Jesú óvelkominn?

Mbl. greinir frá áhyggum varaformanns kirkjuþings um þrönga stöðu Jesú í samfélagi okkar á Íslandi. Á örfáum árum hefur honum verið skákað svo rækilega út af borðinu að hann er ekki talinn kennsluhæfur í grunnskólum landsins og í kirkjunum er hann afskræmdur með alskonar tengingum við lífsmáta og ,,manngerðir" sem vita ekki hvers kyns þeir eru.

1. Jesús Kristur var karlkyns og kenndi lærisveinum sínum að ávarpa Guð á himnum með orðunum: ,,Faðir vor"!

Þess vegna á hann ekki inni hjá þeim sem ónotast út í ,,Feðraveldið"! Hlutverk feðra má ekki vera stórt því þeir eru sagðir ,,Drottnar" yfir stúlkukindunum og konum yfirleitt.

2. Jesús Kristur talaði og kenndi um ,,Skaparann"! Fyrir bragðið á hann ekki fylgismenn innan ,,Vísindasamfélagsins" sem trúa á þróun en ekki hugvitsamlega sköpun.

Grunnskólabörnum er innrætt vísindahyggja sem þarf hvorki á Guði að halda né Vitrænni hönnun í okkar efnisheimi. Þó er viðurkennt af Vísindunum að þá skortir þekkingu á 95% hins sýnilega og ósýnilega heimi. Þeir voru að senda út í geim sjónauka sem á að varpa ljósi á ,,hulduefnið" í himingeimnum sem er víst 95% af efnisheiminum. Það sem augað sá ekki og eyrað heyrði ekki það hefur Guð fyrirbúið þeim sem á hann trúa (1.Kor.2:9)

Jesús Kristur fellur illa inní heimsmyndina sem gerir hann að eiganda alls því Biblían segir okkur að hann sé: ,,fyrri en allt, allt sé skapað fyrir hann og til hans og að allt eigi tilveru sína í honum."! Þetta á kirkjan að boða og standa vörð um en fær þessi heimssýn að óma innan kirkjunnar? Hefur hún jafnvel sjálf úthýst Jesú Kristi? Hver maður skoði því sjálfan sig!

3. Synd er ekki nefnd á nafn okkar á meðal. Allt kristilegt starf á að vera svo ,,jákvætt"! Menn hafa t.d. tekið fagnandi orðunum: ,,Ást er ást"! Svo tengja þeir orðið við það sem okkur langar í óháð kyni eða aldri. Jesús Kristur segir að synd sé synd og hana eigum við að forðast. Sú kenning passar illa við okkar samtíma eða ,,afstæðan sannleika"  eða eins og við lítum á hann. Jesús kynnir sig sem ,,veginn, sannleikann og lífið"! Sá sannleikur er ekki afstæður eða breytilegur eftir því hvort við tilheyrum vinstrinu eða ekki. Jesús Kristur er óumbreytanlegur eins í gær og dag og um eilífð. Hann passar ekki inní nútíma ,,Woke" tíðarandann. Er nema von að ,,Woke" kirkjan og ,,Woke"samfélagið vísi Jesú Kristi á dyr?

4. Jesús boðaði okkur dómsdag. Á þeim degi verðum við að lúka Guði reikning um líf okkar. Að vita það að náðartíminn er aðeins núna, ógnar mönnum. Gærdagurinn er horfinn með okkar gjörðum, búið að skrá athafnir og orð; morgundagurinn ekki kominn og við illa undirbúin til að forðast freistingar. Við ætlum aðeins að ,,lifa núna" og njóta þess! En núna er tækifæri að snúa frá okkar villu og gera málin upp við Guð. En hvað segjum við?

Það gerir enginn upp málin sín nema Guð komist að. Þess vegna er Jesú Kristi úthýst af því að menn forðast sannleikann og vilja ekki gera upp syndir sínar við hinn almáttka.

En við sleppum ekki. Allir þurfa að mæta frammi fyrir dómstól Drottins. Nauðugir eða fúsir. Að vísa Jesú burt gerir okkur bara illt. Við verðum spurð út í þessi atriði bæði nú og síðar.

5. En þegar þjóðkirkjunnar þjónar sjá þessa þróun, spyrja þeir sig út í sína eigin ábyrgð? Innan þeirrar kirkju eru þjónar sem breyta ,,Faðir vor" í: ,,faðir vor og móðir". Orð Guðs er ,,lagfært" vegna kvennaguðfræði" og ef það er látið viðgangast átölulaust af hverju mega þá aðrir ekki eins breyta til eftir sinni ,,Woke"-heimsmynd? (Woke= stefnulaus)

Er ekki kominn tími til að kirkja og kristni hverfi aftur til upprunans og geri Jesú að DROTTNI í okkar samtíma. Orð hans eru sígild, eílif og varanleg. Segir ekki Lykla-Pétur: ,,En Orð Drottins varir að eílífu"?(1.Pét.1:25)

Snorri í Betel

Börnin og kynið!

Það var utan ímyndarafls míns að halda að fólk vissi ekki af kyni sínu. Strax við fæðingu var skráð að hún ,,fæddi dreng"! Ég var aldrei leiddur að þeim stað að ég þyrfti að ákveða kyn mitt; ég sem barn slapp við þessa hugmyndafræði.

