.

Eflaust hafa margir komið fram og fullyrt að nú væri kominn heimsendir þegar svarti dauði geisaði á sínum tíma. Það er gott að fylgjast með og vera tilbúinn undir komu Drottins, en það er ekki okkar að vita tíma eða tíðir. 

[Theódór Norðkvist, 16.1.2008 kl. 02:12]

PS Jón Steinar, ekki skjóta yfir markið!

[DoctorE (IP-tala skráð) 16.1.2008 kl. 08:48]

Lestu biblíu þín Snorri, ef við setjum kærleika hennar og illsku guðs á vogarskálar þá er algerlegt klárt að guð biblíu og reyndar hvaða guðir sem nöfnum tjáir að nefna eru illskan uppmáluð.
Ef jesú kom virkilega hér sem guðssonur þá kom hann til þess að biðjast afsökunar fyrir pabba sinn sem var búinn að ganga myrðandi yfir jörðina.
Það er eina vitræna niðurstaðan á meintri heimsókn hans

[Þorsteinn Valur Baldvinsson, 16.1.2008 kl. 09:51]

Snorri minn, þér er frjálst að túlka fyrir sjálfan þig, en ertu ekki að taka þér umboð sem þú ekki hefur, til að gerast talsmaður og túlka fyrir aðra.

[Ásgeir Kristinn Lárusson, 16.1.2008 kl. 10:16]

Er bloggið orðið biblía fátæka mannsins - í andanum?

[Púkinn, 16.1.2008 kl. 11:25]

Það er nú svolítið merkilegt að margskonar plágur og farsóttir herjuðu á Íslendinga og aðra Evrópubúa á miðöldum þegar vald kirkjunnar var sem mest, en þegar vísindaleg hugsun tók að eflast og menn áttuðu sig á að bakteríur og vírusar voru orsök sjúkdóma, en ekki illir andar eða refsingar æðri máttarvalda, þá fyrst tókst að sigrast á þessum pestum að mestu leyti. 

Nei, besta vörnin gegn þessum pestum eru vísindin - trúin hefur ítrekað sannað gagnleysi sitt. 

[Sigurður Þór Guðjónsson, 16.1.2008 kl. 12:12]

Ef sú della sem ofsatrúarmenn setja stundum fram væri um eitthvað annað en trúmál væri það hreinlega kallað geðbilun. En undir yfirskyni trúar er víst allt hægt. 

[Sigvarður Hans Ísleifsson, 16.1.2008 kl. 12:29]

Í fyrsta lagi má alldrei taka frjálst val manna til að velja og hafna. En siðleysið og stjórnleysið er allgjört og því fylgja sjúkdómar og annar sori. Þar sem þú talar um að mikil veikindi voru upp á miðöldum að þá man ég ekki betur til þess að mikið hafið verið um kukl á þeim tímum. Bæði svartagaldur og annað. Meira segja páfakvikyndin grófu hvern annan upp og sæmdu og sváfu svo hjá mærðum sínum og eitruðu hver fyrir öðrum. Með áframhaldandi siðleysi að þá koma þessir sjúkdómar en meir upp á yfirborðið...

[DoctorE (IP-tala skráð) 16.1.2008 kl. 12:40]

Trúarbrögð er án nokkurs vafa versti sjúkdómur sem mannkynið hefur þurft að kljást við.

[Ari Björn Sigurðsson, 16.1.2008 kl. 13:03]

"Trúarbrögð er án nokkurs vafa versti sjúkdómur sem mannkynið hefur þurft að kljást við."

jamm ...og eins og með aðra illvíga sjúkdóma eru vísindin lykillinn að lækningunni.

Það er annars hrikalegt að horfa upp á hve þessi sjúkdómur leikur sum fórnarlömb sín grátt, og beinlínis nauðsynlegt að reyna að útrýma smitleiðunum (skólatrúboð).

[Linda, 16.1.2008 kl. 14:51]

Sæll Snorri, þarna dast þú bein í ljónagryfjuna, eins og Daníel (að mig minnar)á forðumkannski er best að segja að þú hoppaðir on í og það með djörfung og hreinskilni eins og fyrridaginn. 

