Hverjir loka á Kristna?

Þessi aðferð hefur verið þekkt lengi að útiloka kristna frá tilbeiðslur- athöfnum. Stalín fór svona að, Vantrú hefur uppi þessar kröfur. Nazistar gerðu slíkt hið sama. Múslimar gera eins.
Svona er hægt að telja og benda á hverjir valda. En hvað veldur? Óttinn við að Guð, sem er öllum æðri, leysi fólk frá kúgun stjórnvalda og eyðileggi vantrúnna er helsta ástæða ofsókna. Kristnin bendir á að okkur er ekki allt leyfilegt. Menn mega ekki gera það sem þá lystir! Til er rétt og rangt, ást og hatur, réttlæti og synd.
Biblían segir:"Réttlætið hefur upp lýðinn en syndinn er þjóðanna skömm." Og menn byggja ekki upp réttlátt samfélag nema Guð sé inni í því.
Íslendingar þurfa að viðurkenna að Kína er ekki lýðræðisríki með opnum mannréttindum heldur risaveldi kúgunar og kommúnisma. Vita menn ekki að á síðustu öld þurftu 100.000.000 manns að verða drepin til að kommúnisminn kæmist á? Enn eru menn í valdastöðum hér á landi sem hafa aðhyllst þessa stefnu og eru "kínverskir" í hugsun!
Guðleysið er fjandsamlegt frelsi og mannréttindum. Guð er fjandsamlegur spillingu og synd.
Snorri í Betel

Kristnir Kínverjar handteknir í Peking

Naglarnir, Kaífas og Jesús

Það er merkilegt hvaða hugrenningartengsl myndast við þessa frétt. Kaífas og Jesús. Jesús og krossfesting vegna þess að Kaífas lagði blessun sína yfir að Jesús frá Nazaret yrði krossfestur af Rómarvaldinu. Svo koma naglarnir fram í gröf Kaífasar og þeir eru greinilega frá fyrstu öld og mönnum dettur stax í hug að naglarnir tengjast dauða Jesú, eins og Kaífas tengist dauða hans. Þessi "þrenning" verður ekki afmáð, Kaífas (sem þýðir þunglyndi), naglarnir (sem festu Jesú á tré bölvunarinnar) og Jesús (frelsarinn) sem með upprisu sinni opnaði okkar leiðina inn í tilveru án dauða og forgengileika.
Vitað er að Jesús var grafinn í grafreit hins ríka manns, Jósefs frá Arímaþeu. Hann, Jósef gæti hafa komið nöglunum til yfirvalda af því að hann fékk að taka líkið ofan af krossinum. Má vera að Kaífas hafi fengið naglana frá Pílatusi og haldið þeim til haga vegna upprisunnar og tómu grafarinnar.
Lærisveinarnir fengu í sína varðveislu sveitadúkinn sem geymdur er í Ovideo á Spáni, líkklæðin sem varveitt eru í Tóríno á Ítalíu en Kaífas, gyðingdómurinn, fengu naglana sem opnuðu sár handa og fóta.
Jesús dó dauða syndarans bæði fyrir Pílatus, Kaífas, þig og mig. Kaífas má hafa haldið nöglunum fyrir sig, sem táknmynd þess að dauði hins réttláta færði öllum þeim sem á hann trúa, rétt til að kallast Guðs-barn og erfa hið eilífa líf sem aðeins fæst í Jesú Kristil Við fáum að vita um þessa mögulegu gripi. En hvað varðveitir þú sem táknmynd þess að þú tilheyrir hinum upprisna Kristi?
Gleðilega páska
Snorri í Betel

Segist hafa fundið krossfestingarnaglana

Þá streyma vopnin inn?

