Gröfin kjaftar frá!

Gröfin hefur að geyma bein manna, risaeðla og risakrókódíla. Af hverju ætli sama gröfin hafi verið notuð fyrir skepnur og menn? Það eru 109.990.000, hundraðog níumilljón og níutíuþúsund ár á milli þess sem krókódíllinn var grafinn og mennirnir  lagðir til hinstu hvíldar. Eða eru útreikningarnir eitthvað í rugli?

það skyldi þó ekki vera að þessi gröf bendir á að lífið er ungt og þessi risa-dýr voru samtíma mönnum? Hvað ætli menn þurfi að finna marga grafreiti manna og risaeðla til að vita að þau deildu sama líftíma hér á jörðinni?

Allir sem rannsaka þessi þætti með gagnrýnni vísindalegri nákvæmni sjá að menn og risaskepnurnar voru uppi á sama tíma. Lífið er ungt! Það segir Biblían líka!

En Biblían boðar einnig að þú getur eignast eilíft líf, án enda - það er afar spennandi valkostur. Hefurðu hugsað þennan möguleika fyrir þig?

kær kveðja

Snorri í Betel 

Vísindamenn fundu stærðarinnar grafreit frá steinöld

Athugasemdir

[Jóhannes H. Proppé (IP-tala skráð) 19.8.2008 kl. 00:04]

Ef ég gref niður hjólkopp af '96 mözdu á svipað dýpi og stað þar sem steingerfingar finnast, kemur það þá til með að sanna fyrir fornleifafræðingum komandi alda að risaeðlur og mözdur hafi verið uppi á sama tíma?

[Páll Geir Bjarnason, 19.8.2008 kl. 00:26]

"Allir sem rannsaka þessi þætti með gagnrýnni vísindalegri nákvæmni sjá að menn og risaskepnurnar voru uppi á sama tíma. Lífið er ungt! Það segir Biblían líka!"

Allir er stór fullyrðing og svo langt frá sannleikanum aðblind trú þín er hjákátleg. Annars er öll rökræða um þetta hérna

http://mofi.blog.is/blog/mofi/entry/615685/

En það veistu vel.

[Haraldur Davíðsson, 19.8.2008 kl. 02:48]

Kjörsvæði fyrir rándýr í langan tíma, jörðin er ekki endilega í takt við lífið á jörðinni..

[Arnar, 19.8.2008 kl. 10:14]

Hvar stendur að fundist bein manna, risaeðla og risakrókódíla í sömu gröfinni?

[DoctorE (IP-tala skráð) 19.8.2008 kl. 15:15]

Þú hefur sem sagt aldrei heyrt um jarðrof eða neitt slíkt... þú hefur sem sagt ekki heyrt það að eyðimörkin var eitt sinn grasi vaxin og hefur gengið í gegnum ótal breytingar...

[Snorri Óskarsson, 19.8.2008 kl. 16:55]

Arnar

 "en grafreiturinn er sagður vera sá stærsti sinnar tegundar sem hafi fundist. Tímaritið National Geographic segir að auk steinrunninna mannabeina hafi bein risakrókódíla og risaeðla fundist."

Þetta er sagt í grein Mbl.

Páll Geir!

Fornafnið "Allir" er auðvitað "stór fullyrðing" en hún er vissulega að rætast. Öll rökræða er ekki búin varðandi um aldur lífs né aldur jarðar eða alheims. Við munum fá fleirri rök - þó í smáskömmtum- sem verða vegvísar að réttri niðurstöðu.

kveðja

Snorri 

[Liberal, 19.8.2008 kl. 18:20]

Snorri... getur hugsast að þar sem þetta er GRAFREITUR hafi verið GRAFIÐ ofan í jörðina (og þannig í gegnum jarðlög) þannig að það sem GRAFIÐ var endaði á sama stað, jarðfræðilega, og steingervingar?

Sköpunarsinnar eru sennilega klikkaðasta fólk sem til er, og lifandi sönnun þess að engin hugmynd er svo heimskuleg að ekki finnist einhver, einhvers staðar sem grípur hana á lofti.

[Snorri Óskarsson, 20.8.2008 kl. 19:54]

Eftir orðum greinarinnar sem þýdd er úr National Geographig er um steinrunnin bein að ræða í sömugröf. Gröfin er ekki samansafn margra grafa heldur ein stór með mörgum beinagrindum mis gömlum er öll steinrunnin. Þegar steinrunnin bein eru sögð 110 milljón ára og 10.000 ára í sömu gröf og sömu jarðlögum þá þarf að spyrja hvort menn séu að lesa rétt í leifar lífveranna!

Krafa okkar allra hlýtur að vera sú að hafa það sem sannara reynist.

kveðja

Snorri 

[Halldóra Lára Ásgeirsdóttir, 21.8.2008 kl. 23:01]

Ágæti Snorri!

þetta er mjög spennandi efni, en þó finnst mér meira spennandi, að vera með Jesú um alla eilífð.

Hann er konungur konunganna !

Takk fyrir færslurnar þínar,lyt stundum á þær mér til blessunar og fróðleiks.

Hjartans þakkir.

Halldóra Ásgeirsdóttir Garðabæ 

[Ása (IP-tala skráð) 24.8.2008 kl. 20:17]

Sæll Snorri - takk fyrir þessa umræðu!

Ég þekki okkar algóða Guð og veit að Hann er fær um að skapa steingervinga sem aðra hluti til handa efasemdarfólki til að fá staðfestingu á þeim sem vilja fylgja Honum heilshugar sama hvað! 

Veit að doctor E finnst ég mjög blind í minni trú en það er allt í lagi - öllum er leyfilegt að hafa skoðanir - ég held bara mínu striki og læt mér þykja vænt um alla sama hverrar trúar eða þjóðar þeir eru......

Guði er enginn hlutur um megn!!!