Heimsendir á "24-Stundum"!

Ég fékk kveðju frá Birgi Erni í dag. Ég vil þakka kveðjuna því ég les gjarnan það sem hann skrifar og er oft afar ósammála því ég sé að hann vill fá í burtu hina Biblíulegu kristni. En þetta er bréfið sem ég sendi honum og varð tilefni orða hans í "24 stundum" 16.sept. Leyfi ykkur að lesa til að ná samhenginu í skrifum okkar.

Gallað eðli blaðamanns?

Birgir Örn Steinarsson fór mikinn í 24-Stundum 2.sept. sl. Hann fann ekki Guð í pólitíkinni en benti okkur lesendum á að fara að orðum Jesú að treysta því að Guðs ríkið væri hið innra í okkur og þangað skyldum við beina leitinni.

Nú er því gjarnan haldið fram, nánast mótmælalaust, að allir menn séu gallagripir. Þar af leiðir að öll leit að Guðs-ríkinu í innsta inni er ákaflega líkleg til að mistakast. Alla vega skildi ég Birgi þannig að honum hafi mistekist að finna hin gallalausu trúarbrögð sérstaklega vegna þess að öll trúarrit séu nú einu sinni skrifuð af mönnum - gölluðum mönnum sem endurspegla galla sína og þekkingarskort í ritunum. Það má vissulega taka undir þessi orð og hafa sig hægan. Því hvað hafa menn, með þekkinguna í molum og ófullkominn skilning, fram að færa um Guð almáttugan?

En skoðun kristninnar er sú að Jesús Kristur sé Guð og því gallalaus. Biblían er heimild um að hann gerði óvenjuleg kraftaverk og kenndi þann lærdóm sem enginn hefur betrumbætt. Heimildarmenn okkar eru Guðspjallamennirnir ásamt nokkrum fleirum. En þeir eru allir undir það sama seldir að geta kallast „gallagripip" og því verða frásögur þeirra gallaðar. Þannig er og með blaðamenn sem flytja okkur fréttir - galli þeirra speglast þá í fréttunum og gerir þær gallaðar. Því verður hið sama að álíta um fjölmiðla sem og trúarbrögð að hvortveggja eru gallagripir. Þannig getur það verið því áhyggjuefnið auðvitað að blaðamenn „skilja ekki myndlíkingar og taka því  heimsendatuðinu í lok Nýja-Testamentisins" ekki bókstaflega.

Hvernig á t.d.að skilja það að heimsendaspádómar Biblíunnar sögðu frá því að undanfari heimsendis verði sá að gyðingar yrðu sóttir til þjóðanna og fluttir inn í land forfeðranna á síðustu tímum. Þeir „kæmu svífandi eins og dúfur til búra sinna." Í ár halda gyðingar uppá 60 ára afmæli ríkisins! Sama hvort menn telja þá eiga rétt til landsins eða ekki. Þeir eru komnir til baka.

Hvernig má það vera að gallaðir heimsendaspádómar fjalla um að Jerúsalem verði skipt. Jerúsalem hefur aldrei verið tekin frá gyðingum og skipt til helminga. Þeir hafa sótt til borgarinnar og aflað yfirráða fyrst að hluta og síðan náð fullum yfirráðum. En í dag er pólitíkin þannig að Condolisa Rice, utanríkisráðherra Bandaríkjanna er að róa að því öllum árum að gyðingarnir samþykki skiptingu borgarinnar til að stjórnvöld palestínuaraba, Abbas o.Co., geti haft Jerúsalem sem höfuðborg hins væntanlega palestínska ríkis. Forseti Frakklands og leiðtogi Evrópubandalagsins er á sama máli. Þessir leiðtogar eru því að láta forna spádóma (frá Sakaría 14 og Opinberunarbók 16) ræst.