Auðvitað er full ástæða fyrir Íraela að hafa einhverjar áhyggjur af málum nágrannalandanna. Líbanon hefur fengið stuðningsmann Hisbolla sem forsætisráðherra og nú er allt í upplausn í Egyptalandi. Vel má skynja hversu stjórnlaus og agalaus lýðurinn er að fara inna forngripasöfnin til að eyðileggja og stela ómetanlegum fornminjum. Sagan er þannig einskis metin og hvað þá öryggi svæðisins.
Auðvita má segja að í öllum þessum löndum er löngu kominn tími til breytinga svo meiri mannréttindi fái að vera viðurkennd um ríki Mið-Austurlanda.
En eitt er það ríki sem hefur stuðlað að mannréttindum og fyrirmyndar lífsmáta innan sinna landamæra. Það hefur lengi legið undir ámæli íslenskra fjölmiðla og ekki notið sannmælis Íslendinga.
Þegar það ríki sleppti takinu á Gaza 2005 og flutti sig innan landamæra Ísraels fylgdi í kjölfarið 20000 eldflaugaárásir sem vart var orð á gerandi í vestrænum fjölmiðlum.
Vitað er að Íranir hafa reynt að senda kynstrin öll af vopnum inná Gaza sem og Líbanon í þeim tilgangi einum að ala á sundrungu og óstjórn. Allt er víst leyfilegt þegar Ísrael er annarsvegar.
Vert er að fylgjast vel með þróun mála þvi spádómar Biblíunnar um síðustu orrustu mannkynssögunnar hefur ekki ræst en þessir atburðir gætu hæglega orðið hvati til þeirrar tortímingar.
Nú er mál að vakna.

Ísraelsmenn óttast að landamærin verði opnuð

Enn grjótkast?

Mig undrar nokkuð að grjótsöfnun verði til þess að gyðingar haldi 200 metra inná Gaza svæðið. Málum er nefnilega svo háttað að enn er verið að skjóta eldflaugum frá Gaza og inn til Ísraels. Ég fékk þetta sent um daginn þar sem Hillari Clinton er að ræða við æðstu menn Araba um samskiptin við Ísrael. En þetta er haft eftir henni: (læt textann fylgja á ensku):

" In an impassioned response to an Al-Jazeera reporter accusing the United States of double standards in the way it treated Israel and Arabs, Clinton emphasized Israel’s security needs and recalled its withdrawals from southern Lebanon in 2000 and Gaza in 2005. "You often make decisions based on your own experience and history," she said. "And when the Israelis pulled out of Lebanon they got Hezbollah and 40,000 rockets, and when they pulled out of Gaza they got Hamas and 20,000 rockets," Clinton said. (13.jan 2011)"

Hver sem fylgist með þessum málum sér að hér talar kona sem hefur fylgst með málun enda utanríkisráðherra Bandaríkjanna. Hennar stefna hefur ferið einmitt í því að fá menn til að bera klæði á vopnin. En Íran situr enn við sinn keyp og rær að því öllum árum að mynda feykilegan óstöðugleika á þessu svæði.

Á sama tíma eru stuðningsmenn Hamash á Íslandi að segja frá og flytja afbakaðar fréttir um grimmd og ósveiganleika Ísraelsmanna gagnvart Palestínu mönnum. Við heyrum gjarnan um "ólöglegar byggðir Ísraelsmanna". Eftir hvaða skylgreiningu er "ólöglegar byggðir"?

Vita fréttamenn það ekki að Bretar útveguðu gyðingum og Aröbum (Bedúínum) landsvæðið sem kallað var Trans-Jórdanía. Því var ætlað að hýsa bústaði gyðinga og Araba. Þar áttu þeir að geta búið saman í friði, sátt og samlyndi? Í óskiptu landi. Hverjir skiptu landinu? Arabar! Bera þeir svo enga ábyrgð?

Gyðingar hafa staðið við sitt og þeir Arabar sem búa innan landamæra Ísraels sækja þar vinnu, njóta þar réttinda, ganga í skóla, byggja sér heimili og njóta bestu kjara í öllum Mið-Austurlöndum. Það voru Arabar sem kyntu undir ófrið, meinuðu gyðingum aðgang að Jerúsalem, þrengdu að gyðingum og hótuðu þeim útrýmingu. Eftir að Israel var samþykkt sem ríki héldu Arabar enn áfram með þröngvanir, hótanir og hryðjuverk.

