Af hverju?

Stundum gleyma menn stund og stað eða ruglast í upphafi umræðunnar. Hjónabandssáttmálinn milli Karls og konu er mun eldri en Alþingi. Öll lög fram til þessa hafa í kristnum sið gert ráð fyrir einum karli og einni konu sem bindast og eiga hvort annað til dauðadags. Meira að segja eru þau "gift" eða sögð hjón löngu eftir jarðvistina. Langafi minn og langamma, sem ég sá aldrei eru enn hjón í sögulegu samhengi.

Hjónabandið sem Jesús vísar til og reglurnar sem því fylgja má sjá í Guðspjalli Mattheusar kafla 19 "Hafið þér eigi lesið að í upphafi gjörði Guð þau karl og konu og sagði: Fyrir því skal maður yfirgefa föður og móður og Bindast eiginkonu sinni.."

þarf að segja meira?

alþingi, lögmenn dómarar og prestar eiga ekki að breyta þessu. Amen

Líftími mannsins!

Það er magnað að eiga þessa sögu og skráningu á ættartölu Íslendinga. Mikið af þessum aðgangi er vegna tölvunnar sem hefur hjálpað mönnum að koma öllum þessum upplýsingum til almennings. Við erum þess vegna mjög líkir gyðingum að halda ættarskrár. Oddur hefur séð um að leggja fram sitt pund til að ég viti mína ætt og þurfi ekki að efast um áa mína. En miðað við þessar upplýsingar þá er nú mannkynið ekki gamalt. Ég læt fylgja ættartölu mína og nær hún til ársins 20 ekr. þ.e. áratug áður en Jesús Kristur hóf prédikun sína og fórnaði sér fyrir okkur. Skoðið og fræðist.

Snorri Óskarsson f. 26.02.1952 Hrefna Brynja Gísladóttir 28.02.´52
Óskar M. Gíslason .27.05.1915
Gísli Jónsson f. 23.01.1883
Sólveig Gísladóttir f. 16.09.1838
Gísli Brynjólfsson f. 20.03.1805 ( fyrir 200 árum )
Brynjólfur Jónsson.f.1757
Jón Brynjólfsson Thorlacius f.1722
Brynjólfur Þórðarson f.28.09.1681 (sýslumaður) (rúml. 300 árum síðan)
Þórður Þorláksson f.14.08.1637, (Biskup í Skálholti)
Kristín Gísladóttir f.27.febr. 1610
Gísli Hákonarson f. 1583, (lögmaður og bóndi, Hlíðarenda) (400 árum síðan)
Hákon Árnason f. Um 1550,( sýslumaður)
Árni Gíslason f. 1520 (sýslumaður á Hlíðarenda)
Gísli Hákonarson f. Um 1480 (526 árum síðan) ( 14 ættliðir )
Hákon Hallson f. 1440
Hallur Finnbogason f. Um 1400 (600 árum síðan)
Finnbogi “gamli” Jónsson f. Um 1365
Jón “langur” Björnsson f. 1335 – dó úr Svartadauða.
Björn Þórðarson f. 1305 féll í Grundarbardaga 8.júlí 1362 ( fyrir 700 árum)
Þórður Loftsson f. 1270
Loftur Þórðarson f. 1255
Þórður Andrésson f. 1220, síðasti Oddaverjinn (ægil.), Gissur Jarl lét taka hann af lífi.
Andrés Sæmundsson f. 1200 (fyrir 800 árum)
Sæmundur Jónsson f. 1154, goðorðsmaður í Odda.
Jón Loftsson f. 1124 , valdamestur maður í sinni tíð, friðsamur.
Þóra Magnúsdóttir berfætts f.um 1100,- giftist Lofti Sæmundssyni fróða í Odda
Magnús berfættur Ólafsson konungur í Noregi f. 1080, féll í Suðureyjum 24.ág.1103
Ólafur kyrri Haraldsson f. 1066 ( 28 ættliðir 2×14 )
Haraldur harðráði Sigurðsson f. 1015 ( særðist við Stikklastaða, eignaðist Elísabet Jarúslavsdóttur frá Kíev)
Sigurður sýr Hálfdanarson f.um 980 konungur Hringaríkis. ( fyrir 1000 árum)
Hálfdán Sigurðsson f.um 940, konungur Hringaríkis.
Sigurður “hrísi” Haraldsson f.um 890, kon. Hringaríkis.
Haraldur hárfagri Hálfdánarson f.850, konungur sameinaðs Noregs
Hálfdán svarti Guðröðarson f.um 820, konungur Upplendinga.
Guðröður “mikilláti” Hálfdánarson f.um 790, konungur. (fyrir 1200 árum)
Hálfdán “mildi” Eysteinsson f.um 760
Eysteinn Hálfdánsson f.720
Hálfdán “hvítbeinn” Ólafsson fÓlafur “trételgja” Ingjaldsson f.um 650
Ingjaldur “illráði” Önundarson f.610 konungur í Svíþjóð (fyrir 1400 árum )
Braut-Önundur Ingvarsson f.um 580, konungur í Svíþjóð
Ingvar “hái” Eysteinsson f.um 550
Eysteinn Aðilsson f. um 510, konungur í Svíþjóð (fyrir 1500 árum) (3x 14 ættliðir)
Aðils “ríki” Óttarsson f.um 490, Upplendingakonungur.
Óttar “vendilkráka” Angantýsson f.um 470
Angantýr “skilfingur” Egilsson f.um 450
Egill “tunnudólgur” Aunsson f.um 430
Aunn “gamli” Jörundsson f. 410 (fyrir 1600 árum)
Jörundur Yngvason f.um 380 konungur í Svíþjóð
Yngvi Alreksson f.um 350
Alrekur “spaki” Dyggvason f.um 270
Dyggvi Dómarsson f. um 240 – bar fyrstur konungstitil í Svíþjóð.
Dómar Dómaldsson f.um 210
Dómaldi Vísburason f.um 180, Dróttinn
Vísbur Vanlandsson f. um 150 Dróttinn (4x 14 ættliðir)
Vanlandi Sveigðison f.um 120 Dróttinn
Sveigðir Fjölnisson f. um 100 fyrir 1900 árum
Fjölnir Freysson f. um 80, Dróttinn
Yngvi Freyr Njarðarson f. um 60 Dróttinn.
Njörður “auðgi” Yngvason f. um 40 Dróttinn í Nóatúni
Yngvi Hálfdánarson f.um 20, e.kr. Tyrkjakonungur, hinn gamli (alls 62 ættliðir frá mér og hingað)

