Falskur kvartett!

Ætli það sé ekki pyrrandi staða að vera í valdamiklu embætti og ráða ekki við "smámál"? Kannski er rangt að kalla þetta smámál því alla síðustu öld hafa vandræði verið milli Araba og gyðinga.

Unanfarna daga hafa verið óeirðir á svæðinu og í kvöld féllu sprengjur á Gaza af því að eldflaugum var skotið á Ísrael. Þar lést landbúnaðarverkamaður.

En fór það framhjá okkur að í janúar lok (28.) hafði Abbas orð á því að stefna þeirra væri að ÖLL JERÚSALEM yrði þeirra höfuðborg. Birtist þetta nokkuð í íslenskum fjölmiðlum? Ekki sýna svona yfirlýsingar friðarvilja.

Fáum dögum seinna (9.feb) var frá því greint að frá Al-Qaida í Jemen hvetti Araba í öllum Mið-Austurlöndum að rísa upp gegn Ísrael og efna til stríðs.

Frá Kaíró fréttist að 21.febr. hafi verið reynt að sprengja upp synagógu gyðinga, en mistókst. Gyðingar voru ekki látnir vita.

Sama dag varð allt vitlaust meðal Araba í Hebron, vegna þess að gyðingarnir tóku við yfirráðum á Makpele hellinum sem er gröf Abrahams, Söru, Rakelar og Jósefs. Skýringin var sú að Ísraelar vilja hafa hellinn opinn svo ferðamenn fái litið staðinn. Arabarnir lokuðu þessum helgistað og tóku hvorki tillit til kristinna né gyðinga. Ég gat ekki betur heyrt en að þessi aðgerð Ísraela hafi verið illa séð meðal fjölmiðlamanna á Íslandi. Vita menn það ekki að Arabar fá að halda yfirráðum á Musterishæðinni og það er hending að ferðamenn fái aðgang þangað.

Þann 22.febr fóru nokkrir gyðingar 35 stk. niður til Jeríkó og báðust fyrir í leifum fornrar synagógu þar. Þeir uppskáru handtökur og yfirheyrslur í sólarhring vegna þess. Teljast þetta ekki tíðindi? Ef okkur yrði meinaður aðgangur að Hólum ætli það yrði ekki frétt, jafnvel heimsfrétt. Allavega væri það túlkað sem fjandsamleg aðgerð.

Þann 2.mars sendi frú Clinton frá sér viðvörun til Nabi Berri (nabi = spámaður, prédikari) sá er æðstur í Líbanon- því vopnin hlaðast upp hjá Hisballah, send frá Iran og Sýrlandi. Kvartettinn gaf ekkert hljóð frá sér við þessa frétt. En ef Ísraelar fá sér vopn þá er grátkór vestrænna fjölmiðla vakinn og látinn rappa allt hvað af tekur.

Eitt af þessum undarlegu málum sem Arabarnir hafa verið að mótmæla og kastað grjóti er vegna vígslu á synagógu gyðinga í Jerúsalem. Hún er sögð standa á "arabísku landi". Nafn synagógunnar er "Rústin" (Hurvah, eða churvah). Saga hennar er sú að hún var reist fyrst árið 1700 á svipuðum tíma reist Pétur mikli Pétursborg. Synagógan var rifin af Aröbum 1721 um líkt leiti og Daniel Dafoe ritaði söguna þekktu um Robinson Krúsó. Gyðingar byggðu synagóguna upp aftur 1830 og þá var Simon Bolivar að berjast fyrir frelsi í Suður-Ameríku. Hans verk fá að flokkast sem frelsisstríð en hvað er sagt um gyðingana? 

Aftur var synagógan rifin 1947 af Jórdönum. Svo hafa gyðingar verið að endurreisa hana í þriðja skiptið undanfarin ár - og þá segja menn að hún sé reist á "arabísku landi". En það merkilega er að 7.nóv 2007 (kislev 5768 skv. gyðingadagatali) kom einn af rabbíum gyðinga með spádómsorð um þessa Synagógu, Rústina. Hann sagði :"Þessi synagóga verður vígð í þriðja sinn þessa dagana (16.mars?) og það er eitt af táknunum fyrir komu Messíasar." "Ef Arabar eyðileggja þessa synagógu aftur þá verður hún ekki endurbyggð heldur munu gyðingar snúa sér að Musterishæðinni og koma hornsteini Musterisins fyrir." Steinninn er klár og margir tilbúnir. Af hverju fara málin í þennan farveg?

