Fordæmir hvað?

Vatíkanið byggir álit sitt og niðurstöðu þessa máls á oðrum Jesú Krists. Hans orð um hjónabandið endurspeglar ekki niðurstöðu Alþingis Íslendinga né ,,mannréttinda álit" samtímans. 

Um hjónabandið segir Jesús: ,,Hafið þér eigi lesið að skaparinn gjörði þau frá upphafi karl og konu og sagði: Fyrir því skal maður yfirgefa föður sinn og móður og bindast konu sinni og þau tvö skulu verða einn maður."

Þannig eru þau ekki lengur tvö, heldur einn maður. Það sem Guð hefur tengt saman má eigi maðurinn sundur skilja." (Matt.19:4-6)

 

Jesús tengir saman bindingu karlmanns og konu í einn mann. Það er blessað af Guði, fyrirætlun Guðs og boðskapur hans. Vatíkanið getur ekki verið með aðra skoðun á þessu vilji þeir fylgja Kristi. Sama gildir um íslenska þjóðkirkju og hvern Alþingismann. Vilji menn fylgja Kristi þá tölum við hans máli og móðgum Elton John, væntanlega.

Það er svo sem engin ætlun að móðga eða gera menn reiða í þessu efni. Guð flokkar málin sem synd ef menn velja sér frillu, samkynja einstakling eða barn sem rekkjunauta til samlífis.

Það má vel vera að slíkt henti samtímanum illa en þá verða menn líka að taka afleiðingunum með æðruleysi. Öll þurfum við að gera upp málin við Guð, Vatíkanið, Elton John, þú og ég!

Ekki móðgast út í þann sem kynnir þér skoðun og álit Guðs á siðferðismálum. Ef þú ert ekki sammála Guði þá hefur þú aðeins tvo möguleika að skipta um skoðun og verða Guði sammála eða sitja uppi með þitt álit og taka afleiðingunum. Þitt er valið!

Sönn og ærleg kristin Kirkja getur því ekki blessað synd eða sundrungu á Guðs tilskipun. Þeir sem blessa andstöðuna við Guð eru hvorki kristnir né þjónar Guðs heldur andstæðingar hans og munu taka afleiðingum samkvæmt því sbr. Sálm. 18:27!

Verum sammála Jesú, það er leiðin til blessunar!

Snorri í Betel

Fordæmir ákvörðun Vatíkansins

Endalok lýðræðisins?

Foringjaræðið í Þýskalandi, Þriðja ríkið eða Nazizminn reis upp úr rústum Weimar lýðræðisins. Flestir þeirra sem hafa kynnt sér og fjallað um  það lýðræði hafa viðurkennt veikleika sem vill birtast hjá lýðræðis þjóðfélögum. Það er sundurlyndið og fjöldi flokka sem stíga fram þegar einhver stefnumál eru látin liggja milli hluta og endalausar samsteypustjórnir með getuleysi og átakafælni sitja að völdum. Nazisminn komst að vegna þess að lýðræðið átti engin svör.

Allir sem hafa lesið um hrun Weimar lýðveldisins vita að það átti ekki roð við ,,Foringjann" sem nýtti sér einfaldara kerfi og einræði með skyndilausnum. En þar mátti enginn hafa aðrar skoðanir.

Getum við séð lýðræðið falla og ,,Foringjaræði" rísa í okkar tíð? Tvö ríki má nefna strax og eru þau bæði fyrir botni Miðjarðarhafs. Tyrkland er komið vel á veg til einræðis. Sést það best á spennunni sem komin er milli Tyrkja, Grikkja og Armena. Mannréttindi hafa verið stórlega skert í Tyrklandi því lýðræði er veikara en einræði.

Nú herma fréttir að ísraelska ríkisstjórnin er að sundrast og erfitt var fyrir hana að ná saman svo kosningar verða á næsta ári, þær fjórðu á jafnmörgum árum. Lýðræðið er greinilega ganga á hálum og þunnum ís eða bara á vatni.

Stendur Ísrael frammi fyrir ógnun líkri þeirri sem hreppti þjóðverja fyrir 80 árum? Stjórnvöld sem ná ekki saman og treysta ekki öðrum stjórnmálamönnum er mikil ógn við hið viðkvæma lýðveldi.Þetta gerðist í Weimar lýðvelinu millistríðsáranna og gæti hæglega verið að birtast í Ísrael á þessum vikum. Sagt er um gyðinga að þar sem 3 koma saman þá hafa þeir 4 skoðanir. Sundurlyndið getur því verið ástæðan fyrir því óumflýjanlega að ,,Foringjaræði" gæti tekið völdin. Hluti af þessu máli er einnig eftirvænting gyðinga eftir Messíasi. Vegna þess getum við sagt að í trú gyðinga er innbyggð ,,Foringjahyggja" þar sem þeir vonast eftir því að tími Messíasar er inni.

Getur það verið að á þessu ári muni sá birtast sem Gyðingar bíða eftir? Leiðtogi sem virðir ekki lýðræðið? Ekki vitum við það en vert er að hafa opin augun og fylgjast grannt með.

