Djöfullinn heldur sína hirð!

Hvernig stendur á því að karlmenn gera svona. Hvað er kynferðislegt við börn?

Ég hef nokkrum sinnum lent í þessari umræðu við ýmsa, konur sem karla. Enginn telur sig vita ástæðuna aðra en þá að þetta séu bilaðir karlar. Enginn veit hvað gera skuli eð hvort nokkuð sé hægt að lækna menn af þessum kenndum. Það er gjarnan fullyrt í mín eyru að kynhneigð sé meðfædd. Margir segja að "afhommun" t.d. sé fáránlega vitlaus. Má vera að þeir sem leggjast á skepnur séu ekki lengra komnir á þróunarbrautinni að þeir beri þessar tilfinningar til dýranna. En það er sama hvernig menn reyna að útskýra eða skilja þessar kenndir manna að þá virðist enginn hafa "svarið" og "skýringuna".

Ágúst nokkur var búinn að sækja 50 tíma hjá sérfræðingi og allt gekk vel unz "Kompás" gómaði hann á stefnumóti við ein á barnsaldri. Sérfræðingarnir gátu ekkert gert. 

Þegar ég hef komið til Ísraels þá fer ég gjarnan með hópinn upp í "Banias" sem er dregið af orðinu "Pan". Gamla nafnið á staðnum eða Biblíunafnið er Cesarea-Filippí. Á þessum stað var Jesús viðurkenndur af Pétri sem Kristur, sonur hins lifanda Guðs. En á þessum stað eru forleifar sem játa viðbjóð mannlegrar tilveru. Þarna var Pan- dýrkaður með skelmiskap og ergi. Menn voru í samförum við skepnur og annar furðulifnaður var stundaður þarna undir verndarvæng guðsins Pan. Þetta hefur þá fylgt mannkyninu í nokkur þúsund ár. 

Í sögunni um Sódómu er sagt að mennirnir hafi viljað "kenna þeirra". Sumir guðfræðingar hafa viljað flokka þessa "kennslu" undir ógestrisni. En kenndir íbúa Sódómu voru einmitt hömlulaust kynlíf, samkynja sem gagnkynja, með skepnum og líka börnum. Öllu þessu var eytt og með því sýndi Guð að þessi dómur er fordæmisgefandi fyrir þá sem fara út í þessa synd.

Syndin er lævís og lipur og hún nær tökum, festist og yfirkeyrir þann sem gætir sín ekki. Þegar menn næra sig á klámi þá er það gjarnarn "saklaust" í upphafi. Menn kíkja til "Geira góld"  og horfa á striplið við súluna. En þar með er ekki settur punktur á kvöldið. Næsta er prófað og fleirra og annað og, og, og svo er ekki við neitt ráðið af því að kynlíf seður ekki. Girndin fær aldrei nóg. Kynlíf án ástar og virðingar snýst uppí eyðingarmátt og étur sjálfa persónuna að innan. Þá veit hún engin mörk. Menn verðahömlulausir.

Þessi hvöt hleypir því illu að sálinni og hið illa sækir í börnin. Sagt er að lögmál syndarinnar "bitni á börnunum." Syndir feðranna bitna á börnunum og kenndir perranna líka.

það er þá hugarfar manna sem eru í leit að unaði og snúa sér ekki frá synd heldur sökkva sér niður í spillinguna.

En vita menn ekki það að Jesús kom til að leysa okkur frá valdi syndarinnar annars lendum við þar sem höfundur syndarinnar fer. Biblían segir : "Hver sem synd drýgir heyrir djöflinum til, því að djöfullinn syndgar frá upphafi...." (1.Jóh.3:8) Þetta er því hin rammasta alvara. En til þess birtist Guðs sonur að brjóta niður verk djöfulsins. Menn verða að  stöðva girndarbrunann annars...

Komi hann því sem fyrst til að leysa menn frá synd, rangri kynhneigð, skepnuskap og barnagirnd.

kveðja

Snorri

	Komið upp um barnaklámhring
Ábyrgðarmaður færslu Tenging við þessa frétt hefur verið rofin vegna kvartana.

Athugasemdir

[Rósa Aðalsteinsdóttir, 17.4.2009 kl. 19:49]

Sæll Snorri

Fólk þolir örugglega ekki að við segjum að fólk sem misnotar börn eru haldin illum anda en ég er svo innilega sammála að þessir menn eru í hirð hins Illa. Fólk þolir ekki heldur þegar við vitum í Orð Guðs um samkynhneigð.

Þvílík úrkynjun að hafa samfarir við dýr.

Mannkynið er siðblint og uppsker eins og það hefur sáð til. Því miður bitnar þessi gjörningur á öllum eins og peningasukk Útrásarvíkinga hefur gert. Saklaust fólk líður fyrir þann gjörning.

