Hættulegar sýkingar!

Covit-19 koma úr sömu átt og dagurinn. Hún barst yfir okkur með misjöfnum túlkunum og ráðstöfunum. En þegar hún mætti hingað lagðist hún þungt á suma, varð öðrum að bana en lamaði allt þjóðfélagið. Má ég bera hana saman við viðhorf okkar og vantrú? Íslensk þjóð hefur verið undirlögð undanfarna áratugi af efahyggju og röksemdum vantrúaðra sem um leið skaðaði trúarlíf og Guðrækni þjóðarinnar. Við litum ekki á það sem lífshættulega afstöðu en sú afstaða hefur haft ótrúlegar breytingar í för með sér í íslensku þjóðlífi og passa afar vel við orð Jeremía spámanns: ,,Misgjörðir yðar hafa fært allt þetta úr skorðum og syndir yðar hafa hrundið blessuninni burt frá yður."(jer.5:25)

Það ýtti við mér grein um Akureyri (Frèttab.skoðun,150719,HH).  Þar var spurt hvers vegna hinn fallegi bær væri ekki kominn með 50 000 íbúa! Höfundurinn nefndi nokkur dæmi sem stjórnendur bæjarins hafa gripið til og orsakað að fólk velji búsetu annars staðar. Ein af ástæðunum var viðbrögð bæjarstjórnar við ,,hættulegum málum"?! 

Greinarhöfundur rifjaði upp ,,stjórnvalds aðgerir" gegn mér þegar ég var hrakinn frá kennslu út úr skólastofunni að öllum börnunum ásjáandi. Sá sem tók við starfinu þann daginn var ekki kennaramenntaður né með gráðu í uppeldisfræðum. Ástæðan var jú, ég hafði ,,hættulegar skoðanir" á samkynhneigð.

Aðförin hófs í Skólanefnd þegar núverandi formaður Samfylkingarinnar lagði fram bókun í trúnaðarbók Skólanefndar. Bókunin hófst með þeim orðum að ,,allir eru jafnir fyrir lögum.."! Nema sá sem hefur aðra skoðun en stjórnvöld aðhyllast? 

RÚV hefur sýnt þætti, samantekið efni um samkynhneigða og baráttu þeirra við samfélagið og viðurkenningu þess á þeirra lífshættulega lífsmáta. Einn þátturinn var um sorgina og ógnina sem að þeim steðjaði vegna eyðninnar sem tók rosalegan toll. Á tímabili voru vikulega jarðarfarir þar sem einn eða ein úr hópnum var borin til grafar. Lífsmátinn reyndist lífshættulegur og grafalvarlegur. En má segja það? 

Nýlega bárust fréttir frá Ísrael að hávær mótmæli urðu vegna orða menntamálaráðherrans sem sagði að ,,hægt sé að lækna samkynhneigð"! Látið er í veðri vaka að þetta sé svo hættuleg staðreyndarvilla að ríkisstjórnin deili ekki skoðunum ráðherrans og honum sé hollast að víkja. Skoðanafrelsið á undir högg að sækja. Fyrir fáeinum árum varð þektur sálfræðingur í Bandaríkjunum ,,afsagður" fyrir sömu skoðun af því að hann vissi að sumir höfðu læknast. Af hverju mátti ekki segja það?

Vel kann að vera að við öll trúum virkilega á það að skoðanir okkar séu réttar og grundvallaðar á staðreyndum. Einn heimspekingur sagði: hættu að bera virðingu fyrir skoðunum annarra, láttu þá rökstyðja skoðanirnar og þá fara þær gjarnan að hnikast til og jafnvel hrynja.

Eitt af því sem brýtur niður,,skoðanir" er til dæmis raunveruleikinn. Okkur hefur fundist eðlilegt að berjast gegn eiturlyfjum vegna þess raunveruleika sem fylgir þeim. En við verjum áfengisneysluna og teljum hana eðlilegan þátt skemmtanalífsins þrátt fyrir raunveruleikann sem fylgir áfenginu. Jafnvel þó okkur sé bent á stórkostlegt fjárhagslegt tjón sem getur hlotist af áfenginu vilja menn auka réttinn til sölu áfengis með því að flytja  það í matvöruverslanir.

Ef hegðun okkar opnar á sjúkdóma, heilsuleysi og brauðskort er auðvita tilefni til að endurskoða hegðunarmynstrið. Skoðun sú sem telur þessi atriði fylgifiska rangs lífsmáta getur varla talist ,,hættulegar skoðanir" í slíkum málum?

Einnig var til þess tekið að börnum fer fækkandi á Akureyri. Fréttin sagði að 200 börn vantaði í bæinn. Auðvitað er slíkt grafalvarlegt mál. En er þetta samt ekki allt skv. áætlun? Akureyri hefur gengið fram fyrir skjöldu að berjast fyrir réttindum fólks að lifa þeim lífsmáta sem elur ekki af sér börn. Leikskóla var lokað til að óæskilegum gildum kristninnar, yrði ekki haldið að börnum. Þegar foreldrarnir þurftu leikskólapláss fyrir börnin þá var nokkra ára biðtími fyrir leikskólapláss því það tekur styttri tíma að rífa niður en byggja upp eins og sagt er í bók Prédikarans (kafli 3:3)

Það var eftirtektarvert að heyra samgöngumálaráðherra tala um nýtt samkomulag um endurbætta vegi og umferðarskipulag á höfuðborgarsvæðinu. Mönnum hefur verið ljóst í tuttugu ár að mikilla endurbóta er þörf. Þetta lásu menn af ástandi vega, umferðarþunganum og sóun á tíma ökumanna!

