Þvílíkur léttir!

Mikið er Hawkins heppinn að þurfa ekki að sanna fullyrðingu sína. Þetta er nefnilega orðaleikur, leikur að lögmálum og eðlisfræði samofið heimspekilegri afstöðu til málanna. Þessi boðskapur hans vekur athygli hér á Íslandi og mér virðist boðskapurinn vera hvalreki á strendur efahyggjumanna.En ætli Guði verði útrýmt með þessum rök-fimleikum? Eitt hið undarlegasta sem við getum litið til á Íslandi er einmitt hvernig komið er fyrir ríkisstofnuninni sem stóð vörð um Guð og boðskap hans. Kirkjan sem ekki fór að ráðum Guðs lenti illa í því eins og menn vita. Alveg eins og "Guð" sagði.Af hverju rætast orð og viðvaranir sem Guðs orðið segir okkur að virða ef Guð er ekki til?Enn má benda á að ef engan Guð er að finna þá hafa orð Jesú Krists lítið gildi. Hann segir okkur að þessi Guð sé Faðir okkar, Skapari og kærleikur. Þessi Guð hefur skapað okkur mennina í sinni mynd. Við t.d. getum sigrað þyngdarlögmálið, þekkt mörg önnur og nýtt þau okkur til framdráttar. Rafmagnið er í okkar þjónustu svo eitthvað sé nefnt.En þessi Jesús sagði okkur að Skaparinn hafi gert þau karl og konu til að þau tvö verði einn maður og yfirgefi föður og móður. Þegar þessari reglu er ekki lengur fylgt þá hætta menn að sjá Guð. Kirkjan missir tilrú og traust. Vísindamenn sjá tilveruna sem hina flottustu og merkilegustu tilviljun, samsettri af lögmálum, reglum, nákvæmum efnaskiptum, flóknum efnasamböndum sem öll urðu til vegna tilviljunar - án Guðs. Samt er í öllum mannlegum samfélögum vitund meðal manna að Guð sé að finna.Ég velti nokkuð fyrir mér hvers vegna skynugir menn, hámenntaðir og klárir sjái ekki að Guð almáttugur er til. Jesús segir nefnilega afar athyglisverða fullyrðingu. "Sælir eru hjarta hreinir því að þeir munu Guð sjá"!Af hverju sjá þessir miklu og skemmtilegu menn ekki Guð? Ætli menn og samtíminn þjáist af sjúku "hjarta"?kær kveðjaSnorri

Ljóst að Guð skapaði ekki heiminn

Amen- rétt niðurstaða!

Kirkja sem telur sig framlengda hönd Guðs eða "samstarsmann" Jesú Krists þarf að vita að :"Enginn kemur til Föðurins nema hann endurfæðist". Menn verða ekki kristnir nema samræmast Biblíunni. Hún segir okkur að Jesús hafi byrjað þjónustu sína með orðunum:"Gjörið iðrun, himnaríki er í nánd." Að gjöra iðrun er auðvitað að snúa frá lífsmáta og hugsunarhætti sem er í andstöðu við Guðs skapara okkar. Hið góða fagra og fullkomna sem Guð hefur ætlað okkur að erfa, verður þá takmark og keppikefli.Það fyrsta sem Þjóðkirkjan þarf að leiðrétta er skírnarskilning þeirra. Skírnin ein frelsar engan né gerir nokkurn mann kristinn. Páll postuli hróaði sér af því að hafa ekki skírt fjölda lærisveina heldur flutt þeim Fagnaðarerindið. Það er nefnilega vegna skírnarskilnings kirkjunnar sem villan hefur ráðið ríkjum. Menn hafa því ekki þurft að endurfæðast eða gjöra iðrun, heldur  aðeins að "endurnýja skírnina" eða staðfesta. Það er gert í fermingunni.

Nú þarf að halda að mönnum Biblíunni og hennar sjónarmiðum því enginn endurfæðist nema fyrir trú, trú á frelsisverk Jesú Krists. Án trúar er ómögulegt að þóknast honum (Kristi).Kirkjan þarf að tala "Samkvæmt Guðs Orði, Biblíunni". Þess vegna segir Jesús: "Sá sem elskar mig varðveitir mitt orð" og enginn kemur til föðurins nema fyrir hann. Guðfræðin þarf því að snúast um Jesú Krist, allt á tilveru sína í honum og  án hans fáum við alls ekkert gjört.