Af því að gyðingarnir njóta ekki sannmælis hafa þeir lítið tilefni til að treysta á stuðning kristinna þjóða "sem hvorki þekkja ritningarnar né mátt Guðs" .

Þegar Musterið fer að rísa þá munu verða endalok á því tímaskeiði sem við köllu náðartíma Guðs eða tíma heiðingjanna. Eftir það verður tala þeirra sem erfa Guðsríkið fullnuð og menn fá ekki lengur gengið inn í vilja Guðs. Því er mjög mikilvægt að þú, lesandi, gerir köllun þína og útvalningu vissa, strax.

Við horfum enn á Araba gera tóma vitleysu í samskiptum við gyðingana og Kvartett vestrænna þjóða syngja falskt í afstöðunni til gyðinganna.

Mikið væri gott að íslenskir fjölmiðlar, Steingrímur J. og Össur hefðu nú vit á að beita sínum áhrifum til að styðja gyðingana til sjálfstæðis og sannmælis meðal vestrænna stjórnmálamanna. Það yrði stórkostlega blessun fyrir land og þjóð- svo mikil að fjárhagur okkar myndi á örfáum vikum snúast úr þrengingum í hagsæld . Guð blessar þá sem blessa gyðingana - það segir Biblían.

Guð hjálpi okkur og blessi Ísland.

Kveðja

Snorri í Betel

Ísraelsmenn gagnrýna kvartettinn

Auðvitað virkaði bindindið?

Kristnin hefur boðað mönnum þessi gildi að bíða með kynlíf þar til eftir giftingu. Þetta gekk upp í margar aldir. Ég gæti trúað eða einhverjir hafi "svindlað" í tilhugalífinu og vitað er að sumar brúðir gengu ekki einar upp að altarinu. En hitt er vitað að fjöldinn allur af fyrri kynslóðum hélt sér frá kynlífi fram yfir giftingu. Það varð hinsvegar mikil breyting við lífsmátamótþróa 68-kynslóðarinnar. Hún taldi að eina lausnin gegn kynsjúkdómavæðingu hennar (frjálsum ástum) væri að nota smokkinn. Meira að segja "vísindin" lögðu hann til sem einu "öruggu" vörnina. Fóstureyðingum fækkaði ekki meðan smokkahjálpráðið þótti besta vörnin.  En hann klikkaði líka.  Því málið snýst nefnilega fyrst og fremst um hugarfar. Og hugarfarið ræður siðferðinu. Þannig er maðurinn innréttaður að það skiptir öllu máli hverju hann trúir. Trúin er grundvöllur siðferðisins.

Þessi frétt er  jákvæð og frábært innlegg um hvað gerist þegar maðurinn tekur rétta afstöðu. Þá kemur heilbrigður lífsmáti, rétt mat, girðingar og landamæri sem bjarga hjónaböndum, frelsa frá kynsjúkdómum og spara milljónir í heilbriðgisútgjöldum. Ég þarf ekki að minnast á fóstureyðingarnar, þær hverfa við rétt mat á mannlífinu.

Kristna trúin og Biblían gefa okkur rétta boðskapinn! 

Með hverju getur ungur maður haldið vegi sínum hreinum? Með því að gefa gaum að orði þínu. Sálm 119: 9

Til hamingju með jákvæða frétt

Snorri í Betel

Kynlífsbindindisfræðsla virkar

Jarðskjálftar, fæðingarhríðir?

Það er sláandi að sjá hörmungarnar sem jarðskjálftar valda. Á Haiti fer allt í rúst og á minni ævi get ég minnst á fjöldamarga jarðskjálfta sem drápu þúsundir. Mexikó, Bam, Tyrkland, Kína, Kóbe og nú Haití.

Ég ætla ekkert að ræða jarðfræðina í þessum atburðum heldur lýsingu Jesús að þessi fyrirbæri væru undanfari fæðingar eða "fæðingarhríðir". Hvað er að fæðast? 

Þessi lýsing Jesú var einmitt svar við spurningunni: "Og hver munu tákn komu þinnar og endiloka veraldar"? (Mt.24:3)

Okkur er ógnað af náttúruöflunum, ekki aðeins illri hegðun manna og spilltu hugarfari þó það eitt og sér sé nógu slæmt.

