Helvíti slæmt..!

Ef þetta verður niðurstaðan þá steig Kristur væntanega aldrei niður til heljar? Og til hvers var hann þá að leggja sig í sölurnar fyrir mennina? Deyja sem syndafórn svo þú og ég gætum fyrir trúnna á hann komist til himins! Þegar ekkert Helvíti er til þá verður þjáningin og krossdauðinn algerlega óskiljanlegt uppátæki.

En svona fyrir alla þá sem pæla og vilja skoða málin þá kenndi Jesús Kristur um Helvíti. Hann segir það fyrirbúið fyrir Djöfulinn, dauðann, helju, Antikrist og engla Satans, engan mann. Þetta Helvíti er til að koma hinu illa og sviksamlega úr sköpuninni svo næsta tilvera verði stöðug, samtengd kærleikanum og eilíf í viðhaldsfrírri sælu!

Það er því bara all ill tíðindi ef búið er að sameina Helvíti við hugarástand ráðvilltra presta.

Í Saudi-Arabíu tóku þeir 40.000 immana (kennimenn) í endurhæfingu væntanlega til að þeir kenndu í samræmi við Kóraninn. Ætli sé líka kominn tími til að taka kristna presta í endurhæfingu svo þeir viti hvað það er sem Jesús Kristur kenndi?
Helvíti er til, himininn einnig, dauðinn er til og eilífa lífið líka. Ekkert af þessu verður afnumið með kosningum eða "guðfræðibulli". Spurningin er aðeins hvort þú velur eilífð á himnum með Jesú  eða klúðrar málum.  Menn þurfa nefnilega ekki að velja  Helvíti. Veldu þess vegna Jesú og gerðu  hann að Drottni þínum, þá fer vel  og við hittumst á  rétta staðnum!

Amen.

Snorri í Betel 

Helvíti andlegt frekar en líkamlegt?

Athugasemdir

[Sigurður Þórðarson, 24.3.2008 kl. 00:32]

"Þá segist hann ekki vilja ganga jafn langt og nokkrir norskir starfsbræður hans sem vilja skipta orðinu „Helvíti" út fyrir annað orð í nýrri Biblíuþýðingu."

Eru menn farnir að toga og teygja merkingu orðsins þýðing?  Maður hefur á tilfinningunni að einhverjir hafi raunverulegan áhuga á að umskrifa og endursegja jafnvel breyta og þá eiga menn að segja það hreint út í stað þess að "nauðga" orðinu þýða. Svo geta menn haft frjálsar hendur með að skrifa greinar eða gefa út pésa þar sem þeir túlka hver eftir sínu höfði. Þetta finnst mér þó ég hafi ekkert vit á Biblíunni.

[Svanur Gísli Þorkelsson, 24.3.2008 kl. 02:16]

Sæll Óskar

Hvernig væri að taka áskorun Moffa?

I

Hver eru Biblíulegu rökin fyrir því að gríska orðið "gehenna" sem bókstaflega þýðir "dalur sona Hinnom" og borgar ruslahaugurinn á tímum Krists, er þýtt sem "helvíti"?  