Í kennaranámi og störfum var alltaf lögð áhersla að fræða en ekki innræta. Á mínum námsárum var vinsælt að spila lagið á plötunni ,,The Wall" þar sem sungið var .,,hey, teacher, leave the kids alone.."!

Árum saman kom það upp að kristinfræði ætti ekki heima í skólum þar sem hún væri ,,innræting" en ekki fræðsla og kennarar voru ekki tilbúnir að stunda trúboð hjá viðkvæmum aldurshópi.

Við 10 ára aldurinn voru börnin gjarnan látin læra um boðorðin 10. Þá var stundum lagt að okkur að fara varlega í 7.boðorðið. Það gat verið óþægilegt fyrir börn sem upplifðu skilnað og eða framhjáhald foreldranna. Yfirleitt kom spurningin upp í bekknum: ,,hvað er að drýgja hór"?

Í dag er þetta ekki lengur viðkvæmt mál í kennslu því hvar er kristinfræðin kennd? Enginn Gideonmaður kemur lengur og gefur 10 ára aldrinum Nýjatestamenti.

Er þá engin innræting lengur í skólunum?

Fyrir skömmu var unglingur í Borgarholtsskóla í heimili hjá vinum mínum. Hann spurði mig út í kynjafræði námsefnið sem honum var gert að læra. Hann sagði mér að þessi fræði væru ,,kol vitlaus" og ,,alger sóun á skólatíma"! Álit hans og skoðun breytti engu, kynjafræðin skal ofaní hann. Var um ,,innrætingu" að ræða?

Sumir foreldrar hafa sett skólum skilyrði að þegar S78 mæta með sitt námsefni (kynfræðsluna) þá fari börnin út og meðtaki ekki þá innrætingu sem höfð er þar um hönd.

Á Akureyri hafa þeir gert samning við bæjarstjórn um fræðslu á efni sem ,,enginn fær að sjá"! Nemendum haldið í gíslingu afla sem vildu ekki kristna ,,innrætingu" fyrir örfáum árum en skammlaust í dag bjóða uppá annarskonar innrætingu, sem foreldrarnir, uppalendur, fá ekki að þekkja né kynna sér.

Þarna eru heilbrigðar reglur samfélagsins færðar til og brotnar því hinn ögrandi lífsmáti sem fylgir Trans og kynvillu er reiddur á borð sem meðfæddur og óviðráðanlegur. Eina svarið er að láta undan og vera með.

Ég tek eftir að á sama tíma og þetta gerist blöskrar mönnum ,,græðgi" peningaafla og bankanna. Græðgina má líka flokka sem meðfædda því víða er hana að finna og bankakerfið þrífst mjög vel á henni. Ríkið sjálft hrósar happi yfir velgengni og góðri afkomu banka og orkufyrirtækja. En verkalýðshreyfingin mótmælir.  Hver stoppar græðgina? Alma?

Ef Verkalýðurinn gera athugasemdir við hinn óstjórnlega og meðfædda eiginleika, græðginna, er þá ekki tilefni til að heimilin fái einnig að gera athugasemdir við hinn illviðráðanlega eiginleika, kynhvötina? Mega börnin ekki fá heilbrigða kynfræðslu sem stuðlar að viðgangi stofnsins og skaffar nemendur til frambúðar?

Menn gætu sagt svo sem:,,það er sama hvaðan gott kemur"! Ef við græðum á ágirndinni og hún fær að snúa hjólum tilverunnar þá græða allir. Er það ekki?

Menn geta eins sagt við njótum ,,fjölbreytninnar" með þeim sem vill vera með.

En er samhengi milli þessara þátta og uppgjafarinnar sem sögð er leggjast yfir íslenska æsku? Eiturlyfin, sjálfsmorðin og þunglyndi.

Sumir fá ekki að standa sig vegna lágra launa. Þeir eru óhjákvæmilega ,taparar" á launamarkaði. Þeim er boðin þátttaka í ,,fjölbreytileikanum" og þá lifa menn lífi sem er fullt af áhættu. Trans er áhættu lífsmáti. Kynvilla er allt annað en skírlífi, sagði einn sem fór til Köben til að ,,lifa lífinu".

Hvað er verið að bjóða börnunum í skólunum? Er verið að opna fyrir ,,áhættu lífsmáta"?

Við erum ekki þau fyrstu í mannkynssögunni sem leggja börnin okkar að veði í áhættulífsmátanum. Fyrri kynslóðir gerðu þetta líka og við megum aðeins skoða reynsluna af þeim gjörðum.

Ég tefli fram bók sem kennd er í sagnfræði við HÍ, A brief history og ancient Greece. Þar má lesa um ,,frjálslynt" viðhorf milli nemanda og kennara. Í bókinni er sagt frá því að það taldist vera hið besta mál ef kennari hefði kynferðislegt samband við nemanda sinn (bls.113). Þannig var barnaníð jákvæð venja og kynvilla eðlileg. Íslenskt skólakerfi er ekki alveg komið þangað en mikið en nú skammt eftir!

Nú er risin aftur þessi múr að segja ekki, spyrja ekki, hlusta ekki, heldur aðeins að kennarar veiti börnunum sjálfsagða fræðslu. Nú skal kennarinn standa með trans- eða samkynhneigða barninu. Þá er nefnilega gert ráð fyrir því að þessar hvatir séu meðfæddar og þurfi aðeins að viðurkenna,  annars er svo mikil hætta á vanlíðan sem leiði jafnvel til sjálfsvíga. 