En þekking okkar á aukningu þessara hamfara ætti að geta leitt okkur mennina að taka ákveðnari afstöðu gegn illu athæfi. Það er kjarninn í sterkri viðvörun kristinnar kenningar að verk manna og orð hafa áhrif.

Náttúran líður ekki vegn virkjana eða nýtingu auðlynda heldur af græðgi, óvæginni vanvirðingu á mönnum, eigin líkama, ófæddum börnum og hjartaharðúð gegn höfundi sköpunarinnar, Guði, Föður Jesú Krists.

Það er athyglisvert að bera saman tölur um Haiti. Manntjón í þessum hamförum eru sögð 200,000 menn en manntjón hjá TomTomMacut, dauðasveitum stjórnvalda voru 300,000 á örfáum árum 7unda áratugar síðustu aldar. Þess vegna eru menn skaðlegri en jarðskjálftar eða fellibyljir. Vegna háttalags mannanna stynur náttúran.

Fæðingarhríðir boða okkur endalok þessarar háttsemi og boða okkur endurkomu hans sem kenndi okkur að elksa Guð af öllu hjarta og náungan eins og okkur sjálf. Nú er tími kominn til að læra - hratt!

Jarðskjálftar mannskæðustu hamfarirnar

1763 milljarðar!!

Ég heyrði um daginn að íslenskir lífeyrissjóðr sitja að 1763 millörðum! Það er rosalea stór tala. Rúmlega 5,6 milljónir á hvern Íslending? Það er meira en árstekjur hins venjulega launamanns.

Með þessari upphæð væri hægt að greiða allan ICESAVE- pakkann og þá eru meira en þúsund milljarðar eftir. Þessi pakki er eign... hverra?

Svo heyri ég endalaust um skerðingar hjá fólki sem fær lífeyrissjóðsgreiðslur. Sjóðirnir standa svo illa að það þarf ávallt að skerða greiðslur til heimila sjóðsfélaga. Til hvers voru þessir sjóðir stofnaðir?

Þegar ég heyrði þessa tölur og spjallið um sjóðina þá flaug mér í hug sagan um ríka bóndann sem átti fullar hlöður og vildi byggja stærri til að lifa langa ævi. Eða Jósefs í Egyptalandi sem ráðlagði  "lífeyrissjóðakerfi" Egyptalands. En því var ætlað að bregðast við á neyðartímum. Þá skyldi selja kornið og halda lífi í fólkinu. Og það tókst.

En er það virkilega rétt að þetta öfluga kerfi lifi sjálfstæðu lífi og fari sínar eigin leiðir? Í stað þess að vera skjól og forðabúr í mögrum árum þá sker það niður bætur og stuðning sjóðseigenda.

Ég vil nefna í þessu sambandi að Ísland stendur núna á tímamótum. Við  getum horfið til baka og gert það sem rétt er eða haldið áfram í óbreyttu ástandi og hleypum okkur í glötun. Skoðum þetta nánar.

Menn sem stjórnuðu bönkum, sjóðum og fjármálakerfi í "góðærinu" sitja enn að störfum. Þeir lögðu ekki sitt eigið fé í áhættu en fengu tiltrú annarra til að koma fé þeirra í áhættusjóði. Hverju hafa þeir tapað? 

Vitað er að einstaklingur sem fer í gjaldþrot fær 8% af húseign sinni í uppgreiðslu skuldanna en bankinn græðir 92% við að taka húsið (íbúðina) eignanámi.

Vitað er að bílar á láns- og leigukjörum eru metnir langt undir markaðsvirði,  lánin uppreiknuð skv. erlendri mynt og notandi bílsins situr því uppi með stórkostlega skuld, engan bíl en ónýtar afborganir sem hvorki lækkuðu lánin eða voru uppreiknuð skv. gengi þegar greitt var.

Vitað er einnig að lífeyrisgreiðslur hafa ekki þótt miklar þegar til kastanna kemur. Af hverju ætli það sé? Eru lífeyrissjóðrnir ekki eign þeirra sem hafa borgað framlög í þá?

