... ekki að hækka skatta..!

Hvað þá? Verða menn þá ekki að afskrifa laun og vinnu?  Verða menn þá ekki ráðnir aðeins í hlutastörf?

Ég fékk tölvupóst þess efnis hvort ég, ásamt samkennurum mínum, vildi fækka skóladögum gegn því að lækka í launum sem nemur einum degi á mánuði ( 12 mánuðir í ári svo það nálgast hálf mánaðarlaun á ársgrundvelli). 

Þetta er tilboð, undirritað af sjálfstæðisbæjastjóra og samfylkingar forseta bæjarstjórnar. Náist þessi leið ekki í gegn þá verður kennurum fækkað við skólann, fjölgað í bekkjum og annar svipur settur á skólastarfið.

Bærinn ætlar að spara allt að 200 milljónum og miðað við að allt gangi upp áreynslulaust, þá verður sparnaðurinn um 150 milljónir á ári. Menningarhúsið sem ekki er komið í starfsemi er sagt muni kalla á þennan rekstrarkostnað, jafnvel meir. Þannig fer sparnaðurinn úr skólastofunni í menningar-Hofið.

Sjálfstæðismenn í bæjarstjórn ætla greinilega að fara aðra leið en Sjálfstæðismenn í sölum Alþingis. Ætli flokkurinn sé  þá vinstrisinnaður í bæjarstjórnum með niðurskurð og auknar álögur en í stjórnarandstöðu fyrir kostningar með opnar peningalindir ..hvar? Á leynireikningum?

Þingmenn Sjálfstæðisflokks þurfa að tala í sama tóni og bæjarstjórnir Sjálfstæðisflokks annars verður flokkurinn enn daprari kostur fyrir mig og aðra kjósendur.

Ég geri mér alveg grein fyrir að við þurfum öll að taka á og það er ég til í að gera. Ég vil sjá að innan tveggja ára horfum við fram á breytt landslag í fjármálum lands og þjóðar. Þess vegna er ég til í að láta skera launin niður og vinnuna ef það má vera Íslandi til bjargar. En sporin hræða. Þetta var reynt uppúr 1990 þegar þjóðarsáttin var sett á og allir samþykktu ábyrga kjarasamninga. Okkur var lofað að þegar fyrirtækin færu að blómstra þá kæmu kauphækkanir mun hraðar. En hvað gerðist? Vextir og vertrygging var varðveitt, bankarnir þöndust út. Fyrirtækin styrktust og fóru í útrás með forseta vorn í stafni og heimilunum blæddi eins og dreyrasjúklingi með opið sár. Laun kennara sigu jafnt og þétt, launastéttir voru að lafa í kjarabótum sem voru alltaf undir verðbólguprósentum. Það var því kjaraskerðing í 19 ár með auknum sköttum og íþyngjandi vaxta-okri.Verkalýðsforystan sat með foringjum velmektarinnar og var sátt, þjóðarsátt!

Eini sjóðurinn sem gat borgað niður skuldir á þessum þjóðarsáttarárum var ríkissjóður. Sveitafélög og heimili sátu eftir með æ rýrari hag.

Ég hef ekki heyrt neinn koma með djarfa áætlun sem blæs í okkur þrótti, boðar blóð, svita og tár en sigurlaun að úthaldi loknu! Hver þorir að boða okkur "nýjan himin og nýja jörð"?

Hefði ég kannski átt að bjóða mig fram?

kær kveðja

Snorri

Páskar - framhjáganga!

Ég hef tekið eftir því að undanfarin ár hafa nokkrir ritstjórar og blaðamenn notað hátíðirnar jól og páska til að fylla blöð þeirra af efni vantrúar og niðurrifs á sögum og tilefni þessara kristnu hátíða. Frelsið til að spyrja og efast hefur verið fullnýtt til tjáninga og svo bætt um betur til að hræpa þá sem trúa þessum gömlu sögum.

En þessar sögur eða upplýsigar eru þó staðfestar bæði af fornleifafræðignum sem og sagnfræði. Ég vona að þú hafir einhverja ánægju af lestri þessarar færslu:

Orðið "páskar" er komið úr hebresku og þýðir framhjáganga. Sagan bak við orðið er að Ísrelsmönnum var skipað að slátra páskalambinu og taka blóð lambsins og rjóða á dyrastafi og dyratré. Þá færi engill dauðans framhjá hverju því húsi sem hefði blóðið á hús dyrum. Þeir sem ekki höfðu blóði á dyrum hússins misstu frumgetning (fyrsta barn sem opnaði móðurlíf).

