Mannleg mistök eða hryðjuverk?

Það er fróðlegt að fylgjast með umræðunni. Öll Suðurnes úti í kuldanum. Það sem var fyrirséð þótti öfgafullt og menn kusu vægari aðgerðir en svo rættist hin vonda sviðsmynd, heitavatnsæðin fór í sundur.

Mér finnst Páll Valur, Vopnfirðingur hafa stigið fram á mjög heiðarlegan hátt og viðurkennt andvaraleysi bæjarstjórnar Grindavíkur meðan hann sat þar sem bæjarstjórnar maður. Sveitarstjórnarmönnum var gert ljóst að svona atburður gæti raungerst að eldgos, hraunflæði og orkuinnviðir gætu farið undir. En auðvelda leiðin var kosin að gera lítið sem ekkert. Í dag flokkast svona ákvörðun til ,,mannlegra mistaka"! 

HS veitur voru gerðar að ,,einkafyrirtæki" eða hlutafélagi sem hikaði ekki við að greiða hluthöfum ,,arð" af því fé sem hefði átt að nýta til varnaraðgerða. Þeir sáu gróðann en ekki ábyrgð sína eða veikleikann?

Þjóðaröryggisráðið tók málið til umfjöllunar og mat áhættuna rétt en fór sér hægt. Nú sitja 30000 manns úti í kuldanum. Má segja þetta?

Ólíkt fara fréttamenn að. Um daginn lenti utanríkisráðherra í kjafti Telmu og Jóhönnu Vigdísar vegna ástandsins á Gaza. Gazabúar komu sér í þessa stöðu vegna þeirrar ákvörðunar að kjósa Hamas yfir sig. Í des. sl. flutti mbl.is frétt um það að 70% Gazabúa styddu hryðjuverk Hamas í Ísrael. Þá var bæði fagnað á götum Reykjavíkur og gleðilæti voru um alla Gazaborg. Félagið Ísland-Palestína hefur verið eins og áskrifandi að fréttum í sjónvörpunum. Þeir hafa verið gerðir sem fulltrúar friðar og réttlætis þrátt fyrir að vera æstir stuðningsmenn hryðjuverkasamtakanna Hamas. En Bjarni sem hefur ábyrgð á svörum og afstöðu Íslands er meðhöndlaður sem fáviti og mannhundur að draga hjálpina gegnvart Gazabúum.

Svo kom forsætisráðherra í Kastljósið sl. fimmtudag og var látin upplýsa aðkomu Þjóðaröryggisráðs að innviðarmálefnum Suðurnesja. Það var farið mjúkum orðum í spjallinu við Katrínu sem ber ábyrgð á hraða snigilsins í öryggisaðgerðunum gagnvart Suðurnesjum og stærstu flugstöð landsins, anddyrinu að Íslandi!

Fréttamenn hefðu alveg mátt vera aðgangsharðari við Katrínu og mildari við Bjarna því Katrín ber ábyrgð á aðgerðunum á Íslandi en Bjarni ber enga ábyrgð á hernaðinum milli Gaza og Ísraels!

Mikið væri gott í ljósi þessara aðstæðna að heyra fleiri ábyrgðaraðila gera hið sama og Páll Valur að viðurkenna andvaraleysi meðan ekkert lá á aðgerðum. 

Hvað á að segja um sveitarstjórn Voga? Þeir hafa árum saman verið Þrándur í Götu við nýjar og styrkari raflagnir á Suðurnesin. Nú eru þau með ,,kertaþræði" til að flytja raforku og hvert heimili hefur ekki nema 2kW til að flytja viðbótar rafmagn og hita húsin í neyð! Ekki reyndist unnt að elda kvöldmatinn og hita híbýlin með rafmagni. Bæjarstjórn Voga ber ábyrgð á þessu ,,skorts ástandi"! Munu þeir viðurkenna ábyrgð sína á ástandinu?

Mér virðist vanta að þeir aðilar sem hafa hafnað nýjum virkjunum og hafnað styrkingu á flutningi orku um landið ættu að fá tækifæri til að játa sín ,,mannlegu mistök" og láta af aula afstöðu þeirra sem koma núna niður á 30 000 manna samfélagi.

Ef næsta gos nær Svartsengi og virkjunin eyðileggst, hvað verður þá um raföryggið um allt land? Búið er þegar að loka Steinullarverksmiðjunni á Sauðárkróki vegna orkuskorts. Enn skortir orku á Akureyri og Síldarbræðslurnar víða um land hafa tryggt sér orku með dísel rafstöðvum. Bera náttúruverndarsamtök einhverja ábyrgð á þessu ástandi? 

Af þessu má glöggt sjá að stjórnmálamenn og stjórnir á almannaheill okkar allra þurfa að skipta um skoðun og við eigum ekki að samþykkja ,,mannleg mistök" í ákvarðanatöku þegar annað blasir við. Okkar heill er mikilvægara en ályktun lítilla þrýstihópa og stjórnmálamanna á velferð okkar. Þeir gætu flokkast til hryðjuverkamanna gagnvart almenningi fyrir óheilla afstöðu þeirra og ákvörðunar að setja byggðir og ból á vonarvöl!

Er til of mikils mælst?

k.kv.

Snorri i Betel


mbl.is Bæjarstjórar funda: „Grafalvarleg staða“
Tilkynna um óviðeigandi tengingu við frétt

Hvaða afstöðu er rétt að taka?

Bjarni er dreginn fram sem illmenni. Umræða síðustu mánaða um ástandið á Gaza bendir til ,,þjóðarmorðs" og sinnuleysis Vestrænna ríkja meðan gyðingarnir eru sýndir sem vargar. Þeir eru sakaðir um að hafa stolið löndum og eignum Palestínu-Araba. Trúlega er það af hreinni óskynsemi og vanhyggju að blogga um þetta málefni en ég geri það samt.

Vitað er að deilan milli gyðinga og Araba byrjaði ekki 1967, eftir 6 daga stríðið. Sagt er að gyðingar hafi hrakið Araba frá Palestínu og gert þá að flóttamönnum í nálægum löndum. Spenna milli þjóðflokkanna er hægt að rekja frá 633 e.kr. þegar Islam var að ná taki á Mið-Austurlöndum. Gyðingar í Palestínu ætluðu að stofna sitt eigið ríki það ár en urðu frá að hverfa vegna andstöu Araba sem þá voru í sóknarhug með islam sem hugmyndafræði. Þetta ár 633 -634 var fyrsta tilraun gyðinga til sjálfstæðs ríkis eftir að hafa misst yfirráðin á landi sínu 586 f.kr. eða í 1219 ár.