Í einfeldni minni trúði ég því að lög landsins væru þannig að allir ættu að vera í lífeyrissjóðum til að þeir tækju við borgun á lífeyri eftir að vinnu lýkur. En það er of naumt skammtað. Á Íslandi erum við að missa ungt fólk erlendis í stað þess að fá fólk sem er nálægt lífeyrisaldri til að fara á lífeyri og rýma til fyrir unga fólkinu. Lífeyrissjóðirnir eru svo öflugir að þeir gætu hæglega tekið þetta á sig án nokkurrar skerðingar.

Ég sé ekki til hvers lífeyrissjóðirnir þurfa að skerða greiðslur til eigenda sinna þegar einmitt þyrfti að hækka þær vegna gengishruns og dýrtíða í landinu.

Lífeyrissjóðina ætti að nýta til að opna ungu fólki tækifæri til atvinnu með því að lækka aldur þeirra sem fá greiðslur úr sjóðunum. Unga fólkið sem ekki fer úr landi mun skaffa meira í sjóðina en þeir sem starfa erlendis.

Það er nauðsynlegt að hætta skerðingum til lífeyrisfélaga þegar hallæri kemur að Íslandsströndum. Fólkið er meira virði en peningarnir.

kær kveðja

snorri í betel

Skipta Jerúsalem í tvennt?

Þessa frétt fékk ég í dag,12.jan. Ég veit að hún hefur verið í umræðunni um nokkurn tíma einmitt að skipta Jerúsalem milli Araba og gyðinga. Hillari og Mitchell hafa ámálgað þessa kröfu og gert hana að stefnu Bandaríkjanna.

Hinn nýi forseti EU hefur einnig gert þessa kröfu að stefnu EU í málefninu fyrir botni Miðjarðarhafs. Og trúlega sést hún varla í blöðum landsins af því að hún telst svo sjálfsögð eða hvað?

Ég birti hana hér frá tímaritinu Israel To-day!:

"Tuesday, January 12, 2010 Israel Today Staff
Netanyahu: Israel will never divide Jerusalem

Israeli Prime Minister Benjamin Netanyahu on Tuesday issued a statement declaring that Israel would never surrender the eastern half of Jerusalem to the Palestinians, nor would it return to the pre-1967 borders.

Netanyahu was responding to remarks by Egyptian Foreign Minister Ahmed Aboul Gheit, in which he told visiting Mediterranean foreign ministers that the Israeli leader had relaxed his positions.

According to Gheit, Netanyahu told Egyptian President Hosni Mubarak when the two met last week that Israel was ready to let eastern Jerusalem become the capital of "Palestine" and to surrender 100 percent of the so-called West Bank.

Netanyahu's statement was also seen as a line in the sand for US President Barack Obama, who according to reports is preparing letters to send to both Israel and the Palestinians outlining the terms of renewed peace negotiations."

Ég tel þessa frétt eiga mikið erindi til okkar af einni ástæðu. Hennar er getið í fornum bókum gyðinga. Þar er hún kynnt sem síðasta synd mannanna gegn rétti gyðinga til lands, lífs og borgar.

Hún fær líka að standa sem sönnun þess að Guð almáttugur, YHVH er til og ríkir. Atburðirnir sanna spádómana og einnig þrjósku mannanna. Krafan um að skipta Jerúsalem er grundvölluð á hatri gegn gyðingum og því sem Guð áætlar. Líbanon er gleggsta dæmið um árangur þessara aðgerða að skipta upp löndum og borgum milli trúarhópa og Islamista. Skipting Jerúsalemar verður því banabiti og til gereyðingar á ríki og tilveru gyðinga. Það segir Biblían.

Daginn sem borginni verður skipt munu mikið undur verða. Tíðindi  munu koma öllum á óvart. Þann dag mun Jesús Kristur stíga fæti sínum á Olíufjallið og birtast öllum.    (Sak.14:1- 5)

Í spádómi Sakaría er deginum lýst þegar borginni verður skipt og það verður ekki öllum mönnum til lífs, gleði eða blessunar. Og samt setja menn í öndvegi utanríkisstefnu Ameríku og Evrópu að skipta Jerúsalem þó að kostnaðurinn verði skelfilegur.

Hvað ætli sé að mönnum? Þegar velja skal lausnir og leiðir þá er gjarnan tekin sú ákvörðun sem ekki er Guði að skapi eða mönnum til heilla. Menn velja tortímingu og ásaka svo Guð þegar í óefni er komið.