Nú dregur Hillari þessar staðreyndir fram að þegar gyðingar drógu sig frá S.-Líbanon þá komu Hesbolla og skutu 40.000 eldflaugum á Ísrael. Árið 2005 drógu Ísraelsmenn sig frá Gaza (burt frá ólöglegum byggðum gyðinga). Hvað fylgdi? 20.000 eldflaugar á Ísrael.

Gyðingar hafa reynt sitt til að efla friðinn. Þeir hafa meira að segja byggt upp mjög stórt landbúnaðarsvæði Jórdaníumegin Jórdanár sem framleiðir allt grænmeti fyrir Jórdaníu. Gyðingar eru sanngjarnir og friðsamir. En svo má deigt brýna að það bíti.

Ósanngirni Arabanna er skefjalaus, svo skefjalaus að hún nær langt út yfir búsvæði þeirra. Hún teygir sig til gervilimaframleiðenda, lækna og fréttamanna á Rúv. sem flytja, því miður, aflagaðar fréttir af gangi mála varðandi Ísrael.

Taka menn nokkuð eftir því hverjir eru að viðurkenna Palestínuríki- Araba, einmitt á þvi landsvæði sem við þekkjum söguna um miskunnsama Samverjann, Jakobsbrunninn og margar aðrar Biblíusögur! Það eru t.d. Rússar sem hafa alltaf vígvætt Arabaþjóðirnar gegn ísrael og griðlönd nazistanna í Suður-Ameríku. 

Nú er kominn timi til að draga fram spádómsbók Esekíels og lesa vandlega kafla 38 og 39 sem greina frá innrásinni miklu úr norðri, útrýmingastríði og endatafli Höðfingja illu andanna gegn Guði almáttugum. Ætli menn geti með engu móti forðast dómsdag?

Snorri í Betel 

Ísraelskir skriðdrekar í átökum á Gaza

Gleðileg jól frá Teheran!

Mér kom í hug nokkuð sem Nurmi Maliiki forseti Iraqs sagði um hryðjuverkin í heimi múslima að þau væru fjármögnuð af Írönum til að stuðla að upplausn í heimi Muslima. Hann rakti þræði hryðjuverkanna í heimalandi sínu til Teheran. Sama segja gyðingarnir um starfsemi Hamas og Hisbolla, að fjármagnið til þeirra komi frá Teheran.
Hinir kristnu í Egyptalandi vilja ekki láta bjóða sér sprengitilræði í jólagjöf og setja kröfuna á að ríkisstjórn Egyptalands sé þeim til varnar- auðvitað, sanngjörn krafa!
En í ljósi þessara atburða þá er rétt að skilja ástandið í þessum löndum. Þarna steðja ógnir að öllum. Þó að gyðingar skjóti ungling með Coke-flösku við bæinn Nablús verðum við að átta okkur á hvað ein óhlýðni getur þýtt. Allir sjálfsmorðs miðaðir í heimi múslima er alveg sama hverjir deyja með þeim. Hvort það er Svíi eða Dani, egipskur kopti, gyðingur eða þú. Þeir drepa, fjármagnaðir frá Teheran. Upplausnin og hatrið táknar víst "sigur"!
Veistu að frá því að gyðingarnir hættu árásum á Gaza hafa Hamasliðar viðurkennt að mesti fjöldinn sem féll í janúar 2010 voru bardagamenn Hamash. Veistu að enn eru Hamash menn að skjóta eldflaugum yfir á Ísrael? Það er gert til að stuðla að friðarumleitunum, er það ekki?
Er það skynsamlegt að leyfa trúarsamtökum sem mótmæla aldrei þessum hryðjuverkaárásum að hreiðra um sig í mosku í Reykjavík? Þeir geta sagt við okkur gleðileg jól, eins og í Kaíró og svo getur því fylgt útför fjölda kristinna einstaklinga!
Fram, fram fylking, forðum okkur hættu frá! Því hryðjuverkamenn vilja´oss ráðast á!
Farsælt nýtt ár.
Snorri í Betel

Fordæma sjálfsmorðsárásina

Að hætti spámannsins!