Neyð mannanna og ill meðferð kirkjunnar þjóna gagnvart konum (og börnum) á rætur sínar í því að þjónarnir "deyða ekki hið jarðneska í fari sínu, hórdóm, saurlifnað og vonda fýsn". En þessir þættir holdlegra lystisemda er verkefni sérhvers manns að hemja og deyða. Þessir þættir teljast til skurðgoðadýrkunar og birtast fyrst í sjálfselsku, eigingirni og tillitsleysi gagnvart náunganum. Því næst verða menn gripnir af klámi, frjálsum ástum og vita ekki hvar mörg siðferðisins eiga að liggja. Besta dæmið er samtíminn.

Kirkjan þarf því að leiða sálirnar réttan veg, að krossi Jesú, þar sem menn gera iðrun og taka við fyrirgefningu Guðs, fyrir trú. Því án trúar er ómögulegt að þóknast honum. Sá sem vill vera kristinn þarf að láta niðurdýfast vegna þess að það er Guðs tillaga, þess vegna notar Biblían orðið "epirotima" eða svar gagnvart þessari athöfn. Hin góða samviska svarar Guði skv. hans ósk. Í þeirri athöfn viðurkennir maðurinn mikilvægi dauða Jesú Krists og upprisu hans. Eins og kristur dó og reis á ný fáum við hlutdeild í dauða hans og upprisu fyrir trú og verk.  

Hinn kristni þarf að skírast (niðurdýfast) í heilögum anda og taka Biblíuna alvarlega enda er hún Bók-bókanna, Orð frá hinum lifanda Guði, reglur lífsins til blessunar hverjum þeim sem trúir.Jesús Kristur er Drottinn, þarf að vera kjarni lífsmáta hjá sérhverjum meðlimi kirkjunnar - án undantekningar!Amen - rétt niðurstaða verður landinu til blessunar og mönnunum til lífs.

kær kveðjaSnorri í Betel

Kirkjan hressi upp á guðfræði

Dæmið ekki ....?

Karl biskup hljóp í skjól þessara orða í kvöld. Hann hefur vissulega ríkar ástæður til þess. Kirkjan er dregin til ábyrgðar um framferði Ólafs biskups og meðhöndlun hennar á hans máli. Málið varpar miklum skugga á fjölskyldu Ólafs. Þessi fjölskylda á skilið samúð, virðingu og fyrirbænir. Ég vil líka þakka Guðrúnu að hafa opnað á þetta mál þó ekkert verði lagað af því liðna. En við getum lært.

Það fyrsta sem dregur úr getu okkar til að læra er einmitt tilvísunin: "Dæmið ekki!" Er þá kristilegt að vera dómgreindarlaus? Er það vilji Guðs að hafa enga afstöðu, engan skilning eða aðgreiningu?Bara til að minna okkur á í hvaða samhengi Jesús sagði þessi orð þá er frásagan svona: "Dæmið ekki, svo að þér verðið ekki dæmdir. Því að með þeim dómi sem þér dæmið munuð þér dæmdir og með þeim mæli sem þér mælið mun yður mælt verða." (Matt. 7:1 - 2). Orðið að dæma er "krimete" sem má einnig þýða sem greina, meta, samþykkja. En kjarninn er einmitt fólginn í því að álit okkar til mála eða persóna nær einnig til okkar. Það sem "honum" er bannað eða er til bölvunar er einnig mér bannað eða til bölvunar. Guð fer nefnilega ekki í manngreinarálit um það hver okkar gerir. Hann dæmir eftir verkum okkar. Þetta veit ég og þetta átt þú líka að vita!

Á hinum mikla dómsdegi þegar allir menn verða dæmdir við hásæti Guðs þá verða menn dæmdir eftir verkum þeirra, eftir því sem stendur í bókunum (biblíos).

Öllum mönnum er hollt til þess að vita að í kristinni trú er við okkur sagt : "Metið rétt hvað Drottni þóknast". (Efes. 5:10) Eigið engan hlut í verkum myrkursins sem ekkert gott hlýst af, heldur flettið miklu fremur ofan af þeim. (v.11)

Af þessu má sjá hvernig postulinn og biskupinn Páll tekur á málum trúaðra hann hvetur ekki til þagnarbindindis. Hjörðin þarf að vita hvað er "all ilt manni" eins og Egill Skallagrímsson sagði!