Megi almáttugur Guð miskunna okkur.

Shalom/Rósa

[Matthías Ásgeirsson, 17.4.2009 kl. 20:10]

Hvernig dettur þér í hug að bera saman samkynhneigð og barnagirnd? Ertu gjörsamlega siðlaus?

[Snorri Óskarsson, 17.4.2009 kl. 21:43]

Matthías

Hver er munurinn á hneigð og girnd? Í bæklingi sem gefinn var út af Skóladeild Akureyrar 2006 og heitir "Undir regnboganum" e. Sverri Pál Erlendsson segir þetta:

" Kynhneigð er eitthvað sem enginn ræður eða getur stjórnað. Hún er ekki tíska, ekki lífsstíll, ekki sjúkdómur. Kynhneigð er einfaldlega meðfædd."

Það er samþykkt athæfi að hneigjast að sama kyni og báðum kynjum. En sá sem hneigist til barna hefur ekki enn hlotið náð fyrir augum hinna "siðuðu" - það er gott svo langt sem það nær. En á því getur orðið breyting verði menn Vantrúaðir á kristið siðferði.

kær kveðja

Snorri

[Arnór, 17.4.2009 kl. 23:05]

Það var ekki spurt um mun á girnd og hneigð almennt heldur barnagirnd og samkynhneigð. Setur þú samkynhneigð semsagt undir sama hatt og barnaníðinga?

[Snorri Óskarsson, 17.4.2009 kl. 23:42]

Arnór

Hvernig færðu það út að ég set þá undir sama hatt?

Punkturinn er fullyrðingin að kynhneigð sé meðfædd og verður ekki breitt. Erum við þá að gera fólki með kynhneigð til barna rangt til?

Þú hugsar málið!

[Lýður Árnason, 18.4.2009 kl. 05:01]

Sæll, Snorri.  Það sem skilur að kynlíf tveggja fullorðinna af sama kyni og barns og fullorðins er að í fyrra tilvikinu er samþykki tveggja kynþroska einstaklinga til staðar (nema ef um nauðgun er að ræða) en í því síðara er barnið ekki kynþroska og athöfnin því bæði einhliða og siðlaus.     

Kveðja,  LÁ

[Rebekka, 18.4.2009 kl. 08:01]

Kynhneigð er meðfædd já.  Ef að þá sumir vesalings karlmenn fæðast með barnagirnd (sem ég reyndar efast um), þá eru þeir í vondum málum.  Því aðalmunurinn á samkynhneigðum og barnaníðingum er sá að börn undir lögaldri hafa ekki þroska eða vit til að stunda kynlíf með fullorðnum mönnum, og hvað þá að þau geti veitt upplýst samþykki.  Geturðu sagt það sama um fullorðna samkynhneigða einstaklinga?  Ég er a.m.k. ekki að sjá neina samkynhneigða reyna að lokka til sín fullorðið fólk upp í bíla með loforðum um nammi.... 

Kynlíf án upplýsts samþykkis er alltaf nauðgun og þar af leiðandi glæpur, hvort sem um er að kenna "meðfæddum hneigðum" eða ekki. 

[Snorri Óskarsson, 18.4.2009 kl. 11:02]

Lýður

Þá erum við að tala um "stjórnun á hvötum" sem miðast að því að þær verði á "heilbrigðan hátt" og með "upplýstu samþykki" hafðar í frammi.

Er þá hægt að stjórna kynhvöt eða ráða við hana? Bæklingurinn frá Skólaskrifstofu Akureyrar segir annað en kristið siðferði segir okkur einmitt að "stjórna hvötum okkar". t.d. þú skalt ekki girnast...

kær kveðja Vestur

Snorri

[Snorri Óskarsson, 18.4.2009 kl. 11:08]

Rebekka

Því miður þá eru nú til hommar sem hafa gert einmitt það að lokka börn en það eru einnig til gagnkynhneigðir sem hafa gert það sama, ég held að við séum flest inná því að barnagirnd sé röng og að henni verður að stjórna. Hvað er þá Skólaskrifstofa Akureyrar að gefa út ef Kynhneigð verður ekki stjórnað?

Hér er um mjög stóra fullyrðingu að ræða sem er gefin út af yfirvöldum, Opinberri stofnun N.B.

kveðja

Snorri

[Gylfi Gylfason (IP-tala skráð) 18.4.2009 kl. 14:48]

Mér finnst þú í allri einlægni vera afar siðlaus að setja barnagirnd og samkynhneigð i sama fordæmingardálkinn og í raun hugsanlegt efni til ákæru á hendur þér því þetta er yfirlýsing um eigin fordóma á forsendum einnar tegundar trúarsannleika, og þín tegund trúarsannleika er ekki sú vinsæl trúarleið svona tölfræðilega séð.

