Andlit kirkjunnar?

Mér kom eitt Biblíuvers í hug, frá spádómsbók Jesaja, kafla 3 og vers 9:

,,Andlitssvipur þeirra vitnar í gegn þeim, og þeir gjöra syndir sínar heyrinkunnar, eins og Sódóma, og leyna þeim ekki. Vei þeim, því að þeir hafa bakað sjálfum sér ógæfu."

þarf ekki kirkjan að gera sér grein fyrir því hvað hún stendur fyrir? Á hún ekki að vera rödd Guðs í samtímann? Þess Guðs sem er ,,í gær, og í dag hinn sami og um aldir"!!!

eins gott að kynnirinn fari ekki útaf og klúðri ,,Faðirvorinu"!
snorri í Betel

Athugasemdir

[Tómas Ibsen Halldórsson, 16.6.2022 kl. 23:13]

Sæll Snorri og velkominn heim á klakann.

Hér er vel mælt Snorri. Kirkjan, því miður, virðist feimin við að kannast við Guðs Heilaga Orð en það er Lifandi Orð sem frelsar, leysir og læknar, kirkjan virðist ekki þekkja þennan sannleika.

Mér kom til hugar orð úr Hósea um daginn, en þar segir "Lýður minn verður afmáður, af því hann hefur enga þekking. Af því að þér hafið hafnað þekkingunni, þá vil ég hafna yður..." Jafnvel þótt menn hafi alla mannlega þekkingu og mannlega visku, en þekkja ekki Guð, skapara okkar, þá vita þeir ekki neitt. Jesús sagði "Það er hið eilífa líf að ÞEKKJA þig, hinn eina sanna Guð og þann sem þú sendir, Jesú Krist". Þar liggur hin eina sanna þekking. Ef kirkjan sér það ekki er hún blind.