"Séð og Heyrt" og lokað á FrÓmar.

Enn berast tíðindi. Séð og Heyrt lagði fram rök í máli gegn Fíladelfíu og jólatónleikum þar. Þeir hafa verið haldnir um hver jól undanfarin ár. Eiríkur ritari tók boðskap Jesú :"leyfið börnunum að koma til mín" og hann mærði hin fögru orð Jesú Krists. Það er eitt hið fegursta sem blaðið hefur birt.

Svo snérist ritstjóranum hugur og hann skammaðist út í að menn vísuðu til "gamalla og úreltra kennisetninga Biblíunnar". Það vakti undrun mína!

Meðan Biblían var sammála Eiríki (eða Eiríkur sammála Biblíunni?) um að leyfa börnunum að koma, þá vísaði hann sjálfur til hennar. En þegar boðskapurinn er í andstöðu við skoðanir Eiríks þá er hann flokkaður til gamalla og úreltra kennisetninga Biblíunnar. Þannig verður Eiríkur ritsjóri "mælikvarðinn" og "skynsemin" í málum eins og glöggt má sjá í Séðu og Heyrt.

En hvað með söngvana og Fíladelfíu? Þar á fjölunum er ekki allt látið flakka. Pallurinn í kirkjum eða kristnum söfnuðum er ætlaður ákveðnum boðskap. Sá boðskapur fjallar um manninn og Guð, Jesú og manninn og stöðu mannsins gagnvart þeim feðgum sem og viðhorfum til náungans.

Ég tel mig vita það með vissu að Eiríki ritsjóra þætti það afar óviðeigandi ef barnaníðingi yrði boðið uppá pallinn í Fíladelfíu og þar væri hann að leggja út af orðunum :"Leyfið börnunum að koma til mín"!!  Það eru til siðferðismörk!

 Okkur væri ekki sama ef fjárglæframönnum samtímans væri gefinn laus taumurinn í kirkjum og fjármálum þeirra. Værum við sátt við að þeir fengju ekki að heyra varnaðarorð og hver "gamla og úrelta kennisetning Biblíunnar" um peninga væri?

Í Fíladelfíu sem og í öllum öðrum kristnum kirkjum á að heyrast til okkar áheyrenda: "gjörið iðrun, snúið yður að syndir yðar verði afmáðar"!

Biblían segir: "Villist ekki! Hvorki mun saurlífismenn né skurðgoðadýrkendur, hórkarlar né kynvillingar, þjófar né ásælnir.....Guðs ríki erfa (1.Kor.6:9)

Til að erfa Guðs ríki þurfa þessir upptöldu aðilar að gjöra iðrun, snúa við, taka upp annan lífsmáta! Einmitt til að láta þessi orð hljóma, er Fíladelfíupallurinn helgaður. Þaðan á rödd hrópandans að berast til allra sem vilja erfa Guðsríkið!

Það hefur mátt vera öllum mönnum ljóst að engin kirkja né kristinn söfnuður hefur hafnað hommum, lesbíum eða peningagráðugum, þjófum né barnaníðingum. Allir þessir eru hjartanlega velkomnir á samkomurnar. En það er ekki víst að þeim líki boðunin og má vera að þeir stingist í hjörtun. Ég hef heyrt að sumir særist undan þessum boðskap. En það er af kærleika sem þeir fá að vita að enn er tími til að snúa við. Og við að snúa frá guðlausum lífsmáta og gerast lærisveinn Jesú öðlast menn rétt til að kallast Guðs börn og að lokum eilíft líf. 

Þessi boðskapur er kjarni jólanna og því hrikaleg afglöp ef Sjónvarpið verður við kröfu ritstjóra "Séðs og Heyrt" að sjónvarpa ekki tónleikunum á aðfangadag. Ég vil brýna bæði Fíladelfíu, sjónvarpið, FrÓmar og Eirík ritsjóra að virða boðskap Biblíunnar þess að ekki verði á hann lokað heldur hlustað. Það er ekki til meiri vonarboðskapur í krepputíð en það sem Biblían hefur uppá að bjóða. 

kær kveðja

snorri í betel.

Athugasemdir

[Valgarður Guðjónsson, 27.11.2009 kl. 16:45]

Er tilviljun að þú setur punkta og skautar yfir drykkjumenn og lastmála í textanum?

Biblían segir: "Villist ekki! Hvorki mun saurlífismenn né skurðgoðadýrkendur, hórkarlar né kynvillingar, þjófar né ásælnir.....Guðs ríki erfa (1.Kor.6:9)

Þú getur kannski svarað betur - því forstöðumaðurinn fór eins og köttur í kringum heitan graut í í Kastljósinu í gær - og textinn hjá þér er heldur ekki afdráttarlaus.. Eru samkynhneigðir óvelkomnir til ykkar og þar með í kórstarfið ef þeir "iðrast ekki" þess að vera samkynhneigður?

[Ólafur í Hvarfi (IP-tala skráð) 27.11.2009 kl. 16:55]

 Snorri þú segir:

Það hefur mátt vera öllum mönnum ljóst að engin kirkja né kristinn söfnuður hefur hafnað hommum, lesbíum eða peningagráðugum, þjófum né barnaníðingum.

Hvernig getur þú lagt kærleika meðbræðra þinna við þjófa og barnaníðinga ! ???...... svona lúmskur hatursboðskapur er skelfilegur, ég held meira að segja að þú áttir þig ekki á því hvernig þetta kemur út og hversu mikil trúfæla er í orðum þínum.  Ef guð þinn er kærleikur, ef ég elska mann af sama kyni, þá lifi ég í kærleika.... hvar lifir þú elski vinur?

[Jón Valur Jensson, 27.11.2009 kl. 17:03]

Er nú Séð og heyrt orðið siðgæðislögregla landsins?!

[Tryggvi Marteinsson (IP-tala skráð) 27.11.2009 kl. 18:28]

Sæll Snorri. Mér sýnist þú flaska alvarlega í þessum málflutningi. Þú berð saman það sem er ólöglegt samkvæmt íslenskum lögum ( Barnaníð ) og samkynhneigð sem er ekki ólögleg og reyndar er ólöglegt að mismuna þeim eins og þú gerir. Einnig talar þú um fjárglæframenn (sem sennilega eru lögbrjótar ) sem bíða dóms og blandar þessu öllu saman. Hver skyldi vera betri maður samkynhneigður Elton John eða gagnkynhneigður Hitler ? Því þarf þessa dómsdags fordóma gagnvart hópi fólks sem ekkert hefur til saka unnið ? Þetta minnir mann á þegar kirkjan stóð alltaf með þeim sem völdin höfðu gegn almenningi og hefur greinilega allt of lítið breyst.

Sennilega mun Guð fyrirgefa þér fáviskuna en varla fyrirgefur hann einelti gegn fólki...eða hvað?

Bestu kveðjur

[Snorri Óskarsson, 27.11.2009 kl. 21:46]

Tryggvi!

Ég skauta ekki yfir drykkjumenn eða lastmáluga. Ég aðeins stytti mál mitt og merkilegt einnig að þeirra staða er ekki véfengd. Þeir fá að sitja upp með það í friði að erfa ekki Guðsríkið. En af hverju fá hin atriðin ekki að standa eins og postulinn boðar? Það er mér ráðgáta! En ég trúi því að öll þessi upptalning um þá sem missa af Guðsríkinu sé sönn og rétt.