Við erum með tugi manna sem þurfa að sæta dómi dómstóla og afplánun fyrir sömu verk og Guðrún lýsir að konurnar og hún hafi þurft að þola. Af hverju er það yfirmanni kirkjunnar ómögulegt að skera úr málum frammi fyrir alþjóð? Eru dómstólarnir rangir, eða er kristilegt að leggja þá niður?

Ég tel að ef þessi trúarstofnun forðast að bera Íslendingum rétt og satt Guðs orð þá sé hlutverki hennar lokið í samfélagi okkar á Íslandi. Best er þá að loka og rita prestum uppsagnarbréf. Þá þarf ekki að skera niður um 9% heldur 100%.

Menn mega vita það að Jesús Kristur var ómyrkur í máli sínu til trúaðra manna sem ekki voru sannir í tilbeiðslu sinni við Guð. Gyðingar, farísear og saddúkear fengu það óþvegið hjá meistaranum sem sagði "dæmið ekki svo að þér verðið ekki dæmdir". Hann sýndi hvernig á að dæma í málum.

Þessi meistari talaði einnig við kristna söfnuðinn í Laódíkeu og greindi honum frá því að:" af því að hann er horki heitur né kaldur heldur hálfvolgur" verði honum skyrpt út úr munni Jesú. Það er grafalvarleg staða enda brýndi Jesú söfnuðinn til að ljúka upp fyrir honum og hleypa honum inn, þá verði launin að sitja með Jesú í hásæti hans.

Er ekki nóg komið af afstöðuleysi í íslensku samfélagi? Auðvitað heitir það í dag "umburðarlyndi".   Án undangenginnar iðrunar tekurkirkjan opnum örmum fólki með lífsmáta sem Jesús segir að muni ekki erfa Guðs ríkið. Kirkjan lætur ekki Biblíuna leiða sig í hjónabandsmálum og biðst afsökunar á Biblíuboðskapnum um það mál. Þannig er hún komin út úr hlutverki sínu að halda að þjóðinni Biblíunni og orðum spámannanna, postulanna með Jesú sem hyrningarstein. Ef afstöðuleysið (umburðarlyndið)  hjá faríseum var Jesú Kristi andstyggilegt, hvað er það þá í augum Guðs í dag? 

Þetta tækifæri sem kirkjan hefur fengið til að setja klárar línur gegn misnotkun presta  á börnum, má hún alls ekki láta fram hjá sér fara. Vegna barnanna , aðstandenda og fyrir framtíðina á að segja: "Misnotkun á börnum er synd, nauðgun er synd, framhjáhald er synd, kynvilla er synd, lauslæti er synd og synd fæðir af sér dauða". Það sem er "dauðans alvara" verða menn að forðast.

Hin sanna kirkja boðar mönnum það að eina leiðin frá valdi þessarar syndar er  að gjöra iðrun, snúa sér frá henni og biðja Jesú Krist um að leysa okkur undan syndinni. Hefja síðan annan lífsmáta þar sem gamlar syndir fá ekki stjórnunarmátt. Jesús fyrirgefur, endurreisir og varðveitir hvern þann sem leitar hans í einlægni. 

Megi bæn Hallgríms Péturssonar hljóma meðal okkar:

Gefðu að móðurmálið mitt

minn Jesú þess ég beiði

Frá allri villu, klárt og kvitt,

krossins orð þitt út breiði....

 

kær kveðja

Snorri í Betel 

Girðing í Danmörku, múr í Jerúsalem.