Gyðingar bjuggu ævinlega í Palestínu þó svo að stór hluti þeirra hafi farið land úr landi og sest víða að. Trúin tengdi þá ævinlega saman og bænin ,,næsta ár í Jerúsalem" hélt draumnum um sjálfstæði og heimkomu lifandi meðal þeirra.

Mikil breyting verður um 1867 þegar gyðingar úr Evrópu hófu að flytjast inn í Palestínu með samþykki Tyrkja. Tyrkir höfðu þá ráðið svæðinu frá 1517. Bæði við Haifa, Galíleu og Húlavatn virtist landið óbyggilegt vegna Malaríu sem þar var landlæg. Gyðingar keyptu landsvæðið af Tyrkjum. Hektarinn var á tíföldu verði miðað við Ræktarland í USA. Þeir hófu gróðursetningu á Eukalyptustrjám frá Ástralíu á Malaríusvæðunum og þurrkuðu upp fúamýrarnar svo Moskítóflugan hætti að geta tymgast. Landbúnaður varð atvinnuvegurinn. Draumurinn var að setjast að í Jerúsalem. Þangað fóru margir gyðingar rétt um aldamótin 1900. Þá byggðu þeir útborgina ,Miskenot Shananim" rétt vestan við gömlu múra Jerúsaslem. Þeim var þó ekki vært í þeim byggingum vegna stöðugrar skothríðar frá Aröbum sem bjuggu í landinu.

Zionisminn kemur til sögunnar þegar fyrsta alþjóðarþing gyðinga var stofnað um 1897 í Genf í Sviss. Þar var tekin ákvörðun að hvetja til landnáms gyðinga í Palestínu. Megin ástæðan var sú að Dreifus málið í Frakklandi opnaði augu gyðinga um stöðu þeirra að þeir mundu aldrei njóta sannmælis né mannréttinda í Evrópu. Margt hafði gengið á  áður og ekki síður á eftir. Eina athvarfið virtist því gömlu göturnar, Gyðingalandið sem Biblíusögurnar áttu sér stað.

Í fyrri heimsstyrjöldinni tóku Bretar mið-Austurlönd af Tyrkjum. 1917 var árið sem yfirráð Breta hófust. Bæði Bretar,Frakkar og Þjóðarráðið í Genf stofnuðu uppúr því löndin Sýrland, Líbanon og Trans-Jórdaníu. Breska hugmyndin var að stofna landsvæði ætlað gyðingum og bræðrum þeirra Aröbum. Þjóðarráðið í Genf studdi hugmyndina og síðar SÞ 31.ágúst 1947. Þjóðir heims höfðu hvatt til stofnunar þessa ríkis en Arabaríkin höfnuðu tillögunni.

Þegar Gyðingar voru komnir með stuðning flestra ríkja SÞ unnu þeir bráðan bug að því að fullgera ríkjastofnunina og lýstu yfir sjálfstæði 14.maí 1948. Arabarnir höfðu líka notað tímann til að byggja upp heri sína því að mikil ófriðaralda hafði ríkt á þessu svæði um all nokkurt skeið. Um það má lesa í ferðabók Ásmundar Guðmundssonar biskups og Magnúsar Jónssonar, prófesors, í ferðalýsingu þeirra um ferðina til Fyriheitnalandsins árið 1936.

Þegar augljóst var mað að gyðingar ætluðu að stofna sitt sjálfstæða ríki voru arabískir íbúar svæðisins beðnir um að hverfa frá Palestínu og leita skjóls í öðrum Arabaríkjum meðan herir Araba hrintu Ísrael og gyðingum í sjóinn. Sjálfstæðisstríði hófst 15.maí 1948.

Í því stríði fóru gyðingar halloka á vesturbakkanum fyrir Jórdönum sem tóku það landsvæði og Jerúsalem frá gyðingum. Áður höfðu Bretar látið svæðið til yfirráða gyðingum. Svo hver stelur landi frá hverjum er sögulega séð augljóst. Arabar tóku mað stríðsátökum það sem Bretar höfðu afhent gyðingum. Að auki færðist bylgja brottrekinna gyðinga frá Arabalöndum og til Ísraels.

Enn í dag eru átök milli Araba og gyðinga eins og glöggt má sjá og heyra í fjölmiðlum. Enn er verið að hóta gyðingum útrýmingu og saka þá um landa stuld og sumt þaðan af verra.

Hvernig stendur á því að Vestrænir fjölmiðlamenn hlusta á þessar þungu ásakanir á gyðinga um þjóðarmorð og landvinninga á Arabísku landi? Þeir hafa ekki tekið annað land en það sem þeim var úthlutað eftir 1917 nema Golan hæðirnar. Eru menn hissa á því að þeir eru ekki tilbúnir að setja þær aftur í hendur Sýrlendinga? Áður höfðu Sýrlendingar notað þær til að skjóta fallbyssykúlum á bændurna í Galíleu hvort sem verið var að sá eða uppskera á ökrunum.

Samkvæmt skýrslum frá UNRWA, flóttamannshjálpar SÞ frá 1962 segir Snorri Bergsson, sagnfræðingur í bókinni ,,Heilagt stríð um Palestínu" (útg.Ax-forlag 1994): ,,Mikil hreyfing fólks hefur átt sér stað, sérstaklega á árum síðari heimsstyrjaldainnar þegar ný atvinnutækifæri urðu til í borgum og við hernaðaruppbyggingu Palestínu. Þessir örlagavaldar stríðsins og .. hærra hlutfall iðnvæðingar í Palestínu en í nágrannarékjunum drógu marga innflytjendur frá þeim löndum og margir fóru inn í Palestínu án þess að þeirra hefði verið getið í skrám."

Yfirmaður UNWRA í Jórdaníu, Galloway sagði: ,,Það er alveg ljóst að Arabaríkin vilja ekki leysa vandamál flóttamanna. Þeir vilja halda þeim sem opnu sári, sem andliti gagnvart SÞ og vopni á móti Ísrael. Arabalöndin kæra sig kollótt um það hvort flóttamennirnir lifa eða deyja."

Hefur eitthvað breyst frá 1948 - 2023?

Svo kom 7. okt. sl.og innrásin frá Gaza átti sér stað. Gyðingar höfðu nokkru áður búið á Gaza og sett upp mikinn landbúnað á svæðinu. SÞ og Vesturveldin vildu fá gyðingana brott frá Gaza og lét Aríel Sharon IDF fjarlægja alla gyðinga frá svæðinu með heitstrengingum að SÞ tryggðu öryggi Gaza og gyðinga. Það sem gyðingar skildu eftir á Gaza voru landbúnaðartæki, búfénaður, hús ,Skólar og synagógur.  Allt var lagt í rúst. Ekkert notað af því sem gyðingarnir byggðu upp en eldflaugar fóru að fljúga þúsundum saman yfir til Ísraels. Hvað gerðu Vesturlönd? Hvar voru SÞ? Öll loforðin um öryggi og góða stjórn á landsvæðinu hurfu eða urðu aldrei til.