Þetta mál er miklu stærra og mikilvægara en ICESAVE.

Hver sem trúir því að Jesús sé sonur Guðs, frelsarinn mun hólpinn verða, nú eru síðustu stundir til að láta frelsast að líða!

kær kveðja

Snorri í Betel

Jesús og þú?

Þessar fréttir hljóma í eyrum mér sem "furðufrétt" eða jafnvel "ekki frétt"! En samt finnst mér merkilegt hve margir nútímamenn þekkja andlit á Jesú Kristi, gyðingnum sem fæddist fyrir 2000 árum, rúmlega!  Hvað ætli það sé í okkur mönnunum sem vekur þessi hughrif?

Jesús fæddist sem ungbarn og var lagður í jötu. Himnintungl og stjörnur könnuðust við hann og leiðbeindu vitringunum frá Persíu til Ísraels og síðan til Betlehem.

Í höll Heródesar var kallað á hina skriftlærðu og þeir spurðir hvað fornu spámannaritin greindu frá um fæðingu hins smurða, Messías? Þá flettu men uppá staðnum hjá Míka spámanni í kafla 5. Engin spurning var um efni textans, Jú, Kristur átti að fæðast í Betlehem. En ekki er frá því greint að nokkur hafi slegist í för með vitringunum að líta með eigin augum hið spámannlega undur. Þeir sátu sem fastast í lærdómssetrum en vitringarnir létu stjörnuna ráða för. Táknið á himnum kallaði á viðbrögð!

Hjarðmenn á völlum fóru til að skoða barnið og litu það með eigin augum. Ekki var nein skýjamyndun eða svartir blettir á banana sem var með andlit Jesú, heldur hvítvoðungur, reifaður og liggjandi í jötu búsmalans. Jötunni var ekki haldið til hag eða hún sett á safn. Ekkert andlit friðarhöfðingjans mikla grópaðist í fjalir jötunnar.

Jesaja sá þetta andlit 600 árum áður en vitringarnir og hirðingjarnir mættu að jötunni. Hann lýsti því þannig:"Hann var hvorki fagur né glæsilegur svo að oss gæfi á að líta, né álitlegur svo að oss fyndist til um hann". (Jes.53:2).

En hann kom til að verða krossfestur svo að hann mætti frelsa synduga menn. Og við fáum að halda hátíðirnar hans, jól, páska, hvítasunnu og sunnudaga til að minna okkur á þessa stórkostlegu gjöf Guðs.

Andlit hans er einnig að finna á líkklæðunum sem hann notaði eina helgi um árið 30 e.kr. þegar hann steig niður til Heljar og prédikaði fyrir öndunum sem syndguðu áður og öðrumsálum réttlátra sem biðu í forsal himinsins en höfðu ekki komist inn fyrr en Jesús Kristur opnaði okkur nýjan veg og lifandi, í gegnum fortjaldið- líkama sinn- og inní hið allra helgasta!

Svo á hann  að birtast í huga okkar og háttalagi. Við erum kölluð til að vera hans lærisveinar. Þúsundir barna eru borin til skírnar á hverju ári, annar eins skammtur unglinga mætir til ferminga og heitir því að gera þennan Jesú að leiðtoga lífsins. En .. birtist hann í okkar mannlífi? Sést hann í mér og þér?

Það er kaldhæðið að andlit hans sjáist á bananahýði, innihurð eða skýjamyndum en ekki í okkur! Samt sagði Jesús í Æðstaprestsbæn sinni:"Í þeim er ég dýrlegur orðinn". (Jóh.17:10). Þannig eru hinir kristnu útvaldir til að birta mynd og persónu Jesú krists. 

Ætli við stöndum okkur betur en bananahýði?

Gleðileg jól.

Snorri í Betel

Jesús birtist á banana

"Séð og Heyrt" og lokað á FrÓmar.

Enn berast tíðindi. Séð og Heyrt lagði fram rök í máli gegn Fíladelfíu og jólatónleikum þar. Þeir hafa verið haldnir um hver jól undanfarin ár. Eiríkur ritari tók boðskap Jesú :"leyfið börnunum að koma til mín" og hann mærði hin fögru orð Jesú Krists. Það er eitt hið fegursta sem blaðið hefur birt.