IIÞeir sem þið kennið þessa hugmyndafræði, þegar þið segið öðrum frá, gerið þið þeim grein fyrir því að "Gehenna" er nafnorð sem er heiti á raunverulegum stað sem er til á jörðinni í dag?IIIÁ hvaða grundvelli varðandi "Gehenna" gætu þið útskýrt orð Jesús í Matteusi 5:22, þar sem að segja "Raca" myndi gera einhvern sekann frammi fyrir ráðinu en að segja "Fífl" væri refsað með logum helvítis um alla eilífð?   Afhverju þessi svakalegi munur á refsingu?IVGætir þú útskýrt afhverju engin af þeim tólf Nýja Testamentins versum sem fjalla um Gehenna nefna líkamlegar þjáningar af nokkuri sort?  If Gehenna er orðið sem lýsir eilífum þjáningum, er það þá ekki dáldið skrítið?VÞegar þið segið öðrum frá þessari kenningu um eilífar þjáningar gerið þið þeim grein fyrir því að þið trúið í rauninni á tvö helvíti; eitt tímabundið ( Hades ) og annað eilífs ( Gehenna )VI Þegar þið kennið þetta, eru þið heiðarleg og segið ykkar hlustendum að "Hades" og "Gehenna" eru tveir mismunandi hlutir en þessi orð eru bæði þýdd sem "hell/helvíti" í King James Biblíunni?VIIEruð þið tilbúin að viðurkenna að jafnvel ef sagan um "Ríkamanninn og Lazarus" er ekki dæmisaga að þá kemur hún ekki málinu við varðandi eilífar þjáningar þeirra sem glatast?  Ríki maðurinn fór til "Hades" sem er kennt að er tímabundið. Afhverju er þetta sem er tímabundið notað til að færa rök fyrir refsingunni sem er eilíf?   Er þetta heiðarlegt?  Hades verður að vera tæmt svo að hinir dánu geti verið dæmdir ( Opinberunarbókin 20).  Eru þessar staðreyndir útskýrðar greinilega þegar þið notað Lúkas 16 til að kenna kenninguna um eilífar þjáningar?VIIIÞegar þið vitnið í Jesús þegar hann segir "þar sem ormurinn deyr ekki og eldurinn slökknar ekki ( Markús 9) þegar Hann fjallar um helvíti; gerið þið þá ykkar hlustendum grein fyrir því að Jesús er að vitna í Jesaja 66:24 þar sem dauðir líkamar verða fyrir þessu en ekki ódauðlegar sálir að eilífu?IXEf þú heimtar að Markús 9 eigi við þjáningar sála vegna eldsins og ormanna að eilífu, hvernig þá geturðu útskýrt hvernig eldurinn og þjáningin virkar á dauða líkama í Jesja 66:24?  Ef þú heimtar að dauðu líkamarnir í Jesaja 66:24 eru líka ódauðlegar sálir, hvaða Biblíutexta notar þú til að leyfa þér slíkt?XÍ Biblíulegum skilningi, er "óslökkvandi eldur / unquenchable", eldur sem mun aldrei slökkna?  ( Jeremía 7:20, 17:27, Esíkíel 20:47-48 )  Þegar þú predikar að helvíti er óslökkvandi eldur vitnar þú þá líka í þessi vers sem sýna hvernig Biblían notar þessi orð?  Eigum við ekki að láta Biblíuna sjálfa skilgreina sín eigin orð og hvað þau þýða?  XI

Endilega útskýrðu afhverju "eilíf refsing" Matteus 25:46, hlýtur að þýða eilífar þjáningar?  Endilega útskýrðu afhverju eilífur dauði getur ekki líka verið "eilíf refsing"?