Tryggvi við getum báðir tekið þá ákvörðun að halda okkur réttu megin. Með Guðs-Orðinu.

Kveðja

Snorri

[Snorri Óskarsson, 27.11.2009 kl. 21:52]

Ólafur

Alvaran í Biblíunni er ekki hatur heldur skír viðvörun. Orð okkar og athafnir hafa eftirköst. Sjáðu bara athugasemdirnar sem hér birtast. Þær komu sem eftirköst af skrifum mínum. Þær eru líka kröftug mótmæli við þeim siðferðilegu gildum sem Biblían heldur fram. ástand peningamála þjóðarinnar eru einnig afleiðing þess tíma þegar enginn þóttist þurfa að hlýða því sem Biblían segir um græðgi og óhóf. Ég vona að þessi boðskapur Biblíunnar sé ekki þér í hvarfi. 

Komdu úr hvarfi til að standa með því sem þú lofaðir á fermingardaginn, að gera Jesú krist að leiðtoga lífsins; presturinn sagði: "Vertu trúr...!"

[Valgarður Guðjónsson, 27.11.2009 kl. 22:09]

Valgarður reyndar, sem var að spyrja um drykkjumenn og lastmáluga..

Skil ég rétt að þeir fái þá heldur ekki að taka þátt hjá ykkur?

Og seinni spurningin, vegna þess að mér finnast svörin ekki skýr, er það krafa að samkynhneigðir iðrist þess að vera samkynhneigðir til að fá að taka þátt?

[Sigurgeir Jónsson, 27.11.2009 kl. 22:39]

Jesus snérist öndverður gegn hinum gyðnglegu rómversku stjórnvöldum.Hann var settur á kross með samþykki trúarleiðtoga gyðinga.Þess vegna eiga kristnir menn ekki að líta svo á að gamla testamenntið sé trúarrit kristinna manna,heldur hafna því.Nýja testamenntið er biblía kristinna manna þeir, sem boða annað eru villutrúarmenn á valdi djöfulsins.

[Snorri Óskarsson, 27.11.2009 kl. 22:53]

Sigurgeir

Þessum rökum þínum verð ég að hafna vegna frásögunnar um Lasarus í Lúk. 16:29- "Þeir hafa Móse og spámennina, hlýði þeir þeim."

Gjör slíkt hið sama.

kveðja Snorri

[Sólveig Þóra Jónsdóttir, 28.11.2009 kl. 00:25]

hvernig virkar þetta Snorri, orð Jesús : Sá yðar sem syndlaus er kasti fyrsta steinunum. Er það okkar að dæma yfirhöfuð?

[Snorri Óskarsson, 28.11.2009 kl. 01:00]

Sólveig!

Þetta virkar þannig að þú mátt ekki vera löggjafinn og dómarinn. Þú mátt ekki dæma út frá hjartanu. Þér er gefið Orð Guðs "sem fær sýnt og sannað hvað oss er leyft eða bannað, það skal þitt leiðarljós" segir Hallgrímur okkar Pétursson.

Þar er hann sammála Pétri Postula er segir: "En dómurinn yfir þeim er löngu felldur og fyrnist ekki og glötun þeirra blundar ekki." (2.Pét.2: 3). Það sem Guð er búinn að dæma greinum við frá. Eins og Guð dæmdi áður(t.d. Sódómu) þannig dæmir hann enn. þess vegna er það fölsk og léleg dómgreind að saka okkur boðendur Guðs Orðs að við séum að dæma, kasta grjóti og vera miskunnarlausa. Ef Guðs Orð, Biblían styður ekki málstað minn þá má ásaka mig, en ef Biblían styður það sem ég segi (postularnir, spámennirnir og Jesús) þá ber kristnum manni sem hefur heitið því að gera Jesú Krist að leiðtoga lífsins að standa mér að baki. Heiðingjum ber einnig að hlýða Guðs Orði því enga aðra björgun er að fá frá röngu líferni, skömm og Helvíti nema fyrir iðrun, yfirbót og breytt líferni. Amen!

Snorri

[Stefán Ólafsson, 28.11.2009 kl. 01:19]

Alltaf þarf að vera draga línur í sandinn. Alltaf þarf að byggja múra á milli fólks. Með tímanum einangrumst við eitt af öðru.

Að tilheyra ákveðnu trúarbragði að því leyti að geta ekki opnað augun og arma sína fyrir öðrum lífsháttum í þessum heimi er sorglegt.

Hættum að byggja múra á milli okkar. Þegar allt kemur til alls erum við jú eins.

[Ólafur í Hvarfi (IP-tala skráð) 28.11.2009 kl. 02:40]

Elsku hjartans Snorri minn, svar þitt til mín er alveg úti á þekju, ekki í nokkru samræmi við það sem ég er að benda á.  þú nefnir samkynhneigð, þjófnað og barnaníð í sömu setningu, skilaboðin eru skýr og hreint ekki kærleiks eða friðarboðskapur.  Ef biblían er svona mikil útlenska, þá mæli ég með að þið sem eruð að blindtúlka ritið fáið ykkur nýjan þýðanda sem þekkir tungumálið.

[Eygló, 28.11.2009 kl. 03:35]

Ekki alveg beint út frá þessu en færslan og athugasemdirnar kveiktu á spurningu: 
Var ekki eitthvað sem "fellt var úr gildi" (?) frá GT, þegar nýi sáttmáli kom fram?

Ég er ekkert að fíflast eða mótmæla, heldur spyr ég í einlægni og fróðleiksfýsn (eða forvitni  = n'u gaf t-lvan sig!

 

[Einar Jón, 28.11.2009 kl. 07:25]

Af hverju laugið þið hann ekki bara fyrir tónleikana eins og stendur í þarnæstu málsgrein á eftir þeirri sem þú vitnar í?
Syndirnar fyrirgefnar og málið dautt...

"Og þannig voruð þið sumir hverjir. En þið létuð laugast, létuð helgast, eruð réttlættir. (1.Kor.6:11)"

[Hlynur Kristjánsson, 28.11.2009 kl. 08:21]

 Af hverju getið þið ekki tekið fólki eins og það er?

Fullorðið fólk með ímyndaða vini er sorglegt.

[Snorri Óskarsson, 28.11.2009 kl. 12:01]

Eygló,

Í raun og réttu er betra að segja að Jesús felldi ekkert úr gildi heldur "uppfyllti". Þannig er okkur því lofað að við sanna og einlæga trú á hann skapist sú löngun að gerast af hjarta hlýðin Orðum Guðs.

Einar

Þetta er hin ágætasta leið...

Hlynur

Í þjóðkirkjumessum er ávallt farið með þá bæn "að vér tökum daglega framförum í kristilegu hugarfari og breytni". Því tekur Guð okkur eins og við erum en lætur okkur ekki vera eins og við erum heldur breytir okkur sér að skapi. Amen

[Þór Gunnlaugsson (IP-tala skráð) 28.11.2009 kl. 12:42]

Túlkun sumra safnaðarhirða sértrúarsafnaða á hinni helgu bók er svipur og múslimaklerkanna sem hafa þetta bara sína túlkun þótt annað sé skrifað og þeim hafi verið falið að túlka þetta fyrir sínum söfnuði.

[Snorri Óskarsson, 28.11.2009 kl. 12:58]

Þór

Þú getur borið saman túlkun safnaðarhirða og efni hinnar helgu bókar þá sérðu sannleiksgildi athugasemdar þinnar.