Það er kostulegt að maður sem starfi við menntunarstörf komist upp með fordæmingar gagnvart samkynhneigðum.

Þegar menn sleppa náungakærleikanum til að þjóna afmörkuðum trúarsannleika er trúin farin að snúast í öndverðu sína.

[Jón Valur Jensson, 18.4.2009 kl. 17:33]

Jafnvel Kinsey-stofnunin viðurkenndi með rannsókn birtri 1970 að 84% samkynhneigðra höfðu breytzt hvað kynhneigð varðaði a.m.k. einu sinni, 32% tvisvar og 13% fimm sinnum!

[Snorri Óskarsson, 18.4.2009 kl. 19:07]

Gylfi

Mig ekki þessi sneið frá þér miðað við hvað þú segir um álit þitt á vændi. Það er sómi fyrir mig að hafa þig í hópi andmælanda.

kveðja

Snorri

[Snorri Óskarsson, 18.4.2009 kl. 19:10]

Jón Valur

Þessar upplýsingar eru trúlega ekki komnar til Akureyrar, varla á Skólaskrifstofuna. Af hverju ætli þær liggi ekki á lausu? Eða vilja menn ekki vita hvað er hið sanna í málinu?
kveðja

Snorri

[Jón Valur Jensson, 18.4.2009 kl. 19:21]

Sæll, kæri Snorri. Það virðist í vaxandi mæli vera fjarri mönnum að segja sannleikann um þessi mál. Hagsmuna-félagsmálapólitísk afstaða hefur fengið að ráða hér ríkjum. En við látum ekki blekkjast.

Með góðri kveðju,

[Gylfi Gylfason (IP-tala skráð) 18.4.2009 kl. 19:26]

Ágæti Snorri.  Sem betur fer er meginþorri íslendinga á mínu bandi hvað álit okkar á samkynhneigðum meðbræðrum snertir. Ég niðra ekki meðbræður mína fyrir að fæðast með öðruvísi kynhneigð en afmarkaður minnihluta-trúarhópur samþykkir.

Þú niðrar hinsvegar þúsundir með greininni þinni og ert minni fyrir vikið.

Mér finnst þú ekkert sérlega mikill guðsmaður, þú hefur einfaldlega ekki trúarlegan þroska til að finna Guð utan bókarinnar sem forvitnir sömdu til að fylla í auglósar þekkingareyður oss manna.

[Snorri Óskarsson, 18.4.2009 kl. 23:51]

Gylfi

Áður ritaðir þú að ég vær:

siðlaus að setja barnagirnd og samkynhneigð i sama fordæmingardálkinn

Er þá maðurinn með barnagirnd ekki meðbróðir? 

Ef menn eru fæddir með óumbreytanlega kynhneigð af hverju er kynhneigð til barna illa séð? Hvað réttlætir andúð á þeim meðbræðrum  sem ekki geta að því gert hvaða hneigð stjórnar þeirra gerðum?

Þetta var samt vitað fyrir 40 árum:

 "1970 að 84% samkynhneigðra höfðu breytzt hvað kynhneigð varðaði a.m.k. einu sinni, 32% tvisvar og 13% fimm sinnum"  

Er þá fullyrðingin í bæklingnum Undir regnboganum sem ég gerði að umtalsefni og gefinn var út af Skólaskrifstofu Akureyrar röng?

Sannleikurinn er ekki endilega hjá meginþorra Íslendinga eða á þínu bandi!

kveðja

Snorri

[Gylfi Gylfason (IP-tala skráð) 19.4.2009 kl. 01:18]

Ég er ekki sérfræðingur í hinni annarlegu fíkn til barna sem þú gerir að umtalsefni en mannlegt eðli þekki ég þó prýðilega og fíknina þekki ég mætavel frá allnokkrum hliðum.

Ég veit það líka að andleg ástundun eða hugleiðsla af ýmsu tagi getur haft áhrif á fíkla hverskonar og leitt til betrunar.  þá hefur slík ástundun nákvæmlega ekkert með formerki trúarbragðanna að gera, þau eru sem fyrr smíði  forvitinna manna og í raun að verða úreltur milliliður til guðs, sem by the way gerir ekki mannamun á forsendum kynhegðunar.  Fíkn er allt önnur ella.

Það er alþekkt að samkynhneigt fólk fari í ferðalög margskonar með ætlaða kynstefnu sína og þökk sé m.a. fordómunum sem menn af þínu skoðanatagi hafa byggt upp.