Hvaða gallagripir gátu spáð svona 500 árum fyrir Krist og að það skuli vera pólitíkin í dag, fréttir 2008? Hvernig stendur á því að fréttamiðlar sjá ekki þessa hlið málsins? Þeir láta frekar öllum illum látum gagnvart „endurfæddum bókstafskristnum" í Bandaríkjunum og skammast yfir því að þeir „ráði Hvítahúsinu" en viti samt ekkert í sinn haus af því þeir taka mark á trúarritum skráðum af „gölluðum mönnum"! En þau eru samt að rætast! Skiptir það engu máli?

Til að stytta greinina fjalla ég ekki um Íran og Arabaríkin, útbreiðslu Islams eða skiptingu landsins í gyðingleg eða arabísk stjórnunarsvæði. Þó eru þessi atriði öll nefnd í spádómsritum Biblíunnar sem vegvísar um hina síðustu tíma. Hvers vegna kynna blaðamenn sér ekki þessi atriði? Þau eru varla gallaðri en söguskoðun fyrirfram "gallaðra blaðamanna"!

 Það er svo margt framundan sem styður þá kenningu „að ekki verður feigum forðað". Vonandi að ófeigir vakni til meðvitundar um gildi þess að færa lífsmáta sinn í takt við lífsmáta Jesú Krists.  Jesús hefur ekki skilið eftir sig „gallaðan leiðbeiningarbækling" heldur Biblíuna, Orð lífsins, enn í fullu gildi.                                                                                 Snorri í Betel

Athugasemdir

[Hjalti Rúnar Ómarsson, 17.9.2008 kl. 00:08]

Snorri: Hvaða gallagripir gátu spáð svona 500 árum fyrir Krist og að það skuli vera pólitíkin í dag, fréttir 2008? Hvernig stendur á því að fréttamiðlar sjá ekki þessa hlið málsins?

Fréttamiðlar sjá ekki "þessa hlið málsins" því að það sem þér finnst svona merkilegt byggir á afskaplega langsóttum og "ad hoc"-legum túlkunum á köflum biblíunnar.

[Snorri Óskarsson, 17.9.2008 kl. 00:33]

Kannastu ekki við það stef Biblíunnar að Jesús gerði "til þess að orð Guðs rættist"?

Sagði ekki Jesús :"Ritað er"  og svo vitnaði hann í Ritningarnar. Sagði hann ekki :"hafið þér eigi lesið" að skaparinn frá upphafi gerði þau karl og konu..."

Við megum taka Biblíuna og spádómana meira bókstaflega en margur heldur fram. Atburðir samtímans og spádómar Biblíunnar haldast hönd í hönd. um það þarf ekki að efast!

kær kveðja

snorri

[Hjalti Rúnar Ómarsson, 17.9.2008 kl. 00:46]

Snorri: Kannastu ekki við það stef Biblíunnar að Jesús gerði "til þess að orð Guðs rættist"?

Jú. Ég kannast líka við það að langoftast byggist þetta á mistúlkunum á þeim texta GT sem er vísað í. Ég get komið með dæmi ef þú vilt.

Snorri: Við megum taka Biblíuna og spádómana meira bókstaflega en margur heldur fram.

Samkvæmt mörgum ritum NT þá átti heimsendir að koma á fyrstu öld okkar tímatals. Í guðspjöllunum talar Jesús um að kynslóðin hans myndi upplifa tíma endalokanna og áheyrendur hans myndi lifa til að sjá endurkomu hans. Páll taldi líka að heimsendir væri í nánd. Þú mættir endilega taka þessa spádóma bókstaflega og sjá að þeir eru rangir.

Snorri: Atburðir samtímans og spádómar Biblíunnar haldast hönd í hönd. um það þarf ekki að efast!

Það er reyndar afar létt að efast um það þegar kristið fólk hefur alla tíð verið að reyna að smíða spádóma biblíunnar að atburðum samtímans.

[Jón Valur Jensson, 17.9.2008 kl. 01:37]

Þessi pistill Birgis Arnar Steinarssonar býsnaðist yfir ýmsu, gott ef ekki dogmatisma kristinnar trúar, meintum hroka o.s.frv., en miðlaði síðan gervikristni þeirri til lesenda, sem algeng er meðal útvötnunarmanna og þeirra sem ekki hafa fundið Krist. En ég spyr: Til hvers eru þeir að vitna í Krist, sem trúa ekki orðum hans um sjálfan sig?