Sjá menn ekki hættuna? Þorgeir Ljósvetningargoði sá þessa hættu á mismunandi siðum og lögum í einu landi. Á því herrans ári 999 eða 1000 sagði hann að ef vér brjótum í sundur lögin þá munum vér og brjóta í sundur friðinn. Múslimar halda eigin lög, dómstóla, siði og lífsstíl. Þeir hafa kynt undir ófriði við gyðinga alla síðustu öld, Múftinn í Jerúsalem myndaði bandalag við Hitler um útrýmingu gyðinga í Miðjarðarhafslöndum. Alið er á hatri á Ísrael frá Líbanon og Gasa. Meira að segja foringjar kommakrata á Íslandi hafa gengið fram fyrir skjöldu til að styðja Múslima í hatrinu gegn vesturlöndum, gyðingum og kristni. Þeir hafa stutt að rjúfa hafnbannið á Gasa án tillit til þess hvað mun fljóta inní Gasa eftir að opnun hafnarinnar verði að veruleika. Leynt og ljóst hafa stjórnvöld lýst því yfir að þau ætli að efla ófriðinn við Gyðingana.
Ætli menn sjái ekki hvert stefnir þegar gaddavírsgirðingarnar eru farnar að rísa í nágrannalöndunum? Hér eru ósýnilegar girðingar farnar að rísa í hugarfari stjórnmálamanna gegn gyðingunum. Sjá menn nokkuð að "tyrkjaránið" hið síðara er þegar farið að ræna okkur tjáningarfrelsi og kristnum gildum?
Það er alveg sjálfsagt að taka á móti flóttamönnum úr heimi Múslima og skjóta yfir þá skjólshúsi. En það er ekki rétt að leyfa þeim að skapa það ástand á Íslandi eða Norðurlöndum sem þeir eru síðan að flýja. Okkar skylda er að endurhæfa Múslima til að virða kristin gildi og kristna trú.
Er ekki mál að rísa af svefni?
Snorri í Betel

Jótlandspósturinn setur upp gaddavírsgirðingu

Erum við læs á myndmál Guðs?

Ég sá blað í Eymundsson um daginn og smellti mér á eintak. Blaðið heitir :"Nature´s Fury" og gefið út af National Geographic". Við lestur þess flaug mér í hug að fróðleikur og efnistök væru tímabær lesning okkur nútímamanna. Það eru svo margar áhugaverðar staðreyndir um ókyrrð náttúrunnar en það er mjög eftirtektarvert í ljósi því sem Biblían nefnir sem tákn um endatímana.Nú er það svo að endatímar eru alltaf í einhverri mynd. Dánatilkynningarnar bera ljósan vott um það að margir eru búnir með sinn tíma og hafa mætt skapadægri sínu. Þannig má einnig benda á að ríki og stofnanir hafa afmarkaðan tíma. Meira að segja stjörnur himingeimsins eru ekki eilífar. En okkur mönnum stafar talsverð ógn af endatímaspádómum. Í þessu blaði kemur fram að Hollywood hikar ekki við að gera myndir um hamfarir og heimsendi eins og glöggt má sjá. Þessar myndir verða vinsælar og aðsókn er talsverð. Nægir að nefna myndirnar 2012, 11th hour, Volcano og þá er listinn engan veginn tæmdur. Hollywood veit að mönnum er þetta hugleikið og auðvitað skilar efnið dollurum inní veltuna. En skoðum fleirra.

Biblían segir okkur skírt að náttúran er látin tala við okkur um mikilfengleika Guðs. Nýjar myndir frá himingeimnum, sjávardjúpum og lífríki hafa verð heillandi öllum mönnum. Hvort sem talað er um lundann eða býflugur þá nær efnið eyrum okkar og við undrumst. Davíð konungur sem var uppi 1000 f.kr sagði:

"Himnarnir segja frá Guðs dýrð, og festingin kunngjörir verkin hans handa. Hver dagurinn kennir öðrum , hver nóttin boðar annarri speki. Engin ræða, engin orð, ekki heyrist raust þeirra. Og þó fer hljómur þeirra um alla jörðina og orð þeirra ná til endimarka heimsins." (Sálmur 19: 1 - 5)