Fyrir fáeinum árum (1936 ) fundu fornleifafræðingar áletraða rósrauða granít steinhellu við uppgröft milli framfóta Sfinxins. Þar var sagt  frá óvæntri valdatöku Tutmósis IV, hann ætti að bera kórónu Suður- og Norður Egyptalands. En þessi Tútmósis IV komst til valda þó svo að móðir hans hafi ekki verið konungborin og að hann var yngsti  sonur. Elsti sonurinn átti að verða erfingi krúnunnar. En hvar var hann? Hann hafði dáið óvænt eina nóttina. Faðir Þessara drengja, Amenhotep II hafði einnig dáið óvænt. Af múmíunni má ráða að hann hafi drukknað.

Þessi Amenhotep II átti móður er var ein valdamesta drottning í allri sögu Faraóanna og hét hún Hatsepsut; sú giftist bróður sínum Tutmósis III en hann reyndi að afmá öll merki um þessa drottningu. Eitt af því merkilega við hana var að hún lét reisa hof, eða fórnarstað á Sínaískaga þar sem mátti fórna nautum, kvígum, kindum og geitum. Egyptar höfðu nautin í guðatölu og hvergi var nautum fórnað nema í þriggja dagleiða fjarlægð úr Egyptalandi á stað sem heitir Serabit. Þessi Drottning átti kjörbarn, sá var talinn bróðir Amenhoteps II.(Archaelogy 2. e. Dr Victor Pearce, eagle, guildford, surrey)

Þessar upplýsingar tengjast óneitanlega við sögu Biblíunnar af Móse sem var talinn dóttursonur Faraós og fór fram á að ísraelar fengju fararleyfi til þriggjadagaferðar út í eyðimörkina til að dýrka Guð Ísraelsmanna. Við erum að tala um um fólk sem var uppi á sama tíma, árabilið 1400 - 1300 f.kr.

Svo er vert að taka annað atriði inní þetta blogg. Það átti sér stað árið 52 e.kr. Þá gerði  þrætumaðurinn Þallus hverjum sem vildi tilboð um aðrökræða af hvaða völdum sólin hafði myrkvast í þrjár stundir fáeinum árum áður. Hann bjó í Róm og sú borg varð einnig vitni að myrkrinu mikla. Þar var kristinn maður Júlíus sem benti á að þegar fullt tungl er þá er útilokað að sólmyrkvi eigi sér stað og það á páskum. Aldrei snérist þrætan um það hvort sólin hafi myrkvast, það höfðu allir séð_ aðeins var leitað skýringa á því af hvaða völdum myrkrið varð!

Flegon nokkur ritaði  að á dögum Tíberíusi keisara hafi sólmyrkvi orðið undir fullu tungli.

Vert er að minna á bréfið hans Serapion sem geymt er í British Museum. Það er dagsett um árið 73 e.Kr. Hann er þar að fjalla um hefnd Guðs vegna dauða Sókratesar, Pyþagórasar og Jesú frá Nasaret. Um Krist segir hann:" Hvaða ávinning höfðu gyðingar af því að aflífa þeirra vitra konung? Það var stuttu eftir það að ríki þeirra var eytt. Guð hefnir réttvíslega."

Hér væri vert að skjóta inní sögu Gyðingaráðsins sem missti völdin fljótlega uppúr árinu 30, þurfti að fara að Zippoury í Galíleu (nálægt Nazaret), og þaðan til borgarinnar Tíberías. Ráið var rekið frá Jerúsalem vegna þess að þeir er í því voru urðu uppvísir að því að hafa logið sök uppá saklausa. Rómverjar gátu því ekki treyst ráðinu.

Við sem höldum páska, krossdauða og upprisu Jesú Krists höfum ærið tilefni til að fagna og horfa á hátíðina sem örugga sönnun þess að Guð keypti þig undan dómi og valdi syndarinnar. Jesús opnaði þér nýja veröld í gegnum eyðimörk og táradal ævinna, til hins eilífa lífs- þeirrar veraldar sem aldrei mun hrörna né farast. Þessi boðskapur var á dögum Páls postula studdur af 500 sjónarvottum sem  flestir voru á lífi fram til ársins 63 e.kr.

Biblían segir okkur meiri sannleika en þú trúir.

Gleðilega páska!

Snorri í Betel

 

Áfram Atli - þú færð mitt atkvæði!

