Upprifjun á Íslendingasögum!

það má kallast merkilegt að mannrán í Noregi skuli eiga tilvísun í fornbókmenntir okkar Íslendinga. Ég finn til með eiginmanninum og bendi á hversu vafasamt það er að eiga ógrynni fjár. Biblían segir það ,,valda mörgum harmkvælum” að eiga mikið fé.

Í Hænsa-Þórissögu er greint frá Gunnari Hlífarssyni er bjó að Gunnarsstöðum á Skógarströnd. Hann átti dóttur eina sem var góður kvenkostur og hét Jórunn. Hún giftist Þóroddi Oddssyni. Oddur þessi var gjarnan kallaður Tungu Oddur og var mikill mótstöðu maður Gunnars og var á leiðinni að brenna Gunnar inni þegar Þóroddur stöðvaði fyrirætlanir Tungu-Odds með bónorði sínu. En við mægðirnar voru þessir keppinautar tengdir fjölskylduböndum. Þóroddur átti bróður sem Þorvaldur hét. Um hann er sagt ,,að hann var í höftum” í Noregi. Þóroddur fór utan skömmu eftir brúðkaupið ,,og vildi leysa hann með fé”!

Ekki hefur spurst til þessara bræðra síðan. Jófríður fæddi manni sínum dóttur sem kemur við í Gunnlaugssögu Ormstungu og var hálfsystir Helgu fögru Þorsteinsdóttur, Egilssonar, Grímssonar, Kveldúlfssonar.

Enn er mannrán í Noregi og krafist lausnargjalds. Vonandi gengur betur í þetta sinn.

 

snorri í betel

Er hún enn á lífi?

Athugasemdir

[Jón Þórhallsson, 21.1.2019 kl. 18:23]

Ég legg til að fólk lesi frekar bækurnar hans GUNNARS DALS

þar sem að keppst er við að leysa lífgátuna.

Frekar en að eyða tímanum á villimenn

sem að eru að brenna hvorn annan inni vegna skoðana-ágreinings.

[Snorri Óskarsson, 21.1.2019 kl. 18:41]

En viðhorf ,,villimanna” sækja à í okkar samtíma! Við höfum ljós dæmi um samfélög í okkar sögu, sem smækkaði manngildið og gerði aflífun algengari.

Allt í lagi að rifja upp það sem var!