XIIGeturðu útskýrt á hvaða grundvelli setningin "á dómsdegi" kennir að það verði mismunandi refsingar í helvíti?  Á hvaða hátt "á dómsdegi" þýðir "helvíti"?XIIISamkvæmt ykkar eigin lógík varðandi spurninguna hérna fyrir ofan; afhverju kennir þú að í Matteusi 12:36 að "á dómsdegi" ætti að vera tekið bókstaflega frekar en "í helvíti"? XIVEf versið fyrir ofan fjallar um dómsdag afhverju hafa þau vers þá einhverja þýðingu fyrir tímann eftir dómsdag?XVEf helvíti er þjáningar að eilífu, hvernig útskýrir þú þá orð Jesús þar hann talar um "mörg högg" og "fá högg" ( Lúkas 12:46-48 ) kennir mismunandi hitastig í refsingu vítis?  Hvaða þýðingu hafa orðin "fá" og "mörg" í eilífðinni?  Ætti Jesú ekki að hafa sagt "þung högg" eða "sársauka minni" högg eða slíkt ef ykkar kenning er rétt?XVIÍ Opinberunarbókinni 14:10-11 á þá viðvörunin "10 þá skal sá hinn sami drekka af reiði-víni Guðs, sem byrlað er óblandað í reiðibikar hans, og hann mun kvalinn verða í eldi og brennisteini í augsýn heilagra engla og í augsýn lambsins. 11 Og reykurinn frá kvalastað þeirra stígur upp um aldir alda, og eigi hafa þeir hvíld dag eða nótt, þeir sem dýrið tilbiðja og líkneski þess, hver sá sem ber merki nafns þess." við alla menn eða aðeins þá sem tilbiðja dýrið?  Þegar þú notar þetta vers til að styðja kenninguna um eilífar þjáningar syndara gerir þú það skýrt að þessi viðvörun er beint til ákveðins hóp af fólki á ákveðnum tíma?XVIISegir Opinberunarbókinni 14:10-11 að þjáningarnar halda áfram að eilífu eða að "reykurinn" af þessum þjáningum rísi upp að eilífu?   Er ekki munur á milli?  Ef ekki, afhverju?XVIIIReykurinn frá hinni táknrænu Babelón ( Opinberunarbókin 19:3 ), mun hann líka rísa bókstaflega upp að eilífu?XIXOrðin í Opinberunarbókinni 14 er tekin frá lýsingunni af eyðingu Edom(Idumea) í Jesaja 34:10 þar sem reykurinn þar rís einnig upp að eilífu.  Í þeim versum þá er það land sem brennir í eldi og brennisteini og það land sem brennur "mun ekki vera slökkt" og reykurinn rís upp að eilífu.  Þessar setningar eru notaðar til að lýsa atburðum hér á jörðinni og reykurinn rís ekki ennþá af þessum stöðum. Svo afhverju að nota þessar setningar sem lýsa einhverju sem gerðist á jörðinni og hefur endað notað til að styðja hugmyndina um eilíft helvíti? XXEf aðvörin í Opinberunarbókinni 14:10-11 er vísun á eilífar þjáningar í "elds hafinu" afhverju þá í Opinberunarbókinni 19:20-21 þegar eldshafið birtist þá er þeim sem voru varaðir við ekki kastað í eld hafið heldur eru þeir einfaldlega drepnir?XXIEf aðvörin í Opinberunarbókinni 14:10-11 er vísun í þjáningar í "eldshafinu", afhverju þá samkvæmt vinsælum guðfræði kenningum er þessari refsingu beitt eftir þúsund ár?  Voru þá hinir vondu í tímabundna helvítinu og síðan komu þúsund árin og síðan verður þeim refsað með því að vera hent í eldshafið eilífa á dómsdegi?XXIIÍ vísuninni í "elds díkið", afhverju eru það þá djöfullinn, dýrið og fals spámaðurinn kvaldir að eilífu en ekki allt mannkyn?  Ertu viss um að þú notir ekki þessi orð yfir allt mannkyn fyrst að Biblían gerir það ekki?XXIIIÍ gegnum Opinberunarbókina eru táknmyndir útskýrð á sama hátt. Fína línið er réttlæti dýrlinganna, ljósastikurnar eru kirkjur, hornin tíu eru tíu konungar. Afhverju er það þá þegar okkur er sagt að "elds hafið" er hinn annar dauði að þá er þessu snúið við og hinn annar dauði er elds hafið? XXIV Hvernig kastar maður bókstaflega "hades" og dauðanum í eldshafið? ( Opinberunarbókin 20:14 )  Ef þetta er táknrænt, afhverju er þá ekki það líka táknrænt þegar þeir sem voru ekki fundnir í Bók Lífsins hent í elds hafið?XXV Geturðu útvegað eitt vers í Biblíunni sem segir að "helvíti" er elds hafið? XXVIGeturðu fundið eitt vers í Biblíunni sem segir að Jesús dó fyrir mannkynið til að frelsa það frá eilífum kvölum í helvíti?XXVIIGeturðu fundið eitt vers í Biblíunni sem segir að "grátur og gnístan tanna" gerist í helvíti? XXVIIIGeturðu fundið eitt vers í Biblíunni sem segir að "grátur og gnýstan tanna" er eilíft ástand fyrir þá sem frelsuðust ekki?XXIXGeturðu vinsamlegast sýnt mér eitt vers í Biblíunni sem segir að það eru mismunandi stig þjáninga í helvíti?XXX

Ef þú getur ekki fundið vers fyrir fimm síðustu spurningum ertu þá tilbúinn að hætta að kenna þessa hluti eins og þið eruð að vitna beint í Biblíuna?  Eruð þið að minnsta kosti tilbúin að viðurkenna að þessi kenning er byggð aðeins á ykkar eigin ályktunum en ekki á Orði Guðs?