Ef Atli stendur við þessi orð að útrýma klámstöðunum þá ætla ég að styðja VG í kosningunum. Mér finns alvarlegt ef tiltektin í þjóðfélaginu verður ekki betri en svo að HB-Grandi fær að ræna menn launahækkun og stjórnvöld geta ekkert gert. Bankaleynd er svo mikil að engan má sakfella. Fjármagnstreymið fær óhindrað að fljóta til annarra landa og ríkisstjórn sem og Alþingi fá ekkert að gert.

Mér finnst aldeilis tímabært að hvetja menn til að láta hendur standa fram úr ermum og hrekja frá landi óvætti þær sem hafa fengið að hreiðra um sig í nafni frelsisins. 

Nú bendir páfi á að smokkavæðingin í Afríku hefur misheppnast af því að sjúkdómar kynlífsins færast í aukana. Það er sama að gerast hér því að kynfræðsla grunn- og framhaldsskóla hefur ekki stuðlað að  fækka klamydíutilfellum  á Íslandi. Það eru 5 tilfelli á dag. Auðvitað er það vegna siðferðisbrests í kynlífi ungs fólks. Því finnst ekki sjálfsagt að halda sér frá kynlífi og greinilega hefur smokka vantað í 1834 tilfellum á síðasta ári. Ætla má að siðrof samtímans hafi átt upptök sín í fráhvarfi frá kristnum lífsgildum. Smokkurinn og klámbúllurnar áttu sjálfsagt að redda einhverju en tölurnar tala sama máli og Atli sem og páfi. Við verðu að hverfa aftur til Gamalla gilda kristninnar. Annars lifum við ekki af.

Áfram Atli, þú og páfi eruð flottir saman !

kær kveðja

snorri

Ísland ríður á vaðið

Afglöp stjórnmálanna!

Fréttir herma að vanir stjórnmálamenn hrapa niður um allmörg sæti í forvali allra flokka. Þetta er sagt vera viðbrögð reiðinnar við fjármálahruni þjóðarinnar. Jæja allavega þá eru sumir farnir að arka eyðimerkurgönguna.

Þessi hugsun um eyðimerkurgönguna er auðvitað tengd sögunni um burtför Ísraelsmanna úr Egyptalandi. Við sem þekkjum söguna vitum að Móse mætti frammi fyrir Faraó og fór fram á réttlæti. Hann sagði: Leyfðu að þrælahaldinu ljúki! Leyfðu að við fáum að fara heim! Þessi Faraó var að öllum líkindum Amenoþep 2. Móðir hans var Hatshepsut en hún var fósturmóðir Móse. Það þykir merkilegt að hún leyfði að musteri væri byggt í Serabit á Sínaískaga sem var nefnt eftir henni; það gengdi því hlutverki að vera fórnarstaður nauta, sauða og geita. En hvergi annarsstaðar í Egyptalandi var nautum fórnað; þau voru heilög dýr, í Guðatölu. Þetta sést á mörgum fornum myndum úr hugmyndakerfi Egypta. En þetta musteri var í þriggja daga leið" út í eyðimörkina. Eini hópurinn af íbúum Egyptalands sem gat nýtt sér nauta-fórnarstað, voru Ísraelsmenn, þrælar Egypta.

Móse, sem kallaður var dóttursonur Faraós hafnaði titlinum og stöðunni en valdi heldur annan hóp til að vera í. Sá hópur tók á sig vanvirðu Krist og er kynntur í kafla trúarinnar, 11 kafla Hebreabréfsins. Að Móse skuli ekki hafa viljað tilheyra Faraóum gæti verið mikill lærdómur fyrir hinn trúaða á Íslandi. Hinn trúaði þarf t.d. ekki að tilheyra siðleysi, trúleysi og pólití samtímans.

Amenoþep 2. varð að sleppa þrælunum í hendur Móse. Hann sá eftir því skömmu síðar og fór á eftir þeim til að ná í þrælana að nýju. Kerfið mátti ekki hrynja - allt Egyptaland var í húfi! Hvað þýðir að vera konungur ef fólkið er farið og sandbyngirnir einir eftir? En Amenoþep 2 átti tvo sonu og nokkrar dætur. Amenoþep dó skyndilega og elsti sonur hans, frumburðurinn, tók ekki við ríkinu eftir daga hans. Amenoþep 2. drukknaði í Rauðahafinu. Yngsi sonur hans, Thutmosis 4.var gerður Faraó. Elsti sonurinn dó í plágunni þegar engill dauðans sló frumburðina.

En Faraó lærði ekki neitt - hann auðmýkt i sig ekki undir Guð, lög hans og reglur. En við sjálf?