Davíð skynjaði tungumál sköpunarinnar um dýrð og stórfengleika Drottins.Í annan stað talaði Jesús Kristur um sköpunina og greindi frá því hvernig hún myndi verða notuð í prédikun um endurkomu hans. Náttúran verður því notuð sem boðberi mikilla tíðinda. Jesús segir: "Þjóð mun rísa gegn þjóð og ríki gegn ríki, þá verður hungur og landskjáftar á ýmsum stöðum." Enn fremur: "Stjörnur munu hrapa af himni og kraftar himnanna bifast." Einnig: "Tákn mun verða á sólu, tungli og stjörnum og á jörðu angist þjóða, ráðalausra við dunur hafs og brimgný. Menn munu gefa upp öndina af ótta og kvíða fyrir því sem koma mun yfir heimsbyggðina, því að kraftar himnanna munu bifast." (sjá guðspjöll Matt. og Lúk)Þetta umrædda blað er einmitt um slík náttúrufyrirbæri sem umræddir kaflar Bibíunnar eru að fjalla um. Má því ekki ætla að eitthvað er í undirbúningi sem tengist endurkomu Jesú Krists? Annað sem kemur mörgum á óvart er einmitt ógnin sem mönnum stafar af þessum boðskap. Okkur stafar ógn af dauðanum, hamförum og endurkomu Jesú. Það er hið furðulegasta atriði í ljósi boðakaparins.Við endurkomu Jesú mun mikil umbreyting verða á tilverunni t.d að dauðinn verður afmáður, Djöfullinn bundinn og blessun flæða yfir mannlífið svo aðeins heill, vinátta og samstaða manna verði eina ástand þjóðfélaga. Heimsendir kristinnar kenningar er einmitt fólginn í því að Satan verði sópað burt úr tilverunni en Kristur kemur inn með vonarríka framtíð.Þegar ég sá umrætt blað gladdist ég af því að ég sá að náttúran er að stynja undan ranglæti, siðleysi og spjöllum á fyrirætlun skaparans. Innan skamms kemur sá er bæta mun tilveruna.Þegar ég tók við Jesú þá bætti hann mína tilveru. Sá sem frelsast fær bætt glötuð ár, tapaðan tíma og grædd syndasár. Honum stafar ekki ógn eða skelfing af ókyrrð náttúrunnar því hann kann að lesa í áætlun Guðs þann boðakap að Jesús er að koma.Enn er tími til að fá Jesú og heilagan anda inní þitt líf og þá mun kvíðinn og óttinn burt hverfa.Við höfum allt að vinna.

Kom þú Drottinn Jesús!"Andinn og brúðurinn segja: Amen!"

Með vonarkveðju!

Snorri í Betel

löglegt að erfa ekki Guðsríkið!

Prestar hafa auglýst gleðidag á Íslandi. Biskup hefur gefið út ritúal til blessunar og úrtöluraddirnar heyrast ekki. Aðeins nokkur blogg sjást blikka sem veikt andsvar er túlka má mótmæli.
Biskupinn, forseti Hins íslenska Biblíufélags hefur verið álitinn talsmaður "Bókar bókanna" og jafnframt stuðningsmaður þess sem þar stendur. Reyndar hefur hann borið kápuna á báðum herðum undanfarin ár, en nú þessa dagana sést að hann gengur fram afsakandi sjálfan sig og afsakandi boðskap Biblíunnar. Sá boðskapur segir nefnilega að kynvillan erfi ekki Guðs ríkið og hún verður ekki blessuð af Guði.
Því miður þá er alvega sama hvaða lög Alþingi setur eða biskup samþykkir þau eyða ekki alvarleika þess að Guð hefur lýst óánægju sinni yfir lífsmátann sem stundaður er meðal samkynhneigðra. Aðeins ein leið er fær fyrir samkynhneigða til blessunar og hún er sú að gera iðrun, snúa við, láta af lífsmátanum og fylgja Jesú Kristi.
Það er nákvæmlega þetta sem kirkjan átti að láta hljóma (í dag) en í stað þess hefur hún svikið þennan hóp, samkynhneiða og blekkt honum alvarlegar afleiðingar misgjörðanna. Því mun þjóðkirkjan ekki sleppa undan dómi Guðs, tyftun hans og straffi.
Ég þakka Guði fyrir að tilheyra ekki samkundu blekkingameistara þá er nota guðfræðina til að ljúga með kristilegu ívafi en hafna Biblíunni sem orði Guðs til hjálpræðis, hverjum þeim sem trúir. 2.Tímóteusarbréf 3: 16 er orð dagsins í dag og á morgun!
Snorri í Betel

Lífið er bara ungt!

Frétt þessa hirti ég frá Rúv og sá að "skóarmaðurinn" hafði verið uppi skömmu eftir Nóaflóð. Þá höfðu dýrin aðlagast vel manninum og orðin að "húsdýrum". Fram að því voru engin "húsdýr" aðeins  mannvön dýr. En allt hafði breyst eftir að dómur Guðs hafði fallið yfir jörðina.