[Aðalbjörn Leifsson, 24.3.2008 kl. 11:21]

Sæll Snorri og Gleðilega Páska.

Satan er mjög duglegur og hann veit hvað hann er að gera. Núna rífur hann niður Lúthersku kirkjuna niður innann frá með Því að taka út orð og setningar úr Biblíunni. Næst lætur hann banna hana vegna þess að hún er með ljót orð og að lokum þá verður Biblían brennd á báli.

Við verðum að standa vörð um Guðs orð. Guð blessi þig í Jesú nafni Amen.

[Mofi, 24.3.2008 kl. 11:42]

Orðið sem þýtt er sem helvíti í Gamla Testamentinu er "sheol" og er annað hvort þýtt sem gröfin eða helvíti eftir því hvort að þýðandinn hélt að viðkomandi væri góður eða vondur. Helvíti í þeim skilningi að það er staður sem er logandi og fólk kvelst þar í miljónir ára er ekki Biblíuleg. Biblían er alveg skýr á þessu

Jóhannesarguðspjall 3
16 Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf.

Eilíft líf eða farast eða að deyja að eilífu. Ef kristinn einstaklingur trúir þessu þá er ekkert trúarstökk að sannfæra einhvern um tilvist helvítis, hef ekki ennþá hitt einhvern sem trúir því að hann mun ekki deyja.

[Jakob (IP-tala skráð) 24.3.2008 kl. 11:43]

Helvíti eins og þú kallar það er læst innan frá þar sem hver óverskuldaður syndari hefur verið réttlætur fyrir trú og skuldinn borguð skildi maður kjósa að taka á móti borguninni.

[Snorri Óskarsson, 24.3.2008 kl. 13:03]

Sæll Svanur eða ætti ég að segja Þorkell?

Orðið hel eða helvíti virðist eiga við um tvo skylda staði. Hel er ríki dauðans og þetta orð á upphaf sitt í víkingatrúnni sem sagði að hel væri norn dauðans og þar væri kalt, ískalt. En þetta orð er notað í Biblíuþýðingum því það nær ágætlega yfir gríska orðið "Gehenna". Það orð var notað yfir "Hinnoms-dal" eða Hinnomssonar dal eins og Biblían talar um dalinn. Hans er getið í bók Jeremía en þar talar spámaðurinn mjög gegn þeirri athöfn sem var stunduð í Hinnomssonardal. Sú athöfn var fólgin í því að kynda mikið bál og láta börnin ganga í gegnum eldinn. Auðvitað dóu börnin og fornleifauppgröftur hefur sýnt að á ákv. stöðum eru mikil öskulög með miklu af hálfbrunnum barnabeinum.

Seinna var þessi dalur gerður að "öskuhaugum" Jerúsalemborgar en sjálfur er dalurinn fyrir sunnan borgarmúrabna. Til að komast að dalnum þaðan frá geta menn farið útum Mykjuhliðið (með ruslið)

Í Nýja-Testamentinu er greint frá þessum stað í Matt.5:29, og 30; Matt.10:28; 23:33. Mark. 9:43; 45 og 47. Lúkas.12:5 og Jakobsbréfi 3:6.

Við getum séð að þessir ritningarstaðir eiga allir við "Gehenna" eða öskuhauga eilfíðfarinnar.

Hvort þar er grátur og gnístran tanna má lesa: Matt.8:12, 13:42 og 50, 22:13, 24:51 og 25:30 ennfremur hjá Lúkasi 13: 28.

Allir þessir staðir eru tilvísanir í Orð og dæmisögur Jesú Krists. Svo hann boðaði okkur allt annað en tilfinningalausa glötun. Þarna er nefnilega ekkert meðvitundarleysi.

Í annan stað komur fram að glötunarstaðurinn er einnig kallaður "sheol" sem þýðir svartur, myrkur. T.d þegar menn biðja um svart kaffi í Ísrael þá er beðið um kaffi sheol.