 Í mogganum í dag er talað um Berkla og svartadauða varð mér einmitt hugsað til ritninganna, og ég man að ég las í GT þar sem talað er um að þeir sem lifa eftir boðorðunum mun ekki veikjast og vera langlífir, en maðurinn er óttalegt flón og getur ekki staðið undir þessu, hann lifir og deyr í syndinni. 

 Við í dag eigum þó Jesú sem tók á sig syndir mannanna, ef við sækjumst eftir því sem hann gaf okkur, þá getum við verið róleg þó svo sjúkdómar herji á okkur, ég hef verið alvarlega veik, ég hafði sagt stuttu áður en ég veiktist að "ég gæti ekki afborðið, að ég væri ekki nægilega sterk til þess að lifa af veikindi" en, viti menn, ég fékk styrkinn sem ég þurfti´, í bæn og viðvera ættingja sem og vina sem voru/eru sterkir í trú gáfu mér svo mikla blessun, Jesú var svo áþreifanlegur að ég vissi að ég mundi ná mér að ég yrði ekki varanlega blind, og viti menn, ég sé nægilega vel til að geta gert allt sem ég þarf, ´Guð á dýrðina, það er vegna hans sem ég fékk aðstoð lækna sem áttu ekki að vera við þegar ég var á sjúkrahúsinu, sem áttu ekki að vera á Jules Stein institute akkúrat þegar ég þurfti að far í augna aðgerð til að bjarga sjóntaugum, ekkert var tilviljun allt var vegna Guðs, því gef ég honum alltaf dýrðina. 

Svo þessir ekki trúuðu verða bara að sætta sig við, að við sem trúum erum að upplifa áþreifanlega nærveru og blessun, það væri óskandi að þeir sæktust eftir því líka.

Ég er að lesa bækur ef Rev. Bill Johnson með því að smella hér er hægt að  sjá brot úr samkomu hjá honum, hann er yndislegur einleigur og hreint og beint frábær.  Hann er ekki lækninga predikari, hann er predikari sem boðar orðið rétt og hreint og vegna þess verða lækningar í hans söfnuði sem þekkist ekki annarstaðar, ekki í því magni sem er hjá honum.

[DoctorE (IP-tala skráð) 16.1.2008 kl. 15:03]

Linda mín, þið trúaðir hafið verið að upplifa síðustu tíma from day 1, þið munuð fá sömu sjúkdóma og aðrir algerlega óháð trú eða trúfrelsi, sumir munu læknast en aðrir ekki algerlega óháð trú eða trúfrelsi.
Að segja eitthvað annað er ekkert nema sjálfsblekking

[Linda, 16.1.2008 kl. 15:54]

DrE minn, krútt ég er sú sem upplifið nærveruna, þú hefur ekki gert það, því gerir það þig ófæran um að dæma um það, og það vekur því upp spurninguna hver í raun lifir í sjálfsblekkingu. 

[DoctorE (IP-tala skráð) 16.1.2008 kl. 16:16]

Well Linda... guð er sérvitur mjög :)

[Snorri Óskarsson, 16.1.2008 kl. 17:26]

Ég vil minna alla á það að lækning sjúkdóma er ekki einkamál vísindanna. Menn hafa meira að segja talað um að læknar hafi "sjúkdómavætt" fólkið. Nú vita menn að of mikið hreinlæti veikir mótstöðukerfið svo ónýtar varnir líkamans eru þá skilgetið afkvæmi "vísinda"?

Þegar gyðingarnir fóru burt úr Egyptalandi þá var þeim fengið lögmál. Það hafði að geyma þungaviktarákvæði um hreinlæti - til þess að þeir fengju ekki samskonar kaun og hrjáðu Egypta.

Nú sjá menn að kýlarpestir í Afríku geta sko vel stungið sér niður á Íslandi. Svo vestræn þjóðfélög með vísindalega hátækni en lélegt mótstöðukerfi vegna hreinlætis- ráða ekki við kýlarpestir frá Afríku sem menn smitast af á einhvern hátt. Þá er illt að hafa lélegt mótstöðukerfi líkamans.

