Stígamót og klámvæðingin!

Er eitthvert samhengi milli þessara þátta, Stígamót sem hjálparsamtaka og skemmtanasviðs klámsins? Jú eitt, það er samhengið milli sáningar og uppskeru.

Menn sá "gleði" og klæmast. Klám er einn arðsamasti útflutningur t.d. Bandaríkjanna. Menn gjarnan skipta tekjum þess ríkis í vopnaiðnað og næst á eftir er það skemmtanaiðnaður með öllum kvikmyndunum og í þeim reit, skemmtanaiðaðinum, er klámið hvað stærst.

Ríkasta kona Bretlands til margra ára var klámdrotting. Menn vita að "Playboy" er heimsveldi byggt á klámi. Þetta efni kveikir áhuga. Þróun í símatækni hefur gengið hratt fram vegna klám-áhugans á veraldarvefnum. ( sjá Time 14.april,´03, bls.64) Ég hef gjarnan heyrt að karlaklúbbarnir sem skemmta eða vinsælir veislustjórar á þorrablótum segja sögur sem gjarnan beinast að líkamshlutum neðan naflans. 

Hvert er þá umræðan að fara þegar Stígamót stíga fram og benda á eyðileggjandi þátt í þessum samskiptum fólks. Karlmenn virðast eitthvað ruglast þegar klámið nær tökum á þeim.

Það eru karlmenn sem eru dæmdir fyrir sifjaspell, nauðganir og perrahátt. Það er eitthvað mikið að í hugarheimi slíkra manna.

En skoðum annað atriði. Á hvaða aldri eru þeir sem helst hljóta dóma fyrir kynferðislega misnotkun?  Undir þrítugu. Þetta eru semsagt afkomendur '68-kynslóðarinnar. Sún söng við raust "all you need is love" og heillaðist af hippa-heimspekinni um frjálsar ástir. Það er sú kynslóð sem rauf múrinn að bíða ekki heldur hefja kynlíf fyrir giftingu. Þannig varð kynlífið sett í samhengið við mannlegar þarfir og skemmtanagildið látið ráða. Ábyrgð í kynlífi og skulbindingin "hvarf". Fóstureyðingin átti að leysa vandann en gerði það ekki og þá á pillan "daginn eftir" að leysa málið en gerir það ekki.

Klámið og frjálslyndið dregur nefnilega dilk á eftir sér. Dilkurinn er sá að fólki finnst það "notað"

Þannig hefur klámið alið af sér allt annað en "frelsi í kynlífi" heldur mikið frekar hömlulausa siðleysingja af því 68-kynslóðin braut niður siðferðismúra sem  fyrri kynslóðir höfðu byggt upp - sumar af biturri reynslu.

Þessi "múrbrot" siðferðisgildanna eru enn í gangi og það eru gjarnan kristnir einstaklingar sem reyna að sporna gegn þessu hruni án sýnilegs árangurs eða almennrar hylli. 

En má ekki benda á það fornkveðna "hvert það tré sem ekki ber góan ávöxt" verður upphöggvið. Svo þessi mælikvarði "af ávöxtunum skuluð þið þekkja þá" er sá merkilegi mælikvarði sem við eigum að nota á klámið. Það eyðileggur neytendur þess og þá sem  þeir misnota. Er ekkert sem við getum gert nema stofna Stígamót og gráta harma okkar í fjölmiðlum?

Okkur vantar hugrekki til að reka þetta illa afl af höndum okkar. Í fyrra (2006) birti Vikudagur niðurstöðu könnunar sem stúlkur í MA gerðu um kynhegðun unglinga á Akureyri. Þar komu fram skelfilegar upplýsingar um stórhættulega hegðun ungafólksins. Ekki var gætt að heilsusamlegu kynlífi né byggt upp traust milli einstaklinga áður en til kynlífs kom. Þessi skýrsla fékk enga umræðu eða úttekt fjölmiðla.

Svo stíga rannsóknaraðilar fram og segja að klámtölvuleikir eða nauðgunarleikir hafi engin hvetjandi áhrif á nauðgara. Þetta minnir mig á þá staðreynd hvað læknar voru legi að viðurkenna 

tengslin milli krabbameins og reykinga. Áratugum saman sá almenningur samhengið en læknar neituðu af því að það vantaði "óyggjandi sannanir" . Stundum sjáum við augljósar tengingar eins og í þessum siðferðilegu málum.

En heyrum við ekki hvað skemmist hjá fólki sem á barnsaldri eru misnotað? Það skynjar ekki kynlífið sem ást og væntumþykju heldur "notendur" án tillits til tilfinninga. Sérfræðingar eru farnir að benda á þessi tengsl. Við þurfum að sjá hvaða atriði eru eyðilögð með klámi og misnotkun.

Svo kom næsta kynslóð uppalin af þeim sem vissu ekki muninn á réttu og röngu. Þriðja kynslóðin er að mæta til leiks sem veit ekki hve lengi fólk á að vera gift eða hvers vegna á ekki að njóta frjálsra ásta og setja á netið athafnir þeirra sem eru niðurlægðir með "frjálsum" afhjúpuðum innileika kynlífsins sem átti að verða afþeying en breyttist í opinbera niðurlæginngu.

Af hverju? Mælikvarða siðferðisins vantar. Hvar er þá að finna? 