En hvernig er það með þjóðlífið? Ef við sjáum og heyrum ,,neyðarkall" í mannlífinu breytum við um stefnu? Heyrum við ekki:,,Vaknaðu"? Angistaróp foreldra sem misst hafa unglinga í eiturlyf. Sjáum við ekki að 1000 fóstureyðingar á ári.Heyrum við ekki um vaxandi þörf fyrir geðlyf hjá þjóðinni? Skynjum við ekki íþyngjandi álagið á sjúkrahúsunum? Sjáum við ekki vanlíðan ungmenna sem telja sig vera annað en þeir eru? Heyrum við ekki að geðsviðið ræður ekki við ástandið? Sjáum við ekki enn að leiðin sem þjóðin hefur valið sér er vegur eyðileggingar?
Kynskipti lækna ekki andlega vanlíðan. Eiturlyfin bæta ekki ástandið! Þetta höfum við vitað all lengi enda var stefna stjórnmálanna ,,Vímuefnalaust Ísland árið 2000"! En hvers vegna náðum við ekki takmarkinu? Er vitlaus hugsun í þessum valdaklíkum þjóðfélagsins?

Hvert sem litið er sjáum við ekki lausnir eða bættar kringumstæður. Þetta ástand sem ríkir í dag kom ekki skyndilega yfir okkur. Þetta ástand er frekar ,,niðurstöður" eða ,,uppskera" sáningar og hegðunar liðinna ára. Tímabilin mega vera flokkuð sem rokktímabilið, hippatíminn, bítlatíminn svo eitthvað sé nefnt. Við sem upplifðum þessi tímabil munum að þau einkenndust af nýjum viðhorfum, uppreisn gegn ,,gömlum reglum" eða hefðum. Á þessum tímum voru allir hvattir til að ,,láta vaða", ,,prófaðu, upplifðu". Syngja menn ekki hástöfum ,,Farðu alla leið"? Ekki langt frá freistingu Evu:  ef þú etur af ,,munt þú verða eins og Guði". Ef þú lætur vaða verður þú reynslunni ríkari. Við höfum látið vaða og erum beiskri reynslu ríkari.

Svo birtast enn ein stjórnvalds mistökin þegar manni er bolað úr starfi og #metoo ásakanir voru bornar á hann af stjórnendum. Þar fóru stjórnvöld offari eins og oft áður og sömdu við hann um bætur uppá 15 milljónir eða 5x hærri bætur en Hæstiréttur dæmdi mér skv. ,,dóm venju"! Þá voru ekki allir jafnir fyrir lögum. Dómaranum sem fékk ekki sæti í Landsrétti voru dæmdar 5 milljónir í miskabætur. Var ,,kollega"-samfélagið að verja sína? Allir jafnir fyrir lögum?

Hættulega málið leynist í því að það eru ekki allir jafnir fyrir lögum hvorki hjá stjórnendum né dómstólum.Þegar dómarar hika við að dæma skv.lögum þá eyðileggja þeir réttlætishugsjónina og þá rætast orð Ritningarinnar sem segir: ,,Hinir óguðlegu umkringja hina réttlátu, fyrir því kemur rétturinn fram rangsnúinn". (Habak.1:4)

Við rekum þriggja milljarða stofnun til að viðhalda trúarlífi á Íslandi. Mætum við þar með vandamálin sem bænarefni. Berast bænir okkar til Guðs almáttugs um liðsinni í þessu neyðarástandi þjóðarinnar? Nú um síðustu páska var meiri áhersla í páskaprédikun ríkis stofnunarinnar um náttúruvár vegna hlýnunar andrúmsloftsins heldur en að Jesús Kristur, lausnarinn okkar, ,,dó vegna okkar misgjörða og að hegningin sem við höfðum til unnið kom niður á honum"! Fyrir því höfum við aðgang að Guði sem vill senda Anda sinn yfir okkur þeim til heilla sem glíma við vandamál! Hvar eru útgerðarmenn sem leita loðnunnar? Mæta þeir í kirkju og biðja himnaföðurinn um ,,daglegt brauð"? Hvað þurfa mörg ár að líða svo að fólk til lands og sjávar biðji Guð um sitt viðurværi?

Segir ekki í trúarbók ríkis stofnunarinnar, þjóðkirkjunnar: ,,Með hverju getur ungur maður haldið vegi sínum hreinum? Með því að gefa gaum að Orði Drottins"!

Við höfum of lengi leyft trúleysinu leika lausum hala og leika unga fólkið grátt. Það fólk verður seinna stjórnendur, þingmenn og dómarar. En er það fólk með sterka réttlætiskennd? Hefur þetta fólk þá sannfæringu að Guð sem er yfir okkur mætir okkur þar sem við erum?

Davíð konungur sagði frá því sem hann sá hvernig Guð hugsar og bregst við okkur. Hann segir:,,Gagnvart ástríkum ert þú ástríkur, gagnvart ráðvöndum ráðvandur, gagnvart hreinum hreinn en gagnvart rangsnúnum ert þú afundinn"! (Sálm.18:26-27)

Hvernig lítur þjóðin, með þessa stjórnendur sína, á almáttugan Guð? Hvernig horfum við á Hann undir drepsóttinni, Covit-19?