Svo snérist ritstjóranum hugur og hann skammaðist út í að menn vísuðu til "gamalla og úreltra kennisetninga Biblíunnar". Það vakti undrun mína!

Meðan Biblían var sammála Eiríki (eða Eiríkur sammála Biblíunni?) um að leyfa börnunum að koma, þá vísaði hann sjálfur til hennar. En þegar boðskapurinn er í andstöðu við skoðanir Eiríks þá er hann flokkaður til gamalla og úreltra kennisetninga Biblíunnar. Þannig verður Eiríkur ritsjóri "mælikvarðinn" og "skynsemin" í málum eins og glöggt má sjá í Séðu og Heyrt.

En hvað með söngvana og Fíladelfíu? Þar á fjölunum er ekki allt látið flakka. Pallurinn í kirkjum eða kristnum söfnuðum er ætlaður ákveðnum boðskap. Sá boðskapur fjallar um manninn og Guð, Jesú og manninn og stöðu mannsins gagnvart þeim feðgum sem og viðhorfum til náungans.

Ég tel mig vita það með vissu að Eiríki ritsjóra þætti það afar óviðeigandi ef barnaníðingi yrði boðið uppá pallinn í Fíladelfíu og þar væri hann að leggja út af orðunum :"Leyfið börnunum að koma til mín"!!  Það eru til siðferðismörk!

 Okkur væri ekki sama ef fjárglæframönnum samtímans væri gefinn laus taumurinn í kirkjum og fjármálum þeirra. Værum við sátt við að þeir fengju ekki að heyra varnaðarorð og hver "gamla og úrelta kennisetning Biblíunnar" um peninga væri?

Í Fíladelfíu sem og í öllum öðrum kristnum kirkjum á að heyrast til okkar áheyrenda: "gjörið iðrun, snúið yður að syndir yðar verði afmáðar"!

Biblían segir: "Villist ekki! Hvorki mun saurlífismenn né skurðgoðadýrkendur, hórkarlar né kynvillingar, þjófar né ásælnir.....Guðs ríki erfa (1.Kor.6:9)

Til að erfa Guðs ríki þurfa þessir upptöldu aðilar að gjöra iðrun, snúa við, taka upp annan lífsmáta! Einmitt til að láta þessi orð hljóma, er Fíladelfíupallurinn helgaður. Þaðan á rödd hrópandans að berast til allra sem vilja erfa Guðsríkið!

Það hefur mátt vera öllum mönnum ljóst að engin kirkja né kristinn söfnuður hefur hafnað hommum, lesbíum eða peningagráðugum, þjófum né barnaníðingum. Allir þessir eru hjartanlega velkomnir á samkomurnar. En það er ekki víst að þeim líki boðunin og má vera að þeir stingist í hjörtun. Ég hef heyrt að sumir særist undan þessum boðskap. En það er af kærleika sem þeir fá að vita að enn er tími til að snúa við. Og við að snúa frá guðlausum lífsmáta og gerast lærisveinn Jesú öðlast menn rétt til að kallast Guðs börn og að lokum eilíft líf. 

Þessi boðskapur er kjarni jólanna og því hrikaleg afglöp ef Sjónvarpið verður við kröfu ritstjóra "Séðs og Heyrt" að sjónvarpa ekki tónleikunum á aðfangadag. Ég vil brýna bæði Fíladelfíu, sjónvarpið, FrÓmar og Eirík ritsjóra að virða boðskap Biblíunnar þess að ekki verði á hann lokað heldur hlustað. Það er ekki til meiri vonarboðskapur í krepputíð en það sem Biblían hefur uppá að bjóða. 

kær kveðja

snorri í betel.

Mannkynið yngist verulega!

Hafa menn ekki verið hafðir að aðhlátursefni ef þeir hafa trúað á stuttan líftíma mannsins? En það er óþarfi að æðrast, sannleikurinn kemur alltaf fram að lokum og þá hrynja helstu kenningar manna.

En það er annað sem menn hafa bent á og það er "microcondian" í mönnum. Hún stjórnar frumuskiptingum og það er vitað hver er tíðni efnabreytinga hennar. Það leiddi til þess að sýna fram á að mannkynið gæti ekki verið eldra en 15000 til 17000 og konan væri þá talsvert eldri en maðurinn. Það er vegna þess að microcondian í konunni hefur breyst oftar en microcondia karlmanna.