Sá sem verður þessi leiðtogi er nefndur til sögunnar og hefur verið kallaður Antikristur! Við getum vitað sumt um hann meðal annars úr spádómsritum gyðinganna sjálfra. Þeim er þetta ekki hulið því þeirra fornu rit geyma þessa sögu. Hvað fáum við að vita? Til dæmis þetta:,,og borgina og helgidóminn mun eyða þjóð höfðingja nokkurs sem koma á". Sú þjóð sem eyddi Jerúsalem og musterið 70 e.kr. voru Ítalir. Verður næsti ,,foringi" Ísraels af ítölskum ættum?

Þessar hugrenningar mínar tengjast atburðum síðustu vikna vegna þess að jarðvegurinn er kjörlendi fyrir ógnandi en sterkan foringja. Þess má geta að ríkisstjónrin í Íran gerði samning við mörg ríki um takmarkaða auðgun úrans. Vilji þessara mörgu ríkja var að hefta útbreiðslu kjarnavopna, nóg er komið. Bandaríkin sögðu sig frá þessum samningi því þeir treysta ekki sviksömum stjórnvöldum í Teheran. Nú hefur utanríkisráðherra Þýskalands og Svíþjóðar krafist þess að Íranir standi við umræddan samning þó svo að Bandaríkin hafi sagt sig frá honum því samningurinn er ennþá í gildi við Evrópu t.d. En þegar hinn sterki gefngur út úr salnum þá virðist agaleysið ná aftur tökunum á liðinu.

Getur það verið að við á Íslandi sem sitjum undir áróðri fréttastofa sem hafa mótað afstöðu okkar gegn Trump, með fréttaflutningi, hefur gert okkur kærulaus og hyskion í afstöðunni til Múslimskra þjóða? Það má ekki benda á tvöfeldnina í stefnu þeirra ríkja og ég hef ekki séð eða heyrt fréttir um aukna framleiðslu á Úran hjá Irönum. Við vitum að þeir hafa hótað því að mæta með kjarnorkusprengju í átökin í Mið-Austurlöndum. En best er trúlega að gera eins og strúturinn, stinga höfðinu í sandinn.

Ekki vitum við þetta svo gjörla í dag en höfun augun opin og sjáum hverju fram vindur.Verkin tala og Guð gefur okkur náð til að vita þetta áður en það gerist. Þannig erum við forrréttindahópur sem getur gert viðeigandi ráðstafanir í huga okkar og hjörtum.  

Hvernig við hugsum ræður því hversu ógnandi atburðir líðandi stundar eru. Sumt í lífinu er óumflýjanlegt þó svo að það veki okkur ugg og ótta. Þöggunin breytir engu nema til bölvunar.

Þegar samfélagsmilðar eins og Twitter og Facebook ásamt fleirrum slíkum sýna af sér yfirgang og þöggun þá er mjög stutt í að ,,Hitlers typan" geti birst og tekið völdin.

Ég hugsa oft til þess sem Akureyrabær sýndi mér með þöggunarkröfu sinni og síðar útskúfun hve stutt er í þessi viðbrögð hjá ,,vinstrisinnuðum" mönnum. Alla vega hefur verið áberandi hversu einarðlega þeir komu til vanrar þöggunartilburðum Akureyrar. Meira að segja vanir fjölmiðlamenn og Alþingismenn vörðu Akureyrarbæ. Svo má nefna skýrsluna um óeyrðirnar á Austurvelli í kjölfar hrunsins. Þegar bent var á hvatningarhróp þingmanna og eggjan þeirra til að taka Alþingi yfir, þá mátti þetta ekki standa í skýrslunni. Krafan frá vinstrinu var að fjarlægja þetta úr skýrslu lögreglunnar.

Hve nálægt erum við komin að skerðingunni á trúar-, tjáningar- eða skoðunarfrelsi?  

Og ég sá annað dýr stíga upp af jörðinni það hafði tvö horn lík lambshornum...(Op.13:11) Það virðist ekki svo hættulegt. Ef Biden og Kamella eru dæmi um veigalítil horn sem eru að ná Hvítahúsinu, gefa þau rúm annarsstaðar fyrir stærri og meiri ógnanir? Því þessi ,,lambshorn" gegna því hlutverki að efla tiltrú á ,,fyrra dýrið" og sjá til þess að allir ,,tilbiðji líkneski dýrsins" og ,,allir taki nafn þess og tölu þess á hægri hönd sér eða enni"!

Það er áleitið fyrir mig að bera saman þessa fornu sýn Opinberunarbókarinnar og lesa samtíð mína inní þessa mynd. Jarðvegurinn virðist vera eins í sýninni og í nútímanum. Mér sýnist við vera komin inní þennan ógnvænlega tíma Guðleysisins þegar frelsi til trúar og tjáningar verður fjarlægt og við ,,látin tilbiðja" ríki og skipulag sem þolir ekki frjáls skoðanaskipti. Djöfullinn hreiðrar alltaf um sig í þögguninni með lygunum! Hann hefur aldrei þolað Anda Sannleikans.

kveðja

Snorri i Betel                          

Friðarhöfðinginn segir:

,,Minn frið gef ég yður. Ekki gef ég yður eins og heimurinn gefur, hjarta yðar skelfist ekki né hræðist." (Jóh.14:27)

Er ekki auðveldast að leita til friðarhöfðingjans, fá friðinn og mæta síðan til leiks?

kveðja

Snorri í Betel

„Mig langar að finna friðinn“

Betel 100 ára

  Það er ekki algengt á Íslandi að hafa fríkirkju í sinni heimabyggð. Lengst af Íslandsögunni var ekki tíðkað að kirkjur væru frjálsar og sjálfstæðar heldur voru þær undir konungi eða páfa. Það var ekki fyrr en með strjórnarskránni 1874 að trúfrelsi væri ákvæði inn í þjóðskipulag á Íslandi. Betel í Vestmannaeyjum nýtur góðs af því.