Hér erum við komin að elstu víkingakonungum sem bjuggu við Svartahaf við upphaf tímatals okkar; ég hef ekki miklar forsendur til að efast um ættgöfgi mína né þessar upplýsingar sem ég fékk hjá Oddi Helgasyni,spekingi, sem er einnig tilefni þessarar fréttar sem með fylgir.
En önnur ættartala er til sem nær frá árinu 20 e.kr og það er allavega 10 árum áður en Jesús Kristur hóf prédikun sína og baráttu, fyrir sáluhjálp þinni. Það er ættartala Jesú Krists sem hægt er að sjá í Guðspjöllunum. En hvaðan kom Kristur? Skoðum málið:

Jesús    (fæddur 4 - 7 fyrir okkar tímatal, auðvitað á undan sinni samtíð)
María / Jósef
Elí (faðir Maríu)
Mattat
Leví
Melkí
Jannaí
Jósef
Mattatías   ( á tíma Makkabeanna um 100 - 130 f.kr)
Amos
Naúms
Eslí
Naggaí
Maat
Mattatías
Semeín
Jósek
Jóda
Jóhanna
Hresa
Serúbabel ( landsstjóri í Júda Hag.2:20 ) 519 f.kr.
Sealtíel
Nerí – herleiðing gyðinga hefst.
Melkí
Addí
Kósam
Elmadam
Ers
Jesú
Elíeser
Jórím
Mattats
Leví
Símeon
Júda
Jósef
Jónam
Eljakím
Melea
Menna
Mattala
Natan ( 2.sam. 5:14 )
Davíð (um 1000 f.kr)
Ísaí
Óbeð
Bóas (og Rut) sjá Rutarbók, hún var Móabíti sem varð ekkja og neitaði að skilja tengdamóður sína eina eftir. 1150 f.kr)
Salmon ( giftist Rahab, skækjunni frá Jeríkó, Jeríkó fellur fyrir her Jósúa um 1170 f.kr.)
Nakson (4.Mós. 1:7)
Ammínadab Rut.4:19
Admín
Arní
Esrom (Hesrom) 1.Mós. 46:12
Peres (sonur Tamarar sem átti að brenna v.hórdóms)
Júda 1729.f.kr – 1.Mós.38
Jakob - sem keypti frumburðarréttinn af Esaú, bróður sínum !
Ísak f.1898 f.kr
Abraham f. 1998 f.kr ( 250 árum eftir Nóaflóð!)
Tara ( mannkyn í Mesópótamíu, hann var 70 ára þegar Abraham fæddist )
Nakórs ( Nahor) 1.Mós. 11:22, þá 29 ára
Serúg
Reú
Peleg
Eber
Sela ( sonur Arpaksads, 1.Mós.11: 10)
Kenan ( í Anatólíu, sameiginlegt tungumál mennkyns, )
Arpaksad (f.2 ár eftir flóð) (1658)
Sem (Kam og Jafet ) synir Nóa sem voru stýrimenn í Örkinni.
Nói (hvíld, huggun ) 1656 e.sk.Adams (67 ættliðir frá Kristi) (Adam lést 126 árúm áður en Nói fæddist. Lamek faðir Nóa var þá 56 ára)
Lamek (neyð ) dó 5 árum f.flóð 1651 e. Sköpun Adams. ( Adam 874 ára)
Metúsala (dauði hans færir ) ( Adam 687 ára)
Enok ( kenning ) sem hvarf. ( Adam 622 ára)
Jared (mun koma ofan ) ( Adam 460 ára)
Mahalalel (blessaður af Guði) ( Adam 395 ára )
Kenan (sorg) ( Adam 325 ára)
Enos (dauðlegur) trúariðkun hefst 1.Mós.4:26 (Adam 235 ára)
Set (útvalinn ) (Adam 130 ára)
Adam (maður, af jörðu, orðið “adma” = jörð) á hans æfi hófst kvikfjárrækt (76 ættliðir frá Adam til Krists)
Guð