Þetta er hryllilegt að sjá. En samt nauðsynlegt í ljósi umræðunnar á landinu og þeirra átaka sem eru um alla Evrópu. Islam er meira en moska, búrkur og Kóraninn. Kóraninn er sagður vera hin sönnu orð Allah. Þar er leyft að kvænast ungri stúlku. Múhammeð, spámaðurinn og fyrirmyndin gekk að eiga 7 ára barn og átti við það samfarir þegar stúlkubarnið var 9 ára. Þessi Pujiono Cahyo gerir að hætti spámannsin. Fyrirmyndin er skír.Þessi spámaður, Múhammeð, var "warlord" eða stríðsherra. Hann vílaði ekki fyrir sér að drepa menn. Hann eyddi heilum ættum, væru þær honum ekki sammála. Jesús sagði við sína lærisveina, "slíðra þú sverðið".

"Afkvæmi" þessa spámanns eru t.d. samtökin Hisbollah og Hamas. Þessi samtök eiga nokkra talsmenn og dygga stuðningsaðila hér á landi. Menn í læknastétt sem láta mynda sig með Hania, æðstamanni á Gasa. Þau svæði sem þessi samtök ráða búa við kúgun, hörmungar og skort. Ísraelsmönnum er kennt um allar hörmungar fólksins og því er trúað hér á landi. Fjölmiðlar á Íslandi flytja fréttir af því að stuðningsmaður hryðjuverkasamtaka sé stöðvaður hjá yfirvöldum í Ísrael og látið í veðri vaka hversu mikið hryðjuverkaríki Ísrael er. Ætla menn aldrei að læra?Heimilislæknirinn hjálplegi má þakka fyrir að hafa verið skoðaður af Ísraelsmönnum. Honum var þá sleppt lausum að yfirheyrslum loknum en Gilat Shallit, ungi gyðingurinn sem Hamasliðarnir tóku fyrir 3 árum hefur ekki enn fengið frelsi. Og Mbl. eða Ruv. hafa ekki orð á því. Margur annar vestrænn vinur hefur einnig verið tekinn sem gísl og ekki fengið frelsi frá islamistum fyrr en greiðsla lausnargjalds hefur farið fram. En þannig vinna Ísraelar ekki. Og menn sjá ekki muninn!

Þessi frétt um Pujiono er opinberun um eðli Isams og það siðferði sem trúin boðar. Þar er einnig fölkvæni sjálfsagt og þar er ekkert trúfrelsi. Fréttir um Hamas og Hisbollah eru líka opinberanir um eðli Islams og hvaða meðul skulu notuð á "trúvillinga og gyðinga". Meira að segja almenningur í Múslimaheiminum býr við kúgun þessarar trúar. En að sækja þetta fólk heim er alveg frábært því það er mjög gestrisið og vinalegt við vestræna menn.  Guð gefi að við á Íslandi fáum opnað augun fyrir þeirri vá sem er að læðast inní landið í gegnum moskur, búrkur og vinafélag hryðjuverkasamtaka.

Það er allt í lagi að hafa aðskilnað ríkis og kirkju en ekki ríkis og Kristni. Því þá kemur Islam og yoga með barnabrúðkaupin í farteskinu. Er ekki eðlileg krafa þjóðar með eitthvað kristið siðferði að hafna mosku á íslenskri grund?Okkar skylda er að standa með Ísrael í gegnum þykkt og þunnt. Þeir hafa gengið í gegnum nógar hörmungar og ógnanir frá Palestínumönnum. Vita menn það ekki að Jórdanía var ætluð Palestínumönnum? Jórdanía er um 90.000 ferkm. hér um bil 4 sinnum stærri en Ísrael og svo vantar pláss fyrir Palestínumenn?

Ef Ísland stendur í gegn islam þá hjálpar það arabískum almenningi til að ná af sér oki stríðsherranna í Líbanon og Gaza.

kær kveðja

Snorri í Betel 

Klerkur dæmdur fyrir að kvænast barnabrúði

Að lesa hið ósýnilega?