Nú er Biblían ekki vinsæl og sumum kirkjunnar mönnum finnst ekki nauðsynlegt að taka mark á Biblíunni. Svo hún sem hefur "lög að mæla" fær ekki hljómgrunn hefur þau ráð að gefa sem hefur manninn upp til virðingar. Hún varpar ljósi virðingar og væntumþykju á samband karl og konu. Hún varar við annarskonar samböndum.

 

kær kveðja

Snorri í Betel 

Rískisstofnunin þjóðkirkjan - félagsmálapakki.

Ný ríkisstjórn er að taka við. Hún hefur stofnun innan ríkiskerfisins sem mismunar fólki að sögn homma og lesbía  og "elskar með skilyrðum" eins og sumir þeirra hafa komist að orði. Ég er ekki innan þjóðkrikjunnar og hef því fengið tilkynningu frá presti að ég fái aldrei að tala í hans kirkju. Elskar hann með skilyrðum? Já, auðvitað og það er bara allt í lagi þar sem þeir eru að verja meiri hagsmuni og þá láta þeir minni hagsmunina fyrir róða. 

Ég tók eftir því í opnuviðtali (DV )við Auði Eir að hún tók afstöðu í samræmi við "ríkisstofnunina þjóðkirkjuna". Það kom mér á óvart því Auður tilheyrir Lúterskri kirkju og Lúter hafði mottóið :"Sola scriptura" - aðeins ritningin!  Rosalega er þjóðkirkjan komin þá langt frá hinum "lúterska skilningi" ef Biblían hefur orðið ekkert kennivald í Þjóðkrikjnni.

Ég t.d. tek ekki afstöðu til málefna út frá stöðu hvítasunnuhreyfingarinnar, eða hvað safnaðarhirðir þar tekur sér fyrir hendur, heldur hvað Biblían og Heilagur andi segja um málið. T.d. kennir kristin trú að Guð skapaði þau karl og konu, Adam og Evu, svo þau verði einn maður út lífið. Hann skapaði ekki margar konur fyrir Adam né annan karl. Því hefur þessi forna saga áhrif á boðun kirkjunnar nema sumir innan nútímakirkjunnar - afstaðan miðaðst við ríkisstofnun - þjóðkirkjuna.

Adam er dregið af orðinu adama sem þýðir jörð. Adam er gjarnan þýtt sem rauður eða sá sem tekinn er af jörðu. Eva þýðir líf og er móðir allra manna. Þessi samsetning er til í fleirri tungumálum t.d. Latínu þar sem nafnorðið Humus (jörð) er frummyndin af orðinu homo (maður). Hið sama kemur fram í grískunni.

Fyrir nokkrum árum fékk ég í hendurnar "Scintific American" mars hefti 1991 þar sem kom fram að eitt elsta tungumál sem menn þekkja hafði orðið krono= korn, kú= kýr og degom= jörð. Af því orði, degom var myndað orðið "guma" = maður. Íslenskan geymir þetta magnaða orð í t.d. "brúðguma" og "nú er sumar gleðjist gumar, gaman er í dag..."

Svo tungumálin fornu og mörgu hafa þá tilvísun í sköpun með skyldleika orða að maðurinn er kominn af jörðu. Við kveðjum hinn látna samborgara með virðulegri útför þar sem við heyrum boðskapinn:  "af jörðu ertu kominn, að jörðu skaltu aftur verða og af jörðu skaltu aftur upp rísa."

Af þessari fullyrðingu má sjá að við erum komin af jörðu alveg eins og hin gömlu tungumál gera ráð fyrir. Við verðum að jörðu eins og öllum er augljóst. En síðasta fullyrðingin virðist vera okkur nútímamönnum mesta ráðgátan einmitt hvort við munum rísa upp úr gröfunum.

Þar kemur trúin til og staðhæfir að menn muni rísa upp frá dauðum. Skynsemin segir auðvitað nei þar sem slíkir atburðir eru nú ekki "daglegt brauð." Vísindin draga þessa fullyrðingu í efa þar sem tilraunir hafa ekki stutt þessa upprisukenningu en kirkjan, kristin trú staðhæfir og grundvallast einmitt á þessu atriði að upprisan frá dauðum er til. Það var sannað með upprisu Jesú Krists frá dauðum. Líkklæðin frá Turin eru vísbending á fyrirbærinu, upprisa frá dauðum!

Þarf ríkisstofnun til að halda þessari kenningu á lofti? Nei, aðeins trúaða einstaklinga sem hafa sannfærst um upprisu Jesú Krists frá dauðum.

Er það ekki undalegt að svona eldgamlar sögur og ævafornar fullyrðingar um upphaf mannsins og endalok skuli vera í samræmi við niðurstöður nýjustu rannsókna á Indó-Evrópskum málum að við erum tekin af jörðu, (ekki þróuð, heldur sköpuð), við verðum að jörðu og munum rísa upp af jörðu (trúaratriði) 

Þessi meginlína í sögu tungumálanna uppgötvaðist m.a. vegna íslenskunnar. Hljóðkerfi okkar kom mönnum á sporið svo hægt var að endurgera löngu útdautt tungumál sem talað var í NA-Tyrklandi og sótti síðan niður með fljótunum Efrat og Tígris, dreifðist þaðan í  Norður, Vestur og Austur. Enn eina ferðina komum við að sögu fyrstu Mósebókar um Babelturninn.

Við stöndum einnig frammi fyrir annarri sögu Fyrstu Mósebókar en það er sagan um þjóðirnar og dreifingu þeirra um jörðina sem ég fer ekki útí að sinni.