Elsti skór í heimi 5500 ára gamall

Fornleifafræðingar hafa fundið elsta skó í heimi og er hann 5.500 ára gamall. Skórinn fannst í helli í Armeníu,(nálægt Anatólíu, eða Ararat, innskot mitt) undir þykku lagi af kindaskít - sem einangraði skóinn og gerði það að verkum að hann varðveittist einkar vel.

Skórinn var gerður úr einni heillri leðurpjöltu sem var reimuð saman yfir ristina, með leðurreimum. Inni í honum fannst gras sem hugsanlega var notað sem einangrun - til að skórinn yrði hlýrri.

Á nútímamælikvarða telst skórinn vera af stærð 38. En fyrir 5500 árum, þegar skórinn var búinn til, var lítið um þess háttar samræmda mælikvarða. Þá voru menn nýbyrjaðir að nota skrift og þúsund ár í að byrjað væri að reisa pýramídana í Egyptalandi

[e-mail]

 

Þá er komið fram tré, á aldri 9000 ára, leifar af risakrókódíl, risaeðlubeinagrind og mannabeinum í sama jarðlagi. örkin hans Nóa á Ararat og nú skórinn í Armeníu á svipuðum aldri og Ötzi - ísmaðurinn í Austurríki (Ítalíu). Vert að skoða og skilja því lífið er ekki gamalt heldur ungt.

kær kveðja

Snorri í Betel

Afturganga?

Sagt er að allar risaeðlur hafi dáið út fyrir 160milljón árum en þessi spor eru 90 milljón ára gömul. Þarna skakkar um 70 milljón ár, það er nokkuð langur tími!

Í grunnskólum landsins fengju börnin bágt fyrir svona útreikninga!

Menn eru kannski farnir að sjá að lífið hafi ekki haft jafn langan tíma og fyrr var talið, nema um afturgöngu sé að ræða?

spáið í það!

kær kveðja

Snorri

Nýfundin risaeðlufótspor

Stefnumót við Guð!

Guð er áreiðanlega til. Það sést af þeim furðuverkum náttúrunnar sem við augum blasa. Það má lesa af öllum lögmálum sem bæði líf-, efna- og eðlisfræðin hafa uppgötvað og við segjum kristaltær lögmál. Einhver bjó þessi lögmál því áður en miklihvellur varð voru þessi lögmál ekki til - eða geymd annarsstaðar.

Góður Guð er til vegna þess að hið illa er til. Guð er góður enda skapaði hann allt sér til ánægju og okkur til hagsbóta og gleði. Það t.d ber vitni um góðan Guð að hann lætur rigna yfir réttláta og rangláta, gefur mönnum brauð og lætur tilveruna skaffa lífvænlegt umhverfi hvort sem maðurinn er góður eða illur, réttlátur eða ranglátur.

Guð veitir mönnum vernd frá hinu illa og upplýsingar um hvernig forðast megi hið illa. Guð er góður og hefur sett í tilveruna ferðaáætlun þar sem  tilveran öll, þú og ég, munum honum mæta á ákveðnu augnabliki öll sem eitt. Það verður á dómsdegi!

Guð hefur opnað okkur möguleikann að klæðast þeim fötum sem passa við tilefnið. Á stefnumótið við Guð á enginn að mæta "nakinn"! heldur í skrúðklæðum.

Þessi klæði eru stundum nefnd og þá er sagt að við séum "íklædd Kristi". 

Við að íklæðast Kristi breytast menn. Páll postuli var ofsæknandi kristninnar og manndrápari. En eftir að hann mætti Kristi þá breyttist hann. Hinn algóði Guð opnaði Páli leið inní klæðaskápinn þar sem réttlætisskrúðann var að fá. Páll kom út úr skápnum betri maður, læknaður af öllu illu og umskapaður Guði að skapi, Guði til dýrðar.

Guð sendi Pál með þessa reynslu og skilaboð Jesú Krists til að flytja þér tíðindin og örva þig í að læra gæsku meistarans. Því Guð er góður!

Þegar hlutverki Páls lauk þá fékk "söfnuðurinn" (ekklesian) hlutverkið að bjóða fórnarlömbum svika, ginninga og illsku að snúa við frá vondum vegum og ganga Jesú á hönd. Þá fá menn nýju réttlætisklæðin.