Alveg finnst mér frábært að fylgjast með jarðhræringum sem birtast á vef Veðrustofunnar. Þar er hvort tveggja hægt að sjá staðinn og dýpið á upptökum jarðhræringanna. Allir þessir kappar sem koma síðan fram og gefa okkur fyllri upplýsingar hafa rýnt í aðrar "rúnir" sem gefa upp þenslu, færslu á GPS-punktum og fleirru.Hvernig ætli staða landsmálanna væri ef menn hefðu tamið sér svipaða "lestrarkunnáttu" á fréttum og upplýsingum úr mannlífinu. T.d. að fjármálahrunið var sýnilegt kunnáttu mönnum mörgum mánuðum áður en almúginn varð þess vís. Getum við t.d. lesið út úr fjárlagafrumvarpinu að allur þessi niðurskurður á þjónustu við almenning þýði hrun byggðar eftir nokkra mánuði. Hvaða ungafólk á barneignaraldri ætli vilji setja sjálft sig í samskonar áhættu varðandi barneignir og voru hér á landi skömmu eftir stríð?

Ef ungafólkið fer á "sjúkrahússvæðin" meðan á barneignum stendur þá eldist ákveðinn hluti landsbyggðarinnar mjög hratt.Enn fremur má taka fram að allur þessi mikli fjöldi fóstureyðinga er ills viti. Hvers vegna hafa menn ekki lært á það að eyðing á mannlífi hefur aldrei bætt kjör eða aukið lífsgæði. Er samhengi milli mikillar neystu geðlyfja og lífsmátans sem kostar börnin lífið? Hvað lesa menn út úr þessum upplýsingum?Mér hefur svo oft fundist þögnin vera eina ráðið sem menn nota gagnvart þessum málaflokki og vilja ekki lesa út úr upplýsingunum. Þær eru nefnilega ógnvekjandi. Hægt er að sjá að samhengi er á milli fóstureyðinga og ófrjósemi. Stúlkan sem lét eyða "missti hæfileikann" að verða ófrísk - en þetta má víst ekki segja.Hvað lesa menn útúr því þegar skólum er lokað fyrir prestum og Nýja-testamentinu af því að bókin hefur svo "gildishlaðinn texta" , eins og einn Siðmenntamaður komst að orði? Hvaða skilaboð eru það frá skólans hálfu til prestssonar eða prestsdóttur sem sækir skólann þar sem pabbinn er óæskilegur gestur. Eða barnið sem á pabba í Gídeon. Hann er ekki velkominn af því að hann er í "lífsskoðunarfélagi". En svo kemur gestur frá Samtökum 78 og fær að kalla alla á sal? Skyldu börnin ekki geta lesið hvað telst æskileg og óæskileg lífsskoðun?Bara ef við værum læs á hegðun manna þá væri mun auðveldara að segja og sjá hvert við stefnum.

Fyrir örfáum árum reis upp hippamenningin sem reif niður kristnu siðferðismúnana og boðaði frjálsar ástir án ábyrgðar. Þessi menning fæddi af sér börn sem nú stíga fram og krefjast þess að kristin lífsskoðun verði gerð burtræk frá ungri æsku Íslands. Sú æska mun ekki kannast við ábyrgð sína gagnvart forfeðrum sínum seinna og krefjast þess, að þegar amma og afi, pabbi og mamma verða veik þá fái þau strax "líknandi meðferð." Þannig sparast t.d. mikill sjúkrahúskostnaður.Það þarf ekki margar kynslóðir til að siðferðishrunið verði öllum auglajóst.

Við höfum t.d. glöggar upplýsingar frá fornum sagnariturum sem greindu okkur frá hruni þjóðfélaga sem við þeim blasti u.þ.b. 200 f.kr. Biblían segir: "Ofbeldið rís upp sem vöndur á ranglætið". (Esek. 7:11)Ertu læs á umbrotin í samfélaginu líkt og jarðfræðingar á umbrotin undir jökli eða iðrum jarðar?Guð hjálpi oss og blessi Ísland!

k.k.Snorri í Betel

Líkur á eldgosi í Grímsvötnum

Mannréttindi og Jesús!

