Jesús fæddist, auðvitað!

Þá er búið að finna daginn. Margur vantrúarseggurinn hefur nefnilega verið að eyða ómældri orku sinni í því að "sanna" að Jesús hafi aldrei verið til. En fyrst dagurinn er fundinn ætli sé ekki tími til kominn að menn viðurkenni tilveru Krists og geri sér grein fyrir endurkomu hans.

Okkar samtími er hlaðinn spádómum sem hafa ræst og allir voru þeir bornir fram til að benda á þessa stórkostlegu breytingu til blessunar tilverunnar að Jesús kemur aftru.

Þá verður aldur mannanna eins og aldur trjánna, dauðinn verður bundinn og Satan tekin úr tilverunni. Lífið verður blessun, friður og nægtir á öllum sviðum. 'Eg segi bara: Jesús vertu velkominn, hið bráðasta!

Helst fyrir afmælisdaginn þinn!

kær kveðja

Snorri í Betel

„Jesús fæddist 17. júní“

Smitandi og bannfærð hegðun?

Hefur nokkur velkst í vafa um það að umræðan skapar hugsunarhátt og hugsunin atferli. Þetta vissu fornþjóðir. Þetta er augljóst herstjórum og skólum.  Sagt er að trúin komi af boðuninni.

Gerðir okkar og afstaða ræðst svo mikið af umræðunni, almenningsálitinu. Peningamálin og þátttaka okkar í græðgisvæðingunni er fyrirferðamikil  umræða.  Fyrir bragðið gleymum við mörgum þáttum eða tengjum ekki,  því eru atburðir oft samhengislausir í umræðunni og tilverunni.  Við spyrjum um sökudólga og veljum.

Fréttir flytja okkur þessa niðurstöðu eins og sést að þættir eins og "Sex and the city" hafa hegðunarmótandi áhrif. Viðhorf unglingsstúlkna mótast af siðaboðskap þáttanna sem haldið er að þeim. Þær sem horfa og meðtaka eru tvöfalt líklegri til að verða ófrískar. Þær verða fyrir innrætingu - því er það eins gott að sú innræting sé góð!

En ég minntist orða í Biblíunni þegar ég las þessa frétt um unglingsstúlkurnar er "smitast" af siðferði "sex and the city". Svo heyrast fréttir frá Danmörku þar sem ungum stúlkum finnst ekkert tiltökumál að þiggja greiðslu ( hamborgara eða fáeinar krónur) fyrir kynlífsathafnir. Fréttinni fylgdi sú skýring að klám væri dagleg neysluvara!

Klám er skv. Biblíunni óæskilegt, forboðið og bannað. Þar eru menn varaðir við því að taka "andstyggilegan hlut inn í hús" sín og vísað til skurðgoða. Á öðrum stað er fjallað um hann Akan sem tók forboðna skikkju helgaða skurðgoðum og flutti inní tjald sitt. Það varð til þess að sigurgöngu Ísraelsmanna lauk og tímabil niðurlægingar hófst.

Hægt er að benda á tíma Akabs og  Jeremía sem segja okkur frá sömu lögmálum að þegar hið bölvaða er samþykkt og viðurkennt þá kemur hrun yfir Ísraela.

Eigum við á Íslandi eitthvað sammerkt þessum fornu sögum í ljósi alvarlegs hruns? Við höfum samþykkt sem sjálfsagt að klámið hafi sinn sess, nektarstaði og útihátíðir sem mannspilla unglingunum. Við hrósum okkur af því að vera komin þjóða lengst í réttindabaráttu samkynhneigðra og prestum var leyft að vígja samkynhneigða frammi fyrir Guði og mönnum þó svo að Biblían hafi talað mjög skírt gegn þeim lífsmáta. Þega mönnum fannst orð Biblíunnar of særandi fyrir samkynhneigða þá var henni bara breytt til að milda viðvaranir hennar gegn þeim lífsmáta. Sama dag og þetta var samþykkt af Alþingi að blessa mætti lífsmátann í kirkjum landsins skalf jörð heiftarlega, nokkur hús hrundu í Ölfusi. 

Alþingi fór í sumarfrí og þegar það mætti aftur til starfa var  mikill skjálfti og hrun í fjármálakerfi Íslands. Mönnum ber saman um að fjármálakreppa heimsins er langdýpst hér á landi. Má tengja okkar siðferðis frelsi sjúkdómsástand þjóðarinnar. Þess vegna kippti Guð verndarhendi sinni að sér og leyfði því að gerast sem nú er í gangi?  Guð hjálpi okkur!

Eitt enn sem vert er að athuga. Þegar Vilhjálmur 1. keisari Þýskalands ríkti þá efldi hann mjög fornleifarannsóknir á Biblíuslóðum.  Þýskir fluttu frá Pergamos í Tyrklandi mikið musteri og komu því fyrir í Pergamos-safninu í Berlín. Það var kallað á dögum Biblíunnar "Hásæti Satans". Skipti þetta einhverju máli? Fáum árum síðar komst nazisminn að í Þýskalandi. Hitler lét gera afsteypu af þessu musteri í Nürenberg. Hann kom sér sjálfur fyrir á byggingunni og leiddi þýska æsku að þessari afsteypta "hásæti Satans" og þar var æskulýðurinn látinn sverja Hitler hollustu fram í rauðann dauðann. Vilhjálmur flutti til Berlínar "andstyggilegan hlut" og seinna kom þessi tenging við hryllinginn sem við þekkjum. Þýskaland féll í sama bannið!