Þriðja saga Fyrstu Mósebókar er daglegt umræðuefni eða þrætumál á Íslandi . En það er sagan um Sódómu og Gómorru. Dæmdi Guð borgirnar vegna kynhegðunar þeirra? Við erum í endalausum hártogunum hvort synd þeirra sé verri, grimmari en aðrar syndir eða hvort við eigum bara ekki að elska fólkið og taka því eins og það er?

Nútíma guðfræðingar hafa komið með "snilldar" skýringu á synd Sódómu. Sr. Guðmundur Örn kynnti okkur þessi sjónarmið á síðu minni hér fyrir stuttu. Þeir fróðu menn vísa til spádómsbókar Esekíels sem fjallar um þessi mál og greint er frá þessu í kafla 16 sem hefur yfirskriftina "Dæmisaga um ást Guðs og trúrof manna" (bls.852) Fræðingarnir drógu fram vers 49  en þar segir: "Sjá synd Sódómu systur þinnar var ofdramb. Hún og dætur hennar höfðu gnótt matar og lifðu góðu lífi í makindum en réttu þó ekki hinum voluðu og fátæku hjálparhönd."

En versið á eftir (nr.50) segir: "Þær urðu drambsfullar og frömdu svívirðingar fyrir augum mér. Þá svipti ég þeim í burtu er ég sá það."  Hvað eru þessar meintu "svívirðingar"? Þar segir hebreskan "towehbah" orðið þýðir viðbjóður og tengist gjarnan skurðgoðadýrkun  eða siðferðilegum þáttum. Til að glöggva sig betur á því þá má vísa til 3.Mósebókar 18.kafla og vers 22 en þar er þetta að finna: " Eigi skalt þú leggjast með karlmanni sem kona væri. Það er viðurstyggð /"towehbah"

Svona er sagt að Guð líti á þessa athöfn og þess vegna má kirkjan ekki blessa hana. Þessi athöfn snýst nefnilega ekki um ást, traust og trúmennsku. Guð brýnir okkur menn að sýna í hegðun og orðum ást, traust og trúfesti þess vegna eigum við jafnvel að elska óvini okkar. Og við eigum einni að elska dýrin en eigum við þá að giftast þeim? Leiða fram að altarinu mann og  belju til að gifta þau? Auðvitað er það ekki í takt við umræðuna. En það er í takt við næsta vers sem fjallar um þessi "ástarmál" því þar segir :"Þú skalt ekki eiga samlag við nokkra skepnu, svo að þú saurgist af." Svo það er samhengi í þessum versum og vert að benda á að þegar fólk ruglast í kynlífinu þá fer það að taka þátt í hinum ólíklegustu athöfnum og það samhengi var þekkt á dögum Móse.

Ef því kirkjan ætlar að blessa eina athöfnina sem Guð hefur viðurstyggð á þá verður skammt að bíða að hin athöfnin fær sitt ritúal, vígslu og blessun. Það er því stóri vandi þjóðkirkjunnar að setja mörk. En þau hverfa sem Biblían hefur boðað og haldið fram, kristin kirkja hefur boðað og "mismunað" fólki með árhundruðum saman þá má spyrja hana hvaða mörk verða þá sett upp. Getur sú kirkja sem hverfur frá "sola Scriptura" boðuninni kallað sig kristna? Alla vega heyrist á greinaskrifum frá starfsmönnum biskupsstofu að íslenska kirkjan verður sú eina sem verður komin á þá braut. Það er lágmarkskrafa til kirkjunnar að hún vinni samkvæmt Biblíunni og lúti þeim aga sem kirkjan í gegnum aldirnar hefur staðið fyrir.  Annar er hún ekki líkami Jesú Krists! Því Kristur afnam ekki lögmálið heldur uppfyllti það með því að vera af hjarta hlýðinn Guði Föður, almáttugum skapara himins og jarðar. 

 

 

kær kveðja

Snorri í Betel 

Hvað er hægt að kjósa?

Kosningar á Íslandi eru leynilegar. Einn helsti kostur þess er sá að menn þurfa ekki að segja neitt hvern þeir kjósa. En ég hef verið að gera upp hug minn undanfarið og borið saman stefnur og efndir í stjórnmálum á Íslandi.

Fyrir mörgum árum komu þeir Steingrímur Hermannsson og Jón Baldvin fram í nafni ríkisstjórnarinnar og báðu verkalýðshreyfinguna að stilla kaupkröfum í hóf. Þjóðarsáttin var sett á laggirnar og menn þáðu lág laun svo fyrirtækin gætu hagnast og dafnað. Þegar þau síðan hafa treystg sig í sessi þá gætu þau gaukað molum af borðum sínum til smælingjanna. Enn eru fyrirtækin ekki nægilega vel stödd til að geta borgað mannsæmandi laun til starfsmanna sinna en milljónatekjur falla þeim í skaut sem stjórna. Þeir fá að stjórna okurvaxtastigi á okkur, hafa verðtryggingu í gangi og búa við sjálfvirkt kerfi sem mokar stjórnlaust fjármunum í bankakerfið. Vinstri menn (Framsókn) hefur ekki lagað ástandið.

Nú berjast vinstrimenn fyrir því að taka Reykjavíkurflugvöll frá landsbyggðinni og stöðva atvinnuöryggi á höfuðborgarsvæðinu með því að bregða fæti fyrir Álverinu í Straumsvík.