Þverbrestir eru í manninum, samkvæmt hans fallna eðli, og "frá hjartanu koma illar hugsanir," segir Kristur sjálfur. En það er rétt sem þú segir: Jesús átti engan hlut í þeim göllum okkar.

Þakka þér, Snorri, sem vilt vera trúr vottur Krists og Biblíunnar og spádóma hennar, fyrir trúfesti þína og vitnisburð.

[Mofi, 17.9.2008 kl. 09:56]

Ég er sammála Hjalta að því leiti að það vantar oft að rökstyðja miklu betur hjá kristnum afhverju þeir telja að spádómar hafa ræst.  Svo frá þeirra sjónarhóli þá virkar þetta akkúrat svona, bara að velja eitthvað og láta það passa einhversstaðar í mannkynssöguna og þeim finnst það afar hæpið.

[Bjartur, 17.9.2008 kl. 18:07]

Heimildarmenn okkar eru Guðspjallamennirnir ásamt nokkrum fleirum. En þeir eru allir undir það sama seldir að geta kallast „gallagripip" og því verða frásögur þeirra gallaðar.

Blessaður Snorri er þetta rétt? Telur þú Guðspjallamennina gallagripi eða er ég eitthvað að misskilja þetta?

[DoctorE (IP-tala skráð) 17.9.2008 kl. 20:37]

Snorri minn þú sérð það sem þú vilt sjá í bókinni, sama má segja um ótal aðra sem hafa beðið eftir Jesú síðustu ~2000 árin

[Hjalti Rúnar Ómarsson, 19.9.2008 kl. 02:52]

Mofi: Ég er sammála Hjalta að því leiti að það vantar oft að rökstyðja miklu betur hjá kristnum afhverju þeir telja að spádómar hafa ræst.  Svo frá þeirra sjónarhóli þá virkar þetta akkúrat svona, bara að velja eitthvað og láta það passa einhversstaðar í mannkynssöguna og þeim finnst það afar hæpið.

Mikið finnst mér gaman þegar við erum sammála um eitthvað :)

Ef við færum 25 ár aftur í tímann þá hefði fólk eins og Snorri sagt að Sovétríkin og brölt þeirra uppfylltu spádómana og fleira í þeim dúr. Fyrir 90 árum síðan hefði fyrri heimsstyrjöldin uppfyllt spádómana. Það eru frekar slappir spádómar sem þarf sífellt að uppfæra eftir að atburðirnir eiga sér stað.

[Snorri Óskarsson, 20.9.2008 kl. 10:26]

Sælir allir.

Spádómar eru ekki sjálfvaldir hjá mér. Þeir eru til staðar í Biblíunni bæði hjá hinum stóru- sem smáu-spámönnum.

Þeir sem ég hef verið að benda á tengjast allir hinum mikla atburði endurkomu Jesú Krists. Það er eitt mesta tilhlökkunarefni kristins manns. Við þann atburð mun allt hernaðarbrölt veraldar leggjast af og náttúran umbreytast. Þessi atburður verður ekki heimsendir í þeirri merkingu að allt farist heldur mun vald og afl dauðans stórlega minnka og aldur manna breytast úr áratugum í nokkrar aldir.

Áður en endurkoman verður ætlaði Guð að ná í gyðingana frá öllum þjóðum og safna þeim saman í landinu sem hann hafði gefið þeim (fyrst Abraham og svo afkomendum Ísaks).

Borgin átti að verða uppbyggð og svo á henni að verða skipt (helmingur borgarbúa verða tekinn og fluttur í burtu).