Sjáum við á Íslandi þessar tengingar? Trúlega munu margir segja nei og vilja skamma mig fyrir svona færslu. En þá er næsta spurnig:  höldum við að ástandi á Íslandi sé ekkert tengt siðferði og hugsunarhætti okkar? Skilja menn ekki að Guð gaf okkur sitt orð til að við mættum velja lífið og fá að lifa í blessun?

Huggun okkar er sú að Guð tyftar og agar alla þá sem hann elskar. Þegar við færum ákvarðanir okkar og stefnu inní vilja Guðs, leyfum Biblíunni hljóma í skólum, stofnunum og kirkjum þá myndast siðferði sem leiðir okkur út úr hörmungum siðleysis og inní blessun uppbygginar, hagsældar og réttlætis. Þá t.d. þarf ekki að kúga þjóðina með okurvöxtum og verðtryggingu. Nú erum við öll orðin þrælar! Er það bara örfáum bankakörlum að kenna? Eða er þetta ávöxtur hnignunar siðferðisins og fráhvarfs frá Guði okkar lands?

Ég mæli með að Biblían verði tekin að nýju fram til að innræta hvað telst rétt svo við fáum að lifa friðsamlegu, rólegu og góðu lífi -  ábyrg hegðun verði höfð að leiðarljósi!

Snúum við til hins kristna lífsmáta og Guðs laga. Amen!

kær kveðja

Snorri í Betel

Tengsl milli sjónvarpsáhorfs og þungana

Mátti Dorrit vera fjölveri á Bessastöðum?

Það er augljóst að fjölveri (eiga marga eiginmenn) er ólöglekt á Íslandi. Ég, sem hef rétt til að vígja fólk, þarf að hafa alveg á hreinu með vottorðum stimpluðum af yfirvöldum, hvernig síðasta hjúskap lauk. Honum þarf að vera lokið og allt uppgert. Það þarf þá einnig sýslumaður að gera því krafan kemur frá lögum landsins sem alþingi setti. Það er einnig í samræmi við Guðs-lög sem bæði ég og Dorritt og Ólafur forseti þurfum að lúta. Ekki síst forsetinn þar sem hann er verndari þjóðkirkjunnar.

Svo má spyrja hvort ekki hafi verið rétt hjá forsætisráðherra að gera athugasemd þar sem hann er ráðherra Hagstofunnar? Auðvitað er það ljóst að ráðherra hafi verið betri aðili  til að gera athugasemd en einhver hagstofustjóri eða embættismaður Hagstofunnar.

Það er sorglegt að gefa það í skyn á okkar tíma að forseti eða sýslumaður megi fara á svig við lögin!

Eða eru menn svo innrættir gagnvart Davíð að þegar hann kemur að máli þá sé Andskotinn mættur til leiks?

kær kveðja

Snorri í Betel

Davíð sagður hafa gert aðför að forsetahjónunum

Eru menn Evrópu-blindir?

  

 

 

 

 

 

 

 

 

 

           1.                                  2.                                              3.

Hvaða erindi eigum við Íslendingar inní sökkvandi skip?  Þegar blasir við okkur bankahrun, atvinnuleysi og mikil uppstokkun fyrirtækja þá þurfum við að leita lausna. Á sama tíma virðist krafan klingja stöðugt: "tökum upp Evru" og "göngum í Evrópubandalagið"! Er þar allt í góðum málum? Bjargar Evran öllu? Vita menn ekki að þar er meira atvinnuleysi en hér?

Þessi línurit (2 og 3) sem fylga færslunni eru tekin úr Tíme (21.07 ´08) og sýna, svo ekki verði um villst að hagur Evrópu er ekki vænlegur. Að fara þangað inn þýðir að við komum í hús skortsins. Núna kæmum við einnig sem bónbjargarmenn, þurfalingar sem höfum ekkert fram að færa - nema auðlindir sem okkur er nauðsyn að verja og nýta. Þær eru ekkert til skiptanna sbr. fyrri landhelgisdeilur fram eftir allri síðustu öld. Þar sem litil von er, verða ekki vænleg kostaboð.

Ég tel það alger afglöp að fara inní Evrópusambandið og enn verri en þau að leyfa bankakerfinu að vaxa okkur yfir höfuð.

Þátttaka í ríkisheild byggist einnig upp á hugmyndafræði. Menn verða að vera nokkurn veginn sammála siðferðisreglum til að geta fellt sig að lögum ríkisins. Ef vér brjótum í sundur lögin þá brjótum vér og í sundur friðinn - sögðu þeir á alþingi við Öxará. Væri ekki vert að skoða aðeins þá hugmyndafræði sem Evrópusamstarfið hvílir á?