Kirkjan á að minna okkur á klæðaskápinn sem geymir skrúða réttlætisins - í hann þarftu að fara áður en þú mætir algóðum Guði. Sá réttlætisskrúði  verndar þig einnig fyrir blekkingum Satans. Þær blekkingar vilja hafa þig óbreyttan - "að þú verðir eins og þú ert". Kirkjan er líka að bregðast köllun sinni og lokar klæðaskápnum fyrir þér ef hún er að forðast að boða mönnum að gera iðrun og snúa við.

Hinn algóði Guð hefur samt opnað þér leið í gegnum aðra boðbera sem halda áfram að benda þér á Biblíuna og treysta því sem þar stendur en forðast blekkingarvef munaðarlífsins, guðleysisins og falskrar guðfræði. Þau fræði segja þér að gera ekkert í þínum málum, bara ana áfram sömu óheillaslóðana því það er hvort eð er enginn betri eða fullkomnari en þú.

Hinn algóði Guð gaf þér Jesú sem lausnara, það var hann sem vígði okkur nýjan veg og lifandi inn til Guðs. Jesús tók brauð, braut það og sagði: "Drekki allir hér af. Þetta er blóð mitt, blóð hins nýja testamentis, úthellt til margra til fyrirgefninga synda." (Matt.26: 28).

Enginn nema algóður Guð opnaði þér þessa leið! En hver hindrar þig í að fara hana?

Þrjóska, þvermóðska og vald syndar og Satans.

Guð er góður! " allur heimurinn er á valdi hins vonda".   (1.Jóh.5:19) En aðeins einn hefur sigrðar allt hið illa fyrir þig og það er Jesús frá Nasaret.

Gakktu í Jesú fram fyrir Guð almáttugan skapara himins og jarðar. Þú munt finna hann sem vin, þinn besta vin!

Gæska Guðs vill leiða þig til iðrunar!

Kær kveðja

Snorri í Betel

Hjúskapurinn ríkisrekni!

Sannleikanum hallað!

 Ragna Árnadóttir sagði í inngangsræðu sinni um nýja hjúskaparlöggjöf:   

„Virðulegi forseti. Hjúskapur er fyrst og fremst borgaraleg stofnun. Löggjöf um hjúskap skilgreinir þetta viðurkennda sambúðarform á hverjum tíma og markar hverjir megi ganga í hjúskap og hver hjónavígsluskilyrði skuli vera. Þá er það löggjafans að ákveða hvaða réttaráhrif fylgja stofnun hjúskapar. Löggjafinn hefur styrkt þetta sambúðarform umfram önnur með tilliti til þess að hjúskapurinn er ein af sterkustu grunnstoðum fjölskyldunnar í samfélaginu. Hjúskapurinn á sér djúpar rætur í löggjöf og menningu og segir í greinargerð að grunnstoðir hjónabandsins séu byggðar á hugmyndum um gagnkvæma ást, festu og varanleika." (úr kynningarræðu mannréttindamála-ráðherra, Rögnu Árnadóttur )

Hvað er borgaraleg stofnun?  Barnaheimili, leikskóli, ráðuneyti og sjúkrahús?  En er hjúskapurinn borgaralega stofnun? Hjú gátu verið vinnuafl sveitanna áður fyrr.  Hjúskapur náði einnig yfir hjón sem alltaf í gegnum árþúsundin, hafa verið karl og kona.  Orðið hjú er hvorukynsorð af því að það nær yfir bæði kyn eins og öllum má ljóst vera.  Að setja fram löggjöf með nýrri merkingu þess orðs er auðvitað að breyta tungunni. Íslenskan hefur notið þeirrar sérstöðu okkar á meðal að við höfum frekar  búið til nýyrði í stað þess að eyðileggja gömul  og gegn orð.

Þegar dóms og mannréttindaráðherra fullyrðir að hjúskapur sé fyrst og fremst borgaraleg stofnun er hún þá að tala um vinnuhjú með starfssamning við vinnuveitendur? Eða er verið að umbylta hjónabandinu?