Þjóðirnar munu safnast saman til hernaðar á móti gyðingum og verður þá stórstyrjöld sem kallast "Har-magedon". Samkvæmt spádómunum verður ægileg slátrun og herirnir eyðast. Menn verða í marga mánuði að hreinsa landið af líkunum. Í þeirri styrjöld verður borginni skipt sem áður er getið. Svo miðað við þá pólitísku þróun sem nú er í gangi verður ekki annað séð en að allar ákvarðanir stjórnmálanna séu einmitt að falla í þann farveg sem leiðir til stórstyrjaldarinnar. Ég sé þessa mynd og bendi hiklaust á hana.

Ég bjó, aftur á móti, ekki þessa mynd. Hún hefur verið skilningur kristinna manna allt frá frumkristni eins og fornleifar hafa svo glöggt bent á. En satt er það að ég sé úr bókinni það sem "ég vil" og passar við boðskap hennar. Þannig er ég þá ekki blindur vantrúarkettlingur.

En varðandi guðspjallamennina "gallagripina" þá kom það upp þegar Birgir Örn, blaðamaður, gaf skýringu á því hvers vegna illt væri að trúa á og skilja Guð. Hann væri kynntur til sögunnar af mönnum sem voru sömu gallagripirnir og þekkt er um aðra menn. Vissulega eru atburðir Biblíunnar tengdir gölluðum mönnum eins og Pétri sem afneitaði Jesú fyrir framan þernur æðstaprestsins, lærisveinarnir á leið til Emmausar og Tómas sem gat ekki trúað upprisu Jesú. Þegar Páll postuli andmælir Petri vegna þess að Pétur óttaðist gyðinga og tók þátt í hræsni umskurðarsinna. Auðvitað "gallagripur" en fyrst þeir eru gallaðir þá er blaðamaðurinn auðvitað gallaður og skrif hans og blað undir gallana seld svo það er trauðlega hægt að treysta því sem í blöðum stendur. Gallaðir menn vilja umhverfa sannleikanum. En það þarð heilagan anda Guðs til að halda mönnum á réttu brautinni svo þeir sjái réttu leiðina.

Amen!

kær kveðja

Snorri

[Hjalti Rúnar Ómarsson, 20.9.2008 kl. 12:48]

Spádómar eru ekki sjálfvaldir hjá mér. Þeir eru til staðar í Biblíunni bæði hjá hinum stóru- sem smáu-spámönnum.

Neinei, þú túlkar sem sagt ekki ýmsar fornþjóðir sem duldar tilvísanir í einhvernjar nútímaþjóðir?

Þeir sem ég hef verið að benda á tengjast allir hinum mikla atburði endurkomu Jesú Krists.

Og ertu hissa á því að fjölmiðlar þegja? Þangað til Jesús birtist í skýjunum geta fyrirsagnirnar verið lítið annað en: "Ofsatrúarmaður segir að það sé hægt að samræma atburði síðustu daga og spádóma biblíunnar!"

[Snorri Óskarsson, 20.9.2008 kl. 15:17]

Hjalti

Fjölmiðlarnir þegja ekki heldur hræpa þá sem trúa og vænta endurkomunnar. Þegar t.d. var talað um Söru Palin þá var þessi boðskapur notaður gegn henni - eins og hún væri furðufugl að trúa svona þvælu.(mín orðnotkun)

Þú veist að í trúarjátningu Lúterskra er einmitt sagt: "og mun koma þaðan til að dæma lifendur og dauða". Þá er vísað til endurkomu Jesú Krists. Væri ekki undarlegt ef þessi boðskapur yrði notaður gegn forseta Íslands og íslenskum stjórnvöldum þar sem forsetinn er "verndari" hinnar Evangelísku þjóðkirkju og kirkjan er rekin sem ríkisstofnun og stjórnarskráin lögfestir hana sem kirkju landsins?

Og á síðustu hundrað árum hafa hrannast upp atburðir sem fornþjóðirnar bentu á sem mælikvarða á endurkomu Jesú Krists. Það er ekki alveg sama hvað fjölmiðlar og guðfræðimenntaðir menn segja.

kær kveðja

Snorri

[Rósa Aðalsteinsdóttir, 20.9.2008 kl. 19:59]

Sæll og blessaður.