Hverjir falla á Gaza? Við heyrum aðeins um konur, börn og gamalmenni. Ekki einn Hamasliði hefur fallið. Eru þetta trúverðugar tölur?

Það hefur verið vitað í öllum stríðum milli gyðinga og Araba að konur hafa fallið í áberandi miklu hlutfalli. Írösku hermennirnir klæddu sig í Búrkur yfir herklæðin til að afla samúðar fréttamanna á málstaðnum. Þetta var 1948. Arabarnir nýta enn í dag sömu meðölin á Vestræna fjölmiðla og enn virka þessi meðöl mjög vel. Samúðarbylgjan fer yfir Vesturlönd og hrópað er Free, Free Palestíne!

Palestína verður ekki Frjáls fyrr en Islam og blekkingar Araba verða að engu gjörðar. Líf og limir Palestínumanna eru í húfi og þeir einu sem eru að bjarga þeim frá ofbeldinu og hinum illa áróðri eru gyðingarnir sjálfir.

Vonandi stendur Bjarni áfram í lappirnar og lætur arabískan áróður ekki hneppa sig í fjötra Ríkisútvarpsins og félagsins Ísland Palestína. Það eru nútíma nazisk samtök sem kæra sig ekkert um sannleikann eða hvernig málavextir eru.

Ég stend með Bjarna!!

Snorri í Betel 


mbl.is Segja ákvörðun Bjarna gerræðislega
Tilkynna um óviðeigandi tengingu við frétt

Nútíma ,,kristni"?

Kristin trú samanstendur af boðskap Jesú frá Nazaret, spámönnum Gamla-testamenntisins og Postulum, sendiboðum Jesú. 

Þar er að finna afar merkilega heimsmynd og kenningar sem eiga í vök að verjast og jafnvel hafa örfáa fylgjendur í dag. Þó Íslendingar eigi sína ríkisreknu þjóðkirkju og all flestir hafi gengið til spurninga og látið fermast, þar sem þeir lofuðu að ,,leitast við af fremsta megni að gera Jesú Krist að leiðtoga lífsins", þá hafa menn það ekki alveg á hreinu hvað slíkt innifelur.

Jesús talaði um Guð sem ,,Föður"! Hann kenndi okkur bænina ,,Faðir vor" og lagði áherslu á að hafa Guð í fyrsta sæti. ,,Helgist þitt nafn, tilkomi þitt ríki og verði þinn vilji" eru fyrstu bæna orðin í þessari áhrifa miklu bæn. Hvað er gert til að ,,helga nafn Guðs"? Hvað viljum við með ákallið ,,Faðir vor"?

Þegar 100 000 íslenskar konur fylltu Arnarhól með slagorðinu ,,fokk feðraveldið" þá var þetta allavega hörð andstaða við  Guð, föður, skapara himins og jarðar og okkar mannanna. Við erum jú sköpuð í hans mynd. !00 000 konur af 380 000 manna þjóð er all stórt hlutfalla. Er ekki eitthvað sem á vantar í trúfræðin?

Jesús fræddi lærisveina sína um Guð föður,skaparann! Hann sagði: ,,hafið þér eigi lesið að skaparinn gjörði þau frá upphafi karl og konu...? Í dag er frekar gert ráð fyrir ,,þróun" mannsins og litið svo á að einhversstaðar eigum við ,,sameiginlegan forföður" með apanum. Apinn telst vera hluti náttúrunnar en ekki við. Helstu náttúruverndarsjónarmið eru í því fólgin  að vernda,kletta,vötn, fljót og búsvæði dýra. Þar er maðurinn útilokaður og jafnvel sagt að maðurinn eyðileggi náttúruna. En hvað með skaparann? Hvað með kenningu Krists um skaparann? Er kirkjan þar?

Hvað með ,,karl og konu"? Nú tala menn um miklu fleiri kyn! Það telst ekki mikið stórmál að breyta karli í konu. Sá aðili sem er. gerður frá karli í konu verður þó aldrei á blæðingum og getur aldrei fætt af sér barn. Þessi breyting útilokar ,,karl-konuna" frá föður- og móðurhlutverkinu. Jafnvel þó að við setjum inní íslenska tungu mikið af nýjum orðum til að  svara kalli samtímans um Transréttindin þá breytum við ekki eðli líkamans. Karllíkami getur aldrei orðið móðir og kvenlíkami verður aldrei faðir! En hvað með ,,Skaparann" fær hann sína stöðu í heimsmyndinni?

Jesús háði heilmikla glímu við Djöfulinn. Sú glíma tók 40 daga. Hann sagði okkur líka frá góða sæðinu sem ,,Mannssonurinn sáir" og af því koma ,,börn ríkisins" og svo ,,illgresið, börn hins vonda. Óvinurinn sem sáði því er Djöfullinn!"

Fer ég afturfyrir miðaldirnar ef ég tefli þessu fram? Hvenær heyðir þú síðast talað um Djöfulinn í stólræðunni í kirkjunni?

Óttar geðlæknir hafði orð á þessu í skoðun sinni um daginn er hann segir: ,,Söfnuðurinn afneitar honum (Djöflinum) eins og hverri annarri bábilju." 

En hvað segir postuli heiðingjanna? Sánkti Pétur hefur orð á þessu í pistli sínum: ,,Verið algáðir, vakið. Óvinur yðar, djöfullinn gengur um sem öskrandi ljón, leitandi að þeim sem hann geti gleypt. Standið gegn honum, stöðugir í trúnni...!

Verð ég ,,nútíma kristinn" ef ég hafna kenningunni um Djöfulinn?

Hvort þarf ég að sveiga kristnu trúnna mína að nútímanum eða nútíma hugsun mína að Orðum Jesú Krists? Má Jesús hafa og njóta höfundarréttar á trúarkenningum kristninnar?

Páll postuli rær á sömu mið. Skoðum boðskap hans til Korintumanna. Þar talar hann um að meðhöndla skoðanir okkar með þessum orðum: ,,Vér brjótum niður hugsmíðar og allt sem hreykir sér gegn þekkingunni á Guði og hertökum hverja hugsun til hlýðni við Krist.

Hvernig líst mönnum á? Er ég með miðaldahugsun og guðfræði ef ég læt boðskap höfunda og boðbera kristninnar njóta vafans?

