Gerandi nafngreindur!

Sonur Söru handtekinn fyrir heimilisofbeldi. Sorglegt! Á sömu síðu er talað um tvföldun slíkra brota í Reykjavík og þau komin uppí 617, öll nafnlaus. 

Hverjir eru þessir á Íslandi sem beittu heimilisofbeldi? Má ekki segja til nafns gerenda? Trúlega er blaðamaður að hlífa fjölskyldum, frændum okkar og vinum. Það er nefnilega niðurlægjandi að eiga ættingja sem kann ekki að stjórna skapi sinu og lætur það bitna á maka sínum. Þannig er þessi frétt meiðandi fyrir nafn Söru Palin og þunginn er lagður á hana þar sem hún er áberandi í bandarísku þjóðfélagi. Vildum við sjá nöfn samlanda okkar eða börn þingmanna, jafnvel presta nefnd í tengslum við heimilisofbeldi? Nei, enda gerum við það ekki gagnvart okkar fólki en hvers vegna þá Söru Palin? Erum við að samþykkja okkar tvöfalda siðgæði að niðurlægja Söru af því okkur líkar hún ekki? Er hún sett í þá stöðu vegna fréttarinnar að hún hafi ekkert efni á að láta á sér bera og henni færi betur að halda sér á mottunni og þegja? 
Mér finnst kjarninn í þessum fréttum bæði frá Ameríku sem og frá Íslandi og það er ástand þeirra sem beita heimilisofbeldi sem segir allt sem segja þarf, því saman fer drykkja, óstjórn og ofbeldi. Erum við ekki komin með víti til að varast og jafnvel að standa gegn tillögu Sjálfstæðismanna að opna á greiðari aðgang almennings að víni. Það er meginorsök ofbeldisins ekki Sara Palin, hún er fórnarlamb eins og 617 aðrir ónefndir Íslendingar.

með friðarkveðju

Snorri í Betel

Palin handtekinn fyrir heimilisofbeldi