Trúarbrögðin hafa m.a. hjálpað fólki til að byggja upp sjálfsskömm slíka að voði hefur af hlotist og fólk hefur lifað í felum allt sitt líf með raunverulegar tilfinningar.  Afhommun er möguleg að því marki að fólk er gert hræddara við þinn refsandi Guð en eigin tilfinningar, eftir það geta menn ótta sínum fallist á allt annað því hugur okkar er magnað stykki með margskonar sjálfsblekkingarelement.

Sannleikurinn er falinn í kærleikanum Snorri minn og þangað til að þú hættir að niðra samkynhneigt fólk þá ert þú svo sannarlega ekki fulltrúi hans í mínum augum, sem er miður.

Hafðu þau ráð frá gömlum kaupmanni að það sé alltaf best að hafa sem fæsta milliliði í andlegum aðföngum, og sagan á líka að hafa kennt okkur það.

[G.Helga Ingadóttir, 19.4.2009 kl. 11:11]

Mér þykir það einkennilegt hvernig menn telja sig geta sett alla þá sem trúa á Orð biblíunnar undir fordómahattinn. Eru hinir sömu þá ekki að dæma, telja sjálfa sig hafa hina fullkomnu og fordómalausu dómgreind. Ef að þú Gylfi telur þig vita hvað er Sannur Kærleiki, hvernig væri þá að kynna sér betur Ritninguna og dæma svo.

Snorri talar um að syndin sé sú sem að tæli og afvegaleiði menn og konur, sjá Rómverjabréfið

Þeir þekktu ekki Guð

¹⁸Reiði Guðs opinberast af himni yfir öllu guðleysi og rangsleitni þeirra manna, er kefja sannleikann með rangsleitni, ¹⁹með því að það, er vitað verður um Guð, er augljóst á meðal þeirra. Guð hefur birt þeim það. ²⁰Því að hið ósýnilega eðli hans, bæði hans eilífi kraftur og guðdómleiki, er sýnilegt frá sköpun heimsins, með því að það verður skilið af verkum hans. Mennirnir eru því án afsökunar. ²¹Þeir þekktu Guð, en hafa samt ekki vegsamað hann eins og Guð né þakkað honum, heldur hafa þeir gjörst hégómlegir í hugsunum sínum, og hið skynlausa hjarta þeirra hefur hjúpast myrkri. ²²Þeir þóttust vera vitrir, en urðu heimskingjar. ²³Þeir skiptu á vegsemd hins ódauðlega Guðs og myndum, sem líktust dauðlegum manni, fuglum, ferfætlingum og skriðkvikindum.

²⁴Þess vegna hefur Guð ofurselt þá fýsnum hjartna þeirra til saurlifnaðar, til þess að þeir svívirtu líkami sína hver með öðrum. ²⁵Þeir hafa skipt á sannleika Guðs og lyginni og göfgað og dýrkað hið skapaða í stað skaparans, hans sem er blessaður að eilífu. Amen.

²⁶Þess vegna hefur Guð ofurselt þá svívirðilegum girndum. Bæði hafa konur breytt eðlilegum mökum í óeðlileg, ²⁷og eins hafa líka karlar hætt eðlilegum mökum við konur og brunnið í losta hver til annars, karlmenn frömdu skömm með karlmönnum og tóku út á sjálfum sér makleg málagjöld villu sinnar.

²⁸Þar eð þeir hirtu ekki um að varðveita þekkinguna á Guði, ofurseldi Guð þá ósæmilegu hugarfari, svo að þeir gjörðu það sem ekki er tilhlýðilegt, ²⁹fylltir alls konar rangsleitni, vonsku, ágirnd, illsku, fullir öfundar, manndrápa, deilu, sviksemi, illmennsku. Þeir eru rógberar, ³⁰bakmálugir, guðshatarar, smánarar, hrokafullir, gortarar, hrekkvísir, foreldrum óhlýðnir, ³¹óskynsamir, óáreiðanlegir, kærleikslausir, miskunnarlausir, ³²þeir eru menn, sem þekkja réttdæmi Guðs og vita að þeir er slíkt fremja eru dauðasekir. Samt fremja þeir þetta og gjöra að auki góðan róm að slíkri breytni hjá öðrum.

Og Jakopsbréfið

4
¹Af hverju koma stríð og af hverju sennur meðal yðar? Af hverju öðru en girndum yðar, sem heyja stríð í limum yðar? ²Þér girnist og fáið ekki, þér drepið og öfundið og getið þó ekki öðlast. Þér berjist og stríðið. Þér eigið ekki, af því að þér biðjið ekki. ³Þér biðjið og öðlist ekki af því að þér biðjið illa, þér viljið sóa því í munaði!

Hvernig skilur þú þennan texta Gylfi ? Þú segir að Ritningin hafi verið skrifuð af hræddum mönnum, ert þú þá ekki að dæma ?