Já, vel á minnst, hið illa í heiminum! Hvaðan kemur það? Óttar nefnir tvo aðila sem haga sér eins og Djöfullinn. Fyrri var ,,afi" hans er hann er látinn segja: ,,verstur er sá djöfull sem býr hið innra með manni sjálfum"! Hinn er læknirinn sem ,,talar eins og Djöfullinn" við skjólstæðing sinn með þessum orðum:,, Við erum samherjar"!

Það er agn sett á öngulinn fyrir þig, lesandi minn. Það er kallað vinsældir og velvilji. Að vera eins og nútíma kristinn og samþykktur er fólgið í því að nota ekki Biblíuna nema ,,jákvæðu orðin" til að ,,uppörva" alla. Orðin sem stinga, fræða, leiðrétta og jafnvel meiða vilja menn helst sneiða hjá. Hver vill vera ,,umdeildur"?

Það er gjarnan notað gegn mér :,,Snorri, þú ert svo umdeildur"! Var Jesús Kristur ,,umdeildur"? En Páll postuli? Af hverju ættum við að sleppa?

Takir þú þeirra orð sem opinberun á heiminum eins og hann er þá verður þú líka umdeildur. Það er alls ekki neikvætt í þessari mjög svo rugluðu veröld og illu veröld sem við lifum í!

Já, hið illa í heiminum? Hvort kemur það innan frá, úr hjarta mannsins eða frá óvininum, djöflinum sem sáði vilja sínum í syndum spilltu hjörtu manna?

Ef þú vilt láta ,,hjartað leiða þig" vertu þá viss um að jesús hafi fengið að sá sínu orði og sinni heimsmynd inn í sálu þína og hug! Maður með hjartabilun fær ekki skírteini!

Snorri í Betel


Hvar er ,,Viðlagasjóður"?

Nýtt frumvarp var lagt fram á Alþingi í dag. Sigmundur Davíð kom með mjög áhugavert sjónarmið að nota fjármuni sem fyrir eru í stað þess að auka skatta á almenning.

Er það ekki svo, að Viðlagatrygging og Viðlagagjald er að finna í skattakerfinu. Við erum að borga þetta í ,,vörugjöldum" til að eiga varasjóð þegar í harðbakkann slær og náttúran rumskar. Hvar eru peningarnir?

Ég er algerlega sammála því að nýta sameiginlega fjármuni til að vernda virkjanir, byggðir og hafnir fyrir náttúru vá. En ef við erum að greiða nú þegar, ákveðið gjald til að viðhalda ,,Viðlaga-tryggingunni" er þá ekki óþarfi að koma með nýja gjaldtöku? Það mætti hækka gjaldskránna um þessi 8prómill.

Þegar gosið kom upp í Vestmannaeyjum fyir 50 árum þá var ríkisstjórnin ekki sein á sér að lána hverjum lögráða Eyjamanni 50.000kr strax. Svo greiddum við lánið mjög fljótlega þegar vinnan var komin og öryggið til framfærslu. Ríkissjóður hefur ótal möguleika á aðgerðum til góðra verka án þess að senda Grindvíkinga á lágar atvinnuleysisbætur til framfærslu. 

Ásmundur Friðriksson benti á það sem Alþingi ætti að samþykkja og það er gjaldfrestun á greiðslum lána Grindvíkinga og rýmka til fyrir þá meðan allt samfélag þeirra er í upplausn. Það léttir verulega á einstaklingum og fjölskyldum að vita hvernig má létta og mýkja ástandið Suður með Sjó.

Eitt er mér þó til mikillar furðu. Af hverju nefnir Forsetinn aldrei Guð þegar kemur að náttúru vám? Þó er hann ,,verndari Þjóðkirkjunnar"! Á Gosafmælinu í Eyjum hrósaði hann Eyjamönnum fyrir æðruleysi og samstöðu og í Hallgrímskirkju í gær hrósaði hann Grindvíkingum fyrir að hugga hvorn annan í eymdinni. Það má alþjóð vita að í gegnum svona voða atburði stendur enginn af sér storminn nema æðri máttur, Guð, komist að. Vonandi eiga Grindvíkingar ekki eftir að sjá höfnina hverfa, hús sín kaffærast í hrauni og sitja síðan eftir með aðeins brot af bótum fyrir andvirði fasteignanna sem eyðilögðust.

Hér má hið háa Alþingi koma að málum til að tryggja Grindvíkingum farsæla framtíð.

Sjá ekki allir að Svartsengi er í uppnámi? Hvað gera menn ef rafmagnsframleiðslan hættir. Heil virkjun farin! Má þá byggja aðra? Náttúruverndarsjónarmiðin hafa  farið í harða andstöðu við virkjunaráform undanfarinna ára. Það er betra að hafa fleirri en færri virkjanir. Hafa Vogar ekki staðið árum saman gegn bættum flutningi á rafmagni um sitt land og óskað eftir að flutningslínurnar verði meðfram fjöllunum, gossvæðinu?
Hvenær ætla Íslendingar að læra að búa í landinu, gera það ,,undirgefið okkur" og nýta auðlindirnar öllum til góðs? Sjá menn það ekki að þar sem virkjanir eru þar er fögur náttúra og vel gengið frá svæðinu umhverfis mannvirkin?

Guð blessi Ísland allt og sérhvert byggðarlag!

Amen.

Snorri í Betel


Frjáls Palestína?

Er hægt að standa fyrir framan ráðherra landsins, ausa yfir þá óbóta skömmum, saka þá um linkind í afstöðunni til Ísraels vitandi að Palestínumenn frá Gaza komu af frjálsum og fúsum vilja til að fara svona með(lýsingar ekki prenthæfar) velgjörðarmenn sína, án þess að íhuga árás Hamas á Ísrael?

Gæti hin frjálsa Palestína ekki alveg eins teygt anga sína hingað til lands og gjört á Íslandi slíkt hið sama?
Ég á miklu meiri samleið með gyðingum og afstöðu þeirra til Araba heldur en hið Islamska Jihad. Íslendingar verða að opna augu sín fyrir því hvað ,,Frjáls Palestína" þýðir á mannamáli. Hún byggir á Sharía-lögum þar sem gyðingar, kristnir, hórur og hommar eru réttdræpir á almannafæri.

Það sem Araba vantar er gyðingleg kristin gildi í samfélagið og að meta lífið meira en nokkuð annað í mannheimi. Elska skaltu Drottin Guð af öllu hjarta, öllum mætti og allri sálu og náungann eins og sjálfan þig. Þessa skoðun vantar algerlega í Hamas. Þeirra markmið er að útrýma Ísrael.

snorri í Bertel


mbl.is Drápu alla sem á vegi þeirra urðu
Tilkynna um óviðeigandi tengingu við frétt

Vættir eða Guð?