[Hörður Finnbogason, 28.11.2009 kl. 16:55]

Allir eru velkomnir á samkomur til þess að taka á móti boðum Drottins.  En í kristnu starfi innan kirkjunnar þurfa þeir sem að því koma að hafa heyrt Orð Guðs og tekið við því.  Þar sem að samkynhneigð er metin sem synd í Biblíunni tel ég að aðeins þeir hommar sem eru iðrandi syndarar geta tekið þátt í djáknastarfi, kórstarfi eða hverju starfi sem tekið er að sér innan kirkjudyranna.  En þeir hommar sem vilja að Biblían viðurkenni skurðgoðadýrkun sína án iðrunar hafa ekkert að gera í kirkjustarfi.  Þetta er mín skoðun.  Þetta á ekki aðeins við um homma heldur getum við horft okkur nær.  Ég gæti ekki staðið og miðlað öðrum boðskap Krists, ganga síðan niður af palli og iðrunarlaust haldið áfram að stunda mína rangsleitna iðju.  Hvaða blessun er í því?  Fólk sér ekki Guðleg áhrif í mínu leirkeri nema að það sjái að leirkerið hafi mótast af Guði og Orði Biblíunnar sem er Jesús.  :)

[Andri (IP-tala skráð) 28.11.2009 kl. 19:41]

Þessi umræða kemur alltaf upp annað slagið og eru þá kristnir oft ásakaðir um að dæma aðra og þeim bent á að það sé bannað að dæma.

Ég vil nú samt benda á að það er greinilegt að það er vilji margra að það sé bara bannað að dæma einhvern sekann.

Dómari hefur vald til að dæma fólk annaðhvort sekt eða saklaust.  Þeir sem vilja standa með Friðriki Ómari í þessu máli eru þ.a.l. sekir um að dæma Friðrik saklausan.

En ég sé ekki betur en Snorri og aðrir leyfi Biblíunni að dæma um sekt Friðriks og séu því ekki að dæma einn eða neinn, heldur að benda á það sem Orð Guðs segir.

[Þórólfur Ingvarsson, 28.11.2009 kl. 19:44]

Sæll Snorri!

ég þakka þér þessa færslu hér að ofan og um leið lýsi ég því heilshugar yfir að ég tek undir með Herði Finnbogasyni í hans góðu og vitrænu athugasemd.

Kær kveðja´

Þórólfur.

[Snorri Óskarsson, 28.11.2009 kl. 20:01]

Þór mér bárust ekki fleirri athugasemdir frá þér en þessar 2 og önnur með spíritistaáróðri sem eins og þú veist er forboðið í BIBLÍUNNI það er í sama flokki og samkynhneigður lífsmáti, græðgi, skurðgoðadýrkun, þjófnaður, saurlifnaður og fleirra sem nefnt er hinni helgu bók, Biblíunni.

kær kveðja

Snorri

[Þór Gunnlaugsson (IP-tala skráð) 28.11.2009 kl. 21:40]

Þór mér bárust ekki fleirri athugasemdir frá þér en þessar 2 og önnur með spíritistaáróðri sem eins og þú veist er forboðið í BIBLÍUNNI það er í sama flokki og samkynhneigður lífsmáti, græðgi, skurðgoðadýrkun, þjófnaður, saurlifnaður og fleirra sem nefnt er hinni helgu bók, Biblíunni.

Sæll Snorri

Þetta er nefnilega það sem ég var að fjalla um hina helgu bók að ekki skuli ónáða hina látnu en trúarjátningin er áð játast eilíft líf og hvar fer það fram?

Þú hefðir með réttu átt að setja hann inn fyrir aðra lesendur til fróðleiks og heimasíðu mína sem þar var og fólk dæmi sjálft.

Ekki dettur mér í hug annað en að sértrúarsöfnuðir trúi því sem þeir predika en breskir söfnuðir nota hina sömu bók og þar starfa prestar með hinum óhreinu hlið við hlið í kirkjum landsins og hvernig skyldi standa á því?

[Sigurður Rósant, 28.11.2009 kl. 22:23]

Sæll Snorri

Hér er komin upp sú staða hjá Hvítasunnusöfnuðinum sem sýnir að þeir sem geti t.d. verið afkomendur meðlima safnaðarins og teknir í söfnuðinn á unglingsárum, en fæddir sem samkynhneigðir, komi síðan "út úr skápnum", njóti ekki sömu réttinda og aðrir í söfnuðinum.

Slíkt er augljóslega brot á mannréttindaákvæðum (jafnræðisreglu) stjórnarskrárinnar og annarra mannréttindasáttmála sem Ísland er aðili að.

65. gr. [Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti.

Konur og karlar skulu njóta jafns réttar í hvívetna.]¹⁾

 Með kveðju

[Jón Valur Jensson, 29.11.2009 kl. 00:28]

Hvað áttu við, Þór, með því sem þú segir þarna um brezka söfnuði?

[Jón Valur Jensson, 29.11.2009 kl. 00:40]

Sigurður Rósant, meinarðu: jafnan rétt til sjálfboðastarfa?

En ef það vantar engan í kórinn?!

[Snorri Óskarsson, 29.11.2009 kl. 00:54]

Sigurður Rósant.

Söfnuðurinn hefur líka þann flöt að Guð hafi réttindi. Sá réttur er auðvitað íhlutunarréttur, tjáningafrelsi og skoðanafrelsi. Við dauðlegir menn sjáum fáein ár í tíma og rúmi en Guð sér út fyrir það. Hann greinir frá verkum manna og afleiðingum þeirra. Þú veist að söfnuðirnir 7 sem Opinberunarbókin talar um voru allir áminntir út frá verkum þeirra.

Mannréttindabálkur Biblíunnar setur okkur einmitt reglur sem miða að því að heilagur andi eigi sín heimkynni í friði og hreinleika. Líkamir okkar eru einmitt þau heimkynni.

Heilögum anda er ekki úthellt yfir Laugarveg eða Lækjartorg, hann býr heldur ekki í kirkju, jafnvel ekki í Fíladelfíukirkjunni heldur í okkur, mönnunum. Það nefnilega voru menn sem töluðu, fylltir af heilögum anda.

Hér auðvitað takmarkast "mannréttindin" -  þau eru ekki ótakmörkuð. Mestu mannréttindi sem nokkur fær er að losna undan, samkyn-, tvíkynhneigð sem hrekur manninn út í hin ystu myrkur og glötun. Þangað er okkur ekki ætlaður staður.

Jesús Kristur var maður sem aflaði sér þjóna og gaf þeim Guðsbarnarétt. Þeir þjónar eru í söfnuði Jesú og hafa einir rétt til að þjóna á pallinum í kirkjunni, söfnuði Jesú Krists!

kær kveðja

Snorri

[Snorri Óskarsson, 29.11.2009 kl. 01:18]

Þór

Það sem þú ert að nefna frá Bretlandi er einnig þekkt hér á landi. Fríkirkjusöfnuðurinn í Reykjavík var í upphafi sinna daga helsta víghreiður spíritista og margur presturinn gaf sig út fyrir það svið. Margar deilurnar og sennur milli presta og boðenda Biblíunar fóru þá þar á milli. Presturinn er því ekki mælikvarði á það sem er leyft eða bannað heldur Biblían, Guðs Orð. Hún nefnilega bannar spíritisma, samkynhneigð (kynvillu), tvíkynhneigð (saurlifnað), þjófnað, græðgi o.fl í þessum dúr.