Guð veit um veikleika okkar og þess vegna eru okkur settir rammar um hegðun og snertingar. Þegar landlæknir gefur einnig viðvaranir og ramma til að forðast smit þá lítum við alls ekki á embættið sem kærleikslaust, fordómafull og aðeins gert til að hefta frelsi til afþreyingar. Reglur eru okkur settar til að við megum lifa!

Umferðarlögin eru sett til að menn komist um vegi landsins án viðkomu á sjúkrahúsum. Hugsum málin í samhengi og þá verðum við sammála Guði.

Því miður þá bendir allt til þess að vegna trúleysis aukist siðleysið og þess vegna sjúkdómar; kýlarpestir og svartidauði!

En munum að "fyrir hans benjar urðum vér heilbrigðir" - sárin á líkama Jesú Krists umbreytti Guð í læknandi og græðandi lindir til anda, sálar og líkama! 

Amen.

Snorri í Betel 

[Beturvitringur, 16.1.2008 kl. 18:09]

Æi, afhverju ætli við höfum svona mikla þörf fyrir að láta aðra vita hvað þeir eru bilaðir rugludallar og hálfvitlausir (t.d. ofsatrúarmenn)

Ef við erum svona mikið á móti skoðunum þeirra, þá bara það.

Hvað orð ætli þessir "biluðu, rugluðu og hálfvitlausu ofsatrúarmenn" hefðu um hina ef þeir hefðu sína bloggsveit. Svo er auðvitað spurning hvort þeir notuðu slík orð í sinni umfjöllun.

Höfum bara okkar skoðanir án þess að setja út á þær sem aðrar hafa. Þetta eru jú "skoðanir" ekki rökfærslur.

[Sigríður Sigurðardóttir, 16.1.2008 kl. 20:34]

  Enga trú hef ég á því, að vantrú sé að orsaka "Svarta dauða", eða kýlapest í fólki.  Og það þótt ég trúi á Guð og kærleiksboðskap Jesú Krists.  Líklegra þykir mér að þar sé það fátæktin, lélegt drykkjarvatn ( og þar með lélegt hreinlæti), slæm heilbrigðisþjónusta og skortur á lyfjum sem mestu máli skiptir.  Enda eru upptök flestra þessa sjúkdóma að finna í löndum, þar sem þessar aðstæður eru ríkjandi.  Og það eru svo gjarnan þeir sem eru að hjálpa fólkinu í þessum löndum, sem smitast næst af sjúkdómunum.  Það er, fólk við störf í heilbrigðisþjónustu (t.d R.K.) og trúboði.

  En ég veit af mörgum, Snorri, er þú og þitt fólk hefur hjálpað í neyð, og er það vel.  Skiptir mig þá ekki miklu hvaða skoðun þú hefur á "kýlapestum" og öðrum sjúkdómum.  Skondið að sjá á prenti, ef eitthvað.

  Guðs blessun til ykkar allra.

[Snorri Óskarsson, 17.1.2008 kl. 00:06]

Ég sagði í upphafi hvað Biblían segir í Opinberunarbókinni 16. kafla um sjúkdómaplágur síðustu tíma.

Það er sama hvaða skoðanir við höfum okkur skortir ekki sjúkdómstilfellin. Og nú er okkur færðar tölum um Klamedíusmit alls 1863 smit á ári, 155 á mánuði, 39 á viku eða 5 á dag!

Auðvitað tökum við öll þátt í neyðarhjálp og reynum að lina þjáningar. En sorgin og heimskan er hve margir glepjast í lauslætið, syndina og uppskera sjúkdóma - kynsjúkdóma. HIV-smit gerist nákvæmlega eins og Klemedía og þessi "samskiptavandi" getur þess vegna hleypt af stað pest eins og Svartadauða ef fáinir ratar smitas og koma hingað til lands. Þannig rætist Biblían að á síðustu dögum hreppa menn plágur kýlapestar o.fl vegna heimskulegs lífsmáta, aðgæsluleysis og syndar!

kveðja

Snorri í Betel 

[Púkinn, 17.1.2008 kl. 10:08]

Það hýtur að vera erfitt að hafa skoðanir sem þessar - vitandi það að meirihluti þjóðfélagsins lítur niður á þær og kallar þær fáfræði og mannfyrirlitningu.