Hvort er öflugra Guð vors lands eða vættir fornaldar. Við kristnitöku voru átök og ,,við sjálft lá að Alþingi berðist"! Mönnum var ekki sama um trú á hin fornu goð eða trú á Jesú Krist, sem sigraði dauðann og djöfulinn. Hann var dæmdur saklaus af Pílatusi og fór fyrir þig og mig til að ná vopnum dauðans og Satans svo þeim tækist ekki að tortíma öllu lífi í mannheimum. Mér finnst eðlilegt að minna á að heiðnir menn eru sagðir hafa varpað 4 mönnum ofan af brún Almannagjár til að efla goðin í andstöðu við hina nýju trú, kristnina. Trúarjátningin sem menn fara iðulega með á tyllidögum segir reyndar:,,Ég trúi á Guð, föður,almáttugan, skapara himins og jarðar..."! Það er því nokkuð tákn tímanna að eftir að hundraðþúsund konur hrópuðu á Arnarhóli. ,,Fokk feðraveldinu" og gjörðu sig að andstæðingum Guðs Föður, þá skuli koma tilboð um að fólk kynni sér galdra og fordæðuskap.

Kristin trú hefur mjög sterkar skoðanir á þessu og segir eftirfarandi: ,,Nei, heldur það sem heiðingjarnir blóta, það blóta þeir illum öndum, en ekki Guði. En ég vil ekki að þér hafið samfélag við illa anda. Ekki getið þér drukkið bikar Drottins og bikar illra anda. Ekki getum vér tekið þátt í borðhaldi Drottins og borðhaldi illra anda? Eða eigum vér að reita Drottin til reiði?" (1.Kor. 10: 20 - 22)

Þessi tillaga Höllu Signýjar er því tillaga um að við vekjum upp reiði Guðs gagnvart landi og þjóð. Við höfum ekki efni á því að fá andstöðu hans yfir okkur. Við getum ekki einu sinni lagað peningamál launþega og ofurgræðgi peningstofnanna hvað þá sjávarútveg eða landbúnað!

Þetta er líka opinberun á því sjúka hugarfari sem við höfum alist upp við með því að blanda saman þjóðkirkju, sem á að vera Kristin og svo okkar eigin trú og áliti sem býr til grautinn úr afgöngum trúarbragða. Hér á landi tengja menn saman, bæn, Yoga, núvitund og innhverfa íhugun. Margt komið frá framandi menningarheimi þar sem enginn Heilagur Andi er hluti af trúnni. Þetta minnir á trúarviðhorf Samverjanna sem Biblían greinir frá og segir: ,,Samverjar gjörðu sér sína guði, hver þjóðflokkur út af fyrir sig og settu þá í hæðarhofin er þeir höfðu reist, hver þjóðflokkur út af fyrir sig, í sínum borgum þeim er þeir bjuggu í.  Babylóníumenn gjörðu líkneski af Súkkót Benót, Kútmenn gjörðu líkneski af Nergal, Hamatmenn gjörðu líkneski af Asíma, Avítar gjörðu líkneski af Nibkas og Tartak, en Sefarvaítar brenndu börn sín til handa Adrammelek og Anameæel, Sefarvaím-guðum......Þannig dýrkuðu þá þessar þjóðir Drottin, en þjónuðu þó um leið skurðgoðum sínum. Börn þeirra og barnabörn breyta og enn í dag eins og feður þeirra breytu. (2.Kon. 18. 19 - 32 og v. 41)

Átrúnaður er nefnilega enginn leikur. Kristnum mönnum er hollast að halda sér við hinn upprisna, sigurvegarann sem hfur allt vald, bæði á himni og jörðu. Því eins og atburðir fyrir botni Miðjarðarhafs sýna okkur glöggt að þá er afar stutt í endurkomu Jesú Krist. Hann er sá eini sem getur stöðvað útrýmingu manna og gjöreyðingarstríð það sem nú er í gangi. Nær væri að þingheimur legði bæn þessa fram fyrir Guð: ,,Kom þú Drottinn Jesús"! Það er mikil þörf á að Þingheimur biðji um frið og Guðs vilja!

Snorri í Betel


mbl.is Góðar vættir hjálpi á Alþingi
Tilkynna um óviðeigandi tengingu við frétt

Maður kom fram, sendur af Guði??

Sr. Friðrik Friðriksson var ekki allur þar sem hann var séður. Frá því að ég kynntist Reyjavík hefur stytta hans verið við Lækjargötu. Mektarmenn hafa talið sig í hópi,,drengja Friðriks". Bæði íþróttafélög og kapellur bera nafn hans og hróður. Við útför hans var honum líkt við Guðs gjöf til þjóðarinnar og fram kom í líkræðu að honum var líkt við Jóhannes Skírara: ,,Maður kom fram sendur af Guði!  Við Háls í Svarfaðardal, fæðingarheimili Friðriks stendur líka minnisvarði um Sr. Friðrik. En....

Svo er kveikt á ljósi og skuggahlið mannsins  lýst upp. Þá brá mönnum og allir sendir í uppgjör. KFUM er kallað á neyðarfund því helgimynd Friðriks laskaðist verulega.

IMG_1548 Það ætti svo sem ekki að raska stöðu     hans á Íslandi því ef hann er eins og  DV greindi frá, að hann hafi verið hommi þá  ætti hann að geta fallið vel inní  íslenska samtíðarmynd. Við höldum  samtökum homma uppi með framlögum  borgarsjóðs og fyrirtækja. Kippum okkur ekki upp við presta, trúbadora eða listamenn sem stunda samkynhneigðina.  Umburðarlyndið okkar ætti ekki að verða  til þess að stytta Friðriks sé tekin af  stalli bara setja regnbogafánann við og taka manninn í sátt. Hann var jú, ,,sendur af Guði"! Og hvað með það þó svo að ,,homminn" hafi haft áhuga á drengjum? Samfélagið hefur sýnt mikinn áhuga á umburðarlyndi gagnvart samkynhneigðum og vikið frekar kennurum frá sem vara við þessari kennd eða benda á hættur sem fylgja því að afhenda Samtökunum 78 kennslu barna um Trans-lifnað eða samkynhneigð?

Er styttu KFUM af leiðtoga sínum  ekki alveg eins gott að bera umburðarlyndi samtímans vitni og láta Friðrik vera kjurran með drenginn sinn?

Eða er þjóðin núna vakin enn eina ferðina til meðvitundar um að samkynhneigð er ekki í lagi, hvort sem hún er stunduð af lærðum eða leikum, prestum eða öðrum.