Allmargir presta á Íslandi eru í andstöðu við orð Biblíunnar um samkyn- og tvíkynhneigð. Það þýðir ekki að þeir hafi á réttu að standa heldur að þeir eru orðnir villtir kennimenn.

Ástæðan fyrir mínum afskiptum af þessum málum er einfaldlega sú að ég veit hvað Biblían segir og bannar en Alþingi setur lög í nafni mannréttinda til að leyfa lífsmáta samkynhneigðra. Ég myndi einnig tjá mig á svipuðum toga ef Alþingi væri að leyfa mannréttindi til saurlifnaðar, framhjáhalds og græðginnar. Nú sjá menn afleiðingar hennar og einnig er að birtast afleiðingar samkynhneigðarinnar. Menn ætla að koma í hópum í Fíladelfíu til að hafa í frammi saurgun. Sama gerðist í Sódómu þegar lýðurinn mætti að húsi Lots og ætlaði að "kenna mannanna sem sífellt eru að siða oss"! (1.Mós. 19: 5)

Við mennirnir þurfum að meðtaka hvað Guð álítur og samþykkja hans skoðun á öllum okkar málum.

[Sigurður Rósant, 29.11.2009 kl. 12:33]

Sæll Snorri

Trúfélög eru öðrum þræði byggð upp á mikilli félagsstarfssemi sem hefur mikla þýðingu fyrir félagsmeðlimi. Hér getur verið um margra ára fjölskyldu- og vinatengsl að ræða, sem svo skyndilega geta verið í uppnámi þegar t.d. einn kemur skyndilega "út úr skápnum".

Söfnuðurinn getur ekki vísað til þess að "Guð hafi réttindi" eins og þú orðar það og ákveðið að útskúfa einstaklingi í félagslegum skilningi, ef einstaklingurinn hefur ekki brotið lög þau sem gilda í okkar þjóðfélagi. Hafi einstaklingur brotið gegn félagsmönnum með ósiðsamlegu athæfi eða sífelldu (kynferðislegu) áreiti, gilda að sjálfsögðu reglur um frávísun til verndar félagsmönnum.

Varðandi söfnuðina 7 sem þú nefnir sem dæmi. Jóhannes sá þarna 'sýnir' og heyrði 'raddir', hrósar flestum söfnuðunum fyrir góð verk og þolgæði, en söfnuðurinn í Efesus fær þá áminningu sem mér er í huga gagnvart Hvítasunnusöfnuðinum:

En það hef ég á móti þér, að þú hefur afrækt þinn fyrri kærleika

Jón Valur talar að sjálfsögðu út frá 'anda' þess safnaðar sem einna mesta reynslu hefur af útskúfun hvers konar, en skýtur skálkaskjóli yfir presta og djákna safnaðarins sem fremja óhæfu á ungum drengjum. Söfnuði Jóns passar ágætlega sú áminning sem söfnuðurinn í Sardes fékk:

Ég þekki verkin þín, að þú lifir að nafninu, en ert dauður.

Einnig koma mér í huga orð úr Orðskviðunum 17.15

Sá sem sekan sýknar, og sá sem saklausan sakfellir, þeir eru báðir Drottni andstyggð

Með kveðju

[Tryggvi Marteinsson (IP-tala skráð) 29.11.2009 kl. 13:25]

Má ég spyrja hina trúræknu og góðu einnar spurningar sem hefur vafist fyrir mér. Gerið þið ekkert með Íslensk lög ? Getur kirkjan ykkar ákveðið að lögin séu í biblíunni en ekki sett á Alþingi ? Það er td. ekki minnst á umferðarlög í biblíunni.............eigum við þá ekki að virða umferðarlög sem Alþingi setur ? Ég spyr vegna þess að samkvæmt Íslenskum lögum er samkynhneigð lögleg og hreinlega lögbrot að mismuna fólki á grundvelli kynhneigðar. Hvað segir Snorri um þetta ? Það er ljóst að kirkjan ykkar mismunar fólki á grundvelli kynhneigðar og skipar þeim að iðrast ef þeir eigi að fá að stunda trúarlíf. Svarið þessari einföldu spurningu. Er samkynhneigð í fullkomnu lagi og samkynhneigðir velkomnir í allar stöður innan kirkju ykkar eða ekki ?

Með fyrirfram þökk

[Rósa Aðalsteinsdóttir, 29.11.2009 kl. 13:34]

Sæll og blessaður

Þessi setning virðist hafa misskilist hjá fólki: "Ég tel mig vita það með vissu að Eiríki ritstjóra þætti það afar óviðeigandi ef barnaníðingi yrði boðið uppá pallinn í Fíladelfíu og þar væri hann að leggja út af orðunum :"Leyfið börnunum að koma til mín"!!  Það eru til siðferðismörk!"

Fólk vill meina að þarna sért þú að bera saman samkynhneigð og barnaníð. Ég get ekki lesið það út úr þessari setningu og það vita auðvita allir að það er ekkert sambærilegt að bera saman athafnir fullorðins fólks sem það hefur valið sjálft eða þegar barn verður fyrir misnotkun-sem er glæpsamlegt athæfi. Það er auðvita gegn vilja þess eins og við vitum öll og við vitum afleiðingarnar. Þekkjum öll einstaklinga sem hafa orðið fyrir misnotkun og hvaða áhrif það hefur haft á líf þess.

Fólk sem er að skrifa hér og segja okkur til, hefur þetta fólk einhvern tímann stigið fæti inn í Hvítasunnukirkjuna og hefur það almennt áhuga að framfylgja því heiti sem þau gáfu Jesú þegar þau fermdust?

Við ráðum því hverjir prédika og syngja í okkar kirkjum. Það er alls ekki ykkar mál.  Mörg ykkar hafið svikið heitið sem þið gáfuð Jesú á fermingardaginn ykkar. Það er sorglegt. En kemur okkur það nokkuð við?

Guð veri með ykkur

Kær kveðja/Rósa

[Sigurlaug B Arngrímsdóttir, 29.11.2009 kl. 18:20]

Sæll Snorri.

Mig  langar að segja þér að ég verð alltaf jafn leið og hissa þegar ég er sett í flokk með fólki sem hefur gert öðrum miska vegna kynhneigðar minnar.  Það að vera t.d. talin jafngild barnaníðingi er mér bara algerlega óskiljanlegt.  Allir hafa rétt á að hafa skoðanir, sem betur fer, en ég sé ekki að það að telja sig kristinn, gefi manni leyfi til að sverta og niðurlægja samborgara sína.  Mikið rosalega er ég þreytt á þessu yfirlæti og ég leyfi mér að segja, hræsni.   Það er svo ótalmargt sem maður gerir á hverjum degi sem samræmist ekki því sem boðað er í Biblíunni, þó ekki skorti viljann til að vera góður og gegn samfélagsþegn, að það er vísast að Guðsríki sé löngu glatað, jafnvel þó kynhneigðin kæmi ekki í ofanálag.  Ég mun taka mínum dómi á æðsta degi en frábið mér að láta lúskra á mér með Guðsorði af fólki sem telur sig betra en annað.

Sigurlaug Arngrímsdóttir

[Sigurlaug B Arngrímsdóttir, 29.11.2009 kl. 19:13]

Sæll Snorri.

