Það er deginum ljósara hvað Jesús kenndi:

 

Ég leyfi mér að birta þessa grein hér til að því sé haldið til haga hvað Jesús kenndi:

Er samkynhneigð synd?

Snorri Óskarsson

Þriðjudagur, 4. október 2022

 

Snorri Óskars­son: „Kafl­inn hjá Matt­heusi er því býsna ábyggi­leg heim­ild um kennslu Jesú og fjall­ar tals­vert um kyn­líf og kyn­hneigð manna, þvert á full­yrðing­ar!“

Snorri Óskars­son

Morg­un­blaðið gerði þess­ari spurn­ingu skil í fimmtu­dags­blaðinu 22. sept. 2022. Um­fjöll­un­in var um kafla í bók sr. Þór­halls Heim­is­son­ar, prests í Svíþjóð, „Allt sem þú vilt vita um Bibl­í­una“!

Ég las grein­ina og í kynn­ingu seg­ir: „...leiðir Þór­hall­ur Heim­is­son les­end­ur í gegn­um hina mörgu tor­ræðu kafla Biblí­unn­ar.“

Í grein­inni full­yrðir höf­und­ur bók­ar­inn­ar að „til dæm­is minn­ist Jesús Krist­ur aldrei á sam­kyn­hneigð eða sam­kyn­hneigða. Hann tal­ar reynd­ar aldrei um kyn­hneigð manna til eða frá. Hon­um var slétt sama hvort menn væru sam­kyn­hneigðir eða gagn­kyn­hneigðir eða eitt­hvað allt annað“.

Þessi fram­setn­ing klerks­ins bend­ir til að höf­und­ur skauti fram hjá mjög merki­leg­um þátt­um meist­ar­ans frá Nasa­ret og ger­ir um leið bók­ina ónýta til ætl­un­ar­verks­ins að „leiða les­end­ur í gegn­um hina mörgu tor­ræðu kafla Biblí­unn­ar“.

Við erum með þrjú guðspjöll sem rituð eru af sjón­ar­vott­um og læri­svein­um Jesú frá Nasa­ret og okk­ur er holl­ast að treysta frá­sögn þeirra.

Kenndi Jesús aldrei um „kyn­hneigð manna“?

Í guðspjalli Matt­heus­ar er að finna kennslu Jesú um það sem býr innra með mann­in­um. Matt­heus not­ar hálf­an 15. kafla um efnið. Í versi 19 seg­ir og tekið orðrétt frá munni Jesú Krists: „Því að frá hjart­anu koma ill­ar hugs­an­ir, mann­dráp, hórdóm­ur, saurlifnaður, þjófnaður, ljúg­vitni, last­mælgi. Þetta er það sem saurg­ar mann­inn.“

Flest­ir þekkja til orðanna „hórdóm­ur og saurlifnaður“ og tengja þau við kyn­hegðun manna.

Kafl­inn hjá Matt­heusi er því býsna ábyggi­leg heim­ild um kennslu Jesú og fjall­ar tals­vert um kyn­líf og kyn­hneigð manna, þvert á full­yrðing­ar sr. Þór­halls.

Hér sjá les­end­ur að nýyrðið „sam­kyn­hneigð“ kem­ur hvergi fyr­ir og þarf eng­an að undra.

Guðspjöll­in voru þegar kom­in fram um 180 e.Kr. og strax viður­kennd sem ritn­ing­ar gefn­ar af Guði, sam­kvæmt því sem Ireneus af Lyon full­yrti.

Hvaða orð voru notuð í grísku? Fyr­ir hórdóm var notað „moikea“. Þetta orð kem­ur einnig fram hjá Jó­hann­esi guðspjalla­manni þegar hann grein­ir frá ber­synd­ugu kon­unni sem átti að grýta fyr­ir hórdóm eða „moikea“ (Jóh. 8:3). Fyr­ir „saurlifnað“ not­ar gríski text­inn orðið „porneia“. Þetta orð má finna víða í Nýja testa­ment­inu í tengsl­um við kyn­líf og skurðgoðadýrk­un, svo sem í Postula­sög­unni 15:21. Enn frem­ur má sjá notk­un Páls postula á orðinu „porneia“ í Róm­verja­bréf­inu 1:29. Þýðandi Nt. frá 1540 notaði orðið frillu­lífi (sjá Nt. Odds) og í Biblí­unni 2007 er sagt saur­lífi.

Gríska orðið „porneia“ var notað yfir kyn­líf við dýr, börn, sam­kynja mann­eskj­ur og skurðgoð. Þess vegna hef­ur gríska orðið víðtæk­ari merk­ingu en al­mennt er haft sem þýðing þessa orðs á ís­lensku. Við þýðum „pornea“ gjarn­an sem „klám“!

Mér þykir guðfræðing­ur­inn fara held­ur illa að ráði sínu að full­yrða að Jesús hafi aldrei fjallað um sam­kyn­hneigð þegar orðið „porneia“ var notað um þenn­an lífs­máta. Jesús notaði orðið skv. Matt­heusi.