Mér finnst einnig afar undarlegt hve háværar raddir eru og krafa um að taka upp Evru og/eða aðild. Ég dreg ekki í efa þær fullyrðingar að krónan sé okkur dýr! Það er líka flókið stjórnkerfi. Það er líka alþingi og lýðræðið. Við gætum lagt niður kosningar og haft eina góða ríkisstjórn sem setur lög, framkvæmir lagaboð og klárar málið á einfaldan og snyrtilegan hátt. Hún hefur sýnt það á undanförnum vikum að Alþingi Íslendinga er algerlega óþörf stofnun. Sparnaður á ári gæti verið nokkur hundruð milljónir.  En verðlagning sjálfstæðisins verður vart metið til fjár. Við megum skilja  "að enginn veit hvað átt hefur fyrr en misst hefur".

Hugmyndafræði Evrópu byggir á trúarlegum þáttum sem koma fram á mynd 1, tilvísun til óhlýðni og guðlauss lífernis. Kjarni sögunnar um Babelturninn er einmitt björgunaraðgerð til að ekki þurfi að lúta og treysta á Guð almáttugan. Babelturninn reis þrátt fyrir að Guð ætlaði ekki að eyða jörðinni í vatnsflóði. Á líkan hátt stöndum við Íslendingar að hafa lent í vandræðum (dómi Guðs, við héldum að lög hans væru fallin úr gildi) en svo viljum við ekki hverfa til ráða og skipulags sem Guð hefur sagt að hann muni blessa. Það er skelfileg niðurstaða þjóðar sem syngur "Ó, Guð vors lands.."!

í Evrópu er enga hjálp að finna. Sýna viðbrögð Englendinga og Hollendinga það ekki? Ég legg til að ríkisstjórnin setji þjóðinni einn bænadag t.d. fyrsta sunnudag í aðventu(30. nóv.) þar sem allar kirkjur verða auglýstar sem bænastaður til að Guð gefi þjóðinni frið, áræði og trú á að lausn sé að finna í þessum vanda. Ég vil einnig leggja það til að í stað upphlaupa og mótmælaaðgerða sem eru ekkert annað en hóp-einelti gegn örfáum mönnum, þá verði hrópað til Guðs á hæðum, hjálpaðu Davíð og seðlabankastjórunum, vertu með Geir og Ingibjörgu, styrktu Fjármálaeftirlitið til að þau sjái leiðina út úr ógöngunum og leyfðu þjóðinni að standa saman til að sjálfstæði okkar varðveitist, byggðir landsins blómstri og enginn þurfi að verða landlaus Íslendingur ráfandi  um á framandi grundu.

Það er kaldhæðnislegt að Davíð og Geir skuli fá þessa útreið á Austurvelli stjórnað af þeim aðila sem hefur fengið öll þau mannréttindi til að giftast karli sínum og fá blessun þjóðkirkjunnar sem Davíð og Geir beittu sér fyrir honum til hagsbóta. Sjaldan launar kálfur...

Nú er tíminn til að hætta mótmælarugli og kalla á hjálp Guðs almáttugs! Amen! 

kær kveðja

Snorri í Betel

Hengjum þá!

Þetta er kall sumra. Aðrir segja: flytjið peningana heim! Svo viðurkenna allir að þér séu vitrir eftirá. En svona fóru mál - úr skuldlausum ríkissjóði í þjakaðan af skuldabyrði. Fleiri sorglegir þættir eru í þessu máli.

Meðan góðæri var á höfuðborgarsvæðinu og menn græddu á tá og fingri var landsbyggðin lögð í rúst. Menn höfðust þar ekki við. Litla sem enga vinnu var þar að fá. Útgerðir sagðar blómstra en samt skulda þær milljarða og eru alls ekki á yfirborðinu, þær eiga varla nokkuð nema skuldir.Það er velstatt land sem getur lagt sjávarbyggðir í rúst!

Sveitasjóðir safna skuldum og eru reknir í mjög þröngri stöðu. Heimilin í landinu gátu ekki borgað niður skuldirnar en sum þó haldið í horfinu. 

Húseignir eru ekki lengur fasteignir fjölskyldunnar heldur leiguhúsnæði annaðhovrt íbúðalána-, lífeyrissjóðs eða bankans.

Á meðan gat ríkissjóður einn státað sig af því að vera "skuldlaus". Og bankastjórarnir voru að hjálpa okkur til að geta fjárfest og sparað til að greiða niður skuldirnar með góðri ávöxtun. Hver tók ekki þátt í því? Allir voru "hengdir"!

Nú er allavega búið að hengja okkur öll.

En ég vil aðeins minna á samspilið. Fréttastofurnar hafa verið að rifja upp fyrir okkur ánægju greinarnar, hrós forseta, ráðherra og aðdáun "Litla Jóns" á okkar mönnum. Svo dansinn í kringum "Gullkálfinn" var troðinn af næstum því öllum! Almenningsálitið mótað af fjölmiðlum, forseta og fjárfestum til að fagna "gullkálfinum"! Heyrðu menn kirkjuna og trúaða vara við og halda fram nægjusemi og Guðhræðslu?

Er ekki eitthvað meira á bak við svona verðhrun en mistök fáeinna bankakalla? Þegar síðasta hrun var 1929 þá var gyðingum kennt um ófögnuðinn. Svo það er stutt í það að við drögum fáeina menn til saka og þvoum okkur Pílatusarþvotti með því að hrópa "útaf með Davíð" eða "hengjum þá"!