Það sem ég velti hins vegar fyrir mér - ert þú sem sagt þeirrar skoðunar að þeir sem aðhyllast "rétta"  trú, samkvæmt einhverri tiltekinni skilgreining og hegða sér í samræmi við það sem hún boðar séu heilsuhraustai en aðrir?

[Rósa Aðalsteinsdóttir, 17.1.2008 kl. 14:39]

Sæll Púki sem ert með eitt af nöfnum myrkrahöfðingjans. Lestu innlegg nr. 13. Samúðarkveðjur til þín að nota svona ljótt nafn. Þú hlýtur að eiga betra skilið en að bera sama nafn og sá viðbjóður. Guð skapaði manninn og það sem Guð skapaði var vel gert, þú líka. Shalom

[Sigurður Rósant, 17.1.2008 kl. 14:58]

 Snorri segir:

"Því miður þá bendir allt til þess að vegna trúleysis aukist siðleysið og þess vegna sjúkdómar; kýlarpestir og svartidauði!"

Thegar Svartidaudi geysadi hér á landi árid 1402, voru trúleysingjar ekki svona uppivödslusamir eins og í dag. Um helmingur Evrópubúa létu lífid, eda um 75 milljónir manna. Slíkur faraldur getur vissulega endurtekid sig thrátt fyrir mikla trú. En hefur thad nokkud verid rannsakad hvort samhengi sé milli svona faraldra og trúleysis, Snorri?

Snorri stadhæfir:

"Þannig rætist Biblían að á síðustu dögum hreppa menn plágur kýlapestar o.fl vegna heimskulegs lífsmáta, aðgæsluleysis og syndar!"

Thó ad svo virdist sem hinir sídustu dagar séu ad renna upp skv. heimsendaspádómum nokkurra höfunda gudspjallanna og höfundi Opinberunar Jóhannesar, thá má einnig minna á ad thessi hrædluáródur kristinna manna hefur endurtekid sig af og til allt frá 1. öld. En aldrei kemur thessi heimsendir med endurkomu Jesú í kjölfarid. En thetta er kannski gott fyrir fjárhag kristinna safnada sem geta fjölgad medlimum út á thennan hrædslubodskap.

Njótid teknanna og lifid lúxuslífi á medan.

[Theódór Norðkvist, 17.1.2008 kl. 15:19]

Einhvern tímann las ég dæmisögu í bók um pest sem lagði að velli 300.000 manns, en í raun aðeins 100.000. Hinir dóu úr hræðslu við pestina.

Það er þekkt í sálfræðinni að það sem menn óttast að komi fyrir þá geti í raun stuðlað að þeim atburði.

Þess vegna fer t.d. landlæknisembættið alltaf varlega í yfirlýsingar um farsóttir til að skapa ekki ótta, sem veikir mótstöðukerfi fólks.

[Rósa Aðalsteinsdóttir, 17.1.2008 kl. 15:25]

Sæll Sigurður Rósant. Ég er búin að skrifa í gestabókina þína. Getum við miðað saman aðstæðum fólks á 15 öld og nú? Öll óhreinindin sem voru nú ennþá til trafala á Vesturlöndum á 19 öld, opin göturæsi. Það eitt skapaði mikla sjúkdóma. Ungbarnadauði á Íslandi á 19 öld. Þar voru ýmsar ástæður, slæm heimkynni, skortur á hreinlæti, fáfræði o.fl.  Mér bara datt þetta í hug en látum Meistarann svara. Bíð spennt.

[Snorri Óskarsson, 18.1.2008 kl. 00:30]

Í Ritningunni er þetta sagt: "Lögmál Drottins er lýtasaust hressir sálina." Sá sem því fer eftir lögum Guðs frelsast frá margskonar myndum hins illa. Þær myndir birtast í t.d. nokkrum tegundum sjúkdóma. Sem dæmi:
Í bókinni "The fruits of war" e. Michael White 2006, segir frá stríði sem Karl 8. af Frakklandi, háði 1494 - ári eftir komu Kólumbusar frá Vesturheimi. Her Karls fór suður Ítalíuskagann og vann hverja borgina af annarri. Eftir hvern sigur var mikið drukkið og hórast.

