Glitt(n)ir í hönd Guðs?

Allt stefnir í harðan vetur. Fjármálin, atvinnan, verslun og veröldin. Okkur er sagt að góðærið sé liðið en það kemur okkur ekki algerlega á óvart. Undanfarin ár hafa hjáróma raddir bent á þessa hættu en þær voru reyndar ekki í takt við tíðarandann og því var ekki gaumgæft af "neikvæðu" orðagjálfri úrtölumanna.

En mátti ekki vita að menn tóku verulega áhættu? Fjármál hafa nefnilega í gegnum aldir haft þennan svip og eðli að peningarnir koma og fara- jafnvel fyrir lítið.

Ég fékk einu sinni gefins kaffikönnu með þessari áletrun: "They say that money talks!  Mine say good by!" . En það er einnig meira sagt um peningana. Til dæmis,  að treysta ekki "fallvaltleik auðsins".

Nú situr Glittnir í háfnum og svo verða fleirri sjálfsagt "ríkisvæddir" því margra bíður aðeins sá veruleiki að lifa á bótum. En af hverju var ekki hlustað á heilræði fyrri kynslóða sem hafa reynst sönn í gegnum aldir?

Fyrir nokkrum árum sagði biskupinn yfir Íslandi að "Guðslögin væru fyrir löngu fallin úr gildi" og því ættu menn að hlýða löggjafanum frekar. Í það var látið skína að Biblían væri gamaldags og úrelt bók sem enginn heilvita maður tæki mark á.

En Biblían segir þetta um láglauna- og skortsstefnuna: "Hlustið á þér auðmenn, grátið og kveinið yfir þeim bágindum sem yfir yður munu koma. Auður yðar er orðinn fúinn og klæði yðar eru orðin möletin, gull yðar og siflur er orðið ryðbrunnið og ryðið á því mun veða yðru til vitnis og eta hold yðar eins og eldur. Þér hafið fjársjóðum safnað á síðustu dögunum. Launin hrópa, þau sem þér hafið haft af verkamönnunum sem slógu lönd yðar og köll kornskurðarmannanna eru komin til eyrna Drottins Hersveitanna. Þér hafið lifað í sællífi á jörðinni og í óhófi. Þér hafið alið hjörtu yðar á slátrunardegi. Þér hafið sakfellt og drepið hinn réttláta. Hann veitir yður ekki viðnám." Jak.5: 1 -6

Hefur þetta ekki komið fram?

Biblían segir þetta um t.d. græðgina :"Villist ekki! Hvorki munu saurlífismenn, né skurðgoðadýrkendur, hórkarlar né kynvillingar, þjófar né ásælnir, drykkjumenn, lastmálir né ræningjar Guðs ríki erfa. (1.Kor. 6:9 - 10) Þessu versi hefur verið flaggað í siðferðilegum umræðum síðustu 14 árin og mönnum hefur ekki fundist þetta innlegg hafa verið vitræn eða vísindaleg fræði. Og þessi lög löngu fallin úr gildi.  En í dag stöndum við frammi fyrir því að ásælnin er einmitt ástæðan fyrir þessum glundroða sem fréttir flytja okkur.

Í Bandaríkjunum, Evrópu, Asíu og Íslandi hafa fjármálamenn nærst á þessari hættulegu kennd að ásælast of mikið. Við þurfum ekki mikla speki til að vita að ásælnin verður ekki hamin. Enginn ásælinn seðst og segir : "nú er nóg komið"!

Segir ekki kristin trú :  " Ef vér höfum fæði og klæði, þá látum oss það nægja. En þeir sem ríkir vilja verða falla í freistni og snöru og alls kyns óviturlegar og skaðlegar fýsnir er sökkva mönnum niður í tortímingu og glötun.

Fégirndin er rót alls þess sem illt er. Við þá fíkn hafa nokkrir villst frá trúnni og valdið sjálfum sér örgum harmkvælum." 1. Tím.6: 8- 10. 

Svona leggur Biblían okkur reglurnar til að við megum læra hógværð og stilla okkur inní nægjusemi. Sjáum við ekki að heilræði Biblíunnar og fyrirmæli eru síður en svo fallin úr gildi? Á Íslandi hefur ekki verið talið sjálfsagt að launin verði til framfærslu, vextir í hófi og að heimilin fái að byggja sig upp. Launamaðurinn hefur fengið stíft úr hnefa og gnóttir atvinnuveganna látin í útrásina.  Alþingi hefur sett lög og reglur í blóra við Guðs Orðið með það fyrir augum að nútímavæðing þyrfti ekki að taka tillit til þess sem "Guð segði"! 