Betel er elsta hvítasunnukirkja á Íslandi og hefur í 100 ára sögu sinni staðið vörð um Biblíulega kristni. Söfnuðurinn var ekki stofnaður fyrr en 1926, þann 1.janúar en trúboðsstarfið byrjaði í Vestmannaeyjum árið 1921 og því finnst mér eðlilegt að minnast þess með fáum orðum.

Þegar Sigmundur Davíð brýndi raust sína á síðum morgunblaðsins um undanhald kirkjunnar og trúargildum sínum þá ýtti það við mér. Ég fór að rifja upp söguna hvað Betel söfnuðurinn þurfti að glíma við í gegnum þessi 100 ár. Þó svo að hann hafi aldrei talist fjölmennur eða haft sínar pólitísku tengingar né lifað á sóknargjöldum, þá heyrðist meðal fólksins vitnisburðurinn um Vilja Guðs, Reglur Guðs og Náð Guðs sem birtist í kenningum Jesú Krists.

Fyrsta glíman var við Þjóðkirkjuna sem var að meira eða minna leyti undirorpin andatrúnni. Bæði biskupar, Guðfræðiprófessorar og ýmsir kennimenn voru hallir undir Andatrú og lituðu söfnuði sína með slíku. Í haust var Fríkirkjan við tjörnina að rifja upp fyrir okkur hið ,,Frjálslynda kennivald" sem kirkjan stóð fyrir og skreytir sig enn með fjöðrum ,,Frjálslyndis" sem sínu helsta ágæti. Hvítasunnuprédikararnir andmæltu hinni ,,Frjálslyndu" guðfræði og bentu á hversu kröftuglega hún er trássi við Biblíuna, Guðs Orð. Hvítasunnuprédikanirnar studdust einmitt við þetta þrennt Biblíuorðið, reynsluheim frelsaðra og Hallgrím Pétursson. Engu var líkara en að HP væri besti varnaraðili Betelinganna því fyrir eitthundrað árum andmæltu menn ekki framsetningu Hallgríms á kristinni Guðfræði. Og í Betel var bara lifað, breytt eins og stendur skrifað:

Guðs Orð fær sýnt og sannað

hvað oss er leyft eða bannað

Það skal þitt leiðarljós!

Lífsreyndur prestur og vinur minn, hafði á orði við mig að hann teldi að Hvítasunnumenn hafi bjargað kristninni fram að miðbiki 20. aldar. Því þeir vísuðu alltaf til Biblíunnar og kröfðu prestana um afstöðu með kristnum sjónarmiðunum og hvað Biblían segði.

Í upphafi starfs Hvítasunnusafnaðanna urðu fleiri átakamál eins og kommúnisminn og nazisminn. Ungir menn flykktust að flokkum þessum og margt glæsilegt virtist eftirsóknarvert í þeirra framsetnigu. Eitt atriði umfram annað réð úrslitum að Betel gat ekki samþykkti þessar stefnur og það var guðleysið sem þær boðuðu. Kommúnisminn vildi tortíma eignarréttinum og þess vegna prédikuðu hvítasunnumenn á móti kommúnismanum því Guð varðveitir eignarrétt mannsins og segir:,,Þú skalt ekki girnast neitt það sem náungi þinn á"!

Nazisminn vildi útrýma gyðingum og vaða yfir önnur lönd, flokka menn í yfir- og undirflokka en hvítasunnumenn bentu á Biblíuna og sögðu alla menn bræður, komna af einum og skapaða af Guði.

Þó svo að hvítasunnusöfnuðurinn hafi verið ljós á myrkum stað og sett ljósið á ljósastikuna þá varð það ekki til þess að hann fengi öflugt fylgi almennings. Betel var ævinlega flokkað sem ,,sértrúarsöfnuður". 

Þegar hvítasunnumenn töluðu gegn klámi, lauslæti,kynvillu eða trans-lífsmátanum og bent á að Guð hafi skapað manninn í sinni mynd til að virða það að karlinn er gerður fyrir konuna og konan gerð fyrir manninn þá telst það ekki góð ella í dag og bera vott um þröngsýni. Þegar prédikað var að kynvillan sé synd og leiði menn til glötunar skv. Biblíunni þá jókst ekki fylgið við Hvítasunnusöfnuðinn heldur ruku upp pólitískir tækifærissinnar og beittu sínum vopnum af krafti til að þagga niður í ,,þröngsýnum prédikurum" sem skildu ekki nútíma viðhorf í samtímanum.  