Vonandi vekur þetta þjóðina til að hún endurskoði afstöðu sína og umburðarlyndi gagnvart syndinni og taki þá afstöðu að það er best að vera sammála Guði um þennan málaflokk. Þeir fá ekki að erfa Guðs ríkið og því er eðlilegt að við höfum sömu afstöðu. Þess vegna eiga hvorki fyrirtæki eða borgarsjóður að stuðla að útbreiðslu þessa lífsmáta samkynhneigðra eða kennarar að fræða um þessar kenndir sem sjálfsagðar og eðlilegar. Þess vegna ætti þjóðkirkjan að taka sig saman í andlitinu og vera sammála postulanum og Jesú Kristi em báðir töluðu gegn lífsmáta Sr.Friðriks Friðrikssonar frá Hálsi í Svarfaðardal.

,,Maður kom fram, sendur af Guði og sagði: ,,Öxin er þegar lögð að rótum trjánna og hvert það tré sem ber ekki góðan ávöxt verður upp höggvið og í eld kastað"!

Mannfjöldinn spurði Jóhannes, ,,Hvað eigum vér að gjöra"??

Snorri í Betel


Hvert er best að snúa sér?

Jörðin skelfur.

„Eins og þetta er núna þá eru nánast öll þessi stóru virku eldstöðvakerfi í einhverjum þannig ham að það má búast við eldgosum.

Landbúnaður harmar.

„Mjólkurframleiðendum og öðrum bændum fer stöðugt fækkandi og atvinnugreinin stendur frammi fyrir blýhúðuðum starfsskilyrðum beint frá Evrópu og auknum álögum, sem samþykktar voru á nýliðnu þingi, í ofanálag.“

kirkjan þjökuð.

 „Má þó öll­um ljóst vera, sem þekkja bisk­ups­fer­il henn­ar, að hún er óheiðarleg og und­ir­för­ul og al­gjör­lega ófær um að axla þá ábyrgð sem bisk­up­stign fylg­ir,“ skrifar Kristinn Jens.

loftið ofþornar:

„En hins vegar hefur þetta áhrif á til dæmis veiðar í ám og það er afskaplega lítið vatn orðið í mörgum ám sér maður á mælingum. Og ekki bara á þessum þurrustu svæðum heldur almennt á landinu, þá er vatnafar svona með lakasta móti.“

Allt verður ,,Íslands-óhamingju að liði" ritaði Jón Ólafsson á sínum tíma þegar Grímur Thomsen féll niður um vök og drukknaði ekki eins og ritstjórinn orðaði það.

SÁÁ nefnir ,,rakaskemmdir":

Rannsóknir og reynsla um allan heim er að eftir því sem auðveldara er að nálgast áfengi, þeim mun meira er drukkið. Verðlagning áfengis skiptir þar öllu máli. Meiri drykkja veldur meira tjóni, heilsufarslega og samfélagslega, svo einfalt er það.

Ég gæti haldið áfram. Af nógu er að taka. Veilurnar í okkar landi eru nefnilega talsverðar. Hvort sem við nefnum íslenska náttúru eða hugarfar landans þá er margt sundurbrotið hjá okkur.

Ógnir haturs:

„Þetta er nýtt vín á göml­um belgj­um þar sem verið er að hampa hvíta kyn­stofn­in­um. Er­lend­is sjá menn orðræðu í átt að auk­inni kven­fyr­ir­litn­ingu, andúð á hinseg­in sam­fé­lagi og andúð á inn­flytj­end­um,“ seg­ir Run­ólf­ur.

 Það er jákvætt ef mælt er með endurlífgun Íslenskunnar en hættulegt að tala fyrir að meta betur íslenska kynstofninn.

Ábyrgð litla mannsins !

gaf VR út yf­ir­lýs­ingu þar sem fram kom að brot bank­ans við sölumeðferð á eign­ar­hlut rík­is­ins í bank­an­um væru með öllu óá­sætt­an­leg og að starfs­fólk ætti að bera ábyrgð frek­ar en að kostnaður við sekt­ir falli á neyt­end­ur

Hvað er til ráða?

Þjóðfélagsumræðan fer þessum höndum um samfélagið okkar. Þessar setningar eru teknar úr blöðum samtímans og greina frá þjóðfélagsmeinum okkar. Auðvitað er ekki allt í himna lagi allsstaðar en Viljum við hafa óbreytt samfélag með þessum meinum? Ég segi nei! Því að þessar athugasemdir blaðanna og pistlahöfunda sýna svo vel að siðvit þjóðarinnar hefur borið hnekki. En það er auðvelt að laga málin.

Tökum aftur mark á kristna boðskapnum að elska Guð af öllu hjarta. Það er svo ótrúlega margt sem færist þá til betri vegar í siðferði, hugarfari og hegðun þegar Guð er settur nr. 1

Eftir það kemur náunginn. Guð er grundvöllurinn með Jesú Krist að hrningarsteini og mælikvarða á hvað telst rétt og rangt.

Biblían segir: ,,áður en sveinninn hefur vit á að hafna hinu illa og velja hið góða..." Þetta er grunnurinn að uppeldisfræðinni og uppeldi foreldranna á börnum sínum. Að þekkja muninn á góðu og illu, réttu og röngu!

Grunnurinn er að siðferði og siðvit sé kennt. Börn þurfa að læra mun á réttu og röngu annars eru þau tekin og flutt inní heim og veruleika sem þau ekki tilheyra en aflagar göngulag á vegi lífsins.

Flöggum krossfánanum og varðveitum kristnu gildin.

Snorri í Betel

 


Jesú óvelkominn?

Mbl. greinir frá áhyggum varaformanns kirkjuþings um þrönga stöðu Jesú í samfélagi okkar á Íslandi. Á örfáum árum hefur honum verið skákað svo rækilega út af borðinu að hann er ekki talinn kennsluhæfur í grunnskólum landsins og í kirkjunum er hann afskræmdur með alskonar tengingum við lífsmáta og ,,manngerðir" sem vita ekki hvers kyns þeir eru.

1. Jesús Kristur var karlkyns og kenndi lærisveinum sínum að ávarpa Guð á himnum með orðunum: ,,Faðir vor"!

Þess vegna á hann ekki inni hjá þeim sem ónotast út í ,,Feðraveldið"! Hlutverk feðra má ekki vera stórt því þeir eru sagðir ,,Drottnar" yfir stúlkukindunum og konum yfirleitt.

2. Jesús Kristur talaði og kenndi um ,,Skaparann"! Fyrir bragðið á hann ekki fylgismenn innan ,,Vísindasamfélagsins" sem trúa á þróun en ekki hugvitsamlega sköpun.