Spyrjum við hvar hann haldi sig núna þegar mikið er í húfi? Þegar heilu heimsálfurnar eru lokaðar með farartálmum og skert frelsi til athafna, spyrjum við um leiðsögn frá Guði til að ráða fram úr vandanum? Gjaldeyrissjóðir þjóðanna eru að verða uppurnir og brauðhúsin tóm. Við erum að horfa uppá hrun samfélaga og örþrifaráða þar sem jafnvel allt þetta ár verður undirlagt af ráðstöfum stjórnvalda til að stemma stigu við útbreiðslu agnarsmárrar veiru. Stjórnmálamanna sem hafa gert sig seka um vítaverð mistök til verndar mannréttinda og þess að ,,allir séu jafnir fyrir lögum"! Hafi þeir sniðgengið réttlætið og gerst rangsnúnir megum við þá ekki eiga von á því að Guð sé okkur afundinn?

Í dag er gullið tækifæri til að við lítum yfir sviðið og spyrjum um hamingju leiðina svo að við megum fara hana. Hún hefur legið ljós fyrir okkur mönnunum í 2500ár. En undanfarna áratugi hafa menn hafnað og lokað á þessa leið, stjórnmálamenn sem almenningur. Við höfum þess vegna valið okkur til löggjafar og stjórnar fólk sem hefur hvorki Guðsótta né skíra réttlætiskennd.

Við sitjum uppi með kirkju sem hyggur meira um ,,mennskuna" en að kenna okkur um þann sem hefur allt vald bæði á himni og jörðu, Jesú Krist sonur Guðs. Miðalda kennimaður kristninnar sagði:

Jesú vill að þín kenning klár

kröftug sé, hrein og opinskár

lík hvellum lúðurhljómi.

Launsmjaðran öll og hræsnin hál

hindrar Guðs dýrð og villir sál

Straffast með ströngum dómi (H.P)

 

Það er vissulega til önnur leið. Hún er kölluð Guðs leið,enginn sem hana fer mun villast, jafnvel ekki fáráðlingar segir Jesaja (35:8)

Snorri í Betel

Afsakið, má enginn móðgast eða særast?

Sæll Jón, ritsjóri Fréttablaðsins.

Í dag tengir þú leiðara blaðsins við þá kröfu að kirkjan biðji ,,Svona fólk" afsökunar á fyrri afstöðu til samkynhneigðra. Eins og þú veist er kirkjan mun eldra fyrirbæri en Íslandssagan í heild sinni og því erfitt að átta sig á því hvers vegna afsökunarbeiðni ætti að koma frá kirkjunni til samkynhneigðra. Samkynhneigður einstaklingur er ekki ný manntegund.

Kirkjan hefur tilverugrundvöll sem er kenning postulanna, spámanna og Jesú Krist sem hyrningarstein. Ef kirkjan fer af þessum grunni þá auðvitað, þarf hún að hverfa frá mörgu sem hún hefur staðið fyrir öldum saman.
Samkynhneigðin (kynvillan) er engan veginn samþykkt meðal spámanna né postula kristninnar og því getur kirkjan, vilji hún kenna sig við Jesú Krist og postulana, beðist afsökunar á 2000 ára gamalli afstöðu til málsins. Samkynhneigð eða kynvilla erfir ekki Guðs ríki og er því leið til glötunar. Enginn sannkristinn vill að nokkur syndari glatist. Því hafa sann kristnir menn, kirkja og prestar, ævinlega boðað mönnum að þeir geri iðrun, snúi við og láti af hegðun sinni. Má kirkjan ekki vera sjálfri sér samkvæm og notast við orð Biblíunnar?

Hjónabandið hefur lent í þessum stormi. Það er, samkvæmt kenningu kirkjunnar greinilega myndað af Guði almáttugum. Eftirfarandi er haft eftir Jesú Kristi í bók Guðspjallamannsins Mattheusar:,, Hafið þér eigi lesið, að skaparinn gjörði þau frá upphafi karl og konu og sagði:,Fyrir því skal maður yfirgefa föður og móður og bindast konu sinni, og þau tvö skulu verða einn maður."(Kafli 19:5) Þetta sjónarmið hefur verið álit kristninnar til hjónabandsins og tilheyrt kirkjunni og kristnum mönnum. Ef kirkjan á að biðjast afsökunar á þessu áliti boðskapar höfundar kristninnar er langt seilst. Mig undrar stórlega hrokann sem birtist í forystugrein þinni að fara fram á afsökunarbeiðni á þessari kenningu kristninnar. Hjónabandið er frá upphafi milli karlsins og konunnar. Guðs hugsun liggur þar að baki. Hjónabandið nær því ekki til tveggja karla, tveggja kvenna eða fjölkvænis svo ekki séu nefnd önnur háttsemi manna í öðrum trúarbrögðum.
Sé krafan þín réttmæt um að kirkja og biskup biðjist afsökunar á fyrri afstöðu til kynvillunnar, hvað á þá að gera við bókina sem þessi afstaða byggist á? Hvað á Sr.Agnes að gera sem forseti Biblíufélagsins? Verður þá krafan að Biblían verði bönnuð af því að hún samþykkir ekki samkynhneigð? Á Agnes að segja sig frá forsæti í Biblíufélaginu vegna afstöðu Biblíunnar til kynvillunnar? Ég gæti haldið áfram á þessari braut.

Viljir þú ekki samþykkja kenningu Jesú Krists þá hefur þú auðvitað frelsi til að yfirgefa kirkju og kristni en vita máttu að þú verður þá í andstöðu við Jesú Krist, postulana og spámenn Drottins. Það er auðvitað ákveðin leið og fjandskapur við Guð almáttugan. Betra væri fyrir Fréttablaðið, frá mínum sjónarhóli séð,  að taka afsöðuna með Guðs tilskipun, þér og blaðinu til blessunar. Þó svo að við öll viljum breyta skoðunum eða afstöðu til ýmissa siðferðilegra mála, þá þarf nútíma afstaðan ekki að vera betri fyrir samfélagið en fyrra álit sem hefur verið á undanhaldi. Það hefur verið kallað Siðrof samtímans! Biblían nefnir þetta fráhvarf og er auðvita tákn um þann tíma sem við lifum á. Samkynhneigðinni fylgja enn sjúkdómar, vanlíðan og margskonar vandamál hins óuppfyllta manns. Er lækningin sú að samþykkja allt sem þeir Samkynhneigðu fara fram á?