Af þessu má sjá að glötunin er enganvegin ásættanleg endastöð. Það má vel vera að við eigum vini á báðum stöðum en ég vil ekki fara nema á annan staðinn sem heitir í Paradís Guðs.

Svanur, nú er bara að taka fram Biblíuna og lesa.

Í Opinberunarbók Jóhannesar er þetta sagt: "Og dýrir var handtekið og ásamt því falsspámaðurinn sem tákn gjörði í augsýn þess en með þeim leiddi hann afvega þá sem tekið höfðu við merki dýrsins og þá sem tilbeðið höfðu líkneski þess; báðum þeim var kastað lifandi í eldsdíkið sem logar af brennisteini."  kafli 19:20.

 Og dauðanum og Helju var kastað í eldsdíkið; þetta er hinn annar dauði eldsdíkið. Og hver sem ekki fannst ritaður í Lífsins bók, honum var kastað í eldsdíkið. kafli 20:14

Gleymum því ekki að Jesús Kristur kom, leið og dó til að frelsa okkur frá þessum örlögum. Engum manni er ætlað að lenda á sama stað og Satan er ætlað að vera um aldur og eilífð.  Amen

[Árni þór, 24.3.2008 kl. 13:19]

Ég er sammála þér Snorri...

Dauða og hel verður kastað í eldsdýkið, eldsdýkið er ætlað djöflinum og illu öflunum fyrst og fremst, þess vegna kom Jesús og fór þangað fyrir okkur, tók lyklana af djöflinum svo við þyrftum ekki að fara þangað og opnaði leið frá dauða og helju upp í himininn.

Sérhvert kné þarf að beygja sig og játa að Jesús sé Kristur, hérna á jörðinni og eða í helvíti.

[Linda, 24.3.2008 kl. 13:48]

hvort sem helvíti er raunverulegt, eða hugarástand þá er það á hreinu að það er ekki staður sem ég vil vera á.  Dómur mun koma það er alveg á hreinu.

[Óskar Arnórsson, 24.3.2008 kl. 14:16]

Þetta samansafn af bókum sem heitir Biblía er ágæt sagnfræðileg heimild. Hún er skrifuð af þeim sem töldu sig vita hvað Kristur meinti með öllum gátfullu orðum sínu og dæmisögum. Tómasarguðspjallið sem Danskur sagnfræðingur eyddi öllu lífinu í að rannsaka og vildi að sett yrði inn í Biblíuna var hafnað af Ráðamönnum Vatikanssins. Það var illa gert að gera það ekki.

Tómasarguðspjallið er kannski það sem kemst næst því sem Kristur sagði trúi ég. En það varð stór framþróun í þroska Biblífróðra manna Páfans þegar þeir eftir áralangar vangaveltur komust að þeirri niðurstöðu að taka út úr Biblíunni það, að nýfædd börn myndi ekki brenna í helvíti til eilífðar ef þau náðu ekki skírast áður en þau dóu. 

Ég held að það sé hollt hverjum þeim sem notar heilbrigða skynsemi sem leiðarvísi í sínu lífi að festast ekki í þeirri gildru að dýrka pappírinn sem Biblían er gerð úr. Dýrkunarárátta er af hinu illa og er aldrei neinum til góðs. Jafnvel ef mig minnir rétt, varaði Kristur fólk við dýrkun á sér sjálfum, hann bað fólk að hlusta á það sem hann sagði og sleppa tilbeiðslunni. Þetta hljóma r skynsamt.

Ég vona að öll trúarrit verði komin á eitthvað safn þegar mannkynið er búið að ná þeim þroska að ekki verði nauðsynlegt að hlusta á ræður  kirkjupresta um forna sagnfræði. Hvernig ætli að Kristur sjálfur vildi að nútíma fólk hagaði sér í dag? Og hvað ætli honum finnist um allar kirkjur nútímans þar sem lesið er stanslaust upp úr því sem skeði fyrir 2000 árum? 

Ég held að kirkjur nútímans séu gullkálfarnir sem varað er við í Biblíunni. Ekki byggði Kristur nokkra kirkju. Hvernig ætli standi á því?  