Bæjarstjórn Akureyrar fer enn eina ferðina gegn kennara sem bendir á að enginn fær að sjá námsefni sem börnum er boðið uppá í skólanum. Allir aðrir kennarar þurfa að kenna samkvæmt námsskrá sem yfirvöld hafa samþykkt og liggur galopin öllum. 

KÍ stappar niður fæti og á ógnandi hátt lætur kennara vita að þeir fái ekki vörn samtakanna í þessu máli. Kennarinn er skilinn eftir einn á kaldri braut. En þetta hafa þeir gert áður og fyrir mér var þar ekkert húsaskjól þegar mér var sagt upp.

Akureyrarbær var gerður afturreka með allan sinn málatilbúnað í mínu tilfelli en komst samt upp með glæpinn. því Hæstiréttur fór ekki að lögum þegar ég átti að fá bætur fyrir skaðann. Þá þurfti Akureyrarbær ekki að greiða meira en 3,5 milljónir sem voru ekki eins árs kennaralaun. Ég sannaði fyrir þeim að tap mitt hafi verið 15 milljónir. Hefði Hæstiréttur dæmt og bætt mér skaðann eins og lög gera ráð fyrir, þá væru viðbrögð bæjar- og sveitastjórna mun vægari en núna.

Erum við á einhverri hamingjuleið? 

Árum saman vann ég að unglingastarfi sem miðaði að því að leiðbeina unglingum frá áfengi og vímugjöfum því við sáum að afleiðingarnar eru vondar. Nú þarf SÁÁ að fjármagna starf sitt með álfasölu því viðurkennd er skaðsemi eiturlyfja og áfengis. Hvað er langt í það að við kaupum eitthvað merki til að fjármagna þá sem vilja vinda ofan af kynbreytingu sinni og komast aftur í sitt fyrra horf?

Þetta er orðið þekkt erlendis!

Má vera að þú, kæri lesandi, kærir þig ekkert um svona blogg eða skoðanir. En á meðan ég hef ennþá rétt til að tjá mig um málefni sem varla er hægt að spyrja um hvað þá ræða, ætla ég að tjá mig og benda á það sem Guð segir: ,,Hafið þið eigi lesið að skaparinn gjörði þau frá upphafi karl og konu og sagði: ,,Fyrir því skal maður yfirgefa föður og móður og bindast konu sinni og þau tvö skulu verða einn maður." (Matt.19:4-5 

 

Með kærri kveðju

Snorri í Betel

Vitni sögunnar!

Páskar = framhjáganga

 Papakrossinn er staðfesting á því að sá sem hann markaði í bergið á Efri-Kleifum í Heimakletti, hafi verið kristinnar trúar. Líklega var hann klappaður í bergið um og uppúr 700 f.kr. Vitað er að nafnið Vestmannaeyjar tengist Írum eða búsetu norrænna manna á Írlandi sem var talið kristið land löngu áður en Ísland tók við kristninni. Krossinn er því sögulegt vitni um kristin áhrif fyrir landnám.

Papakrossinn í Heimakletti,(700 e.kr?)

           

Á Írlandi hafði verið trúboðshreyfing sem kölluð var Kolum Killa (dúfa safnaðarins). Hennar hlutverk var að senda trúboða frá Írlandi til landa í Evrópu. Tilgangur trúboðsins var að breiða út Fagnaðarboðskap Jesú Krists.  Hinir trúuðu Írar sem fóru um Evrópu komu til St.Gallen í Sviss, Bobbio á Ítalíu, Bregenz í Þýskalandi og fleiri staða eins og til Íslands. St.Gallen ber síðan nafn trúboðans frá Írlandi. Það væri hægt að segja það sama um örnefni á Íslandi, þau geyma sögu trúboðs írsku kirkjunnar á landinu líkt og nafnið Vestmannaeyjar. Sagan um Brendan sem kom til að sækja heim Pól hingað til lands, ætti að hafa gerst um 520 e.kr. Þá var Brendan á miðjum aldri en hann lést 560 AD. Var Papakrossinn greyptur í berg Heimakletts af þessum trúuðu Írum?

   Sveitadúkurinn sem geymdur er í Oviedo á N.Spáni er mjög merkileg heimild. Hann hefur langa og samfellda sögu frá því um 30 e.kr og tengist föstudeginum langa og páskadegi það ár.

 Ég ók til Spánar árið 2020 og tók þessa mynd af sveitadúknum í Camara Santa.                                                                                Vitað er að klúturinn hjúpaði höfuð Jesú þegar hann var tekinn                

 ofan af krossinum eftir andlátið. Jósep frá Arímaþeu fékk leyfi Pílatusar að koma líkinu í gröf áður en hin mikla hátíð gyðinga gengi í garð. Klúturinn gæti því hafa verið í eigu Jóseps en  gröfin var örugglega eign hans. Nikodemus, fyrrum ráðherra og sá er kom í næturheimsókn til Jesú sem frá er greint í 3.kafla Jóhannesarguðspjalls, mætti einnig með smyrsl til að smyrja lík hins krossfesta manns.

Á páskadag, við upprisu Jesú þegar menn komu inní opnu gröfina sjá menn líkblæjurnar sem geymdar eru í Tórínó á Ítalíu, lágu í gröfinni og sveitadúkurinn, samanvafinn, annarsstaðar í gröfinni. Þegar vel er gáð sjá menn, í hægra horni myndarinnar, brot sem eru enn varðveitt frá upprisudeginum.