Vandinn er ærinn. Krafan er stór en hefur eitthvað lagast í þessum efnum? Er kynfrelsið, kynleiðréttingarnar og eða samkynhneigðin betri fyrir manninn þó svo að við samþykkjum allar þessar kenndir? Má enginn hafa aðra skoðun og Biblíulega kristin sjónarmið í okkar ,,víðsýna og frjálslynda" samfélagi?
Er kannski ekkert umburðarlyndi til? Þú veist að umburðarlyndi er ekki það að samþykkja aðra skoðun!

Jón, ég vildi óska þess að Fréttablaðið færði okkur réttlátari kröfur en forystugreinin þín krafðist í dag. Afsökunarbeiðni Agnesar var auðvitað tengd því að ,,særa fólk"! En hvernig ætlum við að lifa í frjálsu landi með skoðanafrelsi, trúar- eða tjáningarfrelsi án þess að einhver móðgist eða særist? Auðvitað er slíkt sorglegt en má ekki sá sem ,,særist" fá brýningu að hugsa málefnið upp á nýtt? Segir máltakið ekki: ,,Vel meint eru vinar sárin"?

Ég er auðvitað þér ekki sammála og sama þó þú særist yfir því eða ekki, þá bið ég þér Guðs blessunar og brýni þig til að endurskoða afstöðu þína og taka Biblíulega afstöðu, sem hefur staðist 5000 ára mannkynssögu. Hjónabandið er milli karls og konu, enda skapaði Guð Adam og Evu.

Snorri í Betel

Lúðurinn gellur...!

Það voru 150 þjóðir sem tóku þátt í ,,verkfalli" út af loftslagsbreytingum. Mannfjöldinn náði einhverjum milljónum og fólkið náði bæði eyrum fjölmiðla og stjórnmálamanna. Nú er þetta aðkallandi verkefni sem þessi mikli skari vil breyta.

En af hverju er þessi ótti hjá ungu fólki? Hægt er að tala um að fókið upplifi dómsdag innan seilingar! Í hugum ungmennanna er þessi ,,dómsdagur" dagur eyðingar, myrkurs og tortímingar. En hvað liggur að baki?

Biblían og kristin trú boðar okkur ,,dómsdag"! Sá dagur er ekki öllum hagstæður, bara sumum. Munið þið eftir sögunni að hann skipti sauðunum og höfrunum í tvær fylkingar, öðrum til hægri og hinum til vinstri. Þessa sögu er að finna í Matteusarguðspjalli kafla 25. Þar er sagan knýtt við að Mannssonurinn kemur í dýrð sinni og dæmir á milli þeirra sem fá refsingu og hinna sem fá inngöngu í eilíft líf. Þetta er uppgjörið mikla sem við öll stefnum að. En það er undanfari að þessum atburði.Sá undanfari birtist með þessum orðum: ,,Tákn mun verða á sólu, tungli og stjörnum og á jörðu angist þjóða, ráðalausra við dunur hafs og brimgný."(Lúk. 21:25)

Þessi einkenni ,,angist þjóða", ,,ráðleysi við dunur hafs og brimgný" hafa einmitt áhrif á allar þessar milljónir barna sem hrópa á hjálp og biðja um betri framtíð!

Þegar svona atbrðir gerast þá eru spádómar Biblíunnar að ganga í uppfyllingu og við sjáum það ekki?

Undanfarna áratugi hefur Biblían verið fjarlægð frá þjóðunum, úr skólunum, réttarsölunum og jafnvel kirkjunum. Þær hafa byggt boðun sína á ,,guðfræði" en sleppt Biblíunni sem grundvelli boðunarinnar. Börnin sem hópast saman á torg og stræti vita ekki hvaðan á sig stendur veðrið!

Orð okkar og verk eru vissulega að koma niður á samtímanum. Allt Guðleysið, löggjöf sem útilokar Guð og kallar á vald dauðans hefur líka áhrif á náttúruna. Kristna trúin boðar að:,,sköpunin stynur" vegna þess að hún er í ánauð. Við syndafallið náði afl eyðingarinnar þeim tökum sem enginn losar nema með því að við, menn, göngum Kristi á hönd.

Ókyrrð náttúrunnar er nátengd illri hegðun mannsins og er því núna undanfari þess að Kristur komi aftur, sem betur fer! Það er ekki nokkur leið fyrir okkur mennina að betrumbæta andrúmslotið eða laga sköpunarverkið nema með því að breyta hegðun okkar og trú. Við verðum að viðurkenna að Guð er Faðir og skapari, Hann setti okkur lög og reglur og samkvæmt þeim er tilveran undir lögmáli Guðs. Fyrsta og æðsta lögmálið er þetta: Elska skaltu Drottinn Guð af öllu hjarta og öllum mætti"! Það er best gert með því að gerast lærisveinn Jesú Krists enda er hann vegurinn! Látið frelsast frá þessari rangsnúnu kynslóð!