Hvernig er farið með verkamenn, launþega á Ísland? Sáuð þið um daginn að verkamenn hjá Granda gáfu eftir af smánarlaunum til að tryggja afkomu Granda. Hvert fóru peningarnir? Í arðgreiðslur! Þessi ráðstöfun segir mér að ekki er skilningur á því að vernda heimilin í landinu. Aðeins skal vernda hlutafé og hlutafélög. Fjármagnseigendur eru "hinar heilögu kýr", mennirnir í guðatölu. Heimilin fá ekki að dafna, "Let my people go" ómar ekki um höll íslenskra faraóa.

 Ég kom til Flateyrar í sumar, daginn sem Einari Oddi var reistur bautasteinn til minningar um láglaunastefnu verkalýðshreyfinganna. Margir töluðu innihaldslausar ræður fullar af orðaflaumi sýndarmennskunnar. Flestir voru að hrósa þjóðarsáttinni - sem snérist um það að launaumslög verkamanna voru þunn, heimilin í skorti og atvinnuöryggið ekkert. En hvert fóru peningarnir? Jú, Steingrímur Hermannsson, forsætisráðherra,  lofaði þjóðinni því að þegar fyrirtækjunum yxi fiskur um hrygg þá kæmi að því að launaumslögin yrðu fyllri af raunverulegum verðmætum launanna.

Leng i var beðið. Góðærið kom - og fór! Enn er beðið og enn er farið framá að launamaðurinn skili laununum til baka. Launin voru verðtryggð á sama tíma og lánin urðu verðtryggð. Vertryggingin var afnumin af launum en ekki af lánum. Svo niðurstaðan er þessi fjármagnseigendur hafa sitt verðtryggt, bankarnir hafa sitt á hreinu og forstjórarnir fengu að sýsla með enn meira fjármagn. Það fór ekki í launaumslög starfsfólks. Forstetinn tók þátt í þessu, ráðherrar, alþingi og verkalýðshreyfingin einnig. Skjól hinnar vinnandi handar var vandfundið. En lág laun voru að henni rétt!

Kirkjan sagði fátt, siðferðið var sagt kristilegt umburðarlyndi. Og í skjóli þagnar og umburðarlyndis fengu peningamennirnir frið til útrásar. Fénu var komið vel fyrir í öruggumvexti framandi landa. 

Nú er féð farið, góðærinu lokið og enn er greiddur arður til fjármagnseigenda. Skattinn þarf launamaðurinn að borga. Heimilin skulda of mikið, eiga of mikið og þola því auknar álögur.

Enn grípa menn til sömu ráða og Faraó. Hlaupið er eftir þrælunum því engum öðrum er treystandi til að borga brúsann. Það kostaði Faraó lífið gáum að því. En er ekki komið að loka atriðinu að heyra og læra hvað Guð segir um svona mál?

Biblían segir :"Heyrið nú þér auðmenn, grátið og kveinið yfir þeim eymdum sem yfir yður munu koma. Auður yðar er orðinn fúinn og klæði yðar eru orðin möletin, gull yðar og silfur er orðið ryðbrunnið og ryðið á því mun verða yður til vitnis og eta hold yðar eins og eldur. Þér hafið fjársjóðum safnað á síðustu dögunum. Sjá laun verkamannanna sem hafa slegið lönd yðar þau er þér hafið haft af þeim, hrópa og köll kornskurðarmannanna eru komin til eyrna Drottins hersveitanna. Þér hafið lifað í sællífi á jörðunni og í óhófi; þér hafið alið hjörtu yðar á slátrunardegi. Þér hafið sakfellt þér hafið drepið hinn réttláta; han stendur ekki í gegn yður." Jak.5:1 - 6!

En Guð stendur í gegn yður. Hann er að loka fiskimiðunum, leyfa sjúkdómum og kýlum að herja á síldina,  stökkva loðnunni frá, fella markaðsverð álframleiðslunnar og gera kjör okkar bág uns menn læra þann boðskap sem Faraó lærði ekki en það var að auðmýkja hjarta sitt. Þurfum við að horfa á unga fólkið fara " Rauðahafsför" til annarra landa?

Ef stjórnendur þessa lands gera ekki upp málin við Guð þá verður þessu landi eingöngu stjórnað af útlendingum til langrar framtíðar. Við höfum 2 ár til að biðja og leita Drottins. Ef menn fara rétt að þá munu íslensk fiskimið verða lifandi uppspretta til fæðuöflunar fyrir alla Evrópu. Þá verður Ísland sem vin til hjálpar fátækum í Ameríku og Evrópu. Þá mun IMF leita ráða hjá okkur og við lána þeim. Stór kúfur atvinnulausra mun koma erlendisfrá til að bjarga heimilum sínum á góðum verkamannalaunum íslenskrar alþýðu.