Sjá Rómverjabréfið

Réttlátur dómur Guðs

2
¹Fyrir því hefur þú, maður, sem dæmir, hver sem þú ert, enga afsökun. Um leið og þú dæmir annan, dæmir þú sjálfan þig, því að þú, sem dæmir, fremur hið sama. ²Vér vitum, að dómur Guðs er sannarlega yfir þeim er slíkt fremja. ³En hugsar þú það, maður, þú sem dæmir þá er slíkt fremja og gjörir sjálfur hið sama, að þú fáir umflúið dóm Guðs? ⁴Eða lítilsvirðir þú ríkdóm gæsku hans og umburðarlyndis og langlyndis? Veist þú ekki, að gæska Guðs vill leiða þig til iðrunar? ⁵Með harðúð þinni og iðrunarlausa hjarta safnar þú sjálfum þér reiði á reiðidegi, er réttlátur dómur Guðs verður opinber. ⁶Hann mun gjalda sérhverjum eftir verkum hans: ⁷Þeim eilíft líf, sem með staðfestu í góðu verki leita vegsemdar, heiðurs og ódauðleika, ⁸en þeim reiði og óvild, sem leiðast af eigingirni og óhlýðnast sannleikanum, en hlýðnast ranglætinu. ⁹Þrenging og angist kemur yfir sérhverja mannssál, er illt fremur, yfir Gyðinginn fyrst, en einnig hinn gríska. ¹⁰En vegsemd, heiður og frið hlýtur sérhver sá er gjörir hið góða, Gyðingurinn fyrst, en einnig hinn gríski. ¹¹Því að Guð fer ekki í manngreinarálit.

¹²Allir þeir, sem syndgað hafa án lögmáls, munu og án lögmáls tortímast, og allir þeir, sem syndgað hafa undir lögmáli, munu dæmast af lögmáli. ¹³Og ekki eru heyrendur lögmálsins réttlátir fyrir Guði, heldur munu gjörendur lögmálsins réttlættir verða. ¹⁴Þegar heiðingjar, sem hafa ekki lögmál, gjöra að eðlisboði það sem lögmálið býður, þá eru þeir, þótt þeir hafi ekki neitt lögmál, sjálfum sér lögmál. ¹⁵Þeir sýna, að krafa lögmálsins er rituð í hjörtum þeirra, með því að samviska þeirra ber þessu vitni og hugrenningar þeirra, sem ýmist ásaka þá eða afsaka. ¹⁶Það verður á þeim degi, er Guð, samkvæmt fagnaðarerindi mínu, er ég fékk fyrir Jesú Krist, dæmir hið dulda hjá mönnunum.

Þetta er Guðs Orð í hugum þeirra sem að trúa og því mega trúaðir ekki tjá sig á sama hátt og vantrúaðir ? Er ekki málfrelsi á Íslandi ?

Valið snýst um hverju við trúum. Ég trúi Ritningunni og reyni eftri fremsta megni velja fyrir mig, að lifa samkvæmt mínum skilnig á Orðinu. Þeir sem að ekki trúa Ritnigunni velja fyrir sig og ég þarf ekki að vera sammála þeim, né þeir mér. Heldur bið ég Guð um að snerta og leiða allt til likta, vermda, blessa og fyrirgefa. Ég tem mér að ganga veg fyrirgefnigarinnar og fyrirfram fyrirgef þeim sem gera eitthvað á minn hlut, eða tala gegn mér, vegna þess að það er vilji Guðs með mitt líf. 

Guð blessi ykkur öll. 

[Snorri Óskarsson, 19.4.2009 kl. 17:57]

Gylfi

Flestar þína fullyrðingar eru nú rakalausar en það má svosem reyna að maka einhverjum óþverra á mig. Það er vitað að í aldir hefur samkynhneigðum ekki liðið vel - án þess að nokkur hafi beitt sér gegn þessum lífsmáta.

Ég þekki úr minni æsku homma sem voru ekki hamingjusamir og glímdu við margt illt þó að þá hafi ekki verið að fjalla um þeirra lífsmáta á opinberum vettvangi. Í gegnum aldirnar hafa menn fundið fyrir skömm syndarinnar löngu áður en einhver fór að nefna hana á nafn. Samviskan er þrálátur ákærandi.