[Mofi, 24.3.2008 kl. 17:08]

Ég sá ekki að Svanur póstaði á meðan ég var að skrifa mína færslu... :)

Sé núna að Snorri svaraði ekki mínum athugasemdum né tók áskorunni. Ég á mjög erfitt með að skilja afhverju einhver ætti að vilja halda í þá kenningu að Guð mun kvelja fólk í eldi að eilífu; er virkilega löngun til að trúa þessu?

Ég myndi vilja sjá einhvern sem aðhyllist þessa kenningu um eilífar þjáningar í eldi taka áskorunni: Áskorun fyrir kaþólikka og hvítasunnufólk varðandi helvíti, taka 2    Sömuleiðis væri gott að sjá hvernig Biblían sjálf setur fram ástand hinna dauðu og refsinguna, sjá: Hvað gerist þegar maður deyr, hvað er helvíti?

Óskar, ég er ekki frá því að þú hefir hellings til þíns máls varðandi gullkálfana og kirkjunar.

[Aðalbjörg Tryggvadóttir (IP-tala skráð) 24.3.2008 kl. 18:26]

Helvíti er í mínum huga svipað fyrirbæri og Grýla sem sögð var éta óþægu börnin.  Fundið upp til að hræða fólk og bara til í höfðinu á þeim sem trúa að það sé til. 

[Snorri Óskarsson, 24.3.2008 kl. 21:24]

Sæll Mofi

Ég hef aldrei farið til Helvítis og get því aðeins rætt málin út frá þeim sem best þekkir en það er Jesús Kristur. Hann fór í dauðann, prédikaði fyrir öndunum í varðhaldi og leysti þá sem höfðu dáið í trú.

Ég þóttist svara þér með því að vísa til ritningarstaðanna og sú setning sem bendir okkur á óþægilega eilífð í eldi og brennisteini er þetta:"og ef einhver fannst ekki skráður í lífsins bók var honum kastað í eldsdíkið". Op.20:15

Þessi setning er í lok þess þegar búið er að leiða fram til dóms bæði stóra og smáa. Hinir dauðu voru dæmdir samkvæmt því sem stóð í bókunum (Biblios) samkvæmt verkum þeirra.

Allir þessir dauðu verða í líkömum (jarðneskum og/eða himneskum) af því þetta er  eftir upprisuna sem í vændum er þegar.(sbr. Op. 20:9) Þeir sem ganga inn í Paradís verða í jarðneskum dýrðarlíkama (umbreyttum) og hinir verða í sínum líkama með tilfinningum og vitund. Vissulega verður það "helvítis-ástand" andlegt sem líkamlegt og á ákveðnum stað sem fyrirbúinn er sbr. Matt. 25:41.  "Síðan mun hann segja við þá til vinstri handar. Farið frá mér, bölvaðir í þann eilífa eld sem búinn er djöflinum og árum hans." Við höfum ekki upplýsingar um annað.

Í ljósi þessa má einnig benda á að fórnardauði Jesú Krists var enginn "helgileikur" heldur grafalvarleg aðgerð þrungin lífi og krafti til að bjarga okkur undan ranglæti, synd og eilífri vist í Helvíti með Pokurnum og hans hyski. 

kveðja

Snorri í Betel 

[Birna Dis Vilbertsdóttir (IP-tala skráð) 25.3.2008 kl. 21:02]

Takk fyrir þessa færslu.

[Snorri Óskarsson, 25.3.2008 kl. 23:50]

Þegar spurt er hvað gerist þegar maður deyr þá er auðvitað fátt um svö. Þau eru e.t.v. aðeins til þrjú.

Frá sjónarhóli áhorfandans (trúaður eða vantrúaður) þá verður líkaminn líflaus, hold, vöðvar, innifli, taugakerfi og bein án nokkurs lífs. Gerir ekkert nema að brotna í frumeindir og rotna.  Ekkert tekur við nema eyðing líkamans.

Frá sjónarhóli vonarinnar þá er horft til Jesú Krists. Hann sagði við annan ræningjann á krossi :"Sannlega, sannlega segi ég þér, í dag skaltu vera með mér í Paradís."