Það var ekki fyrr en Steinunn Valdís var á síðustu mánuðum starfsferils síns sem borgarstjóri að hún þorði að jafna laun láglaunakvenna og sýna í reynd að R-listinn stóð fyrir jafnrétti. En hvað með starfsfólk Háskólasjúkrahúss? Af hverju eru ekki mannsæmandi laun þar í boði nema hjá læknum? Annað starfsfólk var hneppt í fjötur "þjóðarsáttar" vinstrimanna og enn er ekki búið að láta fjötrana rakna!

Á ég að kjósa þetta fólk yfir mig? 

Kvótakerfið hefur reynst afar viðsjárvert. Fiskifriðun hefur ekki komið fiskimiðunum til góða. Kvótakerfið hefur komið því til leiða að allir sjómannaskólar (vélskólar) hafa horfið í námsvali unglinganna. Þessari dauðahönd er ekki lyft af landinu í "öllu góðærinu".

Flýtur á meðan ekki sekkur, má segja en kvótinn og sjávarútvegurinn er kominn uppí "harða grjót"  þar sem nefna má eyðileggingu sjávarbyggðanna í kringum landið sbr. Vestmannaeyjar, Vestfirðir. Aðeins einn flokkur berst fyrir afnámi þessa kerfis!

Siðferði þjóðarinnar og frelsi til athafna skiptir okkur öll miklu. Nú er svo komið að ég heyri alla flokka státa af því að þeir vilja setja lög yfir mig að ég "megi gifta" samkynhneigð pör. Kristinn boðskapur telur þennan lífsmáta Guði vanþóknanlegan og því fæ ég engin aukin réttindi. Ég fæ aðeins það að "samkynhneigðir" geta farið fram á að ég hlíti lögum landsins. Sjálfstæðisflokkurinn samþykkti þessa stefnu á síðasta landsfundi. En til hvers mun þetta leiða? Eftir því sem birtist í "The Advocate" (sept.1987), málgagni samkynhneigðra í Bandaríkjunum þá kemur baráttuáætlun þeirra í 7 liðum. í lið  nr. 2 er sagt: " þið getið annaðhvort látið okkur ganga í hjónaband eða við útrýmum kirkjubráuðkaupum sem og synagógu giftingum". Í lið nr. 6 er sagt:" Að lokum, að öllum líkindum munum við fá breytt nokkrum köflum Ritningarinnar og endurrita aðra, útrýma nútímaskilningi á hjónabandinu og notum orð sem leyfa samkynhneigðumað túlka kaflana okkur í vil."

Er eitthvað annað en þetta í gangi? Þegar ég ber þessar upplýsingar við stefnumál stjórmálanna þá finnst mér þeir allir stefna að því að svifta mig rétti til að gifta, prédika og kenna það sem Biblían  boðar.

Þessi hópur mun síðan sverfa að öllum frjálsum kirkjum og koma því til leiðar að þær missi opinbera viðurkenningu og réttindin frá löggjafanum til að gifta hjón ef við neitum samkynhneigðum þeirri þjónustu.

Af þessu leiðir að nútíma-stjórnmálaflokkar eru ekki traustsins verðir til að stýra Íslandi til heilla og hamingju. Góðærið hefur leitt til misvægis. Skattleysismörkin eru miðuð við öryrkja og bankar sem borga starfsmönnum sínum hátt í milljarð í starfslokasamning borga smáaura til ríkis, skóla og heilbrigðiskerfis. 

Kerfið snýst um PENINGANA en ekki FÓLKIÐ ! Og kirkjurnar tala ekki gegn ranglætinu en biðja jafnvel um löggjöf sem heimilar þeim að blessa syndina! Í hvað erum við komin?

Vil ég tilheyra þannig þjóðfélagi? 

Ég held ég skili auði og hvet alla trúaða til hins sama! 

kær kveðja

Snorri 

Enn ein staðfestingin!

Biblían og fornleifafræðin hafa átt afskaplega vel saman. Þessi gamla bók sem mönnum finnst ekki eigi að hafa hlutverk í kristninni í dag hefur hvað eftir annað verið dregin fram þegar fornleifafundir hafa átt sér stað í Landinu Helga. Nægir að innsigli konunga Júðanna (Jeróbóams), svarta Móabíta- steininn áletrun Pontíusar Pílatusar o.fl.

Þessi umræddi Heródes fékk heimsókn vitringanna. Þegar hann lá banaleguna hafði hann gefið Salóme systur sinni fyrirmæli að eftir hans dag ætti hún að sjá til þess að öll börn í Jeríkó yrðu drepin svo allt landið væri í sorg meðan útför hans færi fram. Hún neitaði, sem betur fer.

En þetta er enn ein áminningin til okkar að Biblían er bók sannleikans.

Ég ætla með hóp til Ísraels í júni og hlakka til að koma að þessum merkilega stað; það er mánuðurinn sem Ísraelsmenn fagna 40 ára yfirráðum í Jerúsalem þegar þeir náðu henni eftir 6-daga-stríðið!

En merkilegast af þessu öllu er að Ísraelsmenn séu komnir heim í land fyrirheitanna. Vera þeirra þar sannar að Guð hefur áætlun. Rétt áður en Jesús Kristur birtist á Olíufjallinu verða gyðingarnir komnir heim.

kær kveðja

Snorri í Betel 

Gröf Heródesar fundin

Enn ein atlagan að samkynhneigðum?