Grunnskólabörnum er innrætt vísindahyggja sem þarf hvorki á Guði að halda né Vitrænni hönnun í okkar efnisheimi. Þó er viðurkennt af Vísindunum að þá skortir þekkingu á 95% hins sýnilega og ósýnilega heimi. Þeir voru að senda út í geim sjónauka sem á að varpa ljósi á ,,hulduefnið" í himingeimnum sem er víst 95% af efnisheiminum. Það sem augað sá ekki og eyrað heyrði ekki það hefur Guð fyrirbúið þeim sem á hann trúa (1.Kor.2:9)

Jesús Kristur fellur illa inní heimsmyndina sem gerir hann að eiganda alls því Biblían segir okkur að hann sé: ,,fyrri en allt, allt sé skapað fyrir hann og til hans og að allt eigi tilveru sína í honum."! Þetta á kirkjan að boða og standa vörð um en fær þessi heimssýn að óma innan kirkjunnar? Hefur hún jafnvel sjálf úthýst Jesú Kristi? Hver maður skoði því sjálfan sig!

3. Synd er ekki nefnd á nafn okkar á meðal. Allt kristilegt starf á að vera svo ,,jákvætt"! Menn hafa t.d. tekið fagnandi orðunum: ,,Ást er ást"! Svo tengja þeir orðið við það sem okkur langar í óháð kyni eða aldri. Jesús Kristur segir að synd sé synd og hana eigum við að forðast. Sú kenning passar illa við okkar samtíma eða ,,afstæðan sannleika"  eða eins og við lítum á hann. Jesús kynnir sig sem ,,veginn, sannleikann og lífið"! Sá sannleikur er ekki afstæður eða breytilegur eftir því hvort við tilheyrum vinstrinu eða ekki. Jesús Kristur er óumbreytanlegur eins í gær og dag og um eilífð. Hann passar ekki inní nútíma ,,Woke" tíðarandann. Er nema von að ,,Woke" kirkjan og ,,Woke"samfélagið vísi Jesú Kristi á dyr?

4. Jesús boðaði okkur dómsdag. Á þeim degi verðum við að lúka Guði reikning um líf okkar. Að vita það að náðartíminn er aðeins núna, ógnar mönnum. Gærdagurinn er horfinn með okkar gjörðum, búið að skrá athafnir og orð; morgundagurinn ekki kominn og við illa undirbúin til að forðast freistingar. Við ætlum aðeins að ,,lifa núna" og njóta þess! En núna er tækifæri að snúa frá okkar villu og gera málin upp við Guð. En hvað segjum við?

Það gerir enginn upp málin sín nema Guð komist að. Þess vegna er Jesú Kristi úthýst af því að menn forðast sannleikann og vilja ekki gera upp syndir sínar við hinn almáttka.

En við sleppum ekki. Allir þurfa að mæta frammi fyrir dómstól Drottins. Nauðugir eða fúsir. Að vísa Jesú burt gerir okkur bara illt. Við verðum spurð út í þessi atriði bæði nú og síðar.

5. En þegar þjóðkirkjunnar þjónar sjá þessa þróun, spyrja þeir sig út í sína eigin ábyrgð? Innan þeirrar kirkju eru þjónar sem breyta ,,Faðir vor" í: ,,faðir vor og móðir". Orð Guðs er ,,lagfært" vegna kvennaguðfræði" og ef það er látið viðgangast átölulaust af hverju mega þá aðrir ekki eins breyta til eftir sinni ,,Woke"-heimsmynd? (Woke= stefnulaus)

Er ekki kominn tími til að kirkja og kristni hverfi aftur til upprunans og geri Jesú að DROTTNI í okkar samtíma. Orð hans eru sígild, eílif og varanleg. Segir ekki Lykla-Pétur: ,,En Orð Drottins varir að eílífu"?(1.Pét.1:25)

Snorri í Betel


Börnin og kynið!

Það var utan ímyndarafls míns að halda að fólk vissi ekki af kyni sínu. Strax við fæðingu var skráð að hún ,,fæddi dreng"! Ég var aldrei leiddur að þeim stað að ég þyrfti að ákveða kyn mitt; ég sem barn slapp við þessa hugmyndafræði.

Í kennaranámi og störfum var alltaf lögð áhersla að fræða en ekki innræta. Á mínum námsárum var vinsælt að spila lagið á plötunni ,,The Wall" þar sem sungið var .,,hey, teacher, leave the kids alone.."!

Árum saman kom það upp að kristinfræði ætti ekki heima í skólum þar sem hún væri ,,innræting" en ekki fræðsla og kennarar voru ekki tilbúnir að stunda trúboð hjá viðkvæmum aldurshópi.

Við 10 ára aldurinn voru börnin gjarnan látin læra um boðorðin 10. Þá var stundum lagt að okkur að fara varlega í 7.boðorðið. Það gat verið óþægilegt fyrir börn sem upplifðu skilnað og eða framhjáhald foreldranna. Yfirleitt kom spurningin upp í bekknum: ,,hvað er að drýgja hór"?

Í dag er þetta ekki lengur viðkvæmt mál í kennslu því hvar er kristinfræðin kennd? Enginn Gideonmaður kemur lengur og gefur 10 ára aldrinum Nýjatestamenti.

Er þá engin innræting lengur í skólunum?

Fyrir skömmu var unglingur í Borgarholtsskóla í heimili hjá vinum mínum. Hann spurði mig út í kynjafræði námsefnið sem honum var gert að læra. Hann sagði mér að þessi fræði væru ,,kol vitlaus" og ,,alger sóun á skólatíma"! Álit hans og skoðun breytti engu, kynjafræðin skal ofaní hann. Var um ,,innrætingu" að ræða?

Sumir foreldrar hafa sett skólum skilyrði að þegar S78 mæta með sitt námsefni (kynfræðsluna) þá fari börnin út og meðtaki ekki þá innrætingu sem höfð er þar um hönd.

Á Akureyri hafa þeir gert samning við bæjarstjórn um fræðslu á efni sem ,,enginn fær að sjá"! Nemendum haldið í gíslingu afla sem vildu ekki kristna ,,innrætingu" fyrir örfáum árum en skammlaust í dag bjóða uppá annarskonar innrætingu, sem foreldrarnir, uppalendur, fá ekki að þekkja né kynna sér.

Þarna eru heilbrigðar reglur samfélagsins færðar til og brotnar því hinn ögrandi lífsmáti sem fylgir Trans og kynvillu er reiddur á borð sem meðfæddur og óviðráðanlegur. Eina svarið er að láta undan og vera með.

Ég tek eftir að á sama tíma og þetta gerist blöskrar mönnum ,,græðgi" peningaafla og bankanna. Græðgina má líka flokka sem meðfædda því víða er hana að finna og bankakerfið þrífst mjög vel á henni. Ríkið sjálft hrósar happi yfir velgengni og góðri afkomu banka og orkufyrirtækja. En verkalýðshreyfingin mótmælir.  Hver stoppar græðgina? Alma?