Við þessi hróp milljónanna um lausn þá er tækifæri fyrir kirkjuna að snúa við úr pólitískum rétttrúnaði stjórnmálanna og hefja raust sína til að boða það sem í Bókinni stendur. Hún varar okkur við og segir:,,Og eigi gjörðu þeir iðrun né létu af manndrápum sínum og töfrum, frillulífi sínu og þjófnaði."! (op.9:21)

Hvort viltu að rætist í þínu lífi? Að ganga Kristi á hönd og dvelja í vernd hans eða gjöra ekki iðrun? Það er ekki um fleirri kosti að ræða.

Básúna Biblíunnar ómar!Taktu mark á lúðurhljómnum!

 

Snorri í Betel

Kórvilla kirkjunnar!

 

Hann Pence hefur aldeilis hleypt skriðunni af stað. Það upphófust blaðaskrif, andmæli og fánaveifur. Stórfyrirtæki veittu vilyrði fyrir notkun á fánastöngum sínum, Austurvöllur var nýttur af samsafni guðleysingja, transfólki og hernámsandstæðinga og nokkrir vígðir kirkjunnar menn rituðu dálka, greinar og prédikanir helgaðar andstöðunni við Pence.

 

Allir þessir aðilar vilja njóta tjáningarfrelsis og segja skoðun sína en helst þagga niður í Pence sem hefur ,,stór-hættulegar skoðanir” eins og Þórhildur Sunna flokkaði þær.

 

Hverjar eru þær helstu ,,stórhættulegu” skoðanir Pence? Hann er á móti fóstureyðingum. Það er lífshættuleg skoðun að viljaeyða fóstrum og verja fóstureyðingar alla vega fyrir ung barnið í móðurlífi. Hin hættulega skoðunin er afstaða hans til samkynhneigðar. Hann kallar sig kristinn og er því samkvæmur sjálfum sér í því máli. Það hlýtur að vera hættulegri skoðun að vilja þagga niður í öllum sem eru ekki á sama máli og Samtökin 78.

 

Hið undarlegasta í öllum þessum mótmælenda skara eru nokkrir miðaldra prestar sem hafa tjáð sig með mörgum orðum á myndrænan hátt. Þeir hafa allir lýst því yfir að vera ,,guðfræðilega” ósammála Pence þó að skoðanir Pence séu einmitt settar fram með tilvísanir í Biblíuna og þau kristnu gildi sem þar er að finna.

Pence er inná því að samkynhneigður maður er ekki ný manntegund. Þessi lífsmáti er synd og í andstöðu við skikkan skaparans. Þegar vígðir prestar lýsa þannig andstöðu sinni við boðskap Biblíunnar þá hlýtur það að teljast kórvilla kirkjunnar þjóna.

Ef biskup veitir þeim ekki tiltal vegna villu sinnar þá er kirkjan væntanlega sammála prestunum og kirkjan er þá sjálf í kórvillu. Kórvilla er skilgreind sem:,,stórkostleg villa, höfuð villa”!

Hallgrímur Pétursson segir í Pássíusálmum sínum:

Þú guðs kennimann

þenk um það

þar mun um síðir grennslast að

hvernig og hvað þú kenndir.

Að lærisveinum mun líka spurt

sem lét þitt gáleysi villast burt.

Hugsa glöggt hvar þú lendir.

 

Davíð Þór, tefldi 48200 köngulóm á móti því að Guð færi í manngreinarálit. Pence er inná því að Guð fer ekki í manngreinarálit svo kristnin, Davíð Þór og Pence eru sammála um þetta atriði.

Allir þessir prestar, Bibían, Pence og kirkjuvörðurinn í Hallgrímskirkju eru líka sammála því að Guð sé kærleikur og Guð elski mennina. Því var heldur ekki mótmælt við Höfða eða Austurvöll. Við höfum sem kristnir menn boðað það að allir séu undir synd og getum ekki losnað undan valdi hennar nema með hjálp Jesú Krists.  Því atriði var nefnilega sleppt, sem er grundvallar atriði í kristnum trúarboðskap að: ,,Gæska Guðs vill leiða þig til iðrunar”! (Róm 2:4)

Leiðin frá syndinni er sú sama sem Páll postuli þurfti að fara og útlistuð er  með þessum orðum :,,með harðúð þinni og iðrunarlausu hjarta safnar þú sjálfum þér reiði á reiðidegi er réttlátur dómur Guðs verður opinber. Hann mun gjalda sérhverjum eftir verkum hans.! (Róm 2:5 -6)

 

Það er því eins gott fyrst málið er svona vaxið að tala satt og rétt til allra manna. Prestarnir eru vígðir og á launum til að segja satt. Það er illt ef staða mannsins er fegruð og látið í skína að iðrun sé ekki kristileg eða ekki tengd kærleika Guðs.

 

 

Skoðum hvað Jesús segir við gyðingana. Hann var þeim gefinn til að frelsa þá en þeir komu sér undan því. Í Mattheusarguðspjalli segir Jesús:,,Því að frá hjartanu koma illar hugsanir, manndráp, hórdómur, saurlifnaður, þjófnaður, ljúgvitni, lastmælgi. Þetta er það sem saurgar manninn”! (15: 19). Mennirnir eru þvi ekki góðir og allir án afsökunar. Enginn hefur efni á að hrósa sér eða telja sig undanþeginn því að iðrast og ganga undir Guðs lögin. Hann segir okkur hvernig við erum og hvað okkur ber að gjöra. Allar köngulærnar verða að lúta skikkan skaparans og við líka. 

 

Pence er sammála því að við verðum að snúa okkur frá þessum lífsmáta syndarinnar, Jesús segir það líka, kristin kirkja hefur boðað þetta sl 2000 ár. Af hverju ætti ég ekki að trúa þessum boðskap Jesú Krists? Af hverju stíga prestar fram og tala þvert á það sem Biblían, postularnir og Jesús hafa boðað? Samkvæmt honum er ekki í lagi að eyða mönnum (líka fóstrum), lífa í hórdómi og saurlifnaði (líka kynvillu) og ljúgvitni, bera á borð guðfræði lyginnar sem afvega leiðir hinn synduga mann.