Hjá okkur er bara sáning og uppskera. Það er ekki flóknara. Biblían kennir okkur þetta "lögmál" og einnig það að við erum seld óhlýðninni á vald. Þess vegna er mannkynið að gera sömu mistökin aftur og aftur, kynslóð eftir kynslóð. Frá Nóaflóði til okkar daga halda menn að þeir sleppi við dómsdag!

En skoðum viðvörunarorð Biblíunnar og spyrjum svo hvern ætti að hengja?

Peninga-hyggja og ágirndin eru "skurðgoðadýrkun" skv. því sem sagt er í Efesusbréfinu.."það skuluð þér vita og festa yður  í minni að enginn frillulífismaður eða saurugur eða ágjarn,- sem er sama og að dýrka hjáguði,- á sér arfsvon í ríki Krists og Guðs.(Efes.5: 5) Samt segjumst við flest vera "kristinnar trúar"!

Vita skalt þú þetta, að á síðustu dögum munu koma örðugar tíðir. Mennirnir verða sérgóðir, fégjarnir, raupsamir....(2.Tím. 3:1-2).  Þetta er býsna nákvæm samtímalýsing af því að menn hafa nefnilega verið að raupa yfir fjárhagslegum afrekum sem reyndust stórkostlegar blekkingar.

Og þegar þessi blekkingavefur hrynur þá minnir það mig á viðvörunarorð Opinberunarbókarinnar er segir: "Fallin, fallin er Babylon hin mikla sem byrlað hefur öllum þjóðum af reiði-víni saurlifnaðar síns." Þetta reiði-vín er útskýrt í Jeremía 51:7, þar sem gerir þjóðirnar óðar. Fjárhagsleg velgengni okkar hefur þess vegna verið eins og rúngandi fyllerí án þess að nokkur raunveruleg innistæða væri fyrir öllum þeim veigum sem menn drukku. Nú er áman tóm. Hvern ætti að hengja fyrir þetta?

En erum við eitthvað búnin að læra? Mér til undrunar heyri ég vinstri menn hrópa á þá "lausn" að taka upp norsku krónuna eða hlaupa í Evrópubandalagið? Dæmigert fyrir Íslendinga. Grípum til skyndilausna!Er það ekki bara til að sleppa við að taka hugsunarhátt okkar í gegn?

Mér til undrunar þá heyri ég raddir erlendis frá sem hvetja til að stokka upp og hrinda af stokkunum nýju  peningakerfi. Það á að verða alheimskerfi opið eða gegnsætt, eins og það er kallað. Þetta kerfi sem nú er hrunið var sett á laggirnar eftir seinni heimsstyrjöld. Ef það gerist þá má búast við að peningar hverfi af sjónarsviðinu og eingöngu verði um tölvufærslur að ræða. Því seðlaprentun og myntsteypa er rándyrt kerfi. Þá getur ríkið sparað milljarða. Trúlega verða settir ósýnilegir þröskuldar svo fjármunir ríkja geti ekki horfið þaðan til annarra banka eða landa. Einnig verður þá auðvelt fyrir ríkið að sjá tekjustofna og skattaskyldur sem hátekjumönnum hefur tekist að komast hjá í núverandi kerfi. Hið nýja kerfi verður byggt á örflögum sem skotið verður undir húð hægri handar og á enni.

Því fleirri ríki sem lenda í þessu fjárhagslega hruni því fyrr verður þessu kerfi komið á. Næsti forseti Bandaríkjanna verður aðalsprautan í framgangi þessa máls en svo tekur Evrópa við og leiðir framkvæmdina á því að kerfið verði okkar, um alla Evrópu og allan heim. Eigum við að gefa þessu 3 og hálft ár? Á meðan þarf engan að hengja því kerfið mun sjá um að hengja okkur öll. Stundum er þetta kerfi kallað "merki Dýrsins"!

Frá þessu kerfi er greint í Biblíunni. Þarf að segja meira?

Hún flytur okkur sannleikann um fortíðina, nútíðina og framtíðina, jafnvel eilífðina.  Ég hef hengt von mína á hana en í hverju hangir þú?

kær kveðja

Snorri í Betel

 

Reynslumiklir menn og uppsagnir!

Ég sá viðtal við útgerðarmann sem hafði orðið fyrir því að báturinn hans sökk í höfninni. Ástæðan var sú að vélstjórinn sem var nokkuð nýr í faginu hafði gleymt að loka fyrir botnloka. Þannig komst sjór inní vélarrúmið og endaði báturinn því á botninum. En fréttamaðurinn spurði útgerðarmanninn hvort hann myndi ekki segja vélstjóranum upp? En þá svaraði útgerðarmaðurinn: "Nei, alls ekki, nú hefur hann lært það sem hann mun aldrei gleyma og ég hef því betri vélstjóra en áður."

Þessi afstaða er mér hugleikin vegna allra þeirra sem hafa misst stöðuna, vinnuna eða eignarhluta í þessari orrahríð sem nú gengur yfir. Allt þetta fólk með slíka reynslu er mikill fjársjóður ef það aðeins fær að nýtast á komandi mánuðum og árum.