Er þetta ekki undarlegt?
Samkvæmt fornleifafræðinni finnast elstu menjar um menningu og mannlíf í Úr í Kaldeu (Írak). Menjarnar eru í jarðlagi sem er 16 metrum neðar en yfirborð jarðar. Þetta umrædda jarðlag er aðeins 1 metra yfir sjávarmáli og þar ofaná er þykkt leirlag eins og leifar eftir flóð. Þar fyrir naðan leirlagið hafa fundist vagnhjól, leirmunir eins og diskar, skálar og ker en þar er einnig jarðlag sem ber glögg merki hamfara. (Treasures from Bible Times/ Alan Millard, 1985 Lion Publishing)
Elstu menjar um að menn hafi tamið húsdýr eru 8000 ára þegar kindur og geitur voru tekin í þjónustu mannsins. (Lifandi Vísindi nr 12/2006)
Abel Adamsson gerðist hjarðmaður (1.Mós.4:2)
Elsta tungumál jarðar sem menn þekkja hét Anatóliska og var talað í NA-Tyrklandi í svæðinu kringum Ararat fyrir u.þ.b 8000 árum. Það var sameiginlegt tungumál allra. Á því tungumáli notuðu þeir orðið “kú” yfir kú. Guma yfir mann eins og við notum orðið t.d. í brúðgumi og “Nú er sumar gleðjist gumar…” Sjá Scientific American, march 1990, bls 81 - 86.
Í þessu riti kemur fram að elstu tungumál jarðar tengja saman jörð og maður. T.d. í Latínu er sagt Humus (jörð) homo (maður), í hebresku er sagt adma ( jörð) og Adam (af jörðu) í Anatólisku var orðið jörð “degom” og af því kom “guma” ( af jörðu). Þessa vitneskju geymum við í Íslensku.
Einnig má benda á þá niðurstöður kjarnaborunar í gegnum Grænlandsjökul að veðurfar hafi verið lífvænt síðustu 10000 ár.
Er það tilviljun að svona margt bendir til ungs aldurs lífsins? Biblían fer ekki með staðlausa stafi!
Tókstu eftir að fyrstu nöfn manna frá Adam til Nóa eru þýdd (sjá dökka letrið) þegar þú raðar þýðingu nafnanna saman stendur þetta: “maður af jörðu, útvalinn, dauðlegur og kunnur sorg blessaður af Guði kom að ofan með kenningu, dauði hans og neyð færði hvíld”. Sérðu að þetta er Fagnaðarerindi Biblíunnar í nöfnum fyrstu manna sem lifa tímabilið frá sköpun til Nóa-flóðsins. Heldurðu að þetta sé skáldskapur?
kær kveðja
Snorri í Betel

• • •

Um 800.000 manna ættfræðigrunnur

Hverjum ber að hlýða?

Pétur postuli var ekki í minnsta vafa um stöðu boðberans á sínum tíma. Hann var leiddur fram fyrir ráð gyðinga og gerð var krafa um að hann lyti lögum landsins. Ekki er langur vegur milli drottnunarvalds gyðinga og þess sem Alfreð Ingi, Vinstri grænn leggur fyrir IRR. Hafa prestar samviskufrelsi? Þeir eru eiðssvarnir og bera skyldur til að halda fram kristnum sjónarmiðum. Nasistar kröfðust þess að kirkjan í Þýskalandi boðaði nazíska guðfræði og félli frá Biblíulegum gildum kristinnar trúar. Þá stóð Dietrick Bonhofer einn síns liðs og lét ekki undan nazistum. Hann valdi sömu stöðu og Pétur! Hver var staðan sem Pétur valdi? 

"Framar ber að hlýða Guði en mönnum"!

Mannréttindin eru einnig þau að hafa frelsi til að varðveita trúnna og standa við þá eiða sem boðberi kristninnar hefur lofað að halda. Strangt til tekið þá getur prestur ekki blessað sem í augum Guðs er viðurstyggð!

k.kv

Snorri í Betel

Moskumálið!