Vita menn nú að í þessum efnum hafa Guðslög ekki verið felld úr gildi? Þau virka. Í hinum þáttunum eru þau einnig í gildi. Hvenær skyldum við verða fyrir barðinu á því að hafa rofið þau viðvörunarorð? Guð hjálpi okkur til að snúa við.

Og enn segir Biblían: "Já, guðhræðslan samfara nægjusemi er mikill gróðavegur! (1.Tím.6: 6)

varpaðu áhyggjum þínum á Drottinn  "Því að hann ber umhyggju fyrir yður" 1.Pét.5:7

Dómsdagurinn leiðir alltaf til þeirrar niðurstöðu að Guð hefur talað og Biblían er Guðs Orð.

Gæfusporið í þessum kringumstæðum er einmitt að skipta um skoðun og trúa því sem Guð hefur sagt.

kær kveðja

Snorri í Betel

Athugasemdir

[Þorvaldur Guðmundsson, 2.10.2008 kl. 01:08]

Er Maradonna búinn að kaupa Glitni?

[Guðsteinn Haukur Barkarson, 2.10.2008 kl. 08:35]

Sammála, ef sannur Guðsótti væri í þessu landi, þá væri ekki fyrirkomið eins og er nú. Eina sem hægt er að gera á þessari stundu er að hefja bænaherferð og biðja fyrir lausn á fjármálakreppunni, því mestar hef ég áhyggjur af þeim sem eiga ekki til muns og skeiðar í öllum þessum hremmingum. Jesús er lausnin!

[Theódór Norðkvist, 2.10.2008 kl. 09:41]

Takk fyrir góðan pistil og Guð hjálpi okkur að fara eftir boðum Hans í Biblíunni varðandi fjármál.

Græðgisvæðingin hlaut að leiða til hruns, leið Mammons, sem stjórnvöld síðustu áratuga hafa staðið fyrir.

Stefna sem fól það í sér að endalaust mátti troða á heimilum og atvinnufyrirtækjum í nafni gróðahyggju með vaxtaokri og láglaunastefnu eins og þú bendir á, hlaut að leiða til hörmunga.

[Sindri Guðjónsson, 2.10.2008 kl. 11:16]

Menn hefðu átt að líta til sögunnar um Jósef sem seldur var til Egyptalands í 2. Mósebók, og skoða hvernig hann ráðlagði Faraó að spara til mögru áranna. Slíkt hefði verið snjallt.

[Sindri Guðjónsson, 2.10.2008 kl. 11:17]

fyrstu Mósebók

[Helgi Jóhann Hauksson, 2.10.2008 kl. 11:23]

En nú vísa margir sem eru ræktarsamir við áberandi söfnuði til fjárhagslegrar velgegni sinnar og annarra  til sönnunar um velþóknun Guðs á þeim og þátttöku þeirra í safnaðarstarfinu.
- Hvort ætla menn að hafa veraldlegan auð sinn og safnaðarsystkina sinna sem mæli á velþóknun Guðs eða ekki?
Vart getur það bara farið eftir því hvernig þeim gengur hverju sinni hvort tekið er mark á mælinum eða ekki.
- Er (aukinn) veraldlegur auður mælir á velþóknun Guðs eða er hann það ekki?

[Sigurður Rósant, 3.10.2008 kl. 15:06]

Já, ég er nú feginn á Páll minntist ekkert á okkur trúfrjálsa, trúlausa og vantrúaða í þessu versi; "Villist ekki! Hvorki munu saurlífismenn, né skurðgoðadýrkendur, hórkarlar né kynvillingar, þjófar né ásælnir, drykkjumenn, lastmálir né ræningjar Guðs ríki erfa. (1.Kor. 6:9 - 10)

Eins og Helgi Jóhann bendir á þurfa trúaðir ekki að óttast ef þeir hafa leitað fyrst guðsríkis, sbr. Matt 6:25-34 ....."Því segi ég yður: Verið ekki áhyggjufullir um líf yðar, hvað þér eigið að eta eða drekka, né heldur um líkama yðar, hverju þér eigið að klæðast......En leitið fyrst ríkis hans og réttlætis, þá mun allt þetta veitast yður að auki."