Prestastefnan komst að niðurstöðu og Samtökin 78 eru sár. Þeir sem þar eru félagsmenn fengu ekki allt sitt fram. En er eitthvað sanngjarnt við þá kröfu að kirkjan blessi og/eða vígi samkynhneigða?

Kirkjan grundallast á þeirri trú að Jesús frá Nasaret sé Guð, Sonurinn í þrenningu Föður, Sonar og Heilags anda.

Vegna þeirrar stöðu þá eru Orð hans "lög". Þegar hann því talar um hjónaband þá gefur hann aðeins eina tegund " einn karl og ein kona, saman út lífið" Þau tvö hafi frá upphafi verið gerð til að lifa saman.

Kirkjan hefur einnig postula og spámenn sem kennimenn og handhafa "laga" Guðs.

En nútíma þjóðkirkja stendur á miklum brauðfótum af tveim ástæðum. 1. Hún hefur hjárit sem ævinlega vísar til "Lútersks" skilnings og 2. Biblían er ekki lengur kenningargrunnur heldur hafa þeir "hinn guðfræðlega skilning. Þess vegna eru þeir ævinlega með málamiðlanir í álitamálum en ekki það sem "heilögum anda og oss" hefur litist. Þannig var talað skv. lögmálinu og spámönnunum. Vonandi var þessi Prestastefna á Húsavík afturhvarf til þess að setja Biblíuna aftur á altarið sem hið sanna úrslitavald í kenningu kristinnar boðunar á Íslandi.

Samtími okkar er kominn í svo slæm mál að þegar rödd sannleikans ómar í eyrunum þá hrökkva allir í vörn því þeir heyra "sértrúartóna" ofsafengna og hættulega menn sem geta æst unga æsku til að girðast sprengjubelti. Og þegar "þessir menn" tala gegn samkynhneigð þá teljast þeir fordómafullir af þeim sem ekki þekkja hvað postularnir, spámennirnir og kirkjan standa fyrir.

Það er víðs fjarri að boðskapur kristninnar gegn kynvillunni byggist á hatri eða gegn mannréttindum. Kristnir menn eiga að elska óvini sína svo engum kristnum manni er uppálagt að hata mann sem er þjakaður af synd.

Kristnir hafa talað gegn spíritisma án þess að hata andartrúarfólk. Kristnir menn hafa talað gegn framhjáhaldi án þess að vilja grýta hórkonur. Kristnir menn hafa talað gegn þjófnaði án þess að hata þjófinn. Hann hefur samt verið dæmdur og fengið að taka út refsingu sína.

Menn verða að opna augu sín fyrir því að kirkjan stendur fyrir varðveislu lífsins. Uppspretta lífsins er hjá föðurnum og móðurinni það er því eðlilegt og rökrétt að hjónabandið verði blessað, heilagt og varðveitt.

En svo er eitt annað í málinu sem mér hefur þótt merkilegt. Það er að því meiri réttindi sem samkynhneigðir fá því minni réttindi hafa kristnir einstaklingar. Í dag t.d. er búið að fjarlægja orðið "Kynvilla" úr Biblíunni og enginn prédikari eða prestur notar það orð. Allir hafa breytt orðavali sínu vegna kröfu Morgunblaðsins, almenningsálitinu og trúarviðhorfum. Það er athyglisvert. Ég hef fengið mjög skír skilaboð að það sé afar hættulegt að hafa mig við kennslustörf vegna trúarviðhorfa minna á samkynhneigð. Mér er því hótað mismunun, atvinnumissi, vegna trúar. Þó telst réttur minn stjórnarskrárvarinn.

En ætli Guð hafi breytt skoðun sinni á kynvillunni?

En græðginni eða þjófnaðinum? Ætli hann sjái framhjáhaldið núna sem litróf í mannlegu atferli? Eða sér hann þessi atriði ennþá sem synd? Laun syndarinnar er dauði en náðargjöf Guðs er eilíft líf í Kristi Jesú.

kær kveðja 

Snorri í Betel 

 

Voðaverk og trúgirni.

Mikið geta menn tekið skakkar ákvarðanir! Að einn frá Suður Kóreu skuli skilja eftir sig 32 lík, farga sjálfum sér og hrekja fjölskyldu sína í felur. Mátti hann ekki vita að voðaverkin kæmu niður á ættingjunum og föðurlandi?

Þegar ég las og heyrði um þennan óhamingjusama mann þá flaug í huga mér að í Þýskalandi er nafnið Hitler ekki til. Ættarnafnið Quisling er horfið í Noregi. Það er nefnilega ekki alveg sama hvað við gerum. 

Fjölmiðlar á Íslandi hafa varið nokkrum dálksentrimetrum  í Cho og fórnarlömbin.Sumt hef ég undrast t.d. það að Dr Phil og Jack Thompson lýstu því yfir að tölvuleikjum væri um að kenna þar sem Cho hafði nært drápslöngunina í slíkum leikjum. En Dóri DNA kallar þessa menn "siðfræðipostula" áður en hann greinir frá hvaða álit þeir hafi á forleik morðanna. En að hefja greinarskrif á þessum orðum :"..álitsgjafar og siðferðispostular Bandaríkjanna hafa verið snöggir að kenna ofbeldisfullum tölvuleikjum um fjöldamorðin í Virginíu" segir mér að viðhorfið til ummælanna er neikvætt og ég sem lesandi á ekki að taka mark á þeim sem er flokkaður sem "Siðferðispostuli" - burt, burt með slíka menn!