Ég er sammála þér að sannleikurinn sé falinn í kærleikanum og þar komum við að kjarna málsins. Kærleikurinn samgleðst sannleikanum, hann umber og breiðir yfir, hann varar menn við en tekur ekki þátt í að samþykkja synd né brot á lögum Guðs. Hvers vegna telst það kærleiksleysi að benda á þá hlið málsins sem snertir reglur Guðs og hvað hann hefur um athæfið að segja?  Fyrst Guð samþykkir ekki frillulíf, frjálst kynlíf, framhjáhald eða fjölkvæni af hverju ætti hann að samþykkja hommaskap? Guð gaf út eina reglu um kynlíf og það skuli vera milli eiginmanns og eiginkonu hans. Allt hitt er afbökun og eyðilegging á mannlífinu, hreinlífinu og reglu Guðs. Er maður kærleikslaus við að halda þessu fram?
Ekki aldeilis! Truin á Guð er nefnilega ekki "bísness" þar sem kúnninn hefur alltaf rétt fyrir sér - það er nefnilega Guð og Guðs Orð sem hefur alltaf rétt fyrir sér. Af ávöxtunm skuluð þið þekkja þá segir Jesús og það er holl nauðsyn að skoða ávöxt lífsmátans, sú útkoma er ólygnust í þessari umræðu með rétt eða rangt, kærleika eða kærleiksleysi.  Við eigum að vara við skömm syndarinnar og ávöxtum hennar! Amen!

kveðja

Snorri

[Gylfi Gylfason (IP-tala skráð) 19.4.2009 kl. 20:45]

Fyrirgefið Guðlaug og Snorri að ég taki ekki Biblíuna ykkar bókstaflega en kjarninn í því sem ég segi er sá að lög manna skuli ráða en ekki þær ritningar sem hver og einn velur sér.  Innan kristninnar og bloggsins getum við svo flett upp óteljandi deilum kristinna einstaklinga um túlkun á illtúlkanlegum og því ófullkomnum biblíufærslum. Illdeilur vegna biblíunnar sanna ófullkomnleika hennar og um leið að hvorki þú eða Snorri séuð óskeikul í dómum ykkar út frá Bibíunni.

Hver og einn hefur rétt til að velja og hafna einstökum eða öllum þáttum Biblíunnar en margir þora ekki að treysta og halda í "allan pakkann" í ótta sínum, og enda á sama stað og Snorri, í fordæmingu á meðbræðrum sínum.

Um leið skapar þetta sama sér örugga leið að stríði við meðbræður sína og gengur gegn lögmálum kærleikans í sinni hreinustu mynd.

Ég lærði sem betur fer í æsku að velja það sem hefði æðri tilgang og sannanlega góðan gagnvart umhverfi mínu en skilja það eftir sem orkaði tvímælis eða efndi til deilna og það virkar vel fyrir þá sem slíkar aðferðir nota.

Hinn kosturinn er sá að vera Snorri og líta niður á og móðga tugi þúsunda íslendinga.  Er virkilega hægt að tengja svona mannfyrirlitningu við andlega iðkun til sjálfsþroska?  Nei alls ekki og guð gefi þér umburðarlyndi og þroska til víðri sýnar á lífið.

Kveðja, Gylfi

[Rósa Aðalsteinsdóttir, 20.4.2009 kl. 01:12]

Sæll Gylfi

Þú ert mættur á ný af lífi og sál.

"En Pétur og hinir postularnir svöruðu: "Framar ber að hlýða Guði en mönnum.

Guð feðra vorra hefur upp vakið Jesú, sem þér hengduð á tré og tókuð af lífi.

Hann hefur Guð hafið sér til hægri handar og gjört hann að foringja og frelsara til að veita Ísrael afturhvarf og fyrirgefningu synda sinna." Post. 5: 29. - 31.

Megi Guð Abrahams, Ísaks og Jakobs blessa ykkur öll.

Friðarkveðjur/Rósa

[Tinna Gunnarsdóttir Gígja, 20.4.2009 kl. 10:17]

"Það er vitað að í aldir hefur samkynhneigðum ekki liðið vel - án þess að nokkur hafi beitt sér gegn þessum lífsmáta.

Ég þekki úr minni æsku homma sem voru ekki hamingjusamir og glímdu við margt illt þó að þá hafi ekki verið að fjalla um þeirra lífsmáta á opinberum vettvangi."

Þegar þú varst ungur, Snorri, var samkynhneigð helst falin og þeir sem voguðu sér út úr skápnum bjuggu við fordóma, baktal og jafnvel ofbeldi. Það segir sig sjálft að slíkt umhverfi ýtir ekki undir vellíðan. 

Hvað varðar samkynhneigða í gegnum aldirnar, vildi ég gjarna fá upplýsingar um heimildir þínar og þá sérstaklega hvar og hvenær samkynhneigð -samband milli tveggja fullorðinna einstaklinga- hefur ekki verið fordæmd og hvaða heimildir þú hefur fyrir því að samkynhneigðum þar og þá hafi ekki liðið vel.

[Jón Valur Jensson, 20.4.2009 kl. 14:34]

Það eru ekki tilfinningar (hneigð í þeirri merkingu), sem Biblían fordæmir (nema í grófri mynd girnda, Róm. 1.26–27), heldur samkynja kynlífsathafnir (3. Mós. 18.22, I. Kor. 6.9, I. Tím. 1.10, Róm. 1.26–27 o.fl. staðir í Biblíunni).