Þá fór sál (vitund) hans með anda Jesú Krists uppí Paradís Guðs.

Þriðji sjónarhóllinn er leiti guðleysingjans. Þá er staða hins ræningjans sem dó dauða guðleysingjans. Hans er ekki getið meir en ásakanirnar sem hann bar  á Jesú veittu honum ekki inngang í Paradís.

Þar sem Biblían talar aðeins um 2 staði eftir dauðann þá fór sá ræningi á hinn staðinn sem nú er verið að segja að sé ekki til.

En því miður þá vita menn þetta ekki fyrr en eftir á. Fram að því þá þurfa allir að trúa.

Láttu ekki þekkingarþorstann ræna þig trúnni á Jesú. Þekkinguna færðu eftir á og getur endað í glötun. En fyrir trú meðtökum við gæsku Guðs í Jesú Kristi og segjum með hinum krossfessta ræningja: "Minnstu mín þegar þú kemur í konungsdýrð þinni" . Hvar heldurðu að þú fáir þá að vakna eftir andlátsstundina?

Góða nótt!

Snorri í Betel 

[Ingvar Leví Gunnarsson, 27.3.2008 kl. 00:52]

Ég er svo hjartanlega sammála Snorra í þessari færslu, og þakka fyrir mig.

Það er fyrir trú og aðeins trú, það er það sem málið snýst um. Trúir þú að Jesús Kristur hafi risið upp frá dauðum? Trúir þú að hann sé Sonurinn sem Guð gaf okkur? Eingetinn sonur Guðs, sem kom til að lýða fyrir okkar syndir til þess að við mættum eignast lífið í Guði fyrir trúna á Jesú Krist. Við skulum ekki vera að gera krossfestingu Jesú Krists að einhverjum "helgileik" eins og er orðan svo vel færslu 12.

Ég ætla að halda í þá von sem ég á í Jesú Kristi. Látum þá Orð Guðs mæla: Því að í voninni erum vér hólpnir orðnir. Von, er sést, er ekki von, því að hver vonar það, sem hann sér?
Róm.8:24

Verum ekki eins og Tómas, sem ekki vildi trúa að Jesús væri að sönnu upprisinn nema hann fengi að sjá! (Jóhannesarguðspjall 21:24-25)

Ég ætla að vona og trúa því að Jesús Kristur sé upprisinn, og sitji við hægri hönd föðurins á himnum, því ef það er ekki sú von sem ég á, þá á ég enga.

Ingvar Leví

[Stefán Ingi Guðjónsson, 27.3.2008 kl. 00:55]

Góð og þörf umræða. Við skulum kalla svart svart og hvítt hvítt. Helvíti eða himnaríki ? Ég bið í Jesú nafni að Óskar megi fá að kynnast Guði og vera með honum í himnaríki um alla eilífð. 

[Þórarinn Þ Gíslason (IP-tala skráð) 27.3.2008 kl. 06:39]

Viðverukvitt.

[Ása (IP-tala skráð) 27.3.2008 kl. 20:07]

Þú ert alltaf með alveg frábær blogg Snorri!!
Guð blessi þig - þú sem ert Hans fúsi þjónn!!

[þorvaldur Hermannsson, 28.3.2008 kl. 16:53]

Kvitta fyrir að hafa kígt inn,gamli nágranni.kv

[þorvaldur Hermannsson, 28.3.2008 kl. 17:03]

Sæll aftur,Einu sem ég gleimdi.Ég er að klára fjórða árið í tölvunarfræði ég hef alltaf fengið góðar einkanir.Nú er Pabbi fluttur Suður þannig að við hittumst reglulega.kv

[Snorri Óskarsson, 29.3.2008 kl. 23:54]

Skilaðu kveðju til pabba þíns með von um að allt gangi vel en þú veist að Eyjarnar eru fátækari fyrst Hermannsson er horfinn frá Hlíðarási.

kveðja

Snorri 

[þorvaldur Hermannsson, 30.3.2008 kl. 00:23]

Skila því.Ég á sterkar taugar á Faxastígin,þú líka.kv