En má ekki færa rök fyrir því að meintur Cho hafi horft á slíka leiki. Hann sendi myndir af sér til fjölmiðla og var klæddur eins og þeir sem eru vígamenn í tölvuleikjum og kvikmyndum frá Hollywood. Þannig má sjá að drápseðli okkar getur verið nært og örvað af svona leikjum og kvikmyndum. Það erum við sem virðumst oft ólæs á þau atriði sem eru kveikjur að voðaverkum. T.d  teljum við að menn séu fæddir "góðmenni eða illmenni". Þess vegna geta menn lítið breyst.

Biblían kennir okkur að frá hjarta mannsins koma illar hugsanir. Þá erum við öll frekar fædd illmenni. Hvað finnst þar meira: "Vondar hugsanir, morð, hórdómur , frillulífi, þjófnaður, ljúgvitni, lastmæli" Við eru samkvæmt þessu ekki vel innréttuð!

Svo erum við að mennta fólk til æðra náms sem á að hafa færni til að hjálpa okkur út úr þessum kenndum sem búa í hjarta okkar. Þeim er kennt að Biblían sé bók sem ekkert mark er takandi á. Meira að segja ríkiskirkjan sem á allt undir því að bókin góða, Biblían sé sannleikurinn gengur í takt með Vantrúnni að draga úr sannleiksgildi bókarinnar með nýju áliti á lastalista Korintubréfs Páls. Hann er gerður ótrúverðugur og nú á að blessa það sambúðarform sem Páll segir að muni ekki erfa Guðs ríkið. Næst verður örugglega blessað yfir græðgina og þeir sem hafa fallið fyrir henni verða kallaðir helgaði menn, jafnvel postular fríkirkjunnar sem er laus við þrúgandi boðskap Biblíunnar. Svo má halda áfram og segja að morðingjar séu sannkristnir menn því þeir láti hjartað leiða sig og eru því heiðarlegir - betri en þú og ég!

En Cho stökk fram fullskapaður til illra verka án nokkurrar þjálfunar. Geðlæknar voru búnir að meðhöndla drenginn og hann tók sín þunglyndislyf. Hvað aftraði honum því að fara að eðli sínu?

Er ekki kominn tími til að við nútímamenn förum að taka mark á því hvað Biblían segir okkur um hina innri rödd sem hljómar í okkur. Hún nefnilega hefur mótandi áhrif á klæðaburð, orðaval, áhugamál og lífsmáta.

Þetta sáu menn Biblíunnar fyrir 3000 árum: "Rödd syndarinnar talar til hins óguðlega í fylgsnum hjarta hans, enginn guðsótti býr í huga hans; því að hún smjaðrar fyrir honum í augum hans, til þess að misgjörð hans verði uppvís og hann verði fyrir hatri. Orðin af munni hans eru tál og svik, hann er hættur að vera hygginn og breyta vel; í hvílu sinni hyggur hann á tál; hann fetar vonda vegu, forðast eigi hið illa. (Davíðssálmur 36: 1-5) 

Þessi 3000 ára gömlu sannindi hefðu getað hjálpað í meðferðinni á Cho því hann þurfti að vita hvaða álit Guð hefur á þessari illu rödd sem á svo greiðan aðgang til okkar. Það þarf ekki annað en að útiloka Guð, gera Biblíuna óæskilega og óáreiðanlega, setja sjálfan sig í Guða sæti, taka frumkvæðið og verða engu betri en Hitler. 

Við á Vesturlöndum erum farin að uppskera illa ávexti Guðleysisins því vantrúin er dauðans alvara. Lif okkar allra liggur við! 

Jesús kom til þess að við ættum líf í fullri gnægð. Veldu því lífið!

kær kveðja

Snorri í Betel 

Hvað verður um færslur?

Ég hef ekki verið lengi á þessari síðu en skrifað þó nokkuð margt. Hið undarlega er að ég hef misst einar 4 greinar án þess að þær hafi birst. Margt finnst mér undarlegt en ekki síður það að þegar búið er að innsenda þá hafa greinarnar ekki birst og horfið. E.t.v eru þær einhversstaðar svífandi um í rafheimum án þess að birtast fyrir augum manna. Orðið varð ósýnilegt öllum mönnum. Vonandi verður Jesús Kristur ekki þannig því hann var Orðið sem birtist í holdi og mun koma aftur. Þá mun hvert auga sjá hann! Skyldu horfnar greinar mínar geta birst lesendum?

kær kveðja

Snorri 

Þrettán, óhappatala?

Ég sat heima með afa konu minnar. Hann hafði verið bátasmiður og smíðað stærsta tréskip sem smíðað var á Íslandi. Hann kunni sitt fag og var all fjarri trú, "vonaði það að minnsta kosti". Þó var honum ekki vel við töluna 13. Hann svo sem "trúði ekki á" óheppni í tengslum við þessa tölu en  kaus heldur að forðast þessa umræddu stærð.

Það kom til af því að hann var að smíða bát. Gamall maður fékk að koma  um borð og skoða nýsmíðina um það leyti þegar báturinn var tilbúinn. Þegar sá aldni hafði skoða skipið hátt og lágt sagði hann: "Ekki líst mér á þetta. 13 gluggar í brúnni og 13 þrep niður í lúkar"! Orðin settust að í  huga skipasmiðsins.

Báturinn sigldi og fiskaði öll stríðsárin og engin óhöpp fylgdu bátnum. En 7.janúar 1950 kom eitthvað fyrir um borð að drapst á vélinni og hann fór í einu vetfangi á Skelli, sem er flúð austan við Faxasker í Vestmannaeyjum. Þar mélaðist skipið, enginn komst af og missti skipasmiðurinn annan son sinn .