Trúir kristnir menn láta ekki fyrir nokkurs manns bænarstað hrekjast af þeim grunni.

Við skulum biðja fyrir þeim kristnu mönnum sem láta hrekjast af honum, sem og fyrir ókristnu fólki sem vill hvorki fræðast af trúnni né af sannri, veraldlegri siðfræði, heilbrigðis- og uppeldisfræði um skaðann sem manninum getur stafað af samkynja kynlífi.

[Heimir Tómasson, 20.4.2009 kl. 17:29]

En hvað með kirkjunnar menn sem hafa gert hvorutveggja? Bæði barnagirnd - og ekki síst til ungra drengja. Dæmin eru alþekkt. Hefur einhver svo vitað sé reynt að afhomma þá klerka?

Merkilegt hvað trúarbrögðin segja um þetta. Þannig að þetta er gamla góða sagan : "Gerðu eins og ég segi - ekki eins og ég geri". 98% trúarbragða í hnotskurn.

[Aðalbjörn Leifsson, 20.4.2009 kl. 22:09]

Í Ameríku er barnagirnd af sumum talinn eðlileg, kynvillingasamtök eru til sem kallast "Nambla" men loving boys. Ef að menn hafa fæðst með kynvillu þá er til lausn, endurfæðing. Reyndar eru til samtök sem hjálpa kynvillingum. Narth, people can change osfrv.

[Snorri Óskarsson, 20.4.2009 kl. 23:48]

Tinna

Þú spyrð um heimildir, ég hef nokkrar en ætla bara að nefna eina svo menn sjái að vanlíðan sem fylgir samkynhneigð er ekki uppúr sjálfum mér. Bæklingurinn sem Skólaskrifstofa Akureyrar gaf út fjallar nokkuð um þetta á bls. 15.

Ég hef líka uppl. erlendisfrá með sömu sögu.

Heimir!

Eftir því sem ég hef lesið frá kirkjunni þá reyna þeir ekki afhommun heldur umburðarlyndi sem þýðir í reynd samþykki. þannig verður tilfinningin fyrir hinu illa þokkaða samþykkt. Hlutverk kirkjunnar er samt að menn taki framförum í kristilegri breytni.

Gylfi!

Þú talar um: "lögmál kærleikans í sinni hreinustu mynd" hvað áttu við?

Þín orð má skilja svo að ef einhver talar gegn hegðun annars þá sé það ekki kærleiksverk. Tali ég gegn eiturlyfjafárinu þá sýni ég fíklum fyrirlitningu? Tali ég gegn búðahnupli þá sýni ég þjófum engan kærleika? Ekki trúi ég því að þessi mynd kærleikans sé birt í þínum skrifum?

Alli!

Auðvitað þeir sem eru fæddir með siðferðilega vankanta þurfa einmitt að endurfæðast fyrir trú á Jesú Krist, Guðsson. Þá lagast margt!

Jón Valur!

Ég get ekki annað en verið sammála þessari tillögu þinni að biðja :"   fyrir ókristnu fólki sem vill hvorki fræðast af trúnni né af sannri, veraldlegri siðfræði, heilbrigðis- og uppeldisfræði um skaðann sem manninum getur stafað af samkynja kynlífi". Það er nefnilega leið út úr ógöngum syndar og sjúku sálarlífi.

kærar kveðjur

Snorri

[Tinna Gunnarsdóttir Gígja, 21.4.2009 kl. 00:24]

Þessi bæklingur?

Ég sé nákvæmlega ekkert þarna um að samkynhneigðum í samfélögum þar sem kynhneigð þeirra er ekki fordæmd hafi liðið illa. 

Hins vegar er talað um að samkynhneigðum líði oft á tíðum illa með að fela kynhneigð sína. Varstu að vísa til þess?

[Gylfi Gylfason (IP-tala skráð) 21.4.2009 kl. 00:34]

Heimir bendir á athyglisvert fyrirbæri eða svæsin og margítrekuð tilfelli barnagirndar innan raðar kaþólsku kirkjunnar en má ekki vera að sú birting sé afleiðing af kynlífshöftum þeim sem kaþólska kirkjan sú setur prestum sínum.  Bænir og verndaður vinnustaður hefur a.m.k. ekki dugað þeim prestum.   Má ekki vera að höfti á mannlegu eðli séu gróðrarstía afbrigðilegrar kynhegðunar er brjótist út í barnagirnd og svívirðingu á yngstu og vanmáttugustu sóknarbörnum prestanna ?  Kannski er sjúkleikinn upprunninn frá kreddukenndum höftum en ekki kölska, kannski er hinn raunverulega kölska að finna í bókstaflegum túlkunum sem yfirrita heilbrigða skynsemi og virðingu fyrir náunganum, eins og hann er af guði gerður.

barnagirndin kemur einhversstaðar frá hjá þessum mönnum og ekki er þeim innrætt sú hegðun frá vinnustað sínum, frekar ætti hann að vera þeim sálubót.  Hver er skýring ykkar ágætu strangtrúarmenn.