 

Það sem best væri að gera er að sópa gólf þjóðkirkjunnar. Losa hana við presta sem ljúga að samtökunum 78 og segja að Guð dæmi ekki þeirra lífsmáta. Þeir fara gegn heilráðum Hallgríms Péturssonar sem eru hér að framan! Gæska Guðs vill nefnilega leiða þetta fólk til iðrunar. Gæska Guðs vill líka fá að sópa Gólf og spillt hugarfar guðfræðinga sem hafna Biblíunni og taka ekki mark á kenningargrundvellinum sem er: Orð Postulanna, Spámannanna og Jesú sem hyrningarstein. 

Kristnin mun halda áfram með sama boðskap. Pence mun ekki skipta um skoðun en mun ,,Gæska Guðs fá að leiða þig til iðrunar?

 

Fögnum fjölbreytileikanum?

þetta slagorð er mikið notað til að hampa samkynhneigð og réttindum samkynhneigðra. Fjölbreytileikinn er samt víðfeðmara hugtak því það nær yfir alla og þá vandast málið. Fögnum fjölbreytileikanum má ekki ná yfir Israel Folau eða Snorra í Betel. Þeir sem voga sér að nota Biblíuna fá sömu útreið og hinn smurði. Þeir verða reknir úr samfélagi manna, skóla, kirkna og íþrótta. Fjölbreytileikinn er svo þröngsýnn að hann þolir ekki 1.Kor 6 sem Ísrael Folau vísar til! Eru menn vissir um að ,,fjölbreytileikinn” sé ekki of víðtækt hugtak fyrir jafn þröngsýn viðhorf og samkynhneigðin er? Við erum nefnilega mörg til sem bendum á þennan lífsmáta sem syndugan og lífsmáta til glötunar! Fögnum sannleikanum því hann lagar ,,fjölbreytileikann” og gerir hann umburðarlyndari, ekki mun af veita!

snorri í betel

Segir ummælin tilvitun í Biblíuna

stórmerki?

Sagt er að menn hafi þyrpst að ,,frá sér af undrun" er þeir heyrðu þá tala á ,,vorum tungum um stórmerki Guðs"! Þessi frásögn Postulasögunnar vekur góð hughrif þegar þýska lögreglan lýsir bjargvætti ökumannsins í þessari frétt sem Heilögum Anda sem var jú sendur af Jesú Kristi til bjargar kristninni og hjálpari manna.

Það þarf ekki djúpvitran guðfræðing til að sjá áhrif hins Heilaga Anda í kristnu starfi kirkjunnar í gegnum 2000 ár. Reyndar eru margir sem líta á starf Heilags Anda sem ,,annarlegt ástand". Sumir lýkja áhrifum Andans honum við drykkjuskap og að menn sækist eftir annarlegum áhrifum eða nokkurskonar vímugjafa hins kristna manns eins og Guði þóknanlegt fyllerí. En það er ekkert hæft í slíkum kennisetningum. Heilagur Andi er hjálpari en ekki vímugjafi. Hann getur veitt okkur innsýn og skilning, gefið mönnum snertingu og kraftaverk, hann upplýsir sálarsjón okkar manna fyrir einmitt stórverkum Guðs. Það er kirkjunni nauðsyn að hönd Guðs sé í verki í störfum hennar. 

Kirkjan er eins og ökumaðurinn, komin yfir strikið og á slæmum stað. Hún virðist stunda afstöðuleysi í löggjöf og mikilvægum málum samtímans. Dúfan sem bjargaði kauða frá sektarmiðanum og lýst er í fréttinni er líkt og Heilagur Andi að bjarga andliti kirkjunnar þegar hún er komin yfir strikið í undanlátsseminni.

Þegar Heilagur Andi var gefinn söfnuðinum þá færðist líf og kraftur yfir kirkjuna og útlendingarnir urðu orðlausir af undrun. Sama þarf að gerast hjá okkur að kirkjan varðveiti boðskainn um helgi lífsins, mikilvægi réttlætisins og nauðsyn iðrunar.

Við á Íslandi eigum enga von um bjarta framtíð á þessari braut sem við erum komin á aukin réttur til fóstureyðinga, ,,frátekin rými til lögbrota" og afstöðuleysis í siðrænum atriðum. Umburðarlyndið er ekki lengur til staðar heldur aðeins uppgjöf í að halda uppi málstað hins kristna réttlætis.

Dúfa Heilags Anda svífur yfir vötnum en finnur hún lendingarstað eða hverfur hún aftur til heimkynna sinna án þess að drepa niður fæti? Guð hjálpi okkur.

Snorri í Betel

„Heilagur andi“ kom í veg fyrir hraðasekt

Lífs rétturinn!

Hvaða stefna var það sem fyrir miðja síðustu öld flokkaði mannslífin í æðri og óæðri menn?

Sú stefna hreinsaði ,,aumingjana” og þá sem minna màttu sín burt úr samfélaginu. Þeir sem réðu höfðu réttindi, voru yfir aðra hafnir og taldir übermench!

Hvaða stefna leysti svarta menn úr þrældómi og barðist fyrir því að allir menn fæddust jafnir og ættu jafnan rétt til lífsins? Hún skapaði eitt mesta stórveldi veraldarsögunnar!

Var Alþingi að velja helstefnu í dag? Börn réttdræp að vilja móður fram að 23.viku meðgöngu! Og konurnar hrópuðu af gleði uppá áheyrendapöllum.