Talan 13 varð af þessu stærð sem tengdist ólukku og skipasmiðurinn forðaðist töluna.

Þar sem við sátum og skröfuðum yfir kaffibolla rétti konan mín honum lítinn stauk sem geymdi marga smámiða með ritningarstöðum og eru kallaðir "Mannakorn". Hún bauð okkur að taka miða hvað við gerðum og svo lástum við Biblíustaðina sem þeir vísuðu til. Gamli skipasmiðurinn dró miða sem á stóð "1.Kor. 13:13". Hann stundi og sagði "æja"!

Ég dró fram Biblíuna og fletti uppá staðnum en þar stóð:"En nú varir trú, von og kærleikur, þetta þrennt en þeirra er kærleikurinn mestur." Eftir lesturinn sagði skipasmiðurinn :"Nú fékk ég sneypu frá almættinu. Hefði ég mátt ráða hefði ég aldrei dregið þetta Mannakorn vegna talnanna. En ég hefði ekki getað hugsað mér betra orð en einmitt þetta sem þú last".

Getur ekki verið að talan 13 hafi að geyma boðskap blessunarinnar fyrir þann sem trúir og felur sig í hendi Guðs? Ég t.d. breyti aldrei útaf mínum vana þó daginn ber uppá föstudaginn 13.

En fyrsta vers Biblíunnar sem hefur þessa tölu er 1.Mós. 13:13. Ætli það sé óhappavers eða blessunarorð? þar segir:
"En mennirnir í Sódómu voru vondir og stórsyndarar fyrir Drottni".

Síðasta "13:13" vers Biblíunnar er í Opinberunarbókinni og segir:

"Og það gerir tákn mikil svo að það lætur jafnvel eld falla af himni ofan á jörðina í augsýn mannanna."

Og í Jóhannesarguðspjalli 13:13 segir: "Þér kallið mig meistara og herra og þér mælið rétt, því það er ég."

Hvað af þessum 13: 13 er stingandi og hvað aðlaðandi?

Spurningin er í raun ekki um töluna 13 heldur þig sem einstakling. Ertu í vináttu við Guð eða ertu að fjandskapast við hann.

Jesús kom til að opna þér dyr inní vináttu við Guð almáttugan. Það er flottur boðskapur til þín föstudaginn 13. eða einhvern annan dag!

"..hver sem á mig trúir glatist ekki heldur hafi eilíft líf"! 

kær kveðja

Snorri í Betel 

Fæddir til illverka?

Er ekki athyglisvert þegar frambjóðandi til eins valdamesta embættis Evrópu telur börn fæðast sem verðandi "barnaníðinga". Ummælin eru gagnrýnd og bæði aðrir frambjóðendur, heimspekingar og kirkjan kaþólska eru annarar skoðunar en Sarkozy. Ætti frambjóðandi ekki að vita að ungir drengir eru þjálfaðir í hernaði. Þeim er breytt í vígamenn svo franskur forseti geti setið kjurr á valdastóli. Það þarf þjálfun bæði hugar og handa.

Er ekki vitað að kynhneigð er líka sterk hvöt sem hægt er að tengja við margt. T.d "er vitað að öllum meiriháttar  framförum í samskiptatækni hefur fylgt aukin klámvæðing" (Time, april 14,2003). Ekki þarf að nefna tölvur né farsíma því hverjum þeim sem notar þessi tæki er augljós blygðunarlaus tilboðin í kynlíf. Þessi þáttur hins óhefta aðgangs að kynlífi og klámi hefur vissulega breytt almenningsáliti og siðferðisviðmiðum manna.  Kirkjan, frambjóðendur og heimspekingar segja fátt hér á landi. En kynlífsráðstefnunni var þó stökkt frá Íslandsströndum, góðu heilli! 

En önnur samtök, íslensk, eru sömu skoðunar og Sarkozy að menn fæðist með ákv. kynhvöt og henni verði ekki breytt. Þeirra orð eru eftirfarandi: "Kynhneigð er eitthvað sem enginn ræður eða getur stjórnað. Hún er ekki tíska, ekki lífsstíll, ekki sjúkdómur. Kynhneigð er einfaldlega meðfædd."(Undir regnboganum,Sverrir Páll Erlendsson, 2006) Þessum fullyðingum hefur ekki verið mótmælt af kirkju, heimspekingum eða frambjóðendum á Íslandi. Þurfum við "frönsk áhrif" til að andmæla vitlausum upplýsingum um kynhvötina svo afvegaleiddir í kynlífinu geti séð ljósið og horfið til heilbrigðra hátta og hollra viðhorfa í kynlífsskoðunum?

Skyldum við ekki vera í betri málum varðandi þetta efni ef við værum enn undir kaþólsku páfavaldi?

Ekki má Biblían leiða okkur því þá köllumst við þröngsýn og óumburðarlynd. En við ætlumst til að barnaníðingar breyti kynhvöt sinni eða bæli hana ef ekki með góðu þá illu. Hvað með aðrar kynhvatir sem biblían  fer hörðum orðum um. Eða bara aðrar hneigðir eins og ágirnd, hatur, þjófnað, ofbeldishneigð og fl.?