Þegar menn heimta Davíð í burtu og skipta út stjórnum banka eða henda bankastjórum út þá erum við að missa frá okkur "vélstjóra með reynslu"!

Ég þykist vita að allir þessir aðilar sem nú eru komnir á "götuna" vita hverju þeir myndu breyta ef þeir fengju að upplifa nokkra daga aftur sem eru nýliðnir.

 Ég tel að þeir myndu stilla gróðavoninni í hóf.

Gaumgæfa betur fjárfestingakostina.

Vinna hægar og spá aðeins betur í ráðin sem þeir gáfu fjármagnseigendunum.

Ráðfæra sig við reynslubolta og gera sig ánægða með hægari vöxt, minni hagvöxt.

 Ég er ekki að halda því fram að allir eigi að halda stöðu sinni og enginn að axla ábyrgð, auðvitað ekki heldur hitt að vinna málin þannig að þeir eigi afturkvæmt. Reynslan er dýrmæt.

Segir ekki máltækið sígandi lukka er best?

Hættulegasta ástandið í þessum kringumstæðum er að hafa ekki trú á Guði almáttugum. Þá skilja menn ekkert í svona reynslutímum. Besta veganestið er að eiga trú á Guð sem leiðir okkur áfram, jafnvel þó við förum í gegnum dimman dal, þá óttast ég ekkert illt því sproti Guðs og stafur hugga mig. Í húsi Drottins fáum við að búa langa æfi.

En veikleiki okkar er að gleyma Guði á góðu dögunum og finna hann síðan ekki í svartnættinu. En það er alltaf nauðsynlegt að gera sér grein fyrir því að Guð þarf ekki peninga til að notast við okkur eða hafa okkur í þjónustu. Hann þarf huga okkar, áhuga og hæfileika til að við mótumst samkvæmt eðliseinkunn Guðs, Biblíunni.

Þegar Sakkeus frá Jeríkó gekk Jesú Kristi á hönd sagði hann:"Helming eigna minna gef ég fátækum og hafi ég haft nokkuð af nokkrum þá gef ég honum það ferfalt aftur."! Þá sagði Jesús við hann: "Sannlega hefur hjálpræðið hlotnast húsi þessu."

Margur getur ekki sagt þetta í dag því allur auðurinn er horfinn en þú átt þó sjálfan þig eftir og reynsluna sem má miðla öðrum. Má Guð eiga afganginn, þig?

Veisu að Napóleon var spurður að því þegar hann var fangi á St.Helenu hvers hann óskaði sér helst úr lífi sínu. þá sagði hann "7 mínútur". Menn hváðu og undruðust svarið hans. Hvers vegna aðeins 7 mínútna. Jú, það voru mínúturnar sem ég notaði til að fara í bað þegar mér sýndist að orustan við Waterloo væri sigruð af mínum mönnum. En þegar ég kom úr baðinu var allt orðið breytt. Guð getur gefið þér þínar "7 mínútur" - tíma hinna glötuðu tækifæra. Guð ræður nefnilega tíma og tíðum!

kær kveðja

Snorri í Betel

 

Valdarán og fjármálaöngþveiti!

Rétti tíminn er svo oft vandfundinn. En þegar Persaflóastríðið hófst þá sögðu breskir embættismenn: "nú er tíminn til að senda út  óþægilegar tilkynningar". Í stríði eða átökum er minna eftir þeim tekið. Hamas eru ekki friðarsamtök heldur framlengdur armur Arababandalagsins. enda mátti það vera lýðum  augljóst þegar Amr Moussa kom til lands um miðjan sept. sl. að þá var hann talsmaður bandalags sem stofnað var gagngert til að koma í veg fyrir stofnun Ísraelsríkis.

Arabaríkin eru sek um að hafa gert þúsundir gyðinga landlausa með því að reka þá úr löndum sínum án nokkurrar ástæðu og auk þess fjárvana. Eignir þeirra voru þjóðnýttar. Þeir áttu hvergi höfði sínu að að halla og því var Gyðingaland, Ísrael eini valkosturinn til að halda lífi.

Árið 1948 voru reknir frá Marocco,Alsír, Túnis og Líbíu  382 000 gyðingar.

Eþíópía og Egyptaland ráku 37 000 gyðinga úr landi.

Jemen 50 000,

Iraq 130 000

Iran 76 000

Sýrlandi 10 000

Af þessum tölum  (685000 manns) má sjá að ekki var vilji til að leyfa þessu fólki að lifa í friði. Enn stendur þeim ógn af nágrönnum sínum hvort þeir kalli sig Arababandalagið eða Hamas.

Ef Vesturlönd bregðast gyðingum þá verður farið með Ísrael eins og búið er að leika Líbanon. Menn átöldu gyðingana fyrir að halda Gasa undir hælnum og halda þeim rólegum en þegar þeir yfirgáfu Gasaströndina til að veita Aröbunum frelsi, samkvæmt kröfu Vesturlanda, þá breyttist Gasa í víghreiður. Ef Hamas nær Vesturbakkanum, sem vel gæti gerst, þá breytist hann í eldflaugaskotpall. Það kallar ekki á frið. Þegar talsmaður Arababandalagsins, Amr Moussa, var hér á landi í september þá hefði hann átt að far með skilaboð frá íslenskum stjórnvöldum að Ísland styðji Ísrael til lífs, sjálfstæðis og virðingar. Og Arabar ættu að láta af hótunum, ofbeldi og að berja stríðsbumbur síknt og heilagt.