En svo kemur  allt í einu  orðið „hjónavígsluskilyrði".  Þá sjá menn að ráðherra snýr uppá íslenska tungu og birtist þá útúrsnúningur inn  á hjónabandinu. Samkvæmt kristninni  er hjónabandið ekki borgaraleg stofnun. Hjónabandið er frá Guði komið. Skipulagið frá himnum en framkvæmdin hjá mönnum.  Hjónabandið er aðeins vígt og blessað samband milli karls og konu svo lengi sem þau bæði lifa.   

Við erum með afar langa sögu mannkynsins þar sem hjónabandið er einmitt eitt fyrsta fyrirtækið sem stofnað er til milli manna. Eva var leidd til Adams. Þetta var fyrsti hjúskapurinn, fyrsta hjónabandið og það löngu áður en Alþingi var sett við Austurvöll.

Jesús Kristur greinir frá þessari stofnun sem guðlegri stofnun þegar hann segir: „Hafið þið eigi lesið að skaparinn gerði þau frá upphafi karl og konu og sagði: Fyrir því skal maður yfirgefa föður og móður og búa með konu sinni og þau tvö skulu verða einn maður. Þannig eru þau ekki framar tvö heldur einn maður. Það sem Guð hefur tengt saman má eigi maðurinn sundur skilja." (Matt. 19: 4 - 6)

Í ljósi þessara orða er hið nýja frumvarp um nýja tegund hjúskapar því aðför að þessum kristna kenningararfi.  Sérhver þingmaður sem greiðir þessu frumvarpi atkvæði sitt gerist þá sekur um tvennt. Að rjúfa það heit að Jesús Kristur sé leiðtogi lífsins og sá sem við fylgjum þegar kemur að öllum alvöruákvörðunum í skipulagi tilverunnar. Hitt er það að samþykkt þessara nýju laga er aðför að íslenskri tungu þar sem hjúskapur og hjónaband er látið ná yfir fólk af sama kyni sem heitir hvoru öðru ást og tryggð. Myndum við breyta merkingu t.d.á  orðinu fóstbræðralag í ástarsamband tveggja karlmanna?

Og Biblían segir: „Hjúskapurinn sé í heiðri hafður í öllum greinum og hjónasængin sé óflekkuð, því að hórkarla og frillulífismenn mun Guð dæma.    Sýnið enga fégirni í hegðun yðar en látið yður nægja það sem þér hafið. Guð hefur sjálfur sagt: „Ég mun ekki sleppa af þér hendinni né yfirgefa þig."  Hebr. 13: 4 og 5

Þessi vers sýna svo ekki verði um villst hversu nálæg þessi atriði eru,  afstaðan til hjúskaparins og afstaðan til peninganna.

Af þessum ástæðum vil ég mótmæla harðlega þessu frumvarpi  um breytta hjúskaparstöðu og skora á hvern þingmann að hafna frumvarpi Rögnu um nýjan skilning á borgaralegum stofnunum.

Í ljósi hins nýja frumvarps og áskorun helmings prestastefnu um að bíða, er vert að benda á að helmingur presta þeirrar stefnu treystir sér ekki til að styðja þetta frumvarp. Tel ég þann helming vonarsjóð fyrir Íslenska kristni. Hinir þurfa að fara í endurhæfingu ekkert síður en þingmenn sem  glöptust af peningahyggju undanfarinna ára og þurfa að segja af sér. Sannarlega er þar um siðferðisbrest að ræða hjá prestum sem þingmönnum.

Ég vil einnig benda á að undanfari hins fjármálalega siðferðisbrests þjóðfélagsins  var viðhorfsbreyting eða frekar höfnun  á siðferðis-sjónarmiðum biblíunnar sem kristnin hefur haldið fram í þúsundir ára og þóttu góð gildi hér á þessu landi í þúsund ár.

Til að laga siðferði ð á Íslandi í dag hafa menn óskað eftir að „hin gömlu gildi" verði tekin upp  og kristnin fái að nýju frið til að móta komandi kynslóðir til kristilegs hugarfars.

Ég skora á þingmenn að ganga fram og endurnýja hin kristnu sjónarmið og gildi bæði í meðferð peninga, hjónabands, fjölskylduhátta og umburðarlyndis. Því hefur nefnilega verið svo komið að hin kristnu gildi hafa ekki notið umburðarlyndis um talsverðan tíma.

Akureyri  29. apríl 2010

 

Snorri í Betel