Nú er náðartími, nú er okkur boðið uppá það að ganga Guði á hönd í alvöru. Þetta er ekkert fermingartilboð - Guð vill auglýsa tilveru sína á okkur, öllum til góðs.

Það er ekki í lagi að lækka laun vinnandi stétta. Það er ekki í lagi að hafa okurvexti á lánum heimilanna í landinu. Það er í andstöðu við Guð almáttugan að þjóðnýta græðgina og leiða hana til hásætis í skattheimtu þjóðarinnar. Guð hatar að siðferðismið Biblíunnar verði færð úr lagi eins og gert hefur verið á undanförnum árum. Því það er nefnilega honum að mæta!

Ég bið þess að við mætum Guði á hans skilmálum en okkur okkar hroka. Þú veist að dramblátumstendur hann í gegn, en auðmjúkum veitir hann náð! Það eru alvarleg afglöp stjórnmálanna að heyra ekki hvað Guð segir um þjóðmálin á Íslandi.

kær kveðja

Snorri í Betel

Darwin fékk nýjan gervihnött í afmælisgjöf!!!!

Darwin er orðinn 200 ára. Það er líklega ekki sjón að sjá karlinn en samt lifir kenning hans góðu lífi studd öruggum vísindalegum "staðreyndum".

Darwin gerði sér margt til frægðar. Hann lagði sér til munns allskonar lífverur og gaf upp hvernig þær brögðuðust. Þetta er frábær eiginleiki og var nokkuð algeng hegðun vísindamanna í lok 19.aldar.

En það sem mig langar að benda á er tvennt sem snertir minningu hans. Hans nafn lifir vegna þróunarkenningarinnar sem margir jafnvel fleirri en margir, telja sannaða. En varla þarf að segja meira en það að þróunarkenningin er ennþá kenning! Ekki lögmál.

Fyrir fáeinum árum sendu Bretar geimfar til Mars. Það var nefnt eftir skipi Darwins, Beagle. Sumir benda á að með tímanum hafi kenning Darwins styrkst en hún skipar sér samt enn sess með kenningum.

En þegar Beagle lenti á Mars reyndust reikningar ekki allskostar réttir og því kom geimfarið á of miklum hraða og brotlenti.Dreifðist brakið um allnokkurt svæði. En hinn himneski Beagle setti mark sitt verulega á Mars líkt og nafni hans sá jarðneski gerði einnig. Sá flutti að landi kenninguna um þróun.

En svo kom dagurinn þegar minnst var 200 ára afmælis Darwins. Þá urðu líka stórmerki á "himni". Tveir gervihnettir rákust saman og sundruðust í agnir, misstórar; sagt er í 500 hluta. Er þetta ekki tákn?

Nýjustu fréttir herma að við áreksturinn skullu mörg tæki saman, mynduðu ný og mun fullkomnari, hófu starfsemi við tenginguna. Við þetta mikla högg varð ótrúleg orkulosun og sólarrafhlöðurnar tengdust við nýja hnöttinn og gáfu næginlega orku til að gera tæki hnattarins starfhæf. Síðan er hnötturinn búinn að vera í gangi og nokkrar sjónvarpstöðvar í Ameríku og Bretlandi hafa nýtt hann til að dreifa útsendingum sínum til meginlands Kína, Tíbets og Indlands. Þetta er eitt mesta furðuverk í allri sögu geimvísinda. Það verður fróðlegt að fylgjast með þessum hnetti og tækniþróun geimsins á komandi árum. Fréttamaður NET sjónvarpstöðvarinnar sagði að þetta væri enn ein sönnunin um að árekstur í geimnum myndi flókin og viðkvæm tæki án þess að nokkur vitræn stýring sé á málum.

Stærðfræðingar hafa reiknað út að svona gerist ekki nema á milljarða ára fresti og hafi aðeins gerst einu sinni frá því að jörðin  myndaðist í miklum árekstrum eftir miklahvell en það var þegar líf kviknaði á jörðunni og breyttist tilviljunarkennt í allar tegundir lífvera sem lifa í dag.

Hvenær skyldi þetta gerast í fluginu að árekstur tveggja flugvéla myndi eina sem getur flogið um geiminn víðan og kaldann?