þið sem sögðum nei við þessari nazísku hugmyndafræði, takk!

snorri í betel

Frumvarp um þungunarrof samþykkt

fordæmd árás?

Enn eina ferðina bera fjölmiðlar okkur frétt af ótrúlegri grimmd og skipulögðum manndrápum á kristnum, útlendingum og hótelgestum. Nú er það á SriLanka. Forseti þeirrar eyju tengdi þessi hryðjuverk við drápin í moskunum á Nýja Sjálandi. Líklega hefndaraðgerð?

Flest ríki, kirkjur og samfélög fordæmdu manndrápin í Christchurch sem er auðvitað nauðsynlegt. Við eigum ekki að drepa fólk hverrar trúar sem það er. Það eru kristin gildi að varðveita lífið. Boðorðin 10 segja okkur einnig að við skulum ekki mann deyða! 

En böndin berast að Múslimum sem framkvæmdu þessi illvirki. Auðvitað fordæmum við kristnir þessi verk og notum jafnvel sterk orð um þau.

En það er eitt sem óróar mig og það er þögnin sem berst frá hinum múslimska heimi. Enginn múslimi hefur látið hafa eftir sér á samfélagsmiðlum fordæmingu á þessum hryðjuverkum. Engin ríkisstjórn né þjóðhöfðingi múslimsks ríkis hefur fordæmt hryðjuverkin á SriLanka!

Er það kannski vegna þess að í Islam eru ekki boðorðin 10? Jafnvel að þar er ekki boðskapur um að varðveita lífið? 

Er það ekki nokkuð ljóst að af þögninni má ráða mismun á kristni, gyðingdómi og Islam? Í kristni og gyðingdómi er sjötta boðorðið: ,,Þú skalt ekki morð fremja"! 

Meðan Islam virðir ekki boðorðin 10 verður aldrei til góð sambúð mismunandi trúarbragða. Sorglegt!

En sjá Íslendingar þetta? Eða verður þessi færsla bara sett undir hatursorðræðu?

Það er alveg kominn tími til að menn líti yfir sviðið og spyrji hvenær verður látið til skarar skríða hér á landi? Við gætum verið í skotlínunni áður en varir, nákvæmlega eins og 1627.

Stöndum gegn manndrápum! Varðveitum Kristnina sem sjáaldur augnanna!

Snorri í Betel

Tveggja Dana saknað

undarlegt upphaf?

Eldurinn í Notre Dame kom eins og elding úr heiðskíru lofti. Enginn átti von á þessu að menningarverðmæti og franska sagan frá 1163 yrði teflt í svona mikla tvísýnu. Það er samt hægt að gleðjast yfir réttum viðbrögðum slökkviliðs Parísar að geta bjargað jafn miklu af verðmætum og raun varð á. Þar kom til rétt mat og rétt viðbrögð  brunavarða. Þeir voru greinilega læsir á ástandið.

Hin ,,brennandi kirkja" náði athygli allrar heimsbyggðarinnar. Mikið tjón varð en sennilega er flest af því hægt að bæta og jafnvel betrumbæta. Greinilegt er að samhugur varð með heimsþekktum og auðugum fyrirtækjum sem lofa framlagi sem nemur milljörðum króna til að endurreisa Frúarkirkjuna. Meira að segja Macron steig fram og lofaði því í nafni frönsku þjóðarinnar að kirkjan yrði endurbyggð. En er ekki aðskilnaður milli ríkis og kirkju í Frakklandi? Er það þá ekki lögbrot að ríkið sé með puttana í trúmálum þar?

Ég held að sá aðkilnaður hafi orðið 1906 og þá var hann svo ákveðinn að hið kirkjulega hjálparstarf kaþólsku kirkjunnar hér á landi í tengslum við frönsku sjómennina var lagt af. Á þeim árum voru rekin sjúkrahús hér á landi sem kallaðir voru frönsku spítalarnir til aðstoðar við frönsku sjómennina frá Bretan-skaga. Eftir aðskilnað ríkis og kirkju hætti ríkissjóður Frakklands að leggja fé í trúarstarf Kaþólskra sem hafði þau áhrif að kaþólsk kirkja reis að nýju hér á landi.

Við brunann ætla allir að leggja endurreins Notre Dame lið, hvað sem trúin svo sem er fyrir suma.

Það sem vekur athygli mína er einmitt þessi áhrif sem bruninn hefur. Ein bygging er meira en timbur og grjót. Byggingin er kirkja með sögu og vitnisburð atburða sem mega ekki gleymast. Sumt af reynslunni er bara sorg og harmur en annað er glæsileiki, fegurð og list. Þessu er blandað saman í sögunni og við síum ekki hvort frá öðru gleði og sorg.

Eru páskarnir ekki einmitt slík hátíð sem samanstendur af gleði og sorg. Við tengjum páskana saman við frí, súkkulaði og Passíusálma. Hvað er að því að einn dagur hátíðarinnar fái að varðveitast sem langur og leiðinlegur? Má okkur ekki líka leiðast og taka okkur frí í að ,,djamma og djúsa"?

Notre Dame kirkjan var reist til að minnast þess sem gerðist á páskum árið 30 AD. Hún var einnig framhald af sögu gyðinga þegar þeir voru leystir úr þrælahúsi Egyptalands um 1450 fyrir Krist. Gyðingarnir eiga líka ríka sögu gleði, sorgar og hörmunga.  Þannig minnir byggingin okkur á sögulega atburði sem tengir okkur við von og trúararf upprisunnar sem kristnin boðar. Fyrirheit fyrir hinn kristna, gyðinginn og heiðingjann fyrir trú á hinn líðandi þjón, Jesú Krist og upprisinn frelsara með eilíft líf að launum.  Og nú ætla menn að endurreisa þetta táknræna hús hvort sem við erum sammála boðskapnum og innihaldinu eða ekki. Húsið er meira en það sem við sjáum, kirkjan er líka saga Frakklands.