Fyr­ir mér kem­ur Þór­hall­ur út sem lé­leg­ur fræðimaður og í stað þess að ger­ast leiðsögumaður vill­ir hann les­end­ur sína um lend­ur Biblí­unn­ar. Bók­in og fræðimaður­inn fá því fall­ein­kunn. Reyn­ist þetta dæmi um lé­lega fræðimennsku höf­und­ar má vænt­an­lega vantreysta mörgu öðru sem hann legg­ur fram fyr­ir les­and­ann. Það er skaði hverj­um rit­höf­undi að stand­ast ekki skoðun þegar verk er gefið út.

Því má einnig bæta við að Jesús tal­ar í Op­in­ber­un­ar­bók Jó­hann­es­ar um kyn­hegðun, kyn­hneigð og af­leiðing­ar þessa lifnaðar. Þar kem­ur fram í Op. 21:8 (og Op. 22:15) hver ör­lög verða fyr­ir skurðgoðadýrk­end­ur og frillu­líf­is­menn sem ekki gera iðrun. Það er hollt fyr­ir guðfræðing­inn að kynna sér efni þeirr­ar bók­ar áður en lengra er haldið með út­gáfu á Öllu sem þú vilt vita um Bibl­í­una.

Athugasemdir

[Jón Þórhallsson, 4.10.2022 kl. 12:53]

AMEN! 

Á eftir efninu.

[Ingólfur Sigurðsson, 5.10.2022 kl. 13:02]

Þú hefur mikla þekkingu á Biblíunni Snorri og þessi pistill þinn sýnir það. Ég hef borið mikla virðingu fyrir Þórhalli Heimissyni og hans lærdómi en er sammála því að í þessari bók finnst mér hann fara útí lýðskrum, að reyna að þóknast háværum baráttuhópi í þjóðfélaginu og sveigja af þeirri leið sem Biblían kennir. 

Hér eru til umfjöllunar hjá þér orðin "moikea" og "porneia"

Það er mjög áhugavert að í Lögmálinu, Móselögmálinu er samkynhneigð bönnuð en til forna var ekki talið refsivert samræði við unglinga eða börn, ungar stúlkur voru keyptar eða gefnar eldri mönnum samkvæmt mjög fornri hefð. Einnig var það mjög rík hefð í Grikklandi að ungir lærlingar og karlkyns væru kynferðisnautar kennaranna, um þessa samkynhneigð er fjallað í mannkynssögunni.

Í guðfræðideildinni er það einnig kennt að María mey var á fermingaraldri þegar hún fæddi Jesúm Krist. Þannig að á engan hátt var Biblían andvíg barnaníði, nema eins og þú segir, ef maður fer útí getspakir með ákveðin orð, eins og "moikea" og "porneia".

Þetta var bara annað siðferði en á okkar dögum. Þá var samkynhneigð bönnuð því hún stuðlaði að fólksfækkun en ekki barnagirndin. Þá var tilgangurinn með kynlífinu fjölgun mannkynsins en ekki aðallega munúðarkenndin.

Femínistar og jafnaðarmenn hafa snúið siðferði alveg við.

Á dögum Krists var það sennilega talið kvenlegt og veikleikamerki að fjalla um mjúk mál eins og hann gerði. Fræðimenn sem eru hlynntir samkynhneigð hafa sumir reynt að túlka hann og lærisveina hans sem dæmi um samkynhneigð, hvort sem það er rétt eða ekki. Fræðimannasamfélagið reynir ýmislegt útí heimi.

Það er mjög áhugavert hvernig Kristur sneiðir hjá því að fjalla um sum mál, en það má ýmislegt lesa úr þessu eins og þú gerir.

Á dögum Krists hefur samkynhneigð verið meira fordæmd en margt annað sem orðið "porneia" nær yfir, því allt þar til eftir aldamótin 2000 var þetta þannig á Íslandi, að samkynhneigðir voru ofsóttir á þessu landi. Það er til dæmis um hversu róttæk þjóðfélagsbreyting hefur orðið af völdum vinstrisinnaðra húmanisma, og nú er þetta flokkað með mannréttindum eins og kvenréttindum.

Túlkun þín á orðum Krists er án efa rétt, og því sem hann átti við og fordæmingu hans á þessu, enda sagði hann á öðrum stað að Lögmálið félli ekki úr gildi á meðan himinn og jörð stæðu, en einnig að hann væri kominn til kenna nýtt lögmál. Þversagnir í því sem haft er eftir Kristi eru ýmsar. Hann talaði oft einsog heimspekingur.

Nú er reynt að túlka þetta á annan hátt, í anda tízkunnar, húmanismans.

Ég hef ekki eins mikla þekkingu á Biblíunni og þú þótt ég þekki nokkra guðfræðinga. Ef þér finnst eitthvað af þessu rangt þá verður þú bara að leiðrétta það.

En það er ánægjulegt að lesa túlkun á Biblíunni eins og ég lærði þetta á mínu heimili, hjá ömmu og afa. Kirkjan hefur mikið breyzt.