Kannski er kominn tími fyrir þá sem í dag prédika í ræðustólum Hvítasunnu-kirkjunnar að tala eins og gert hefur verið fyrstu 50 ár Betels, Láta Orð Guðs hljóma, setja lampann á ljósastikuna til að það lýsi öllum í húsinu því menn eru á glötunarvegi, þrátt fyrir skírnir, fermingar eða kvenna stjórnun.

Takk Sigmundur Davíð að hafa orð á þessu mikilvæga atriði kirkjunnar. Þó að það skapi ekki fjöldafylgi, vinsældir eða almennan stuðning við hin kristnu gildi þá gefur kristnin mönnum og þjóðfélögum möguleikann á betra lífi. Má vera að kirkja sem lætur almenningsálitið leiða sig þurfi að fá uppsagnarbréf frá ríkinu til að hin Frjálsa og Sjálfstæða kirkja tali skírar því líf okkar liggur við. Hlutverk kirkjunnar er að vera Guðs rödd inní samtímann svo menn: ,,Nemi staðar við vegina og litist um og spyrji um gömlu göturnar, hver sé hamingjuleiðin og fari hana, svo að þeir finni sálum sínum hvíld."(Jer.6:16)

Megi þessi 100ára saga Betels verða til brýningar þeim sem fara um landið okkar með ,,Orðsins Brandi"!

Snorri í Betel

Ég kveiki á kertum..!

Þetta sagði Davíð Stefánsson en þá var hann staddur við ,,krossins helga tré"! Enn er verið að kveikja á kertum og aðventan hafin. En hvers er að minnast? Þurfum við einhvern sem við treystum til að halda okkur í hönd og leiða í gegnum aðventuna?

Ásmundur Einar Daðason hafði einmitt áhuga á því þegar verst gegndi í hans lífi að fá handarband og dómgreind þegar dökku dagarnir komu. Hann segir:,,Ég hefði bara viljað að einhver hefði haldið í hönd mér í gegnum þetta. Að ég hefði getað leitað til einhvers sem gæti lánað mér dómgreind á erfiðum stundum. Einhver afruglari"

Hann fann ekki þessa hönd í kerfinu, skólanum, kennaranum eða kirkjunni. Í haust voru menn að kynna fyrir börnum nýja útgáfu af Jesú Kristi sem átti að eiga ,,í kynáttuvanda" og kirkjan vildi að þeir hinir sömu gætu fundið samsvörun við Jesú. Nú kveikjum við á kertum og fyrsta kertið er spádómskertið.

Spádómarnir um Jesú eru auðvitað boðskapur sem ætlaður var til að taka í hönd gyðinga og leiða þá að jötunni, þar sem meistarann var að finna á upphafsdögum jarneskrar tilvistar hans. Nokkrir mættu, kannski innan við 10, til að gæta sóttvarnamarka en við vitum að fjárhirðar og vitringar komu að jötunni. Voru svona fáir til að grípa í höndina og njóta Guðs handleiðslu, gegnum tíma og tíðir sem spámennirnir bentu á? Hvar voru allir hinir, prestar, skriftlærðir, kennarar eða kerfiskarlarnir í stjórnsýslunni? Var enginn til að grípa í hendur þeirra og lána þeim dómgreind?

Getur verið að sú þörf sem Ásmundur Einar Daðason, ráðherra hefur gengið í gegn og bent á hinn alvarlega skort á ,,leiðandi hönd" eða ,,dómgreind" sé miklu eldra vandamál en okkur óraði fyrir?

Heródes bað þess að fá fullvissu um barnið til að geta eytt því. Hann bað um að vitringarnir gæfu honum ,,handleiðslu og dómgreind"! Í dag eru 19 þingmenn sem bjóða fram hendur og dómgeind til að aðstoða verðandi pólskar mæður til að framkvæma verk Heródesar á börnum þeirra. Það eru ekki nema 2020 ár milli þessara þingmanna og Heródesar.

Spádómskertið á að minna presta á spádóminn um að: ,,barn er oss fætt, sonur er oss gefinn. Á hans herðum skal höfðingjadómurinn hvíla. Nafn hans skal kallað Undraráðgjafi, Guðhetja, Eilífðarfaðir og Friðarhöfðingi. (Jes.9:6) Samt hefur ríkiskirkjan kynnt okkur Jesú í vandræðum en ekki sem ,,Undraráðgjafa" fyrir börn í kynáttuvanda. Okkur nefnilega vantar hvorki hönd til að halda í né dómgreind til að styðjast við heldur fólk sem kennir trúir og talar!!!

Er ekki merkilegt að þeir þingmenn sem hafa lagt til að börnum yrði gefin þessi styðjandi hönd sem kemur með kristinfræðslu fá ekki góðan hljómgrunn hvorki hjá samþingmönnum eða kennurum. Dómgreind  andstæðinga þeirra hefur ekki gagnast börnum eða ungmennum til hjálpar og trúlega ekki heldur Ásmundi Einari Daðasyni. Sorglegt.