Svo kom önnur athyglisverð frétt um bækur í Mbl. (2/9´09). Hún fjallar um bókina "The Genesis Enigma" eftir Andrew Parker. Þar fer höfundrinn sem er líffræðingur í gegnum sköpunarsögu Biblíunnar og ber saman hvað líffræðin segir um breytingar á sköpunarverkinu skv. henni. Höfundurinn sá mikla samsvörun í Biblíunni og við náttúruna. En það var athyglsivert hvernig Árni blaðamaður fjallaði um efnistök líffræðingsins. Þar var allt dregið sundur og saman í efasemdum og háði. Ekki var annað að sjá en að engar röksemdir tengdust trúnni. En það vita allir sem kynna sér trú að hún er enganvegin utan raunveruleikans heldur tilheyrir kristin trú þeim hluta tilverunnar er telst til sannleikans. Þess vegna segir Jesús: "Sannleikurinn gerir yður frjálsa".

Nú má því bæta við skv. síðustu niðurstöðum að sannleikurinn gerir manninn líka ungan.

Til hamingju með Biblíu ártalið. Við erum ung og getum orðið eilíf. Svo hver sem á hann trúir glatist ekki heldur hafi eilíft líf.AMEN !

Snorri í Betel

Hvíti maðurinn aðeins 5.500 ára gamall?

Hvað er ekki sagt um Íslendinga?

Í þessari frétt er sagt :"ættingjar telja" að líffæri hafi verið tekin úr líkinu og selt. Engar staðfestingar, athuganir eða haldbær rök. Vitum við ekki allt um þetta spennuástand sem vestrænir fjölmiðlar hafa miðlað okkur óendurskoðað.

Fjöldi ásakana um "fjöldamorð á Gaza" hafa ekki verið staðfestar. Meint harðræði af hálfu Ísraela í ýmsum málum hefur verið orðum aukið. Allir sem hafa kynnt sér málin sjá að viðbrögð gyðinga komu eftir  banatilræði eða hryðjuverk! Það er kjarni sögunnar um múrinn milli byggða Araba og gyðinga.

En þessar ásakanir ættu ekki að koma vestrænum mönnum á óvart því það er vitað að Arabar drekka það inn með móðurmjólkinni að gyðingarnir hafi svínablóð í æðum. Þennan áróður notuðu nazistar sér og á þeim árum tóku sænskir fjölmiðlar þá afstöðu að styggja ekki þýzk stjórnvöld (þó að fylgi nazista hafi ekki verið meira en 33%)

Sjáum við ekki hættuna sem blasir við þegar múslimum er sýnd vægð eins og þessi vesalings Lýbíumaður sem fær lausn úr fangelsi til að deyja heima. Þá er honum fagnað sem hetju Lýbíu sem náði að drepa hátt á þriðjahundruð manna. Ef þessi maður hefði verið gyðingur ætli hann hafi notið slíkrar mannúðar að vera sleppt út til að deyja í faðmi fjölskyldunnar?

Myndin "the pianist" eftir Roman Polansky ætti að varpa nokkru ljósi á hvernig Evrópumenn hafa meðhöndlað gyðingana. Það er alvarlegt þegar lausapennar blaða fá óheftan birtingarrétt á áróðri og rætnum skrifum um gyðinga sem eru þekktir fyrir andlega yfirburði og siðferðilega afstöðu sem hver maður fær sóma af.

Við Íslendingar höfum ærna ástæðu til að grandskoða öll þau neikvæðu ummæli sem höfð eru um gyðinga og Ísraelsríkið. Við höfum ekki upplifað illa meðferð eða hatursviðbrögð gyðinga gagnvart okkur. Við Íslendingar höfum ærna ástæðu til að sjá hættuna á því að fá neikvæða niðurstöðu blaðamanna þegar þeir rita um peningamálin á Íslandi í ljósi örfárra manna sem í okkar nafni hafa gert okkur að óáreiðanlegum lántökum og fjármála sukkurum.