Hvort ætli svona gervihnattamyndun flokkist til sköpunar eða þróunar?

Darwin lætur ekki að sér hlæja!

kær kveðja

Snorri í Betel

syndin skemmir genin!

Það er athyglisvert þetta með genin. Konurnar í minni ætt hafa verið langlífar og dánaraldur er um og yfir 90 ár. Langlífið hefur því gert þær að ekkjum þær misstu menn sína nokkrum árum á undan.

Vitað er í gegnum söguna að aldur mannanna hefur stórlega lækkað . Ég vil líka benda á að t.d. þegar heimstyrjaldirnar geisuðu þá lækkaði dánaraldur gríðarlega vegna þess auðvitað að ungafólkið var sent á vígvellina og dó þar þúsundum saman. Dánaraldurinn varð því  mjög lár.

Enn fremur eru til tölur um að vondur lífsmáti styttir líf manna mikið, eiturlyf, glæpalíf og kynferðislegt lauslæti sem hefur gjarnan verið kallað "hið ljúfa líf". En fylgifiskar þess hafa þar kallast á við sjúkdóma og ögrandi hegðun innantóms lífsmáta. Líkaminn hefur ekki þolað þetta "ljúfa líf"og hreinlega gefist upp. Syndin skemmir.  DNA-líkamans er gert fyrir hreinan og heilbrigðan lífsmáta.

Rannsóknir hafa sýnt það að hjón sem gáfust hvoru öðru án þess að hafa verið í kynlífi áður með einhverjum öðrum hafa byggt upp eggjahvítuþol gagnvart hvoru öðru. Þau hafa getað gefið hvoru öðru líffæri jafnvel þó að vefjaflokkar þeirra séu ekki skyldir. Menn vita ekki alveg hvað veldur en tilgáta er um að við samfarir og snertingu blóðs og vökva mannsins myndist þol í ónæmiskerfinu.

Nú er vitað að  eiturlyfjanotkun hefur eyðilagt sæðisframleiðslu fíkla sem hafa því getið af sér DNA-skemmda afkomendur. Þessi breyting eða skemmd verður ekki löguð því það er ekki svo auðvelt að endurraða  núkleum DNA-sameindarinnar. 

En með aldur mannsins er einnig frá sagt að Adam hafi dáið 930 ára að aldri. Menn hafa líka upplýsingar um að Jósef dó 110 ára og Jósúa var á sama aldri en Móse var 120 ára. Þannig hefur aldur mannsins verið styttur. T.d Móse segir í bæn sinni aldur mannsins er þetta 70 ár þegar best lætur 80 ár! Á dögum Móse var því aldur mannsins styttur.

Það er því greinilegt af mannkynssögunni að DNA-sameindirnar hafa að geyma mikilvægar upplýsingar um okkur. Enn fremur er það trú kristinna manna að við endurkomu Jesú Krists verði dauðanum og djöflinum útrýmt úr tilverunni svo aldur mannanna verði sem aldur trjánna. Þá auðvitað verða DNA-sameindirnar lagfærðar enda hefur trúin á Jesú Krist kallað á heilbrigðan lífsmáta, innri frið og betri sýn á lífið og manninn. Það er því  bætandi fyrir lífsmátann að verða kristinn. Það lengir lífið að taka upp kristinn lífsmáta jafnvel þó að DNA breytist lítið

kær kveðja

Snorri í Betel

Langlífisgenið fundið

Sönnun um þróunina?

Enn eru hvalir að reyna að verða að landdýrum. Svona fóru dýrin að fyrir nokkrum milljónum ára og þá tókst að láta ganglimi spretta fram á skemmri tíma en gerist hjá þessum dýrum. Má vera að þau séu í of hægri þróun. Allavega er eitthvað ekki alveg að virka í kenningunni um þróun. En sú kenning er mjög vísindaleg og á Íslandi er varla nokkur til sem heldur fram sköpun. Allavega virðist kirkjan t.d. vera þróunarsinnuð og guðfræði hennar er burtskýringar á ýmsum grunnatriðum kristinnar trúar en eins og flestir af fermingaraldri ættu að vita. Fleirra er farið út úr kristninni en sköpunarkenningin. Nú vantar einnig mælikvarðana á því sem ekki erfir Guðs-ríkið. Meira að segja var nýja Biblíuþýðingin uppfærð í samræmi við tíðarandann. En það er verst hvað sumt í tilverunni styður ekki þróun né því að hagstætt sé að breyta mælikvarða kristnasiðferðisins. T.d. hefði aldrei orðið bankahrun eða fjármálakreppa er menn hefðu farið eftir siðferði kristinnar trúar og varast gleypugang græðginnar. Svo má spyrja hvort ekki sé meira hæft í sköpuninni en menn hafa trúað?