Þeir komu að Napóli og mættu þar fyrirstöðu. Íbúarnir  neituðu að gefast upp og biðu eftir liðsauka frá Spáni. Þegar hann barst mættu óþreyttir Spánverjar með ný vopn og óþekkt sýklavopn. Þeir höfðu smitast af Syphilis. Stríðið varð að löngu umsátri sem hafði sín áhrif. Samneyti hermanna við konurnar í Napólí smituðu þær og þá var tekið það ráð að hleypa þeim úr herkvínni til frönsku herdeildanna fyrir utan borgina. Frakkarnir tóku vel á móti fallegu ítölsku konunum og nýttu sér blíðu þeirra án þess að vita um heilsufar.  Það varð úr að þúsundir smituðust af syphilis af þessum kynnum. Þeir smituðu yfirgáfu herinn og héldu heim þar sem þeir smituðu á leiðinni og ef þeir komust heim þá smituðu þeir konur heima.

Vegna þekkingarleysis á sjúkdómnum glímdu læknar Evrópu um aldir við þennan vágest. Og enn ber hann niður hér og þar.

Ef þetta fólk hefði verið sannkristið og siðað þá hefði þessi hórdómur ekki verið stundaður. Syphilis ekki borist út um Evrópu. Ef þessir þjóðhöfðingjar hefðu verið sannkristnir þá hefðu þeir ekki farið í hernað heldur slíðrað sverðin og efnt til friðar milli manna, ríkja og menninga. Það er kjarni kristinnar trúar að flytja mönnum gleðilegan boðskap með alvöru ívafi. Biblían segir: "Verið eftribreytendur Guðs". Hann hórast ekki og svíkur ekki. Hann er góðviljaður, réttlátur og kæleiksríkur. Hann segir okkur ávallt satt.

Það er vitað að trú og siðferði fara saman. Það er einnig vitað að menn eru tækifærissinnar og tileinka sér þá trú sem hentar á hverjum tíma. Menn eru trúaðir á jólum og fermingum en svo fara þeir á skemmtistað með smokkinn í vasanum ef ske kynni að tækifærið bjóðist. Auðvitað er þetta dapurt og býður hættunni heim. Hugsunarháttur okkar ræður hvað við leyfum okkur að taka þátt í. 

Biblían segir: "Dapurt geð skrælir beinin en glatt geð veitir góða heilsubót."  Já, trúin sigrar sjúkdóma en eykur þá ekki.

kær kveðja

Snorri í Betel 

[DoctorE (IP-tala skráð) 18.1.2008 kl. 07:56]

Þú hefur lesið aðra mannkynssögu en ég gói... mér hefur nú sýnst að ofurkrissar taki hamingjuna á hnefanum... uppgerð

[Sigurður Rósant, 18.1.2008 kl. 10:29]

Thakka komplimentid Rósa.

Rósa skrifar:

"Getum við miðað saman aðstæðum fólks á 15 öld og nú? Öll óhreinindin sem voru nú ennþá til trafala á Vesturlöndum á 19 öld, opin göturæsi. Það eitt skapaði mikla sjúkdóma. Ungbarnadauði á Íslandi á 19 öld. Þar voru ýmsar ástæður, slæm heimkynni, skortur á hreinlæti, fáfræði o.fl."

Ekki vil ég taka undir sjónarmid Hvítasunnumanna um ad tengja megi saman trúleysi og aukningu sjúkdóma í veröldinni. En hins vegar geta thær adstædur skapast ad heimsfaraldrar á bord vid Svarta dauda geti endurtekid sig vegna thekkingarskorts, fyrirhyggjuskorts og andvaraleysis almennings og stjórnvalda. 5 milljónir einstaklinga deyja árlega í Afríku af völdum Mýbits, 1,2 milljónir einstaklinga deyja árlega í umferdarslysum. Thetta eru háar tölur í samanburdi vid thann fjölda sem lét lífid í flódunum í Malasíu fyrir nokkrum árum. Margir láta lífid í dag vegna ofáts, ofdrykkju, ofneyslu lyfja og fíkniefna, en enn fleiri láta lífid vegna krabbameins af völdum mengunar frá útblæstri bifreida. Verd ad kvedja.