Biblían er einfaldlega ekki óskeikult rit og það sjá allir sem vilja opna augu sín eða gagnrýna umhverfi sitt.  Ljótleika við samkynja kynlíf er einungis að finna í huga þess er dæmir því hann hefur lokað augum sínum gegn kærleikanum sem ástfangið fólk veitir hvort öðru.

Samkynhneið er.....Hún er ekki synd eða galli og það er ótrúlegt að enn skuli fólk múra sig dýpra og dýpra frá samfélögum sínum með sannanlega ófullkomið rit, hafið yfir mannlega skynsemi og virðingu fyrir náunganum.

Hin hreini kærleikur Snorri er t.d. virðing. Að vera búðarþjófur, eins og þú segir í spurningu þinni er valkostur eða neyð. Sem betur fer er guð afar skynsamur og veit sem er að fjölbreytni okkar manna skapar verkefni og verkefnin skapa þroskann sem er markmið okkar. Samkynhneigt fólk hefur sín sín einkenni og sinn þroskaferil, fátt hefur valdið samkynhneigðu fólki meiri vanlíðan en sjálfskipaðir lífsdómarar.

Þroskann er ekki að finna í því að festast í litlum kafla hinnar gríðarstóru trúarflóru og hefja sig upp sem dómara en það var þitt hlutverk í þinni grein.  Ég heyri líka margt trúað og gott fólk segja að þegar það sé farið að leika guð með dómhörku sinni þá sé kominn tími til að skoða sig að innan.  Ég er sammála því ágæta fólki.

[Snorri Óskarsson, 21.4.2009 kl. 20:59]

Gylfi

Enn má spyrja út í þessar vangaveltur  :

"Má ekki vera að höfti á mannlegu eðli séu gróðrarstía afbrigðilegrar kynhegðunar er brjótist út í barnagirnd og svívirðingu á yngstu og vanmáttugustu sóknarbörnum prestanna ?"

" kannski er hinn raunverulega kölska að finna í bókstaflegum túlkunum sem yfirrita heilbrigða skynsemi og virðingu fyrir náunganum, eins og hann er af guði gerður."

Voru prestarnir með afbrigðilega kynhegðun af því þeir voru svona af guði gerðir? Urðu þeir svona vegna prestaheitisins sem þeir gáfu?

Svörin við þessum athugasemdum ganga allavega í berhögg við orð bæklingsins um það að kynhneigð verði ekki stjórnað eða breitt!

Þú segir:

"Ljótleika við samkynja kynlíf er einungis að finna í huga þess er dæmir því hann hefur lokað augum sínum gegn kærleikanum sem ástfangið fólk veitir hvort öðru."

Er það ekkert fólgið í ávöxtum lauslætis, kynsjúkdómum, sviknum einstaklingum, vonleysi í óhamingjunni og eftirsjá?

Vert er að athuga þessa þætti því með þeim er hægt að benda á að maðurinn er ábyrgur gjörða sinna og lendir í sínum heimskupörum.  Það er margur maðurinn sem glímir við sár á sálinni vegna misheppnaðs ástarsambands - "kærleikurinn" reyndist viðkvæmt leikfang með langan slóða sárinda og leiða.Það sem kallað var kærleikur reyndist vera girndarráð!

Það er vont að vera sakbitinn og losna ekki undan því biti.

Þess vegna er kynhneigðin ekki óumbreytanleg tilfinning eða örugg leið til hamingjunnar. Hamingjan kemur með uppbyggjandi hegðun en ekki hömluleysi útrásanna.

Með hverju getur ungur maður haldið vegi sínum hreinum - var spurt fyrir 3000 árum. Þess þurfti að spyrja þá af því að auðvelda leiðin var að klúðra málum. Svarið var jafn einfalt: "Með því að gefa gaum að Orði Drottins"! Enn er það óbrigðult ráð og Biblían er óbrigðul bók!

[Snorri Óskarsson, 21.4.2009 kl. 21:03]

Tinna

Vanlíðanin er sögð vera af því að fólk er að fela, en hún lagast ekkert við að opinbera - ég þekki hrikaleg dæmi þar sem fólk kom út úr skápnum og þoldi ekki tilveruna eftir það. Það reyndist engin lausn og endaði á helslóðum. En hver vill tala um það eða vita af því?Ekki talar bæklingurinn um þá hlið!