"Yfirvöld í Túnis tóku þá ákvörðun að loka 80 moskum þar sem talið er að hvatt sé til ofbeldis. Habib Essid, forsætisráðherra landsins, tilkynnti þetta á blaðamannafundi í gærkvöld.
Ákvörðunin kemur í kjölfar skotárásarinnar í borginni Sousse í gær þar sem 39 ferðamenn voru myrtir. BBC hefur eftir Essid að innan moskanna sem á að loka sé haldið áfram að breiða út áróður um hryðjuverk, því hafi stjórnvöld tekið ákvörðun um að loka þeim. Innanríkisráðuneytið mun læsa dyrum moskanna á næstu dögum.
Essid hét því einnig að grípa til aðgerða gegn flokkum og samtökum sem vinni gegn stjórnarskránni, annað hvort með aðvörunum eða með því að leggja þau niður." Þetta stóð á vef RÚV í dag.

Er ekki vert fyrir Íslendinga að vegna þessara upplýsinga og í ljósi þess að Arabar, múslimar og stjórvöld í Rvk. vilja að hér rísi moska að endurskoða afstöðu Rvk. til Moskubyggingar?

Moska er ekki kirkja og Islam er ekki kristni. Í umræðum um atburðina í Túnis, Qvait og París klifa menn gjarnan á því að þessi hryðjuverk séu ekki Islam. Nauðsyn er á því að menn sakfelli hvorki saklausa og né kenni öllum múslimum um hryðjuverk. Það er aðeins gerendur sem gera sig seka og hvatningsmenn og/eða stuðningsaðilar meðseka. 

En hvað er "áróður um hryðjuverk"? Er það prédikunin út frá Kóraninum? Boðskapurinn í Moskunum er einmitt boðskapur Kóransins!

En fyrst stjórnvöld í Túnis sjá ástæðu til að loka 80 moskum vegna þess að: "talið er að hvatt sé til ofbeldis" má þá ekki spyrja hvort 80 moskur séu ekki glöggt dæmi um hvað telst vera Islam?

Auðvita eru ekki allir múslimar hryðjuverkamenn. En ef flestir hryðjuverkamenn eru múslimar má þá ekki spyrja hvað veldur? Er sú útkoma eitthvað tengt "áróðrinum um hryðjuverk" eins og frétt RUV ber með sér?

Mér var sagt í Jórdaníu að í Islam er ekki til fyrirgefning, gyðingar fyrirgefa bræðrum sínum en kristnir fyrirgefa óvinum sínum. Þannig sést munurinn á þessum lífsskoðunum þó við teljum þær náskyldar.

Fyrst þeir í Túnis sjá ástæður til að loka Moskum megum við á Fróni sjá ástæðu til að varast trú og trúarbyggingar sem eru kunnar af því að boða lífsskoðun og gildi sem hvetja til að eyða lífi, efna til "heilags stríðs" og fyrirgefa engum? 

Í dag vitum við að sum lönd hafa sáð hatri og hótað gjöreyðingu á nágrönnum sínum og ríki þeirra. Þessi sáning sem fór fram í þeirra eigin garði er farin að gefa ávöxt sinn í heimi múslima með styrjöldum, uppreisn og hryðjuverkum. Gæti það ekki orðið eins hér á landi eftir einhverja áratugi? Hver sagði aftur: "Af ávöxtunum skuluð þér því þekkja þá!"

Málið er að trúin okkar sem við höfum talið svo meinlausa að við getum breytt henni að vild og sveigt hana að tíðarandanum segir: "Annaðhvort er tréð gott og ávöxturinn góður eða tréð vont og ávöxturinn vondur. Því af ávextinum þekkist tréð." Matt.12: 33.

Er ekki kominn tími til fyrir okkur að lesa trúarbókina okkar, Biblíuna og dæma um þessi álitamál út frá þeirri uppsprettu sem þar er að finna? Þá mun ekki koma til þess að eftir tvær kynslóðir þurfi að grípa til lokunaraðgerða á moskum í Rvk. Islam hefur aldrei getað verið til friðs eða séð kristna í friði nema um skamman tíma. Þann tíma sem tekur að hasla sér völl og ná fótfestu.

 Sjálfsagt munu ýmsir sem þessr línur lesa flokka mig sem hatursmann og með hættulegan áróður gegn umburðarlyndi Íslendinga í trúmálum. En þá er t.d. eitt svarið svona: Þeir í Túnis eru okkur víti til varnaðar. Annað er : Opnum augum og verum ekki svona barnaleg í hugsun að halda að ávöxtur Islams verði betri hér á landi en annarsstaðar. Gætum þess vel hver fær að sá í okkur speki lífsins.

Jesús segir: "Hver sem heyrir þessi orð mín og breytir eftir þeim, sá er líkur hyggnum manni sem byggði hús sitt á bjargi." Matt.7: 24

 

Snorri í Betel

Á hvora sveifina á maður að hallast?

Þessi frétt er auðvitað í samræmi við fréttaflutning íslenskra fjölmiðla um að Ísraelsmenn drýgðu stríðsglæpi á Gaza. Tölurnar tala sínu máli og þar í er að finna fjölda barna. Blaðamenn hafa hiklaust látið þær tölur ráða orðavali og skilið mig eftir sem lesanda, með þá hugmynd að Ísraelar séu sekir um stríðsglæpi.