Á bóndadegi 2009

Snorri í Betel

Búrhvalir syntu á land

Hér sjá menn hve alvarlegt ástandið er..

Hamas myndi hleypa ölli í bál og brand bæði í Egyptalandi sem og Ísrael. Bæði í Egyptalandi og Sýrlandi er mikil andstaða við Hamas af þeirri ástæðu að þeir færa hrylling og ofbeldi inní allar kringumstæður. Skoðið myndbandið sem Palestínumenn hafa gert. Svo stendur fólk í Iðnó og hræpir Ísrael en biður þessum föntum vægðar? Er ekki allt í lagi með Svein Rúnar og hans nóta?

Að úr flokki Vinstri grænna og Samfylkingu berast raddir um að slíta stjórnmálasamandi við Ísrael og taka samband upp við svona lið sem sýnir verk sín á myndbandinu? Allt bendir til þess að þessum flokkum er enganveginn treystandi fyrir stjórn þessa lands og ætti hreinlega að banna miðað við kröfur þeirra.

Biðjum Jerúsalem friðar! Í Jesú nafni.

kær kveðja

Snorri í Betel

Óvænt viðbrögð við hernaði Ísraela

Okkar framlag til átakanna!

Er það virkilega rétt að frá Íslandi hafa runnið 200 milljónir til Gasa-manna? Það er "gasalegt" í ljósi þess að þeir hafa leynt og ljóst notað féð til að byrgja sig upp af vopnum, notað almenningsstöðvar til að skjóta eldflaugum á Ísrael og aldrei legið á þeirr ætlun eða markmiði að útrýming Gyðinga er lokatakmark Hamas. Er það virkilega satt að frá okkur hafi runnið 200 000 000.00 króna til að styrkja hryðjuverkasamtök?
Þá á Ingibjörg Sólrún að segja af sér og aldrei að taka þátt í pólitík meir. Að styrkja Hamas er meiri glæpur en það sem Davíð og Halldór gerðu að koma okkur á lista yfir þjóðir sem berjast gegn hryðjuverkum.

Blessum Ísrael, eina demókratíska ríkið í Mið-Austurlöndum!

Guð hjálpi okkur! Oft er þörf en nú er nauðsyn á öllum sviðum.

kær kveðja

Snorri í Betel

 

Báðir ábyrgir

Hvorki Rússagull né IMF bjarga!

Mér sýnist á öllu að Ísland sé búið að missa sjálfstæði sitt. Verði þau fjárlög samþykkt sem nú liggja frammi þá sést að stjórnun landsins fer erlendis. Við lendum í pyttinum og sökkvum hratt, djúpt. Ég á víst að halda bjartsýninni og vera sannur Íslendingur, bera harm minn í hljóði. En hvað er verið að segja mér?

Lífeyrir minn skerðist. Launin lækka, skattar hækka. Lánin hækka en söluverð eigna lækka. Tala um fólksfjölda lækkar og ungafólkið hypjar sig á braut. Nei, annars er þetta ekki bara skammdegis raus? Verum bjartsýn!

Þetta er að fara á versta veg af því að menn eru að reyna að endurreisa hagkerfið. Í mínum huga er það svipuð aðgerð og var þegar Títanik sökk með stefnið á kaf og skuturinn reis eins og 32 hæða hús væri reist úr liggjandi stöðu og í lóðrétta. Skipsskrokkurinn þoldi ekki vogaraflið og því brotnaði skipið eins og frægt er orðið. Fjármálakerfið þolir heldur ekki þannig "endurreisn". En þessar tilraunir verða gerðar af því að menn sjá enga aðra leið  - Þeir þora ekki öðru og kunna ekki annað.

Af hverju ætli menn dragi ekki fleira inní myndina? Ef Kalifornía með tíunda stæsta hagkerfi heims er að hruni komið og þeir eiga ekki pening lengur en fram í febrúar, þá duga ekki fyrir okkur hin kapitalisku viðmið.

Ef öll Austur-Evrópa er að hruni komin þá gengur ekki fyir okkur að endurreisa gamalt og úrelt kapitaliskt kerfi!

Fyrst talað er um hættu á hruni í Bretlandi og það ekki hvort heldur hvenær það muni verða. Og Bandaríkin með hruninn bílaiðnað. Þá mun Japan fara eins og Kína einnig. Þá duga engar kapitaliskar lausnir hjá okkur vegna þess að hrun fjármálakerfis veraldarinnar er siðferðilegs eðlis.