Og við kveikjum á kertum, Betlehemskertið fær að loga. Það hefur verið öllum sem trúa, staðfesting á að undraráð Guðs og spádómur Míka kom fram, reyndist réttur og sannur. Míka segir:,,Og þú Betlehem Efrata þó þú sért einna minnst af héraðsborgunum í Júda, þá skal þó frá þér koma sá, er vera skal drottnari í Ísrael og ætterni hans vera frá umliðinni öld, frá fortíðar dögum."(Míka 5:1). Þessi drottnari í Ísrael útleggst sem :,,Hver stjórnar þér? Hver heldur í hönd þína og veitir þér dómgreind? Ég auglýsi eftir fólki í stjórnunarstöðum ráðuneytanna, kennurum barnanna, prestum ríkiskirkjunnar og kennimönnum kristninnar sem tilbúnir eru til að ganga inní hlutverkið sem Ásmundur Einar Daðason talaði um að hann hafi þurft á að halda þegar stormar blésu og dimmviðrin byrgðu sýn. Hvað þurfa ekki börnin í dag sem sjá ekki leiðina; fyrir ungu mennina sem vantar að vera upplýstir af Guðs Orði? ,,Með hverju getur ungur maður haldið vegi sínum hreinum? Með því að gefa gaum að Orði þínu. (Davíðssálmur 119:9) Lausnin fyrir ráðvilltan ungan mann er að finna hjá Undraráðgjafanum frá Betlehem. Vita menn ekki að nafnið Betlehem þýðir brauðhúsið og það er sko ekki myglað þó gamalt sé. Vita menn ekki að Undraráðgjafinn sagði okkur að Guð hafi aðeins skapað tvö kyn, konu og karlmann til að þau tvö yrðu eitt, yfirgæfu foreldra sína en byggju saman til dauðadags? Þú, sem ert í einhverskonar tilvistarkreppu, leitaðu til þessa Undrarágjafa sem kertin lýsa fyrir.

Svo kemur að Hirðiskertinu, kerti Vitringanna. Hvar er þá að finna í dag? Þegar þeir reyndust ekki alveg vissir um leiðina eða staðinn þá luku menn upp ritningunum og leiðbeindu þeim og þeir tóku tilsögn! Fyrst komu þeir róti á hugarheim Heródesar og Heródes hinn ráðvillti, kallaði presta og skriftlærða til fundar og hann spurði:,,Hvar á Kristur að fæðast"? Ritningunum var lokið upp og Míka spámaður var látinn svara þó að hann hafi þá þegar legið dauður í 700 ár. Síðasti ráðandi konungur sem nefndur er í sögu Míka var Hiskía Júdakonungur, tengdasonur Jesaja spámanns. Hiskía er talinn hafa látist 687 f.kr. Hirðiskertið tengir því saman sögur spámannsins frá 700 f.kr til daga Jesú (5.fkr.) og til okkar daga 2020! Það er því komin góð reynsla á þennan boðskap sem hefur lifað af gagnrýni og vantrú í yfir 2700 ár! Hvað segir þetta okkur um vantrúnna? Hún er innihaldslaus ,,þekking" grundvölluð á engu nema þekkingarleysi. Ætlar lýður Guðs, Ísrael, söfnuður Drottnarans yfir Ísrael að gefa eftir fyrir tælandi röddum menntasnobbaðra vantrúarmanna? Vitringarnir gerðu það ekki heldur héldu áfram skv. Orði Drottins og fundu ungbarnið í Betlehem lagt í jötu. Það var og er von hins fallna mannkyns!

Þá er Engakertið látið skína. Hver hefur séð engla? Ég hef ekki séð neinn nema hann hafi verið teiknaður í myndaramma eða úthögginn í marmara. Hvers vegna trúi ég því sem ég ekki sé eða hef þreifað á? Það er vegna þess að ég hef valið sömu leið og vitringarnir. Þeir sáu ekki Jesú í upphafi ferðar og vissu ekki nema það sem stjörnuhimininn sagði þeim fyrst. Ég hefði trúlega ekki þekkt ,,stjörnu hans" sem lýsti Vitringum leið og því aldrei lagt af stað á sömu forsendu og þeir. En þeir gengu hina vandrötuðu leið sem lá að Orði Drottins. Segir ekki sálmaskáldið:,,Himnarnir segja frá Guðs dýrð og festingin kunngjörir verkin hans handa."(Davíðssálmur 19:1) Vitringarnir, leiddir af englum, opnaðist vegur gegnum óþekktar lendur og til Jerúsalem, borgar Friðar(höfðingjans). Englarnir birtust líka hirðunum úti í haga. Við boðskapinn ruglaðist vaktaskipulagið í haganum og þeir með sauðahjarðirnar á eftir gengu rakleit þangað þar sem ungbarnið lá, reifað og lagt í jötu. Við þessa opinberun barst þeim til eyrna hinn ljúfasti söngur, losöngur um Guð vorn og hjörtu þeirra fylltust af gleði og von. Sálmaskáldið segir:,,Þegar Drottinn snéri við hag Síonar var sem oss dreymdi. Þá fylltist munnur vor hlátri og tungur vorar fögnuði. Þá sögðu menn meðal þjóðanna:,,Mikla hluti hefur Drottinn gjört við þá." (Davíðssálmur 126:1-2)