Þessar myndir sem fylgja blogginu eru því af vitnum sem staðfesta söguna. Sú fyrri, Papakrossinn, um áhrifa trúboðs, frásagnarinnar um pínu og dauða Jesú. Hin er af sveitadúknum með blóði og lífssýni þess sem tekinn var af krossi og lagður í gröf.

Allt er þetta til þess að þú megir trúa. Efasemdirnar koma á færibandi en trúartáknin, vitni sögunnar, eru líka fyrir þig, harla örugg vitni um það sem Guðsjöllin segja um páskana árið 30 e.kr. og áhrifa hennar sem mótuð eru í klettabjarg Hæsta fjalls Vestmannaeyja.

Flestir hafa lofað því að gera Jesú að leiðtoga lífs síns og fengið einhverja þúsundkalla fyrir. En hvernig hefur gengið að efna það loforð? Ættu ekki flest allir á Íslandi að vera ,,Vitni" sögu frelsarans sem er:,,fæddur af Maríu mey, Píndur á dögum Pontíusar Pílatusar, krossfestur, dáinn og grafinn. Steig niður til Heljar, reis upp á þriðja degi og steig upp til himna og mun þaðan koma til að dæma lifendur og dauða"! 

Trúir þú þessu?

 

 

k.kv.

Snorri í Betel

 

Hús í yfirflæði?

Ég var í Jerúsalem hinni mögnuðu borg og gekk niður að laug rétt innan við ,,Ljónahliðið" sem er kölluð Betesta (hús í yfirflæði, úthellingu). Nafnið er engin tilviljun heldur lýsandi fyrir það sem fyrir bar á þessum stað. Jóhannes Guðspjallamaður greinir frá þessum stað í 5. kaflanum og dregur um leið fram stórmerkilegt sjónarhorn á trú gyðinga og gjörðum Jesú Krists. Andstæðurnar gerðu Jesú að andstæðingi trúar sem leysti ekki menn frá þungum byrðum.

Trúarríki gyðinga voru strangar reglur og þungar byrðar sem voru lagðar á smælingjana. Jesús var búinn að kvarta yfir þessu viðhorfi gyðinga og hvernig lögfræðingar og farísear báru sig að í reglugerðum sínum. Lúkas segir:,,Vei yður líka, þér lögvitringar! Þér leggið á menn lítt bærar byrðar og sjálfir snertið þér ekki byrðarnar einum fingri."! (Lúk.11:46)

Byrðin í sögunni frá Betestalaug var auðvitað engum bjóðandi. Maður hafði legið þjáður og lami í 38 ár og komst aldrei fyrstur niður í ,,úthellinguna" þegar vatnið hrærðist. Svo kom Jesús að lauginni og spurði kappann hvort hann vildi verða heill? Trúlega hefði hann ekki þurft að spyrja því lamaði maðurinn var búinn að bíða í 38 ár eftir lækningu. Ekki er getið um tryggingastofnun né sjúkrabætur frá hinu opinbera en samt voru strangar reglur sem giltu um háttalag manna.

Jesús sagði lamaða manninum að standa upp og taka sæng sína og koma sér í burtu. Styrkur kom í líkama mannsins og hann dreif sig í burtu úr eymdinni, um leið!

Þá mætti honum annað viðhorf, viðhorf valdsins; ,,..og Gyðingarnir sögðu við hinn læknaða. Í dag er hvíldardagur, þú mátt ekki bera rekkjuna."!

Hversu oft kemur ekki á móti okkur heimskulegar reglur yfirvalda sem hefta einstaklingsfrelsið til athafna? Það er t.d. engu líkara en að kauphækkanir megi ekki verða vegna verðbólgu aukandi áhrifa. Svo kemur ríkisstjórnin með sínar álögur, íþyngir skattgreiðendum og launþegum, veldur verðbógu og það er sjálfsagt mál. Byrðar yfirvalda fara ekki á þau sjálf. Sama munstur er því á Íslandi og var hjá gyðingum fyrir 2000 árum. Byrðarnar leggjast á þá smáu. 

Lærisveinar Jesú Krists fóru úr borg í borg og úr landi í land. Hvað mætti þeim? Jú, þungar ásakanir um ,,hatursorðræðu" og ,,guðlast"! Ekki mátti tala gegn Musterinu, hinum helga stað. En faríseum eða Saddúkeum var ekki meinað að drepa Stefán píslarvott. ,,Hatursorðræðan" var í fullu gildi gegn hinum kristnu. Trúaryfirvöldin, hefðirnar, valdastofnunin gekk fram af ótrúlegri hörku fyrir 2000 árum. Hversu margir prestar hafa verið hraktir frá sínu brauði vegna viðhorfa yfirvalda kirkjunnar? Hve mörgum sjúkum er ekki haldi niðri við rekkjuna vegna viðhorfa til örorku?

Hvert er Ísland komið vegna skammarlegra viðhorfa í okkar samtíma? Sumir hafa reynt að benda á það að ,,hatursorðræðan" svo nefnda er eitt hættulegasta stjórntæki sem stjórnvöld ætla að komast yfir, svo hættuleg og ógnvekjandi að stjórnmálamenn veigra sér við að standa í gegn, tala í gegn og hafna opinberlega vegna ótta við umfjöllun fjölmiðlafólks.