Ég held það væri í anda þess sem þú boðar, að þú hættir að dæma og flokka fólk. Eftir því sem ég best veit mun verða kveðinn upp dómur á æðsta degi af himnaföðurnum og það ætti að nægja.  Mér er alveg ómögulegt að skilja hvernig þú finnur út samhljóm með samkynhneigð og þeim er níðast á börnum.  Ég frábið mér fyrirlitningu og hræsni þeirra sem þykjast öðrum æðri og betri í nafni trúarinnar.  Ef við stöldrum við og förum yfir gjörðir okkar í hinu hversdagslega amstri komumst við líklega æði mörg að því að við förum ekki nákvæmlega eftir því sem boðað er í Biblíunni, jafnvel þó við reynum af fremsta megni að vera góð við hvort annað og gegnir samfélagsþegnar.  Þannig að Guðsríki er væntanlega glatað jafnvel þó samkynhneigðin bætist ekki við.

Sigurlaug B. Arngrímsdóttir

[Snorri Óskarsson, 29.11.2009 kl. 20:27]

Sigurður Rósant

Takk fyrir þetta! Lokasetningin er auðvitað kjarninn í málfultningi prédikarans einmitt að segja þann sem er í lífsmata syndar og lasta vera ekki verri og þurfi því ekkert að gera í sínum málum. 

Verði einhverjum á þá skuli sá játa syndir sínar, þar byrjar batinn! En ef við venjum okkur á að slá okkur á brjóst og þakka fyrir að vera ekki eins og þessi eða hinn. Ég fæ mjög oft að heyra þetta skot og geri mér alveg grein fyrir veikleika mínum og held mér þess vegna við Orð Guðs til að halda mér á floti.

Ég fer ekki í þessa umræðu sem nú er til að sýna öðrum hversu miklu betri ég telji mig vera heldur af því að menn hafa leyft sér að sýkna seka menn og segja þeim að þeir séu eins og örvhentir eða svartir - í stað þess að segja að þeir séu á glötunnar vegi.

Okkar allra er auðvitað að segja hvoru öðru satt.

kær kveðja

Snorri

[Snorri Óskarsson, 29.11.2009 kl. 20:35]

Tryggvi

Löghlýðni er kjarnaatriði hjá kristnum manni.En til eru löggjafar sem segja okkur að óhlýðnast Guðs lögum. Fræg er sagan um Daníel sem hlýddi ekki lögum konungs að beygja sig og tilbiðja skurðgoð. Hann uppskar að verða fleygt fyrir ljónin.

Það er staða hins trúaða sem andmælir þessum réttingum samkynhneigðra til að giftast og fá blessun Guðs yfir sitt líf. Hvernig ætli það þætti ef tvíkynhneigður kæmi í kirkjuna og vildi fá að giftast manninum sem hann elskar og konunni sem hann elskar ? Myndum við sætta okkur við það? Kristnin segir að aðeins maður og kona ættu að giftast og vera saman út lífið. 

Löggjafinn getur sett lög sem ekki verða langlíf s.b.r. fjölmiðlafrumvarpið. Guð setur lög sem eru í gildi um aldur og ævi. Sá sem ekki hlýðir þeim endar á verri stað en í ljónagryfju.

Vonin hlýtur að beinast til lífs og friðar.

kær kveðja

snorri

[Snorri Óskarsson, 29.11.2009 kl. 20:36]

Einmitt Rósa!

[Snorri Óskarsson, 29.11.2009 kl. 20:58]

Sigurlaug

Þú kallar þetta yfirlæti og hræsni er ég þá dæmdur af þínum orðum, einmitt það sem þú ekki þolir. Þú virðist ekki hafa tekið eftir því að Guð, dómarinn hefur þegar dæmt þessi atriði sem eru til umfjöllunar hjá mér. Af þeim sökum má ég og á ég að láta vita svo við getum stutt aðra til Guðrækilegs lífernis. Það er skylda hvers kristins manns að boða og kenna kristna trú, "kennið þeim að halda allt sem ég hef boðið yður" segir í kristniboðsskipuninni!

Barnamisnotkunin er ekki borin saman við samkynhneigð heldur notkun Eiríks á Guðs orðinu og því að allt fái að fara á pallinn í Fíladelfíu, þarna þarftu að lesa betur. Þú gerir enga athugasemd við það að ég nefni líka þá græðgisvæddu og fjármál kirknanna?

En það megum við öll vita að það er sko ekki sama hvernig við förum með líkami okkar. Biblían fjallar um að gera líkami okkar ekki að skækjulimum og bendir á að líkamir okkar eru bústaður ætlaður Heilögum anda. Þar á andinn að dvelja og starfa. Ef við förum með líf okkar burt frá reglum og áætlun skaparans þá hleypum við óhlýðni og friðleysi að okkar sálartetri. Hefur einhver efni á því? Guðsríkið er nefnilega réttlæti, friður og fögnuður í Heilögum anda. Hefur einhver efni á því að missa af slíkum lífsgæðum? Ekki ég! En þú?

kær kveðja 

[Jón Valur Jensson, 29.11.2009 kl. 21:20]

Sigurður Rósant, enn hefurðu ekki svarað þessu frá mér: "... meinarðu: jafnan rétt til sjálfboðastarfa? – En ef það vantar engan í kórinn?!" Er svona erfitt að svara, að þú varðst að víkja talinu að öðru? - En um viðhorfið til barnaníðinga hygg ég engan mun á afstöðu okkar.

[Valgarður Guðjónsson, 30.11.2009 kl. 19:41]

Ég sé að athugasemdum mínum #1 og #7 er ekki svarað...

Mig langar samt að forvitnast frekar... er ekki rétt munað hjá mér að kristnin byggi fyrst og fremst á sögum / skrifum um líf og boðskap Jesú og hlutverk Páls postula hafi fyrst og fremst verið að skilgreina, túlka og leggja út af því sem Jesú sagði?

Þannig að þar sem Páll byggir á því sem kom frá Jesú hafi hann sé hans framlag mikils virði fyrir kristna, en þegar hann fer út fyrir það, eins og td. varðandi samkynhneigða, þá sé það nú kannski ekki eins mikils virði.

[Snorri Óskarsson, 30.11.2009 kl. 23:16]

Valgarður spyr - og vill fá svar!

1.Eru samkynhneigðir óvelkomnir til ykkar og þar með í kórstarfið ef þeir "iðrast ekki" þess að vera samkynhneigður?

2. Og seinni spurningin, vegna þess að mér finnast svörin ekki skýr, er það krafa að samkynhneigðir iðrist þess að vera samkynhneigðir til að fá að taka þátt?

svar: Á allar samkomur sem auglýstar hafa verið í nafni Hvítasunnusafnaðanna er sagt:"allir hjartanlega velkomnir"! Þá um leið samkynhneigðir.

varðandi seinni spurninguna:

Ég hef aldrei spurt um kynhneigð nokkurs safnaðarmeðlims hvort sem hann er laglaus eða syngur vel. Aldrei spurt nokkurn sem kemur á samkomur um persónuleg atriði, ég held reyndar að engin kirkja vinni þannig. Ég á von á því Valgarður að þú kannist vel við það!

Lokasvar:

Það er hlutverk kristinnar kirkju og þá safnaða hvítasunnumanna um leið, að bjóða mönnum til inngöngu í Guðsríkið. Fyrsta skrefið er að gjöra iðrun. Þegar Jesús hóf þjónust sína byrjaði hann á þessu sama atriði.

Þannig er söfnuðurinn ekki að boða sínar eigin reglur eða "nútímalegt afbrigði" heldur Guðs Orð, Guðs skylmála. 