Svo kemur þessi breski hershöfðingi Ríkharður Kemp með allt aðra sögu. Kemp þessi hélt fyrirlestra við Háskólann í Sydney í Ástralíu og setti fram mál sitt í ljósi þess sem hann upplifði sem hermaður á Norður Írlandi og foringi breskra hersveita í Afganistan. Svo hann er reynslubolti í styrjaldar átökum og ófriði. 

Fyrirlestur hans í Háskólanum í Sydney tafðist um einar 20 mínútur vegna þess hóps sem andmælti niðurstöðum hans um meinta stríðsglæpi Ísraelsmanna. Greinilega átti að þagga niður í þessum fyrrum hermanni.

En niðurstaða hans var einföld: "Enginn her í veraldarsögunni hefur reynt jafn mikið til að forðast fall óbreyttra borgara og IDF (varnarher Ísraels)." Þessu til staðfestingar hafði hann lagt fram sannanir til "mannréttindanefndar Sameinuðu þjóðanna" máli sínu til stuðnings. Sjálfur sagði hann: "Ég var stórhrifinn af mati Ísraela á atburðarrás ef óbreyttur borgari féll, þeir fóru yfir löglegu hliðina hvort hermanninn mætti lögsækja og eins hvað þeir gætu lært af því þegar óbreyttur borgari féll. Við gerum það sama í Breska hernum."

Enn fremur sagði hann: Þó svo að Ísraelar berjist vel á vígvelli og í lok átaka þá er "hið raunverulega stríð háð í fjölmiðlum Vesturlanda en ekki á Gaza!"

Hann heldur því fram að Hamas sömtökin eru ekki gerð ábyrg fyrir gerðum sínum í átökum við Ísrael þar sem Hamas nýtir sér barnahópa til skjóls vígamanna, yfirlýst öryggissvæði (skólar/ sjúkrahús) til vopnageymslu og árása. Þeir blandast hópi vegfarenda til að skýla sér og tryggja að árásir á þá líti illa út í augum fréttamannsins sem segir okkur frá átökunum.

Kemp ásakar yfirstjórn Palestínumanna einnig um að koma ekki að málum til að bjarga óbreyttum borgurum eins og með því að fjármagna ekki skóla rekna af SÞ þar sem gyðingar eru gerðir að Púkum. Láta ekki fjármuni renna til jarðganga sem eiga að styrkja árásir á Ísrael og ekki styrkja fjárhagslega vopnasmyglara sem flytja drápstól til Gaza og í Palestínskar byggðir.

Hann segir ennfremur að alþjóðastofnanir ættu að beita sér fyrir breyttu háttarlagi Hamas samtakanna.

Þetta allt hljómar ekki eins og Ísraelsmenn séu stríðsglæpamenn eða hvað? En af hverju segir Richard Kemp frá þessari hlið en ekki Íslenskir fjölmiðlar? Er virkilega verið að slá ryki í augu okkar hér á landi.Vinna blaðamenn sem áróðursmeistarar fyrir Hamas og er Sveinn Rúnar útsendari til að mata auðtrúa vinstrimenn á blekkingum Palestínumanna?  Hafa ekki t.d. runnið 300 milljónir frá Íslandi til Gaza? Hvert fóru þeir peningar? Kannski í að byggja upp jarðgöng eða skóla sem elur börnin á Gaza á gyðingahatri?
Mér finnst kominn tími til að blaða- og fréttamenn hér á þessu landi fari að hysja upp um sig brækurnar og segi okkur satt um málavöxtu átakanna milli Ísraels og Palestínumanna. Við hljótum að eiga rétt á því að Íslensk stjórnvöld geri okkur skattgreiðendum grein fyrir því í hvað 300 milljónir fóru á Gaza á meðan ekki var hægt að styrkja innviði Landsspítalans með nýjum tækjum til lækninga hér?  Slík upphæð, 300 milljónir dugir fyrir t.d. tvennum jarðgöngum sem Hamasliðar grafa inní Ísrael til árása á óbreytta borgara, á bændur sem tóku ekki land frá Palestínumönnum heldur ræktuðu eyðimörkina og gerðu sér þar bústað og bændabýli. Þar hafði enginn Arabi búið öldum saman.

Ég hallast á sveif með Rikharði Kemp sem þorir að segja annað en fjölmiðlar á íslandi um styrjaldarátökin á Gaza og í algerri andstöðu við norska lækninn sem kom í haust og laug liðugt um stríðsglæpina á Gaza. Hann var ekki traustsis verður og enginn blaðamaður lagði í að spyrja hann beittra spurninga. Sveinn Rúnar og hann fengu frjálsan aðgang að fjölmiðlum til að segja okkur allt annað en Rikharður Kemp komst að þegar átökin á Gaza stóðu yfir. Barnadauðinn var metinn hjá Hamas sem "réttlætanlegur herkostnaður!"

Sannleikurinn mun gera okkur frjáls, líka í þessu máli!