Að kúga lamaða og hefta tjáningarfrelsið er sama glapræðið og kúgunarvaldið notaði og mætti Jesú Kristi og verkum hans og lærisveinum á sínum tíma.

Ef Jesús gengi um hér í dag, fengi hann að tala í kirkjunni þinni? Myndi Bylgjan eða Rúv kalla hann til viðtals? Myndum við taka dagpeningana af þeim sem hann læknaði?

Ég hef velt þessu fyrir mér hvaða sviðsmynd er verið að hanna í samtímanum og af yfirvöldum sem eiga sér fyrirmynd í trúarríki gyðinga, kúgun nazista og ógnarstjórn kommúnisma Stalíns.

Ísland!

Það sem við gerum sendiboðum hans það gerum við honum.

 

Snorri í Betel

 

 

Að tapa innihaldinu.

Aðventan er spennandi tími. Dagarnir kólna og styttast. Við sjáum jól og áramót í hyllingu. Leppalúðar og jólasveinar skoppa fram með sögum frá heiðninni. Kristur, jólabarnið, settur á áhrifalaust svæði eða ekki einu sinni tekinn fram. Nú vill kirkjan ekki rugga bátnum trúlega vegna þess að ballestin er farin. Ballestin, segi ég, því þegar hún fer þá verður óstöðugleiki skipsins til mestu vandræða og auðvelt er að snúa skipinu á hvolf þegar kjölfestan er ekki til staðar. Ég hef séð þannig sjóslys og þau eru sérstaklega slæm og eftirminnileg. Þá er áhöfnin í skugga dauðans.

Á aðventunni ætti kristin þjóð að rifja upp söguna sem hefur gefið jólunum innihald og tilgang. Fæðing Jesú Krists hefur sannarlega fyllt jólin innihaldi hér á landi frá því eftir árið 1000.

Ég held ekki jól af því að Jesús fæddist þá. Ég fagna fæðingu Jesú á jólum af því að það er ljómandi gott tækifæri að minnast komu Jesú inní þennan heim.

Biblían er mjög skír á því að Jesús Kristur var til og á fortilveru löngu fyrir fæðingu sína. Jesús segir sjálfur: ,,Áður er Abraham fæddist er ég"(Jóh.8:58)! Biblían segir líka "Fórn og gjafir hefur þú eigi viljað en líkama hefur þú búið mér"(Hebr.10:5) og þetta segir Jesús er hann kom í heiminn.Þá má glöggt sjá að tilvera Jesú Krists er frá eilífð enda var allt skapað til hans. Hann er fyrri en allt og fyrir hann og allt á tilveru sína í honum.(Kól.1:16-17)

Við horfum á hann sem ómálga barn, hvítvoðung í jötu, en samt umhverfist allt Orð Guðs um þessa einu persónu. Sagði ekki jóhannes "og Orðið varð hold"?

Jólin eru því notuð af kristnum mönnum til að sýna hversu lifandi Orð Guðs er, Orðið sem skapaði tilveruna, út bjó sér líkama og bjó með oss! 

En af hverju vilja menn fá þetta Orð burt frá börnunum. Það er sett í bann gagnvart börnum og unglingum. Kristnum kennurum hótað ef þeir koma með kristilegt innlegg í skólana, jafnvel fyrir utan skólana.

Aðventan hefur líka tengingu við hina síðari komu Jesú sem við köllum endurkomuna. Í trúarjátningu hinnar Lútersku kirkju segir: "...og mun koma þaðan til að dæma lifendur og dauða". Á Íslandi er heill söfnuður sem nefnir sig eftir þessari endurkomu von og kallar sig "Aðventista"!

Nú hafa kristnu gildin verið sett til hliðar eða inní skápinn meðan annað er tekið út úr skápnum. Það virðist því vera svo að kristnin fái ekki rúm í "gistihúsi" hins stjórnandi Íslendings. 

Jólaköttur, jólasveinar, grýlur og leppalúðar eiga sviðið í verslunum, skrauti borgar og bæja og jólamörkuðum.

Áður en menn vita af þá er búið að afhelga jólin, fríið víkur fyrir brauðstritinu endalausa og við búin að hverfa frá voninni um Frelsarann sem kom í heiminn til að verða borgunin fyrir syndir okkar mannanna.

Erum við betur sett án Krists í Guðlausri tilveru?

"Þín vegna býður hann út englum sínum til að gæta þín á öllum vegum þínum" segir Biblían (Sálm 91:11)og finnst mönnum betra að vísa englunum frá, hafna hinum himneska boðskap og skella skollaeyrunum við hinu lifandi orði sem upplýsir hvern mann og gerir vegu hans bjartan?

Gleðileg jól!

Snorri í Betel

Okurlandið augljósa

Allt frá dögum einokunarverslunarinnar, eða frá 1560, hafa Íslendingar kunnað þessa aðferð og haldið henni við. Einokun er samfélagsgerðin hér á landi.

Flugfélögin kvarta núna, heimilin í landinu hafa talað svona áratugum saman, Olíufélögin lifa á þessu, Útgerðin er komin í þessa stöðu, bankarnir búa í þessu kerfi, Líferyrissjóðirnir geta ekki borgað meira og stjórnmálin hafa flokka sem berjast fyrir því að varðveita einokunina það heitir láglaunastefnan. Verslunin er sögð standa höllum fæti þó að frjáls álagning hafi verið hennar líf frá dögum Danaveldis.