Hafi Orðið reynst stöðugt og áreiðanlegt, talað af spámönnum, englum, vitringum og postulum þá er engin ástæða fyrir okkur í nútímanum að hafna kenningu drottins þó svo að okkur skorti þekkingu. Vantrú veitir engin svör hún étur menn að innan og stækkar tómarúmið en Orð Guðs lífgar og gerir menn vitra eins og Páll postuli bendir Tímóteusi á í 2.Tím.3:16! Boðskapurinn er:,,Því að hafi orðið af englum talað reynst stöðugt og hvert afbrot og óhlýðni hlotið réttlátt endurgjald, hvernig fáum vér undan komist ef vér vanrækjum slíkt hjálpræði sem Drottinn flutti fyrst og var staðfest af þeim sem heyrðu?"(Hebr.2:2-3)

Engill þýðir sendiboði og þú getur orðið Guðs sendiboði, hönd eða dómgreind fyrir náungann ef þú gefur gaum að Orði Drottins!

Guð blessi þér þessa aðventu!

Snorri í Betel

Trúuðum fækkar!!!!!

Fréttablaðið birti á forsíðu fækkun í þeim hópi sem telja sig trúaða (17.11.2020). Aðeins 40% svarenda töldu sig trúaða. Þegar ég var yngri var gjarnan talað um að þjóðkirkjan væri yfir 90% þjóðarinnar og þá væntanlega sá hópur trúaðra sem greiddi sóknargjöld til ríkiskirkjunnar. Sagan segir okkur að við fjölgun guðlausra skapast hættuástand. Abraham bað fyrir Sódómu og Gómorru og bað ef aðeins fyndust 10 réttlátir! Þá var borgunum borgið. En þá vantaði! Orðskviðir Salómons benga á þetta hættuástand er hann segir: ,,Þegar óguðlegum fjölgar, fjölgar og misgerðum..."(Orðs. 29:16) og Píratar lemja á ráðherrum vegna þess að þeim blöskrar vinavæðingin í ráðuneytunum (án auglýsinga). Mega allir ekki sjá að ,,misgerðunum" hefur snarlega fjölgað? Aðeins 40% eru trúaðir! Fróðlegt væri fyrir félagsfræðinga að leggjast í rannsóknir og skoða samhengið milli guðleysis eða vantrúar og spillingar í stjórnkerfinu?

Sköpunin stynur vegna vantrúar! Hagkerfið stynur vegna ,,vonleysis". Seðlabankinn hefur einnig ,,væntingar vísitölu" og bregst við vegna hugarfars þjóðarinnar svo þetta er vel þekktur þáttur í hagstjórn. En megum við ekki einnig taka upp gömlu tenginguna að mæla trú, siðferði og árangur í mannheimum út frá hegðun og hugarfari? Postulinn Páll notar þetta atriði til að kenna hinum frumkristnu þennan leyndardóm er hann segir:,, Hið góða sem ég vil gjöri ég ekki en hið vonda sem ég ekki vil gjöri ég." og á öðrum stað:,,Því að sköpunin þráir að Guðs börn verði opinber. Sköpunin var undirorpin fallvaltleikanum, ekki sjálfviljug, heldur vegna hans sem varp henni undir hann, í von um að jafnvel sjálf sköpunin muni verða leyst úr ánauð forgengileikans til dýrðarfrelsis Guðs barna."(Róm.8:19-21)

Það er eins gott að kunna að lesa inní kringumstæður í mannheimum. Þær geta nefnilega gefið okkur vísbendingar um hversu nálægt við erum dómi Guðs. Því stundum koma hörmungar sem hitta okkur rosalega illa. Muna ekki allir eftir óveðrinu fyrir ári þegar rafmagnskerfið fór og ungir menn fórust. Af hverju hitti þetta óveður okkur svona illa? Við höfum horft uppá eldgos og hamfarir sem líta út sem sjónarspil og jafnvel auka hróður Íslands. Við höfum séð menn nýta sér náttúruna í auglýsingaskyni og eflt ferðamannastrauminn hingað til lands. Hver er munurinn? Af hverju snýst sumt í móti okkur en annað í hag.

Þessar tölur um aukna vantrú landans er aðeins okkur til ills. Við erum með okkar hvatir og langanir sem gjarnan leiða okkur í ógöngur. Ein hættulegasta hvötin er græðgin. Svo má nefna kynhvötina sem aldrei verður fullnægt eins og Rollingarnir komust að. ,,Við þá fíkn hafa sumir villst frá trúnni" eins og postulinn segir og talar þá um ágirndina (1.Tím.6:10).

Svo má benda á það þegar við hættum að þekkja syndina af því að við höfnum tilsögn í réttlæti. Segir ekki Biblían:,,Ég þekkti ekki syndina nema fyrir lögmálið. Ég hefði ekki vitað um girndina hefði ekki lögmálið sagt:,,þú skalt ekki girnast." En syndin sætti lagi og vakti í mér alls kyns girnd með boðorðinu. (Róm.7:7-9). 