Ég hef alltaf tekið mið af þessari speki Biblíunnar og finnst mér hún góð og til eftirbreytni. Þessi speki er eiginlega undirstaða jafnaðarmennskunar, en andstaða græðginnar, samkeppninnar og kapítalismans.

Hins vegar, eins og Helgi bendir á, hafa sumir trúaðir safnaðarleiðtogar mistúlkað þessi vers og litið svo á að trúmennskan leiði til gróða og þess vegna sé allt í lagi að græða á þann máta sem samkeppnin veitir fólki í dag. Dæmi: Benny Hinn ásamt 5 öðrum predikurum.

[Andri (IP-tala skráð) 6.10.2008 kl. 11:36]

Sigurður:

Nú langar mig að segja þér smá dæmisögu...

Einu sinni voru tveir menn, Óli og Skúli, í flugvél. Flugvélin var að hrapa. Óli klæddi sig í fallhlíf en Skúli ekki. Þá sagði Óli við Skúla: „Gættu þín því þyngdaraflið togar alla sem hafa einhverja þyngd niður og þeir farast.“

Þá sagði Skúli: „Tja, ég er nú feginn að þú sagðir ekkert um þá sem eru fallhlífarlausir,“og hoppaði út úr vélinni.

Þetta var nú líklegast ekki besta saga allra tíma en ég vona nú að boðskapurinn komist til skila:

Það er syndin sem fær menn til að missa af Guðs ríkinu, ekki trúleysið.

Sá sem er trúlaus er einfaldlega eins og Skúli sem stökk út án fallhlífar.

[Sigurður Rósant, 6.10.2008 kl. 18:43]

Andri, hefur þú séð einhvern trúaðan drekka eitthvað banvænt og ekki verða meint af eins og lofað er þeim trúuðu í Mark 16:17-18 ?

"En þessi tákn munu fylgja þeim, er trúa: Í mínu nafni munu þeir reka út illa anda, tala nýjum tungum, taka upp höggorma, og þó að þeir drekki eitthvað banvænt, mun þeim ekki verða meint af. Yfir sjúka munu þeir leggja hendur, og þeir verða heilir."

Við þurfum ekki að leika okkur með illa hannaðar dæmisögur til að sjá að svona loforð standast ekki.

[Snorri Óskarsson, 7.10.2008 kl. 00:01]

Sigurður

Þessi skattamál ættu ekki að styggja neinn því auðvitað verða allir að greiða skatta, keisaranum það sem keisarans er og Guði það sem Guðs er. Þessir aðilar eru í skoðun hjá skattinum í Ameríku:

The six ministries identified as being under investigation by the committee are led by: Paula White, Joyce Meyer, Creflo Dollar, Eddie Long, Kenneth Copeland and Benny Hinn. Three of the six - Benny Hinn, Kenneth Copeland and Creflo Dollar - also sit on the Board of Regents for the Oral Roberts University. 

Enginn hefur verið ákærður en bókhaldið hefur verið opnað og það er auðvitað hið besta mál. En veistu að í Ameríku má gefa til safnaða og kirkna og telja það frádráttarbært frá skatti. Hér á Íslandi voru öll þessi réttindi afnumin í tíð Ólafs Ragnars Grímssonar. Þá var ekki lengur sjálfsagt að reka sjálfstæð trúfélög eða líknarfélög.

Þó að þú hafir ekki séð mann drekka eitthvað banvænt og verða ekki meint af þýðir ekki að orðið í Mark.16:17 sé fallið úr gildi.

Ég hef séð mann drekka banvænt og verða ekki meint af. Ég þekki mann sem var harður alkóhólisti, fór í meðferð og frelsaðist. Í mörg ár langaði aldrei í vín. Svo ákvað hann að prófa. Hann drakk heila wisky án þess að verða meint af - hann trúði ekki sínu eigin ástandi og hélt áfram. Þá snar sveif á hann og síðan hefur hann ekki losnað undan brennivíninu. Hann hefur verið í meðferð hjá SÁÁ, Samhjálp, Byrginu og víðar en engan bata fengið.

Hann sagði mér að hann hafi reynt þetta orð í Mark. 16:17 en forherti sig gegn hjálp Guðs, það varð hans fall. Svo Orði rætist .

kær kveðja

Snorri