Þess vegna verða drykkjumenn, þjófar, ásælnir, samkynhneigðir, saurlífismenn, frillulífismenn og hvað annað sem gert er í andstöðu við Guð skv. 1.Kor 6:9 -10, að snúa við, gjöra iðrun,= láta af, skipta um lífsmáta. 

Sigurinn er að losna undan kenndum sem setja okkur í flokk vantrúaðra, seka og utan Guðsríkisins.

Það er regla í Guðsríkinu að byggja á grunni sem sagður er vera: "postularnir, spámennirnir og Jesús sem hyrningarsteinn".

hvernig Guðs ríkið er Eitt er öruggt, við ráðum ekki heldur skaparinn, Jesús Kristur frelsarinn! Það var mjög spennandi fyrir 2 árum að heyra fyrrverandi samkynhneigðan lýsa reynslu sinni og lausn til gjörbreytts lífsmáta, fagnaðar, friðar og réttlætis (Guðsríkis). Vakna hvern morgun án þrúgandi sektarkenndar hið innra. Það er kraftaverk!!!!

kær kveðja

Snorri

[Jón Valur Jensson, 30.11.2009 kl. 23:55]

Góð spurning, Valgarður, en svarið er neitandi allt eins og játandi. Páll meðtekur vissulega kristna kenningu frá lærisveinum Jesú og miðlar henni, af sínum mikla skilningi, öðrum til handa, og vinnur líka úr henni guðfræðilega (sbr náðar- og réttlætingarfræði hans, í Róm. og Gal. o.v.), en hann fær líka opinberanir frá Guði, það kemur ítrekað fram í bréfum hans og Postulasögunni. Það kemur stundum fyrir í bréfum hans, að hann taki það sérstaklega fram, að eitthvað, sem hann segi, sé hans eigin ráðlegging eða fyrirskipun, og þá er hann líka ekki eins eindreginn í málflutningi eins og yfirleitt, þegar hann að flytja boðskap Guðs/Jesú/Heilags Anda. En t.d. 1. kafli Rómverjabréfsins – merkilegur Biblíutexti með meiri kosmíska vídd og yfirsýn en flestir aðrir textar – er greinilega með svo skýru kennivaldi talað, að við kristnir lítum á það sem Guðs orð, og eins er 6. kafli I. Korintubréfs mjög einörð kenning og engin æfing Páls sjálfs í ráðleggingum; textinn er raunar háleitur í siðferðissýn sinni og afar gefandi, eins og sést þar undir lokin, og hefur gefið mikið af sér um aldir.

En í báðum þessum nefndu köflum eru helztu textar Páls þar sem hann víkur að samkynja kynmökum (Róm. 1.26-27, I.Kor.6.9-11).

Lítið svo á I. Tím. 1.10-11, þar sem hann í fyrra versinu minnist á "karla sem hórast með körlum" (sem er 2007-þýðingin á arsenokoitai, en er þar ónákvæm þýðing og misbrúkun á orðinu 'hórast', en þarna er einfaldlega átt við þá karlmenn sem leggjast til samræðis með öðrum karlmanni). En í beinu framhaldi í seinna versinu tekur hann síðan sérstaklega fram, að þetta er kenning frá Guði (ekki frá Páli sjálfum): "Þetta er samkvæmt fagnaðarerindinu um dýrð hins blessaða Guðs sem mér var trúað fyrir." – Og hér er ennfremur um miðlaða kenningu að ræða, greinilega frá lærisveinunum og Jesú, en um leið kenningu sem byggir á Gamla testamentinu (III. Mós. 18.22) og nýtir tvö hugtök (arsen, koite), sem koma þar fyrir í Septuagintu-þýðingunni grísku, til að búa til þetta nýyrði Páls: arsenokoitai.

En þetta eru ekki einu textar Nýja testamentisins sem varða samkynhneigða eða samkynja kynmök; þeir eru einnig til í guðspjöllunum og a.m.k. í Júdasarbréfi. Þá er ég hins vegar kominn út fyrir aðspurt efni.

[Valgarður Guðjónsson, 1.12.2009 kl. 02:07]

Takk fyrir svörin, fyrri spurningin átti reyndar við drykkjumenn og lastmáluga, en ég geri ráð fyrir að svarið eigi jafnt við um þá...

En gott að heyra að allir eru velkomnir... ég heyrði ekki betur en að forstöðumaðurinn setti það skilyrði í Kastljósi að samkynhneigður þyrftu að koma til að leita sér hjálpar.

Skil reyndar ekki hvað ég á að kannast við, en skiptir ekki öllu..

Kannski rétt að ég skýri örlítið nánar, því þó ég sé trúlaus þá þekki ég marga meðlimi Fíladelfíu sem eru heiðarlegir í sinni trú og það truflar mig auðvitað ekki á nokkurn hátt - og Fíladelfía hefur ekki á sér (í mínum huga) það yfirbragð sem fer hvað mest í taugarnar á mér við marga sértrúarsöfnuðina.

Það sem ég get hins vegar ekki með nokkru móti skilið eða sætt mig við er afstaðan til samkynhneigðra. Mér er alveg fyrirmunað að skilja hvers vegna hegðun sem er heiðarleg milli tveggja fullorðinna einstaklinga og gerir engum mein, getur verið lögð að jöfnu við hegðun barnaníðinga.

Jú, ég veit, þetta stendur þarna en er ekki einfaldlega mögulegt að þetta hafi eitthvað skolast til á langri leið? 

[Aníta Elefsen, 1.12.2009 kl. 10:39]

..Er einhver sérstök ástæða fyrir því að mín athugasemd er ekki birt?

[Sigurður Rósant, 1.12.2009 kl. 19:16]

Sæll Jón, ég þakka þann heiður að þú viljir yrða á mig.

Jón Valur - meinarðu: jafnan rétt til sjálfboðastarfa?  En ef það vantar engan í kórinn?!

Kórinn er eða getur verið sjálfboðastarf gegn einhverjum ótilgreindum hlunnindum af hálfu safnaðar eða safnaðarstjórnar.

Ég geri ráð fyrir því að kórstjóri eða safnaðarstjórn auglýsi á einhvern hátt eftir fólki í kórinn af og til þegar einhverjir hætta eða hafa í huga að hætta.

Ef svo kemur í ljós að homma, lesbíu eða einstklingi af öðrum kynstofni er meinaður aðgangur trekk í trekk eða viðkomandi fær þau svör að hann megi ekki vera í kórnum vegna kynferðis eða kynstofns, þá tel ég að verið sé að mismuna fólki með hliðsjón af mannréttindaákvæðum (jafnræðisreglu) stjórnarskrárinnar

Sótti oft samkomur hjá Fíledelfíusöfnuðinum á 7. áratug síðustu aldar.

Með kveðju

[Snorri Óskarsson, 1.12.2009 kl. 20:01]

Aníta

Já!

Svo hef ég þá reglu að birta ekki athugasemdir undir dulnefni og tómar lygar á bloggara.

kveðja

Snorri

[Snorri Óskarsson, 1.12.2009 kl. 21:51]

Valgarð

Þú segir: "Mér er alveg fyrirmunað að skilja hvers vegna hegðun sem er heiðarleg milli tveggja fullorðinna einstaklinga og gerir engum mein, getur verið lögð að jöfnu við hegðun barnaníðinga."