Góður pistill. Þú getur þetta alveg.

Mikið erum við lánsöm að hafa kynnst Jesú Kristi sem persónulegum frelsara og vini. ég svosem skil vantrúarfólk sem hafa sjálf ekki fengið að upplifa þá reynslu sem við höfum gert. En þeim stendur til boða að þiggja lausnarverkið. Það er fyrir alla.

Matteusarguðspjall 7:13-15  

"Gangið inn um þrönga hliðið. Því að vítt er hliðið og vegurinn breiður, sem liggur til glötunar, og margir þeir, sem þar fara inn.

Hve þröngt er það hlið og mjór sá vegur, er liggur til lífsins, og fáir þeir, sem finna hann.

Varist falsspámenn. Þeir koma til yðar í sauðaklæðum, en innra eru þeir gráðugir vargar."

Sumir skrópa á samkomu á morgunn, Rósa, Lýdía Linnéa og Anna Dúa. Komum seinnipartinn á morgunn til höfuðborgar Norðurlands. Aðalsteinn kemur líka og er það eitt af  bænasvörum sem ég hef fengið að undanförnu. Mikið var búið að biðja fyrir því að pabbi fengi að fara á Kristnes í endurhæfingu.  

Guð veri með þér í öllu sem þú tekur þér fyrir hendur.

Shalom/Rósa

[Hjalti Rúnar Ómarsson, 21.9.2008 kl. 03:19]

Snorri: Og á síðustu hundrað árum hafa hrannast upp atburðir sem fornþjóðirnar bentu á sem mælikvarða á endurkomu Jesú Krists.

Komdu með dæmi!

[Snorri Óskarsson, 21.9.2008 kl. 11:25]

Ísrael, björgun þeirra frá gröfunum í útrýmingarherferð Nazista.

kveðja

Snorri

[Hjalti Rúnar Ómarsson, 21.9.2008 kl. 13:50]

Og hvar er því spáð?

[Snorri Óskarsson, 22.9.2008 kl. 14:07]

Sæll Hjalti!

Ég átti nú ekki von á þessari spurningu frá þér, þú hefulr látið í veðri vaka sem ekki væri komið að tómum kofanum hjá þér. En ekki ætla ég að þreyta þig með löngum Biblíulestri heldur vísa þér á Esekíel kafli 36 - Ísraelsfjöll munu blómgast og kafli 37- beinin í dalnum; skoðaðu sérstaklega vers 12 "Sjá ég vil opna grafir yðar og láta yður rísa upp úr gröfum yðar, þjóð mín og flytja yður inn í Ísraelsland."..

Jesaja 60 þar sem talað er um lausn Jerúsalem. Mörg áhugaverð vers eru í kaflanum en ég bendi sérstaklega á vers 8 "Hverjir eru þessir sem koma fljúgandi eins og ský og sem dúfur til búra sinna?"

Þessar upplýsingar eru ágætt veganesti meðan menn huga að samhenginu einmitt því að þessir atburðir eru undanfari komu og birtingar á Jesú Kristi, frelsara, drottni og dómara alls mannkyns.

kær kveðja

Snorri

[Hjalti Rúnar Ómarsson, 22.9.2008 kl. 18:41]

Vá, Snorri, þetta eru álíka nákvæmir spádómar og við finnum í ritum Nostradamusar. Sérstaklega finnst mér þetta áhugavert:

Hverjir eru þessir sem koma fljúgandi eins og ský og sem dúfur til búra sinna?

Þvílík nákvæmni!

[Snorri Óskarsson, 22.9.2008 kl. 23:39]

Hjalti

Gyðingarnir, hverjir aðrir. Þekkir þú einhverja aðra þjóð sem snúið hefur til baka til Jerúsalem - á vængjum flugvéla?

Þú segir ekkert um þá sem komu úr gröfunum. Er það líka eins og hjá Nostradamusi?

kveðja

Snorri