Snorri í Betel

Hafna ásökunum um stríðsglæpi

Tákn tímanna?

Stundum furðum við okkur á stöðu málanna því fréttin kemur á skjön við skoðanir eða heimsmynd okkar. Við syngjum kokhraust: "Konungsstólar steypast, stendur kirkjan föst...!".  Menn hafa kirkjur og tala um þær sem hús. Það eru jafnvel fáir sem mæta nokkuð reglulega í messur þannig að félagstengslin hjá trúuðum hafa laskast og eru jafnvel engin. Það eyðileggur kirkjuna sem "samfélag" trúaðra. Þetta viðhorf sem eyðileggur samkenndina fær stuðning og menn telja "frelsi" til aðgerðarleysis grunnþátt trúfrelsis því trúin er svo "persónuleg"!

Næst má nefna að "sértrú" og/eða "ofsatrú" er reynt að klína á trúfasta kirkjugesti. Jafnvel er ekki ætlast til að unglingarnir mæti í samkomuna því hún er "ætluð" eldra fólki. Þarna kemur inn þörfin á trúboðinu. Trúboð er miðlun hugmynda. Unglingarnir okkar hafa alist upp við vísindahyggju þar sem engin skapari er til og við ekki sköpuð heldur þróuð. Unglingurinn er þannig "menntaður" til trúleysis. Hvaðan kemur lífið og hvernig varð það til? Veit það nokkur? Kirkjan segir eða á að segja: "Í upphafi skapaði Guð.." Lífið er Guðs gjöf. Stendur hún undir nafni sem trúboðsstofnun eða sinnir hún aðeins sorgar- og sálgæslu?

Þá er einnig athyglisvert hvað kirkjan stendur fyrir. Grunnur hennar er Biblían og hún á að grundvalla kenningu sína á Postulunum og spámönnunum en hafa Jesú sem hyrningarsteininn. Í dag er einhver "óræð guðfræði" komin í stað Biblíunnar. Meira að segja er samviskufrelsi prestanna kallað "leyfi til fordóma"! 

Siðfræðin hefur verið á reiki og kristin viðmið hafa verið á undanhaldi eða hrakin út úr boðskap kirkjunnar þó svo að bæði postularnir og spámennirnir tali um að siðleysi og fjölbreytileiki kynlífsins erfi ekki "Guðs ríkið"! Slíkur lífsmáti var undanfari hruns fornra menningarsamfélaga t.d. Rómaveldis og Hins Ungverska- og Austurríska keisaradæmis svo við minnumst einnig á hrun stórveldis fyrir einni öld, í samtíma.

Þegar "kirkjan" er farin að fjarlægja hinn lifandi Guð frá fólkinu þá færist dauðinn yfir hana og áhangendur hennar. Var það nokkuð tilviljun að Solchinitzin ritaði skýringu á tilurð heimstyrjaldanna og grimmd kommúnismans. Hann sagði að "gamla fólkið" í Rússlandi sagði að þegar Guð er ekki til þá er allt hægt. I nafni kommúnismann hefur 100 milljónum manna verið fargað, 15 milljónir dóu í fyrri heimstyrjöldinni en rúmlega 50 milljónir í síðari heimstyrjöld. Hvar var Guð þá?

Nú þegar milljónir Breta yfirgefa kirkjuna og svipað ástand er um alla Evrópu má líka spyrja: Er spádómur Jesú að koma fram un þann tíma sem við köllum Endurkomu Krists? Jesús sagði: "En mun Mannssonurinn finna trúnna á jörðinni þegar hann kemur"? (Lúk 18:8)

Hafa menn þetta nokkuð í huga þegar frétt sem þessi birtist hjá fjölmiðlum? Þekkja menn ekki tíma endurkomu Jesú?

Vakið, svo að þér fallið ekki í freistni!

kær kveðja

Kirkjan á barmi útrýmingar

kynfrelsi? Hver borgar?

Af hverju er frelsi kvenna yfir eigin líkama og kynfrelsi kvenna, á kostnað barnanna? Mér hefir alltaf fundist það skjóta skökku við þegar frelsi eins er á kostnað annars. Nazistarnir höfðu þann háttinn að gyðingar, slavar og önnur þjóðabrot þurftu að gjalda fyrir "lebensraum" þýskra. Evrópuþjóðir létu það ekki viðgangast heldur brutu hugmyndafræðina á bak aftur með vopnum og mikilli festu.

Kommúnisminn -alræði öreiganna- kostaði yfir eitthundraðmilljónir mannslífa. Hvar sem kommúnisminn ruddist til valda var það með blóðúthellingum og svíðingsskap. En þetta var samt yfirbragðið í 70 ára sögu þeirra og menn þekkja þessa myrku hugmyndafræði.

Af hverju vilja konur berjast fyrir réttindum sínum með svipaðri hugmyndafræði? Barnið borgar með lífi sínu. Færeyingar kölluðu barnavagninn "ástarinnar afleiðingar vognur" af því að þeir vissu að "kynfrelsinu" fylgdi afleiðing sem þarf að axla ábyrgð á.