1. Hvað er heiðarleg hegðun? 

2. Það er enginn að leggja að jöfnu hegðun barnaníðinga við hegðun tveggja fullorðinna. Ég legg ekki að jöfnu barnaníðinga og bankaræningja en þeir eru báðir sekir um misnotkun á samfélagi manna. Ég legg ekki að jöfnu hegðun barnaníðings, samkynhneigðra, þjófa eða skurðgoðadýrkenda. Þeir haga sér allir á sinn hátt hver. En eitt eiga þeir sameiginlegt og það er að standa sekir gagnvart Guði almáttugum!  Þetta má glöggt sjá í Opinberunarbók Jóhannesar þar sem talað er um hverjir glatast. Þar segir:"En fyrir hugdeiga og vantrúaða og viðurstyggilega og manndrápara og frillulífismenn og töframenn, skurðgoðadýrkendur og alla lygara er staður búinn í díkinu sem logar af eldi og brennisteini".

Við leggjum hegðun þessara ekki að jöfnu en þeir allir lenda sem jafningjar og fá jafnan skerf við endanlegan dóm Guðs.

Einmitt þess vegna er okkur svo mikilvægt að ganga Jesú Kristi á hönd og iðrast, skipta um skoðun og tileinka okkur hans sjónarmið. Þegar hugur okkar mótast af hans orðum þá kemur háttarlagið okkar fram í því að við líkjumst Jesú Kristi æ meir.

kær kveðja

Snorri

[Ólafur í Hvarfi (IP-tala skráð) 2.12.2009 kl. 00:16]

Snorri minn, þrátt fyrir að mér finnst þú hafa alveg stórfurðulegar afstöður, þá kann ég bara vel við þig... þú pirrar mig ekki á nokkurn hátt og finnst þú bar svona gúddí gæi.  Ég vil gjarnan vera umburðarlyndur gagnvart hinsegin fólki eins og bókstafstrúarmönnum.... hinsvegar þegar boðskapurinn er samfélagslega ógnandi og lífshættulegur því unga fólki sem er samkynhneigt og er að takast á við að vera í minnihlutahóp sem enn mætir fordómum, þá er ekki hægt að láta það viðgangast.  Þið hreinlega getið ekki leyft ykkur að nota orðstaf og tilvitnanir í gamalt trúarhandrit til að fordæma fólk til helvítis og það í nafni almættisins.

Ég hefði haldið að það væri ærið dagsverk hverjum manni að hlúa að eigin sálarheill og ekki mannbætandi að dæma aðra til dauða á sama tíma.

Jú, jú ég veit að þú ætlar að segja að þú gerir það ekki, heldur guð í bókinni !.... Snorri minn, vakna !

[Valgarður Guðjónsson, 2.12.2009 kl. 01:18]

Valgarður reyndar...

1. Fyrir mér er heiðarleg hegðun einfaldlega að fylgja sinni sannfæringu án þess að skaða aðra - það má örugglega finna ítarlegri og betri skilgreiningu, en ég held að þetta dugi ágætlega.

2. Ég las það út úr upphaflegri færslu þinni út frá "að Eiríki ritsjóra þætti það afar óviðeigandi ef barnaníðingi yrði boðið uppá pallinn" - í því samhengi að færslan snýst um það hvort samkynhneigðir megi koma fram hjá Fíladelfíu - að þú legðir samkynhneigð að jöfnu við hegðun barnaníðinga. Kannski er ég að lesa þetta vitlaust og kannski er þetta klaufalegt dæmi hjá þér - en í öllu falli gott að heyra að þú meintir þetta ekki þannig að þú legðir þetta að jöfnu.

Á hinn bóginn veit ég ekki hvernig ég á að skilja að þeir "fá[i] jafnan skerf við endanlegan dóm Guðs" öðru vísi en að þeirra bíði sama hlutskipti og  séu þannig lagðir að jöfnu.

Og það var greinilega rangt hjá mér að samkynhneigð sé það eina sem kristnir fordæma og sem að mínu viti er saklaust, ég var búinn að gleyma þessu með töframennina, sbr. tilvísunina úr Opinberunarbók Jóhannesar (úr athugasemd #47).

[Jón Valur Jensson, 2.12.2009 kl. 02:03]

Sigurður Rósant, þakka þér svarið. En í 1. lagi efast ég um, að 'hlunnindi' yylgi kórstarfinu í Fíladelfíu. Í 2. lagi virðistu gefa þér, að Friðrik Ómar hafi sótt (jafnvel ítrekað) um að verða söngvari í kórnum, en það er ekki svo (þú segir: "Ef svo kemur í ljós að homma, lesbíu eða einstklingi af öðrum kynstofni er meinaður aðgangur trekk í trekk eða viðkomandi fær þau svör að hann megi ekki vera í kórnum vegna kynferðis eða kynstofns ..."). Ef þú ferð inn á vefsíðuna hjá Kristni Ásgrimssyni, forstöðumanni Hvítasunnukirkjunnar í Keflavík (hér: Fáránleg umræða), þar sem er löng umræða um þetta sama mál, en stuttur og lærdómsríkur pistill í byrjun, þá sérðu, að þetta er í raun fáránleg umræða! – En það er þó gott að við getum rætt þetta á rólegum nótum!

[Snorri Óskarsson, 2.12.2009 kl. 23:02]

Valgarð

Ég hóf afskipti mín af þessum málaflokki þegar lagt var fyrir Alþingi að lögleiða réttinn til lífsmátans. Í ljósi Fagnaðarerindisins verður maðurinn að temja sér ákveðið háttarlag og lífsmynstur, því segir postulinn: "Þú hefur breytt eftir mér í kenningu, hegðun, ásetningi, trú, langlyndi, kærleika, ofsóknum og þjáningum.." (2.Tím.3:10 - 11). Lífsmátinn er þá mælikvarði á trú lærisveinsins

það sem óróar mig um þennan málaflokk eru orð sumra forystumanna í baráttunni fyrir rétt samkynhneigðra til lífsmátans. Ég læt hér fylgja með frásögn út Lesbók Mbl. frá 3.júní ´95 þar er viðtal við helsta forystumann franskra homma sem hét Michel Faucoult og hann er kynntur í greininni sem "einn mesti hugsuður á þessari öld". Hann lést úr alnæmi 1984, 57 ára að aldri  og í greininni er þetta haft eftir honum: "Auk þess var að hans mati ekki hægt að hugsa sér fallegri dauðdaga en að deyja fyrir ástina á ungum drengjum, eins og hann sagði eitt sinn í viðtali við bandarískan starfsbróður sinn."

Hvað eru ungir drengir og hve algengt er þetta lífsmynstur meðal samkynhneigðra? DV. hefur í nokkur skipti birt greinar og viðtöl við unga menn sem hafa "leigt sig" perrunum. Þeir voru allir samkynhneigðir eða tvíkynhneigðir. Samtökin 78 eru samtök samkyn- og tvíkynhneigðra.Hvenær verða hinir tvíkynhneigðu meðal þeirra sem kirkjan blessar eða giftir tveim aðilum, karli og konu?

Hvaða álit sem við höfum þá eru of mörg atriði tengd þessum lífsmáta sem benda til hættulegs framferðis og alls ekki nálægt hegðun postulans eða með meðmæli Biblíunnar.

Ég sem boðberi hennar hef ekkert leyfi til að þegja sama þó að ég verði úthrópaður, fordómafullur, gamaldags og þröngsýnn. Við erum bara ekki búnir að sjá mikið undir yfirborðið á þessu máli.