[Rósa Aðalsteinsdóttir, 18.1.2008 kl. 11:44]

Sæl öll. Sigurður Rósant bloggvinur minn, Biblían er leiðsögubók okkar allra, líka fyrir mig og þig.

Sjá færslu frá Snorra: "Biblían segir: "Dapurt geð skrælir beinin en glatt geð veitir góða heilsubót."  Já, trúin sigrar sjúkdóma en eykur þá ekki."

Athugasemdin hans hér fyrir ofan var um ólifnaðar en ekki vegna óhreininda sem oft var líka um að kenna að fólk veiktist. Íslensk þjóð sem á að vera vel upplýst í dag glímir við kynsjúkdóma. Ég á vinkonu sem lenti á séns! Drengurinn vissi að hann var með kynsjúkdóm en hann upplýsti hana ekki og smitaði hana.  Ekki beint til fyrirmyndar. Sæl að sinni.

Shalom

[Fríða Eyland, 18.1.2008 kl. 21:53]

Ég álpaðist óvar hingað inn, hélt að færslan þín væri grín en veit nú að hræðsluáróður ofsatrúarsafnaða á sér engin takmörk og fer út fyrir allan þjófabálk þegar kemur að annarri eins þvælu og þú veður uppi með í skrifum þínum hér sannfærist ég endanlega um það.

Enginn upplýst manneskja getur lesið annað úr sorglegum skrifum þínum en heimskulega túlkun á gamalli skruddu í anda miðaaldarpredikara, mynda guðhræðslu. Ég veit að söfnuður eins og sá er þú kennir þig við vill lækna homma en hefur þú hugleitt kynhneigð biblíu skrifaranna ?

[Davíð Örn Sveinbjörnsson, 19.1.2008 kl. 23:19]

"Að gera Jesú Krist að Drottni, frelsara og herra okkar daglega lífs þá frelsast menn frá valdi þessara pesta og kýla sem nefnd eru í Opinberunarbókinni 16.kafla og versi 2."

Hvað meinarðu með þessu Snorri?

A. Að ef maður trúir á Jesú að þá verði maður ekki veikur og/eða maður læknist af pestum og kýlum?

B. Að ef maður trúir á Jesú þá líði manni ekki illa þrátt fyrir að vera veikur (einhverskonar verkjalyfjaáhrif?)

C. Að maður, af einhverjum ástæðum sem gaman væri að fá nánari skýringu á, sem trúir á Jesú lendir ekki í þeirri aðstöðu að geta smitast af pestum og kýlum?

D. Annað?

Dr. E: "Það hýtur að vera erfitt að hafa skoðanir sem þessar - vitandi það að meirihluti þjóðfélagsins lítur niður á þær og kallar þær fáfræði og mannfyrirlitningu."

Ég velti því stundum fyrir mér hvort að löngulátinn spekingur hafi verið á þeirri skoðun að það væri engu að síður mikilvægt (þó að það sé erfitt) að einstaklingar hefðu skoðanir sem mæta mikilli andstöðu eins og þú meinar að skoðanir Snorra séu, þegar þessi löngulátni spekingur ritaði:

"If all mankind minus one were of one opinion, and only one person were of the contrary opinion, mankind would be no more justified in silencing that one person, than he, if he had the power, would be justified in silencing mankind"

[Snorri Óskarsson, 20.1.2008 kl. 23:10]

Sæll Davíð Örn

Svör við spurningum þínum eru eftirfarandi:

A Nei

B Nei

C Nei

 Sjúkdómarnir sem eru í umræðunni eru þeir sömu og sagt er að muni lenda á þeim "sem tilbiðja Dýrið og líkneski þess."   Í ofanrituðum pistli er ekkert alhæft um uppruna eða tengsl við sjúkdóma og trú nema þessi undirritaða klausa og að hinn trúaði losnar við ákv. teg. sjúkdóma vegna heilsusamlegs lífernis.