Hrunið á Íslandi er líka  vegna siðferðis þeirra sem fengu féð til umsýslu. Þeir ætluði að láta peningana vaxa og skila til baka sömu tölu en lægra verðgildi.

Stjórnvöld hafa tryggt þennan græðgishugsunarhátt meðal annars í gegnum það að lánið sem ég tók vex og er verðtryggt en vinnan sem ég inni af hendi og fæ laun fyrir lækkar stöðugt að raungildi. Ég sem vinnuafl verð stöðugt verðminni. Bankinn er tryggður en ekki vinnustaður minn. Lánin tryggð en ekki launin. Vegna þessa misræmis á óraunhæf viðskipti. Vinna hins ærlega verkamanns skilaði ekki hagnaði fyrir hann, aðeins klókindi og bellibrögð dugðu til þess. Er nema von að sumir hafi reynt að bjarga sér með millifærlsum úr hrynjandi kerfi og láta 107 milljónir lenda sín megin? Hafði þetta fólk ekki tekið þátt í "öðrum eins klækjum eða svindli"?

Ég held að órói verði í nokkra mánuði þangað til að sameinast verður um nýtt kerfi. Það verður gegnsætt og tryggir að aðeins þeir "öruggu" fái að nýta kerfið. Sama verðgildi verður á gjaldmiðlinum hvort sem verslað er á Íslandi eða Kína. Sömu laun fyrir sömu vinni og ríkissjóður fái ekki nema t.d 20% í skatt frá launafólki samkvæmt alþjóðalögum sem muni fylgja þessum alþjóðlega  "gjaldmiðli". IMF verði fjármálaráðuneyti heimsins og ríkisstjórnir eftirlitsaðilar. Bankar verði aðeins útibú IMF.

Skattaparadísir verða aflagðar og allir verði látnir taka þátt í kerfinu. Sumar þjóðr verða áfram "þrælaþjóðfélög" og sumar stéttir verða áfram kúgaðar. Gyðingar verða arðrændir og bankakerfi þeirra verður tekið til "alþjóðavæðingar". Nokkrir munu verða settir út í kuldann eða á "Guð og gaddinn" af því að þeir neita að taka þátt í þessu nýja kerfi. Þetta kerfið notast ekki við seðla eða myntir, aðeins tölur í tölvunni. Lífeyrissjóðirnir okkar munu renna inní þetta kerfi og enginn fái notið lífeyris nema hafa rétta merkið og töluna undir húð. Allir olíusjóðir munu verða lokaðir inni í þessu kerfi og verði síðan útbýtt eins og um skömmtunarkerfi sé um að ræða. þá mun allt fjármagn sem kyndir undir vopnasölu og hryðjuverk verða kyrrsett og því munu menn upplifa heiminn sem öruggan og betri.

Það sem verður sett undir húðina er kísilflaga með öllum þeim upplýsingum um þig sem teljast nauðsynlegar. Hægt verður að fylgjast með þér hvar sem þú verður. Allir inngangar verða með nema er fylgja þér eftir. Öll samgöngutæki sömu leiðis og verðirðu utandyra á rjúpu eða gæs þá mun gervihnattamerki fara frá þér til stjórnstöðvar. Týnist einhver á slíkum veiðum verður aðeins einn sjúkrabíll með þrem mönnum sendur til að ná í hinn týnda. Þetta kerfi mun verða eitt hið snjallasta útspil sem nokkur stjórnmálamaður getur eignað sér. Það setur alla í þá stöðu að "enginn getur keypt eða selt nema taka merki" ríkisins á sig. 

Ég er aðeins að lýsa hér hinum fáu augljósu þáttum sem gagnast mönnum. En aðrir þættir er enn á huldu og um þá má ræða síðar.

En niðurstaða mín er því þessi að ný fjárlög bjarga engu og verðhækkanir munu aðeins gera illt verra.

Hvers vegna þarf þetta að gerast svona? 

Við getum ekki flúið ávöxtinn af því að hafa leyft okkur að hafna heilbrigðu siðferði kristninnar og leyft óheftri græðgi og auðsöfnun ásamt því að hampa frjálslyndi í öðrum hegðunarþáttum. Við erum jú musteri fyrir heilagan anda. En býr hann hið innra í þér?

Meira næst.

kær kveðja

snorri í betal

Lánsloforð Rússa til Alþjóðagjaldeyrissjóðsins