Vantrúin liggur undir þessari ásökun að hafa kenndirnar en hafna leiðbeiningu Guðs um hvernig best sé að bregðast við þeim. Vegna vantrúarinnar láta menn leiðast af ,,tilfinningum" og skilja svo ekkert í því af hverju vondir ávextir birtast í fjölskyldum viðkomandi. Svo ef náttúran kemur með harðneskju í veðri eða aflabrögðum og vernd Guðs er ekki yfir landi og þjóð þá segja menn:,,Hvar er Guð núna"?

Myndin er þessi: Ísinn hefur aukist því kólnað hefur í kirkjunum. Boðskapurinn um iðrun heyrist varla. Því hafa menn lokað eyrum sínum og taka hjartað sitt sem mælikvarðann á hvað er rétt eða rangt. ,,Mér finnst" er þá svarið og það er eins og allir hafi ljós yfir rétt og rangt! En guð hefur gefið okkur lögmál lífsins anda til að hjálpa okkur að lækna okkar sjúka hjarta.,,Þannig verður fögnuður með englum Guð yfir einum syndara sem gjörir iðrun."(Lúk.15:10)

Enginn læknir mun ráðleggja hjartveikum manni að taka ekki tillit til hins veika hjarta. Smá áreynsla getur þýtt bráðan bana. Eins segir Guð:,,...Vertu ekki vantrúaður!"(Jóh.21:27)

Það er því þjóðar mein þegar vantrú fær að vaxa eins og krabbamein í þjóðarsálinni og skila okkur berskjölduðum gagnvart hinu illa sem rís upp og kemur án nokkurs fyrirvara og við varnarlaus. 

Á 100 ára andlátsafmæli Matthíasar Jockumssonar!

Snorri í Betel

Fóstrið, klasi eða manneskja?

Við á Íslandi höfum haft aðgang að Biblíunni á okkar ,,Norrænu" frá 1584. Í þeirri merku bók er talað all nokkuð um okkur mennina og með hvaða augum Guð, skaparinn og ,,Faðir Vor" sér okkur.

Þar segir m.a:

Beinin í mér voru þér eigi hulin, þegar ég var gjörður í leyni, myndaður í djúpum jarðar.

Augu þín sáu mig er ég enn var ómyndað efni, ævidagar voru ákveðnir og allir skráðir í bók þina, áður en nokkur þeirra var til orðinn. (Davíðssálmur 139:15 - 16)

Hvernig fara þessi orð í okkur? Hef ég rétt til að stöðva þann feril að dagarnir fái að koma yfir fóstrið sem Guð er þegar búinn að útvelja því?

Í þessum sálmi segir einnig:,,Ó að þú Guð vildir fella níðingana. Morðingjar! Víkið frá mér."

Hvaða morðingja er verið að ávarpa? Eru það þeir sem eyða mönnum eða mannslífum? Svona talar Guðs Orð kröftuglega til okkar. Meiðandi? Já, fyrir þá sem hafa gert Guði í móti skapi.

Í dag er enn verið að færa Ísland fjær Guði og vilja Guðs. Í dag er hin kalda vinstrihönd að leggja til aukið álag á sjúkrahús með fóstureyðingarmiðstöð fyrir öll lönd. Greinilega Guði á móti skapi. Hvernær ætlum við að læra að fóstrið er augnayndi Guðs?

Einhverju sinni voru menn að ræða Nazismann og morðölduna sem fylgdi honum með útrýmingarbúðum á hinum minnimáttar. Þá sagði Prófessor í guðfræði, Þórir Kr. Þórðarson: ,,Þegar Guð er ekki til þá er þetta hægt"!

Er Alþingi Guðlaus stofnun og þess vegna rýmkar það fyrir morðum á hinum ófæddu börnum?

Frá 1976 höfum við að meðaltali eytt 1000 börnum á ári og samanlagt um 45000 börnum sem áttu að verða þegnar okkar lands, samerfingjar að auðæfum landsins. Í dag er þessi tala fyllt með útlendingum. En þeir fylltu uppí rúm hinna horfnu. Ekki svo að skilja að útlendingarnir séu ekki velkomnir heldur hitt að það var óþarfi að eyða litla fólkinu okkar.

En þegar Guð er ekki lengur áhrifavaldur í löggjöfinni eða lífsmáta þjóðarinnar þá eru aðeins tveir möguleikar eftir. Sá fyrri er að við snúum okkur aftur til Guðs, biðjum fyrirgefningar og förum að hans ráðum. Hinn að við köllum yfir okkur hörmungar og fáum dóm Guðs yfir okkur. það verður okkur ekki að skapi.

Biblían segir: ,,Þegar dómar þínir birtast á jörðu, þá læra byggjendur jarðríkis réttlæti." (Jes. 26:9),,Sé hinum óguðlegu sýnd vægð, læra þeir eigi réttlæti. Þá fremja þeir órétt í því landi þar sem réttlæti skal ríkja og gefa ekki gætur að hátign Drottins."(Jes.26:10)

Guð! Verði þinn vilji.

Veljum lífið en ekki hönd dauðans, kvenréttindin!

Snorri í Betel

 

 

,,Ég er hógvær..."!