Við vitum báðir að sjúkdómar eru til v. arfgengs veikleika (genetískt), v. lélegs mótstöðukerfis (sem er þó í uppbyggingu) og v. eyðileggjandi lífsmáta s.s. kynsjúkdómar og reykingasjúkdómar svo eitthvað sé nefnt.

Þá kemur hinn umræddi sjúkdómsvaldur inní sem greint er frá í Opinberunarbók Jóhannesar og það er tilbeiðsla á Dýrinu ( Ríki Antikrists / Evrópa) og líkneski þess (Evran).

Umræðan í dag á sviði fjármála er einmitt sú að við högnumst svo gríðarlega ef við tökum upp Evruna - menn vita hreinlega ekki hvað grípur þá í þessari vitleysu en Evrópubandalagið hefur  ótrúlegt aðdráttarafl. Það eitt er sjúklegt ástand hvað þá kýlarpestirnar sem Guð mun leyfa að gangi yfir þá sem dýrka það.

En eins og menn geta séð á athugasemdum þá benda þær til þess að léleg útkoma Pisakönnunar kæmi illa út hjá fleirum en grunnskólabörnum. Sem betur fer náði sú könnun ekki útfyrir skólaveggina þá væri mun verra ástand á skilningi þjóðar á lestexta.

Bara til að taka eitt fram. Þú menn séu ósammála mér þá eru þeir samt ekki talsmenn "almenningálitsins". Það nefnilega veit enginn hvað það er! 

kær kveðja

Snorri 

[Sigurður Rósant, 21.1.2008 kl. 11:28]

Snorri fullyrdir:

"Sjúkdómarnir sem eru í umræðunni eru þeir sömu og sagt er að muni lenda á þeim "sem tilbiðja Dýrið og líkneski þess."

Thessi skrautlegi spádómur í Opinberunarbók Jóhannesar er túlkadur á margvíslegan máta af trúudum. S.D. Adventistar túlka Dýrid sem Pávavaldid og hafa their reiknad tölu dýrsins 666 út frá VICARIUS FILII DEI = 666 ef u-inu er breytt í V. 

Vottar Jehóva túlka dýrid sem Sameinudu Thjódirnar og thannig má lengi halda áfram.

Enda hefur thessi Jóhannes verid undir einhverjum áhrifum ofskynjana, af hverju svo sem thad hefur stafad.

[Snorri Óskarsson, 23.1.2008 kl. 23:35]

Sigurður

Satt segirðu að spádómurinn er túlkaður með ýmsu móti og það eitt getur leitt til langra skrifa um trúmálin. En ég tek þessu á túlkunar nema þeirrar sem ég legg fyrir í pistlinum. Dýr hefur ævinlega tengst ríki í gamlatestamentinu. Og til að skilja tungumál Biblíunnar þá er best að hefja samanburð milli bóka, spámanna og rita Biblíunnar. Páfinn fær þá sinn sess og þeir vantrúuðu einnig. Við sem einstaklingar erum ekki hlutlausir eða til hliðar við áætlun Guðs - hún rennur áfram að takmarkinu. Við fáum tækifærin til að hoppa með í áætluninni eða hrökkva af og taka afleiðingunum. Það er eins gott að vita hvað Guð hefur sagt og er að segja!

Ég geld alltaf varhug við túlkunum þegar kemur að því að þurfa að "breyta" svo dæmið gangi upp. Í boðskap jólanna var hinum skriftlærðu gyðingum ljóst að Jesús ætti að fæðast í Betlehem eins og ritað er hjá spámanninum! Þeir tóku þessu eins og ritað var.

kær kveðja

Snorri 

[Mofi, 28.1.2008 kl. 10:36]

Hið athyglisverða við merki dýrsins er að þeir sem fá þá muni ekki fá hvíld og Guð lang oftast refsar með því aðeins að leyfa fólki fá afleiðingar þeirra eigin gjörða. Svo hvað getur maður gert til að fá ekki hvíld?