Vert að skoða hvað viðgengst á Íslandi en ekki jafn sjálfsagt annarsstaðar? 

kær kveðja

Snorri í Betel 

Ummæli Sarkozys um barnaníðinga valda uppnámi

Friður í Ísrael!

Ég hef átt því láni að fagna að vera fararstjóri til Ísraels. Þangað er frábært að koma og alltaf hef ég fundið mig aufúsugest hvort sem gyðingar eða Arabar (Bedúinar) hafa verið að þjóna mér. Það hefur verið létt yfir ferðunum til Jórdaníu og þegar ég keypti mér Bedúínaklút og setti á skallann þá var umsvifalaust kallað á mig af innlendum og ég kallaður "Lorens". Sagan er þeim hugleikin því það var einmitt Arabíu-Lórens sem árið 1915 "umbreytti landamerkjum" á svæðinu  er við köllum í dag Miðausturlönd. Sýrland var stofnað 1924 og Líbanon 1943. Trans-Jórdania leit dagsins ljós um líkt leyti. Ísrael, ríki gyðinga var svo stofnað með stuðningi SÞ. 1947. En þá var allt í einu ekkert pláss fyrir það ríki og hefur styrr staðið um það æ síðan. 

En svo berast okkur fréttir frá Ryad að Arabar bjóða Ísrael friðarsamning og viðurkenningu á ríkinu gegn því að gyðingar hverfi aftur til landamæranna frá 1947. Sagt er að gyðingarnir hafi stolið landi  og úthýst fyrri íbúum. Þá er alveg eins hægt að segja að löndum hafi verið stolið undan Tyrkjum þar sem þeir réðu svæðinu fyrir botni Miðjarðarhafs frá árinu 1517 og fram til 1915 .

En friður! Það er frábær framsækni að bjóða frið og efna til friðar. Fyrir mig að koma með hóp frá Íslandi og kynnast gestrisni Araba, gleði Bedúina og viðmóti gyðinga er alveg einstök lífsreynsla. Ferðirnar eru svo gefandi og allir þessir aðilar sjá til þess að allt heppnist sem best. En af hverju geta þeir ekki lifað saman? Jú það nefnilega geta þeir. Hvergi hafa Arabar og Bedúínar það betra en einmitt í Ísrael. Sjálfsagt geta þeir haft það jafngott annarsstaðar en ég fullyrði samt hvergi betra. Málefni Araba er í höndum manna sem hafa kynt ófrið og kallað erfiðleika yfir hinn óbreytta borgara. Hann er eftirskilinn í atvinnuleysi og kreppu.

Olmert fagnaði friðartillögunni en reynslan af friðarsamningum við Egypta og Jórdani hefur samt ekki gefið gyðingum tækifæri til að ferðast á bílum sínum til þessara landa. En Jórdanir skreppa hiklaust yfir til Ísraels því bíll á arabísku númeri er ekki eyðilagður í Ísrael.

En hvað geta gyðingar grætt á friðarsamningum? Auðvitað er allt að græða við frið. Það breytir nefnilega litlu hvar landamæri liggja þegar friður er ríkjandi. En ég trúi að fleirra hangi á spýtunni. vitað er að 70% gyðinga trúa á tilvist Guðs og spádómsrit Biblíunnar hafa gefið gyðingum stefnu og sýn varðandi yfirráð í landinu. Menn vita að þegar "grafir þeirra opnuðust" ( útrýmingabúðirnar) þá var kalfi 37 í spádómsbók Esekíels að ganga í uppfyllingu. Þeir voru fluttir úr gröfum sínum og "inní Ísraelsland."

En Esekíel talar um fleirri þætti í þessu sambandi og það er endurreisn á Musteri Guðs - íbúð almættisins- á Móríafjalli (Musterishæðinni) . Það verða stórtíðindi ef friðarsamningar takast og enn stærri tíðindi sem þeim munu fylgja. Þá fá gyðingarir óskoraðan rétt til að byggja Musterið. Omanmoskan verður fjarlægð og trúlega komið annarsstaðar fyrir eða hún hljóti sömu örlög og moskan í Samarra í Iraq þar sem Imman Madí hefur dvalið frá því laust eftir 1200 í hinum hulda heimi Allah.

Nú eiga gyðingar og múslimar eitt sameiginlegt trúaratriði og það er að frelsari þeirra Messías gyðinga og Imman Madí múslima á eftir að rætast. Ahamenijad trúir því að nú sé tíminn inni til að koma atburðarrásinni af stað sem lýkur með birtingu Immans Madí og það verður stórstyrjöld fyrir botni Miðjarðarhafs. Svo áhrif Irana liggja þarna að baki að Arabar sjá sína einu von í því að stilla til friðar því annars verður allt lagt í rúst í ríki múslima og gyðinga. Ógnin frá Teheran er miklu alvarlegri en við á Íslandi álítum.. 

Þegar Messías gyðinganna birtist verður hann hinn snjalli stjórnvitringur sem mun sætta forna fjendur, gerast keisari Rómar og koma því til leiðar að peningakerfi okkar breytist frá debet- og krítarkortum yfir í kísilflögur sem verða látnar undir húð ennis og/eða hægri handar. En hvað kemur þetta við friðarmálefni Mið-Austurlanda. Jú bara því að skv. spádómsbók gyðinga þá hangir þetta saman sem atburðarrás er leiðir fram efnahagskerfi, stjórnmálakerfi og trúarkerfi sem móta nýja skipan mála. 

Við erum svo sannarlega á tímamótum!

 

kær kveðja

Snorri í Betel