"Leyfið börnunum að koma til min og varnið þeim eigi því að slíkra er Guðsríkið." Nú segir mannréttindaráð Reykjavíkur nei! Jesú Kristur fékk heldur ekki að njóta mannréttinda í sinni jarðvist. Hann var dæmdur saklaus en samt krossfestur.
Af hverju er kristnin, Gideon-testamentin, bænir og kristin lífsskoðun ógnun við mannréttindi? Þetta er merkileg niðurstaða vinstri aflanna á "Besta staðnum", Reykjavík. Þetta snertir óneitanlega skólastarfið með jóla- og páskafríum. Svo kemur uppstingingardagur og hvítasunnan með skemmtileg frí og tilbreytingar í náminu. Verður það ekki næsta skref að afnema frí á trúarlegum grunni? Þá er helgin eftir og varla má mismuna fólki út frá því hvort það haldi föstudag, laugardag eða sunnudag sem helgidag? Svo skólinn verður væntanlega "10-11" skóli eða opinn alla daga. Þá eru allir jafnir og mannréttindin búin að afnema allt sem tekur tillit til trúar og Guðs.
Þessi niðurstaða mannréttindanefndar Reykjavíkur er því undarlegri í ljósi þeirra frétta sem heyrast frá Hollandi, Þýskalandi of Frakklandi að áhrif múslima fara stórum vaxandi, svo kröftuglega að sum hverfi í stórborgum Evrópu lúta ekki mannréttindaráðum borganna heldur Sharíalögum múslima. Þá koma "bestu-fulltrúarnir" á Íslandi með þetta útspil að útiloka kristin áhrif úr skólastarfi. Þau eru einu svörin gagnvart ágangi múslima í vestræn þjóðfélög. Þar finna múslimar sanngirni og kærleiksríkt viðmót til að leysa deilur trúarhópa og hjálpsemi við andstæðinga sína.
Kristnin er ekki óvön því að lifa og starfa í skugga kúgunar. Hún fæddist í slíkum jarðvegi þar sem að Kristi var ógnað á allan hátt. Trúin breiddist út um stórveldi undir ógnunum og manndrápum sem yfirvöld í þá daga beittu gegn kærleiksboðskapnum um að Guð hafi í Kristi opnað mönnum dyr til eilífs lífs.
Þetta er því nöturlegra sem ég veit að kristnum mönnum er boðið uppá að nú sé sá tími kominn að best sé fyrir kristna að þegja um hvað Biblían segir um kynhneigð, lauslæti og slíka hegðunarlesti samtímans. Kristin sjónarmið eru þar af leiðandi, illa þokkað af yfirvöldum og mannréttindafrömuðum.
Nú er sá tími runninn upp að því meira frelsi sem samkynhenigðin fær þá skerðist réttur kristinna manna, kristinnar kirkju og fjölskyldugildi kristninnar send í útlegð frá skólakerfi okkar.

Miðað við þær fréttir um kynsjúkdómafaraldur hjá ungu fólki þá er bersýnilegt að kristnu gildin hafa ekki náð til ungafólksins svo landið stendur frammi fyrir vali á mannréttindum sem hafna kristinni trú og kristnum siðferðisreglum. En var það ekki einmitt kristnin sem gaf manninum réttinn til sóma, jafnréttis og bræðralags?
Ef rót mannréttindanna verður drepin (kristin trú) þá munu mannréttindin breytast í forréttindahópa og elítuúrval sem fær öll réttindi og fátæklinga eða smælingja sem hafa engin réttindi.
En þessi ályktun mannréttindanefndarinnar er einnig gríðarleg áminning fyrir kristna kirkju að ekki semja um grunngildi kristninnar og gengisfella t.d. hjónaband og afstöðu kristins boðskapar um hvað fær ekki að erfa Guðs ríkið. Umræðan leiðir það í ljós að kristin trú er ekki útsöluvara til að kirkjan fái vinnufrið, óskert fjárframlög eða vinsældargælur.
Guð lætur ekki að sér hæða. Hann segir að syndir feðranna koma niður á börnunum. Þessi niðurstaða mannréttindanefndar "Besta hópsins" er skaðræði fyrir börnin okkar, komandi kynslóðir.
Snúum málum til betri vegar, veljum Krist.
kær kveðja
Snorri í Betel

Tillögur valda óánægju

Umburðarlyndið...?