Þessi óskapnaður gegnum sýrir heilbrigðiskerfið nema tannlæknana, þeir fara sínu fram og halda sér við háu gjaldskrárnar. Þær er hægt að lækka eins og Ungverjarnir hafa sýnt framá.

Þessi okur vernja er hugarfar. Mjög slæmt hugarfar. Þegar erlendir aðilar eru farnir að kvarta yfir verðlagningu á Íslandi þá er kominn tími til að leggja við hlustir því þetta þjóðarmein er að vinna í gegn okkur öllum bæði bændum og búaliði.

Okrið safnar peningunum á fárra manna hendur og þjóðin missir bæði sjálfstæði sitt og siðferði í svona kringumstæðum.

Hvað ætli kosti að losna undan okrinu sem varðveitir lánin bæði verðtryggð og í hæstu vöxtum? 

Menn þurfa ekki endilega að lifa á Íslandi því okrarinn mikli hirðir bæði laun og eignir okkar að lokum.

Munum samt að þegar Palli var einn í heiminum og átti allt, þá var hann ekkert ánægðari en þegar hann var í veröldinni sem miðlaði löndum og gæðum á réttlátan hátt.

Þurfum við ekki nýja ríkisstjórn?

Þurfum við ekki nýtt fólk á Alþingi sem vill ekki stuðla að okri?

Hvað með nýja flokka eða nýja stefnu sem opnar fólkinu dyr til velsældar og sanngirni?

Okrið er synd, syndin er þjóðanna skömm (Orðskv.14:34) Okrið er nefnilega kúgun og ,,sá sem kúgar snauðan mann óvirðir þann er skóp hann, en sá heiðrar hann, er miskunnar sig yfir fátækan.(Orðskv. 14:31)

Biðjum um sanngjarnt samfélag.

Snorri í Betel

Ísland sagt misnota einokunarstöðu sína

Forpokaður Færeyingur?

Í dag fóru þeir Bogi Ágústsson fréttamaður og Hjálmar Árnason yfir stöðu stjórnmála í Færeyjum. Í þeirri umræðu töluðu þeir um Jenis af Rana, lækni og utanríkisráðherra, og spiluðu hljóðbrot þar sem læknirinn var að biðja fyrir sjúkum í beinni á Lindinni, kristilegu útvarpsstöðinni í Færeyjum. Auðvelt var að finna bæði í raddblæ og á orðum þeirra beggja, undrunina á að læknir skyldi biðja fyrir manni með liðagigt. Læknir að biðja er auðvitað vanvirða við læknavísindin, eða hvað? 

Ef læknir fær sjúkling til meðhöndlunar þá er sko ekkert víst að hann geti grætt sárin eða fjarlægt meinið, Gigtarsjúkdómar eru "torfærur" fyrir alla lækna. Þeir ávísa á lyf, töflur og smyrsl. En ná þeir árangri? Það veit Jenis af Rana betur en Bogi og Hjálmar og jafnvel þeir báðir til samans. Þess vegna bætir læknirinn bæn við meðferðina. Er það skömm að biðja Guð um hjálp eða aðstoð? Nei, auðvitað ekki.

Næst fóru þeir orðum um Jenis og afstöðu hans til Samkynhneigðar og hjónabandsins. Þá flokkaði Hjálmar Árnason lækninn trúaða sem "forpokaðan"! Hvað er "forpokaður"?

Þetta orð var gjarnan notað um prest sem kulnaði í starfi! Er Jenis kulnaður í landsstjórn? Kulnun er nokkuð algeng orðnotkun hér á landi en forpokun á undanhaldi því kannski hafa menn freistast til að nota orð sem hefur óljósa merkingu en hægt að nota til að sá inn tortryggni!

Að hafa sterkan siðferðisgrunn er allt annað en að vera "forpokaður"! 

Hjálmar og Bogi, þið þurfið að vanda orðalag ykkar betur og mæta ekki í fréttatíma með sleggjudóma og orðnotkun sem þið hafið ekki á hreinu hvað þýða.

Jenis af Rana hefur gott orð á sér bæði sem heiðarlegur, réttsýnn, trúaður og göfugur maður. Það er aðeins sanngjörn krafa að RÚV allra landsmanna gæti hófs og sanngirni í umfjöllun sinni um góða menn.

 

Snorri í Betel

Boðorðin 10

 

 

Þessi þekktu boðorð hafa verið tíu frá upphafi vega sinna (1370? f.kr). Þau eru að finna í 2.Mósebók kafla 20. Þar eru þau sett svona fram:

1. Ég er Drottinn Guð þinn sem leiddi þig út af Egyptalandi, út úr þrælahúsinu. Þú skalt ekki hafa aðra guði en mig!

2.Þú skalt engar líkneskjur gjöra þér né nokkrar myndir...Þú skalt ekki tilbiðja þær og ekki dýrka þær...!

3.Þú skalt ekki leggja nafn Drottins Guðs þíns við hégóma...

4.Minnstu þess að halda hvíldardaginn heilaganþ

5. Heiðra föður þinn og móður..!

6. Þú skalt ekki morð fremja.

7.Þú skalt ekki drýgja hór.

8.Þú skalt ekki stela

9. Þú skalt ekki bera ljúgvitni gegn náunga þínum!