Við heyrum hvatningu ráðamanna nú að standa saman í efnahagsöngþveitinu. Grípum tækifærið og stöndum með gyðingunum þegar enn eina ferðina er verið að ógna þeim og hóta útrýmingarstríði.

kær kveðja

Snorri í Betel

Hamas sögð undirbúa valdarán

Glitt(n)ir í hönd Guðs?

Allt stefnir í harðan vetur. Fjármálin, atvinnan, verslun og veröldin. Okkur er sagt að góðærið sé liðið en það kemur okkur ekki algerlega á óvart. Undanfarin ár hafa hjáróma raddir bent á þessa hættu en þær voru reyndar ekki í takt við tíðarandann og því var ekki gaumgæft af "neikvæðu" orðagjálfri úrtölumanna.

En mátti ekki vita að menn tóku verulega áhættu? Fjármál hafa nefnilega í gegnum aldir haft þennan svip og eðli að peningarnir koma og fara- jafnvel fyrir lítið.

Ég fékk einu sinni gefins kaffikönnu með þessari áletrun: "They say that money talks!  Mine say good by!" . En það er einnig meira sagt um peningana. Til dæmis,  að treysta ekki "fallvaltleik auðsins".

Nú situr Glittnir í háfnum og svo verða fleirri sjálfsagt "ríkisvæddir" því margra bíður aðeins sá veruleiki að lifa á bótum. En af hverju var ekki hlustað á heilræði fyrri kynslóða sem hafa reynst sönn í gegnum aldir?

Fyrir nokkrum árum sagði biskupinn yfir Íslandi að "Guðslögin væru fyrir löngu fallin úr gildi" og því ættu menn að hlýða löggjafanum frekar. Í það var látið skína að Biblían væri gamaldags og úrelt bók sem enginn heilvita maður tæki mark á.

En Biblían segir þetta um láglauna- og skortsstefnuna: "Hlustið á þér auðmenn, grátið og kveinið yfir þeim bágindum sem yfir yður munu koma. Auður yðar er orðinn fúinn og klæði yðar eru orðin möletin, gull yðar og siflur er orðið ryðbrunnið og ryðið á því mun veða yðru til vitnis og eta hold yðar eins og eldur. Þér hafið fjársjóðum safnað á síðustu dögunum. Launin hrópa, þau sem þér hafið haft af verkamönnunum sem slógu lönd yðar og köll kornskurðarmannanna eru komin til eyrna Drottins Hersveitanna. Þér hafið lifað í sællífi á jörðinni og í óhófi. Þér hafið alið hjörtu yðar á slátrunardegi. Þér hafið sakfellt og drepið hinn réttláta. Hann veitir yður ekki viðnám." Jak.5: 1 -6

Hefur þetta ekki komið fram?

Biblían segir þetta um t.d. græðgina :"Villist ekki! Hvorki munu saurlífismenn, né skurðgoðadýrkendur, hórkarlar né kynvillingar, þjófar né ásælnir, drykkjumenn, lastmálir né ræningjar Guðs ríki erfa. (1.Kor. 6:9 - 10) Þessu versi hefur verið flaggað í siðferðilegum umræðum síðustu 14 árin og mönnum hefur ekki fundist þetta innlegg hafa verið vitræn eða vísindaleg fræði. Og þessi lög löngu fallin úr gildi.  En í dag stöndum við frammi fyrir því að ásælnin er einmitt ástæðan fyrir þessum glundroða sem fréttir flytja okkur.

Í Bandaríkjunum, Evrópu, Asíu og Íslandi hafa fjármálamenn nærst á þessari hættulegu kennd að ásælast of mikið. Við þurfum ekki mikla speki til að vita að ásælnin verður ekki hamin. Enginn ásælinn seðst og segir : "nú er nóg komið"!

Segir ekki kristin trú :  " Ef vér höfum fæði og klæði, þá látum oss það nægja. En þeir sem ríkir vilja verða falla í freistni og snöru og alls kyns óviturlegar og skaðlegar fýsnir er sökkva mönnum niður í tortímingu og glötun.

Fégirndin er rót alls þess sem illt er. Við þá fíkn hafa nokkrir villst frá trúnni og valdið sjálfum sér örgum harmkvælum." 1. Tím.6: 8- 10. 

Svona leggur Biblían okkur reglurnar til að við megum læra hógværð og stilla okkur inní nægjusemi. Sjáum við ekki að heilræði Biblíunnar og fyrirmæli eru síður en svo fallin úr gildi? Á Íslandi hefur ekki verið talið sjálfsagt að launin verði til framfærslu, vextir í hófi og að heimilin fái að byggja sig upp. Launamaðurinn hefur fengið stíft úr hnefa og gnóttir atvinnuveganna látin í útrásina.  Alþingi hefur sett lög og reglur í blóra við Guðs Orðið með það fyrir augum að nútímavæðing þyrfti ekki að taka tillit til þess sem "Guð segði"! 