Þess vegna finnst mér fóstureyðingarbarátta kvenna fyrir eigin líkama og sínu kynfrelsi vera í ætt við "lebensraum" Nazistanna og kostnað barnanna. Börnin eiga að vera velkomin í réttlátt þjóðfélag sem virðir lífrétt þeirra og býður velkomin með opinn og kærleiksríkan faðm, jafnvel þó eitthvað sé að.

Veljum kvenfrelsi sem virðir líf og limi ófæddra kvenna.

Snorri í Betel

Auðmýkjandi og ekki hlutlaus

Endurtekið efni!

Auðvita var Ríkharður jarðaður àður þar sem bein hans fundust grafin undir bílastæðinu og þar höfðu þau verið í 500 àr. En önnur saga er til um Jósef sem var ekki settur í gröf sína fyrr en 500 àrum eftir andlàt sitt. Sagan segir að frà því Jakob kom til Egiftalands 130 àra að aldri hafi Ísrael verið í Egiftalandi samtals í 430 àr þar til er þeir yfirgàfu landið à fyrstu pàskum sögunnar. Við brottförina höfðu Ísraelar með sér múmíu Jósefs sem hafði tekið eið af sínu fólki að hann yrði ekki jarðaður í Egiftalandi heldur landi fyrirheitanna, Ísrael.

Móse tók líkið með í sína 40 àra eyðmerkurgöngu og skilaði leifum Jósefs til Landsins Helga. Svo greinir Jósúabókin frà því að við lok tíma Jósúa hafi hann komið jarðneskum leifum Jósefs fyrir í gröf hans. Af því mà ràða að hann hafi ekki verið jarðaður fyrr en 480-500 àrum eftir andlàt sitt.

Það sem er fréttnæmt í dag hefur svo sem âður gerst en af öðrum toga. Jósef hafði trúarlegar àstæður fyrir ràðstöfun beina sinna. Honum varð að ósk sinni þó hann hafi hvorki séð né þreifað à. Ràðstöfun hans à útförinni rættist og nú hefur hann hvílt í Israel í yfir 3000 àr.

Ràðstöfunin byggðist à þeirri sæluríku von að sà dagur mun renna upp að Drottinn Guð muni kalla upp úr gröfunum alla þà sem hafa dàið í trú. Enn hvíla þeir í dufti jarðar og bíða. Þeir spàdómar Biblíunnar sem tengjast upprisu deginum eru allir óðum að rætast m.a. þessi:"Mun mannssonurinn finna trúnna à jörðinni þegar hann kemur"? Fràhvarf samtímans frà kristni og trú Biblíunnar er slàandi og ekki síður màttlaus viðbrögð kirkjunnar til màlsins. Þannig rætast spàdómarnir, lúður drottins gellur og við sofum àfram àn þess að rumska af svefni vantrúar þegar Guðleysið er kallað dyggð, rétt orðið rangt og guðlastið rómað sem tjàningarfrelsið!

snorri í betel

Jarðaður 5 öldum eftir andlátið

Veður og vindar - tákn tímans!

Hvað gerist þegar "vísindin" tefla fram rökum í umræðunni um hlýnun jarðar sem "vísindin" einnig hrekja með álíka gögnum sem mótrök. Við hinir almennu sitjum á "mörkunum" og sveiflumst til eftir því hvernig "vindar blása"! Síðasta greinin var sú sem sannfærði flesta.

Gögnin eru vísbendingar um hvort tveggja, allavega sumsstaðar. Almenningur hættir sér ekki út í umræðuna af því okkur vantar vísindalegar forsendur. Þægilegast er að láta segja sér hvað er að gerast.

Al Gore gerði sig gildan í þessari umræðu fyrir nokkrum árum og græddi milljónir á framsögn sinni og fyrirlestrum. En hefur mikið verið staðfest af hans framsetningu og rökum?

Hafa þessar veðurfars sveiflur aðrar undirliggjandi ástæður en sól, vinda og mengandi lofttegundir? Þekkt er að veðurfar jarðar breyttist vegna íslenskrar gosmengunar á fyrri öldum. Laki orsakaði hungurssneyð víðsvegar í Evrópu, Asíu og Ameríku. Þá má spyrja nú hvort gasið úr Bárðarbungu verði ekki einnig til að auka gróðurhúsaáhrifin á komandi vetrum? Guð forði okkur frá því að fá ösku frá Bárðarbungu eða öðrum eldfjöllum ofaní gasmengunina frá Holuhrauni.

Við höfum heyrt um áhrifin á dýrin og breytt hegðunarmynstur loðnunnar. Mönnum er einnig ljóst að pysjudauðinn hjá Lundanum í Vestmannaeyjum er vegna umhverfisþátta, sandsílið hvarf. Ætisskortur varð svartfuglinum á noðrurlandi að aldurtila fyrir örfáum vetrum. Svo auðvelt er að segja að hlýnun jarðar sé um að kenna.