10.Þú skalt ekki girnast hús náunga þíns,  konu hans, þræl, ambátt, uxa, asna né nokkuð það sem náungi þinn á!

 

Ruglingurinn í Garðabæ hófst fyrir mörgum öldum þegar menn steyptu fyrsta- og öðru- boðorðinu í eitt og gerðu þannig 2 boðorð að einu, klufu síðan tíunda boðorðið og gerðu það að 9. og 10.

Nú er því lag að þjóðkirkjan hefji fræðslu sína uppúr þessum hjólförum ruglsins og kenni boðorðin samkvæmt frumheimildinni Biblíunni sem Önnur og fimmta Mósebók greinir frá. Það yrði öllum til sóma.

Snorri í Betel

Segir umfjöllun um boðorðin í Garðabæ villandi

Það er deginum ljósara hvað Jesús kenndi:

 

Ég leyfi mér að birta þessa grein hér til að því sé haldið til haga hvað Jesús kenndi:

Er samkynhneigð synd?

Snorri Óskarsson

Þriðjudagur, 4. október 2022

 

Snorri Óskars­son: „Kafl­inn hjá Matt­heusi er því býsna ábyggi­leg heim­ild um kennslu Jesú og fjall­ar tals­vert um kyn­líf og kyn­hneigð manna, þvert á full­yrðing­ar!“

Snorri Óskars­son

Morg­un­blaðið gerði þess­ari spurn­ingu skil í fimmtu­dags­blaðinu 22. sept. 2022. Um­fjöll­un­in var um kafla í bók sr. Þór­halls Heim­is­son­ar, prests í Svíþjóð, „Allt sem þú vilt vita um Bibl­í­una“!

Ég las grein­ina og í kynn­ingu seg­ir: „...leiðir Þór­hall­ur Heim­is­son les­end­ur í gegn­um hina mörgu tor­ræðu kafla Biblí­unn­ar.“

Í grein­inni full­yrðir höf­und­ur bók­ar­inn­ar að „til dæm­is minn­ist Jesús Krist­ur aldrei á sam­kyn­hneigð eða sam­kyn­hneigða. Hann tal­ar reynd­ar aldrei um kyn­hneigð manna til eða frá. Hon­um var slétt sama hvort menn væru sam­kyn­hneigðir eða gagn­kyn­hneigðir eða eitt­hvað allt annað“.

Þessi fram­setn­ing klerks­ins bend­ir til að höf­und­ur skauti fram hjá mjög merki­leg­um þátt­um meist­ar­ans frá Nasa­ret og ger­ir um leið bók­ina ónýta til ætl­un­ar­verks­ins að „leiða les­end­ur í gegn­um hina mörgu tor­ræðu kafla Biblí­unn­ar“.

Við erum með þrjú guðspjöll sem rituð eru af sjón­ar­vott­um og læri­svein­um Jesú frá Nasa­ret og okk­ur er holl­ast að treysta frá­sögn þeirra.

Kenndi Jesús aldrei um „kyn­hneigð manna“?

Í guðspjalli Matt­heus­ar er að finna kennslu Jesú um það sem býr innra með mann­in­um. Matt­heus not­ar hálf­an 15. kafla um efnið. Í versi 19 seg­ir og tekið orðrétt frá munni Jesú Krists: „Því að frá hjart­anu koma ill­ar hugs­an­ir, mann­dráp, hórdóm­ur, saurlifnaður, þjófnaður, ljúg­vitni, last­mælgi. Þetta er það sem saurg­ar mann­inn.“

Flest­ir þekkja til orðanna „hórdóm­ur og saurlifnaður“ og tengja þau við kyn­hegðun manna.

Kafl­inn hjá Matt­heusi er því býsna ábyggi­leg heim­ild um kennslu Jesú og fjall­ar tals­vert um kyn­líf og kyn­hneigð manna, þvert á full­yrðing­ar sr. Þór­halls.

Hér sjá les­end­ur að nýyrðið „sam­kyn­hneigð“ kem­ur hvergi fyr­ir og þarf eng­an að undra.

Guðspjöll­in voru þegar kom­in fram um 180 e.Kr. og strax viður­kennd sem ritn­ing­ar gefn­ar af Guði, sam­kvæmt því sem Ireneus af Lyon full­yrti.

Hvaða orð voru notuð í grísku? Fyr­ir hórdóm var notað „moikea“. Þetta orð kem­ur einnig fram hjá Jó­hann­esi guðspjalla­manni þegar hann grein­ir frá ber­synd­ugu kon­unni sem átti að grýta fyr­ir hórdóm eða „moikea“ (Jóh. 8:3). Fyr­ir „saurlifnað“ not­ar gríski text­inn orðið „porneia“. Þetta orð má finna víða í Nýja testa­ment­inu í tengsl­um við kyn­líf og skurðgoðadýrk­un, svo sem í Postula­sög­unni 15:21. Enn frem­ur má sjá notk­un Páls postula á orðinu „porneia“ í Róm­verja­bréf­inu 1:29. Þýðandi Nt. frá 1540 notaði orðið frillu­lífi (sjá Nt. Odds) og í Biblí­unni 2007 er sagt saur­lífi.

Gríska orðið „porneia“ var notað yfir kyn­líf við dýr, börn, sam­kynja mann­eskj­ur og skurðgoð. Þess vegna hef­ur gríska orðið víðtæk­ari merk­ingu en al­mennt er haft sem þýðing þessa orðs á ís­lensku. Við þýðum „pornea“ gjarn­an sem „klám“!