Ég fékk fyrir nokkrum árum gefins bók sem hér "Spartacus". Það var upplýsingarit um staði til skyndikynna fyrir samkynhneigða. Um Reykjavík var bent á Öskjuhlíð, Vesturbæjarlaug, þrjá Frakka og heimilisfang samtaka við Laugarveg.

Það bendir mér á að þessi lífsmáti er ekki "heiðarleg ást tveggja fullorðinna". En þú e.t.v. lest eitthvað annað út úr svona upplýsingum. 

kær kveðja

Snorri

[Snorri Óskarsson, 2.12.2009 kl. 23:11]

Ólafur

Ég dæmi engan til dauða, eða óska honum hins illa. Ég t.d. blóta aldrei né bölva náunganum. Ég tem mér að blessa.

En ég leyfi mér að halda fram sjónarmiði postula Jesú Krists. Þeir allir voru sammála um að karlmaðurinn væri fyrir konuna og konan væri fyrir karlmanninn. Einn maður á eina konu. Þeir voru meira að segja á móti hjónaskilnaði og framhjáhaldi. Þeir voru á móti frillulífi hvað þá samkynhneigðu lífi.

Ég hafna alfarið þeim rökum að menn séu fæddir með þessar kenndir, en þeir geta hæglega alið þær með sér og misst stjórn á "kynhvötinni"!

En Biblían segir okkur að hemja okkur og hafa stjórn á hvötum okkar, mundu: "Þú skalt ekki girnast..."

kær kveðja

Snorri

[Valgarður Guðjónsson, 3.12.2009 kl. 00:03]

"Valgarður" ekki "Valgarð"

Mér finnst ansi vafasamt að dæma heilan hóp út frá orðum eða hegðun einstakra manna sem tilheyra hópnum. Eiginlega beinlínis rangt.

Það er hægt að lesa út úr þessum upplýsingum að til sé lauslæti meðal samkynhneigðra en að mínu viti fráleitt að yfirfæra það á alla - og beinlínis rangt.

Það er fullt af stöðum sem henta til skyndikynna gagnkynhneigðra - samt fordærmir þú ekki alla gagnkynhneigða (eða hvað?) - eða gerir ráð fyrir að allir gagnkynhneigðir stundi þá staði. Auðvitað ekki.

Það er kannski fyrir neðan beltistað (bókstaflega) að nefna í þessum samanburði misnotkun presta á ungum drengjum víða um heim. 

Ég efast um að þú tækir undir að það sé rétt að dæma alla prestastéttina út frá hegðun þeirra. Og alveg eins og við getum (væntanlega) verið sammála um að það er fráleitt, ættum við að geta verið sammála um að það er fráleitt að dæma alla samkynhneigða út frá þeim dæmum sem þú nefnir.

Þarf væntanlega ekki að segja þér að það er fullt af dæmum um samkynhneigða þar sem ekkert af þessu sem þú nefnir á við. Hvers vegna að fordæma þá?

[Snorri Óskarsson, 3.12.2009 kl. 16:17]

Valgarður (- afsakaðu nafngjöfina)

Ég skil mætavel afstöðu þína og mér sýnist þú ganga út frá því að fólkið sé fætt svona eða að hér sé um einhvern nýjan kynstofn að ræða. En í mínum huga er hér um svipað að eiga og mann sem "lendir í framhjáhaldi" eða "detta í það" eða að varð fyrir því óhappi að "keyrara fullur". Einhversstaðar er um brest að ræða hjá viðkomandi aðilum sem hefst í hugarfari og með rökfærslum. Ég var vitni að sálfræðifyrirlestri um þessa breytingu þegar maður kemur "út úr skápnum" og sá lestur (haldinn í Brekkuskóla á Akureyri fyrir alla kennara grunnskólanna í plássinu) greindi einmitt frá þessu heilabroti sem menn ganga í gegnum að meta og rökræða stöðu sína, áhættu og kostnað en vera jafnframt drifnir áfram af einhverjum ofurþunga. Þá er nauðsyn að samfélagið haldi þeim í skjóli eða veiti þeim viðurkenningu. Annars er voðinn vís. Mér er oft legið á hálsi að hrekja samkynhneigða út í opinn dauðann með skrifum mínum og skoðunum vegna þess hve viðkvæmir menn séu. En það er engin lækning né lausn að koma út út skápnum.

Ég lít enganveginn á það sem högg undir beltisstað að nefna þessa ólánspresta sem hafa komið óorði á stéttina með níðingsskap sínum og svert Fagnaðarerindið um Jesú með háttalaginu. Þeim mættu "skilningsríkir" samstarfsmenn (kollegar, biskupar, sóknarnefndir) sem gerði það að verkum að þeir komust upp með glæpinn. Ég hefði kosið að kollegar, biskup eða sóknarnefndir hefðu ekki hlíft þessum ólánssömu og dómgreindarlausu prestum heldur tekið snörumannslega á málum og hreinsað til. Þá hefðu hinir lært af og veigrað sér við að gera það sem er óhæfa.

Að dæma heilan hóp út frá örfáum dæmum er auðvitað mjög hæpið og þar stend ég á hálum ís. Ég hef engin efni á að fella létta eða þunga dóma. En það er nefnilega einn búinn að dæma þennan hóp. Það var gert með dóminum yfir Sódómu. Ef þeir sluppu ekki hvers vegna ættu menn í dag að sleppa? Er Guð ranglátur? Nei, en þess vegna er eina lausnin fyrir þá, þig og mig að ganga Jesú Kristi á hönd. Taka í okkur hans álit og skoðanir, þá verður breyting á og bæði prestar, samkynhneigðir og perrar taka á sínum málum rétt eins og alkóhólisti sem er að snúa við blaðinu. Þetta getur kostað blóð svita og tár en eftirá gefur farsælan ávöxt friðar og réttlætis. Það er eina færa leiðin!

Vegur syndara endar í veg leysu en vegur réttlættra hjá Guði almáttugum. Þetta veltur á því að við segjum satt og berum ekki ljúgvitni frammi fyrir samborgurum um Guð almáttugan!

kær kveðja

snorri

[Valgarður Guðjónsson, 4.12.2009 kl. 00:43]

Ég held að við náum varla lengra með þetta..

Svona rétt að lokum, auðvitað er ég ekki að tala um "nýjan kynstofn", samkynhneigð er hvorki ný, né greinir hún fólk í kynstofna, þetta hefur fylgt mannkyninu svo lengi sem við höfum heimildir um, og þekkist hjá mörgum dýrategundum, ef út í það er farið. Ég efast ekki um að samkynhneigð sé meðfædd, dæmi um fjölbreytni, ekki valkost, sem engin ástæða er til að fordæma. Ekki frekar en svo margt annað sem stuðlar að litríku og fjölbreyttu mannlífi.

Ég er ekki trúaður, eins og varla fer á milli mála, en áhuginn á að ræða þetta kemur til vegna þess að ég á svo erfitt með að skilja hvers vegna samkynhneigð, sem ekki gerir á hlut annarra, er fordæmd á sama hátt og hegðun sem klárlega er siðferðilega röng.

En takk fyrir áhugaverðar samræður.

[Snorri Óskarsson, 5.12.2009 kl. 14:51]

Valgarður

Sömuleiðis, takk fyrir góð komment. Ég hef ávallt gama og gagn af góðum aðfinnslum og nýjum áherslum.

Gleðileg jól og megi friður Jesú Krists fylgja þér.

kveðja

Snorri