En hvað ef þessar loftslagsbreytingar er af öðrum orsökum? 

Til dæmis er þetta sagt:

"Tákn munu verða á sólu, tungli og stjörnum og á jörðu angist þjóða, ráðalausra við dunur hafs og brimgný."

Hér er greinilega verið að tefla fram náttúrusveiflum og breytingu sem "tákni"!  Þann 20.þ.m. fáum við að verða vitni að sólmyrkva. Um páskana verður tunglmyrkvi eða svokallaður "blóðmáni". Angist þjóðanna er vel þekkt eins og sjá má á Filippseyjum og Haiti svo fátt eitt sé nefnt. Aukin notkun geðlyfja á Vesturlöndum er sláandi vísbending um "angist meðal þjóða"!

Þessi gamli spádómur með "táknin" heldur áfram og segir:

"Menn munu gefa upp öndina af ótta og kvíða fyrir því er koma mun yfir heimsbyggðina, því kraftar himnanna munu bifast."  Einnig er þetta sagt: 

"Þjóð mun rísa gegn þjóð og ríki gegn ríki, þá verður hungur og landskjálftar á ymsum stöðum"!

Öll þessi atriði eru fréttaefnið í dag, stríð milli þjóðerna í Mið-Austurlöndum, Rússa og Úkraínumanna svo fátt eitt sé nefnt. Stærri og meiri jarðskjálftar hafa komið og oftar en nokkurntíma áður. Bara á minni æfi hafa 7 stórir (8,6 - 9,5) jarðskjálftar átt sér stað eða á 9 ára fresti. Þessi náttúrufyrirbæri eru ekki tengd bruna jarðeldsneytis eða mengun jarðar en þau tengjast náttúrunni engu að síður.

Það ætti að vera skylda hvers manns að vinna eins og góður vísindamaður og taka alla þessa þætti inní "formúluna" þegar við erum að fjalla um beytta "náttúru" og annan veðurham. Það sem spádómar Biblíunnar, hefðir eftir Jesú Krist, segja um táknin fyrir endurkomu Jesú Krists eru einmitt viðfangsefni vísindamanna í dag. Þeir eru á réttri braut þó svo að vísindalega bendi þeir ekki á endurkomu Jesú - en það geri ég og á það ættu allir prestar og prédikarar að gera því Trúin og Vísindin eru systur sem haldast í hendur og greina frá sömu atriðunum bara frá sitthvorum sjónarhólnum.

Guð hefur sagt okkur frá þessu löngu áður en fór að örla fyrir því og nú eru vísindamenn í óðaönn að mæla út fyrirbærin og skila okkur þeim í merkilegum gögnum, töflum og greinum.

k.kv

Snorri í Betel

Guðlast út en hvað í staðinn?

Sennilega er ákvæðið um guðlast ónýtt þar sem dómstólar hafa lítið fengist við slík mál og mannréttindadómstóll Evrópu vísað öllum slíkum málum frá á undanförnum árum. Þó svo að Guðlast sé ekki endilega refsiverð athöfn í dag þá er hún engu að síður alvarleg því Guð hefur andstyggð á því lasti sem beint er að honum. Pétur postuli teflir fram þessum rökum um guðlastið :"Þessir fífldjörfu sjálfbirgingar skirrast ekki við að lastmæla tignum. Jafnvel englarnir sem eru þeim mun meiri að mætti og valdi fara ekki með guðlast, þegar þeir ákæra þá hjá Drottni." (2.Pét.2:11)

En svo er hin hliðin á málinu sem eykur ekki tjáningarfrelsið og það er grein 233a í hegningarlögum sem var samþykkt í fyrra 2014. Það væri nær að fjarlægja hana til að auka tjáningarfrelsið því í þeirri grein er greinilega verið að hefta t.d. teikningar, bendingar  og orðaval.

Auðvita þurfa allir að gæta orða sinna en hvað með teikningar sem blöðin birta daglega og sneiða að mönnum sem málefnum?

Mér finnst eðlilegast að taka á málinu út frá Fjallræðu Jesú Krists. "Sælir eruð þér þá er menn smána yður, ofsækja og ljúga á yður öllu illu mín vegna. Verið glaðir og fagnið því að laun yðar eru mikil á himnum. Þannig ofsóttu þeir spámennina sem voru á undan yður.(Matt.5. 11 - 12)

Væri því ekki best að taka kristilega á öllum þessum málum og um leið að kenna litaráttunum, þjóðernunum, trúarbrögðunum, kynbreyttum eða kynhneigðunum að gera slíkt hið sama? Gera ekkert af þessu refsivert þó svo að verið sé að spauga, smána, ofsækja?

Vandinn er aðeins sá að ekki geta allir sagtst verða fyrir smán, skömm og ofsóknum Krists vegna en gleðjumst samt. "Gleiði Drottins er okkar hlífiskjöldur" (Nehemía 8:9)

 

kveðja

Snorri í Betel

„Hefðu átt að hugsa sig tvisvar um“