Mér þykir guðfræðing­ur­inn fara held­ur illa að ráði sínu að full­yrða að Jesús hafi aldrei fjallað um sam­kyn­hneigð þegar orðið „porneia“ var notað um þenn­an lífs­máta. Jesús notaði orðið skv. Matt­heusi.

Fyr­ir mér kem­ur Þór­hall­ur út sem lé­leg­ur fræðimaður og í stað þess að ger­ast leiðsögumaður vill­ir hann les­end­ur sína um lend­ur Biblí­unn­ar. Bók­in og fræðimaður­inn fá því fall­ein­kunn. Reyn­ist þetta dæmi um lé­lega fræðimennsku höf­und­ar má vænt­an­lega vantreysta mörgu öðru sem hann legg­ur fram fyr­ir les­and­ann. Það er skaði hverj­um rit­höf­undi að stand­ast ekki skoðun þegar verk er gefið út.

Því má einnig bæta við að Jesús tal­ar í Op­in­ber­un­ar­bók Jó­hann­es­ar um kyn­hegðun, kyn­hneigð og af­leiðing­ar þessa lifnaðar. Þar kem­ur fram í Op. 21:8 (og Op. 22:15) hver ör­lög verða fyr­ir skurðgoðadýrk­end­ur og frillu­líf­is­menn sem ekki gera iðrun. Það er hollt fyr­ir guðfræðing­inn að kynna sér efni þeirr­ar bók­ar áður en lengra er haldið með út­gáfu á Öllu sem þú vilt vita um Bibl­í­una.

Þöggunarglíman á Akureyri!

Fyrir 10 árum greip ,,rétttrúnaðargrýlan" bæjarstjórn Akureyrar kverkataki. Ég var látinn finna fyrir ,,mínu afturhaldi og hatursorðræðu". Mér var vísað úr skóla fyrir þá sök að kalla samkynhneigðina synd og að,,laun syndarinnar væru dauði." Meira þurfti ekki þá. Leiðin var lögð til dómsstóla landsins því þöggunartilburðirnir áttu lagalegan rétt til kúgunar.

Enn í dag glímir bæjarstjórn Akureyrar við vandræða orðræðu sem er sögð hafa komið frá fulltrúa Flokks Fólksins. Hann á sæti í Bæjarstjórninni.

Eftir áratuga baráttu bæjaryfirvalda gegn málfari og tjáningarfrelsi starfsmanna bæjarins er bardaginn kominn til fulltrúanna sjálfra. 

Hvernig þeir taka á málum í dag og hvaða ,,hausar verða látnir fjúka" núna verður forvitnilegt að sjá því alltaf er tjáningarfrelsið ,,vígvöllurinn"!

Það hefur ekki endilega verið flokkað sem hatursorðræða þó læknir gefur út sjúkdómsgreiningu. En konurnar í Flokki Fólksins eru kannski reiðar af því að þær voru ekki að leita sér lækninga á geðsviðinu. Ekki voru þær að biðja um sagnfræðilegar tengingar við flokksstarfið og ekki var óskað eftir áliti Hjörleifs fyrrum kaupmanns á þeim. Svo allur Flokkur fólksins um land allt er í uppnámi. Hvað má ekki segja, verður næsta mál á dagskrá!

Nú reis upp annað mál upp í prestastétt þar sem konur afsögðu formann prestafélagsins vegna útvarpsviðtals á Sögu. Konur hafa greinilega verið að hasla sér völl bæði í pólitík og prestskap. Nú skulu bændur láta af karlmennskunni og ,,feðraveldið" skal lúta rétttrúnaði samtímans.

Það sem byrjaði sem mál til varnar samkynhneygðum fyrir áratug er farið að skekja grundvöll karlmennskunnar hjá fólki og prestum. 

Íþróttahreyfingin hefur einnig gengið í gegnum hreinsunareld í samskiptum kynjanna svo þjóðin ætti að vera orðin nokkuð fær að taka rétt á málum þó svo að karlar tjái sig með öðrum hætti en konur gera.

Auðvitað er dólgsháttur ekki tilhlýðilegur. Auðvitað þurfa menn að gæta tungu sinnar en það á líka við um konur hvort sem þær eru í sama flokki eða í prestastétt. Það er bara mjög aðkallandi að fulltrúar á opinberum vettvangi varðveiti mannréttindin til ,,tjáningarfrelsisins"!

Hvar lendir stjórnmálaflokkur sem vegur að eigin fulltrúum vegna tjáninga? Hvar endar ,,presturinn" sem missir tjáningarfrelsið? Ég fæ ekki betur séð en að sú vegferð sem Akureyrarbær hóf á að svipta mig tjáningarfrelsinu er nú farin að brjóta allt og bramla í ranni bæjarstjórnar.

Má ekki fara fram á það að fólk hækki þröskulda sína og auki þol sitt við óþægilegum orðum? Sumt er sagt án þess að illska liggi undir annað er sagt sem betur hefði verið sleppt en lækningin fyrir hvorttveggja er fyrirgefningin. Bæði prestar, sagnfræðingar og geðlæknar eiga að kunna á þetta tæki. Meistarinn sagði:,,Faðir, fyrir gef þeim því þeir vita ekki hvað þeir gera"!

Orð í tíma töluð sérstaklega fyrir fólkið!

 

Snorri í Betel