Ég þakka Guði fyrir að glíman okkar stendur við Breta og Hollendinga en ekki Palestínuaraba. Hvaða ásakanir fengjum við þá? Við vitum að helsta krafa gyðinga og Íslendinga er sú sama en hún er að blaðamenn eiga að segja satt en ekki ala á hatri út í okkur eða gyðinga!

kveðja

Snorri í Betel

Ísraelsmenn deila á Svía

Djöfullinn heldur sína hirð!

Hvernig stendur á því að karlmenn gera svona. Hvað er kynferðislegt við börn?

Ég hef nokkrum sinnum lent í þessari umræðu við ýmsa, konur sem karla. Enginn telur sig vita ástæðuna aðra en þá að þetta séu bilaðir karlar. Enginn veit hvað gera skuli eð hvort nokkuð sé hægt að lækna menn af þessum kenndum. Það er gjarnan fullyrt í mín eyru að kynhneigð sé meðfædd. Margir segja að "afhommun" t.d. sé fáránlega vitlaus. Má vera að þeir sem leggjast á skepnur séu ekki lengra komnir á þróunarbrautinni að þeir beri þessar tilfinningar til dýranna. En það er sama hvernig menn reyna að útskýra eða skilja þessar kenndir manna að þá virðist enginn hafa "svarið" og "skýringuna".

Ágúst nokkur var búinn að sækja 50 tíma hjá sérfræðingi og allt gekk vel unz "Kompás" gómaði hann á stefnumóti við ein á barnsaldri. Sérfræðingarnir gátu ekkert gert. 

Þegar ég hef komið til Ísraels þá fer ég gjarnan með hópinn upp í "Banias" sem er dregið af orðinu "Pan". Gamla nafnið á staðnum eða Biblíunafnið er Cesarea-Filippí. Á þessum stað var Jesús viðurkenndur af Pétri sem Kristur, sonur hins lifanda Guðs. En á þessum stað eru forleifar sem játa viðbjóð mannlegrar tilveru. Þarna var Pan- dýrkaður með skelmiskap og ergi. Menn voru í samförum við skepnur og annar furðulifnaður var stundaður þarna undir verndarvæng guðsins Pan. Þetta hefur þá fylgt mannkyninu í nokkur þúsund ár. 

Í sögunni um Sódómu er sagt að mennirnir hafi viljað "kenna þeirra". Sumir guðfræðingar hafa viljað flokka þessa "kennslu" undir ógestrisni. En kenndir íbúa Sódómu voru einmitt hömlulaust kynlíf, samkynja sem gagnkynja, með skepnum og líka börnum. Öllu þessu var eytt og með því sýndi Guð að þessi dómur er fordæmisgefandi fyrir þá sem fara út í þessa synd.

Syndin er lævís og lipur og hún nær tökum, festist og yfirkeyrir þann sem gætir sín ekki. Þegar menn næra sig á klámi þá er það gjarnarn "saklaust" í upphafi. Menn kíkja til "Geira góld"  og horfa á striplið við súluna. En þar með er ekki settur punktur á kvöldið. Næsta er prófað og fleirra og annað og, og, og svo er ekki við neitt ráðið af því að kynlíf seður ekki. Girndin fær aldrei nóg. Kynlíf án ástar og virðingar snýst uppí eyðingarmátt og étur sjálfa persónuna að innan. Þá veit hún engin mörk. Menn verðahömlulausir.

Þessi hvöt hleypir því illu að sálinni og hið illa sækir í börnin. Sagt er að lögmál syndarinnar "bitni á börnunum." Syndir feðranna bitna á börnunum og kenndir perranna líka.

það er þá hugarfar manna sem eru í leit að unaði og snúa sér ekki frá synd heldur sökkva sér niður í spillinguna.

En vita menn ekki það að Jesús kom til að leysa okkur frá valdi syndarinnar annars lendum við þar sem höfundur syndarinnar fer. Biblían segir : "Hver sem synd drýgir heyrir djöflinum til, því að djöfullinn syndgar frá upphafi...." (1.Jóh.3:8) Þetta er því hin rammasta alvara. En til þess birtist Guðs sonur að brjóta niður verk djöfulsins. Menn verða að  stöðva girndarbrunann annars...

Komi hann því sem fyrst til að leysa menn frá synd, rangri kynhneigð, skepnuskap og barnagirnd.

kveðja

Snorri

	Komið upp um barnaklámhring
Ábyrgðarmaður færslu Tenging við þessa frétt hefur verið rofin vegna kvartana.