Þegar einhver kynnir sig þá er mjög sjaldgæft að hafa hógværð sem fyrsta atriði. Þetta með hógværðina er afar merkilegt því upphafsmenn AA samtakanna lögðu mikla áherslu á hógværð til að ná bata í glímunni við Alkóhólismann. Hógværð virðist ekki vera eftirsóknarverð eða vel metin dyggð í dag.

Oft er bent á samfélagsmiðla þar sem áhrifavaldarnir halda sig. Þar er greinilega mikil áhersla lögð á líkamann, útlit, hreyfingu og mataræði.Þessi vettvangur er einnig eins og hjúskaparmiðlun. All oft er tilkynnt um að sambandsslit hafi orðið og plássið því autt fyrir næsta ,,leikfang". 

Ein stærsta stjarna mannkynssögunnar og einn mesti áhrifavaldur í þeirri sögu kynnti sig aldrei sem líkamsræktarfrömuð. Engan tók hann í fimleika né gaf út martreiðslubók. Hann lenti aldrei í skilnaði og breytti trúlega aldrei um skoðun.

Samtímamenn hans höfðu ýmislegt að segja og viðurkenndu að: ,,hann talar og kennir rétt, gerir engan mannamun en kennir Guðs veg í sannleika." Sjálfur hafði hann álit á samtímamönnum sínum og einn vina hans sagði:,,(hann) gaf þeim ekki trúnað sinn því hann þekkti alla. Hann þurfti þess ekki að neinn bæri öðrum manni vitni; hann vissi sjálfur hvað í mönnum býr"!

Þegar hann lýsti sjálfum sér þá sagði hann: ,,lærið af mér, því að ég er hógvær og af hjarta lítillátur".

Þessum aðila tengjast ein stærstu nöfn mannsandans eins og leiðtoginn og löggjafinn Móse. Samtímamenn hans sögðu um hann: ,,En maðurinn Móse var einkar hógvær, framar öllum mönnum á jörðu." Nói var mörghundruð árum á undan Móse en honum er lýst sem ,,réttlátum og vönduðum".

Þessir mannkostir virðast ekki eiga uppá pallborðið í okkar samtíð og er miður. Við á Íslandi veljum mun frekar hin gildin sem viðhalda hroka, stærlæti og sjálfshóli. 

Að leggja áherslu á mannkosti þarf auðvita að vera en þeir verða að engu gagni nema hógværð fylgi. Þess vegna er líka sagt ,,sælir eru hógværir því að þeir munu jörðina erfa"! Svo viljum við auðvita laga jörðina og bæta náttúruna. En hvernig gengur? Ef við sleppum að rækta hógværð mannsins fáum við að erfa landið okkar? Getur það verið að fylgifiskur hrokans og mikilmennskunnar verði slæm útkoma eða landlaus lýður?

Að síðustu. Þegar Guð undirbjó komu hins hógværa Jesú Krists inní heiminn þá valdi hann konu og mann til að fóstra hann og skapa honum heimili. Hverskonar heimili hentaði honum best? Ekki er greint frá hversu vel það var útbúið tólum, tækjum eða öðrum búnaði en Jósef var sagður ,,grandvar" og María ,,hrein mey"! Ef Þessi staða væri uppi í dag að fæðingu Jesú hefði verið frestað um 2000 ár, ætli Guð hafi látið hann fæðast á Íslandi í þeim tíðaranda sem nú birtist hjá ,,áhrifavöldum" samfélagsmiðlanna?

Bróðir þessa ,,hógværa" kennimaðnns benti á það að Guð stendur gegn dramblátum en auðmjúkum veitir hann náð"! (Jak.4:6) Er ekki eftirsóknarvert að eiga gott samband við Guð, höfund sköpunarinnar.

Vert er að minnast þess sem konungurinn sá í sinni samtíð hvernig Guð er, en hann segir:

,,Gagnvart ástríkum ertu ástríkur, gagnvart ráðvöndum ráðvandur, gagnvart hreinum hreinn, gagnvart rangsnúnum ert þú afundinn."(Sálm 18:26 - 27)

Er Guð þér afundinn? Finnst þér hann órafjarri? Hvað ætli aðskilji, byrjaðu á að losa þig við hrokann og rækta með þér auðmýkt og þú munt finna Guð í Jesú, sem er hógvær og af hjarta lítillátur!

Snorri í Betel

 

Barnasáttmáli S.Þ.

Í gær minntist sérfræðingur hjá UNICEF á mikilvægi Barnasáttmála S.Þ. Hann nær til ALLRA barna.

Þá er spurningin hvenær verður barn barn?
Hvenær er kona barnshafandi?

Gengur þunguð kona með barni?

kveðja

Snorri í Betel

Eins og à dögum Heródesar!

Þeir afklæddu hann og færðu hann í skarlatsrauða kápu, fléttuðu þyrnikórónu og settu á höfuð honum, en reyrsprota í hægri hönd hans. Síðan féllu þeir á kné fyrir honum og höfðu hann að háði og sögðu: "Heill þú, konungur ?....."
Matteusarguðspjall 27:28-29

 

Snorri í Betel

 

Brjóstgóður Jesús á götum borgarinnar