Vonandi sjáum við einnig hina ,,brennandi trúuðu" kristnu kirkju hér á okkar kalda landi. Að Ísland þurfi ekki að vakna við þá martröð að menning og saga okkar er að fuðra upp og við kunnum ekki að bjarga verðmætum sem gefur þjóðarvitund okkar kraft og innihald.

Við sjáum að það sem okkur fannst vera til tjóns ætlar að snúast Frökkum til góðs. Þetta er saga kristninnar í hnotskurn það sem Biblían segir: ,,Þér ætluðuð að gjöra mér illt en Guð snéri því til góðs, til að gjöra það, sem nú er fram komið að halda lífi í mörgu fólki" (1.Mós.50:20)

Fyrst Guð getur snúið Notre Dame brunarústunum til góðs, hvað heldur þú að hann geti ekki gert við þig sem jafnvel upplifir þig sem brunarúst og með allt ónýtt í þínu lífi?

Guði er ekkert um megn - ,,Fel Drottni vegu þína og hann mun vel fyrir sjá"!

Gleðilega upprisuhátíð. Mundu að Jesús dó ekki fyrir Notre Dame, heldur fyrir þig! Við erum mikilvægasta sköpunarverk Guðs. Biddu hann um meðferð og leiðsögn!

Snorri í Betel

Efna til samkeppni um hönnun turnspírunnar

Páskar og mannfórnir.

Kristna trúin ber af hvað varðar mannréttindi og lífsvernd. Innan hennar er lögmál kærleikans og höfundur trúarinar leggur það til fylgjenda sinna að aðeins eitt boðorð gefi hann þeim:,,að elska hvern annan"!

Þetta er nú ekki flókið!

En er það framkvæmanlegt? Við sem búum í svokölluðu kristnu þjóðfélagi búum samt við gríðarlega misjöfn kjör. Einnig er augljóst að mikið vantar á að kristnar dyggðir séu í hávegum hafðar.

Búið er að t.d. reikna út þá upphæð sem talin er vera lágmarksupphæð lífskjara. Við erum samt með stóra hópa sem glíma og ná ekki saman endum. Bæði þeir ungu og hinir gömlu að ég nefni nú ekki öryrkjana sem geta ekki beitt verkfallsvopninu og mega éta það sem úti frýs. Ástæðan er að sanngirnin sem er angi kærleikans skortir. Þessum er ,,fórnað" til að peningakerfið standi betur.

Ætli þetta sé lögmál í mannheimi að ,,fórna öðrum" til að hinir hafi það betra? Helsti galli við heiðnina var einmitt sá að þar mátti fórna mönnum fyrir hina. Hin forna heiðni eins og Víkingatrúin var undirlögð af mannfórnum. 

Þrælaþjóðfélög sögunnar skipti mönnum í æðri og óæðri allt frá dögum Súmera og til okkar daga. Ein mesta þrælauppreisn sögunnar og sú fyrsta sem heppnaðist fullkomlega var brottför Ísraelsmanna úr Egyptalandi. Álitið er að yfir 2 milljónir þræla hafi losnað úr ánauð á einni nóttu. Síðasta nóttin í ánauðinni kostaði alla frumburði Egyptalands lífið. Aðeins var ein undankomuleið frá engli dauðans en hún var að rjóða blóði páskalambsins á dyrastafi og dyratré útidyra híbýla manna. Við það að hafa blóðið á dyrakarminum fór dauðinn ekki inní heimilin og allir fengu að lifa. Þeir sem ekki hlýddu skipuninni og ruðu ekki blóði lambsins á dyrastafina opnuðu dyrnar fyrir dauðanum. Eftir á vissu þeir hversu skelfilegt það var að missa af blóðverndinni. Þessa er minnst með Páskahátíðinni enda þýðir orðið páskar framhjáganga, þegar dauðinn gekk framhjá blóðugum dyrum hinna hlýðnu og trúuðu.

Oft stöndum við í sömu sporum að velja vitlaust af því okkur finnst við vita betur. Þetta á sérstaklega við um þá tilhneigingu okkar að velja ekki vernd Guðs yfir okkur. Þó gaf hann okkur Jesú, son sinn, sem varð mannfórn fyrir okkur, mætti dauðanum og afvopnaði hann á páskum arið 30 e.kr. Í dag er boðskapurinn ,,til þess að hver sem á hann trúir glatist ekki heldur hafi eilíft líf"!

Treystum við því að mannfórn hans afli okkur eilífs lífs? Eða treystum við okkar eigin hyggjuviti til að mæta því sem lífið býður uppá? Allir þurfa að mæta dauðanum, ,,eitt sinn skal hver deyja" en hin kristna trú býður þér að vera í réttu fötunum þegar sú stund kemur einmitt þeimm að vera íklæddur Kristi. Hann fór fyrir okkur í dauðann og sigraði.

Mannfórnir eru því ekki innan kristninnar nema í þeirri mynd að við, hvert og eitt, gefumst Kristi til að við sjálf lifum ekki framar heldur Kristur í oss. Þannig íklæðumst við Kristi og mætum bæði dauðanum og dómsdegi í rétta gallanum, íklædd Jesú Kristi.

Er ekki kominn tími á að ,,dressa sig upp"?

 

Kveðja Snorri í Betel