Það kemur mér undarlega fyrir sjónir að menn eins og Jenis skuli fá þessa málsmeðferð hjá fjölmiðlum. Má Jenis ekki fara eftir sínu áliti, trú eða skoðun? Má hann ekki njóta umburðarlyndis stuðningsmanna Jóhönnu og samkynhneigðra? Eða eru málin þannig að ef menn samþykkja ekki samkynhneigð þá teljast þeir þjóðarskömm, óalandi og illþýði? Mér finnst undarlegt hvernig málefnið er notað sem ástæða til að hræpa Jenis á Rana. Ég hald að hann sé lærður læknir og veit því vel hvað er óæskilegur lífsmáti!En ef Jóhanna vildi ekki sitja til borðs með Jenis? Væri það fréttnæmt? Daginn sem Jóhanna kvæntist hitti ég þær stöllur í kaffihúsinu í Borgarnesi. Ég heilsaði þeim og settist að borði við hlið þeirra. Ég var ekki búinn að fá kaffið mitt á borðið þegar þær stöllur voru farnar. Voru þær að forðast mig? Þær kannski vildu ekki vera í samneyti við mig. Eða voru þær bara búnar að klára kaffið og fóru sína leið, rétt eins og allir gera? Ég held að það sé ágætt að menn séu ekki kúgaðir til að sitja til borðs með andstæðingum sínum og ég móðgaðist ekkert þó svo að stöllurnar hafi farið sína leið, án þess að kveðja.Þannig er umburðarlyndið - það þolir þó svo að það sé ekki sammála.

Styðjum Jenis á Rana og virðum sjálfsákvörðunarrétt hans. Össur gerði það gagnvart ísraelska sendifulltrúanum þegar hann vildi ekki við hann tala - eins skammarlegt og það var. Ekki hefur Össur beðist afsökunar á lítilsvirðingu á gyðingum með sinni frávísun. Slæmt er að vera samflokksmaður Jóhönnu og búa í glerhúsi. Er verra að sýna Jóhönnu áhugaleysi en sendifulltrúa Ísraelsríkis, eina þjóðfélagsins sem er lýðræðislegt í heimi Araba?

 Snúum málum þannig að þeir sem eru á móti samkynhneigð fái einnig réttláta og sanngjarna meðferð í lýðræðislegu þjóðfélagi.

kær kveðja

Snorri í Betel

Segir Færeyinga skammast sín

Sólin er fínstillt fyrir lífið!

 

Ég verð að lýsa yfir tilhlökkun minni á niðurstöðum þessarar fyrirhuguðu rannsóknar. Sólin er sá aflgjafi sem heldur okkur gangandi. Það er t.d. vitað að ef jörðin væri 5% nær sólu en hún er þá myndi allt vatn gufa upp og lífið verða að engu. Væri jörðin 25% fjær sólu en hún er þá væri þvílíkur fimbulkuldi að allt vatn væri í föstu ástandi og því lífshættulegt ástand.Nýlega las ég grein í blaði sem ég læt fylgja þessu bloggi að sólin væri fínstillt fyrir lífið á jörðunni. Það gefur því mönnum tilefni til að ætla að ekki sé um tilviljun að ræða hvar líf sé að finna því það þrífst aðeins á þessu belti sem jörðin svífur á. Auk þess er vert að benda á að lífið sé aðeins á 15km belti eða á yfirborði jarðar. Það er beltið sem Guð bjó lífið og okkur mennina sem eftirmynd hans. Á það svið mætti Jesús Kristur til að deyja dauða syndugs manns, rísa upp að nýju frá dauðum svo að hver sem á hann trúir eignist eilíft líf. Hann er því meðalgangarinn milli Guðs og manna og enginn kemur til Guðs nema fyrir hann.Þess vegna má líkja Jesú Kristi við hina öruggustu hlíf sem ver okkur eyðingarmætti Föðurins, sem er þá eins og sólin sem nærir alla sköpunina. Því án helgunar fær enginn Drottin litið.Ég hlakka til að heyra um undur tilverunnar sem var sköpuð í upphafi vega.kær kveðjaSnorri í Betel

Geimfar til sólarinnar