Vita menn nú að í þessum efnum hafa Guðslög ekki verið felld úr gildi? Þau virka. Í hinum þáttunum eru þau einnig í gildi. Hvenær skyldum við verða fyrir barðinu á því að hafa rofið þau viðvörunarorð? Guð hjálpi okkur til að snúa við.

Og enn segir Biblían: "Já, guðhræðslan samfara nægjusemi er mikill gróðavegur! (1.Tím.6: 6)

varpaðu áhyggjum þínum á Drottinn  "Því að hann ber umhyggju fyrir yður" 1.Pét.5:7

Dómsdagurinn leiðir alltaf til þeirrar niðurstöðu að Guð hefur talað og Biblían er Guðs Orð.

Gæfusporið í þessum kringumstæðum er einmitt að skipta um skoðun og trúa því sem Guð hefur sagt.

kær kveðja

Snorri í Betel

Heimsendir á "24-Stundum"!

Ég fékk kveðju frá Birgi Erni í dag. Ég vil þakka kveðjuna því ég les gjarnan það sem hann skrifar og er oft afar ósammála því ég sé að hann vill fá í burtu hina Biblíulegu kristni. En þetta er bréfið sem ég sendi honum og varð tilefni orða hans í "24 stundum" 16.sept. Leyfi ykkur að lesa til að ná samhenginu í skrifum okkar.

Gallað eðli blaðamanns?

Birgir Örn Steinarsson fór mikinn í 24-Stundum 2.sept. sl. Hann fann ekki Guð í pólitíkinni en benti okkur lesendum á að fara að orðum Jesú að treysta því að Guðs ríkið væri hið innra í okkur og þangað skyldum við beina leitinni.

Nú er því gjarnan haldið fram, nánast mótmælalaust, að allir menn séu gallagripir. Þar af leiðir að öll leit að Guðs-ríkinu í innsta inni er ákaflega líkleg til að mistakast. Alla vega skildi ég Birgi þannig að honum hafi mistekist að finna hin gallalausu trúarbrögð sérstaklega vegna þess að öll trúarrit séu nú einu sinni skrifuð af mönnum - gölluðum mönnum sem endurspegla galla sína og þekkingarskort í ritunum. Það má vissulega taka undir þessi orð og hafa sig hægan. Því hvað hafa menn, með þekkinguna í molum og ófullkominn skilning, fram að færa um Guð almáttugan?

En skoðun kristninnar er sú að Jesús Kristur sé Guð og því gallalaus. Biblían er heimild um að hann gerði óvenjuleg kraftaverk og kenndi þann lærdóm sem enginn hefur betrumbætt. Heimildarmenn okkar eru Guðspjallamennirnir ásamt nokkrum fleirum. En þeir eru allir undir það sama seldir að geta kallast „gallagripip" og því verða frásögur þeirra gallaðar. Þannig er og með blaðamenn sem flytja okkur fréttir - galli þeirra speglast þá í fréttunum og gerir þær gallaðar. Því verður hið sama að álíta um fjölmiðla sem og trúarbrögð að hvortveggja eru gallagripir. Þannig getur það verið því áhyggjuefnið auðvitað að blaðamenn „skilja ekki myndlíkingar og taka því  heimsendatuðinu í lok Nýja-Testamentisins" ekki bókstaflega.

Hvernig á t.d.að skilja það að heimsendaspádómar Biblíunnar sögðu frá því að undanfari heimsendis verði sá að gyðingar yrðu sóttir til þjóðanna og fluttir inn í land forfeðranna á síðustu tímum. Þeir „kæmu svífandi eins og dúfur til búra sinna." Í ár halda gyðingar uppá 60 ára afmæli ríkisins! Sama hvort menn telja þá eiga rétt til landsins eða ekki. Þeir eru komnir til baka.

Hvernig má það vera að gallaðir heimsendaspádómar fjalla um að Jerúsalem verði skipt. Jerúsalem hefur aldrei verið tekin frá gyðingum og skipt til helminga. Þeir hafa sótt til borgarinnar og aflað yfirráða fyrst að hluta og síðan náð fullum yfirráðum. En í dag er pólitíkin þannig að Condolisa Rice, utanríkisráðherra Bandaríkjanna er að róa að því öllum árum að gyðingarnir samþykki skiptingu borgarinnar til að stjórnvöld palestínuaraba, Abbas o.Co., geti haft Jerúsalem sem höfuðborg hins væntanlega palestínska ríkis. Forseti Frakklands og leiðtogi Evrópubandalagsins er á sama máli. Þessir leiðtogar eru því að láta forna spádóma (frá Sakaría 14 og Opinberunarbók 16) ræst.

Hvaða gallagripir gátu spáð svona 500 árum fyrir Krist og að það skuli vera pólitíkin í dag, fréttir 2008? Hvernig stendur á því að fréttamiðlar sjá ekki þessa hlið málsins? Þeir láta frekar öllum illum látum gagnvart „endurfæddum bókstafskristnum" í Bandaríkjunum og skammast yfir því að þeir „ráði Hvítahúsinu" en viti samt ekkert í sinn haus af því þeir taka mark á trúarritum skráðum af „gölluðum mönnum"! En þau eru samt að rætast! Skiptir það engu máli?

Til að stytta greinina fjalla ég ekki um Íran og Arabaríkin, útbreiðslu Islams eða skiptingu landsins í gyðingleg eða arabísk stjórnunarsvæði. Þó eru þessi atriði öll nefnd í spádómsritum Biblíunnar sem vegvísar um hina síðustu tíma. Hvers vegna kynna blaðamenn sér ekki þessi atriði? Þau eru varla gallaðri en söguskoðun fyrirfram "gallaðra blaðamanna"!

 Það er svo margt framundan sem styður þá kenningu „að ekki verður feigum forðað". Vonandi að ófeigir vakni til meðvitundar um gildi þess að færa lífsmáta sinn í takt við lífsmáta Jesú Krists.  Jesús hefur ekki skilið eftir sig „gallaðan leiðbeiningarbækling" heldur Biblíuna, Orð lífsins, enn í fullu gildi.                                                                                 Snorri í Betel

Að fullkomna með þjáningum?

  Ég sá þessa frétt í Time 21.júlí 2008. Mér hefur þótt afar merkilegt að lesa mig til um þennan stein. Ég á grein í "The Jerusalem Report" frá 4.ágúst um rannsóknir pófersors Israel Knohls á þessum merka steini. Steinninn er eigu Davíds Jeselsohn í Zürich en þegar hann var í Lundúnum fyrir áratug var honum boðinn þessi steinn til kaups, af jórdönskum fornsala. Davíð sló til og fannst Jórdaninn ekki skilja mikilvægi þessa steins. En seinna áttaði hann sig á því að hann skildi ekki sjálfur hve merkilegur boðskapur var á steininum.

Þessi steinn er með hebreskri áletrun með fornu bleki og sagður vera frá seinnihluta fyrstu aldar fyrir Krist . Steinninn er tæpur metri á lengd og um 40 cm á breidd. Boðskapurinn er sagður frá englinum Gabríle til einhverrar óþekktrar manneskju. Gabríel greinir frá stórstyrjöld sem verða mun einhverntíma í framtíðinni í kringum Jerúsalem. Textinn er í  87 línum og í línu 80 og 81 segir: " eftir þrjá daga þú munt lifna" og í næstu línu er sagt "prins prinsanna" sem er "varpað klettótta gjótu" sem er einnig myndlíking á blóðugum dauðdaga.

Knohl segir að þessi steinn greini frá blóðugum þjáningum Messíasar. Undir þetta taka prófessorar í trúarboðskap tengdum hinu seinna musteri þ.e. musteri Heródesar sem stóð á dögum Jesú og var rifið 70 e.kr. Á þeim tíma var búist við sigursælum hershöfðingja, Messíasi af kyni Davíðs og hinum líðandi Messíasi, syni Jósefs. Knohl heldur áfram og kallar þessa áletrun "Opinberun Gabríels" og segir :"hér fáum við, frá fyrstu hendi, frásöguna af hinum þjáða og líðandi messíasi sem er kallaður Prins prinsanna. Þessi messías er þjáður vegna fólksins, er líflátinn og síðan rís hann upp frá dauðum eftir þrjá daga."

Frásögn Nýja-Testamentisins er allt of lík til að hægt sé að loka augunum fyrir því hér er verið að fjalla um hinn sama Messías og Guðspjallamennirnir eru að kynna fyrir okkur.(Tekið úr Jerúsalem Report, frá 4. ágúst,2008)

En það vekur undrun mína að ekkert dagblað, engin sjónvarpsfrétt eða aðrir fréttamiðlar hafa flutt Íslendingum þessa frétt. Fréttamenn meta auðvitað sjálfstætt hvað telst frétt og hvað ég þurfi að heyra til að vera sæmilega upplýstur maður. En þessi steinn styrkir enn frekar að boðskapur Kristinnar trúar er merkilegri en menn hyggja. Hann er öruggari en samtíðin telur og enganveginn svo lítils virði að hann eigi erindi í glapkistu vantrúarinnar. Þess vegna valdi ég fyrirsögnina að þessari færslu "Að fullkomna með þjáningum.." því ég tek þessi orð í Hebreabréfinu kafla 2 og versi 10.

Þegar Guð er búinn að fullkomna frelsarann, opna leiðina og vinna verkið þá auðvitað á hann rétti á því að við göngum undir vald og leiðsögn Jesú Krists. 

 Ég kem þessu upplýsingum til þín lesandi svo þú megir sjálfur rannsaka og meta vegna þess að Biblían kennir að Jesús Kristur var fullkomnaður sem frelsari mannanna með þjáningum og hræðilegri meðferð.

Þeir sem hrífast af þessari fórnargjöf játa Jesú sem son Guðs frelsarann. Hinir sem hafna honum dæma sjálfa sig í glapkistu eilífðarinnar.

á hvaða leið haldið þið að blindir blaða- og fréttamenn séu sem ekki sjá ástæðu þess að færa okkur svona fréttir, fréttir sem staðfesta gildi Kristinnar trúar?

Kær kveðja

Snorri í Betel