Ef Verkalýðurinn gera athugasemdir við hinn óstjórnlega og meðfædda eiginleika, græðginna, er þá ekki tilefni til að heimilin fái einnig að gera athugasemdir við hinn illviðráðanlega eiginleika, kynhvötina? Mega börnin ekki fá heilbrigða kynfræðslu sem stuðlar að viðgangi stofnsins og skaffar nemendur til frambúðar?

Menn gætu sagt svo sem:,,það er sama hvaðan gott kemur"! Ef við græðum á ágirndinni og hún fær að snúa hjólum tilverunnar þá græða allir. Er það ekki?

Menn geta eins sagt við njótum ,,fjölbreytninnar" með þeim sem vill vera með.

En er samhengi milli þessara þátta og uppgjafarinnar sem sögð er leggjast yfir íslenska æsku? Eiturlyfin, sjálfsmorðin og þunglyndi.

Sumir fá ekki að standa sig vegna lágra launa. Þeir eru óhjákvæmilega ,taparar" á launamarkaði. Þeim er boðin þátttaka í ,,fjölbreytileikanum" og þá lifa menn lífi sem er fullt af áhættu. Trans er áhættu lífsmáti. Kynvilla er allt annað en skírlífi, sagði einn sem fór til Köben til að ,,lifa lífinu".

Hvað er verið að bjóða börnunum í skólunum? Er verið að opna fyrir ,,áhættu lífsmáta"?

Við erum ekki þau fyrstu í mannkynssögunni sem leggja börnin okkar að veði í áhættulífsmátanum. Fyrri kynslóðir gerðu þetta líka og við megum aðeins skoða reynsluna af þeim gjörðum.

Ég tefli fram bók sem kennd er í sagnfræði við HÍ, A brief history og ancient Greece. Þar má lesa um ,,frjálslynt" viðhorf milli nemanda og kennara. Í bókinni er sagt frá því að það taldist vera hið besta mál ef kennari hefði kynferðislegt samband við nemanda sinn (bls.113). Þannig var barnaníð jákvæð venja og kynvilla eðlileg. Íslenskt skólakerfi er ekki alveg komið þangað en mikið en nú skammt eftir!

Nú er risin aftur þessi múr að segja ekki, spyrja ekki, hlusta ekki, heldur aðeins að kennarar veiti börnunum sjálfsagða fræðslu. Nú skal kennarinn standa með trans- eða samkynhneigða barninu. Þá er nefnilega gert ráð fyrir því að þessar hvatir séu meðfæddar og þurfi aðeins að viðurkenna,  annars er svo mikil hætta á vanlíðan sem leiði jafnvel til sjálfsvíga. 

Bæjarstjórn Akureyrar fer enn eina ferðina gegn kennara sem bendir á að enginn fær að sjá námsefni sem börnum er boðið uppá í skólanum. Allir aðrir kennarar þurfa að kenna samkvæmt námsskrá sem yfirvöld hafa samþykkt og liggur galopin öllum. 

KÍ stappar niður fæti og á ógnandi hátt lætur kennara vita að þeir fái ekki vörn samtakanna í þessu máli. Kennarinn er skilinn eftir einn á kaldri braut. En þetta hafa þeir gert áður og fyrir mér var þar ekkert húsaskjól þegar mér var sagt upp.

Akureyrarbær var gerður afturreka með allan sinn málatilbúnað í mínu tilfelli en komst samt upp með glæpinn. því Hæstiréttur fór ekki að lögum þegar ég átti að fá bætur fyrir skaðann. Þá þurfti Akureyrarbær ekki að greiða meira en 3,5 milljónir sem voru ekki eins árs kennaralaun. Ég sannaði fyrir þeim að tap mitt hafi verið 15 milljónir. Hefði Hæstiréttur dæmt og bætt mér skaðann eins og lög gera ráð fyrir, þá væru viðbrögð bæjar- og sveitastjórna mun vægari en núna.

Erum við á einhverri hamingjuleið? 

Árum saman vann ég að unglingastarfi sem miðaði að því að leiðbeina unglingum frá áfengi og vímugjöfum því við sáum að afleiðingarnar eru vondar. Nú þarf SÁÁ að fjármagna starf sitt með álfasölu því viðurkennd er skaðsemi eiturlyfja og áfengis. Hvað er langt í það að við kaupum eitthvað merki til að fjármagna þá sem vilja vinda ofan af kynbreytingu sinni og komast aftur í sitt fyrra horf?

Þetta er orðið þekkt erlendis!

Má vera að þú, kæri lesandi, kærir þig ekkert um svona blogg eða skoðanir. En á meðan ég hef ennþá rétt til að tjá mig um málefni sem varla er hægt að spyrja um hvað þá ræða, ætla ég að tjá mig og benda á það sem Guð segir: ,,Hafið þið eigi lesið að skaparinn gjörði þau frá upphafi karl og konu og sagði: ,,Fyrir því skal maður yfirgefa föður og móður og bindast konu sinni og þau tvö skulu verða einn maður." (Matt.19:4-5 

 

Með kærri kveðju

Snorri í Betel


Næsta síða »

Um bloggið

Snorri í Betel

Höfundur

Snorri Óskarsson
Snorri Óskarsson

Er lífeyrisþegi og notar tímann til að fylgjast með Ritningunum rætast! Var safnaðarhirðir Hvítasunnukirkjunnar á Akureyri 2004 - 2018 og kennari í Brekkusóla frá 2001 til 2013.

Hef stundað kennslu frá 1973 á Vopnafirði. Gagnfræðaskóla Vestmannaeyja frá 1975, Barnaskóla Vestmannaeyja, Iðnskóla- Vélskóla og Stýrimannaskóla Vestmannaeyja. Gerðist kennari við Framhaldsskóla Vestmannaeyja við stofnun hans og fram til 1986. Hóf aftur kennslu við Hamarsskóla Vestmannaeyja uns ég flutti til Akureyrar sumarið 2001.

Hef veitt Hvítasunnukirkjunni Betel í Vestmannaeyjum forstöðu fram til miðs árs 2001 og verið forstöðumaður Hvítasunnukirkjunnar á Akureyri frá 2004 - 2018. 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • IMG_1548
  • friðrik
  • sveitadúkurinn
  • papakrossinn
  • Betesta

Heimsóknir

Flettingar

  • Í dag (19.3.): 7
  • Sl. sólarhring: 9
  • Sl. viku: 41
  • Frá upphafi: 240704

Annað

  • Innlit í dag: 6
  • Innlit sl. viku: 33
  • Gestir í dag: 6
  • IP-tölur í dag: 5

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband